მშენებლობის ნებართვის გაცემის წესებში მორიგი ცვლილება იგეგმება. ამჯერად საქმე მოსაკრებლებს ეხება. მომზადებული კანონპროექტის მიხედვით, თუ აქამდე მოსაკრებლის მოცულობა განაშენიანების ფართობზე იყო დამოკიდებული, ახალი რეგულაციით, თანხის გადახდა განაშენიანების ინტენსივობის კოეფიციენტის მიხედვით მოხდება, რომელიც უკვე მშენებლობის სართულებსაც ითვალისწინებს. სტუმარი: დავით სონღულაშვილი - საპარლამენტო უმრავლების წევრი
ელექტროენერგიის გაზრდილი მოხმარება, შეიძლება ითქვას, რომ სახელმწიფოსთვის ამოცანებს ართულებს. ამ გამოწვევაზე ყველა შესაძლო პასუხებს შორის შეიძლება, იყოს ახალი ჰიდროელექტროსადგურები, ქარისა და მზის ენერგიების ათვისება და რეგიონის ქვეყნებთან სავაჭრო ურთიერთობების გაღრმავება. როგორ მუშაობს ამ მხრივ საქართველოს მთავრობა? სტუმარი: რომეო მიქაუტაძე - ეკონომიკის სამინისტრო, მოადგილე
ორი კვირის წინ პრემიერ-მინისტრმა ურეკი-შეკვეთილის გენგეგმის დამტკიცებას მოაწერა ხელი. ეს დოკუმენტი ეკონომიკის სამინისტროს დაკვეთით „არტ სტუდიო პროექტმა“ მოამზადა.
პარკირების ძველი ოპერატორი “სითი პარკი” სამართლებრივი დავის გზას დაადგა. კომპანიამ თბილისის მერიის წინააღმდეგ უკვე შეიტანა სარჩელი თბილისის საქალაქო სასამართლოში.
„ამიერიდან სვანეთში ჰესები აღარ აშენდება, მათ შორის: ხუდონ ჰესი, ნენსკრა ჰესი, მესტიაჭალა ჰესი და ზემო სვანეთში დაგეგმილი სხვა 50-ზე მეტი ჰესი!.. ვკრძალავთ სვანეთში უკლებლივ ყველა ისეთ ინფრასტრუქტურულ პროექტს, რომელიც ხელყოფს, აზიანებს, ასახიჩრებს, ანგრევს და აპარტახებს სვანეთის უნიკალურ ბუნებას!“, - ეს არის ამონარიდი სვანეთის თემთა შეკრების მიერ 5 მარტს გავრცელებული განცხადებიდან, რომლითაც მათ პარლამენტის თავმჯდომარეს, სახალხო დამცველს, საქართველოში აკრედიტირებულ დიპლომატიურ მისიებსა და საერთაშორისო საფინასო ინსტიტუტებს მიმართეს. ბოლო ორი თვის განმავლობაში არაერთი საპროტესტო აქცია გაიმართა ჰესების მშენებლობის წინააღმდეგ. მართალია, ადგილზე რიგ კომპანიებს აქვთ კანონიერი უფლება, რომ ააშენონ ჰიდროელექტროსადურები, მაგრამ მათი საქმიანობა მოსახლეობის პროტესტის გამო ფერხდება.
საკურიერო მომსახურების ოპერატორი კომპანია TNT დახმარებისთვის ბიზნეს ომბუდსმენს მიმართავს. კომპანიას დახმარება მას შემდეგ დასჭირდა, რაც საკონსტიტუციო სასამართლოში შეტანილი სარჩელის არსებითად განხილვა 2017 წლის თებერვალში დასრულდა, გადაწყვეტილება კი დღებმდე უცნობია. რაც შეეხება სარჩელის მიზეზებს - TNT მოითხოვს გაუქმდეს 2010 წელს სახელმწიფო შესყიდვების შესახებ კანონში შეტანილი ნორმა, რომელიც სახელმწიფო უწყებებს აძლევს საშუალებას, თუ მომსახურებას შპს “საქართველოს ფოსტისგან” შეიძენენ, ტენდერი არ გამოაცხადონ. კანონში ამ ჩანაწერმა ბაზრის სხვა მოთამაშეები დააზარალა. შესაბამისად TNT-მ საკონსტიტუციო სასამართლოში საქართველოს პარლამენტს უჩივლა. ბუნებრივია საქმის კურსი დაუკავშირდა საკონსტიტუციო სასამართლოს, საიდანაც შემდეგი პასუხი მივიღეთ, რომ სასამართლო იმყოფება გადაწყვეტილების მიღების ეტაპზე. ამასთან განმარტავენ, რომ მას შემდეგ, რაც საკონსტიტუციო სასამართლოში მოსამართლეები შეიცვალნენ, განახლებული შემადგელობა სხვადასხვა საქმის მასალებს ეცნობა და მათ გარკვეული დრო სჭირდებათ. სტუმარი: ნინო მენთეშაშვილი TNT-ს დირექტორი
რა პრობლემები ექმნება სადაზღვევო კომპანიების ნაწილს ტენდერებში, როდესაც შემსყიდველი სახელმწიფო ორგანიზაციაა? - საკითხი რომელიც კონკურენციის საგენტომ უკვე შეისწავლა და შესაბამისი დასკვნაც დადო კვლავ აქტუალურია.
მიმდინარე წლის თებერვალში საქართველოში შიდა ფრენები შეჩერებული იყო. როგორც აღმოჩნდა, ამის მიზეზი კომპანია „სერვის ეართან“ შეწყვეტილი ხელშეკრულება გახდა, რომელმაც ვალდებულებები ვერ შეასრულა და ხელშეკრულების გაგრძელებაზე უარი განაცხადა. ხელისუფლებამ კომპანიის შემცვლელი მალევე იპოვა და დროებითი ხელშეკრულება „აკ ეართან“ გააფორმა, თუმცა გაირკვა, რომ ამ კომპანიის უკანაც სერვისეარის დამფუძნებელი დგას. რატომ შეცვალა საქართველოს აეროპორტების გაერთიანებამ ხელშკერულების პირობები ახალ კონტრაქტორთან და რა გახდა „სერვის ეარის“ ფინანსური რესურსის ამოწურვის მიზეზი.
დღეიდან თბილისის ქუჩებში კომპანია სითი პარკი აღარ დაგაჯარიმებთ, მათ ნაცვლად დარღვევებზე თბილისის ტრანსპორტის საქალაქო სამსახური მიგითითებთ, დაჯარიმების შესახებ შეტყობინებას კი მონიტორინგის სამსახურის თანამშრომლები გასცემენ, სწორედ ისინი, ვინც აქამდე მხოლოდ ავტობუსებში გვხვდებოდნენ. მათთან ერთად სითი პარკის ძველი თანამშრომლებიც იმუშავებენ. რა რესურსი დასჭირდება თბილისის მერიას იმისთვის, რომ პარკირების სისტემა აკონტროლოს და იმ მთავარ პრობლემას, რაც პარკირების ადგილების დეფიციტს გულისხმობს, რა გეგმას დაახვედრებს დედაქალაქის მთავრობა?
საქართველოს ფინანსთა მინისტრი მამუკა ბახტაძე ბიზნესასოციაციის წევრებს შეხვდა და ახალი საგადასახადო ინიციატივები გააცნო.
განხორციელებული საკანონმდებლო ცვლილებების მიმდინარეობა - ეს იყო მთავარი თემა საქართველოს ეროვნული ბანკის მენეჯმენტის და პარლამენტის საფინანსო საბიუჯეტო კომიტეტის თავმჯდომარის სამუშაო შეხვედრის, რომელიც საკასო ცენტრში გაიმართა.
მორიგი ტრაგედია ტყიბულში, მინდელის შახტაში გამთენიისას 6 ადამიანი დაიღუპა, სამი კი დაშავდა. დაშავებულებიდან ორის მათგანის მდგომარეობა მძიმეა. შინაგან საქმეთა სამინისტროს განცხადებით, მომხდარ ფაქტთან დაკავშირებით გამოძიება, სისხლის სამართლის კოდექსის 240-ე მუხლის მეორე ნაწილით მიმდინარეობს, რაც სამთო, სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს. დანაშაული 5 წლამდე თავისუფლების აღკვეთას ითვალისწინებს. სტუმარი: ელზა ჯგერენაია - ჯანდაცვის სამინისტროს შრომისა და დასაქმების პოლიტიკის დეპარტამენტის უფროსი
გადაიხედება თუ არა სადაზღვევო კომპანიების მიერ საკუთარი ზედამხედველის დაფინანსების სქემა? კერძო სექტორის ნაწილი ამბობს, რომ რეგულატორის შენახვა ძვირი უჯდება. როგორც იცით, მთავრობის გადაწყვეტილებით 2018 წლის პირველი იანვრიდან დაზღვევის ზედამხედველობის სააგენტოს თავად კერძო სექტორი აფინანსებს. ყოველწლიურად კომპანიებმა მის ზედამხედველს მოზიდული პრემიის 1% უნდა გადაურიცხონ. რას ფიქრობს თავად დაზღვევის ზედამხედველბის სააგენტო და რა პრობლემები აქვს უწყებას მარეგულირებლის სტატუსის არქონის გამო.
ფინანსთა სამინისტრომ ახალი საგადასახადო შეღავათები წელს უკვე მეორედ წარმოადგინა. ბოლო ინიციატივების პაკეტის მიხედვით, როგორც მინისტრმა განაცხადა, მეწარმე თავისუფლდება ზედმეტი ბიუროკრატიული პროცედურებისაგან და ნაცვლად ხუთი საგადასახადო დოკუმენტისა, ისარგებლებს მხოლოდ ერთი გაერთიანებული დოკუმენტით. მეორე ეხება სასოფლო-სამეურნეო პროდუქციის მწარმეობლებს. კერძოდ, მამუკა ბახტაძემ თქვა, რომ შეიცვლება საკანონმდებლო ნორმები, რომლებიც გარკვეულწილად უზღუდავს მსხვილ ბიზნესს მიკრო ბიზნესის მიერ წარმოებული პროდუქციის შეძენას და მესამე ინიციატივა - უცხოელ ინვესტორებს ონლაინ რეჟიმში შეეძლებათ საქართველოში კომპანიების დარეგისტრირება. სტუმრები: დავით პაპიაშვილი - Kreston Papiashvili Consulting Group; მმართველი პარტნიორი ზურაბ ლალაზაშვილი - BDO; მმართველი პარტნიორი
მიმდინარე წელს ჩაის რეაბილიტაციის სახელმწიფო პროგრამის ბიუჯეტი 900 ათასი ლარია, რაც გასული წლის თანხებს ორჯერ აღემატება. ეს პროექტი, დასახელებით ქართული ჩაი, 2016 წლის ზაფხულიდან არსებობს და ბენეფიციარებს 5-დან 300 ჰექტრამდე ჩაის პლანტაციების რეაბილიტაციას სთავაზობს. სტუმარი: ლევან უროტაძე - ჩაის რეაბილიტაციის პროგრამის მენეჯერი
მარტის მონაცემებით, კომერციული ბანკების მიერ დეპოზიტების დაზღვევის ფონდში განხორციელებული სადაზღვევო შენატანების ჯამი მილიონ 207 ათას 300 ლარია. როგორც იცით, დეპოზიტების დაზღვევის სისტემამ მიმდინარე წელს დაიწყო მუშაობა. მისი მთავარი მისია მოქალაქეების თანხების, კერძოდ კი 5000 ლარის ფარგლებში დეპოზიტების რისკებისგან დაზღვევაა. სტუმარი: ოთარ ძიძიკაშვილი - დეპოზიტების დაზღვევის სააგენტოს უფროსი
მორიგი საგადასახადო შეღავათები ბიზნესს - მთავრობის დღევანდელი სხდომა ახალი ინიციატივებით დაიწყო. მაგალითად, არარეზიდენტ პირებს საქართველოში კომპანიების ონლაინ-რეგისტრაცია შეეძლებათ. სტუმარი: მამუკა ბახტაძე - ფინანსთა მინისტრი
მაღალი დონის სასტუმროებში ფასები მცირდება, ბაზრობებს კი თანამედროვე ტიპის სავაჭრო ცენტრები ანაცვლებენ,- ასეთია უძრავი ქონების ბაზრის კვლევის შედეგი, რომელიც Colliers International Georgia-მ სააგენტო “აწარმოე საქართველოში“ მხარდაჭერით მოამზადა. კვლევა მოიცავს სასტუმროების, კომერციული, საოფისე, საცხოვრებელი, სასაწყობე უძრავი ქონების და, ასევე, გართობის სექტორის მიმოხილვას. კვლევამ ქვეყნის მასშტაბით ძირითადად 3 ქალაქი - თბილისი, ბათუმი, ქუთაისი მოიცვა.
ბაზისბაკმა, საერთაშორისო საფინანსო კორპორაცია IFC თან ახალი სასესხო ხელშეკრულება გააფორმა.
საქართველოს ინდუსტრიულ ჯგუფს 2020 წლამდე ჰიდროენერგეტიკაში, ასევე მწვანე ენერგიების ასათვისებლად, რაც მაგალითად, ქარის სადგურებით მიიღწევა, გარკვული გეგმები აქვს დასახული. იქიდან გამომდინარე, რომ ენერგეტიკის დარგი რეფორმების მორიგ ტალღას გადის, ჩვენ დავინტერესდით იცვლება თუ არა ინვესტორის მიზნები და სტრატეგია და შეძლებს თუ არა დაგეგმილი პროექტების განხორციელებას. სტუმარი: ლევან ვეფხვაძე - GIG-ის გენდირექტორის მრჩეველი
საერთაშორისო სარეიტინგო კომპანია ,,Scrope Rating’’-მა ქართული ლუდის კომპანიას’’ ბიზნეს რისკის მიხედვით BB-, ხოლო ფინანსური რისკის მიხედვით BB საკრედიტო რეიტინგი მიანიჭა. ეს ერთ-ერთი ყველაზე მაღალი რეიტინგია, რაც ქვეყანაში მოქმედმა ადგილობრივმა კერძო კომპანიებმა მიიღეს.
საქართველოს ტურიზმის ეროვნული ადმინისტრაციის ინფორმაციის მიხედვით მიმდინარე წლის მარტის თვეში საქართველოში შემოსული ტურისტების რაოდენობა გასული წლის იმავე პერიოდთან შედარებით 33 პროცენტით არის გაზრდილი, კერძოდ კი იმ უცხოელი მოგზაურების ანუ ტურისტების რიცხვმა, რომლებმაც 24 საათი და მეტი დაჰყვეს საქართველოში წელს მარტში 292 017 შეადგინა, რაც 72 403 ტურისტით მეტია 2017 წლის მარტის მაჩვენებელთან შედარებით. რაც შეეხება მარტში საერთაშორისო მოგზაურების რაოდენობას, ამ შემთხვევაში 13,2 მეათედ პროცენტიანი ზრდა გვაქვს სახეზე, რაც გულისხმობს იმას რომ 2017 წლის ანალოგიურ პერიოდთან შედარებით საქართველოში 67 472 მოგზაურით მეტი შემოვიდა. როგორც გიორგი ჩოგოვაძე განმარტავს ტურისტებისა და მოგზაურების რაოდენობის ზრდა 2015 წელს მიღებული ტურიზმის განვითარების 10 წლიანი სტრატეგიის მონაგარია.
საქართველოს პარლამენტი თბილისის მერიის ინიციატივებს დროულად ეხმაურება. საკანონმდებლო ორგანოში იმ კანონპროექტის განხილვა დაიწყო, რომელიც თბილისში ტერიტორიების დაზიანებასთან, იერსახის დამახინჯებასთან, გარე რეკლამების განთავსებასა და გარე ვაჭრობასთან დაკავშირებული რეგულაციების დარღვევისთვის ჯარიმების გაზრდას გულისხმობს. სტუმარი: ბექა ოდიშარია - საპარლამენტო უმრავლესობის წევრი
ინვესტორი, რომელიც თბილისში ფარმაცევტული საქმიანობით არის დაკავებული, თბილისის მერიას ედავება. დავის საგანი თბილისის მერიის მხრიდან სარეკრეაციო და ქარსაცავ ზოლად შეფასებული ტერიტორიაა, რომელიც კომპანია ,,ოქტინას’’ ბიზნესსაქმიანობის განსახორციელებლად აუცილებელი გზის მოწყობად სჭირდება. უარის მიუხედავად, შესაბამისმა სამსახურებმა ე.წ სარეკრეაციო ზონა ფიზიკურ პირს დაურეგისტრირეს.
მარტში წინა თვესთან შედარებით ინფლაციის დონემ საქართველოში -0,4 პროცენტი შეადგინა, ხოლო წლიური ინფლაციის დონემ 2,8 პროცენტი.
ქარის ტურბინები მსოფლიოში სულ უფრო და უფრო პოპულარული ხდება და მათი გამოყენების მასშტაბებიც იზრდება. თუმცა მათ ზომას საზღვარი აქვს. ზოგჯერ მათი ტრანსპორტირება და მონტაჟი ზედმეტად რთული ხდება, ძლიერ ქარებს კი მათი დეფორმირება შეუძლია. ამ საკითხით ვირჯინიის უნივერსიტეტის მკვლევარები დაინტერესდნენ და ამბობენ, რომ პრობლემის გადაწყვეტის გზას მიაგნეს.
გადაწყვეტილება მიღებულია. თბილისის გენგეგმის სრულყოფაზე მუშაობას სითი ინსტიტუტი გააგრძელებს. „არსებული სახით წარმოდგენილი გენგეგმის მიღება ვერ მოხდება - გადავწყვიტეთ, „სითი ინსტიტუტს“ ვალდებულებების შესრულება დავასრულებინოთ“, - აღნიშნული გადაწყვეტილების შესახებ თბილისის მერმა კახი კალაძემ საკრებულოს დეპუტატებთან და კომპანიის წევრებთან გამართული დახურული შეხვედრის შემდეგ ჟურნალისტებს ამცნო.
ტყიბულის მუნიციპალიტეტში, სოფელ მანდიკორში უახლესი ტექნოლოგიების და ტენდენციების შესაბამისი, ჩაის გადამამუშავებელი საწარმო აშენდება. ჩაის პლანტაციების რეაბილიტაციის სახელმწიფო პროგრამა „ქართული ჩაის“ ფარგლებში სოფელ მანდიკორში 17.5 ჰა გაველურებული ჩაის პლანტაციას სრული რეაბილიტაცია ჩაუტარდება. სტუმარი: თენგიზ სვანიძე - მეჩაიიეთა ასოციაციის ხელმძღვანელი
ზედაზენი ხილის გადამამუშავებელ საწარმოს ააშენებს. ქარხნის პროექტზე მუშაობა უკვე დაიწყო. გარდა ამისა, კომპანიას სიახლეები აქვს ლუდის საწარმოო ხაზზეც. ქართულმა ბაზარმა უკვე გაიცნო სკანდინავიური ლუდი ragnar pilsner. სტუმარი: კახა კოტრიკაძე - კომპანია ზედაზენის დირექტორი
ყველა ძირითადი პრობლემა, რაზეც გენგეგმა მერიას რიგ შემთხვევაში ხისტი ნაბიჯებისკენ მოუწოდებს, შეიძლება ითქვას, რომ ლისის ტბის მიმდებარე ტერიტორიაზეა თავმოყრილი. აქაც გაყიდულია ნაკვეთები და სამშენებლო ნებართვები - გაცემული. გამოსავლის ძიებაში კახა კალაძის გადაწყვეტილებამ ამ ტბის არეალში განაშენიანება გააჩერა. სტუმარი: რუსუდან მირზიკაშვილი - თბილისის მერიის ურბანული განვითარების სამსახურის ხელმძღვანელი
საავტომობილო გზების დეპარტამენტის თავმჯდომარეს გიორგი სეთურიძეს ირაკლი ქარსელაძე შეცვლის. ეს ინფორმაცია დღეს დილით გავრელდა, გადაწყვეტილება კი რა თქმა უნდა, რეგიონული განვითარებისა და ინფრასტრუქტურის მინისტრმა მაია ცქიტიშვილმა მიიღო. ირაკლი ქარსელაძე აქამდე თანაინვესტირების ფონდის, "ტურიზმის განვითარების ფონდს" ხელმძღვანელობდა. სტუმარი: გიორგი სეთურიძე - საავტომობილო გზების დეპარტამენტის ყოფილი თავმჯდომარე
რა იციან საქართველოზე სამხრეთ აღმოსავლეთ აზიაში მდებარე ინდონეზიის რესპუბლიკაში, რომელიც ფართობის მიხედვით მსოფლიოში მე-14 ქვეყანა არის და მოსახლეობის რაოდენობა 300 მლნ-მდეა. საქსტატის მიხედვით, საქართველო-ინდონეზიას შორის საგარეო სავაჭრო ბრუნვა არც ისე დიდია. 2017 წელს საქართველოდან ინდონეზიაში ექსპორტმა მხოლოდ 300 დოლარი შეადგინა, იმპორტმა კი დაახლოებით 12 მლნ დოლარი შეადგინა. ბოლო ხუთი წლის განმავლობაში ინდონეზიიდან ყოველწლიურად 10-დან 12 მლნ დოლარამდე იმპორტს ვახორციელებთ. არსებობს თუ არა ორ ქვეყანას შორის ეკონომიკური ურთიერთობების გაღრმავების პოტენციალი და არიან თუ არა ქართული ბიზნესები შორეულ ინდონეზიაში. ექსკუზიური ინტერვიუ ვერა ქობალიასთან
ტურიზმის ეროვნულმა ადმინისტრაციამ 2017 წელი შეაჯამა. ღონისძიებას პრემიერ-მინისტრიც დაესწრო, რომელმაც აღნიშნა, რომ გასულ წელს ტურიზმის სფერომ საქართველოს 2 მილიარდ 700 მილიონი დოლარის ოდენობის შემოსავალი მოუტანა. გარდა ამისა, მთავრობას მოლოდინი აქვს, რომ 2018 წელს ქვეყანაში ტურისტების რიცხვი 8 მილიონს გადააჭარბებს. სტუმარი: გიორგი ჩოგოვაძე - ტურიზმის ეროვნული ადმინისტრაციის ხელმძღვანელი
რა აფერხებს კერძო სექტორის განვითარებას? - ამ კითხვაზე პასუხის გაცემას შეეცადნენ დღეს კერძო სექტორის განვითარების ხელშეწყობის საკონსულტაციო საბჭოს მორიგ შეხვედრაზე. ეს საბჭო ეკონომიკისა და მდგრადი განვითარების სამინისტრომ 2016 წელს შექმნა. დღეს კი ამ ფორმატში უკვე მეხუთე შეკრება იყო. ღონისძიება ეკონომიკის სამინისტროს ორგანიზებით და GIZ-ის მხარდაჭერით გაიმართა. სტუმარი: ეკატერინე მიქაბაძე - ეკონომიკის მინისტრის მოადგილე
საბანკო ჰოლდინგების რეგულირება, კაპიტალის ბაზრის განვითარება და კანონპროექტის ბოლო საცხოვრისის შესახებ,- ეს არს ის თემები, რომლებზეც „საქართველოს ბანკის“ აღმასრულებელი დირექტორი კახა კიკნაველიძე BM.ge-ს ესაუბრა.
Huawei-მ ახალი, ისტორიაში პირველი 3 კამერიანი სმარტფონი გამოუშვა. Google კი Jaguar-თან ერთად ელექტრო თვითმართვადი ავტომობილის გამოშვებას გეგმავს. \
შევიდა თუ არა ურთიერთობა ჩიხში მერიასა და დოკუმენტის ავტორს “სითი ინსტიტუტი საქართველოს” შორის? სტუმარი: მამუკა სალუქვაძე - სითი ინსტიტუტი საქართველო; ხელმძღვანელი
საქართველოს სავაჭრო-სამრეწველო პალატასთან არსებულმა საერთაშორისო საარბიტრაჟო ცენტრმა ბიზნეს-სექტორს უცხოელ ბიზნეს-პარტნიორებთან ურთიერთობისას არბიტრაჟის კუთხით გასათვალისწინებელი პრაქტიკა გააცნო. ღონისძიებას სავაჭრო-სამრეწველო პალატის წევრი კომპანიები ესწრებოდნენ, რომლებსაც აქვთ ბიზნეს-ურთიერთობები უცხოელ პარტნიორებთან, ხშირად უწევთ მათთან ხელშეკრულების დადება და სამართლებრივ ურთიერთობებში შესვლა. სტუმარი: ბექა ინჯია - საქართველოს საერთაშორისო საარბიტრაჟო ცენტრი გენერალური მდივანი
იმ ფონზე, როცა საქართველოში ელექტროენერგიის მოხმარება იზრდება, ამ ბაზრის მოთამაშეები თანდათან ლიბერალურ პირობებს უნდა შეეგუონ, სადაც სახელმწიფო ფინანსურ გარანტიებს აღარ შექმნის, ცალკეული გამონაკლისების გარდა. ეს მოცემულობა კი ჯერ-ჯერობით ცხად პასუხს არ გვეუბნება, რამდენად ხელსაყრელი იქნება ახალი ინვესტორებისთვის თამაშის ახალი წესები. ამის პარალელურად საზოგადოებრივი განწყობები ცალკეულ პროექტებზე ცალსახად უარყოფითია. სტუმარი: გიორგი აბრამიშვილი - განახლებადი ენერგიების ასოციაციის აღმასრულებელი დირექტორი
თბილისის მერია გენერალური გეგმის პროექტს ამ წუთებში პარლამენტის წევრებს აცობს. შეხვედრა ჟურნალისტებისთვის დახურულია. ადგილზეა მერი კახა კალაძეც. როგორც გახსოვთ, გუშინ პოლიტიკური პარტიების წარმომადგენლებთან და სხვა დაინტერესებულ პირებთან ამ საკითხის განხილვა ჩხუბში გადაიზარდა. მერის მოადგილემ აღნიშნა, რომ ამ ფორმით გენგეგმა დედაქალაქის გამოწვევებს არ პასუხობს, რასაც დოკუმენტის ავტორის მხრიდან საკმაოდ მკაცრი განცხადებები მოჰყვა. მერაბ ბოლქვაძემ მერიას ქალაქგეგმარებით საკითხებზე სასწავლო პროგრამაც კი შესთავაზა. დღეს კი, პარლამენტში განხილვაზე არც სითი ინსტიტუტი საქართველოს წარმომადგენლები და არც ოპოზიციური ფრაქციების დეპუტატები დაპატიჟეს.
სადაზღვევო ინდუსტრიამ 2017 წელი, გაზრდილი მოგებით დაასრულა. რომელი კომპანია ლიდერობს ბაზარზე წმინდა მოგების მაცვენებლებით.
საქართველოს ენერგეტიკისა და წყალმომარაგების მარეგულირებელი ეროვნული კომისია რებრენდინგს იწყებს. ახალი ლოგო, მიზნები, სლოგანი, მისია და ამოცანები - რატომ დადგა სემეკის ცხოვრებაში ცვლილებების ეტაპი? სტუმარი: ირინა მილორავა - სემეკის თავმჯდომარე
რკინიგზის აღდგენა, საერთაშორისო აეროპორტი, მუსიკალური ფესტივალი და რეგიონის ინფრასტურუქტურული პროექტები, ეს გზავნილები პრემიერ-მინისტრს, გიორგი კვირიკაშვილს ეკუთვნის. ადრესატი კი კახეთის რეგიონია. განვითარების პერსპექტივები, ტურიზმის, სოფლის მეურნეობის და სხვა მიმართულებებით, რაზე მუშაობს და რა გეგმები აქვს კახეთის მხარეში სახელმწიფო რწმუნებულის აპარატს? სტუმარი: ირაკლი ქადაგიშვილი - კახეთის მხარეში სახელმწიფო რწმუნებული -გუბერნატორი
20 მილიონი ლარი და 4 ლოკაცია, სადაც ოუფენნეტი ინტერნეტისთვის საჭირო ინფრასტრუქტირას გაიყვანს. ვის და როდიდან შეეძლება ინტერნეტის უფასოდ ინსტალაცია?!
საქართველოში საარსებო შემწეობის მიმღები ადამიანების რაოდენობა იზრდება. მიმდინარე წლის თებერვლის მდგომარეობით, საარსებო შემწეობას 445 ათას 555 ადამიანი იღებს. გასული წლის ანალოგიურ პერიოდთან შედარებით ზრდა არც თუ ისე ცოტაა - 8 ათას 200 ბენეფიციარი. რატომ იცვლება ასე რადიკალურად საარსებო შემწეობის მიმღებთა რაოდენობა და გვაქვს თუ არა ამ მიმართულებით ქვეყანაში საგანგაშო სტატისტიკა?
დედაქალაქის გენ.გეგმა თბილისი სტრატეგიის გარეშე სტუმარი: ეკა ლალიაშვილი - "საქართველოს ალიანსი უსაფრთხო გზებისთვის"; გამგეობის თავმჯდომარე
რუსთავის მერთან არსებული ინოვაციების ჰაბმა ქალაქის განვითარების ორწლიანი სტრატეგიული გეგმის შედგენა დაიწყო. დოკუმენტი პროექტის ,,მერები ეკონომიკური ზრდისთვის“ ფარგლებში მზადდება, რომელსაც მხარს გაეროს განვითარების პროგრამა უჭერს. ქალაქის ეკონომიკური განვითარების ხედვები და მიზნები მერიის სხვადასხვა სამსახურის წარმომადგენლებს გააცნეს. როგორც რუსთავის მერის მრჩეველი რევაზ ბარბაქაძე ამბობს, სტრატეგიული გეგმის განხორციელება და საინვესტიციო პაკეტების მომზადება შეუძლებელია ქალაქის პოტენციალის შესწავლის გარეშე. სტუმარი: რევაზ ბარბაქაძე - რუსთავის მერის მრჩეველი
“საქართველოში აუცილებელია ამოქმედდეს დაფინანსების არასაბანკო მექანიზმები და გამოჩნდეს ალტერნატიული წყაროები. მოუხედავად იმისა, რომ ბანკები უმნიშვნელოვანეს როლს თამაშობენ ქვეყნის ეკონომიკაში და ბიზნეს განვითარებაში, თუმცა ეს უკანასკნელი ამ ეტაპზე ძალიან დომინირებს ბაზარზე დაფინანსების კუთხით, რაც ვფიქრობ ხელს არ აძლევს ქვეყანას”, - აღნიშნული მოსაზრება ევროკომისიის ევროპული სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილემ კატარინა მატერნოვამ დააფიქსირა.
თბილისში ჯანმრთელობის გლობალური უსაფრთხოების ინიციატივის საერთაშორისო შეხვედრა იმართება, სადაც 15-მდე ქვეყნის ჯანდაცვის სისტემის წარმომადგენელი და საერთაშორისო პარტნიორი ორგანიზაციები ესწრებიან. შეხვედრას ესწრებოდა ასევე ჯანდაცვის მინისტრი დავით სერგეენკო