“დღევანდელი ასაკობრივი პენსია უფრო სოციალური დახმარების ხასიათს ატარებს, ვიდრე პენსიისას, რადგან იგი ერთი მხრივ, საპენსიო შენატანებით არ ფინანსდება, მეორე მხრივ კი, არ ითვალისწინებს სტაჟს, დამსახურებას და სპეციალურ გარემოებებს”, - ეს არის ამონარიდი კანონპროექტიდან, რომელიც საპარლამენტო ფრაქციამ “ქართული ოცნება-სოციალ დემოკრატები” მოამზადა, როგორც მთავრობის მიერ წარმოდგენილი საპენსიო რეფორმის ალტერნატივა. რეფორმის ამ ვერსიის მთავარი განმასხვავებელი და ამოსავალი არის თაობათა შორის სოლიდარობის პრინციპის დანერგვა. რას ითვალისწინებს ეს პრონციპი და რა შანსები აქვს ამ კანონპროექტს მხარდაჭერისთვის იმ პირობებში, როცა მთავრობის მიერ დაწერილმა “დაგროვებითი პენსიის შესახებ” კანონის პროექტმა ჯერ პირველი მოსმენით კენჭისყრამდეც ვერ მიაღწია. სტუმარი: ბექა ნაცვლიშვილი - “ქართული ოცნება სოციალ-დემოკრატები “
საქართველოში ელექტროენერგიით შესაძლოა, ბლოკჩეინის დახმარებით ივაჭრონ. ენერგეტიკაში ამ ტექნოლოგიის შესაძლებლობებს განახლებადი ენერგიების ასოციაცია იკვლევს. ელექტროენერგიის მაღალტექნოლოგიური სავაჭრო სისტემის საჭიროება კი ბაზრის ლიბერალიზაციასთან ერთად უფრო და უფრო ნათელი გახდება. სწორედ ამ გამოწვევაზე საპასუხოდ ემზადებიან დარგის წარმომადგენლები. სტუმარი: გიორგი აბრამიშვილი - განახლებადი ენერგიების ასოციაციის აღმასრულებელი დირექტორი
კონკურენციის სააგენტოს ხელმძღვანელი ნოდარ ხადური საწვავის ბაზრის ხელმეორედ შესწავლის შემდეგ პირველ სატელევიზიო კომენტარს საქმის კურსთან აკეთებს. გარდა ამისა, დღეს ჩვენგან მოისმენთ ხადურის განმარტებებს სიტროენის საქმეზე, თამბაქოს ბაზრის მოკვლევასა და სხვა ახალ ქეისებზე
ვაშლიჯვარში, მარშალ გელოვანისა და სარაჯიშვილის ქუჩების კვეთაზე ესტაკადის მშენებლობა აგვისტოში დაიწყება. როგორც bm.ge-ს მერიის ინფრასტრუქტურის განვითარების საქალაქო სამსახურში განუცხადეს, მუნიციპალიტეტი ქალაქში საავტომობილო მოძრაობის შემცირებას ელოდება, რის შემდეგაც ტენდერში გამარჯვებულ კომპანიაზე შესაბამის დავალებას გასცემს.
საპენსიო რეფორმაზე პარლამენტი საკომიტეტო ფორმატში მუშაობას აგრძელებს. დაგროვებითი პენსიის შესახებ კანონის პროექტის განხილვები პირველი მოსმენის ეტაპზეა. ჩვენ უკვე ვიცით, რომ საპარლამენტო უმრავლესობის რიგებში ამ რეფორმის თაობაზე აზრთა სხვადასხვაობაა. მაგალითად, დარგობრივი ეკონომიკისა და ეკონომიკური პოლიტიკის კომიტეტის თავმჯდომარეს რომან კაკულიას მიაჩნია, რომ წარმოდგენლი ფორმით, კანონპროექტი მის მხარდაჭერას არ იმსახურებს და ესაც რომ არ იყოს, მისი ამოქმედება ივლისიდან ალბათ ვერ მოესწრება, რადგან საკანონმდებლო პაკეტი ჯერ არცერთი მოსმენით არის მიღებული.
რა პოტენციალი აქვს ქართულ მარალტექნოლოგიურ კომპანიებს, რომლებიც პროდუქტს ჩვენს ქვეყანაში ქმნიან და ცხადია სურთ, რომ გარდა ადგილობრივი ბაზრისა, დი სი ეფ თი აით მონიჭებული საშუალებებიც გამოიყენონ. “მაი ჯი პი ეს”-ი 2007 წელს დაარსდა. კომპანიის კომპეტენციაა: GPS მოწყობილობის წარმოება, რეალიზაცია და შემდგომი მომსახურების გაწევა, საწვავის კონტროლი და მართვის სისტემების ავტომატიზირება. ის ქართულ ბაზარზე ერთადერთია, რომელიც თავად უშვებს ჯიპიეს მოწყობილობებს. სტუმარი: დავით ჭიჭინაძე - კომპანია MLED; ოპერაციების დირექტორი
საქართველოში შემოსვლას რამდენიმე ბერძნული კომპანია განიხილავს. მიუხედავად საბერძნეთში არსებული ეკონომიკური კრიზისისა, რომლის პიკიც 2015 წელს დაფიქსირდა, ქვეყანაში იმედისმომცემი მაჩვენებლები ფიქსირდება. ასეთია საბერძნეთში საქართველოს ელჩის იოსებ ნანობაშვილის პოზიცია. დიპლომატის ჩაწერა ჩვენმა ჯგუფმა ათენში ვიზიტის ფარგლებში შეძლო. როგორ შეცვალა მდგომარეობა საბერძნეთში საქართველოსთვის ევროკავშირთან უვიზო მიმოსვლის ამოქმედების შემდეგ და როგორ უნდა მოახერხონ ქართველმა ემიგრანტებმა საბერძნეთში ლეგალურად ცხოვრება? იოსებ ნანობაშვილი - საქართველოში საგანგებო და სრულუფლებიანი ელჩი საბერძნეთში
საქართველო-შვეიცარიის ეკონომიკური ურთიერთობა. რას მოუტანს საქართველოს EFTA-თან თავისუფალი ვაჭრობის რეჟიმის ამოქმედება და რამდენად და რატომ შეიძლება იყოს საინტერესო საქართველო შვეიცარიელი ინვესტორებისთვის. დავით ჯალაღანია - საქართველოს ელჩი შვეიცარიაში
იმ დროს, როცა თბილისის მერია სამი წელია გენგეგმის პროექტს ელოდება, დედაქალაქის განვითარებაზე პროფესიონალმა ენთუზიასტებმაც დაიწყეს ზრუნვა. დამოუკიდებელი არქიტექტორების, ურბანისტებისა და სხვადასხვა სპეციალისტების ჯგუფმა, გასულ წელს „პლეხანოვის“ უბნის განვითარების პროექტს მოკიდეს ხელი და რამდენიმე ეტაპი დაამთავრეს კიდეც. დღეს ჩვენ ვისაუბრებთ მომავლის ქალაქმგეგმარებელთა რეალური ლაბორატორიის გეგმაზე, რომელიც კონკრეტულად ჩუბინაშვილის ქუჩის მიმდებარედ ოთხი კვარტლის განაშენიანებას ეხება. ეს ტერიტორია დაახლოებით, 10 ჰექტარზეა გაშლილი - ფოცხვერაშვილიდან კლდიაშვილის ქუჩამდე და გოგოლიდან ნინოშვილის ქუჩამდე. დამოუკიდებელმა ჯგუფმა უკვე მოამზადა კვლევა იმის შესახებ, თუ როგორ უნდა განვითარდეს ეს უბანი. სტუმარი: ზურაბ ბაქრაძე - პროექტის ერთ-ერთი ავტორი, ქალაქმგეგმარებელი
თბილისის მერიაში ტურიზმის განვითარების განყოფილება შეიქმნა. ტურიზმის განვითარების განყოფილების ფუნქციებში ტურიზმის და ქალაქის მარკეტინგის პოლიტიკის, სტრატეგიების, პროგრამების, პროექტების და პროცესების დოკუმენტების შექმნა და კოორდინაცია შედის. ტურიზმის განვითარების განყოფილებაში 5 ადამიანი იმუშავებს, მათგან 3 თანამშრომელი სამსახურში არსებული კადრებით დაკომპლექტდა. სტუმარი: ეკა ბურდილაძე - თბილისის მერიის ტურიზმის განვითარების განყოფილება ; ხელმძღვანელი
უცხოელ ინვესტორებს ბინადრობის ნებართვა შესაძლოა, გაუძვირდეთ. დღეს მოქმედი კანონი ითვალისწინებს ბინადრობის ნებართვის გაცემას პირისათვის, არანაკლებ 300 000 ლარის ინვესტიციის საფუძველზე, ან საქართველოს ტერიტორიაზე იმ უძრავი ქონების საკუთრებაში მიღების შემთხვევაში, რომლის საბაზრო ღირებულება აღემატება 35 ათას დოლარს. პარლამენტში რეგისტრირებული კანონპროექტის თანახმად კი, ნებართვა მხოლოდ, არანაკლებ 300 000 დოლარის ინვესტიციის საფუძველზე, ან იმ უძრავი ქონების დასაკუთრების შემთხვევაში გაიცემა, რომლის ღირებულებაც 100 000 დოლარს აღემატება. რა არის „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში ცვლილებების მთავარი მიზანი? სტუმარი: ილია წულაია - ქართული ოცნება; წევრი
საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2018 წლის I კვარტალში 279.3 მლნ. აშშ დოლარი შეადგინა, რაც 2017 წლის I კვარტალის წინასწარ მონაცემებზე 32.9 პროცენტით ნაკლებია. შეცვლილია ტოპ ინვესტორი ქვეყნების და ტოპ დარგების სტრუქტურა. FDI-ს თემაზე დღეს საქსტატში პრესკონფერენციაც გაიმართა და ჟურნალისტების შეკითხვებს საქსტატის აღმასრულებელმა დირექტორმა გოგიტა თოდრაძემ უპასუხა.
ერთ ერთი ბოლო სიახლე, ვადაგადაცილებულ სესხებზე ჯარიმა/საურავების ოდენობის ცვლილებას გულისხმობს. ეს ფინანსთა სამინისტროს მიერ მომზადებული კანონპროექტში წერია, რომელიც პარლამენტში უკვე ინიცირებულია. სტუმარი: ზურაბ ჯაფარიძე - "გირჩის" პრეზიდენტობის კანდიდატი 08.06.2018
იმ პირობებში, როცა ინტერნეტ-კომუნიკაციებმა სატელეფონო კავშირები გარკვეულწილად უკვე ჩაანაცვლა და ეს პროცესი სულაც არ ჩერდება, მობილური ოპერატორების ამოცანაც რთულდება. შესაბამისად, ინტერნეტ მმართველობის საკითხებზე დისკუსია და გეგმები მომრავლდა. ერთ-ერთი ბოლო ღონისძიება „ბილაინის“ მხარდაჭერით გუშინ დასრულდა. EURODIG-2018-ის ფარგლებში კერძო სექტორმა ციფრული ეკონომიკის სამყაროში არსებულ გამოწვევებზე გაამახვილა ყურადღება. რა პლატფორმაა მსგავსი ღონისძიებები მობილური ოპერატორი ბილაინისთვის და რას ელოდონ ინტერნეტ-სერვისებზე დამოკიდებული, თუ მიჩვეული მომხმარებლები? სტუმარი: ლევან კობახიძე - ბილაინის ციფრული მიმართულებისა და ინოვაციების დირექტორი, ვიონი ჯგუფი
საქართველოში არალიცენზირებული პროგრამული უზრუნველყოფის გამოყენების მაჩვენებელი 81%-მდე შემცირდა. მსოფლიოში არალიცენზირებული პროგრამული უზრუნველყოფის მაჩვენებელს „გლობალური პროგრამული ალიანსი ითვლის და კვლევა ორ წელიწადში ერთხელ ქვეყნდება. 2015 წლის მონაცემებით, საქართველოში არალიცენზიებულ პროგრამული უზრუნველყოფის გამოყენების დონე 84% იყო, ბოლო ორ წელში კი ეს მაჩვენებელი მხოლოდ 3%-ით შემცირდა. სტუმარი: ნიკოლოზ გოგილიძე - საქპატენტი, თავმჯდომარე
ჰესების მშენებლობის 124-ზე მეტი გამოცხადებული პროექტის უმეტესობა შეფერხებული ან შეჩერებულია, ეს იმ ფონზე, როცა არსებული პროგნოზით, წელს ელექტროენერგიის მოხმარება 7%-ით, გარე ქვეყნებიდან ნეტო იმპორტი კი 42%-ით გაიზრდება. ამ მონაცემებს მოუყარა თავი ანალიტიკურმა ცენტრმა "მსოფლიო გამოცდილება საქართველოსთვის" და რეკომენდაციებიც მოამზადა. სტუმარი: მურმან მარგველაშვილი -ანალიტიკურ ცენტრ „მსოფლიო გამოცდილება საქართველოსთვის“; დირექტორი
უკვე ერთი თვეა, რაც საქართველოსა და EFTA-ს წევრ ქვეყნებს შორის თავისუფალი ვაჭრობის შესახებ შეთანხმება სრულად ძალაშია. EFTA - ევროპის თავისუფალი ვაჭრობის ასოციაციაა, რომელიც ოთხ ქვეყანას აერთიანებს. ესენია შვეიცარია, ნორვეგია, ისლანდია და ლიხტენშტეინი. ამ ასოციაციასთან ხელშეკრულება ქართველ მეწარმეებს 14 მილიონიან სამომხმარებლო ბაზარზე წვდომას უადვილებს. სწორედ ეს იყო დღევანდელი სემინარის თემა, რომელსაც ექსპერტები, ბიზნეს სექტორისა და ეკონომიკის სამინისტროს წარმომადგენლები ესწრებოდნენ.
როცა ელექტროენერგიის მოხმარება იზრდება და პარალელურად - იმპორტიც, კრიტიკულად მნიშვნელოვანია ადგილობრივი გენერაციის ობიექტების განვითარება, რაც თავის მხრივ ელექტროენერგიის სამომხმარებლო ფასზეც ახდენს გავლენას. იმისთვის, რომ ჩვენს ფინანსებს ენერგეტიკის სექტორის წინსვლამ, ან ჩამორჩენამ მყისიერად არ დაარტყას, სახელმწიფო სუბსიდირების სხვადასხვა სქემებს მიმართავს. რა გზა გავიარეთ ამ მხრივ და როგორი შედეგები გვაქვს? სტუმარი: გიორგი მუხიგულიშვილი - ორგანიზაცია „მსოფლიო გამოცდილება - საქართველოსთვის; ანალიტიკოსი
ბოლონიასა და თბილისს შორის პირდაპირი ფრენები დაინიშნა და ბილეთის ფასი ორივე გზაზე მსურველებისთვის 921 ლარიდან არის ხელმისაწვდომი. ამ რეისის უპირატესობებსა და შესაძლებლობებზე თბილისში პრეტენტაცია გაიმართა, სათაურით - “იტალიური ივნისი”.
„ევროპის თავისუფალი ვაჭრობის ასოციაციასა და საქართველოს შორის ვაჭრობის ხელშეწყობა“, - ამ სახელწოდებით ხვალ თბილისში სემინარი იმართება, რომლის მონაწილე EFTA-ს წევრი ქვეყნების წამყვანი ექსპერტები, კერძო და საჯარო სექტორის წარმომადგენლები იმსჯელებენ იმ კონკრეტულ საშუალებებზე, რომლებსაც EFTA-სა და საქართველოს შორის თავისუფალი ვაჭრობის შეთანხმება იძლევა. ჩვენი ჟურნალისტი დაინტერესდა, რა გაგვაქვს EFTA-ს წევრ ქვეყნებში და რა შემოგვაქვს მათგან საქართველოში.
საქართველოს ბანკის ორგანიზებით თბილისში დღეს International Wealth Forum იმართება. ფორუმი მეორედ ტარდება. შეხვედრაზე, რომელსაც საქართველოს ბანკის კლიენტები, საერთაშორისო სპიკერები და დელეგატები დაესწრნენ, იმსჯელეს ისეთ საკითხებზე, როგორებიცაა საქართველოს მაკროეკონომიკური ტენდენციები, საინვესტიციო და ბიზნესის კეთების საკანონმდებლო და ეკონომიკური შესაძლებლობები. რა პოტენციალი აქვს საქართველოს, რით შეიძლება დავაინტერესოთ უცხოელი ინვესტორები და რა რჩება გამოწვევად?
მეტროსადგურებმა მუშაობა განაახლეს. მემანქანეების გაფიცვის გამო, ორშაბათიდან ამ დრომდე ყველა მეტროსადგური დაკეტილი იყო. სიქრონულად, მეტროს ამუშავებასთან ერთად დაიწყო დღეს თბილისის მთავრობის სხდომაც.
უკვე 11 თვე გავიდა, რაც თბილისის საქალაქო სასამართლოს სამოქალაქო კოლეგიაში კომერციული დავების განმხილველი სპეციალური მიმართულება შეიქმნა. ვიწრო სპეციალიზაცია 500 ათას ლარს ზევით დავის საგნის მქონე საინვესტიციო და კომერციულ დავებს განიხილავს. ამ პლატფორმის ჩამოყალიბებას გასულ წელს არასამთავრობო სექტორის ერთი ნაწილი კმაყოფილი არ შეხვდა. ისინი მიიჩნევენ, რომ კომერციული დავების ვიწრო სპეციალიზაციით სისტემური პრობლემები ვერ გადაწყდება. ორგანიზაციების ნაწილმა კი იუსტიციის უმაღლეს საბჭოს მხარი დავიდანვე დაუჭირეს, მათ შორის იყო „ახალგაზრდა ადვოკატები“. სტუმარი: არჩილ კაიკაციშვილი - „ახალგაზრდა ადვოკატები“; დამფუძნებელი 05.06.2018
"BP საქართველოსთვის იყო და არის პირდაპირი უცხოური ინვესტიციების წყარო" კრის შლიტერი - „BP საქართველოს“ გენერალური დირექტორი
უნდა იყოს თუ არა რეგულირებული ინტერნეტი? სტუმარი: ქეთევან რეხვიაშვილი - კომუნიკაციების მარეგულირებელი კომისიის, ბაზრის ანალიზისა და სტრატეგიული განვითარების დეპარტამენტი; უფროსი
ტურისტების რაოდენობა მაისში 16.1%-ით გაიზარდა. შინაგან საქმეთა სამინისტროს მიერ ტურიზმის ადმინისტრაციისთვის მიწოდებული ინფორმაციის თანახმად, მაისში საქართველოში 633,086 საერთაშორისო მოგზაურების ვიზიტი განხორციელდა - ზრდა 7.8%-ია. საერთაშორისო ვიზიტორების მიერ განხორციელებულმა ვიზიტების რაოდენობამ კი 541,752 შეადგინა, ზრდა +9%-ი. რაც შეეხება ტურისტული ვიზიტების რაოდენობას, გასულ თვეში 359,744 ტურისტი ეწვია ქვეყანას - ესაა 50,008-ით მეტი, ვიდრე 2017 წლის მაისში.
საქართველოში ფიქსირებულ ქსელში ინტერნეტის ფასები მაღალია სხვა ქვეყნებთან შედარებით, მობილურ ქსელში კი პირიქით - დაბალი. ასეთია კომუნიკაციების მარეგულირებელი ეროვნული კომისიის დაკვეთით მომზადებული კვლევის შედეგები, რომელმაც ინტერნეტის ფასები სხვადასხვა ქვეყნებში შეისწავლა. კერძო სექტორის ნაწილი ამ კვლევას არ ეთანხმება და აცხადებს, რომ პირიქით, ზოგიერთ შემთხვევაში მსხვილი ოპერატორები დემპინგური ფასებით მოქმედებენ. როგორია კერძო სექტორის აზრი და კომუნიკაციების მარეგულირებელი კომისიის განმარტება?
ქართული მეტროს ისტორია ორი დღეა, მემანქანეების გაფიცვით იწერება. გუშინ გვიან ღამით თბილისის მერსა და გაფიცულებს შორის შეხვედრა უშედეგოდ დასრულდა, თუმცა დღეს არც მერიისგან გვესმის, რომ მემანქანეები ვინმეს აშანტაჟებენ და არც საპროტესტო ნაბიჯების ავტორები გამორიცხავენ გარკვეულ დათმობებზე წასვლას იქიდან გამომდინარე, რას შესთავაზებს მათ ახლო მომავალში კახა კალაძე. რამდენად დაახლოვდა მხარეების პოზიციები და ისევ ითხოვენ თუ არა გაფიცულები ხელფასების 45%-ით გაზრდას?
ბავშვთა სამყაროში გასული წლის იანვარში გაჩენილი ხანძრის გამოძიება ამ დრომდე გრძელდება. დაზარალებულთა ერთმა ნაწილმა, კომპენსაცია მერიისგან მიიღეს, თუმცა ყველაზე მეტად სააქციო საზოგადოება ბავშვთა სამყარო დაზარალდა, რომლის 1000-მდე მოვაჭრე სასამართო პროცესების დასრულებას და სადაზღვევო კომპანიის მხრიდან ზარალის ანაზღაურებას, დღემდე უშედეგოდ ითხოვს. ბავშვთა სამყაროს დაზარელბულები და აქციონერები საპროტესტო აქციებს მართავენ და საგამოძიებო უწყებას რიგ მოთხოვნებს უყენებენ
ბოლო ოთხი წელია თბილისის მერიიდან, თუ საკრებულოდან ხშირად გვესმის, რომ ხრუშოვკის ტიპის სახლები ავარიულ მდგომარეობაშია და მათი ჩანაცვლებაა საჭირო. ამ პრობლემაზე თბილისის მიწათსარგებლობის გენერალური გეგმის ავტორებმაც მიუთითეს და სხვათაშორის, სწორედ ვარკეთილიდან ურჩიეს ქალაქის ხელმძღვანელობას, დაეწყო ერთიანი პროექტის გაკეთება, რომელიც ქაოტურ განაშენიანებას თავიდან აგვარიდებს. თბილისის ყოფილი მერის მმართველობისას ხრუშოვკები, მისი განცხადებების მსგავსად, ადგილზე დარჩა. მოქმედ მერს კი მცდელობა აქვს, ინტერესთა გამოხატვა გამოაცხადოს და პირველ ეტაპზე, დაახლოებით 160 ოჯახი ახალი ბინებით უზრუნველყოს. რა მოთხოვნები ექნება დედაქალაქს იმ კომპანიისთვის, რომელმაც ვარკეთილის მესამე მასივში, სამი კორპუსი უნდა აიღოს და მათ ნაცვლად, ახალი ააშენოს. სტუმარი: ირაკლი თავართქილაძე - ქონების მართვის სააგენტო; უფროსი
ქართული გეოგრაფიული აღნიშვნები შვეიცარიის კონფედერაციაში დაცულია. შესაბამისი შეთანხმება შვეიცარიის კონფედერაციის ინტელექტუალური საკუთრების ინსტიტუტსა და საქართველოს ინტელექტუალური საკუთრების ეროვნული ცენტრ ,,საქპატენტს“ შორის შვეიცარიის დედაქალაქში გასული კვირის ბოლოს გაფორმდა, რომლის გადაღების საშუალება BM.ge-ის გუნდს ჰქონდა. რატომ არის მნიშვნელოვანი გეოგრაფიული აღნიშვნების დაცვა და რა ეკონომიკური დატვირთვა აქვს აღნიშნულ შეთანხმებას?
5,5% ით გაზრდილი ბაზარი, ასეთია სატელეკომუნიკაციო სექტორის შედეგი 2017 წლისათვის. კომუნიკაციების მარეგულირებელმა კომისიამ წლიური ანგარიში გამოაქვეყნა. ანგარიშის მიხედვით, ამ სფეროში მომუშავე კომპანიების შემოსავალმა 2017 წელს 1 მილიარდ 328 მილიონი ლარი შეადგინა, რაც წინა წლის მაჩვენებელს 69 მილიონი ლარით აღემატება. უნდა აღინიშნოს, რომ საკომუნიკაციო სფეროს შემოსავალი ყოველწლიურად სტაბილურად მზარდ შედეგს აჩვენებს და ამ კუთხით არც 2017 წელი აღმოჩნდა გამონაკლისი.
თბილისი ინტერენეტმმართველობის საკითხებზე საერთაშორისო ფორუმს მასპინძლობს. ღონისძიებას ორი დღის განმავლობაში ევროპის ქვეყნებიდან და ევროსტრუქტურებიდან 500-ზე მეტი სტუმარი დაესწრება. ფორუმის ფარგლებში განხილული იქნება ისეთი თემები, როგორიცაა ადამიანის უფლებების დაცვა ინტერნეტში, გამოხატვის თავისუფლება, კიბერუსაფრთხოება, მონაცემთა დაცვის შესახებ რეგულაციები და ა.შ.
უმოქმედო მეტროსადგურები, უფასო ავტობუსები, დროებითი, სპეციალური მარშრუტები დედაქალაქში - ეს წინადადება შეიძლება, ერთი შეხედვით, ცუდი საარჩევნო სლოგანივით ჟღერს, მაგრამ 2018 წლის 4 ივნისს სწორედ ასეთი გარემოა თბილისში. მეტროს მემანქანეები ხელფასის გაზრდას ითხოვენ. თბილისის მერმა მემანქანეების გაფიცვას დილიდან საგანგებო განცხადებით უპასუხა და მათ გადაწყვეტილებას შანტაჟი უწოდა. კახა კალაძე უკან დახევას არ აპირებს, გაფიცულებს სახელშეკრულებო მოვალეობებსა და თბილისის საქალაქო სასამართლოს მიერ მათთვის დადგენილ შეზღუდვას ახსენებს, რომ სამუშაო საათებში გაფიცვა არ შეუძლიათ.
Businessinsider-მა მაიკლ ჯორდანის ახალი ფინანსური მონაცემები გამოაქვეყნა, პაპუა ახალმა გვინეამ კი Facebook-ი 1 თვით დაბლოკა.
IRI-ის კვლევის მიხედვით საქართველოში ეკონომიკური მდგომარეობა არ გაუმჯობესებულა. გამოკითხულთა 63% აცხადებს, რომ ბოლო ერთ წელიწადში ქვეყნის ეკონომიკური მდგომარეობა გაუარესდა.
მოსალოდნელია თუ არა საზოგადოებრივი ტრანსპორტით მგზავრობის გაძვირება. თბილისის მერია ბოლო პერიოდში გავრცელებულ ინფორმაციას ეხმაურება და მას სრულ დეზინფორმაციას უწოდებს. სტუმარი: მაია ბითაძე - თბილისის მერის მოადგილე
ონლაინ სესხების აღება შესაძლოა, გარკვეული კატეგორიის პირებს შეეზღუდოს, აქედან გამომდინარე, არასაბანკო საფინანსო სექტორი ამ ბაზრის შენარჩუნების მიზნით ეროვნულ ბანკთან მოლაპარაკებებს აწარმოებს. ამას ემატება მიკროსაფინანსო ორგანიზაციებისთვის კაპიტალისა და ლიკვიდურობის გამკაცრებული მოთხოვნები. სტუმარი: არჩილ ბაკურაძე - „კრისტალის“ სამეთვალყურეო საბჭო; თავმჯდომარე
ბრიტანული მულტინაციონალური ნავთობისა და გაზის გიგანტ-კომპანია BP საქმის კურსთან საქართველოში 22 წლიან საქმიანობას აჯამებს. კრის შლუტერი „BP საქართველოს“ გენერალური დირექტორი
2019 წელი არასაბანკო საფინანსო სექტორისთვის, ალბათ საეტაპო იქნება, მაგრამ რა მიმართულებით, ამ მხრივ მთავრობას, ეროვნულ ბანკს და მიკროსაფინანსო ორგანიზაციებს თავიანთი მოსაზრებები აქვთ. მიზანი ერთია - ქვეყანაში პასუხისმგებლიანი დაკრედიტების ინსტიტუტის არსებობა. რას აპირებენ ამ ფორმატში არასაბანკო სექტორის წარმომადგენლები და როგორ აფასებენ ისინი ბოლო მარეგულირებელ ინიციატივებს? სტუმარი: ბესიკ შენგელია - მიკროსაფინანსო ორგანიზაციების ასოციაცია თავმჯდომარე
თუშეთში სამშენებლო ნებართვების მიღება, ან ბუნებრივი რესურსებით სარგებლობისთვის ლიცენზიის მოპოვება ადგილზე იქნება შესაძლებელი. ამისთვის ახალი არასამეწარმეო იურიდიული პირი ჩამოყალიბდება. ამ ყველაფრის მიზანი ადგილობრივების დროის და რესურსის დაზოგვაა. სტუმარი: ირაკლი ქადაგიშვილი - კახეთის გუბერნატორი
ჭარბვალიანობის პრობლემის მოსაგვარებლად თამაშის სამართლიანი წესები საბანკო-საფინანსო სექტორს - ფინანსთა მინისტრი დაწყებული რეფორმების გზას აგრძელებს. მამუკა ბახტაძე საკანონმდებლო ინიციატივებით ხელში მედიას შეხვდა.
ბავშვთა სამყაროს საქმე - რა მოთხოვნები აქვს ბავშვთა სამყაროს აქციონერებს?
სამ თვეზე მეტია თბილისის მერია მოქალაქეების იდეებს აგროვებს. ამისთვის სპეციალური ონლაინ პლატფორმაა შექმნილი, სახელწოდებით „შენი იდეა ქალაქის მერს“. აქ შეხვდებით მოქალაქეების ინიციატივებს, დაწყებული ცალკეული ქუჩების რეაბილიტაციიდან, დამთავრებული მაგალითად, კუს ტბისა და ქალაქის დამაკავშირებელი ველობილიკის მოწყობის შესახებ. ამ ეტაპზე შეთანხმებული პროექტების ჩამონათვალში არაფერი წერია. განხილვის პროცესში 10 პროექტია, არშემდგარი, ანუ დაწუნებული კი - 424. როდის და რა შედეგებს მიიღებს თბილისი ამ იდეების დახმარებით? სტუმარი: სერგო ბირკაძე - მერიის იურიდიული საქალაქო სამსახური; უფროსი
აზიური ფაროსანა, მიწის რესურსის მართვა, ფერმერების ფინანსებზე ხელმისაწვდომობა - ეს არასრული ჩამონათვალია იმ გამოწვევებისა, რაც დღეს სოფლის მეურნეობის სექტორშია. ამ ყველაფერს ემატება ევროკავშირთან ასოცირების ხელშეკრულებით გათვალისწინებული ვალდებულებების შესრულება, თუნდაც სურსათის უვნებლობის სფეროში. გარემოს დაცვისა და სოფლის მეურნეობის სამინისტროს ნაბიჯებს კი ზედამხედველობას პარლამენტი უწევს. სტუმარი: ოთარ დანელია - აგრარულ საკითხთა კომიტეტი; თავმჯდომარე
2016 წელს მთავრობის მიერ გაჟღერებული ბიზნეს-სახლის მშენებლობა ამ დრომდე არ დაწყებულა, მაგრამ გასული წლის ბოლოს პროექტის განხორციელებისთვის სახელმწიფო ბიუჯეტიდან ეკონომიკის სამინისტროს მილიონობით ლარი გამოეყო. თავის მხრივ, დიმიტრი ქუმსიშვილის უწყებამ თანხა მუნიციპალური განვითარების ფონდს ჩაურიცხა. ფონდმა კი ფული დეპოზიტზე კომერციულ ბანკებში დადო. რამდენ მილიონ ლარს ეხება საქმე, როდემდე იდება თანხა ბანკებში და საერთოდ როდის დაიწყება წელიწადნახევრის წინ დაანონსებული ბიზნეს-სახლის მშენებლობა.