უნდა შეიქმნას თუ არა საელჩოებში შრომის ატაშეები, რომლებსაც დაევალებათ უცხო ქვეყნებში სამუშაო ძალაზე არსებული მოთხოვნები შეისწავლონ და საქართველოს მოლქალაქეებს უცხოეთში დასაქმებაში ხელი შეუწყონ. როგორც ჩანს, ეს საკითხი ხელისუფლებაში რამდენიმე წელია განიხილება, თუმცა, ამ დრომდე გადაწყვეტილება მიღებული არ არის. სპეციალისტები ამბობენ, რომ ლეგალურად დასაქმების უფრო ფართო შესაძლებლობა შეამცირებდა არალეგალურ მიგრაციას ევროკავშირის ქვეყნებში, რაც დადებითად აისახება როგორც ქვეყნის იმიჯზე, ასევე ეკონომიკაზე. რა შესაძლებლობები არსებობს დღეს, რომ ქართველებმა ევროკავშირის ქვეყნებში ლეგალურად იმუშაონ და საჭიროა თუ არა დამატებითი სტრუქტურის შექმნა ჯანდაცვის სამინისტროში, რომელიც კონკრეტულად ამ მიმართულებაზე იმუშავებს?
საზოგადოებრივმა მაუწყებელმა სატელევიზიო რეკლამის ბაზრის წილი მიიტაცა. ამ შინაარსის განცხადებას Myvideo ავრცელებს და საზოგადოებრვ მაუწყებელს პასუხობს. კერძოდ საქმე ეხება ფეხბურთის მსოფლიო ჩემპიონატის ტრანსლირებას. საზოგადოებრივ მაუწყებელში განმარტავენ, რომ FIFA-ს რეგულაციების თანახმად, მათ უფლება აქვთ მხოლოდ საკუთარ პლატფორმებზე განახორციელონ ჩემპიონატის ტრანსლაცია. ამ მოთხოვნით საზოგადოებრივმა მაუწყებელმა, კომუნიკაციები მარეგულირებელ კომისიას მიმართა და რეგულატორმა, მათი მოთხოვნა დააკმაყოფილა, თუმცა მაივიდეო ტრანსლაციების გატისვასარ გეგმავს და სასამართლოში მიდის.
2018 წლის 1-ლი ივლისიდან სახელმწიფო უწყებებისა და იურიდიული პირების კუთვნილი ავტომანქანების სავალდებულო ტექდათვალიერება ამოქმედდა. თავად რეფორმის პირველი ნაწილი კი 2018 წლის 1 იანვრიდან მოქმედებს. საქართველოში რეგისტრირებული ყველა ავტოსატრანსპორტო საშუალების სავალდებულო პერიოდული ტექნიკური ინსპექტირება კი, ეტაპობრივად, 2019 წლის ბოლომდე უნდა განხორციელდეს. რა შედეგები გავქვს დღეს?! სტუმარი: შალვა ურიადმყოფელი - ეკონომიკის სამინისტროს სახმელეთო ტრანსპორტის სააგენტოს უსაფრთხოების სამსახური; უფროსი
მიწის რეგისტრაციის რეფორმა უცვლელი პირობებით გრძელდება, რაც იმას ნიშნავს, რომ თუ საჯარო რეესტრში აზომვით ნახაზსა და განცხადებას წარადგენთ, სარეგისტრაციო წარმოების პროცესში საჭირო ყველა მომსახურებას უფასოდ მიიღებთ. ამ პირობებით სარგებლობა 2019 წლის 1 იანვრამდე იქნება შესაძლებელი. სტუმარი: ვახტანგ ბოხაშვილი - საჯარო რეესტრის იურიდიული დეპარტამენტი; ადმინისტრაციული წარმოების სამსახურის უფროსი
2017 წლის თებერვლიდან დღემდე, „კრედიტინფოს“ ბაზაში უკვე 130-მდე ის არაკეთილსინდისიერი რითეილერია, რომელიც სადისტრიბუციო კომპანიებს კუთვნილ თანხას არ უხდის. ინფორმაციას დისტრიბუტორთა ბიზნეს-ასოციაციის დამფუძნებელი ივა ჭყონია ავრცელებს. საუბარია მაღაზიების მეპატრონეებზე, ვინც სადისტრიბუციო კომპანიებიდან პროდუქცია ვალით აიღო, შემდეგ კი თანხის გადახდაზე უარი თქვა. სწორედ აღნიშნულიდან გამომდინარე, დისტრიბუტორთა ბიზნეს ასოციაციის დამფუძნებელი მიიჩნევს, რომ, არაკეთილსინდისიერი რითეილირებისთვის სპეციალური კანონპროექტი უნდა შემუშავდეს. სტუმარი: ივა ჭყონია - დისტრიბუტორთა ასოციაცია; დამფუძნებელი
1 ივლისიდან მცირე ბიზნესის სტატუსის მქონე პირის შემოსავალი 1%-იანი განაკვეთით იბეგრება, ნაცვლად მანამდე არსებული 5%-ისა. მცირე ბიზნესის სტატუსი კი იმ პირებს მიენიჭებათ, რომელთა ერთობლივი შემოსავალი კალენდარული წლის იქნება, 100 ათასი ლარის ნაცვლად, 500 ათას ლარამდე იქნება. ამასთან, აღსანიშნავია, რომ ცვლილებების თანახმად, მცირე ბიზნესის სტატუსის გაუქმების საფუძველი აღარ იქნება მეწარმე ფიზიკური პირის დამატებული ღირებულების გადასახადის გადამხდელად რეგისტრაციის ფაქტი. სტუმარი: გიორგი თაბუაშვილი - საქართველოს ფინანსთა მინისტრის პირველმა მოადგილე; შემოსავლების სამსახურის უფროსი
საგარეჯოს რაიონში მდებარეობსუცხოური კაპიტალით შექმნილი კომპანია, რომელიც ქვეყანაში ფისტის პლანტაციების გაშენებითა და განვითარებით არის დაკავებული. თუმცა, 6-წლიანი მუშაობის შემდეგ „არიკ ჯგუფი“ აცხადებს, რომ მრავალმილიონიან ინვეტიციციას აჩერებს და ქვეყნის დატოვებას აპირებს. რა არის „ვინიჩიო ველი“, რომელიც 3 ათას ჰექტარს აერთიანებს და რომელიც ფისტის პლანტაციებთან ერთად ეკოტურიზმისა და მრეწველობის განვითარებასაც გულისხმობს.
ბიზნესომბუდსმენის აპარატმა რისკის შემცველი ინვესტიციების სტატისტიკა უნდა გამოაქვეყნოს. ინფორმაცია პერიოდულად საზოგადოებისთვისაც იქნება ხელმისაწვდომი. სტუმარი: ირაკლი ლექვინაძე - ბიზნესომბუდსმენი
ახლა კომპანია ბადაგონზე მოგიყვებით. როგორც გვახსოვს, მიმდინარე წლის თებერვალში კომპანიაში საგამოძიებო სამსახური შევიდა. გამოძიების დაწყებას საფუძვლად დაედო ,,ბადაგონის“ ყოფილი მეწილის, კომპანია „გრაკორო ტრეიდინგ ლიმიტედის“ წარმომადგენლის განცხადება. კერძოდ, გამოძიება „ბადაგონის“ მიერ დიდი ოდენობით წილის მართლსაწინააღმდეგოდ მითვისების ფაქტზე მიმდინარეობდა. კომპანია ბადაგონის 100% წილის მფლობელი დღეს გიორგი სალაყაიაა, თუმცა წლების განმავლობაში ბადაგონში წილს ფლობდა „გრაკორო თრეიდინგ ლიმითედი“. გრაკორო სალაყაიას კომპანიის მითვისებაში სდებს ბრალს. როგორ ვითარდებოდა მოვლენები ბადაგონის გარშემო, როგრო მოხდა წილების გადანწილება და როგორ აღმოჩნდა კომპანია სალაყაიას ხელში?
"რა თქმა უნდა, ჩვენთანაც არსებობს ხარვეზები და ჩვენ არ გავურბივართ იმ პრობლემებს, რომლებიც მერიაში არსებობს",- ამის შესახებ თბილისის მერმა კახი კალაძემ განაცხადა. როგორც კალაძემ აღნიშნა, ბიზნესის ჩართულობა ქვეყნისა და ქალაქის განვითარებაში მნიშვნელოვანია. "მგონია, რომ ბიზნესთან ერთად გაცილებით მეტის გაკეთება შეგვიძლია, რადგან თქვენ ხართ ადამიანები, რომლებსაც ძალიან დიდი როლი შეაქვს ქვეყნისა და ქალაქის ეკონომიკურ განვითარებაში. უამრავი ადამიანი გყავთ დასაქმებული. ერთიანი ძალისხმვით შევძლებთ უფრო მეტი გავაკეთოთ ამ ქალაქისთვის. არის უამრავი პრობლემა და გამოწვევა, რომლის გადალახვასაც ერთდროულად შევძლებთ. - განაცხადა კალაძემ. მისივე თქმით, მერია მუშაობს პრობლემების მოგვარებაზე და ძალიან მალე იქნება აღმოფხვრილი ბარიერები, რომ იყოს ნაკლები ბიუროკრატია, ქალაქი სწორად და სწრაფად განვითარდეს. კალაძემ,მშენებლობის ხელშექყობის აუცილებლობაზეც ისაუბრა და აღნიშნა, რომ ეს პროცესიც უნდა მოწესრიგდეს და არ მოხდება ისე როგორ ამას წარსული გამოცილება გვეუნება. სტუმარი: ანდრია ბასილაია - თბილისის მერიის ეკონომიკური განვითარების საქალაქო სამსახური; უფროსი
კახა კალაძე ბიზნესმენებს შეხვდა. თბილისის მერმა მათ ის საინვესტიციო პროექტები გააცნო, რაც დედაქალაქის სატრანსპორტო, სამშენებლო და სხვა მიმართულებებით განვითარებისთვის პრიორიტეტულია. ჩვენ გვახსოვს, თბილისის მერის ასეთივე გაფართოებული აუდიენცია გასული წლის ბოლოს, როცა მხარეებს შორის განსახილველი ერთ-ერთი მთავარი საკითხი მერიის ბიუროკრატიული ბარიერები იყო.
რა გეგმები აქვს ამ ბაზრის სიდიდით მესამე მოთამაშეს. „ვიონი საქართველოს“ ანგარიშზე, რომელიც ფლობს ბრენდს ბილაინი, აბონენტების 26.65%-ია, საცალო შემოსავლების თვალსაზრისით კი ბაზრის - 16.6%. ეს არის კომუნიკაციების ეროვნული კომისიის 2017 წლის ანგარიშის მონაცემები. რა არის დღეს მნიშვნელოვანი ტელეკომუნიკაციების მომხმარებლისთვის და რას აკეთებს ამ მიმართულებით ბილაინი? სტუმარი: ლაშა ტაბიძე - VEON Georgia; კომერციული დირექტორი
პარლამენტი შენობების ენერგოეფექტიანობის შესახებ კანონის პროექტის განხილვას იწყებს. აქ თავმოყრილია ის ძირითადი მიზნები, რასაც სამშენებლო სექტორმა და უკვე არსებული შენობა-ნაგებობების მესვეურებმა სახელმწიფოს დახმარებით უნდა მიაღწიონ. ამ კანონის მიღების საფუძველი არის საქართველოს ევროპის ენერგეტიკულ თანამეგობრობაში გაწევრიანება. თუმცა მხოლოდ ეს არ არის, რაც ჩვენმა ქვეყანამ ენერგეოეფექტურობის მიმართულებით უნდა გააკეთოს. კანონპროექტის ავტორია ეკონომიკის სამინისტრო, რომელიც განმარტავს, რომ შენობების ენერგოეფექტიანობის გაზრდას, სათბური გაზების ემისიის შემცირებასთან ერთად, სამშენებლო სექტორში დასაქმებულთა რაოდენობის ზრდა, ტექნოლოგიების განვითარება, ჰაერის, წყლისა და მიწის დაბინძურების შემცირება, ენერგიის მოხმარებაზე გადასახადების შემცირება და სხვა დადებითი გვერდითი ეფექტებიც ექნება.
„ბათუმი რივიერას“ პირველი ფაზის განხორციელებაში $65 მილიონის ინვესტიცია ჩაიდება. სილქ როუდ ჯგუფმა" არქიტექტურული დიზაინის და გეგმარების წამყვან კომპანიასთან „ჩეპმენ ტეილორთან“ მოლაპარაკებები დაასრულა. შეთანხმების საფუძველზე სწორედ ეს კომპანია იმუშავებს როგორც „სილქ თაუერის“, ასევე მთლიანად „ბათუმი რივიერას“ პროექტის არქიტექტურულ დიზაინსა და გეგმარებაზე. მთავარი აქცენტი მთელი პროექტის მასშტაბით გამწვანებაზე გაკეთდება. 6 ჰექტრის ფართობის ტერიტორიაზე „სილქ თაუერი“ და პროექტის განვითარების შემდგომ ეტაპებზე დაგეგმილი შენობა-ნაგებობები განთავსდება. პროექტი მოიცავს საცხოვრებელ აპარტამენტამენტებს, იახტ კლუბს და დამატებით 2 ჰექტრის ფართობის პარკს. სტუმარი: გიორგი მარრი - “სილქ როუდ ჯგუფი” უძრავი ქონების განვითარების დირექტორი
სოფელი მუხრანი და მისი ეკონომიკურ პოტენციალი. როგორია აღნიშნული მხარის პერსპექტივა აგროტურიზმის კუთხით და რა აქტივობები ხორციელდება მუხრანში ეკონომიკური განვითარებისთვის. ევროპის რეკონსტრუქციისა და განვითარების ბანკისა და ევროკავშირის მხარდაჭერით მუხრანში საპილოტე პროგრამა ხორცოელდება. სტუმარი: კატერინა პობერეჟნა - “ჯორჯიან დაირის” პროექტი; კოორდინატორი
მიწისქვეშა პარკინგების მშენებლობით ბიზნესი არ დაინტერესდა. თბილისის მერიას ინტერესთა გამოხატვა ვარკეთილის მეტროს, გეგეშიძის სკვერისა და სადგურის მოედნის მიმდებარედ ჰქონდა გამოცხადებული. აღნიშნულ ლოკაციებზე ინტერესთა გამოხატვა მერიას ჰქონდა გამოცხადებული, თუმცა 22 ივნისს ვადა ისე ამოიწურა, რომ განაცხადი არცერთ კომპანიას გაუკეთებია. პროექტის ფარგლებში მერია ინვესტორს მიწის ნაკვეთს სიმბოლურ ფასად, 1 ლარად გადასცემდა. რატომ არ ინტერესდება ბიზნესი შემოთავაზებით და რას სთავაზობს მერია ბიზნესს მეტი დაინტერესბისთვის?
„ის ტემპი, რაც დღეს გვაქვს, არ პასუხობს იმ გამოწვევებს, რაც ეკონომიკაში არსებობს, ამიტომ ტემპი აუცილებლად დაჩქარდება“, - ასე მიმართა პრემიერ-მინისტრმა მამუკა ბახტაძემ ზუგდიდში, დადიანების სასახლის ეზოში შეკრებილ სამეგრელოს მოსახლეობას. პრემიერმა სამეგრელო-ზემო სვანეთის ტურისტულ პოტენციალზე ისაუბრა, ასევე ხაზი გაუსვა ანაკლიის ღრმაწყლოვანი პორტის აშენების მნიშვნელობას.
სხვადასხვა ქვეყნების “მთავრობის ზომას” Heritage Foundation-ის ეკონომიკური თავისუფლების ინდექსიც აფასებს. თუ მაგალითად გადავხედავთ 2018 წლის რეიტინგს აღნიშნულ კრიტერიუმში საქართველოს პოზიციები გაუარესებულია. კერძოდ, მთავრობის ხარჯების ქვეკრიტერიუმში საქართველოს სარეიტინგო ქულა 100-დან 73-ია. “ბოლო 3 წელში მთავრობის ხარჯებმა მშპ-ს 29% შეადგინა, საბიუჯეტო დეფიციტი მშპ-ს 1.6%-ია, ვალის მოცულობა კი მშპ-ს 44.9%-ს შეადგენს”, - აღნიშნავს Heritage Foundation. მთავრობის ხარჯების კრიტერიუმში საქართველოს საუკეთესო პოზიცია (100-დან 55 ქულა) 2012 წელს ჰქონდა. სტუმარი: რუსლან ხოროშვილი - EY Georgia ; მმართველი პარტნიორი
“საპარტნიორო ფონდი“ სს „ბორჯომი ლიკანი ინტერნეიშენალის“ 100% აქციების მფლობელი გახდა. ეს ამბავი ჩვენმა მაყურებელმა უკვე იცის. ყაზახური კომპანია „ყაზმუნაიგაზ-სერვისის“ მიერ დაფუძნებული შპს „კმგ-სერვის საქართველოს“ 100%-იანი წილი „საპარტნიორო ფონდს“ გადმოეცა. აქამდე, შპს „კმგ-სერვის საქართველო“ და „საპარტნიორო ფონდი“ „ბორჯომი ლიკანი ინტერნეიშენალის“ აქციების 50-50%-ს ფლობდნენ. "ეს არის წარმტებული კომერციული კონტრაქტი. პრინციპული შეთანხმება სასტუმროს აქციების შესყიდვის შესახებ ასტანაში ქართული მხარის ოფიციალური ვიზიტის დროს გავაფორმეთ.” - განაცხადა „საპარტნიორო ფონდის“ აღმასრულებლემა დირექტორმა დავით საგანელიძემ. რამდენად წარმატებული იქნება ინვესტიცია, რა არის გარიგების ღირებულება, რას გეგმავს ამჟამად სასტუმროს მმართველი ბრენდი? სტუმარი: შალვა ალავერდაშვილი “ბორჯომი-ლიკანის” ბრენდის მმართველი
საქმის კურსი აგრძელებს ინფორმაციის მოპოვებას თურქი ბიზნესმენის ქემალ გაზიოღლუს დავაზე. როგორც უკვე იცით, ბიზნესმენი მოქალაქე კახა ჟორჟოლიანს ქონების ჩამორთმევის მცდელობაში ადანაშაულებს და ამბობს, რომ მას დეპუტატი გია ჟორჟოლიანიც ეხმარება. საუბარია ქეთევან წამებულის გამზირზე მდებარე, კახა ჟორჟოლიანის კუთვნული სასტუმროს ლონდონ პალასის გვერდით არსებულ ტერიტორიაზე, სადაც ქემალ გაზიოღლუს სასტუმრო კომპლექსის მშენებლობა სურს და ვერ ახერხებს. მხარეებს შორის დავა უკვე უზენაეს სასამართლოშია. ორი ინსტანცია კი ჟორჟოლიანმა მოიგო.
პოლიტიკური პარტიები უკვე კრიპტოვალუტებით ფინანსდებიან - ამის შესახებ ცნობილი დღეს, გენერალური აუდიტორისგან გახდა. ირაკლი მექვაბიშვილმა კონფერენციაზე დასახელებით "ფული პოლიტიკაში" განაცხადა, რომ კრიპტოვალუტის საკითხი გამჭვირვალობის თვალსაზრისით, გარკვეულ პრობლემას წარმოადგენს. როგორ მუშაობს სახელმწიფო აუდიტის სამსახური პარტიების დაფინანსების მონიტორინგზე და რა საკითხები განიხილეს დღეს კონფერენციაზე, რომელსაც პარტიების, საერთაშორისო და არასამთავრობო ორგანიზაციების წარმომადგენლები ესწრებოდნენ.
10 სამინისტრო, ერთი მინისტრის აპარატი და მთავრობის ხარჯების შემცირება მთლიან შიდა პროდუქტთან მიმართებით 4.3-დან 3.9%-მდე - ასეთი იქნება განახლებული მთავრობის პარამეტრები. პრემიერმა მამუკა ბახტაძემ განაცხადა, რომ ბიუროკრატიაზე დაზოგილი თანხმები საზოგადოებას მოხმარდება. მთავრობის სტრუქტურული რეფორმის შესახებ კანონპროექტების პაკეტი პარლამენტს დასამტკიცებლად დღესვე გადაეგზავნება.
თურქი ბიზნესმენი საქართველოში საკუთარი ქონების დაცვას სასამართლოს გზით ცდილობს. ქემალ გაზიოღლუ ამბობს, რომ უკვე რამდენიმე წელია მოქალაქე კახაბერ ჟორჟოლიანი მისი ქონების ხელში ჩაგდებას ცდილობს და ამ ყველაფერში მას დეპუტატი გია ჟორჟოლიანი ეხმარება. ბიზნესმენი საქართველოს მთავრობას, თბილისის მერიასა და ბიზნეს ომბუდსმენს საკუთარი საქმით დაინტერესებას სთხოვს. ჩვენ ახლა პირველწყაროსგან ვეცდებით ინფორმაციის მიღებას, რა ქონების დაკარგვის საფრთხეს გრძობს და რატომ მივიდა საქმე სასამართლომდე. სტუმარი: ქემალ გაზიოღლუ - ბიზნესმენი
2018 წლიდან აჭარაში თაფლის კრემის წარმოება დაიწყება. კოოპერატივი ნატურგიფტი ქართულ ბაზარს ახალ პროდუქტს შესთავაზებს, რომელსაც როგორც კოოპერატივის თავმჯდომარე ამბობს, ადგილობრივ ბაზარზე ანალოგი არ ჰყავს.
სავარაუდოდ, ხვალ მინისტრთა კაბინეტი შემცირებული მთავრობის დასამტკიცებლად კანონპროექტების პაკეტს განიხილავს და შემდეგ, პარლამენტს გადაუგზავნის. შესაბამისად, საბოლოო სიტყვა საკანონმდებლო ორგანოზეა. ჩვენ ვიცით, რომ პრემიერი მამუკა ბახტაძე სტრუქტურული რეფორმისგან დაახლოებით 100-120 მილიონი ლარის დაზოგვას ელოდება.
კრიზისების მიუხედავად ათენი ტურისტებისთვის ერთ-ერთ მიმზიდველ ქალაქად რჩება - რატომ ირჩევენ დამსვენებლები საბერძნეთის დედაქალაქს. ასევე, როგორ ცხოვრობენ იქ ქართველი ემიგრანტები?
საქართველოს იუსტიციის უმაღლესი საბჭოს 2018 წლის 18 ივნისის გადაწყვეტილებით მიმდინარე წლის 2 ივლისიდან ვიწრო სპეციალიზაცია ინტელექტუალურ საკუთრებასთან დაკავშირებულ სამართლებრივ დავებსაც განიხილავს, თუმცა მანამდე საინტერესოა თუ რა შედეგები ფიქსირდება ვიწრო სპეციალიზაციის შექმნიდან თითქმის ერთი წლის თავზე.
ბოლო ერთი თვის განმავლობაში საწვავი ქართულ საცალო ქსელში 5-დან 10 თეთრამდე გაძვირდა. რეკორდული მატება კი მარტიდან დაიწყო.
გარდა რიგი საგადასახდო ინიციატივებისა, ახალი პრემიერ-მინისტრი, საგადასახადო და საბაჟო კოდექსის გადახედვასაც გეგმავს. ასევე, მამუკა ბახტაძე ფიქრობს რომ, ტექნოლოგიურად ჩვენი სისტემა ჩამორჩენილია და ყველა სახის გადასახადი, გარდა დღგ-სა ბლოკჩეინ ტექნოლოგიით უნდა განვითარდეს. სტუმარი: ეფრემ ურუმაშვილი - “ნოდია, ურუმაშვილი და პარტნიორების'” პარტნიორი და ფინანსისტი”
მერიამ თბილისში დაახლოებით, 170 დაუსრულებელი მშენებლობა დაითვალა და მათ დასამთავრებლად ასეთი გამოსავალი მონახა - ეს კომპანიები, რომელთა ბალანსზეც პრობლემური ობიექტებია, შესაძლოა, დამატებული ღირებულების გადასახადისგან გათავისუფლდნენ, ასევე შესაძლებელია, მათ განაშენიანების ინტენსივობის კოეფიციენტიც მოუმატონ - იგივე კ2. რა პასუხი აქვს დღეს ამ შეთავაზებაზე დედაქალაქის მთავრობას კერძო სექტორისგან და რამდენად მოდის შესაბამისობაში ეს მიდგომა იმ საერთო ხედვასთან, რაც თბილისში ქაოტური განაშენიანების შესაჩერებლად აქვს მერიას? სტუმარი: ილია ელოშვილი - თბილისის მერია; მერია მოადგილე
ქობულეთის რაიონის სოფელ ლეღვაში კოოპერატივი "ძლიერი ფერმერი" 2014 წელს ჩამოყალიბდა.მეფუტკრეობა, სასათბურე და სასიმინდე მეურნეობა და მეთხილეობა ეს ის მიმართულებებია, რომელზეც კოოპერატივის წევრები მუშაობენ.წარმოების გაფართოებაში ძლიერ ფერმერს ევროკავშირის პროექტი ენპარდი დაეხმარა.
შიდა ქართლის რეგიონში ხილის პლანტაციებიდან მიღებული მოსავლის დასაბინავებლად ახალი ადგილი იქნება. ისრაელური ინვესტიციით, ქარელის რაიონის სოფელ ქვენატკოცაში, საქართველოში, ხილის გაყინვის პირველი საწარმო გაიხსნა, რომელსაც 4000 ტონა ხილის დამუშავება შეუძლია. საწარმოში 2 მილიონი დოლარის ინვესტიცია ჩაიდო. სამაცივრე დანადგარებიდან ხილი ექსპორტზე ევროპისა და ისრაელის ბაზრებზე გავა. სტუმარი: რაფაელ მაღალაშვილი - GlenBerries; მფლობელი
თვითმმართველობებისთვის დამოუკიდებლობის ხარისხის გაზრდის მიზნით, დეცენტრალიზაციის ახალი, 2018-2025 წლების სტრატეგიის დაწერა იგეგმება. საბოლოოდ კი, ამ მხრივ ხელისუფლების საქმიანობას იმის მიხედვით შეაფასებს მოსახლეობა, რამდენად შემცირდება მათთვის უწყლოდ გასატარებელი საათები და დღეები, რამდენი ახალი საწარმო გაიხსნება მათ სიახლოვეს, როდემდე იქნება ზოგიერთ სოფელში ელექტროგადამცემი ხაზი ტყემლის, ან ჭერმის ხეზე დამაგრებული, ან რამდენი დღე არ დაცლის დასუფთავების სამსახური სანაგვე ურნებს, ისე როგორც ეს არაერთ სოფელში გვინახავს და ა.შ. სტუმარი: ირაკლი მელაშვილი - კოალიცია „ადგილობრივი თვითმმართველობისა და დემოკრატიისთვის“ ; წევრი
გარდამავალი მთავრობის ახალი პროგრამა, არაერთ შეღავათზე იუწყება. მათ შორის, დღგ-სგან გათავისუფლდება ადგილობრივი წარმოების ორი მიმართულება, რძის ნაწარმი და ფარმაცევტული პროდუქცია. ეს ინდუსტრიები წესით კმაყოფილნი იქნებიან, რაც შეეხებათ სხვა ადგილობრივ წარმოებებს, მაგალითად როგორიცაა მეფრინველეობა და რომლებიც წლებია ზუსტად ამ შეღავათის დაწესებას ითხოვენ, მათი განწყობების მიხვედრა არ უნდა იყოს რთული. სტუმარი: გიორგი ბალესიაშვილი - ნატურალ პლიუსი
პრემიერობის კანდიდატის მამუკა ბახტაძის ოთხი პრიორიტეტი უკვე ვიცით - ნატოში გაწევრიანება, ახალი ეკონომიკური მოდელის ჩამოყალიბება თამაშის სამართლიანი წესებით, მცირე მთავრობა და განათლება. დაზოგილი თანხები სოციალურ პროგრამებზე უნდა დიახარჯოს. რა არის პრაქტიკული და თან სასარგებლო მის ხედვებში, ამის შესახებ პარლამენტის წევრები ახლაც დაობენ. სტუმრები: ირაკლი ერაძე - ფინანსისტი; აკაკი ცომაია - ეკონომისტი
კოოპერატივი მუხაესტატე, უკვე წლებია ღვინის მეურნობაში აქტიურადაა ჩართული. კოოპერატივმა წარმოების გაფართოება ევროკავშირის პროექტს ენპარდის საშუალებით მოახერხა და ღვინის მეურნეობას მარწყვის და მწყერის მეურნეობაც შემატა.
თბილისის მერია მშენებლობების დასასრულებლად კომპანიებს შეღავათებს შესთავაზებს. როგორც მერის მოადგილემ ჟურნალისტებს განუმარტა, საუბარია მათი დამატებული ღირებულების გადასახადისგან გათავისუფლებაზე, ასევე მათთვის განაშენიანების ინტენსივობის კოეფიციტიენტების მომატებაზე.
დარგობრივი კომიტეტები იმ სამთავრობო პროგრამას განიხილავენ, რაც დაახლოებით 3 კვირის განმავლობაში იქნება მოქმედი. ამის შემდეგ კი პრემიერობის კანდიდატმა მამუკა ბახტაძემ ახალი გუნდი და 14-დან 11-მდე შემცირებული სამინისტროების გეგმები უნდა წარმოადგინოს. ვიდრე სტრუქტურული რეფორმა ნომერი - 2 დაიწყება.
სად წავიდა ფარმაცევტული კომპანია „ჰუმანითი ჯორჯია“? ალექსანდრე მაშკევიჩის სახელთან დაკავშირებულ კომპანიას, რომელიც სამი წლის წინ ქართულ ფარმაცევტულ ბაზარზე მთავრობის მხარდაჭერით შემოვიდა, ფაქტობრივად აღარ იძებნება. როგორც აღმოჩნდა, საპარტნიორო ფონდთან ერთად დაგეგმილი პროქტებიც აღარ განხორციელდება და ერთი სიტყვით, ამ კომპანიასთან მთავრობა აღარ თანამშრომლობს. ჰუმანითი ჯორჯიას ბაზარზე შემოსვლას სამედიცინო სფეროში გადატრიალება ნამდვილად არ მოუხდენია, როგორც ამაზე საპარტნიორო ფონდის მესვეურები ჯერ კიდევ 2016 წელს საუბრობდნენ.
ენერგეტიკისა და წყალმომარაგების სექტორში მომსახურების ხარისხის კონტროლისთვის უკვე წელიწადნახევარია სემეკი ელექტრონულ ჟურნალს აწარმოებს. ამ ინსტრუმენტის დახმარებით, 2017 წლის პირველი იანვრიდან 2018 წლის 31 მაისის ჩათვლით, სტანდარტების დარღვევისათვის, გამანაწილებელი კომპანიების მიერ აბონენტებზე გაცემული კომპენსაციების ოდენობამ 2 მილიონ 164 520 ლარი შეადგინა. მათ შორის, ყველაზე მეტი - მილიონ 175 ათას 585 ლარი კომპენსაციების სახით „ჯორჯიან უოთერ ენდ ფაუერმა“ გასცა. სტუმარი: ირინა მილორავა - სემეკის თავმჯდომარე 19.06.2018
კახა კიკნაველიძე ყოფილ და მომავალ პრემიერებზე კახა კიკნაველიძე - საქართველოს ბანკი; გენერალური დირექტოი
კომიტეტებმა განათლების, ჯანდაცვისა და კულტურის მინისტრობის კანდიდატებს მოუსმინეს
ერთ-ერთი ინფორმაცია, რაც მამუკა ბახტაძის მცირე მთავრობის მოდელზე ვრცელდება, ეკონომიკური ბლოკის სამინისტროების გაერთიანებას ეხება. სტუმარი: ლექსო ალექსიშვილი - PMCG- ის ხელმძღვანელი
სტუმარი: რევაზე ვაშაკიძე - "ბიუ ბიუს" დამფუძნებელი
სტუმარი: ვასილ ახრახაძე - სადაზღვევო კომპანია უნისონის დირექტორი
1800 დოლარი ქსელის წევრობისთვის. მომსახურება და ნივთები, რომელიც შეიძლება არასოდეს გამოიყენოთ… საათები, წყლის ფილტრები, საგზურები და აურის გამწმენდი დისკები. როგორ მუშაობს სქემა, რომელიც ქიუნეტის სახელითაა ცნობილი და რატომ არის რეკომენდირებული ამ სისტემაში სახლობლო წრის ჩართვა.
„ჩვენი კონცეფცია არის მცირე მთავრობა, რომელიც გულისხმობს ძალიან მნიშვნელოვან ცვლილებებს“, - მამუკა ბახტაძემ ეს განცხადება რამდენიმე დღის წინ გააკეთა. დღეს კი გაგვიმხილა, რომ სამინისტროების რიცხვი 14-დან 11-მდე მცირდება. პრემიერობის კანდადატს ჯერ არ დაუკონკრეტებია, მაგრამ მედიაში უკვე ვრცელდება ინფორმაცია რიგი სამინისტროების შესაძლო გაერთიანებაზე. არაა გამორიცხული, როგორც ეკონომიკის და ფინანსთა სამინისტროების გაერთიანება, ასევე, ერთ-ერთ ვარიანტად განიხილება ეკონომიკის სამინისტროსთვის ინფრასტრუქტურის სამინისტროს შერწყმა და ა.შ.
ახალი მინსტრთა კაბინეტის შემადგენლობაში, ეკონომიკის და საგარეო საქმეთა მინისტრები არ რჩებიან, ბუნებრივია იცვლება ფინანსთა მინისტრიც. ეს არის ინფორმაცია რომელიც დაზუსტებით ვიცით და თავად უმრავლესობაშიც ადასტურებენ. პრემიერ მინისტრობის კანდიდატმა, მამუკა ბახტაძემ კონსულტაციები დღეს უმრავლესობასთან გამართა.