სამშენებლო კოდექსი, თბილისის მიწათსარგებლობის გენერალური გეგმა, ენერგოეფექტურობის ნორმები - ამ და სხვა დოკუმენტებით სამშენებლო დარგი ძირითადად მიმდინარე წელს დაიტვირთება. როგორ აისახება ეს ყველაფერი უძრავი ქონების ფასებზე, ან თავად სამშენებლო სექტორის მზაობა და შესაძლებლობები რა დონეზეა? სტუმარი: ირაკლი როსტომაშვილი - მენაშენეთა ასოციაცია; ხელმძღვანელი
საქართველოს საინვესტიციო გარემოს ამსახველი რეიტინგი აუდიტორული და ბიზნეს საკონსულტაციო კომპანია BDO-ს კვლევის მიხედვით არ გაუმჯობესდა და მსოფლიოს 174 ქვეყანას შორის 47-ე ადგილზეა. ინდექსი - International Business Compass 2018 რეიტინგის დასადგენად ქვეყნის მდგრადობის სამი მიმართულების ანალიზს მოიცავს. ესენია: ეკონომიკური, პოლიტიკურ-სამართლებრივი და სოციო-კულტურული გარემო. ამ რეიტინგში საქართველოს შედარებით უკეთესი პოზიცია 2015 წელს ჰქონდა - 43-ე ადგილი. გარდა მსოფლიო მასშტაბისა, საერთაშორისო ბიზნეს კომპასი აზიის რეგიონშიც გვთავაზობს რეიტინგებს, რომლის მიხედვით, საქართველო შესაბამისი ქვეყნების ჩამონათვალში მეთერთმეტე ადგილზეა. საინვესტიციო მიმზიდველობით კი რეიტინგში სინგაპური ადგილს არ თმობს. მას ჰონგ კონგი და შვეიცარია მოყვება. სტუმარი: ზურაბ ლალაზაშვილი - BDO-ს მმართველი პარტნიორი
აგროდაზღვევის სახელმწიფო პროგრამა სიახლეებით გრძელდება. წელს ამ სარგებლის მიღება მხოლოდ იმ ფერმერებს შეუძლიათ, რომელთაც მიწის ნაკვეთები დარეგისტრირებული აქვთ. შეგახსენებთ, რომ აგროდაზღვევის 2018 წლის პროგრამის ფარგლებში ბენეფიციარს შეუძლია დააზღვიოს 5 ჰექტრამდე მიწის ნაკვეთი, ხოლო მარცვლეული კულტურის შემთხვევაში 30 ჰექტრამდე. თითოეული დამზღვევი 70%-იან თანადაფინანსებას მიიღებს პროგრამით გათვალისწინებულ ყველა კულტურაზე, ხოლო ვაზზე 50%-ს. სტუმარი: ნატალია ხარატიშვილი - აგროდაზღვევის სახელმწიფო პროგრამა; მენეჯერი
ნოემბრიდან თბილისში არარეგისტრირებული ტაქსები ვერ იმოძრავებენ - ამის შესახებ თბილისის მერის მოადგილემ მაია ბითაძემ დედაქალაქის მთავრობის სხდომის დამთავრების შემდეგ ჟურნალისტებს bm.ge-ის კითხვის საპასუხოდ განუცხადა.
იმ ბოლო ინფორმაციების შემდეგ, რაც ჩინური სერიალის საქართველოში გადაღების გეგმას და ჰოლივუდთან მოლაპარაკებებს ეხება, საქმის კურსი დაინტერესდა, რა გადაიღეს საქართველოში და რა მიმართულებით ვითარდება ეროვნული კინოწარმოება. როგორც იცით, 2016 წლიდან მოქმედებს სახელმწიფო პროგრამა, რომელიც საქართველოში ფილმის გადაღებებზე გაწეული კვალიფიციური ხარჯის 20-დან 25%-მდე ანაზღაურებას გულისხმობს. ამ პროგრამის ფარგლებში დღევანდელი მონაცემებით, 15 პროექტი განხორციელდა, საიდანაც გადაღებები 9 ფილმზე დასრულდა, ექვსი პროექტის კი - მიმდინარეობს. რა არის ამ პროგრამის მომავალი და შედეგები ციფრებში? სტუმარი: თათია ბიძინაშვილი - “გადაიღე საქართველოში” პროგრამის მენეჯერი
მედიკამენტები ნახევარ ფასად - ჯანდაცვის სამინისტრომ ამ იდეის განსახორციელებლად დაანონსებული არასამეწარმეო იურიდიული დააფუძნა. "პარტნიორობა ხელმისაწვდომი ჯანდაცვისთვის" - ამ სახელწოდებით იფუნქციონირებს პროგრამა, რომელმაც პენსიონირებისთვის და შეზღუდული შესაძლებლობების მქონე პირებისთვის გარკვეული ქრონიკული დაავადებების სამკურნალო მედიკამეტების ხელმისაწვდომობა უნდა უზრუნველყოს. ჩვენ შევთავაზეთ გადაცემაში მონაწილეობა აიპის ხელმძღვანელს ირაკლი მარგველაშვილს, თუმცა ის უცხოეთში იმყოფება. მანამდე საინტერესოა როგორ აფასებს ამ ნაბიჯს საპარლამენტო ოპოზიცის ის წარმომადგენელი, რომელიც ჯანდაცვის სამინისტროს კრიტიკოსებს შორის ერთ-ერთი პირველია, თუნდაც მისი წარსული გამოცდილების გათვალისწინებით. სტუმარი: ზურაბ ჭიაბერაშვილი - საპარლამენტო უმცირესობის წევრი
მიმდინარე წელს აზიურ ფაროსანასთან საბრძოლველად მთავრობას 49 მილიონი ლარი აქვს გათვალისწინებული. ეს თანხა შესაბამისი ტექნიკის, წამლის, საწვავის, პერსონალისა და საინფორმაციო კამპანიისთვის იხარჯება. სწორედ მთელ ამ პროცესთან დაკავშირებით - ანუ როგორ მიმდინარეობს მავნებელთან ბრძოლის სტრატეგიის განხორციელება, პარლამენტში რეგიონული პოლიტიკისა და თვითმმართველობის კომიტეტის წევრებმა სოფლის მეურნეობის მინისტრის მოადგილეს გელა ხანიშვილს მოუსმინეს. სტუმარი: გელა ხანიშვილი - სოფლის მეურნეობის სამინისტრო; მინისტრის მოადგილე
საბიუჯეტო რესურსების არაეფექტიანი და არამიზნობრივი ხარჯვის რისკები - ეს 2017 წლის სახელმწიფო ბიუჯეტზე აუდიტის სამსახურის ანგარიშის ყურადღების საგანი იყო. რა რეკომენდაციებს აძლევს გენერალური აუდიტორი მთავრობას?
საწვავი ძვირდება და საერთაშორისო ბაზრებზე ამ მხრივ არსებული ვითარება, მაინდამაინც დამაიმედებელ პროგნოზებს ჯერ ვერ გვაძლევს. ბოლო ერთი თვის განმავლობაში თითქმის ყველა ტიპის საწვავზე ფასები საშუალოდ, 5-დან 11 თეთრამდე გაიზარდა.
4 წელიწადში წარმოების 400%-იანი ზრდა და 55 დასაქმებული ამ მახასიათებლებით კომპანია “იმერეთი გრინერი” ქართულ ბაზარზე მეოთხე წელია წარმატებულად ოპერირებს. კომპანიამ ევროკავშირისა და იბიარდის ერთობლივი პროექტების საშუალებით წარმოების გაფართობა და კიდევ უფრო განვითარება თანამედროვე მანაქანა დანადგარების შეძენით შეძლო.
საქართველოს ავიახაზების ბრალდებები აეროპორტების მმართველ ტავ ჯორჯიას - ეროვნულ ავიაკომპანიაშია აცხადებენ, რომ ტავ ჯორჯია მათ ავიაბილეთების გაიაფებაში ხელს უშლის, რადგან ამ მიზნით სხვადასხვა საკითხებზე მოლაპარაკებებზე უარს ამბობენ. ასევე, საქართველოს ავიახაზების განმარტებით, ბოლო ხუთი წლის განმავლობაში "ტავ ურბან ჯორჯიას" მხოლოდ იმაში, რომ მგზავრი მიდის ტერმინალიდან თვითმფრინავამდე, გადაუხადეს 43 მილიონ ლარზე მეტი მაშინ, როდესაც მგზავრებს კომპანია თავად უწევს სახმელეთო მომსახურებას. ასეთია ქართული ავიაკომპანიის პრეტენზიები. სტუმარი: თეა ზაქარაძე - “ტავ ჯორჯია” -ს გენერალური მენეჯერის მოადგილე
კომპანია "სვეტში’’ რეორგანიზაცია მიმდინარეობს. ამ პროცესში გამოჩნდება, რომელი კომპანია გადაიბარებს სვეტის ვალდებულებებს და შესაბამისად, დაზარალებულებს დააკმაყოფილებს. შეგახსნებთ, თბილისის მერიამ კომპანია "სვეტის" და კიდევ რამდენიმე კომპანიის პროექტებზე სამშენებლო სამუშაოები შეაჩერა. ზოგიერთ ობიექტზე "სვეტს" სამშენებლო ნებართვა საერთოდ არ ჰქონდა, ზოგგან კი სამუშაოები დარღვევებით მიმდინარეობდა.
მოგების გადასახადის რეფორმა საფინანსო სექტორს, მათ შორის სადაზღვევოებს 2023 წლიდან შეეხება. თუმცა სადაზღვევოების დიდი ნაწილი ე.წ ესტონურ მოდელში ჩართვას თავიდანვე ითხოვდა და საკმაოდ არგუმენტირებულადაც. თავად ფინანსთა მინისტრი, მამუკა ბახტაძეც აცხადებდა რომ დამატებითი კონსულტაციების გამართვა აუცილებელია. დღეს მივიღეთ მოცემულობა, სადაც სადაზღვევო სექტორი, მოგების რეინვესტირების დაუბეგრავი სიკეთით, 2023 წლამდე ვერ ისარგებლებს. სტუმარი: დევი ხეჩინაშვილი - სადაზღვევო ასოციაცია; თავმჯდომარე
ბექა: “ტურინვესტი” 10 წლის იუბილეს აღნიშნავს და მისი ინვესტიციები $200 მილიონს აჭარბებს. კომპანიის სახელს უკავშირდება ერთ-ერთი მაღალი კლასის მულტიფუნქციური კომპლექსის მშენებლობა, რომელიც აერთიანებს “ბელვიუ რეზიდენს ბათუმს” და 5–ვარსკვლავიან სასტუმრო “ჰილტონს”. ერთი კომპლექსის ორივე შენობის პროექტი დიდ ბრიტანეთში - კომპანია RTKL-ის მიერ, ბრიტანელი, შვედი და გერმანელი სპეციალისტების ჩართულობით შეიქმნა. “ტურინვესტმა” ასევე მოაწყო ქალაქ ბათუმის ერთ-ერთი ყველაზე პოპულარული ტურისტული ატრაქციონი, გასართობ-კულტურული ცენტრი “არგო”, რომელიც მოიცავს საბაგირო გზასა და ქართულ რესტორანს, რაც ტურისტებს ბათუმის ულამაზესი ხედებით ტკბობის საშუალებას აძლევს.
რატომ არ ქვეყნდება სახელმიწფო ვალის მართვის სტრატეგია და რა უშლის ხელს საინვესტიციო კრედიტების გეგმით განსაზღვრულ ათვისებას ანუ ხარჯვას?
რომი, პარიზი, ბარსელონა, პრაღა, ათენი - ქუთაისის საერთაშორისო აეროპორტს ახალი რეისები დაემატა.უკვე დაიწყო ოპერირება "ვიზიარის" თანამედროვე საჰაერო ხომალდმა, რომელიც რეგულარულ რეისებს შეასრულებს. ქუთაისში მიმდინარეობს აეროპორტის გაფართოებაც. ახალი ტერმინალის მშენებლობის შემდეგ, აეროპორტი სამჯერ მეტი მგზავრის მომსახურებას შეძლებს. სტუმარი: ქეთი ალქსიძე - აეროპორტების გაერთიანების ხელმძღვანელი
"ანაკლიის განვითარების კონსორციუმი“ 100-ზე მეტ კომპანიასთან აწარმოებს მოლაპარაკებას მსუბუქი წარმოების, სატრანსპორტო გადაზიდვებისა და ლოგისტიკური მიმართულებით. პარალელურად, ანაკლია სითის ქალაქგეგმარებითი კონცეფცია ჩამოყალიბების პროცესშია. სტუმარი: ქეთი ბოჭორიშვილი - "ანაკლია სითი“ ხელმძღვანელი
საქსტატის მონაცემებთ, 2017 წელს უმუშევრობის დონე 0.1 პროცენტით შემცირდა და 13.9% შეადგინა. 2018 წლის პირველ კვარტალში კი უმუშევართა რაოდენობა აქტიური სამუშაო ძალის 14%-ია. სწორედ ეს მაჩვენებლები იყო პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას კრიტიკის საგანი საქსტატის მისამართით. დეპუტატი მიიჩნევს, რომ აღნიშნული რიცხვები რეალობას არ ასახავს. როგორ ითვლის სტატისტიკის ეროვნული სამსახური დასაქმებულთა და უმუშევართა რაოდენობას და უკვე არსებულ მეთოდოლოგიაში ცვლილებები ხომ არ იგეგმება? სტუმარი: გოგიტა თოდრაძე - სტატისტიკის ეროვნული სამსახურის აღმასრულებელი დირექტორი
შესყიდვების სააგენტო, მსოფლიო ბანკისა და ბრიტანეთის მთავრობის მხარდაჭერით აქტიურად მუშაობს ქართულ საჯარო შესყიდვებში ღია მონაცემთა სტანდარტის დანერგვისათვის, რომლის ფარგლებშიც მოხდება ტენდერებზე აგრეგირებული ინფორმაციის გამოქვეყნება და დაინტერესებული პირთათვის გაადვილებული და დაჩქარებული მიწოდება. გარდა ამისა მუშაობა მიმდინარეობს ევროკავშირის კანომდებლობასთან ჰარმონიზაციის მიმართულებით, რაც თავის მხრივ, გარკვეული ვალდებულებების შესრულების ნაწილსაც მოიცავს. სტუმარი: კახა დემეტრაშვილი - სახელმწიფო შესყიდვების სააგენტო; თავჯდომარის მოადგილე
ექსპორტის საკრედიტო სააგენტოს დაფუძნებისთვის პარლამენტმა ინიციატორების თხოვნით კანონპროექტის განხილვა გადადო. ამ გადაწყვეტილებას კი რამდენიმე დღით ადრე წინ უძღოდა სიახლე მთავრობის საგარანტიო ფონდის შექმნის საკითხზე, რაც შეიძლება საკრედიტო სააგენტოს მონაცვლეც იყოს. სტუმარი: რომან კაკულია - პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე
სების რეგულაციები - ბიზნესომბუდსმენის შეფასება სტუმარი: ირაკლი ლექვინაძე - ბიზნესომბუდსმენი
თბილისში პირველად ხელოვნების ბაზრობა TBILISI ART FAIR იმართება, რომელიც საგამოფენო ცენტრ ექსპოჯორჯიაში გაიხსნა და 20 მაისამდე გაგრძელდება.
სამედიცინო ტურიზმი საქართველოში სტუმარი: სანდრო ჯიშკარიანი - “Tskaltubo Spa Resort “ მმართველი პარტნიორი
ეროვნულ დონეზე, ვაკანსიების 58%-ის შემთხვევაში დამსაქმებლები ითხოვენ ბაზისურ განათლებას, 25%-ის შემთხვევაში პროფესიულ განათლებას, 9%-ის შემთხვევაში უმაღლეს განათლებას, ხოლო 8%-ის შემთხვევაში განათლებას მნიშვნელობა არა აქვს. ეს ერთ-ერთი მიგნებაა, „ვაკანსიების მონიტორინგის რეგიონულ შრომის ბაზრებზე.“ საქართველოს სოციალური მომსახურების სააგენტოს დასაქმების პროგრამების დეპარტამენტი, ევროკავშირის ტექნიკური დახმარების პროექტთან თანამშრომლობით, შრომის ბაზრის კვლევების წარმოებას იწყებს. სტუმარი: ანა დიაკონიძე - ევროკავშირის შრომის ბაზრის ექსპერტი
პარლამენტი სამშენებლო კოდექსის პროექტს მეორე მოსმენით საკომიტეტო ფორატში განიხილავს. პირველი ვერსიის შემდეგ შეიცვლა სათაური და დაემატა გარკვეული დეფინიციები, თუმცა ძირეული ცვლილებები განხილვების დაწყების შემდეგ დოკუმენტში არ შესულა. მოესწრება თუ არა მიმდინარე საგაზაფხულო სესიაზე კოდექსის პლენარულ სესიაზე დამკიცება და დაამთავრა თუ არა კონსულტაციების რეჟიმი ბიზნესთან ხელისუფლებამ დაგეგმილ რეგულციებზე? სტუმარი: ილია წულაია - საპარლამენტო უმრავლესობა წევრი
საქართველოს მთავრობამ მოსახლეობის განვითარების ეროვნული საბჭო შექმნა, რომელსაც პრემიერ-მინისტრი ხელმძღვანელობს. საბჭომ უნდა მოიფიქროს, როგორ გამოსწორდეს საქართველოში დემოგრაფიული მდგომარეობა და როგორ შეჩერდეს მიგრაციული პროცესები. ამ ახალი გაერთიანების საფუძველი საქართველოს დემოგრაფიული უსაფრთხოების კონცეფციაა, რომელიც მთავრობამ 2016 წელს დაწერა და პარლამენტმაც დაამტკიცა. რას უნდა ელოდოს ერი ამ საბჭოსგან? სტუმარი: აკაკი ზოიძე - ჯანდაცვის კომიტეტი; თავმჯდომარე
„თამბაქოს კონტროლის ალიანსი“ სამორინეებსა და სიგარ-ბარებში მოწევის აკრძალვას მოითხოვს. ეს არის ერთგვარი პასუხი „საქართველოს სათამაშო ბიზნესის ასოციაციის“ საკანონმდებლო წინადადების, რომლის მიხედვით, ასოციაციამ პარლამენტს ახალი საკანონმდებლო წინადადებით მიმართა და ტოტალიზატორებში, აზარტულ კლუბებში და სათამაშო აპარატების სალონში მოწევის დაშვება მოითხოვა.
საქსტატმა უცხოელ ვიზიტორთა სამწლიანი მოკვლევის შედეგები გამოქვეყნა, რომელიც მსოფლიო ტურიზმის საერთაშორისო ორგანიზაციის მეთოდოლოგიით, 2014 წლის მესამე კვარტლიდან ტარდებოდა. კვლევის ფარგლებში ჯამში, სასაზღვრო გამშვებ პუნქტებზე დაახლოებით 12 ათასი ვიზიტორი გამოიკითხა. კვლევამ პასუხი გასცა ისეთ კითხვებს, როგორიცააა - რამდენად კმაყოფილები არიან ვიზიტორები საქართველოში მოგზაურობით, რამდენი ღამე რჩებიან ქვეყანაში, რამდენს ხარჯავენ საშუალოდ და რა მიზნით ჩამოდიან საქართველოში.
წელს დადგემილი ინფრასტრუქტურული პროექტებისთვის 5 მილიარდ 3 მილიონი ლარი დაიხარჯება
თბილისი საერთაშორისო ბიზნეს ფორუმს მასპინძლობს დასახელებით „საქართველო - შესაძლებლობების ქვეყანა“. ორგანიზატორია ბია, ანუ ბიზნეს ინფორმაციის კატალოგი. ფორუმის მიზანია რეგიონში საქართველოს ფინანსურ და ბიზნეს ცენტრად პოზიციონირების ხელშეწყობა, ქვეყნის ეკონომიკური და საინვესტიციო პოტენციალის მიმოხილვა და მეწარმეებისთვის ფინანსირების იაფი წყაროების გაცნობა.
"ხონელიძის კლინიკის" დამფუძნებლები, მათ შორის ექიმი ირაკლი მერკვილაძე, რომელიც ამჟამად ციხეში იხდის სასჯელს, ამჟამინდელ დირექტორს, დავით ხონელიძეს 5 წელია ედავებიან იმაზე, რომ იგი უკანონოდ ითვისებს და ფლანგავს კლინიკის ფინანსებს". ასევე ირაკლი მერკვილაძე დავით ხონელიძეს მის წინააღმდეგ სისხლის სამართლებრივი სამართალწამროების შემკვეთად მოიხსენიებს იმ საქმეზე, რომელიც მერკვილაძის წინააღმდეგ 2012 წელს აღიძრა ერთერთი მისი პაციენტის გარდაცვალების შემდეგ და რის გამოც 2018 წლის იანვარში დააპატიმრეს ქუთასის საქალაქო სასამართლოს გადაწყვეტილების საფუძველზე. სტუმრები: ზაზა ხაჟალია - ირაკლი მერკვილაძის ადვოკატი; დავით შველიძე - დავით ხონელიძის ადვოკატი
“სადაზღვევო სექტორს ისევ ბანკები ავიწროვებენ” - ეს შეფასება უნისონის გენერალურ დირექტორს, ვასილ ახრახაძეს ეკუთვნის. რომელიც ფიქრობს რომ სექტორში დესტრუქციულმა ჩარევამ პიკს მიაღწია, რაც ნეგატიურ გავლენას, როგორ არსებულ ბაზრის მოთამაშეებზე, ასევე მის საინვეტიციო მიმზიდველობაზე ახდენს. სტუმარი: ვასილ ახრახაძე - კომპანია უნისონი; დირექტორი
ეროვნული ბანკის რეგულაციების შემდეგ ტექნიკისა და ონლაინ მაღაზიების რეალიზაცია საგრძნობლად შემცირდა. ასეთია რეგულაციის გავლენის პირველადი შედეგი, რაზეც სექტორის წარმომადგენლები საქმის კურსთან საუბრობენ. როგორც იცით, ბანკები საზედამხედველო კაპიტალის 25%-ს მიღმა, სესხებს შემოსავლების დადასტურების გარეშე ვეღარ გასცემენ. გარკვეული პროფესიების წარმომადგენლებისთვის კი, მაგალითად, როგორიც არის რეპეტიტორი, ან ხელოსანი, სესხებზე ლიმიტებია დაწესებული.
„აწარმოე საქართველოში“ დირექტორი მიხეილ ხიდურელი იქნება. BM.ge-ის აღნიშნული ინფორმაცია თავად ხიდურელმა დაუდასტურა და თქვა, რომ სამოქმედო გეგმასა და სააგენტოს ახალ სტრატეგიაზე ვრცლად პრეზენტაციაზე ისაუბრებს.
საკმაოდ მრავალფეროვანი დღის წესრიგი ჰქონდა დღეს პარლამენტის დარგობრივი ეკონომიკისა და ეკონომიკური პოლიტიკის კომიტეტს. ერთ-ერთი მთავარი საკითხი, რაც ოპოზიციამ წამოჭრა, ეხება საქართველოში მიმდინარე მოვლენების საინვესტიციო გარემოზე ასახვას - დაწყებული, მარტში ნენსკრა ჰესის სამშენებლო სამუშაოების ტერიტორიაზე შეიარაღებული პირის შეჭრით, დამთავრებული გასულ პარასკევს ღამის კლუბებში განხორციელებული სპეცოპერაციით.
საქართველოდან პროდუქტები ევროპულ და ამერიკულ ბაზრებზე AMAZON.COM-ის სისტემით გაიყიდება. მათ კი ვინც ელექტრონური კომერციით არის დაინტერესებული, ამაზონის ელექტრონულ არხებში გზას საქართველოში დაფუძნებული ახალი კომპანია Amazon export hub-ი გაუკვალავს. სტუმარი: ლევან მოლაშვილი - Amazon export hub
საგარანტიო ფონდი, რომელიც კომერციული ბანკებისთვის, მცირე და საშუალო ბიზნესის მიერ აღებული სესხების უკან დაბრუნების გარანტორად გამოდის - მთავრობა ახალ რეფორმას იწყებს. რა ეტაპზეა ამ ფონდის ჩამოყალიბება და როგორ აფასებენ ამ პირველად ინფორმაციას პარლამენტის და არასამთავრობო სექტორის პროფესიულ წრეებში?
თბილისში თვითმფრინავის კომპოზიტური ნაწილების მაღალტექნოლოგიური ქარხნა ოფიციალურად გაიხსნა. ღონისძიებას საქართველოს მთავრობის წევრები და დიპლომატიური კორპუსის წარმოამდგენლები ეწრებოდნენ. პროექტის სრული საინვესტიციო მოცულობა 93 მლნ აშშ დოლარია. ქარხანამ 300 ადგილობრივი მუშახელი უნდა დაასაქმოს, რომლებიც გადამზადდებიან ავიაციის წარმოების ბაზარზე წამყვანი სპეციალისტების მიერ. სტუმარი: დავით საგანელიძე - საპარტნიორო ფონდი; დირქტორი
რამდენიმე დღეში პარლამენტი ეკონომიკის სამინისტროსგან ენერგეტიკის სექტორში 2017 წლის ნამუშევარს ჩაიბარებს. კერძოდ, საუბარია ევროკავშირთან ასოცირების შეთანხმებისა და ასოცირების დღის წესრიგის სამოქმედო გეგმის შესრულებაზე, ასევე ევროპის ენერგეტიკულ თანამეგობრობაში გაერთიანების ხელშეკრულების მოთხოვნების შესრულების შესახებ. ჯერ ადრეა საუბარი იმაზე, როდის შევიძენთ ჩვენ, რიგითი მომხმარებლები ელექტროენერგიას ბაზარზე, დისტრიბუტორების შუამავლობის გარეშე, ან როდის გვექნება ჭკვიანი მრიცხველები, რომ საათობრივად დათვალოთ ჩვენი ხარჯი. სტუმარი: გიორგი ჩიქოვანი ეკონომიკის მინისტრის მოადგილე
ავტომანქანებისა და უძრავი ქონების დალომბარდება აიკრძალება, - ამის შესახებ ფინანსთა მინისტრმა მამუკა ბახტაძემ განაცხადა. მისი თქმით, ლომბარდები საქართველოში ჭარბვალიანობის ერთ-ერთ პრობლემად გადაიქცა. რას ფიქრობს ბიზნესი მინისტრის ინიციატივაზე და როგორ აფასებს მას მოსახლეობის ნაწილი
პროფესიული კავშირების გაერთიანება მომეტებული საფრთხის მქონე მძიმე, მავნე და საშიშპირობებიანი სამუშაოს მთავრობის მიერ წარმოდგენილ ნუსხაში რიგი სექტორების დამატებას ითხოვს. მათ შორის არის ხორცის, რძის, მცენარეული ზეთის, მაკარონის და სხვა პროდუქტების წარმოება. ასევე, პროფკავშირები ითხოვენ ნუსხას დაემატოს კომუნალური მეურნეობა და საყოფაცხოვრებო მომსახურება. შეგახსენებთ, რომ შრომის უსაფრთხოების ახალი კანონის ამოქმედებიდან 3 თვეში საქართველოს მთავრობამ აღნიშნული ნუსხა უნდა დაამტკიცოს. დედლაინამდე კი დაახლოებით თვენახევარი დარჩა. სტუმარი: გიგა ბექაური - პროფკავშირები
რამ შეიძლება გააერთიანოს სახელმწიფო ენისა და ბიზნესის ინტერესები? - ეს საკითხი განსაკუთრებით აქტუალურია მას შემდეგ, რაც რეკლამის შესახებ კანონში ცვლილებები შევიდა და ბრენდების უცხოური დასახელების ტრანსლიტერაციის გარეშე განთავსებისთვის ჯარიმები გაიზარდა. ამ რეგულაციით შეწუხებულმა ბიზნესმა სახელმწიფო ენის დეპარტამენტსაც მიმართა. რით შეუძლია ამ უწყებას კერძო სექტორის დახმარება? სტუმარი: გიორგი ალიბეგაშვილი - "სახელმწიფო ენის დეპარტამენტი" თავმჯდომარე
ფინანსთა მინისტრის ინიციატივების სესახებ ჩვენი მაყურებელი ინფორმირებულია. მათ შორის უახლესებია, ავტომობილების და უძრავი ქონების დალომბარდების აკრძალვა, ასე 50% იანი ჭერი ეფექტური საპროცნტო განაკვეთისათვის. ბაზრის მოთამაშეები მოლოდინის რეჟიმში არიან, ზოგიერთი კი ალბათ სტრატეგიის და საქმიანობის შეცვლაზეც ფიქრობს, მიუხედავად იმისა რომ ეს მხოლოდ ინიციატივებია. სტუმარი: გივი კორინთელი - არასაბანკო ფინანსურ დაწესებულებათა ასოციაციის დამფუძნებელი
მარეგულირებელი კომისიების ხელმძღვანელებს ხელფასები, შესაძლოა, 3-ჯერ შეუმცირდეთ. შესაბამისი კანონპროექტი პარლამენტის უმცირესობის წევრს რომან გოცირიძეს აქვს შემუშავებული. საუბარია კომუნიკაციის ეროვნული კომისიისა და საქართველოს ენერგეტიკისა და წყალმომარაგების მარეგულირებელი ეროვნული კომისიის ხელმძღვანელ პირებზე. კანონპროექტი ზოგადი პრინციპების დონეზე მიმდინარე კვირაში განიხილა დარგობრივი ეკონომიკისა და ეკონომიკური პოლიტიკის კომიტეტმა და დეპუტატებმა კანონპროექტის ძირითადი არსი გაიზიარეს. რატომ ითხოვს რომან გოცირიძე ხელფასების შემცირებას და რა რისკები შეიძლება ახლდეს ამ ნაბიჯს?
ლიზინგის პოპულარიზაციაზე ზრუნვა სახელმწიფომაც დაიწყო და შეღავათიანი აგროკრეტიტის პროექტს, აგრო ლიზინგი დაამატა. სტუმარი: გაგა გოგუა - TBC ლიზინგი; გენერალური დირექტორი
მომეტებული საფრთხის მქონე რომელ სამუშაოებზე უნდა გავრცელდეს შრომის უსაფრთხოების შესახებ კანონი? ეს საკითხი არაერთი შეხვედრის საგანია კერძო სექტორსა და მთავრობას შორის. დღეს კი ამ თემაზე საქართველოს დამსაქმებელთა ასოციაციაში იმსჯელეს. როგორც იცით, ახალი კანონის ძალაში შესვლიდან სამ თვეში საქართველოს მთავრობის მიერ უნდა დამტკიცდეს მომეტებული საფრთხის მქონე მძიმე, მავნე და საშიშპირობებიანი სამუშაოების ჩამონათვალი ბიზნესთან და პროფკავშირებთან შეთანხმებით. სტუმარი: მიხეილ კორძახია - დამსაქმებელთა ასოციაცია ; პრეზიდენტი
კრიპტოვალუტები და ბლოკჩეინი - ასეთი სათაურით ევროპისა და ცენტრალური აზიის რეგიონის ეკონომიკური ანგარიშის პრეზენტაცია გაიმართა, რომელიც ეხება ტრანსფორმაციული ტექნოლოგიების ახალ ტალღას და მათ ურთიერთობას მსოფლიოს სხვადასხვა ეკონომიკებთან, გლობალურ და ადგილობრივ დონეზე. ტექნოპარკში მიწვეულ სტუმრებს ანგარიში მსოფლიო ბანკის ამ რეგიონის მთავარმა ეკონომისტმა ჰანს ტიმერმა გააცნო. ღონისძიებას ეროვნული ბანკის პრეზიენტი და ფინანსთა მინისტრის მოადგილეც ესწრებოდნენ.
თამბაქოს მოხმარებაზე დაწესებული შეზღუდვების პირველი დღეების ეფექტი - საქმის კურსისთვის ცნობილი გახდა, რომ ე.წ სიგარაბარებისთვის კანონის მიხედვით გაწერილ ლიცენზიებს გაურკვეველი პირები კაფე-ბარებისა და რესტორნების მფლობელებსაც სთავაზობენ. კონკრეტულად რა სახის ლიცენზიებს ითვალისწინებს თამბაქოს კონტროლის შესახებ კანონი და რამდენად მაღალია შანსი, რომ ვინმემ კანონის გვერდის ავლით იმოქმედოს?