საქართველოში არადეკლარირებული თამბაქოსა და ალკოჰოლური სასმელების შემოტანა გაორმაგებულია. შემოსავლების სამსახურის მიერ bm.ge-სთვის მიწოდებული ოფიციალური ინფორმაციის მიხედვით, 2016 წელს საქართველოში სიგარეტის 2 მილიონამდე ღერი შემოვიდა, 2017 წელს კი ამ მაჩვენებელმა 4,5 მილიონ ღერს მიაღწია. თამბაქოს უკანონოდ შემოტანის ზრდას შემოსავლების სამსახური აქციზის მატებას უკავშირებს. Bm.ge-ს უწყებაში განუცხადეს, რომ არადეკლარირებული თამბაქოს შემოტანის ზრდის მთავარი მიზეზი სწორედ აქციზის გადასახადის ზრდაა. სტუმარი: ლაშა გოცირიძე - ეკონომისტი
საქართველოდან ჩინეთში ექსპორტი შემცირდა. სტატისტიკის სამსახურის მიერ bm.ge-სთვის მოწოდებული ინფორმაციის თანახმად, 2018 წლის პირველ სამ თვეში ჩინეთში ექსპორტმა 20.4 მლნ დოლარი შეადგინა, რაც 2017 წლის ანალოგიურ მაჩვენებელს თითქმის 29 მილიონით ჩამოუვარდება. ეს იმ ფონზე, როცა ჩინეთთან თავისუფალი ვაჭრობის შესახებ შეთანხმება 1-ლი იანვრიდან ამოქმედდა და ქართული პროდუქციის 94% გათავისუფლდა ნებისმიერი საბაჟო გადასახადისგან. ჩინეთში საქართველოდან ყველაზე დიდი მოცულობით, მადნები და სპილენძის კონცენტრატები გადის, მეორე ადგილს იკავებს ღვინო, მესამეს კი - ხელსაწყოები და მოწყობილობები, რომელიც მედიცინაში ან ვეტერინარიაში გამოიყენება. სტუმარი: მარიამ გაბუნია - ეკონომიკის სამინისტრო; საგარეო ვაჭრობის პოლიტიკის დეპარტამენტი უფროსი
მოსახლეობის უმრავლესობა თავს კვლავ დაუსაქმებლად მიიჩნევს - ეროვნულ -დემოკრატიულმა ინსტიტუტმა კვლევის შედეგბი დღეს გამოქვეყნა. ბოლო კვლევა განსხვავებული იყო იმ კუთხით, რომ ორგზანიაციამ ერთობლივად გამოაქვეყნა საზოგადოებრივი აზრის კვლევის შედეგები პოლიტიკური და სოციალური მიმართულებით. აღინიშნულიდან გამომდინარე ნაკლები ყურადღება ეთმობა ეკონომიკურ ნაწილს. NDI-მ წელს მოსახლეობას ჰკითხა, ხელისუფლებაში კორუფციის შესახებაც.
დღეს ინტელექტუალური საკუთრების საერთაშორისო დღეა. ინტელექტუალური საკუთრების მსოფლიო ორგანიზაციის გადაწყვეტილებით, 2018 წლის 26 აპრილის სლოგანად დასახელდა: ,,ცვლილებების მამოძრავებელი ძალა: ქალები ინოვაციისა და შემოქმედების სფეროში“. ზოგადად რას ნიშნავს ინტელექტუალური საკუთრება, მისი დაცვის აუცილებლობა, როგორია საერთაშორისო პრაქტიკა და ქართული გამოცდილება? სტუმრები: გიგა კობალაძე - საავტორო უფლებათა ასოციაციის თავმჯდომარე; ეკა ეგუტია - TBC ბანკი
იმერეთში 200 მეგავატი სიმძლავრის ქარის სადგურის მშენებლობა იგეგმება. პროექტი კომპანია Infinite Energy-ს ეკუთვნის. ამ ეტაპზე კონკრეტული ლოკაციების შესწავლა მიმდინარეობს. იმ შემთხვევაში, თუ პროექტი სამშენებლო ეტაპზე გადავა, ახალი ქარის სადგურისთვის დაახლოებით 250 მილიონი დოლარი დაიხარჯება. სტუმარი: თორნიკე ბახტურიძე - Infinite Energy ხელმძღვანელი
დღეიდან 15 ივნისამდე საზოგადოებრივ ტრანსპორტში შეიძლება, ინტერვიუერები შეგხვდეთ. მათ კომპანია “სპექტრუმის” მიერ კითხვარი აქვთ მომზადებული, რომლის შევსებაც ქალაქის მერიას მგზავრთნაკადის შესახებ ინფორმაციის მიღებაში და საბოლოოდ, განახლებული მარშრუტების დაგეგმვისას დაეხმარება. გარდა ამისა, დედაქალაქის მთავრობამ საზოგადოებრივი ტრანსპორტის ქსელის განახლებისთვის კომპანია სისტრას გეგმის დამუშავება დაუკვეთა. სტუმარი: მამუკა მუმლაძე - მერიის ტრანსპორტის საქალაქო სამსახური; უფროსი
ახალი ინიციატივა, რომელიც ევროპასა და საქართველოს შორის ენერგო ხაზის დამონტაჟებას გულისხმობს. როგორც ევროკავშირი-საქართველოს ბიზნესსაბჭოში აცხადებენ, ეს იქნება საზღვაო ელექტრო ხაზი, რომელიც ევროპას საქართველოსთან დააკავშირებს. იდეის ავტორები ამბობენ, რომ ეს საქართველოში გამომუშავებულ ენერგიას ევროპის ბაზარზე ექსპორტის საშუალებას მისცემს, რაც ახალ ინვესტორებს ჩვენს ქვეყანაში შემოსვლისკენ უბიძგებს, რადგანაც ელექტროენერგიის გაყიდვის ბაზარი დივერსიფიცირებული გახდება. სტუმრები: ირაკლი ტყებუჩავა - gross energy groupgross energy group ; ფინანსური დირექტორი ზვიად ჭუმბურიძე - "ევროკავშირი-საქართველოს ბიზნეს საბჭო" გენერალური მდივანი
პროფესიულ სასწავლებლებში ჩარიცხული სტუდენტების წილი მთლიან ჩარიცხულ სტუდენტებში ყოველწლიურად მცირდება. პროექტ „რეფორმეტრის“ ფარგლებში, პროფესიული განათლების რეფორმის საჯარო შეფასება შედგა. კვლევის მიხედვით, რეფორმის 2013-17 წლების სამოქმედო გეგმის 83,3% შესრულებულია და ამჟამად მზადდება 2018-20 წლების აქტივობების დეტალური გეგმა. სტუმარი: თამთა მარიდაშვილი - ISET მკვლევარი
პარლამენტში საფინანსო საბიუჯეტო კომიტეტის სხდომის დღის წესრიგის ერთ-ერთი საკითხი, საგადასახადო კოდექსში შესატანი ცვლილებები იყო, რომლის თანახმად რიგი შეღავათები წესდება მცირე და საშუალო ბიზნესისთვის, რათა ეკონომიკაში მათი წილი გაიზარდოს.
რა არის ელიავას ბაზრობის მომავალი? - ამ სივრცეზე დისკუსია ბოლოს თბილისის მიწათსარგებლობის გენერალური გეგმის ავტორებმა გახსნეს, თუმცა შედეგი ვერ მიიღეს, ყოველ შემთხვევაში, ჯერ-ჯერობით. გენგეგმის ჯგუფის აზრით, ეს ბაზრობა ქალაქის რომელიმე პერიფერიულ ნაწილში უნდა გადავიდეს და ამისთვის მათ მერიას ორი ადგილიც შესთავაზეს, თუმცა შეთავაზებული ტერიტორიები საჯაროდ არ დააკონკრეტეს. ბაზრობის მოქმედ ადმინისტრაციას კი ადგილზე დარჩენა და ობიექტის განვითარება სურს. ამისთვის წერილით მერიასაც მიმართეს. სტუმარი: გიორგი ანდრიაძე - ელიავას ბაზრობა; ერთ-ერთი მფლობელი; კომპანია „ან-ჯი“ დირექტორი
რეგიონული განვითარებისა და ინფრასტრუქტურის სამინისტრო ის უწყებაა, რომელიც ერთ-ერთ ყველაზე მეტ ტენდერს აცხადებს. შესაბამისად, სამინისტრო სახელმწიფო უწყებებიდან ყველაზე მსხვილი დამკვეთია. წლიდან წლამდე სამინისტროს ბიუჯეტი ინფრასტრუქტურული პროექტებისთვის იზრდება. უწყებამ 2012 წლის შემდეგ რამდენიმე მინისტრი გამოიცვალა და არაოფიციალური ინფორმაციით, მათი უმრავლესობა ასე ვთქვათ, სწორედ ტენდერებს შეეწირა.
გიორგი ზვიადაძემ ინოვაციებისა და ტექნოლოგიების სააგენტოს ხელმძღვანელის პოსტი დატოვა. “უდიდესი მადლიერება მინდა გამოვხატო საქართველოს პრემიერმინისტრის მიმართ, რომლისგანაც მუდამ ვგრძნობდი სააგენტოსა და ჩემს მიმართ მხარდაჭერას" - გიორგი ზვიადაძე. სტუმარი:გიორგი ზვიადაძე - ინოვაციებისა და ტექნოლოგიების სააგენტოს ყოფილი ხელმძღვანელი
მიმდინარე აპრილი საბანკო სექტორს კრიტიკული განცხადებებით არა მხოლოდ ფინანსთა მინისტრისგან, არამედ ოპოზიციური პარტიების რიგებიდანაც დაამახსოვრდებათ, რომელთა შორის არის ნაციონალური მოძრაობის ლიდერი, საქართველოს მესამე პრეზიდენტი მიხეილ სააკაშვილი. ამ პარტიას დღეს საქართველოს პარლამენტში წარმოადგენს რომან გოცირიძე, რომელიც თავის მხრივ ეროვნული ბანკის ყოფილი პრეზიდენტია. სტუმარი: რომან გოციძე - ნაციონალური მოძრაობა ; ფრაქციის თავმჯდომარე
ახალი ქართული ბრენდი "ბორჯომი ლიკანი"რიქსოსის გასვლის შემდეგ მუშაობას ახალი სტრატეგიით განაგრძობს. სასტუმრო "ბორჯომი ლიკანის" ახალი მენეჯმენტი ტურისტების მოზიდვის მიზნით ჩარჩოების გარეშე იმოქმედებს. რიქსოსის გასლის შემდეგ სასტუმრო „ბორჯომი ლიკანი“ ბაზარზე საპარტნიორო ფოდის მხარდაჭერით განაგრძობს ოპერირებას. სტუმარი: შალვა ალავერდაშვილი - სასტუმრო „ბორჯომი ლიკანი“ დირექტორი
საქართველოში დაგეგმილი საკანონმდებლო ცვლილებები, რომელთა ნაწილის შესრულებასაც ქვეყანას საერთაშორისო სავალუტო ფონდი და მის უკან მდგარი პროგრამა ავალდებულებს. რა ეტაპზეა კერძო საჯარო პარტნიორობს შესახებ ჩარჩო დოკუმენტი, რას მოუტანს ქვეყანას პენსიის დაგროვება და როგორია საფინანსო ინსტიუტის შეფასება ქართულ საბანკო სფეროზე. ასევე რამდენად "ჩრდილოვანია" საქართველოს ეკონომიკა და რამდენია მისი წილი ქვეყნის მშპ-ში - IMF-ის პასუხი.
ბოლო რამდენიმე დღის განმავლობაში, საწვავის ფასი ზოგიერთ ბრენდირებულ სადგურზე 2 თეთრით, არაბრენდირებულზე კი -5 თეთრით გაიზარდა. ზრდის გამომწვევ მიზეზებზე, ნავთობიმპორტიორთა კავშირის და კერძო სექტორის პოზიციები.
“ჰიდრო ენერგო კორპორაცია” დასავლეთ საქართველოში ჰესების მშენებლობისთვის ტექნიკურ-ეკონომიკურ კვლევებს ატარებს. ეს პროცესი უკვე მესამე წელია მიმდინარეობს. იმ შემთხვევაში, თუ ყველაფერი ისე წარიმართა, როგორც დაგეგმილი იყო, მაშინ მომავალ წელს კომპანიამ გარემოზე ზემოქმედების შეფასების დოკუმენტზე უნდა დაიწყოს მუშაობა. დროულად მოახერხებს თუ არა ინვესტორი ახალი ჰესების აშენებას და რამდენად შეიცვალა გარემო ენერგოსექტორისთვის არა მხოლოდ ახალი, არამედ უკვე დაწყებული პროექტებისთვის? სტუმარი: ტატო ცინცაძე - “ჰიდრო ენერგო კორპორაცია” საოპერაციო დირექტორი
დასაქმებულ თბილისელთა ნახევარზე მეტი სამსახურს ნაცნობის დახმარებით იწყებს. ეს არის ეი-სი-თის კვლევის ერთ ერთი მიგნება, რომელიც დასაქმების გზების მოძიებას ეხებოდა. კვლევის სესახებ საქმის კურსის მაყურებელი ინფორმირებულია და ამ საკითხზეჩვენს მომდევნო სტუმართანაც გვექნება შეკითხვა. თუმცა პარლამენტის დარგობრივი ეკონომიკის და ეკონომიკური პოლიტიკის კომიტეტის თავჯდომარესთან საუბრის მთავარი თემა, შეხვედრის დეტალებია, რომელზეც ეკონომიკის სექტორული განვითარების პრიორიტეტებისა და შრომის ბაზრის მოთხოვნის ასახვაზე იმსჯელეს, პროფესიული სწავლების პროგრამებში. ერთ-ერთი კითხვა რომელიც დაისვა, არის, რამდენად კოორდინირებულია სახელმწიფო უწყებების საქმიანობა, დასაქმების და პროფესიული განათლების დონის გაზრდის კუთხით. სტუმარი: რომან კაკულია - დარგობრივი ეკონომიკისა და ეკონომიკური პოლიტიკის კომიტეტი; თავმჯდომარე
როგორ დაარეგულირებს სახელმწიფო სასოფლო-სამეურნეო მიწების საკითხს? სტუმარი: ირაკლი ლექვინაძე - ბიზნესომბუდსმენი
ფინანსთა სამინისტროს სახელმწიფო ხაზინის სამსახურმა სახელმწიფო ბიუჯეტის 3 თვის შესრულების თაობაზე ინფორმაცია გამოაქვეყნა, რომლის თანახმად, მიმდინარე წლის პირველ კვარტალში, სახელმწიფო ბიუჯეტის ხარჯებმა შეადგინა 2 მლრდ 630 მლნ ლარი, ხოლო შემოსავლების სახით ბიუჯეტში 2 მლრდ 635 მლნ შევიდა.
სასოფლო-სამეურნეო დანიშნულების მიწის შესახებ კანონპროექტზე დღეს პარლამენტის აგრარულ საკითხთა კომიტეტმა დაინტერესებულ პირებთან დახურულ კარს მიღმა შეხვედრა გამართა. შეხვედრაზე ბიზნესომბუდსმენი, საქართველოს ბანკების ასოციაციის, ბიზნეს ასოციაციისა და ფინანსური ინსტიტუტების წარმომადგენლები იმყოფებოდნენ. როგორც იცით, უცხოელების მიერ მიწის დასაკუთრების საკითხი ერთ-ერთი მთავარი პრობლემა იყო საბანკო სექტორისთვის, რადან ისინი ძირითადად საზღვარგარეთ არიან რეგისტრირებულები. რა შეიცვლება მათთვის და არა მხოლოდ ბანკებისთვის,
მე მხოლოდ ერთი რამ მაინტერესებდა: ბიზნესი, ბიზნესი, ბიზნესი! ეს სიტყვები არჩილ ჭეიშვილს ეკუთვნის, რომელიც ამჟამად ტექნოლოგიური კომპანია „პალატაინის“ განვითარებით არის დაკავებული. სტუმარი: არჩილ ჭელიძე - ჰარვარდის უნივერისტეტის კურსდამთავრებული ; სტარტაპერი, GenesisAI-სა და Palatine Analytics-ის დამფუძნებელი
რა პრობლემებია ეკოლოგიისა და გარემოს დაბინძურების მიმართულებით საქართველოში და რაზე საუბრობენ კერძო კომპანიები. ეს თემა ცხადია აქტუალურობას არ კარგავს და პერიოდულად ჩვენ ვთვლით რომ მაყურებელმა უნდა იცოდეს იმ კომპანიების შესახებ, რომლებიც ეკოლოგიურ და გარემოს დაცვით მიმართულებას ყურადღებას უთმობენ. ცოტა ხნის წინ, გარემოს დაცვისა და სოფლის მეურნეობის მინისტრმა, ლევან დავითაშვილმა კომპანია „ჩირინა“-ს მფლობელობაში არსებული საწარმოები დაათვალიერა. „ჩირინა“ ერთ-ერთია, რომელიც პროდუქციას უნარჩენო წარმოებით ქმნის, აღჭურვილია თანამედროვე სტანდარტების ტექნოლოგიური ხაზით და სრულად აკმაყოფილებს საერთაშორისო სტანდარტებს. სტუმარი: რევაზ ვაშაკიძე - "ბიუ-ბიუს" ხორცპროდუქტების მწარმოებელი; კომპანია "ჩირინა" დამფუძნებელი
მაღალმთიანი დასახლებების შესახებ კანონი, რომლის მთავარი მიზანი მოსახლეობის მთაში დამაგრება და ეკონომიკური აქტივობის ზრდა იყო, საქართველოში 2016 წლის პირველი იანვრიდან ამოქმედდა. თუმცა, ძირითადი სოციალური და ეკონომიკური შეღავათები, რომელსაც კანონი სხვადასხვა მიმართუკებით ითვალისწინებს, ძალაში ამავე წლის პირველი სექტემბრიდან შევიდა.
რატომ შემცირდა საშემოდგომო და საგაზაფხულო კულტურების ნათესი ფართობების მოცულობა? - საქსტატის წინასწარი მონაცემებით, 2017 წელს ამ მაჩვენებელმა თითქმის 215 ათასი ჰექტარი შეადგინა, რაც ბოლო ოთხი წლის მინიმუმია. ჯერ-ჯერობით მიზეზებზე საუბრისგან სოფლის მეურნეობის სამინისტროში თავს იკავებენ, რადგან ციფრები უნდა გადაამოწმონ. სტუმარი: რატი კოჭლამაზიშვილი - ISET-ის ანალიტიკოსი
"რომელს გაქვთ იმის წარმოდგენა რომ დალომბარდებული სახლით მიღებული თანხა სასტარო კაპიტალად გამოდგება?", - ასეთი კითხვა დასვა გუშინ ფინანსთა მინისტრმა სოციალურ ქსელში პირდაპირი ჩართვის დროს და პასუხიც იქვე გასცა, რომ მსგავსი ტრანზაქციები პრობლემურ საკითხებს ემსახურება. მამუკა ბახტაძე თამაშის ახალი წესებისკენ ლომბარდებსაც მოუწოდებს. რა იციან ამ წესების შესახებ ამ სექტორის წარმომადგენლებმა? სტუმარი: ირაკლი ბერძენაძე - „ნანო კრედიტი“ აღმასრულებელ დირექტორი
"მოსახლეობის ჭარბვალიანობა უნდა შემცირდეს“, - ამის შესახებ ფინანსთა მინისტრმა მამუკა ბახტაძემ სულ რამდენიმე წუთის წინ სოციალურ ქსელის პირდაპირ ეთერში განაცხადა. მინისტრი ამბობს, რომ „სამართლიანი თამაშის წესები“ სამ ძირითად ნაწილს მოიცავს: ჭარბვალიანობის შემცირებას, სასტარტო კაპიტალზე ხელმისაწვდომობას და უსამართლო დამოკიდებულებების გამორიცხვას. გარდა ამისა, მინისტრმა პასუხისმგებლიანი დაფინანსების შემოღებაზეც იუსაუბრა და აღნიშნა, რომ მუშაობა ამ მხრივ ეროვნულ ბანკთან ერთად მიმდინარეობს. მამუკა ბახტაძემ კიდევ ერთხელ დაანონსა, რომ ის პარლამენტში აშშ-დან დაბრუნების შემდეგ მივა. რა აინტერესებთ საპარლამენტო უმრავლესობის წევრებს? სტუმარი: კახა ოქრიაშვილი - პარლამენტარი; პე ეს პე ; დამფუძნებელი
საშემოდგომო და საგაზაფხულო კულტურების ნათესი ფართობების მოცულობა ბოლო ოთხი წლის მინიმუმზეა - საქსტატმა მემცენარეობის შესახებ 2017 წლის წინასწარი შედეგები გამოაქვეყნა.
ფერმერებისთვის მთავარი პრობლემა შესაბამისი ლაბორატორიების არარსებობაა. განცხადება ფერმერთა ასოციაციის წევრებისა და ბიზნესომბუდსმენის შეხვედრაზე გაკეთდა. რა საითხები განიხილეს ღონისძიების მონაწილეებმა?
მეოთხე თვეა, რაც ტექნიკური დათვალიერების სავალდებულო წესი მოქმედებს. ჯერ-ჯერობით ეს ვალდებულება სამგზავრო და სატვირთო ავტოსატრანსპორტო საშუალებებს აქვთ. ვიდრე ყველა ავტომობილი მათ გზას დაადგება, ეკონომიკის სამინისტრომ ტექნიკური მომსახურების გასაწევად ახალი კომპანია უნდა შეარჩიოს, რომლის მომსხურება რეგიონებშიც განაწილდება. სტუმარი: მიხეილ ხმალაძე - ეკონომიკისა და მდგრადი განვითარების სამინისტროს, სახმელეთო ტრანსპორტის სააგენტო; დირექტორი
ბოლო ორი კვირის მთავარი თემა - საგადასახადო ცვლილებები ფინანსთა სამინისტროსგან და მინისტრის განცხადებები ბანკებზე, - ამ თემების შეფასება საქმის კურსმა ექსკლუზიურად საერთაშორისო სავალუტო ფონდის მისიის ხელმძღვანელს სთხოვა. ახალ საგადასახადო რეფორმასთან დაკავშირებით მთავრობამ კონსულტაციები IMF-თან უკვე გაიარა.
ფინანსთა მინისტრმა კომერციული ბანკების წარმომადგენლები გუშინ მწვავე კითხვებზე პასუხების გასაცემად დაიბარა. საუბრის ძირითადი თემა სასტარტო კაპიტალის რეფორმა და ამ გზით მცირე და საშუალო ბიზნესის განვითარების ხელშეწყობა იყო. მამუკა ბახტაძეს მიაჩნია, რომ ეს ყველაფერი თამაშის სამართლიანი წესების დაცვით მიიღწევა.შეხვედრის შემდეგ მედიამ ორი-სამი ბანკის წარმომადგენლები შეიძლება ითქვას, გამოიჭირა, თუმცა დეტალური ინფორმაცია, რაზე ისაუბრეს ბახტაძესთან, ვერ მიიღო. განმარტებები ჟურნალისტებთან არც ფინანსთა მინისტრმა ისურვა. სტუმარი: ვახტანგ ბუცხრიკიძე - TBC ბანკი-ის გენერალური დირექტორი
საქართველოს სავაჭრო-სამრეწველო პალატა ბრიტანეთის ყოფილი პრემიერის, დევიდ ქემერონის ინიციატივის- Good Goverence Fund-ის განხორციელებაშია ჩართული. ინიციატივის მიზანი იყო განვითარებადი ქვეყნებისთვისს გაეწიათ დახმარება, რათა ასეთ ქვეყნებში წარმოებული პროდუქცია გათანაბრებოდა ევროპულ სტანდარტებს და ასეთი ქვეყნების კომპანიებს საშუალება ჰქონოდათ ევროპის ქვეყნებში ექსპორტის. სტუმარი: გრიგოლ ბაიბურთი - სავაჭრო პალატის მომსახურების და რეგიონული განვითარების დეპარტამენტის დირქტორი
ფინანსთა მინისტრის მიერ ბანკების მისამართით გასული დღეების განმავლობაში გაკეთებული კრიტიკული განცხადებები დღეს ბიზნეს სექტორმა შეაფასა, რომელსაც შინაგან საქმეთა მინისტრთან შეხვედრა ჰქონდა. გარდა ამ კონკრეტული თემისა, საუბარი ქვეყანაში არსებულ კრიმინოგენულ ვითარებას და ბიზნეს გარემოს შეეხო. რა განაცხადეს დისკუსიის დამთავრების შემდეგ მხარეებმა?
საქართველოს აქვს კანონი “ მაღალმთიანი რეგიონების განვითარების შესახებ”, რომელიც 2016 წლის 1 იანვრიდან ამოქმედდა. კანონი მთაში მუდმივად მცხოვრები ადამიანებისათვისსოციალურ შეღავათებს და ეკონომიკური საქმიანობის წახალისებასითვალისწინებს. როგორც აღმოჩნდა არსებობს გარკვეულიგამონაკლისები, როდესაც მოქალაქეს ამ სიკეთეებით სარგებლობა არ შეუძლია, სწორედ ამიტომ, 2018 წლის 10 აპრილს საქართველოს ახალგაზრდა იურისტთა ასოციაციამ, სარჩელით მიმართა საქართველოს საკონსტიტუციო სასამართლოს და მოითხოვა საგადასახადო კოდექსში არსებული ჩანაწერის იმ ნორმატიული შინაარსის გაუქმება, რომელიც ზღუდავს მაღალმთიან რეგიონებში მცხოვრებ პირებზე საგადასახადო შეღავათების თანაბრად გავრცელებას. მოსარჩელე არის ნინოწმინდის მუნიციპალიტეტში მუდმივად მცხოვრები პირი, თუმცა მასზე საგადასახადო შეღავათი არ გავრცელდა, რადგან იგი ცხოვრობს ნინოწმინდის მუნიციპალიტეტის ერთ ადმინისტრაციულ ერთეულში, ხოლო მისი მიწის ნაკვეთი ამავე მუნიციპალიტეტის სხვა სოფლებში მდებარეობს. სტუმარი: გიორგი გოცირიძე - საიას იურისტი
საერთაშორისო სავალუტო ფონდის მისიამ და საქართველოს ხელისუფლებამ მიაღწიეს შეთანხმებას „გაფართოებული დაფინანსების მექანიზმით“ მხარდაჭერილი საქართველოს პროგრამის მეორე მიმოხილვის წარმატებით დასრულების თაობაზე, რაც დასამტკიცებლად სავალუტო ფონდის აღმასრულებელ დირექტორთა საბჭოს მიმდინარე წლის ივნისში წარედგინება. სწორედ ამ საკითხზე მთავრობის კანცელარიაში პრესკონფერენცია გაიმართა, რომელსაც მთავრობის წარმომადგენლები, ეროვნული ბანკის პრეზიდენტი და თავად ფონდის მისიის ხელმძღვანელი მერსედეს ვერა მარტინი ესწრებოდნენ. როგორ აფასებს მისია საქართველოში ეკონომიკური რეფორმების მიმდინარეობას? სტუმარი: ეკატერინე მიქაბაძე - ეკონომიკის მინისტრის მოადგილე
იმ ფონზე, როცა უკვე რამდენიმე დღეა ფინანსთა მინისტრის განცხადებებს ვისმენთ იმასთან დაკავშირებით, რომ კომერციულ ბანკებს მაღალი საპროცენტო განაკვეთები აქვთ დაწესებული ბიზნესპროექტებისთვის, რაც კონკურენტუნარიანი იდეების განხორციელების საშუალებას არ იძლევა, საინტერესოა რა ხდება რეგიონის ქვეყნებში და დანარჩენ მსოფლიოში, ანუ რა ღირს სხვაგან ბიზნეს სესხები?
საბანკო სექტორისა და ფინანსთა მინისტრის შეხვედრა - მამუკა ბახტაძემ შეხვედრა უკომენტაროდ დატოვა
სპეციალური პირობები ფერმერებისთვის აგროსესხებსა და მოსავლის დაზღვევაზე - ამ მიზნით ფინკა ბანკსა და სადაზღვევო კომპანია „ჯიპიაი ჰოლდინგს“ შორის ურთიერთთანამშრომლობის მემორანდუმს მოეწერა ხელი. სტუმრები: ირაკლი აბაშიძე - "ფინკა ბანკის" საკრედიტო დეპარტამენტის უფროსი ნათია ფერაძე - "ჯიპიაი ჰოლდინგის" პროექტის მენეჯერი
რატომ ვერ განახორციელა მთავრობამ ვეტერანებისთვის სოფლის აშენების იდეა? - ეს პროექტი 2015 წელს ვეტერანების საქმეთა სახელმწიფო სამსახურმა დაიწყო. ჩატარდა კვლევა, რაც 200 ათასი ლარი დაჯდა. იმავე წელს ითქვა, რომ ბიუჯეტიდან დაახლოებით 75 მილიონი ლარი დაიხარჯებოდა იმ ტერიტორიაზე, რაც ჩვენთვის ცნობილია რუსული დასახელებით - „პობედა“. პროექტის თანახმად, სასოფლო-სამეურნეო გაერთიანების შექმნა იგეგმებოდა იმ მოედლის მიხედვით, რაც ისრაელში “მოშავის“ სახელწოდებით არსებობს. მოკლედ რომ ვთქვათ, ვეტერანებს სოფლის მეურნეობის პროდუქცია უნდა ეწარმოებინათ და გაეყიდათ. სტუმარი: ირაკლი შიხიაშვილი - ვეტერანების სახელმწიფო სამსახურის ყოფილი ხელმძღვანელი
შრომის საერთაშორისო ორგანიზაციისა და საქართველოს დამსაქმებელთა ასოციაციის ორგანიზებით - „შრომის უსაფრთხოება და ჯანმრთელობა - ახალი რეალობა და გამოწვევები“, თემაზე კონფერენცია შედგა. შეხვედრას, შრომის საერთაშორისო ორგანიზაციისა, ჯანდაცვის სამინისტროს, ეკონომიკისა და მდგრადი განვითარების სამინისტროს, პროფკავშირების, არასამთავრობო ორგანიზაციების წარმომადგენლები, ასევე ბიზნეს ომბუდსმენი და ბიზნეს სუბიექტები ესწრებედნენ.
თანამშრომლობის ხელშეწყობა განათლებასა და ბიზნესს შორის - ეს იდეა აქვს საფუძვლად ტურიზმისა და მასპინძლობის ინდუსტრიაში მოღვაწე კომპანიებისა და საგანმანათლებლო დაწესებულებების წარმომადგენლებს შორის შეხვედრას, სადაც ამ ინდუსტრიებს შორის თანამშრომლობის განვითარებისთვის ჩატარებული კვლევის პირველადი შედეგების პრეზენტაციას გაიმართა.
“მე მინდა მინისტრებს ვთხოვო, რომ სხდომის შემდეგ ჩაბრძანდეთ და გააკეთოთ კომენტარები მედია ოთახში“, - განაცხადა გიორგი კვირიკაშვილმა მთავრობის სხდომის დაწყებამდე.
აგროდაზღვევის პროექტი რომელიც 2014 წელს დაიწყო თითქმის ყოველწლიურად განიცდის ცვლილებებს. ახალი მოდელის მიხედვით, რომელიც გარემოს დაცვისა და სოფლის მეურნეობის სამინისტროს ეკუთვნის წინა წლებისგან განსხვავებით, პროგრამით ისარგებლებს ფერმერი, რომელსაც მიწის ნაკვეთი დარეგისტრირებული აქვს. აგროდაზღვევის პროგრამაში ჩართვა შეეძლება საქართველოს ტერიტორიაზე ლიცენზირებულ ყველა სადაზღვევო კომპანიას. აგროდაზღვევის ახალი პროგრამისთვის, ბიუჯეტიდან წელს 9 მილიონი ლარი გამოიყოფა. სტუმარი: მიხეილ ჯაფარიძე - არდის დირექტორი
აგროდაზღვევის პროექტი რომელიც 2014 წელს დაიწყო თითქმის ყოველწლიურად განიცდის ცვლილებებს. ახალი მოდელის მიხედვით, რომელიც გარემოს დაცვისა და სოფლის მეურნეობის სამინისტროს ეკუთვნის წინა წლებისგან განსხვავებით, პროგრამით ისარგებლებს ფერმერი, რომელსაც მიწის ნაკვეთი დარეგისტრირებული აქვს. აგროდაზღვევის პროგრამაში ჩართვა შეეძლება საქართველოს ტერიტორიაზე ლიცენზირებულ ყველა სადაზღვევო კომპანიას. აგროდაზღვევის ახალი პროგრამისთვის, ბიუჯეტიდან წელს 9 მილიონი ლარი გამოიყოფა.
ტურიზმის ეროვნული ადმინისტრაცია სარეკლამო და მარკეტინგული მომსახურებისთვის 20-ნახევარ მილიონ ლარს დახარჯავს, თან უტენდეროდ. თანხა 2018 წელს სხვადასხვა ტიპის ღონისძიებების ორგანიზებასა და გამოფენებში მონაწილეობასაც მოხმარდება. ამასთან ერთად, ტურიზმის ეროვნული ადმინისტრაცია წელს ახალ პროექტს - „ღიმილი გიბრუნდება“ იწყებს.