პარლამენტი მიწის მართვის ეროვნული სააგენტოს შექმნას აანონსებს და ამასთან, სასოფლო-სამეურნეო მიწების უცხოელებზე გასხვისებასთან დაკავშირებით მოსალოდნელი რეგულაციების დაინტერესებული პირებისთვის გაცნობას გეგმავს. საკითხის განხილვა გასული წლების მსგავსად თუ არ გაჭიანურდა, გაზაფხულზე უცხოელები ქართულ მიწებზე სიახლეებს გაიგებენ.
ფინანსთა მინისტრმა მამუკა ბახტაძემ 6 ახალი ინიციატივა წარადგინა - ახალი ინიციატივებზე ბახტაძემ მთავრობის სხდომის შემდეგ გამართულ პრესკონფერენციაზე ისაუბრა.
მშენებლობაზე დარღვევის აღმოჩენის პირველივე შემთხვევაში, ჯარიმა 30 000 ლარი იქნება. ეს ინფორმაცია თბილისის მერისა და პარლამენტის თავჯდომარეს შორის გამართული შეხვედრის შემდეგ გახდა ცნობილი. როგორც, კახა კალაძე აცხადებს, ცვლილებები უსაფრთხოების ნორმების დარღვევაზე სანქციების გამკაცრებას ითვალისწინებს. სტუმრები: ირაკლი როსტომაშვილი - მენაშენეთა ასოციაციის ხელმძღვანელი; ირაკლი ბერიძე - დეველოპერი
თბილისში ევროპის საავიაციო ფორუმის, CONNECT 2018-ის საიუბილეო, რიგით მე-15 ღონისძიება დაიწყო. 22 თებერვლის ჩათვლით, ფორუმში 65 ავიაკომპანიისა და 250 აეროპორტის 500-ზე მეტი წარმომადგენელი მიიღებს მონაწილეობას. ფორუმზე დამსწრე დელეგატები განიხილავენ საჰაერო ტრანსპორტის სფეროში არსებულ და მოსალოდნელ გამოწვევებს. ასევე, საფუძველი ჩაეყრება ავიაკომპანიებსა და აეროპორტებს შორის ახალ ავიამიმართულებაზე თანამშრომლობას. ფორუმის მიზანია, რაც შეიძლება მეტი ავიაკომპანია დაინტერესდეს საქართველოს ბაზრით. სტუმარი: ქეთი ალექსიძე - აეროპორტების გაერთიანების დირექტორი
საპენსიო რეფორმას კრიტიკოსები ემატება. საქართველოს ახალგაზრდა იურისტთა ასოციაციაში მიაჩნიათ, რომ დაგროვებითი პენსიის შესახებ კანონის პროექტი, მოქმედ კონსტიტუციას ეწინააღმდეგება, რადგან იგი საპენსიო შენატანების სახით ახალი გადასახადის დაწესებას ითვალისწინებს, რისთვისაც 94-ე მუხლის თანახმად, რეფერენდუმია საჭირო. სხვათაშორის, საია პირველი არ არის, რომელიც ამ მოსაზრებას ავრცელებს. რამდენიმე დღის წინ ჩვენს ეთერში ამავე ხასიათის შენიშვნა კონსტიტუციონალისტმა ლევან ალაფიშვილმა დააფიქსირა. სტუმარი: სოფო ჭარელი - საიას საპარლამენტო მდივანი
2018 წლის იანვრის მონაცემებით, საქართველოს მასშტაბით 3 ვარსკვლავიანი სასტუმროების საშუალო ფასმა 124 ლარი შეადგინა. ამ ტიპის სასტუმროებში ყველაზე მაღალი დღიური განაკვეთი, 2017 წლის დეკემბრის მსგავსად, დაფიქსირდა მცხეთა-მთიანეთის და სამცხე-ჯავახეთის რეგიონებში, საშუალოზე შესაბამისად 53% და 33%-ით მაღალი. პი ემ სი ჯი აქვეყნებს კვლევას “სასტუმროს საშუალო ფასები საქართველოში და სასტუმროს ფასების ინდექსი”. სტუმარი: გოგა ხიშტოვანი - pmc კვლევითი ცენტრის დირექტორი
ქართული კომპანია, რომელიც ციფრულ მარკეტინგულ მომსახურებას გერმანიაში, ლიტვაში, ლატვიაში, აშშ-სა და სინგაპურში ყიდის. კომპანია ADVERTWISE-ში, რომლის შექმნის და მუშაობის ისტორიას მოგიყვებით, ამჟამად 22 ადამიანი საქმიანობს. სტუმარი: მერაბ გოცირიძე - ADVERTWISE ხელმძღვანელი
ბაზარზე განთავსებული შესაბამისი პროდუქტების უსაფრთხოების უზრუნველყოფა, რათა აღნიშნულმა პროდუქტებმა არ შეუქმნან საფრთხე ადამიანის ჯანმრთელობას, სიცოცხლეს, საკუთრებას ანდა გარემოს. ამ მიზნით, „პროდუქტის უსაფრთხოებისა და თავისუფალი მიმოქცევის კოდექსში” ცვლილებები შედის. კანონით დადგენილი ნორმებისა და ზედამხედველობის სტანდარტების დაცვა კი ტექნიკური და სამშენებლო ზედამხედველობის სააგენტომ და მისმა შესაბამისმა უწყვებამ უნდა უზრუნველყოს, რომელიც ასევე ცვლილებების ფარგლებში იქმნება. სტუმარი: გენადი არველაძე - ეკონომიკის მინისტრის მოადგილე
დაგროვებითი პენსიის შესახებ კანონის პროექტს საფინანსო-საბიუჯეტო კომიტეტზე განიხილავენ. როგორც იცით, საპენსიო რეფორმის ამოქმედება 2018 წლის მესამე კვარტალში იგეგმება. წარმოდგენილი მოდელის მიხედვით, დაგროვებით საპენსიო სისტემაში მონაწილეობა 40 წლამდე დასაქმებულთათვის სავალდებულო იქნება, რაც იმას გულისხმობს, რომ დასაქმებული, დამსაქმებელი და სახელმწიფო, მოქალაქის საპენსიო ფონდში დაუბეგრავი ხელფასის 2%-ით მიიღებენ მონაწილეობას. სტუმარი: ნიკოლოზ გაგუა - ფინანსთა მინისტრის მოადგილე
კერძო საჯარო პარტნიორობის შესახებ კანონის შექმნის შემდეგ სავალუტო ფონდი მთავრობასა და კერძო სექტორს შორის პირდაპირი შეთანხმებების დადების ლიმიტირებას ითხოვს. რას მოიცავს კანონი და როგორია ფონდის რეკომენდაცია, ამასთან, რა დაშვებებს დაუტოვებს ფონდის პროგრამა ენერგეტიკულ პროექტებს - ამის შესახებ საქართველოში სავალუტო ფონდის წარმომადგენლობის ხელმძღვანელს ფრანსუა პეშოს ექსკლუზიურად საქმის კურსისთვის
26%-ით გაზრდილი ექსპორტი და 18%-იანი ზრდა იმპორტში - საქსტატმა იანვარში საგარეო სავაჭრო ბრუნვის მაჩვენებლები გამოაქვეყნა, რომელმაც წინასწარი მონაცემებით, ჯამში დაახლოებით 817 მილიონი დოლარი შეადგინა, საიდანაც იმპორტი 594 მლნ დოლარი იყო, ექსპორტიდან მიღებული შემოსავალი კი - დაახლოებით 223 მილიონი. უარყოფითმა სავაჭრო ბალანსმა 2018 წლის იანვარში 371.2 მილიონი დოლარი და საგარეო სავაჭრო ბრუნვის 45.5 პროცენტი შეადგინა.
სესხის შესახებ ინფორმაციის მესამე პირისთვის გამჟღავნების გამო 13 ფინანსური ორგანიზაცია დაჯარიმდა. სანქციები მიკროსაფინანსო ორგანიზაციებსა თუ ამომღებ კომპანიებს პერსონალურ მონაცემთა დაცვის ინსპექტორის აპარატმა დააკისრა. ინსპექტორი „საქმის კურსთან“ აცხადებს, რომ ძირითად შემთხვევებში კომპანიები სესხის ამოღების მიზნით მსესხებლის ვალდებულებების შესახებ ინფორმაციას აწვდიან არაუფლებამოსილ პირებს - მშობლებს, მეგობრებს, მეზობლებს და ამისთვის სოციალური ქსელებიც გამოიყენება. აქვთ თუ არა საფინანსო ინსტიტუტებს უფლება თქვენი სესხის შესახებ ინფორმაცია მესამე პირებს მიაწოდონ და რეგულირდებიან თუ არა ამ მიმართულებით ორგანიზაციები ეროვნული ბანკის მხრიდან?
დღეს პარლამენტის ჯანდაცვის კომიტეტმა შრომის უსაფრთხების შესახებ კანონი მეორე მოსმით განიხილა. პროექტი, რომელზეც განსხვავებული პოზიციები ჰქონდა როგორც ბიზნესს, ისე არასამთავრობო სექტორს, დღეს ჩასწორებული დებულებებით წარადგინეს პარლამენტში.
როგორც უკვე იცით, საქართველოში თვითმფრინავების კომპოზიტური ნაწილების ქარხანა აშენდება, რომელიც სრული დატვირთვით წლის ბოლოს უნდა ამოქმედდეს. მის პარტნიორებს შორის კი ისეთი საავიაციო გიგანტები უნდა იყვენენ, როგორიცაა, ბოინგი, ეარბასი, ბომბარდიერი. საწარმო, საპარტნიორო ფონდისა და ისრაელის კომპანია ელბიტ საიკლონის პარტნიორობით იქმნება. ამ თემაზე საპარტნიორო ფონდის ხელმძღვანელმა საქმის კურსის ეთერში რამდენიმე დღის წინ ვრცლად ისაუბრა. სტუმარი: დავით საგანელიძე - საპარტნიორო ფონდის ხელმძღვანელი
პარლამენტის ჯანდაცვის კომიტეტი შრომის უსაფრთხოების შესახებ კანონს მეორე მოსმენით განიხილავს. საკომიტეტო მოსმენას როგორ ბიზნეს სექტორის, ისე არასამთავრობო ორგანიზაციების წარმომადგენლები ესწრებინ. თავდაპირველ დოკუმენტთან შედარებით კანონპროექტში გარკვეული ცვლილებები შევიდა.
მთავრობა მცირე ბიზნესის ხელშეწყობის მეორე ტალღას აანონსებს. ამის შესახებ პრემიერმა მთავრობის დღევანდელ სხდომაზე განაცხადა.
ახლოვდება გაზაფხული და სეტყვის საწინააღმდეგო სისტემის გამოყენება, რომელსაც სამეცნიერო-ტექნიკური ცენტრი დელტა ფლობს, დღითიდღე საჭირო იქნება. თუმცა, დელტა მხოლოდ სეტყვასთან საბრძოლველად არ მუშაობს. ამ ორგანიზაციის საექსპორტო არეალი, სამხედრო ტექნიკის წარმოების პარალელურად, წლიდან წლამდე იზრდება. სტუმარი: უჩა ძოძუაშვილი - "დელტას" გენერალური დირექტორი
პარლამენტმა დაგროვებითი პენსიის შესახებ კანონპროექტის განხილვა დაიწყო. საპენსიო რეფორმის ამოქმედება 2018 წლის მესამე კვარტალში იგეგმება. როგორც იცით, დაგროვებითი პენსია 40 წლამდე დასაქმებულთათვის სავალდებულო იქნება, რაც იმას გულისხმობს, რომ დასაქმებული, დამსაქმებელი და სახელმწიფო, რეფორმაში დაუბეგრავი ხელფასის 2%-ით მიიღებს მონაწილეობას. გარდა კანონპროექტისა, არსებობს რეფორმის რეგულირების გავლენის შეფასების დოკუმენტიც, რომელიც ISET-მა მოამზადა, თუმცა მას მთავრობა საიდუმლოდ ტოვებს. სამაგიეროდ ღიაა იურიდიულ საკითხთა კომიტეტზე კანონპროექტის განხილვა.
საკონსტიტუციო სარჩელი, რომელიც 112-ის მომსახურების საფასურს ეხება. რატომ მოდის წინააღმდეგობაში 112-ის შექმნის შესახებ კანონი მთავრობის დადგენილებასთან და კონკრეტულად რომელი მუხლი შეიძლება, იყოს არაკონსტიტუციური?
კომპანია ამაზონი რამდენიმე ასეული თანამშრომლის შემცირებას გეგმავს, სამხრეთ კორეაში კი მილიარდერი ქრთამის მიცემისთვის დაიჭირეს.
თემაზე მედიაციისა და არბიტრაჟის განვითარება ბიზნეს გარემოს გაუმჯობესებისათვის, საკანონმდებლო, აღმასრულებელი და სასამართლო ხელისუფლების, ბიზნესის, დიპლომატიური კორპუსისა და საერთაშორისო ორგანიზაციების წარმომადგენლების შეხვედრა შედგა. დისკუსიის შემდეგ კი რამდენიმე აქტუალური საკითხის შესახებ კონკრეტული ინფორმაცია გაჟღერდა.
ელექტრონულ ტენდერებთან და კონკურსებთან დაკავშირებით საჩივრებს დავების განახლებული საბჭო განიხილავს. „საქმის კურსი“ დაინტერესდა, არსობრივად, რას ემსახურება ეს განახლება, იცვლება თუ არა დავების განხილვის აქამდე არსებული მოდელი და პრინციპები. სტუმარი: ზაზა ნანობაშვილი - შესყიდვების სააგენტოს თავმჯდომარის მოადგილე
მედიაციისა და არბიტრაჟის განვითარება ბიზნეს გარემოს გაუმჯობესებისათვის. შეხვედრა, რომლის მიზანი ბიზნესის წარმომადგენლებისათვის დავების ალტერნატიული გადაწყვეტის გზებთან დაკავშირებით საქართველოში არსებული მდგომარეობის გაცნობაა. დისკუსიაში საკანონმდებლო, აღმასრულებელი და სასამართლო ხელისუფლების, ბიზნესის, დიპლომატიური კორპუსისა და საერთაშორისო ორგანიზაციების წარმომადგენლები მონაწილეობენ.
დღეს თბილისის მერიაში დედაქალაქის მთავრობის სხდომა საკადრო ცვლილებებზე საუბრით დაიწყო. როგორც კახა კალაძისგან ცნობილი გახდა, მერიაში შიდა აუდიტი ჩატარდა, რასაც თანამდებობის ორი პირი შეეწირა. გარდა ამისა, დღესვე საუბარი იყო თბილისის ბიუჯეტში შესატან ცვლილებებზე.
დღეს თბილისის მერიაში ბაგა ბაღების საკვებით მომარაგებასთან დაკავშირებით სხდომა გაიმართა. სადაც ელექტრონულ შესყიდვაში გამარჯვებულად კომპანია ნილი დასახელდა. კომპანიის მიმართ ბოლო ერთი თვის განმავლობაში მრავალი ბრალდება გავრცელდა. საქმის კურსი შეეცადა ნილის წარმომადგენლებისგან პასუხები მოესმინა.
ტექნიკური უნივერსიტეტის პროფესორებმა ფაროსანას საწინააღმდეგო ქართული პრეპარატი გამოიგონეს. რა უპირატესობები აქვს ახალ წამალს და როდის ის შევა ექსპლუატაციაში .
ტყით სარგებლობის წესები გამკაცრდა. მთავრობის დადგენილება, რომელიც თებერვლის დასაწყისშია მიღებული, ძირითადად საბიუჯტო ორგანიზაციების მიერ ხე-ტყის გამოყენების ორგანიზებას ცვლის და ამ ახალი წესების ავტორების განმარტებით, აწესრიგებს კიდეც. ანუ მაგალითად, სკოლების, ან საბავშვო ბაღების შეშით მომარაგებას სატყეო სააგენტო უზრუნველყოფს და არა თავად სკოლა და ბაღი. სტუმარი: ნინო თანდილაშვილი - გარემოს დაცვისა და სოფლის მეურნეობის მინისტრის მოადგილე
ლარიზაციის პროგრამის შედეგები ერთი წლის შემდეგ- რას ამბობს ეროვნული ბანკის სტატისტიკა და როგორია მოსახლეობის დამოკიდებულება. ხელისუფლებამ ლარიზაციის პროგრამისთვის, რომელიც ქვეყანაში დოლარზე დამოკიდებულების შემცირებას ისახავს მიზნად, აქტიური ნაბიჯების გადადგმა 2017 წლიდან დაიწყო. ლარიზცაიის პროგრამა ხელისუფლების წარმომადგენლების მხრიდან გარკვეულწილად შეფასდა, საინტერესოა, რას ფიქრობს მოსახლეობა ახალ პოლიტიკაზე და რა ვალუტაში ურჩევნიათ მათ სესხის აღება.
შენი იდეა ქალაქის მერს - ასეთი სათაურით მეორე დღეა, ახალი ვებპორტალი მუშაობს, რომლის მიზანია დედაქალაქის მოსახლეობის იდეების თბილისის მერიისთვის მიწოდება. ამიტომ თუ ხართ იდეებით დახუნძლული, უნდა აკრიფოთ მისამართი - idea.tbilisi.gov.ge და ატვირთოთ წერილობით. თბილისის მთავრობას მიაჩნია, რომ ეს ინიციატივა მოსახლეობას დედაქალაქის განვითარებაში უფრო აქტიურად ჩართავს. 13 თებერვლის, ამ წუთის მდგომარეობით, საიტზე უკვე 95 განაცხადია დაფიქსირებული. სტუმარი: ვახტანგ ჭედიშვილი - მუნიციპალური სერვისების განვითარების სააგენტოს თავმჯდომარე
რა საინვესტიციო პოტენციალი აქვს თბილისის? - ბოლო წლების განმავლობაში არაერთი პროექტი დაანონსდა - ზოგი განხორციელდა, ზოგი პროექტად დარჩა. ამიტომ საინტერესოა, რა გეგმა აქვს დედაქალაქის ახალ მთავრობას. გაწერილია თუ არა გარკვეული ნაბიჯები წლების მიხედვით ინვესტიციების მოსაზიდად სტრატეგიულ დოკუმენტში?
Bitfury ჯგუფმა თბილისში, გლდანში მდებარე დატა ცენტრი გაყიდა. ცენტრის ახალი მფლობელი აზიური Chong Sing Holdings-ია, რომელთანაც მოლაპარაკებები რამდენიმე თვის განმავლობაში მიმდინარეობდა. Bitfury-ის აღმასრულებელი დირექტორის ვალერი ვავილოვის განცხადებით, დატა ცენტრის გაყიდვა, აზიის ბაზარზე კომპანიის გაფართოვებას ემსახურება მიზნად. „გარიგება აძლიერებს ჩვენს ურთიერთობას ჩინელ პარტნიორებთან და ეხმარება კომპანიას გააგრძელოს წარმატებული გაფართოვება აზიის ბაზარზე“, - განაცხადა ვავილოვმა. სტუმარი: ეფრემ ურუმაშვილი - ფინანსისტი
თურქეთის დიპლომატიური კორპუსი აპირებს, რომ კონკრეტული საინვესტიციო გეგმები საქართველოს ხელისუფლების პრიორიტეტების მიხედვით ჩამოაყალიბოს და მთავრობის დირექტივებს მიყვეს - აღნიშნულთან დაკავშირებით საქართველოში თურქეთის ელჩმა ფატმა სერენ იაზგანმა საქმის კურსისთვის მიცემულ ინტერვიუში ისაუბრა და საქართველო-თურქეთს შორის ეკონომიკური ურთიერთობებიც მიმოიხილა.
პარლამენტმა სამშენებლო კოდექსის განხილვა დაიწყო. ჯერ მხოლოდ ერთმა საკომიტეტო მოსმენამ ჩაიარა. ეს ის დოკუმენტია, რომელიც მთავრობამ ჯერ კიდევ 2016 წელს წარუდგინა პარლამენტს, თუმცა ორი წელი ძირითადად დაინტერესებულ მხარეებთან შეხვედრას დაეთმო და არა საკანონმდებლო განხილვებს. კოდექსის პროექტი მრავალ სიახლეს ითვალისწინებს - სამშენებლო სექტორის სავალდებულო ზეამხედველობის სისტემა, არქიტექტორების სერტიფიცირება, სამშენებლო მასალების ხარისხის კონტროლი, ენერგოეფექტურობის ნორმები და ა.შ. სტუმარი: ილია წულაია - საპარლამენტო უმრავლესობის წევრი
საქართველოს შრომის, ჯანმრთელობისა და სოციალური დაცვის მინისტრი დავით სერგეენკო მიიჩნევს, რომ შშმ პირებისთვის პენსია გასაზრდელია. როგორც დავით სერგეენკომ პარლამენტში, საკომიტეტო მოსმენაზე განაცხადა, სისტემა სამედიცინოდან სოციალურ, ანუ საჭიროებაზე მორგებულ მოდელზე უნდა გადავიდეს და ამ გადასვლისას უნდა მოხდეს პენსიის თავიდან დათვლა.
ქრონიკული დაავადებების სამკურნალო მედიკამენტებით უზრუნველყოფის პროგრამა უკვე მერვე თვეა, რაც მუშაობს. ამ პროგრამის არსი ასეთია - სოციალურად დაუცველები, რომელთა სარეიტინგო ქულა ასი ათასზე ნაკლებია, სოციალური მომსახურების სააგენტოში შესაბამის დოკუმენტაციას წარადგენენ, რეგისტრაციას გადიან და პრეპარატების მისაღებად აფთიაქში მიდიან. მიღებული წამლების სანაცვლოდ კი მაქსიმუმ ერთ ლარს იხდიან. ამ პროგრამის ხარჯები და დაფარვა იყო ერთ-ერთი საკითხი, რაც დღეს პარლამენტში ჯანდაცვის მინისტრთან შეხვედრაზე ფრაქცია ევროპული საქართველოდან ზურაბ ჭიაბერაშვილმა წამოჭრა. სტუმრები: ზურაბ ჭიაბერაშვილი - საპარლამენტო უმცირესობის წევრი; აკაკი ზოიძე - ჯადაცვის კომიტეტის თავმჯდომარე .
როგორ აისახება საგარეო და საშინაო ეკონომიკური ფაქტორები ლარის მსყიდველობით უნარზე? - ეროვნული ბანკის მონეტარული პოლიტიკის ახალი ანგარიში და ყველა დეტალი, რაც ინფლაციაზე გავლენას ახდენს.
გიორგი სალაყაიას არგუმენტები ბიზნესომბუდსმენმა. ირაკლი ლექვინაძემ მოისმინა. სტუმარი: ირაკლი ლექვინაძე - ბიზნესომბუდსმენი
საქართველოში სავალდებულო დაზღვევის ცენტრი შეიქმნა. ეს ორგანიზაცია იმ პირებს მოემსახურება, რომლებიც უცხო სახელმწიფოში რეგისტირებულ ავტოსატრანსპორტო საშუალებას მართავენ. როგორც იცით, 1 მარტიდან საქართველოს ტერიტორიაზე მოძრავი უცხო სახელმწიფოში რეგისტრირებული ავტოსატრანსპორტო საშუალების მფლობელის სამოქალაქო პასუხისმგებლობის დაზღვევა სავალებულო ხდება. სტუმარი: გიორგი ჩაჩუა - სავალდებულო დაზღვევის ცენტრის გენერალური დირექტორი
მეორე დღეა, ღვინის კომპანია ბადაგონში ფინანსთა სამინისტროს საგამოძიებო სამსახურია შესული. უწყების მიზანია გაარკვიოს, მიითვისა თუ არა კომპანია ბადაგონის 50%-იანი წილი გიორგი სალაყაიამ, რომელიც ამჟამად ბადაგონის ხელმძღვანელი და ამავე დროს დამფუძნებელია. საგამოძიებო სამსახური ამბობს, რომ სამართლებრივი პროცედურები ბადაგონის ყოფილი მეწილის, კომპანია გრაკორო ტრეიდინგ ლიმიტედის წარმომადგენლის, ვლადიმერ ჯანჯღავას განცხადების საფუძველზე დაიწყო. გუშინდელი დღე დაეთმო ზეპირ ბრალდებებს და პასუხებს, სალაყაიასა და ჯანჯღავას ადვოკატს შორის, თუმცა საქმე მხოლოდ წილებს არ ეხება. გიორგი სალაყაია აცხადებს, რომ ამ ყველაფერში საქართველოს პარლამენტის ყოფილი წევრის დავით ბეჟუაშვილის ინტერესებია. სტუმარი: ზვიად კორძაძე - ადვოკატი
მედიკამენტებზე ხელმისაწვდომობის გაზრდის მიზნით ჯანდაცვის მინისტრი დავით სერგეენკო ფარმაცევტული კომპანიების წარმომადგენლებს შეხვდა. კერძო და სახელმწიფო სექტორების პარტნიორობის ფარგლებში უნდა გაფართოვდეს მოსახლეობის წრე, რომელიც მედიკამენტებს სიმბოლურ, ან შეღავათიან ფასებში მიიღებს.
მთავრობის სხდომის დაწყებამდე გაკეთებულ განცხადებებს, გიორგი კვირიკაშვილმა ისაუბრა ბრიუსელში გამართულ ვიზიტზე, სადაც ასოცირების საბჭოს სხდომა გაიმართა და განიხილეს როგორც ასოცირების ხელშეკრულებით გათვალისწინებული განხორციელებული შედეგები, ისეც დაგეგმილი რეფორმები. პრემიერმა თქვა, რომ ევროკავშირის შეფასებით, საქართველოსთვის დასახული სამოქმედო გეგმის ყველა მიმართულებაში პოზიტიური შედეგი გვაქვს. კვირიკაშვილის თქმითვე, მთავრობის მიერ დასახული სამოქმედო გეგმები ცდება ასოცირების დღის წესრიგით გათვალისწინებულ გეგმებს, არის გაცილებით ამბიციური და ამასაც ევროკავშირი ძალიან დადებითად ხვდება. როგორც პრემიერმა აღნიშნა, ბრიუსელში ვიზიტის ფარგლებში გამართულ შეხვედრებზე საუბარი შეეხეო ენერგეტიკის მიმართულებით საქართველოს მნიშვნელოვან როლს.