საშემოდგომო და საგაზაფხულო კულტურების ნათესი ფართობების მოცულობა ბოლო ოთხი წლის მინიმუმზეა - საქსტატმა მემცენარეობის შესახებ 2017 წლის წინასწარი შედეგები გამოაქვეყნა.
ფერმერებისთვის მთავარი პრობლემა შესაბამისი ლაბორატორიების არარსებობაა. განცხადება ფერმერთა ასოციაციის წევრებისა და ბიზნესომბუდსმენის შეხვედრაზე გაკეთდა. რა საითხები განიხილეს ღონისძიების მონაწილეებმა?
მეოთხე თვეა, რაც ტექნიკური დათვალიერების სავალდებულო წესი მოქმედებს. ჯერ-ჯერობით ეს ვალდებულება სამგზავრო და სატვირთო ავტოსატრანსპორტო საშუალებებს აქვთ. ვიდრე ყველა ავტომობილი მათ გზას დაადგება, ეკონომიკის სამინისტრომ ტექნიკური მომსახურების გასაწევად ახალი კომპანია უნდა შეარჩიოს, რომლის მომსხურება რეგიონებშიც განაწილდება. სტუმარი: მიხეილ ხმალაძე - ეკონომიკისა და მდგრადი განვითარების სამინისტროს, სახმელეთო ტრანსპორტის სააგენტო; დირექტორი
ბოლო ორი კვირის მთავარი თემა - საგადასახადო ცვლილებები ფინანსთა სამინისტროსგან და მინისტრის განცხადებები ბანკებზე, - ამ თემების შეფასება საქმის კურსმა ექსკლუზიურად საერთაშორისო სავალუტო ფონდის მისიის ხელმძღვანელს სთხოვა. ახალ საგადასახადო რეფორმასთან დაკავშირებით მთავრობამ კონსულტაციები IMF-თან უკვე გაიარა.
ფინანსთა მინისტრმა კომერციული ბანკების წარმომადგენლები გუშინ მწვავე კითხვებზე პასუხების გასაცემად დაიბარა. საუბრის ძირითადი თემა სასტარტო კაპიტალის რეფორმა და ამ გზით მცირე და საშუალო ბიზნესის განვითარების ხელშეწყობა იყო. მამუკა ბახტაძეს მიაჩნია, რომ ეს ყველაფერი თამაშის სამართლიანი წესების დაცვით მიიღწევა.შეხვედრის შემდეგ მედიამ ორი-სამი ბანკის წარმომადგენლები შეიძლება ითქვას, გამოიჭირა, თუმცა დეტალური ინფორმაცია, რაზე ისაუბრეს ბახტაძესთან, ვერ მიიღო. განმარტებები ჟურნალისტებთან არც ფინანსთა მინისტრმა ისურვა. სტუმარი: ვახტანგ ბუცხრიკიძე - TBC ბანკი-ის გენერალური დირექტორი
საქართველოს სავაჭრო-სამრეწველო პალატა ბრიტანეთის ყოფილი პრემიერის, დევიდ ქემერონის ინიციატივის- Good Goverence Fund-ის განხორციელებაშია ჩართული. ინიციატივის მიზანი იყო განვითარებადი ქვეყნებისთვისს გაეწიათ დახმარება, რათა ასეთ ქვეყნებში წარმოებული პროდუქცია გათანაბრებოდა ევროპულ სტანდარტებს და ასეთი ქვეყნების კომპანიებს საშუალება ჰქონოდათ ევროპის ქვეყნებში ექსპორტის. სტუმარი: გრიგოლ ბაიბურთი - სავაჭრო პალატის მომსახურების და რეგიონული განვითარების დეპარტამენტის დირქტორი
ფინანსთა მინისტრის მიერ ბანკების მისამართით გასული დღეების განმავლობაში გაკეთებული კრიტიკული განცხადებები დღეს ბიზნეს სექტორმა შეაფასა, რომელსაც შინაგან საქმეთა მინისტრთან შეხვედრა ჰქონდა. გარდა ამ კონკრეტული თემისა, საუბარი ქვეყანაში არსებულ კრიმინოგენულ ვითარებას და ბიზნეს გარემოს შეეხო. რა განაცხადეს დისკუსიის დამთავრების შემდეგ მხარეებმა?
საქართველოს აქვს კანონი “ მაღალმთიანი რეგიონების განვითარების შესახებ”, რომელიც 2016 წლის 1 იანვრიდან ამოქმედდა. კანონი მთაში მუდმივად მცხოვრები ადამიანებისათვისსოციალურ შეღავათებს და ეკონომიკური საქმიანობის წახალისებასითვალისწინებს. როგორც აღმოჩნდა არსებობს გარკვეულიგამონაკლისები, როდესაც მოქალაქეს ამ სიკეთეებით სარგებლობა არ შეუძლია, სწორედ ამიტომ, 2018 წლის 10 აპრილს საქართველოს ახალგაზრდა იურისტთა ასოციაციამ, სარჩელით მიმართა საქართველოს საკონსტიტუციო სასამართლოს და მოითხოვა საგადასახადო კოდექსში არსებული ჩანაწერის იმ ნორმატიული შინაარსის გაუქმება, რომელიც ზღუდავს მაღალმთიან რეგიონებში მცხოვრებ პირებზე საგადასახადო შეღავათების თანაბრად გავრცელებას. მოსარჩელე არის ნინოწმინდის მუნიციპალიტეტში მუდმივად მცხოვრები პირი, თუმცა მასზე საგადასახადო შეღავათი არ გავრცელდა, რადგან იგი ცხოვრობს ნინოწმინდის მუნიციპალიტეტის ერთ ადმინისტრაციულ ერთეულში, ხოლო მისი მიწის ნაკვეთი ამავე მუნიციპალიტეტის სხვა სოფლებში მდებარეობს. სტუმარი: გიორგი გოცირიძე - საიას იურისტი
საერთაშორისო სავალუტო ფონდის მისიამ და საქართველოს ხელისუფლებამ მიაღწიეს შეთანხმებას „გაფართოებული დაფინანსების მექანიზმით“ მხარდაჭერილი საქართველოს პროგრამის მეორე მიმოხილვის წარმატებით დასრულების თაობაზე, რაც დასამტკიცებლად სავალუტო ფონდის აღმასრულებელ დირექტორთა საბჭოს მიმდინარე წლის ივნისში წარედგინება. სწორედ ამ საკითხზე მთავრობის კანცელარიაში პრესკონფერენცია გაიმართა, რომელსაც მთავრობის წარმომადგენლები, ეროვნული ბანკის პრეზიდენტი და თავად ფონდის მისიის ხელმძღვანელი მერსედეს ვერა მარტინი ესწრებოდნენ. როგორ აფასებს მისია საქართველოში ეკონომიკური რეფორმების მიმდინარეობას? სტუმარი: ეკატერინე მიქაბაძე - ეკონომიკის მინისტრის მოადგილე
იმ ფონზე, როცა უკვე რამდენიმე დღეა ფინანსთა მინისტრის განცხადებებს ვისმენთ იმასთან დაკავშირებით, რომ კომერციულ ბანკებს მაღალი საპროცენტო განაკვეთები აქვთ დაწესებული ბიზნესპროექტებისთვის, რაც კონკურენტუნარიანი იდეების განხორციელების საშუალებას არ იძლევა, საინტერესოა რა ხდება რეგიონის ქვეყნებში და დანარჩენ მსოფლიოში, ანუ რა ღირს სხვაგან ბიზნეს სესხები?
საბანკო სექტორისა და ფინანსთა მინისტრის შეხვედრა - მამუკა ბახტაძემ შეხვედრა უკომენტაროდ დატოვა
სპეციალური პირობები ფერმერებისთვის აგროსესხებსა და მოსავლის დაზღვევაზე - ამ მიზნით ფინკა ბანკსა და სადაზღვევო კომპანია „ჯიპიაი ჰოლდინგს“ შორის ურთიერთთანამშრომლობის მემორანდუმს მოეწერა ხელი. სტუმრები: ირაკლი აბაშიძე - "ფინკა ბანკის" საკრედიტო დეპარტამენტის უფროსი ნათია ფერაძე - "ჯიპიაი ჰოლდინგის" პროექტის მენეჯერი
რატომ ვერ განახორციელა მთავრობამ ვეტერანებისთვის სოფლის აშენების იდეა? - ეს პროექტი 2015 წელს ვეტერანების საქმეთა სახელმწიფო სამსახურმა დაიწყო. ჩატარდა კვლევა, რაც 200 ათასი ლარი დაჯდა. იმავე წელს ითქვა, რომ ბიუჯეტიდან დაახლოებით 75 მილიონი ლარი დაიხარჯებოდა იმ ტერიტორიაზე, რაც ჩვენთვის ცნობილია რუსული დასახელებით - „პობედა“. პროექტის თანახმად, სასოფლო-სამეურნეო გაერთიანების შექმნა იგეგმებოდა იმ მოედლის მიხედვით, რაც ისრაელში “მოშავის“ სახელწოდებით არსებობს. მოკლედ რომ ვთქვათ, ვეტერანებს სოფლის მეურნეობის პროდუქცია უნდა ეწარმოებინათ და გაეყიდათ. სტუმარი: ირაკლი შიხიაშვილი - ვეტერანების სახელმწიფო სამსახურის ყოფილი ხელმძღვანელი
შრომის საერთაშორისო ორგანიზაციისა და საქართველოს დამსაქმებელთა ასოციაციის ორგანიზებით - „შრომის უსაფრთხოება და ჯანმრთელობა - ახალი რეალობა და გამოწვევები“, თემაზე კონფერენცია შედგა. შეხვედრას, შრომის საერთაშორისო ორგანიზაციისა, ჯანდაცვის სამინისტროს, ეკონომიკისა და მდგრადი განვითარების სამინისტროს, პროფკავშირების, არასამთავრობო ორგანიზაციების წარმომადგენლები, ასევე ბიზნეს ომბუდსმენი და ბიზნეს სუბიექტები ესწრებედნენ.
თანამშრომლობის ხელშეწყობა განათლებასა და ბიზნესს შორის - ეს იდეა აქვს საფუძვლად ტურიზმისა და მასპინძლობის ინდუსტრიაში მოღვაწე კომპანიებისა და საგანმანათლებლო დაწესებულებების წარმომადგენლებს შორის შეხვედრას, სადაც ამ ინდუსტრიებს შორის თანამშრომლობის განვითარებისთვის ჩატარებული კვლევის პირველადი შედეგების პრეზენტაციას გაიმართა.
“მე მინდა მინისტრებს ვთხოვო, რომ სხდომის შემდეგ ჩაბრძანდეთ და გააკეთოთ კომენტარები მედია ოთახში“, - განაცხადა გიორგი კვირიკაშვილმა მთავრობის სხდომის დაწყებამდე.
აგროდაზღვევის პროექტი რომელიც 2014 წელს დაიწყო თითქმის ყოველწლიურად განიცდის ცვლილებებს. ახალი მოდელის მიხედვით, რომელიც გარემოს დაცვისა და სოფლის მეურნეობის სამინისტროს ეკუთვნის წინა წლებისგან განსხვავებით, პროგრამით ისარგებლებს ფერმერი, რომელსაც მიწის ნაკვეთი დარეგისტრირებული აქვს. აგროდაზღვევის პროგრამაში ჩართვა შეეძლება საქართველოს ტერიტორიაზე ლიცენზირებულ ყველა სადაზღვევო კომპანიას. აგროდაზღვევის ახალი პროგრამისთვის, ბიუჯეტიდან წელს 9 მილიონი ლარი გამოიყოფა. სტუმარი: მიხეილ ჯაფარიძე - არდის დირექტორი
აგროდაზღვევის პროექტი რომელიც 2014 წელს დაიწყო თითქმის ყოველწლიურად განიცდის ცვლილებებს. ახალი მოდელის მიხედვით, რომელიც გარემოს დაცვისა და სოფლის მეურნეობის სამინისტროს ეკუთვნის წინა წლებისგან განსხვავებით, პროგრამით ისარგებლებს ფერმერი, რომელსაც მიწის ნაკვეთი დარეგისტრირებული აქვს. აგროდაზღვევის პროგრამაში ჩართვა შეეძლება საქართველოს ტერიტორიაზე ლიცენზირებულ ყველა სადაზღვევო კომპანიას. აგროდაზღვევის ახალი პროგრამისთვის, ბიუჯეტიდან წელს 9 მილიონი ლარი გამოიყოფა.
ტურიზმის ეროვნული ადმინისტრაცია სარეკლამო და მარკეტინგული მომსახურებისთვის 20-ნახევარ მილიონ ლარს დახარჯავს, თან უტენდეროდ. თანხა 2018 წელს სხვადასხვა ტიპის ღონისძიებების ორგანიზებასა და გამოფენებში მონაწილეობასაც მოხმარდება. ამასთან ერთად, ტურიზმის ეროვნული ადმინისტრაცია წელს ახალ პროექტს - „ღიმილი გიბრუნდება“ იწყებს.
მშენებლობის ნებართვის გაცემის წესებში მორიგი ცვლილება იგეგმება. ამჯერად საქმე მოსაკრებლებს ეხება. მომზადებული კანონპროექტის მიხედვით, თუ აქამდე მოსაკრებლის მოცულობა განაშენიანების ფართობზე იყო დამოკიდებული, ახალი რეგულაციით, თანხის გადახდა განაშენიანების ინტენსივობის კოეფიციენტის მიხედვით მოხდება, რომელიც უკვე მშენებლობის სართულებსაც ითვალისწინებს. სტუმარი: დავით სონღულაშვილი - საპარლამენტო უმრავლების წევრი
ელექტროენერგიის გაზრდილი მოხმარება, შეიძლება ითქვას, რომ სახელმწიფოსთვის ამოცანებს ართულებს. ამ გამოწვევაზე ყველა შესაძლო პასუხებს შორის შეიძლება, იყოს ახალი ჰიდროელექტროსადგურები, ქარისა და მზის ენერგიების ათვისება და რეგიონის ქვეყნებთან სავაჭრო ურთიერთობების გაღრმავება. როგორ მუშაობს ამ მხრივ საქართველოს მთავრობა? სტუმარი: რომეო მიქაუტაძე - ეკონომიკის სამინისტრო, მოადგილე
ორი კვირის წინ პრემიერ-მინისტრმა ურეკი-შეკვეთილის გენგეგმის დამტკიცებას მოაწერა ხელი. ეს დოკუმენტი ეკონომიკის სამინისტროს დაკვეთით „არტ სტუდიო პროექტმა“ მოამზადა.
პარკირების ძველი ოპერატორი “სითი პარკი” სამართლებრივი დავის გზას დაადგა. კომპანიამ თბილისის მერიის წინააღმდეგ უკვე შეიტანა სარჩელი თბილისის საქალაქო სასამართლოში.
„ამიერიდან სვანეთში ჰესები აღარ აშენდება, მათ შორის: ხუდონ ჰესი, ნენსკრა ჰესი, მესტიაჭალა ჰესი და ზემო სვანეთში დაგეგმილი სხვა 50-ზე მეტი ჰესი!.. ვკრძალავთ სვანეთში უკლებლივ ყველა ისეთ ინფრასტრუქტურულ პროექტს, რომელიც ხელყოფს, აზიანებს, ასახიჩრებს, ანგრევს და აპარტახებს სვანეთის უნიკალურ ბუნებას!“, - ეს არის ამონარიდი სვანეთის თემთა შეკრების მიერ 5 მარტს გავრცელებული განცხადებიდან, რომლითაც მათ პარლამენტის თავმჯდომარეს, სახალხო დამცველს, საქართველოში აკრედიტირებულ დიპლომატიურ მისიებსა და საერთაშორისო საფინასო ინსტიტუტებს მიმართეს. ბოლო ორი თვის განმავლობაში არაერთი საპროტესტო აქცია გაიმართა ჰესების მშენებლობის წინააღმდეგ. მართალია, ადგილზე რიგ კომპანიებს აქვთ კანონიერი უფლება, რომ ააშენონ ჰიდროელექტროსადურები, მაგრამ მათი საქმიანობა მოსახლეობის პროტესტის გამო ფერხდება.
საკურიერო მომსახურების ოპერატორი კომპანია TNT დახმარებისთვის ბიზნეს ომბუდსმენს მიმართავს. კომპანიას დახმარება მას შემდეგ დასჭირდა, რაც საკონსტიტუციო სასამართლოში შეტანილი სარჩელის არსებითად განხილვა 2017 წლის თებერვალში დასრულდა, გადაწყვეტილება კი დღებმდე უცნობია. რაც შეეხება სარჩელის მიზეზებს - TNT მოითხოვს გაუქმდეს 2010 წელს სახელმწიფო შესყიდვების შესახებ კანონში შეტანილი ნორმა, რომელიც სახელმწიფო უწყებებს აძლევს საშუალებას, თუ მომსახურებას შპს “საქართველოს ფოსტისგან” შეიძენენ, ტენდერი არ გამოაცხადონ. კანონში ამ ჩანაწერმა ბაზრის სხვა მოთამაშეები დააზარალა. შესაბამისად TNT-მ საკონსტიტუციო სასამართლოში საქართველოს პარლამენტს უჩივლა. ბუნებრივია საქმის კურსი დაუკავშირდა საკონსტიტუციო სასამართლოს, საიდანაც შემდეგი პასუხი მივიღეთ, რომ სასამართლო იმყოფება გადაწყვეტილების მიღების ეტაპზე. ამასთან განმარტავენ, რომ მას შემდეგ, რაც საკონსტიტუციო სასამართლოში მოსამართლეები შეიცვალნენ, განახლებული შემადგელობა სხვადასხვა საქმის მასალებს ეცნობა და მათ გარკვეული დრო სჭირდებათ. სტუმარი: ნინო მენთეშაშვილი TNT-ს დირექტორი
რა პრობლემები ექმნება სადაზღვევო კომპანიების ნაწილს ტენდერებში, როდესაც შემსყიდველი სახელმწიფო ორგანიზაციაა? - საკითხი რომელიც კონკურენციის საგენტომ უკვე შეისწავლა და შესაბამისი დასკვნაც დადო კვლავ აქტუალურია.
მიმდინარე წლის თებერვალში საქართველოში შიდა ფრენები შეჩერებული იყო. როგორც აღმოჩნდა, ამის მიზეზი კომპანია „სერვის ეართან“ შეწყვეტილი ხელშეკრულება გახდა, რომელმაც ვალდებულებები ვერ შეასრულა და ხელშეკრულების გაგრძელებაზე უარი განაცხადა. ხელისუფლებამ კომპანიის შემცვლელი მალევე იპოვა და დროებითი ხელშეკრულება „აკ ეართან“ გააფორმა, თუმცა გაირკვა, რომ ამ კომპანიის უკანაც სერვისეარის დამფუძნებელი დგას. რატომ შეცვალა საქართველოს აეროპორტების გაერთიანებამ ხელშკერულების პირობები ახალ კონტრაქტორთან და რა გახდა „სერვის ეარის“ ფინანსური რესურსის ამოწურვის მიზეზი.
დღეიდან თბილისის ქუჩებში კომპანია სითი პარკი აღარ დაგაჯარიმებთ, მათ ნაცვლად დარღვევებზე თბილისის ტრანსპორტის საქალაქო სამსახური მიგითითებთ, დაჯარიმების შესახებ შეტყობინებას კი მონიტორინგის სამსახურის თანამშრომლები გასცემენ, სწორედ ისინი, ვინც აქამდე მხოლოდ ავტობუსებში გვხვდებოდნენ. მათთან ერთად სითი პარკის ძველი თანამშრომლებიც იმუშავებენ. რა რესურსი დასჭირდება თბილისის მერიას იმისთვის, რომ პარკირების სისტემა აკონტროლოს და იმ მთავარ პრობლემას, რაც პარკირების ადგილების დეფიციტს გულისხმობს, რა გეგმას დაახვედრებს დედაქალაქის მთავრობა?
საქართველოს ფინანსთა მინისტრი მამუკა ბახტაძე ბიზნესასოციაციის წევრებს შეხვდა და ახალი საგადასახადო ინიციატივები გააცნო.
განხორციელებული საკანონმდებლო ცვლილებების მიმდინარეობა - ეს იყო მთავარი თემა საქართველოს ეროვნული ბანკის მენეჯმენტის და პარლამენტის საფინანსო საბიუჯეტო კომიტეტის თავმჯდომარის სამუშაო შეხვედრის, რომელიც საკასო ცენტრში გაიმართა.
მორიგი ტრაგედია ტყიბულში, მინდელის შახტაში გამთენიისას 6 ადამიანი დაიღუპა, სამი კი დაშავდა. დაშავებულებიდან ორის მათგანის მდგომარეობა მძიმეა. შინაგან საქმეთა სამინისტროს განცხადებით, მომხდარ ფაქტთან დაკავშირებით გამოძიება, სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს. დანაშაული 5 წლამდე თავისუფლების აღკვეთას ითვალისწინებს. სტუმარი: ელზა ჯგერენაია - ჯანდაცვის სამინისტროს შრომისა და დასაქმების პოლიტიკის დეპარტამენტის უფროსი
გადაიხედება თუ არა სადაზღვევო კომპანიების მიერ საკუთარი ზედამხედველის დაფინანსების სქემა? კერძო სექტორის ნაწილი ამბობს, რომ რეგულატორის შენახვა ძვირი უჯდება. როგორც იცით, მთავრობის გადაწყვეტილებით 2018 წლის პირველი იანვრიდან დაზღვევის ზედამხედველობის სააგენტოს თავად კერძო სექტორი აფინანსებს. ყოველწლიურად კომპანიებმა მის ზედამხედველს მოზიდული პრემიის 1% უნდა გადაურიცხონ. რას ფიქრობს თავად დაზღვევის ზედამხედველბის სააგენტო და რა პრობლემები აქვს უწყებას მარეგულირებლის სტატუსის არქონის გამო.
ფინანსთა სამინისტრომ ახალი საგადასახადო შეღავათები წელს უკვე მეორედ წარმოადგინა. ბოლო ინიციატივების პაკეტის მიხედვით, როგორც მინისტრმა განაცხადა, მეწარმე თავისუფლდება ზედმეტი ბიუროკრატიული პროცედურებისაგან და ნაცვლად ხუთი საგადასახადო დოკუმენტისა, ისარგებლებს მხოლოდ ერთი გაერთიანებული დოკუმენტით. მეორე ეხება სასოფლო-სამეურნეო პროდუქციის მწარმეობლებს. კერძოდ, მამუკა ბახტაძემ თქვა, რომ შეიცვლება საკანონმდებლო ნორმები, რომლებიც გარკვეულწილად უზღუდავს მსხვილ ბიზნესს მიკრო ბიზნესის მიერ წარმოებული პროდუქციის შეძენას და მესამე ინიციატივა - უცხოელ ინვესტორებს ონლაინ რეჟიმში შეეძლებათ საქართველოში კომპანიების დარეგისტრირება. სტუმრები: დავით პაპიაშვილი - Kreston Papiashvili Consulting Group; მმართველი პარტნიორი ზურაბ ლალაზაშვილი - BDO; მმართველი პარტნიორი
მიმდინარე წელს ჩაის რეაბილიტაციის სახელმწიფო პროგრამის ბიუჯეტი 900 ათასი ლარია, რაც გასული წლის თანხებს ორჯერ აღემატება. ეს პროექტი, დასახელებით ქართული ჩაი, 2016 წლის ზაფხულიდან არსებობს და ბენეფიციარებს 5-დან 300 ჰექტრამდე ჩაის პლანტაციების რეაბილიტაციას სთავაზობს. სტუმარი: ლევან უროტაძე - ჩაის რეაბილიტაციის პროგრამის მენეჯერი
მარტის მონაცემებით, კომერციული ბანკების მიერ დეპოზიტების დაზღვევის ფონდში განხორციელებული სადაზღვევო შენატანების ჯამი მილიონ 207 ათას 300 ლარია. როგორც იცით, დეპოზიტების დაზღვევის სისტემამ მიმდინარე წელს დაიწყო მუშაობა. მისი მთავარი მისია მოქალაქეების თანხების, კერძოდ კი 5000 ლარის ფარგლებში დეპოზიტების რისკებისგან დაზღვევაა. სტუმარი: ოთარ ძიძიკაშვილი - დეპოზიტების დაზღვევის სააგენტოს უფროსი
მორიგი საგადასახადო შეღავათები ბიზნესს - მთავრობის დღევანდელი სხდომა ახალი ინიციატივებით დაიწყო. მაგალითად, არარეზიდენტ პირებს საქართველოში კომპანიების ონლაინ-რეგისტრაცია შეეძლებათ. სტუმარი: მამუკა ბახტაძე - ფინანსთა მინისტრი
მაღალი დონის სასტუმროებში ფასები მცირდება, ბაზრობებს კი თანამედროვე ტიპის სავაჭრო ცენტრები ანაცვლებენ,- ასეთია უძრავი ქონების ბაზრის კვლევის შედეგი, რომელიც Colliers International Georgia-მ სააგენტო “აწარმოე საქართველოში“ მხარდაჭერით მოამზადა. კვლევა მოიცავს სასტუმროების, კომერციული, საოფისე, საცხოვრებელი, სასაწყობე უძრავი ქონების და, ასევე, გართობის სექტორის მიმოხილვას. კვლევამ ქვეყნის მასშტაბით ძირითადად 3 ქალაქი - თბილისი, ბათუმი, ქუთაისი მოიცვა.
ბაზისბაკმა, საერთაშორისო საფინანსო კორპორაცია IFC თან ახალი სასესხო ხელშეკრულება გააფორმა.
საქართველოს ინდუსტრიულ ჯგუფს 2020 წლამდე ჰიდროენერგეტიკაში, ასევე მწვანე ენერგიების ასათვისებლად, რაც მაგალითად, ქარის სადგურებით მიიღწევა, გარკვული გეგმები აქვს დასახული. იქიდან გამომდინარე, რომ ენერგეტიკის დარგი რეფორმების მორიგ ტალღას გადის, ჩვენ დავინტერესდით იცვლება თუ არა ინვესტორის მიზნები და სტრატეგია და შეძლებს თუ არა დაგეგმილი პროექტების განხორციელებას. სტუმარი: ლევან ვეფხვაძე - GIG-ის გენდირექტორის მრჩეველი
საერთაშორისო სარეიტინგო კომპანია ,,Scrope Rating’’-მა ქართული ლუდის კომპანიას’’ ბიზნეს რისკის მიხედვით BB-, ხოლო ფინანსური რისკის მიხედვით BB საკრედიტო რეიტინგი მიანიჭა. ეს ერთ-ერთი ყველაზე მაღალი რეიტინგია, რაც ქვეყანაში მოქმედმა ადგილობრივმა კერძო კომპანიებმა მიიღეს.
საქართველოს ტურიზმის ეროვნული ადმინისტრაციის ინფორმაციის მიხედვით მიმდინარე წლის მარტის თვეში საქართველოში შემოსული ტურისტების რაოდენობა გასული წლის იმავე პერიოდთან შედარებით 33 პროცენტით არის გაზრდილი, კერძოდ კი იმ უცხოელი მოგზაურების ანუ ტურისტების რიცხვმა, რომლებმაც 24 საათი და მეტი დაჰყვეს საქართველოში წელს მარტში 292 017 შეადგინა, რაც 72 403 ტურისტით მეტია 2017 წლის მარტის მაჩვენებელთან შედარებით. რაც შეეხება მარტში საერთაშორისო მოგზაურების რაოდენობას, ამ შემთხვევაში 13,2 მეათედ პროცენტიანი ზრდა გვაქვს სახეზე, რაც გულისხმობს იმას რომ 2017 წლის ანალოგიურ პერიოდთან შედარებით საქართველოში 67 472 მოგზაურით მეტი შემოვიდა. როგორც გიორგი ჩოგოვაძე განმარტავს ტურისტებისა და მოგზაურების რაოდენობის ზრდა 2015 წელს მიღებული ტურიზმის განვითარების 10 წლიანი სტრატეგიის მონაგარია.
საქართველოს პარლამენტი თბილისის მერიის ინიციატივებს დროულად ეხმაურება. საკანონმდებლო ორგანოში იმ კანონპროექტის განხილვა დაიწყო, რომელიც თბილისში ტერიტორიების დაზიანებასთან, იერსახის დამახინჯებასთან, გარე რეკლამების განთავსებასა და გარე ვაჭრობასთან დაკავშირებული რეგულაციების დარღვევისთვის ჯარიმების გაზრდას გულისხმობს. სტუმარი: ბექა ოდიშარია - საპარლამენტო უმრავლესობის წევრი
ინვესტორი, რომელიც თბილისში ფარმაცევტული საქმიანობით არის დაკავებული, თბილისის მერიას ედავება. დავის საგანი თბილისის მერიის მხრიდან სარეკრეაციო და ქარსაცავ ზოლად შეფასებული ტერიტორიაა, რომელიც კომპანია ,,ოქტინას’’ ბიზნესსაქმიანობის განსახორციელებლად აუცილებელი გზის მოწყობად სჭირდება. უარის მიუხედავად, შესაბამისმა სამსახურებმა ე.წ სარეკრეაციო ზონა ფიზიკურ პირს დაურეგისტრირეს.
მარტში წინა თვესთან შედარებით ინფლაციის დონემ საქართველოში -0,4 პროცენტი შეადგინა, ხოლო წლიური ინფლაციის დონემ 2,8 პროცენტი.
ქარის ტურბინები მსოფლიოში სულ უფრო და უფრო პოპულარული ხდება და მათი გამოყენების მასშტაბებიც იზრდება. თუმცა მათ ზომას საზღვარი აქვს. ზოგჯერ მათი ტრანსპორტირება და მონტაჟი ზედმეტად რთული ხდება, ძლიერ ქარებს კი მათი დეფორმირება შეუძლია. ამ საკითხით ვირჯინიის უნივერსიტეტის მკვლევარები დაინტერესდნენ და ამბობენ, რომ პრობლემის გადაწყვეტის გზას მიაგნეს.
გადაწყვეტილება მიღებულია. თბილისის გენგეგმის სრულყოფაზე მუშაობას სითი ინსტიტუტი გააგრძელებს. „არსებული სახით წარმოდგენილი გენგეგმის მიღება ვერ მოხდება - გადავწყვიტეთ, „სითი ინსტიტუტს“ ვალდებულებების შესრულება დავასრულებინოთ“, - აღნიშნული გადაწყვეტილების შესახებ თბილისის მერმა კახი კალაძემ საკრებულოს დეპუტატებთან და კომპანიის წევრებთან გამართული დახურული შეხვედრის შემდეგ ჟურნალისტებს ამცნო.
ტყიბულის მუნიციპალიტეტში, სოფელ მანდიკორში უახლესი ტექნოლოგიების და ტენდენციების შესაბამისი, ჩაის გადამამუშავებელი საწარმო აშენდება. ჩაის პლანტაციების რეაბილიტაციის სახელმწიფო პროგრამა „ქართული ჩაის“ ფარგლებში სოფელ მანდიკორში 17.5 ჰა გაველურებული ჩაის პლანტაციას სრული რეაბილიტაცია ჩაუტარდება. სტუმარი: თენგიზ სვანიძე - მეჩაიიეთა ასოციაციის ხელმძღვანელი
ზედაზენი ხილის გადამამუშავებელ საწარმოს ააშენებს. ქარხნის პროექტზე მუშაობა უკვე დაიწყო. გარდა ამისა, კომპანიას სიახლეები აქვს ლუდის საწარმოო ხაზზეც. ქართულმა ბაზარმა უკვე გაიცნო სკანდინავიური ლუდი ragnar pilsner. სტუმარი: კახა კოტრიკაძე - კომპანია ზედაზენის დირექტორი
ყველა ძირითადი პრობლემა, რაზეც გენგეგმა მერიას რიგ შემთხვევაში ხისტი ნაბიჯებისკენ მოუწოდებს, შეიძლება ითქვას, რომ ლისის ტბის მიმდებარე ტერიტორიაზეა თავმოყრილი. აქაც გაყიდულია ნაკვეთები და სამშენებლო ნებართვები - გაცემული. გამოსავლის ძიებაში კახა კალაძის გადაწყვეტილებამ ამ ტბის არეალში განაშენიანება გააჩერა. სტუმარი: რუსუდან მირზიკაშვილი - თბილისის მერიის ურბანული განვითარების სამსახურის ხელმძღვანელი