პარლამენტმა საქართველოს საგადასახადო კოდექსში დაგეგმილი ცვლილებების განხილვა დაიწყო. როგორც კანონპროექტის განმარტებით ბარათში წერია, კანონპროექტის შემუშავების მიზეზია მცირე ბიზნესის საგადასახადო ტვირთის შემსუბუქება, ორგანიზაციების მოგების გადასახადით დაბეგვრის მექანიზმების ცვლილება, ცალკეულ დასაბეგრ ოპერაციებზე საგადასახადო შეღავათების დაწესება და ა.შ.
ბათუმის საზღვაო ნავსადგურში თანამედროვე სატრანზიტო ტერმინალის მშენებლობა იწყება. ახალი ობიექტი ცენტრალური აზიის ქვეყნებიდან მინერალური სასუქების გადაზიდვას მოემსახურება. პროექტის საინვესტიციო ღირებულება 20 მილიონი დოლარია. ტერმინალს კომპანია „ვონდერნეტ ექსპრესი“ ააშენებს. სტუმარი: ლევან გურგენიძე - ბათუმის საზღვაო ნავსადგურის მმართველი კომპანიის, ბათუმის ნავთობტერმინალის გენერალური დირექტორის მოადგილე
ინფრასტრუქტურის მშენებელთა ასოციაცია - ინფრასტრუქტურული პროექტები ანანო გომართელი - ინფრასტრუქტურის მშენებელთა ასოციაცია ზურაბ ალავიძე - საქართველოს რეგიონული განვითარებისა და ინფრასტრუქტურის მინისტრი
ევრობანკი და ევროკავშირი საქართველოში მცირე და საშუალო ბიზნესის მხარდასაჭერად საკრედიტო ხაზებსა და გრანტებს გამოყოფს. EU4 BUSINESS-EBRD-ის საკრედიტო ხაზის პირველი ფაზით 100-ზე მეტმა ქართულმა კომპანიამ უკვე ისარგებლა. ახალი შესაძლობლობები კი დღევანდელ ღონისძიებაზე განიხილეს, რომელსაც სწორედ ევროკავშირის წარმომადგენლობა, ასევე EBRD-ის რეგიონალური დირექტორი და პირველი ვიცე-პრემიერი ესწრებოდნენ.
საქტატის წინასწარი მონაცემებით, 2017 წელს მთლიანმა შიდა პროდუქტმა მიმდინარე ფასებში 38 მილიარდ 42 მილიონი ლარი შეადგინა, რაც 11,8 პროცენტით აღემატება წინა წლის ანალოგიურ მაჩვენებელს. მთლიანი შიდა პროდუქტი 2017 წელს პროცენტით გაიზარდა 2016-თან შედარებით, ხოლო დეფლატორის პროცენტული ცვლილება 6,5 პროცენტით განისაზღვრა.
შრომითი ურთიერთობიდან გამომდინარე სამოქალაქო კატეგორიის დავები 2013 წლიდან, 2010, 2011, 2012 წლებთან შედარებით, არსებითად არის მომატებული. თუ 2010, 11, 12 წლებში წარდგენილ სარჩელთა საშუალო მაჩვენებლი არის 694 დავა, იგივე მაჩვენებელი 2013 წლიდან 1253 დავას შეადგენს. ასევე, 2013 წლიდან, სამუშაოზე აღდგენისა და იძულებითი განაცდურის ანაზღაურების მოთხოვნით წარდგენილ სარჩელთა დაკმაყოფილების შემთხვევები არსებითად იმატებს. თუ იქამდე სამუშაოზე აღდგენისა და იძულებითი განაცდურის ანაზღაურების მოთხოვნით წარდგენილ სარჩელთა დაკმაყოფილების საშუალო მაჩვენებლი იყო 16.7%, 2013 წლიდან აღნიშნული მაჩვენებელი არის 61,05%. ეს არი მონაცემების დადასკვნები ნაწილი კვლევიდან, 2013-2017 წლებში სამუშაოდან განთავისუფლებულთა საქმეების სამართლებრივი და სოციალურ-ეკონომიკური ანალიზი”. სტუმარი: პაატა ბელტაძე - კვლევის ავტორი
რეკლამის შესახებ კანონის თანახმად, როგორც იცით, კომერციული ობიექტები ვალდებულნი არიან სარეკლამო აბრებზე წარწერები ქართულ ენაზე შეასრულონ, თარგმნონ თავიანთი სავაჭრო ნიშნები. ამ შეზღუდვის შედეგები ჩვენ ყველგან გვხვდება, თუმცა თბილისის მერს კახა კალაძეს სანქციების გაზრდა სურს მათთვის, ვინც დადგენილ წესებს არ იცავს. კერძო სექტორს ვადა პირველ აპრილამდე აქვს. კალაძის მკაცრი განცხადების შემდეგ, საგონებელში ჩავარდნილმა ბიზნესსუბიექტებმა, რომელთაც თავიანთი ლოგო სავაჭრო ნიშნის მფლობელებთან თანხმობის გარეშე ცხადია, ვერ თარგმნეს, გონივრული ვადები მოითხოვეს. საკითხით ბიზნესომბუდსმენის აპარატიც დაინტერესებულია, რომელმაც ჯერ კიდევ გასული წლის აპრილში, კერძო სექტორის სასარგებლოდ საკმაოდ პრინციპული პოზიცია დაიკავა. რას აპირებს დღეს ეს უწყება, ასევე კონკრეტულად რა პრობლემებს უქმნის უცხოური სასაქონლო ნიშნების ქართულად თარგმნა ბიზნესს. სტუმრები: ლევან კალანდაძე - ბიზნესომბუდსმენის მოადგილე; დავით ჩხეიძე - The North Face-ის წარმომადგენელი საქართველოში
გარემოზე ზემოქმედების შეფასების დოკუმენტის მომზადებისას არსებული პრობლემები და ქართული ღვინის ხარისხი - ეს იყო ის ძრითადი საკითხები, რომლებიც საქართველოს ბიზნესასოციაციის წევრმა კომპანიებმა სოფლის მეურნეობის მინისტრთან შეხედრაზე დააყენეს.
სამშენებლო სექტორი კიდევ ერთი რეგულაციისთვის ემზადება. ეკონომიკის სამინისტრო კანონპროექტზე მუშაობს, რომლის მიხედვითაც, კომპანიებს უკვე დასრულებული შენობების ფარული დეფექტების დაზღვევის ვალდებულება ექნებათ. უფრო დეტალურად, რას გულისხმობს კანონპროექტი და რა პოზიცია აქვს რეგულაციის ადრესატებს?
რესპონდენტი, რომელსაც თელარა გელანტია ესაუბრა, დიდი სიამოვნებით იმუშავებდა ისევ საქართველოს საჯარო სამსახურში, ან ქართულ კერძო სექტორში, მაგრამ ამ ეტაპზე შემოთავაზებებს არ ელოდება. თუ რატომ, ამას ინტერვიუდან შეიტყობთ. ვსაუბრობთ ეკონომიკისა და მდგრადი განვითარების ყოფილ მინისტრზე, ვერა ქობალიაზე, რომელსაც ამჟამად საკუთარი საკონსულტაციო კომპანია „Kobalia Consulting“ აქვს და ძირითადად სხვადასხვა სახელმწიფო უწყებებთან თანამშრომლობს. მათ შორისაა: ფილიპინები, ახალი ზელანდია, ჰონკონგი, საუდის არაბეთი, ინდონეზია და ა.შ. როგორც თავად ამბობს, კონკრეტულ პროექტებში გადაკვეთა ყოფილი პრემიერის ნიკა გილაურის საკონსულტაციო კომპანია Reformatics-თანაც ჰქონია. ბოლო ორი წელი კი ინდონეზიის მთავრობის საერთაშორისო მრჩევლის პოზიცია ეკავა. რომელი ქართული რეფორმის ექსპორტი განხორციელდა ინდონეზიაში და რა გეგმები აქვს საქართველოს ეკონომიკის ყოფილ მინისტრს.
ათიდან ცხრა რესპონდენტს არც ერთ სამოქალაქო აქტივობაში არ მიუღია მონაწილეობა და ათიდან მხოლოდ ერთმა რესპონდენტმა გამოიყენა თვითმმართველობის განხორციელებაში მოქალაქეთა მონაწილეობის ერთ-ერთი ფორმა მაინც. ეს არის ერთ-ერთი მიგნება კვლევისა, რომელშიც შეჯამებულია საქართველოს მოქალაქეთა დამოკიდებულება ადგილობრივი მუნიციპალიტეტებისა და ცენტრალური ხელისუფლების მიერ განხორციელებული საზოგადოებრივი მომსახურების მიმართ. კვლევაში მიმოხილულია ისეთი საკითხები, როგორიცაა გზების ხარისხი, საჯარო საბავშვო ბაღები, დასუფთავების სამსახური და მოქალაქეთა ჩართულობა გადაწყვეტილების მიღების პროცესში. პროგრამა რეგიონული და ადგილობრივი განვითარების ხელშეწყობა საქართველოში, გაეროს განვითარების პროგრამის მიერ, შვეიცარიის განვითარებისა და თანამშრომლობის სააგენტოსა და ავსტრიის განვითარების თანამშრომლობის ფინანსური მხარდაჭერით ხორციელდება. სტუმარი: ნათია ნაცვლიშვილი - გაეროს განვითარების პროგრამის მუდმივი წარმომადგენელის მოადგილე
თითქმის ერთი თვეა მერიას ურბანული განვითარების საქალაქო სამსახური აქვს, რაც ცხადია იმას გულისხმობს, რომ არქიტექტურის სამსახურთან ამ ახალმა ერთეულმა ფუნქციები გაიყო. როდესაც თბილისის მერმა აღნიშნული სამსახურის შექმნის შესახებ გადაწყვეტილება გაგვაცნო, მთავარ წინაპირობად დედაქალაქის ქაოტური განაშენიანება დაასახელა. შესაბამისად, ამ საქალაქო სამსახურისგან ველით, რომ ურბანული განვითარების ახალ პოლიტიკას წარმოგვიდგენს. იქიდან გამომდინარე, რომ თბილისს მიწათსარგებლობის ახალი გენერალური გეგმა ისევ არ აქვს, ისევ არ ვიცით, რა ახალი სატრანსპორტო კვანძები განვითარდება, რა ბედი ეწევა შემოვლითი რკინიგზის პროექტს, ან საერთოდ გაგრძელდება, თუ დასრულდა სამშენებლო სფეროში დაანონსებული რეგულაციების სია, საინტერესოა რა ამოცანები აქვს ურბანული განვითარების საქალაქო სამსახურს? სტუმარი: რუსუდან მირზიკაშვილი - მერიის ურბანული განვითარების საქალაქო სამსახური; ხელმძღვანელი
ხორცის ბაზარზე მაკონტროლებელი ორგანოების ნაბიჯები, ხშირად ერთის მხრივ კერძო სექტორის, მეორეს მხრივ კი მოქალაქეების შეშფოთებას იწვევს. ამის დასტურია კვების ობიექტებისთვის ჯარიმების გამოწერა. საქმის კურსი დაინტერესდა, როგორია ხორცის იმპორტის სტატისტიკა საქართველოში და ვინ არიან ყველაზე მსხვილი იმპორტიორები? პასუხობს თუ არა ქართული კვების ობიექტების მიერ გამოყენებული პროდუქტი სტანდარტებს?
თბილისის მიწათსარგებლობის გენერალური გეგმის მეექვსე, ანუ საბოლოო ეტაპის სამუშაოებს დავუთმობთ დროს, რომლის პრეზენტაციაც დოკუმენტის ავტორებმა ცოტა ხნის წინ გამართეს. აქ გენგეგმის სწორედ იმ ნაწილზეა საუბარი, რაც მერიის მიერ შენიშვნების და “სითი ინსტიტუტი საქართველოს” დაჯარიმების საფუძველი გახდა. რა გაითვალისწინეს ქალაქმგეგმარებლებმა თბილისის მთავრობის მითითებებიდან.
"პაციენტებს არამიზნობრივად უნიშნავენ საკმაოდ ძვირადღირებულ მედიკამეტებს", ეს განცხადება, ჯანდაცვის მინისტრის და ფარმაცევტული კომპანიების შეხვედრაზე გაკეთდა. ფარმაცევტული კომპანიების წარმომადგენელთა ასოციაციის ცნობით, არაეთიკურ ქმედებებში არაერთი კომპანიაა ჩართული. პრობლემის გამოსასწორებლად კი უახლოეს პერიოდში ინდუსტრია საკუთარ ხედვებს პროექტის სახით ჯანდაცვის სამინისტროს წარუდგენს. სტუმარი: ირაკლი მარგველაშვილი - ფარმაცევტული კომპანიების ასოციაციის ხელმძღვანელი
საქმის კურსი, ისევე როგორც BM.GE-ს სხვა გადაცემები ეტაპობრივად გაწვდით ინფორმაციას იმის შესახებ, თუ როგორ მიმდინარეობს სამშენებლო პროცესები თბილისის მასშტაბით იმ პირობებში, როცა არაერთი რეგულაცია ამ სექტორისთვის ჯერ კიდევ მოსამზადებელ ეტაპზეა. ამ ჩამონათვალშია სწორედ სამშენებლო კოდექსიც. სტუმარი: რომან კაკულია - დარგობრივი ეკონომიკისა და ეკონომიკური პოლიტიკის კომიტეტის თავმჯდომარე
პირველ ივნისამდე თურქეთიდან საქართველოში კარტოფილის შემოტანა აიკრძალა. მთავრობის გადაწყვეტილების მიზანი კარტოფილის კიბოს თავისუფალ ტერიტორიებზე გავრცელების თავიდან აცილებაა. სტუმარი: ნიკა მესხი - სურსათის ეროვნული სააგენტოს მცენარეთა დაცვის დეპარტამენტის უფროსი
პარლამენტის დარგობრივი ეკონომიკისა და ეკონომიკური პოლიტიკის კომიტეტმა სამშენებლო კოდექსის პროექტი განიხილა. როგორც იცით, ეს ის დოკუმენტია, რომელიც პარლამენტს მთავრობამ ჯერ კიდევ 2016 წლის ნოემბერში წარუდგინა, თუმცა კერძო სექტორსა და ხელისუფლებას შორის გარკვეულ საკითხებზე კონსულტაციებს თითქმის ორი წელი დასჭირდა. რას მივიღებთ საბოლოოდ, ეს პარლამენტზეც არის დამოკიდებული, სადაც დაინტერესებული მხარეები შენიშვნებს გამოთქვამენ.
გადახდისუუნარობის საქმის წარმოების შესახებ კანონი და მისი კონკრეტული მუხლები კიდევ ერთხელ გახდა იურისტების განხილვისა და პრეტენზიების საგანი, ოღონდ ამჯერად საქმე საკონსტიტუციო სასამართლოშია და უახლოეს პერიოდში სასამართლო დაიწყებს მასზე მსჯელობას. სარჩელი ადვოკატმა როინ მიგრიალმა დარგის სპეციალისტის , გიორგი მირიანაშვილის დახმარებით მოამზადა და თქვენ ახლა საშუალება გექნებათ დეტალურად გაეცნოთ დავის საგნის არსს.
25.5%-ით გაზრდილი ექსპორტი და 13.3%-იანი ზრდა იმპორტში - საქსტატმა 2018 წლის იანვარ-თებერვალში საქართველოში საქონლით საგარეო სავაჭრო ბრუნვის წინასწარი მონაცემები გამოქვეყნა, რომელმაც ჯამში მილიარდ 683.5 მილიონი დოლარი შეადგინა, რაც წინა წლის შესაბამის მაჩვენებელზე 16.3 პროცენტით მეტია. შესაბამისად, უარყოფითი სავაჭრო ბალანსი იანვარ-თებერვალში 790.7 მილიონი დოლარი და საგარეო სავაჭრო ბრუნვის 47 პროცენტი იყო.
როგორ მიმდინარეობს სილამაზისა და ტატუ სალონების შემოწმების პროცესი, რომელიც 2016 წლიდან დაიწყო. ამ დრომდე თბილისში 13 სილამაზის სალონია დაჯარიმებული. ჰიგიენური და სანიტარული მიმართულებით რეგულაციების შემოღებით სახელმწიფო დაავადებების პრევენციას ახდენს, მეორე მხრივ კი, ბიზნესი გაძვირებულ მომსახურებაზე საუბრობს. დაურეგისტრირებულობის გამო სილამაზის სალონებს 500 ლარიანი ჯარიმის გადახდა უწევთ და რეგისტრაცია ყოველ წელს ახლიდან უნდა გაიარონ. 10-ჯერ ნაკლებია ჯარიმები ჰიგიენური პირობების დარღვევების აღმოჩენის შმეთხვევაში.
კომპანია E-Space, რომელიც ქვეყანაში ელექტრომობილების ქსელს ქმნის, 2017 წლის განმავლობაში ელექტრომობილების დამტენების მიერ მოხმარებული კილოვატებისა და ქსელებში განხორციელებული დატენვების სტატისტიკას აქვეყნებს. ბოლო მონაცემებით, E-Space-ის ქსელში ჩართული დამტენების რაოდენობამ 40-ს უკვე მიაღწია. კომპანია აცხადებს, რომ შედეგად 41 ტონაზე მეტი Co2 არ გავრცელდა ატმოსფეროში 2017 წელს. სტუმარი: სულხან გვალია - E-Space -ის ხელმძღვანელი
Check in Georgia - გიორგი ჩოგოვაძე საქმის კურსში სტუმარი: გიორგი ჩოგოვაძე - ტურიზმის ეროვნული ადმინიტრაციის ხელმძღვანელი
საქართველოში მცირე და საშუალო ბიზნესის ხელშესაწყობად ბიზნესკავშირების წახალისების საპილოტე პროექტი იწყება, რომელსაც სააგენტო აწარმოე საქართველოში“ გაერთიანებული სამეფოს კარგი მმართველობის ფონდის მხარდაჭერით განახორციელებს. პროექტი შედგა იმისთვის, რომ მცირე და საშუალო ბიზნესის წარმომადგენლებმა დაამყარონ ბიზნეს კავშირები საქართველოში არსებულ მულტინაციონალურ კომპანიებთან მათთვის პროდუქციის და მომსახურების მიწოდების მიზნით. სტუმარი: გიორგი ჩერქეზიშვილი - ეკონომიკის მინისტრის მოადგილე
20 მლნ ლარი 300-მდე კულტურული ღონისძიებისთვის - ასეთია ჩექინ ჯორჯია 2018-ის აქტივობების რაოდენობა და ბიუჯეტი. პროექტის პრეზენტაცია გუშინ პირველმა ვიცე პრემიერმა დიმიტრი ქუსმიშვილმა გამართა, სადაც ითქვა, რომ ამ თანხის მნიშვნელოვანი ნაწილი დაიხარჯება იმ ღონისძიებებზე, რომლებშიც ქართველი შემსრულებლები მიიღებენ მონაწილეობას. გუშინვე გახდა ცნობილი, რომ 20 მილიონი ლარიდან, 13 მილიონს შპს „ბლექსი არენა” განკარგავს, 800 ათას ლარამდე პროექტის მარკეტინგული აქტივობებისთვის დაიხარჯება, ხოლო 5 მილიონს ტურიზმის ეროვნული ადმინისტრაცია განკარგავს.
სტარტაპ საქართველოს გამარჯვებული პროექტების სესახებ ჩვენ არაერთხელ მოგიყევით. დღესაც ერთ-ერთ მათგანს გაგაცნობთ, „სივრცის დამზოგველი ავეჯის წარმოება“. პროექტის მიზანია აწარმოოს სივრცის დამზოგავი ავეჯი, რომელიც სტანდარტული ავეჯის სივრცეს მხოლოდ გამოყენების დროს დაიკავებს, სხვა შემთხვევაში კი დაიკეცება და კომპაქტურად გარდაიქმნება სხვა სახის ავეჯად. რა დაფინანსება მიიღო პროექტმა, რომლის საწარმოო პროცესიც დაწყებულია. სტუმრები: ვაჟა მენაბდე - „სტარტაპ საქართველოს“ დირექტორი; ირაკლი აბულაძე - „სმარტ ჰოუმის“ ხელმძღვანელი
რა ხარვეზები აქვს საქართველოს ანტიკორუფციული პოლიტიკის გატარების გზაზე? ეს ყველაფერი ეკონომიკური თანამშრომლობისა და განვითარების ორგანიზაციის ანტიკორუფციულმა ქსელმა ინფორმაციის თავისუფლების განვითარების ინსტიტუტთან IDFI-სთან ერთად შეაფასა და ასეთი დასკვნა გააკეთა - საქართველოს მთავრობამ რეკომენდაციების დაახლოებით, ნახევრის შესრულებისთვის არანაირი ნაბიჯი გადადგა, მნიშვნელოვანი ძალისხმევა მხოლოდ ორი მათგანის შესრულებისთვის გამოიჩინა, ხოლო დანარჩენი ათი რეკომენდაციის შემთხვევაში გარკვეული ზომები მიიღო. შეგახსენებთ, რომ საქართველო ანტიკორუფციული ქსელის წევრი 2003 წელს გახდა, რის შემდეგაც ბევრი რეფორმა იმ რეკომენდაციებზე დაყრდნობით განხორციელდა, რომლებსაც ექსპერტთა ჯგუფი გასცემდა. სტუმარი: საბა ბუაძე - IDFI-ს ანტიკორუფციული მიმართულების ხელმძღვანელი
ამ თემით ვეცდებით დაინტერესებულებს დაგეხმაროთ, გასცეთ პასუხი კითხვას - რა აკეთოთ სოფელში, თუ ჯერ კიდევ ახალგაზრდა ხართ და სამეწარმეო იდეებიც გაწუხებთ. მთავრობა და საერთაშორისო დონორები სოფლად მაცხოვრებლების ბიზნეს საქმიანობით დაინტერესებას ისევ ცდილობენ. მართალია, აქამდე სახელმწიფოს თანადაფინანსებით მოქმედი პროგრამების ეფექტიანობა ჯერ არავის გაუზომავს, მაგრამ დახმარების ხელი რეგიონების მაცხოვრებლებისთვის ისევ გაწვდილია. ამჯერად ახალი პროგრამა გარემოს დაცვისა და სოფლის მეურნეობის სამინისტროს ინიციატივით და დანიის მთავრობის ფინანსური მხარდაჭერით იწყება, დასათაურებით - ახალგაზრდა მეწარმე. ბიუჯეტი 4 მილიონ 110 ათასი ლარია. ასაკობრივი ცენზი მამაკეცებისთვის 18-დან 35 წლამდე, ქალბტონებისთვის კი - 18-დან 40 წლამდე. სტუმარი: თორნიკე კაპანაძე - პროექტ "ახალგაზრდა მეწარმის" მენეჯერი
„ჩვენ არ ვართ თვითკმაყოფილებაში, ქვეყანაში უამრავი გაჭირვებული ადამიანია“, - ამის შესაბ პრემიერ მინისტრმა გიორგი კვირიკაშვილმა მთავრობის დღევანდელი სხდომის დაწყებამდე 2017 წლის პირდაპირი უცხოური ინვესტიციების სტატისტიკის შეფასებისას განაცხადა და აღნიშნა, რომ გაზრდილი პირდაპირი უცხოური ინვესტიციები კიდევ უფრო პოზიტიურად აისახება წლევანდელ ექსპორტისა და დასაქმების ზრდაზე.
საქართველოს კომუნიკაციების ეროვნულმა კომისიამ დღევანდელ სხდომაზე „სილქნეტს“, „ჯეოსელის“ 100%-იანი წილის შეძენის თაობაზე წინასწარი თანხმობა მისცა. კატეგორია
“ისრაელის სახლის“ ინიციატივით, თბილისში ისრაელში მოქმედი 40 ტურისტული სააგენტოს წარმომადგენლები იმყოფებიან. აღნიშნული სააგენტოები ისრაელიდან ტურისტების გაყვანაზე მუშაობენ და შესაბამისად, დაინტერესებული არიან, კიდევ უფრო მეტი ინფორმაცია მიიღონ საქართველოს ტურისტული პოტენციალის შესახებ. სტუმრებისთვის, საქართველოში ებრაული კულტურული მემკვიდრეობის მარშრუტის პრეზენტაციაც შედგა. პროექტს „ისრაელის სახლი“, საქართველოს კულტურისა და ძეგლთა დაცვის სამინისტროს ეგიდით, უკვე მეორე წელია ახორციელებს. სტუმარი: იციკ მოშე - საქართველო-ისრაელის ბიზნეს-პალატის პრეზიდენტი
კომპანიას, რომელსაც თბილისის საკონცერტო დარბაზი 49 წლიანი იჯარით აქვს გადაცემული, ასეულობით ათასი ლარის დავალიანება აქვს. კერძოდ, საქართველოს ახალგაზრდა იურისტთა ასოციაციის ინფორმაციით, 2018 წლის თებერვლის მდგომარეობით, ხელშეკრულების ფარგლებში არსებული დავალიანება, გადაუხდელი მართვის საზღაურისათვის შეადგენს - 950 140 ლარს, ხოლო დაკისრებული პირგასამტეხლო მილიონ 512 ათას 330 ლარს და 10 ათას 102 დოლარს. “ფილარმონია” მართვაში, შპს „ინტერნეიშენალ ივენთს” აქვს და საია სახელმწიფო ქონების ეროვნულ სააგენტოს მიმართავს, შეწყვიტოს დადებული ხელშეკრულება. სტუმარი: სალომე საღარაძე - საიას იურისტი
მცირე და საშუალო ბიზნესის პრობლემებზე იმსჯელეს სემინარზე, რომელიც ebrd-ის ორგანიზებით გაიმართა. ღონსიძიებას საქართველოს გარდა უკრაინის, სომხეთის, თურქეთის, აზერბაიჯანის, მოლდოვისა და სხვა ქვეყნების წარმომადგენლები ესწრებოდნენ. კერძო სექტორის წინაშე არსებული პრობლემების გარდა საქართველოს ეკონომიკის მინისტრმა სხვა საკითხებზეც გააკეთა კომენტარი.
10 აპრილიდან თბილისში სითი-პარკი აღარ იქნება. ეს გადაწყვეტილება დღეს დედაქალაქის მერმა კახა კალაძემ მიიღო. მისი განმარტებით, ვიდრე თბილისს პარკირების ახალი ოპერატორი ეყოლება, ფუნქციებს თბილისის სატრანსპორტო კომპანია შეითავსებს. როგორც მერის მოადგილე ირაკლი ხმალაძე აცხადებს, ეს იმას არ ნიშნავს, რომ პარკირების წესების დარღვევისთვის მძღოლები არ დაჯარიმდებიან. დედაქალაქის მთავრობაში განმარტავენ, რომ სითი-პარკთან ხელშეკრულების გაწყვეტის სანაცვლოდ თანხის გადახდა არ იგეგმება, თუმცა როგორც გახსოვთ, ხელშეკრულებიდან ცალმხრივად გამოსვლის ფასი დაახლოებით 25 მილიონი ლარია.
თბილისის მიწათსარგებლობის გენერალური გეგმის სამუშაო ჯგუფის ხელმძღვანელი მერაბ ბოლქვაძე. როგორც იცით, ამ ეტაპზე მერია საბოლოო შენიშვნებით დაბრუნებულ დოკუმენტს სწავლობს და ალბათ, მიმდინარე თვის ბოლომდე გავიგებთ, მოეწონება თუ არა თბილისის მთავრობას გენგეგმის პროექტი, რომლის ავტორები შარშან ხარვეზების გამო დაჯარიმდნენ. მანამდე კი გადავწყვიტეთ, თქვენთან ერთად გავეცნოთ იმ პირის ბიოგრაფიას და გამოცდილებას, რომელსაც თბილისის მთავარი დოკუმენტი ჩააბარეს. აქ ძირითადად, ზოგადი ხასიათის შეკითხვებია დასმული და პასუხები ალბათ, გარკვეულ ინფორმაციას მოგცემთ იმის შესახებ, რა ტიპის გადაწყვეტები შეიძლება ამ არქიტექტორმა, თავისი გამოცდილებიდან და ხედვებიდან გამომდინარე ქალაქს შესთავაზოს, - აკადემიური, ნოვატორული, თუ არცერთი. ასევე ნახავთ, რა გარემოში ცხოვრობს. დასკვნებს თავად გააკეთებთ.
საჯარო სამსახურის ბიუროს "საერთაშორისო გამჭვირვალობა-საქართველოს" კვლევაზე შეკითხვები აქვს. როგორც bm.ge-ს საჯარო სამსახურის ბიუროს ხელმძღვანელმა ეკატერინე ქარდავამ განუცხადა, კვლევა, რომელიც ორგანიზაციამ გამოაქვეყნა, "მთლად სწორი არ უნდა იყოს". ქარდავას განარტებით, მაგალითად, კვლევაში არის მითითებული ირმა გელაშვილი, რომელსაც უწერია დეკლარაციაში, რომ მამისგან ნაჩუქარი აქვს 20 ათასი ლარი. სტუმარი: ერეკლე ურუშაძე "საერთაშორისო გამჭვირვალობა-საქართველოს” ანალიტიკოსი
საპენსიო რეფორმაზე მსჯელობას პარლამენტის დარგობრივი ეკონომიკისა და ეკონომიკური პოლიტიკის კომიტეტი იწყებს. შეიძლება ითქვას, რომ ეს კომიტეტი კანონპროექტის პირველი მოსმენის ეტაპზე ბოლო გაჩერებაა. დაგროვებით პენსიის შესახებ კანონის განხილვებმა პარლამენტშიც და მის გარეთ, არასამთავრობო სექტორში მთელი რიგი შენიშვნებით ჩაიარა, რასაც „საქმის კურსი“ პერიოდულად დროს უთმობს. სტუმარი: რომან კაკულია - პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე
შეთანხმება მიღწეულია - 200 მილიონიანი დავა "ჯორჯიან მანგანეზსა” და სახელმწიფოს შორის დასრულდა.
საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2017 წელს მილიარდ 862 მილიონ აშშ დოლარი შეადგინა, რაც 16.2 პროცენტით აღემატება 2016 წლის შესაბამის მაჩვენებელს. საანაგარიშო პერიოდში გაზრდილია რეინვესტიციის წილიც მთლიან ინვესტიციებში.
პროექტ რეფორმეტრის ფარგლებში, კაპიტალის ბაზრის განვითარების შესახებ, რეფორმის მეორე ფაზის შეფასების პრეზენტაცია გაიმართა. შეხვედრას კერძო სექტორთან ერთად, ეროვნული ბანკის ვიცე-პრეზიდენტი, ფინანსთა მინისტრის მოადგილე და ასევე ევროპის რეკონსტრუქციისა და განვითარების ბანკის რეგიონული დირექტორი ბრუნო ბალვანერა ესწრებოდნენ.