სამედიცინო დახმარების ადგილების მოწყობა - კომპანიებისთვის ახალი, ევროპული ვალდებულება ამოქმედდა #ახალიამბები #BusinessMediaGeorgia
საქართველოს დერეფანში ტვირთბრუნვა ზრდის ტრენდს ინარჩუნებს. წლის პირველ 5 თვეში სატრანსპორტო დარგებმა 16.6 მლნ ტონა ტვირთი გადაამუშავეს, 600 ატასი ტონით მეტი შარშან 5 თვესთან შედარებით. 18%-იანი ზრდაა ქართულ პორტებში, სადაც 5.2 მლნ ტონა ტვირთი გადამუშავდა. 9.9%-იანი ზრდაა გადაზიდულ კონტეინერებში. ბათუმისა და ფოთის პორტებმა 180 573 ერთეული კონტეინერი გადაამუშავეს. კონტეინერების 75% ანუ 136 209 TEU ფოთის პორტში გადამუშავდა. რაც შეეხება ტვირთის განაწილებას 3.1 მლნ ტონა ტვირთ ფოთის საზღვაო ნავსადგური მოემსახურა, 2.1 მლნ ტონას კი ბათუმის ნავსადგური. სტუმარი: მიხეილ ნამადოვი - „კაიროს ლოგისტიკი“-ს დირექტორი #ახალიამბები #BusinessMediaGeorgia
მეღვინეები სახელმწიფოს ამერიკის ბაზარზე მარკეტინგული აქტივობების გაძლიერებისკენ მოუწოდებენ, რადგან როგორც მეღვინეები ამბობენ, აშშ-ში ქართული ღვინის მზარდი გაყიდვების მიუხედავად ცნობადობა მაინც დაბალია, არადა როგორც ბიზნესი ამბობს, ამერიკის ბაზარი იძლევა შესაძლებლობას, ქართული ღვინის ოკეანესგაღმა გაცილებით ფართოდ იყოს წარმოდგენილი. რა ხედვა აქვს ამ მიმართულებით როგორც კერძო სექტორს, ისე შესაბამის სახელისუფლებლო რგოლს და როგორ გამოიყურება რიცხვებში ქართული ღვინის საექსპორტო მაჩვენებლები ამერიკის ბაზარზე? #ახალიამბები #BusinessMediaGeorgia #BMG
შატილში მოსახლეობა უკვე მესამე კვირაა ელექტროენერგიის გარეშეა დარჩენილი. როგორც bm.ge-ის ადგილობრივი ბიზნესის წარმომადგენლებმა განუცხადეს, მიზეზი ის არის, რომ შატილში ჰესი „ბიტეხი 1“დაზიანებულია. პრობლემის მოგვარება დროში ჭიანურდება და მოსახლეობას კონკრეტულ დროს ვერავინ ეუბნება , როდის აღდგება ელექტრომამარაგება. უშუქობის გამო, ყველაზე დიდი ზიანი კი ადგილობრივ ტურიზმს ადგება. სტუმარი: გიორგი ჭინჭარაული კაფე „სანფლაუერი “- ს დამფუძნებელი. #ახალიამბები #BusinessMediaGeorgia #საქმიანები #BMG
2021 წლის 1-ელი ივნისიდან საქართველოში არსებული რესტორნები, კაფეები-ბარები და ჰორეკა სექტორში მოქმედი სხვა ობიექტები, რომლებიც სურსათის გადამუშავებას და მიწოდებას ახორციელებენ, ვალდებულნი არიან, HACCP-ის სტანდარტი დანერგონ. HACCP საერთაშორისოდ აღიარებული სურსათის უვნებლობის სისტემაა, რომელიც სურსათის წარმოების პროცესში პოტენციური საფრთხეების დადგენას, მათ პრევენციას და აღმოფხვრას გულისხმობს. იმის გამო, რომ კვების ინდუსტრიის ახალ სტანდარტებზე გადასვლა საკმაოდ რთულ პერიოდს დაემთხვევა, სოფლის მეურნეობის სამინისტროს სურსათის ეროვნულმა სამსახურმა ბიზნესს 2022 წლის იანვრამდე საშეღავათო პერიოდი მისცა. მიუხედავად იმისა, რომ ბიზნესს სეს-მა გარდამავალი პერიოდი დაუწესა, ახალ რეგულაციების დაკმაყოფილება ობიექტების დიდ ნაწილისთვის ისევ გამოწვევაა. სად არის პრობლემა, ბიზნესში თუ თავად კანონმდებლობაში? სტუმარი: შოთა ბურჯანაძე - საქართველოს რესტორატორთა ასოციაციის პრეზიდენტი; #ახალიამბები #BusinessMediaGeorgia
100-მდე კლინიკა ჯანდაცვის მინისტრს ღია წერილით მიმართავს. ყველაზე მსხვილი დარგობრივი ასოციაციის წერილი 11 ივლისს ჯანდაცვის მინისტრის იმ განცხადებაზე გამოხმაურებაა, რა დროსაც ზურაბ აზარაშვილმა კლინიკებს ფაქტობრივად შეთანხმებულ ტარიფების ინდექსაციაზე უარი უთხრა და თქვა, რომ DRG-ის, ანუ დაფინანსების ახალი მოდელის ამოქმედებამდე, რაც დაანონსებულია, რომ წლის ბოლოდან უნდა გავრცელდეს კლინიკებზე, სამინისტრო საყოველთაო ჯანდაცვის პროგრამის ფარგლებში დადგენილი ტარიფების გადახედვას არ აპირებს. სექტორი კი დროულად ითხოვს სატარიფო პოლიტიკის ცვლილებას, რადგან როგორც განცხადებაში ვკითხულობთ, არსებული დაფინანსების პირობებში კლინიკები პირდაპირი ხარჯის დაფარვასაც ვეღარ ახერხებენ. სექტორი ჯანდაცვის სამინისტროს შესახვედრად დროს 20 ივლისამდე აძლევს, წინააღმდეგ შემთხვევაში ასოციაცია არ გამორიცხავს კლინიკების ნაწილმა ოპერირება შეაჩეროს. სტუმარი: ივანე ჩხაიძე - იაშვილის სახელობის ბავშვთა ცენტრალური საავადმყოფოს სამედიცინო დირექტორი; #ახალიამბები #BusinessMediaGeorgia
შექმნილი სამედიცინო კაპიტალის არაეფექტური გამოყენება, უფრო ხარჯიანი ჰოსპიტალური სერვისების ჭარბი გამოყენება და გაზრდილი სახელმწიფო დანახარჯების მიუხედავად პაციენტების ჯიბიდან გადახდის მაღალი წილი - ასეთია საყოველთაო ჯანდაცვის სისტემემის ნეგატიური მხარეები პროგრამის ამოქმედებიდან 9 წლის შემდეგ. ამ წუთებში ფონდი კურაციო ჯანსაცვის სფეროს ბარომეტრის პრეზენტაციას მართავს. კვლევის ფარგლებში კიდევ ერთხელ შეფასდა სამედიცინო სერვისების ბაზარი საქართველოში, მისი სტრუქტურა და სტრუქტურიდან გამომდინარე შედეგები. როგორია შეფასებები, სახელწიფოს მუდმივად მზარდი დანახარჯების პირობებში, რატომ ვერ იზრდება საყოველთაო ჯანდაცვის პროგრამის ეფექტიანობა? #ახალიამბები #BusinessMediaGeorgia
ირლანდიის პერსონალური მონაცემების დაცვის მარეგულირებელმა ორგანომ Meta-ს საკუთრებაში არსებულ პლატფორმებს, Facebook-სა და Instagram-ს ევროპელი მოქალაქეების შესახებ მონაცემების ამერიკის შეერთებულ შტატებში გაგზავნა აუკრძალა. ეს გადაწყვეტილება იმდენად მნიშვნელოვანია, რომ შესაძლოა მას ევროპაში Facebook-ისა და Instagram-ის გათიშვა მოჰყვეს. ირლანდიის მარეგულირებლის ეს გადაწყვეტილება „მონაცემთა დაცვის ზოგად რეგულაციას“ უკავშირდება, რომელიც ევროკავშირში ძალაში 2018 წლის მაისში შევიდა. თუკი ირლანდიური მარეგულირებლის გადაწყვეტილებას „ევროპის პირადი მონაცემების დაცვის საბჭო: დაეთანხმება, მას გავლენა ექნება არამხოლოდ #Meta-ზე, არამედ ყველა იმ კომპანიაზე, რომელსაც საკუთარი ოპერაციებისთვის ევროპასა და ამერიკის შეერთებულ შტატებს შორის მონაცემების გაგზავნა სჭირდება. რამდენად რეალურია ევროპის ტერიტორიაზე Facebook-ისა და Instagram-ის დროებითი გათიშვა? რას ეფუძნება გადაწყვეტილება? სტუმარი: ანზორ მეხრიშვილი - BDO Digital-ის კიბერ და ინფორმაციული უსაფრთხოების განყოფილების ხელმძღვანელი; #ახალიამბები #BusinessMediaGeorgia
საქართველოში მოქმედი ბანკებისთვის უცხოური ვალუტით მოზიდულ სახსრებზე მინიმალური სარეზერვო მოთხოვნა შესაძლოა გაიზარდოს. მინიმალური სარეზერვო მოთხოვნის ზრდა ქვეყანაში სავალუტო კრედიტების ზრდის ტემპის შემცირების მიზანს ემსახურება. ეს საკითხი იყო ერთ-ერთი განხილვის თემა გასული კვირის ბოლოს ეროვნული ბანკისა და საქართველოს ბიზნეს ასოციაციის წევრი კომპანიების შეხვედრაზე. ბიზნესი სარეზერვო მოთხოვნის ზრდის წინააღმდეგია. თუ თუ რეალური ეკონომიკური ზრდა გვინდა, ბანკებისთვის სარეზერვო ნორმები უნდა განულდეს- ასეთი პოზიცია დააფიქსირა ბიზნესმენმა ლაშა პაპაშვილმა. როგორი მოლოდინი აქვს თავად საბანკო სექტორს? #ახალიამბები #BusinessMediaGeorgia
შემოღებულ იქნას ფქვილის იმპორტზე წინასაიმპორტო გადასახადი; განთავისუფლდეს წინასაიმპორტო გადასახადისაგან 7 000 ტონა პირველი ხარისხის იმპორტირებული ფქვილი იმ პირობით თუ იგი პურის ქარხნების მიერ გამოყენებული იქნება ყოველდღიური მოხმარების ე.წ. სოციალური პურის გამოსაცხობად. ასეთი შეთავაზება აქვს საქართველოს ხორბლისა და ფქვილის მწარმოებელთა ასოციაციას საქართველოს მთავორბისადმი, რათა წისქვილკომიბინატების მუშაობა აღდგეს. სტუმარი: ლევან სილაგავა - ხორბლისა და ფქვილის მწარმოებელთა ასოციაციის აღმასრულებელი დირექტორი; #ახალიამბები #BusinessMediaGeorgia
ჯანდაცვის სამინისტრო საყოველთაო ჯანდაცვის პროგრამის მონაწილე კლინიკებს ტარიფების გადახედვაზე და ინდექსაციის მოდელის შემოღებაზე უარს ეუბნება. თავისმხრივ, ტარიფების ინდექსაცია ტარიფების ზრდას გულისხმობს საქსტატის მიერ დადგენილი ინდექსის მიხედვით. შესაბამისი მოთხვნით 130-ზე მეტმა სამედიცინო დაწესებულებამ ჯანდაცვის სამინისტროს არაერთხელ მიმართა. გადაწყვეტილების რამდენიმეთვიანი ლოდინის შემდეგ პასუხს სექტორი უწყებისგან მიმდინარე თვეში ელოდა, თუმცა დღევანდელი მთავრობის სხდომის დასრულების შემდებ ბიემჯის შესაბამის კითხვაზე პასუხად ჯანდაცვის მინისტრმა, თქვა, რომ ტარიფების ინდექსაცია არ მოხდება. #ახალიამბები #BusinessMediaGeorgia
საქართველოში ხშირია საგზაო მოძრაობის უხეში დარღვევები. კერძოდ, მსოფლიოს ჯანდაცვის ორგანიზაციის თანახმად, საქართველო ავტოსაგზაო შემთხვევების შედეგად სიკვდილიანობის მაჩვენებლით მსოფლიოში ერთ-ერთ წამყვან პოზიციაზეა. შინაგან საქმეთა სამინისტროს ოფიციალური მონაცემებით, საქართველოში ყოველწლიურად გზებზე სულ უფრო მეტი საგზაო–სატრანსპორტო შემთხვევა ფიქსირდება. მაგალითად, 2020 წელს ადმინისტრაციული სამართალდარვევის შესაბამისად 31 552 ავტოსაგზაო სემტხვევა მოხდა, 2021 წელს კი 39 288. რაც შეეხება დაშავებულთა და დაღუპულთა რაოდენობას, 2020 წელს 6640 აცდამინი დაშავდა, 450 გარდაიცვალა, 2021 წელს კი დაშავებულთა რაოდენობამ 7705 შეადგინა, გარდაიცვალა 449 ადამიანი. საგაზო უსაფრთოხების პრობლემა, რომ მწვავე გამოწვევაა ქვეყნისთვის სტატისტიკაც აჩვენებს და ჩვენც არაერთხელ დავუთმეთ თემას დრო. დღეს ვისაუბრებთ, საქართველოს 2022 – 2025 წლების საგზაო უსაფრთხოების ეროვნული სტრატეგიისა და მისი 2022-2023 წლების სამოქმედო გეგმის შესახებ, რომელიც მთავრობამ დაამტკიცა. ძირითადად მის შესაბამისობა არსებულ გამოწვევებთან მიმართებით. სტუმრები: გელა კვაშილავა - გაეროს ექსპერტი ტრანსპორტისა და საგზაო უსაფრთხოების საკითხებში; ეკა ლალიაშვილი - “საქართველოს ალიანსი უსაფრთხო გზებისთვის” თავმჯდომარე; #ახალიამბები #BusinessMediaGeorgia
ხორბლის მოსავლის აღება იწყება ფერმერები კი ისევ გამოწვევების წანაშე დგანან. გაძვირებულმა დიზელმა მოსავლის აღების ფასი მკეთრად გაზარდა. თუ გასულ წელს კომბაინის მომსახურებაში ფერმერები 1 ჰექტარზე 130-150 ლარს იხდიდნენ, ახლა ფასი 200 ლარამდეა გაზრდილი. პრობლემაა კომბაინების რაოდენობაც, რომელიც დეფიციტურია. სტუმარი: ნოდარ ლატიბაშვილი - „ნამჯის სახლის“ დამფუძნებელი; #ახალიამბები #BusinessMediaGeorgia
სარესტორნე ბიზნესს საშუალოდ 30%-ით მოუწია ფასების გაზრდა - ამის შესახებ BM.GE-თან კომენტარი რესტორატორმა მერიკო გუბელაძემ გააკეთა. როგორც გუბელაძე ამბობს, გაძვირებული პროდუქციის ფონზე კვების ობიექტები კერძებზე ფასების დაჭერას ვეღარ ახერხებენ, შესაბამისად, მათ პერიოდულად ფასების ცვლილება უწევთ. ფასების კორექტორება მოუწია რესტორან თაშრეს მენეჯმენტსაც, სადაც ფასები 15-20%-ით გაიზარდა. როგორ აისახება გაზრდილი ფასები ბიზნესზე, მოსახლეობაზე და ტურიზმის სექტორზე? #ახალიამბები #BusinessMediaGeorgia
რა აწუხებს ბიზნესს: სებ-ის BAG-ის შეხვედრა #ახალიამბები #BusinessMediaGeorgia #BMG
საქართველოში ოპერირებას მულტირფილური და მოლეკულური ლაბორატორია იწყებს. ლაბორატორია „აგროლაბისა“ და სატელიტური პლატფორმის პრეზენტაცია საქართველოს ფერმერთა ასოციაციის ორგანიზებით, გაიმართა. ამ ორი ინოვაციური მომსახურების დანერგვით ფერმერები დროის დაზოგვით, მაღალი ხარისხის პროდუქტის მიღებას შეძლებენ, რაც საექსპორტო პოტენციალს გაზრდის. #ახალიამბები #BusinessMediaGeorgia #ბიზნესმედია #საქმიანები #BMG
გლობალური გამოწვევები და მათი გავლენა საქართველოს ეკონომიკაზე - საპასუხო ქმედებები და სამომავლო ნაბიჯები - ეროვნული ბანკის და ყველაზე მსხვილი ბიზნეს ასოციაციის მენეჯმენტსა და წევრ კომპანიებს შორის შეხვედრა დღეს თითქმის 2 საათი გაგრძელდა. რა აწუხებს ბიზნესს, რა კითხვები აქვთ და რა ინფორმაცია მიიღეს ეროვნული ბანკისგან? #ახალიამბები #BusinessMediaGeorgia
“დროის საკმაოდ მოკლე მონაკვეთებშიც კი საკმაოდ ბევრი რამ ხდება ერთად, რაც შემდეგში გავლენას ახდენს ეკონომიკაზე და აქედან გამომდინარე, გვსურდა ბიზნესისთვის გაგვეზიარებინა ჩვენი ხედვა დადღევანდელი ეკონომიკური სიტუაციის ანალიზი“ - ეს განცხადება ეროვნული ბანკის პრეზიდენტმა მედიასთან დღეს საქართველოს ბიზნეს ასოციაციის წევრ კომპანიებთან შეხვედრის შემდეგ განაცხადა. #ახალიამბები #BusinessMediaGeorgia
2018-2020 წლებში ავტოსატრანსპორტო საშუალებების ექსპლუატაციასთან დაკავშირებული სხვადასხვა მავნე ნივთიერების კონცენტრაციების დადგენა და არეალის დაფარვა არ წარმოებდა სრულყოფილად. შესაბამისად, შეუძლებელია განისაზღვროს ავტოსატრანსპორტო საშუალებების ტექნიკური გაუმართაობით მიღებული გავლენა ჰაერის დაბინძურებაზე. აქედან გამომდინარე, ზემოაღნიშნულის გარეშე შეუძლებელია რეფორმის ეფექტიანობის სათანადოდ შეფასება, მიზნის მიღწევის თვალსაზრისით. აუდიტის სამსახურმა, ავტოსატრანსპორტო საშუალებების პერიოდული ტექნიკური ინსპექტირების პროცესზე სახელმწიფო კონტროლის შესახებ ანგარიში გამოქვეყნა. პუბლიკაციაში, ინსპექტირების ცენტრებში ინსპექტორების კვალიფიკაციის ნაკლოვანებებზე, ინფორმაციული სისტემების ხარვეზებზე, სახელმწიფო ზედამხედველობის სისუსტებზეა საუბარი. სტუმრები: გიორგი შიოლაშვილი - ტექინსპექტირების ცენტრების კავშირის აღმასრულებელი დირექტორი; ვახტანგ ებიტაშვილი - კომპანია "გრინვეი"-ს გენერალური დირექტორი. #ახალიამბები #BusinessMediaGeorgia
საქართველოში ფუნქციიონირებას პირველი მულტიპროფილური, მოლეკულური ლაბორატორია იწყებს. „აგროლაბის“ მომსახურებით ფერმერები და აგროსექტორში ჩართული ბიზნესები შეძლებენ სიზუსტისა და მაღალი ხარისხის გარანტიით მიიღონ სრული კვლევები: სურსათის უვნებლობაზე, ვეტერინარიაზე, მცენარეთა დაცვაზე, ღვინოზე, გარემოს დაცვაზე , ნიადაგსა და წყალზე. სატელიტურ სისტემაზე დაფუძნებული სასოფლო-სამეურნეო ხელსაწყოების დახმარებით კი, ფერმერებს შეეძლებათ საკუთარ მეურნეობებში წარმოებული პროდუქტების ხარისხის გაუმჯობესება და ფერმერული საქმიანობის გაძლიერება. სტუმარი: ნათია ცაბუტაშვილი - „აგროლაბის“ დირექტორი; #ახალიამბები #BusinessMediaGeorgia
ხარვეზები სასამართლო სისტემაში - რატომ ჭიანურდება დავების განხილვები? #ახალიამბები #BusinessMediaGeorgia
უკრაინაში რუსეთის შეჭრამ მსოფლიო ენერგორესურსების დივერსიფიცირებაზე კიდევ ერთხელ დააფიქრა. ენერგეტიკულ უსაფრთხოება ისევ აქტუალური თემაა. ამ ახალ რეალობაში შავი ზღვაში არსებულმა ნავთობისა და გაზის მარაგებმა შესაძლოა ენერგეტიკულ დაფაზე ახალი მოთამაშეები გააჩინოს. შავი ზღვის ქვეყნებში მიმდინარე ნავთობისა და გაზის პროექტები და ენერგეტიკული წყაროების ჩანაცვლების საკითხები 22-23 ივნისს ბუქარესტში, რეგიონულ სამიტზეც განიხილეს. ამ სამიტზე საქართველოში მიმდინარე პროექტებიც წარადგინეს. გაზრდილი რისკების მიუხედავად, როგორია ინტერესი შავ ზღვაში ნავთობისა და გაზის ძიების მიმართ და როგორ შეიძლება საქართველომ წიაღისეული საწვავის ჯერ მოძიებისა, შემდეგ კი, მოპოვების ინტერესი გაუღვიძოს ინვესტორებს? სტუმარი: გიორგი ტატიშვილი - საქართველოს ნავთობისა და გაზის სახელმწიფო სააგენტოს ხელმძღვანელი; #ახალიამბები #BusinessMediaGeorgia
მოცვის კრეფა და ექსპორტი აქტიურ ფაზაშია, თუმცა მწარმოებლები გამოწვევების წინაშე დგაგნან. უმაინდობა, ტრანსპორტირების პრობლემა და შეფერხებები საექსპორტი დოკუმენტების მიღებისას... ეს გამოწვევების არასრული ჩამონათვალია... როგორია ვითარება მოცვის ბაზარზე, სად და რა ფასად იყიდება ქართული მოცვი? სტუმარი: დავით მაყაშვილი - კომპანია „აგრითაჩის“ გენერალური მენეჯერი; #ახალიამბები #BusinessMediaGeorgia
ტურიზმის აღდგენის დინამიკა - 2022 #ახალიამბები #BusinessMediaGeorgia
ტურიზმის სექტორში აღდგენის დინამიკა ზრდას განაგრძობს. მიმდინარე წლის 6 თვეში საერთაშორისო ტურისტული ვიზიტების რაოდენობამ 1,2 მლნ-ს გადააჭარბა, ზრდა გასული წლის ანალოგიურ პერიოდთან შედარებით 186.3%-ია. ზრდა დაფიქსირდა ივნისის თვეშიც. აღნიშნულ პერიოდში საქართველოში 445 894 საერთაშორისო მოგზაურის ვიზიტი განხორციელდა, ზრდა 2021 წლის ივნისის თვესთან შედარებით 185.5%-ია.
საქართველოს მთავრობამ საინვესტიციო პროექტი - „წყალტუბოს ახალი სიცოცხლე“ წარადგინა. პროექტის ფარგლებში ხელისუფლება წყალტუბოში 50 მლნ ლარის ღირებულების 14 პროექტს გასაყიდად გამოიტანს და ინვესტორების მხრიდან 500 მლნ ლარის ინვესტირებას დაელოდება. მსოფლიო დონის ბალნეოლოგიური კურორტად გადაქცევისთვის კი სახელმწიფო თავის მხრივ საჭირო ინფრასტრუქტურული პროექტების განხორციელების პირობას დებს. პრემიერ მინისტრმა პრეზენტაციზე აღნიშნა, რომ კერძო სექტორისა და მთავრობის ძალისხმევით მთავრობას აქვს ამბიცია, წყალტუბო 21-ე საუკუნის თანამედროვე, მაგრამ ამავე დროს მდიდარი ისტორიული მემკვიდრეობის მქონე კურორტად გადააქციოს. სტუმარი: ვალერი ჩეხერია - “სლოუ გრუპის” პარტნიორი და სტრატეგიული პროექტების დირექტორი; #ახალიამბები #BusinessMediaGeorgia
ქართველოს სტატისტიკის ეროვნულმა სამსახურმა ახალი სტატისტიკური პროდუქტი - ეკონომიკური ანალიზის პორტალი წარადგინა. ახალი პროდუქტი საქსტატის ვებ-გვერდზე დღეიდან ამოქმედდება და ქართულ და ინგლისურ ენებზე იქნება ხელმისაწვდომი. მასზე არსებულ მონაცემთა განახლება კი ყოველწლიურად განხორციელდება. რა ტიპის ინფორმაციის მიღება ხდება შესაძლებელი პლატფორმიდან? სტუმარი: გოგიტა თოდრაძე - „საქსტატის“ აღმასრულებელი დირექტორი; #ახალიამბები #BusinessMediaGeorgia
საქართველოს მთავრობა ბიზნესს ახალ მოთხოვნებს უწესებს. საუბარია ტექნიკურ რეგლამენტზე, რომელიც დამსაქმებლებს სამუშაო სივრცეში უსაფრთხოებისა და ჯანმრთელობის დაცვის მინიმალური მოთხოვნების შესრულებას სთხოვს. დოკუმენტის თანახმად, დამსაქმებელი ვალდებულია უზრუნველყოს სამუშაო სივრცის უსაფრთხოდ მოწყობა და მისი ტექნიკური აღჭურვა, ასევე რეგლამენტი ადგენს პარამეტრებს, რასაც დახურული სამუშაო სივრცე უნდა აკმაყოფილებდეს. აღსანიშნია, რომ რეგლამენტით გათვალისწინებული მოთხოვნები მხოლოდ დასრულებულ და ექსპლუატაციაში მიღებულ შენობა-ნაგებობებში განთავსებულ სამუშაო სივრცეზე ვრცელდება. როგორ აფასებს კერძო სექტორი წარმოდგენილ ცვლილებებს და გავლილია თუ რა რეგლამენტი ბიზნესთან? სტუმარი: ნიკა ნანუაშვილი - საქართველოს ბიზნესასოციაციის იურიდიული დირექტორი; #ახალიამბები #BusinessMediaGeorgia
სარესტორნო ბიზნესი აგრარული პროდუქციის შესყიდვის დღგ-სგან გათავისუფლებას ითხოვს #ახალიამბები #BusinessMediaGeorgia
ქვეყანაში COVID- შემთხვევების რაოდენობა იზრდება #ახალიამბები #BusinessMediaGeorgia
სარესტორნე ბიზნესი აგრარული პროდუქციის შესყიდვის დროს დღგ-სგან გათავისუფლებას ითხოვს, როგორც სექტორის წარმომადგენლები ამბობენ, იმის გამო რომ აგრარული პროდუქცია დღგ-ს გადასახადისგან გათავისუფლებულია, ხოლო მისი შესყიდვისას ჰორეკა სექტორი 18 პროცენტით მაინც იბეგრება და ბიზნესს ადგილობრივ პროდუქციაზე ხშირ შემთხვევაში უარის თქმა უწევს, რითაც ფერმერები ზარალდებიან.
მიკრობანკების შესახებ კანონპროექტი მთავრობამ მოიწონა და ის პარლამენტს გადაეგზავნება. ფინანსთა მინისტრის ლაშა ხუციშვილის განცხადებით, საქართველოში ახალი ფინანსური ინსტიტუცია შეიქმნება. ხუციშვილის განმარტებით, მიკრობანკები საბანკო სფეროს შემადგენელი ნაწილი იქნება, რომელსაც ზედამხედველობას სრულად გაუწევს ეროვნული ბანკი. სტუმარი: გიორგი არველაძე - მიკროსაფინანსო ორგანიზაცია „კრისტალის“ სამეთვალყურეო საბჭოს წევრი; #ახალიამბები #BusinessMediaGeorgia
ბოლო ერთ კვირაში საქართველოში covid-19-ის 2 570 ახალი შემთხვევა გამოვლინდა. NCDC-ის ინფორმაციით, საანგარიშო პერიოდში 1 103 პაციენტი გამოჯანმრთელდა. Covid-ით ერთ კვირაში 3 ადამიანი გარდაიცვალა. 7-დღიანი ტესტირების დადებითობის მაჩვენებელია 4.05%. ინფორმაციისთვის, დღევანდელი მაცვენებელი გასული კვირის მაჩვენებელს 2.5-ჯერ აღემატება, გასული კვირის სამშაბათს გამოქვეყნებული მონაცემებით იმფიცირების რიცხვი 1058 -ს შეადგენდა. განიხილება თუ არა შეზღუდვების დაწესება და როგორ ხვდებიან კლინიკები არსებულ კოვიდ-ვითარებას?! #ახალიამბები #BusinessMediaGeorgia
ბოლო ერთ კვირაში საქართველოში covid-19-ის 2 570 ახალი შემთხვევა გამოვლინდა. NCDC-ის ინფორმაციით, საანგარიშო პერიოდში 1 103 პაციენტი გამოჯანმრთელდა. Covid-ით ერთ კვირაში 3 ადამიანი გარდაიცვალა. 7-დღიანი ტესტირების დადებითობის მაჩვენებელია 4.05%. ინფორმაციისთვის, დღევანდელი მაცვენებელი გასული კვირის მაჩვენებელს 2.5-ჯერ აღემატება, გასული კვირის სამშაბათს გამოქვეყნებული მონაცემებით იმფიცირების რიცხვი 1058 -ს შეადგენდა. როგორია ჰოსპიტალიზაციის მაჩვენებელი, საჭიროა თუ არა შეზღუდვების დაბრუნება და როგორ უნდა იმართოს ეფექტიანად მიმდინარე ეტაპზე პროცესი? სტუმარი: ანი ქავთარაძე - ანესთეზიოლოგ-რეანიმატოლოგი; #ახალიამბები #BusinessMediaGeorgia
გაძვირებული პროდუქტები - ინფლაცია 12.8% #ახალიამბები #BusinessMediaGeorgia
სილქნეტის ციფრულ ეკოსისტემას ორი მუსიკალური გიგანტი, ბილბორდი და დიზერი უერთდება. ამერიკულმა მუსიკალურმა ბრენდმა ბილბორდმა და სილქნეტმა ბილბორდ საქართველოს დაარსების შესახებ განაცხადეს. პარალელურად კი ხელი მოეწერა ხელშეკრულებას წამყვან მუსიკალურ სტიმინგის პლატფორმა დიზერთან, რომელიც ქართველი მომხმარებლებისთვის ამიერიდან განაკუთრებული პირობით იქნება ხელმისაწვდომი. მუსიკალურ გიგანტებთან თანამშრომლობის აღსანიშნად, სილქნეტმა ნიუ-იორკში ღონისძიებას უმასპინძლა, რომელიც ასევე საქართველო-ამერიკის დიპლომატიური ურთიერთობების 30 წლისთავსაც მიეძღვნა. #ახალიამბები #BusinessMediaGeorgia
საექსპორტო პოტენციალზე და თანამშრომლობის შესაძლებლობებზე ისაბრეს, ბაქოში გამართულ, აზერბაიჯანი საქართველოს ბიზნეს ფორუმზე. ფორუმს ქართული მხრიდან 40 ბიზნეს კომპანიის წარმომადგენელი და 100 აზებაიჯანული კომპანია ესწრებოდა. მონაწილე კომპანიები წარმოადგენდნენ საქმიანობის სხვადასხვა სფეროებს, როგორიცაა საინვესტიციო პარტნიორები/თიზები/იურიდიული/საკონსულტაციო კომპანიები, ტრანსპორტი და ლოჯისტიკა, საკვები და სასმელი, სადისტრიბუციო მომსახურება, მშენებლობა, ენერგეტიკა, ტურიზმი, ჯანმრთელობა და მედიცინა, აქსესუარები. სტუმრები: სოსო ნიბლაძე - ჰუალინგის თავისუფალი ინდუსტრიული ზონის აღმასრულებელი დირექტორი; ზვიად ჭუმბურიძე - ევროკავშირი საქართველოს ბიზნეს საბჭოს გენერალური მდივივანი; თამარ მექვაბიშვილი - DTS Logistic Services Georgia-ს გენერალური დირქტორი. #ახალიამბები #BusinessMediaGeorgia
საწვავის გაძვირება შესაძლებელია დამატებითი წნეხი იყოს ინფლაციისთვის, რომელმაც ივნისის თვის მონაცემებით, 12.8% შეადგინა. მათ შორის ჯგუფების მიხედვით, ფასების ყველაზე მკვეთრი ზრდა სურსათზე დაფიქსირდა, რომლის ღირებულებაც წინა წელთან მიმართებით 21.8%-ით არის გაძვირებული. 19.4%-ით მეორე ადგილზეა ტრანსპორტის ჯგუფი, რაც საწვავის ფასების ზრდას უკავშირდება. ივნისში არსებული 12.8%-იანი ინფლაცია მაისში არსებულ ინფლაციაზე 0.5 პროცენტული პუნქტით ნაკლებია. სურსათი და უალკოჰოლო სასმელები, ფასები მომატებულია შემდეგ ქვეჯგუფებზე: პური და პურპროდუქტები (35.0 პროცენტი), ბოსტნეული და ბაღჩეული (33.4 პროცენტი), ხილი და ყურძენი (31.8 პროცენტი), ზეთი და ცხიმი (14.9 პროცენტი), ხორცი და ხორცის პროდუქტები (11.3 პროცენტი); რა მოლოდინებია სამომხმარებლო პროდუქტების ფასების მიმართულებით, მითუმეტეს საწვავის გაძვირების ფონზე? სტუმარი: ივა ჭყონია - საქართველოს დისტრიბუტორთა ბიზნეს ასოციაციის პრეზიდენტი; #ახალიამბები #BusinessMediaGeorgia
ქართველი მორაგბეები 2 დღეში ზაფხულის ტესების მატჩებს დაიწყებენ. პირველი შეხვედრა, 3 ივლისს, 18:00 საათზე ქუთაისში გაიამრთება,საქართველოს რაგბის ეროვნული ნაკრები არგენტინა 15ს უმასპინძლებს. მომდევნო კვირაში კი ბათუმში უმნიშვნელოვანეს მატჩში იტალიის ნაკრებს დაუპირისპირდება, რომელიც 10 ივლისს ბათუმის ახალ სტადიონზე ჩატარდება. ზაფხულის ტესტებს მორაგბეები პორტუგალიასთან მატჩით 16 ივლისს ისევ ქუთაისში დაასრულებენ. გეოგრაფია გაზრდილია, რატომ გადაწყდა მატჩების ჩატარება ქუთაისსა და ბათუმში და ზოგადად, როგორია რაგბის ეკონომიკა საქართველოში? სტუმარი: ნიკოლოზ ალავიძე - რაგბის კავშირის ვიცე-პრეზიდენტი #ახალიამბები #BusinessMediaGeorgia
რა ხდება მობილური ვირტუალური ოპერატორების ბაზარზე? მსხვილ მობილურ ოპერატრებს წლის ბოლომდე აქვთ ვადა, რომ საკუთარ ინფრასტრუქტურაზე ასეთი კომპანიები დაუშვან, წინააღმდეგ შემთხვევაში კომუნიკაციების კომისია რეგულაციას გაამკაცრებს. შესაბამისად, მაგთის, ბილაინსა და სილქნეტს არჩევანის საშუალება აღარ ექნებათ, ისინი ვალდებული იქნებიან საკუთარი ქსელი მობილური ვირტუალური ოპერატორებს გაუზიარონ. #ახალიამბები #BusinessMediaGeorgia
ჩინური კომპანია Honor, რომელიც ადრე Huawei-ს ეკუთვნოდა, რუსეთში სმარტფონების პარალელური იმპორტისთვის პარტნიორებს საქართველოსა და სომხეთში ეძებს, ხოლო უზბეკეთში კომპანიამ შეთანხმებას უკვე მიაღწია. ინფორმაციას „ვედომოსტი“ ელექტრონიკის ერთ-ერთი დისტრიბუტორის წყაროზე დაყრდნობით წერს, რაც მსხვილ ოპერატორთან დაახლოებულმა და სატელეკომუნიკაციო ბაზრის მონაწილე თანამოსაუბრემაც დაადასტურა. თავად Honor-ში „ვედომოსტისთან“ კომენტარს არ აკეთებენ. ეს ინფორმაცია გუშინ გავრცელდა, თუმცა რუსეთში პარალელური იმპორტის თემა უკვე საკმაოდ აქტუალურია, რადგან ბრენდები ქვეყანას ტოვებენ… მაგალითად ნაიკმა საბოლოოდ გადაწყვიტა, რომ რუსეთში 1994 წელს გახსნილი მაღაზია დახუროს. ეს არ ნიშნავს რომ რუსეთში ნაიკის პროდუქცია აღარ იქნება, უბრალოდ ის არ იქნება ოფიციალური დილერისგან მიღებული, შესაბამისად ვიღაც კოსტია გახსნის მცირე "ლავკას" და ნაიკის ბრენდირებით კაცმა არ იცის რა ხარისხის პროდუქტს მიჰყიდის რუსებს. გარდა პარალელური იმპორტისა, დიდია რისკი, რუსეთმა სანქციების თავის არიდების მიზნით სხვადასხვა გზებს მიმართოს, რამდენად არის ეს რისკები საქართველოსთვის, რომ ჩვენ არ ვიყოთ პოლიგონი? სტუმარი: ალექსანდრე მარგიშვილი - Kudos Georgia -ს პარტნიორი; #ახალიამბები #BusinessMediaGeorgia
დღეიდან მწარმოებლებისთვის ახალი ვალდებულება ამოქმედდა. საუბარია საბურავების, ზეთების, აკუმლატორების და ელემენტების, ასევე ელექტრონული და ელექტრული ნარჩენების მწარმოებლებსა და იმპორტიორებზე. რეგულაცია ევროდირექტივებიდან გამომდინარეობს და საქმე ეხება ნარჩენების მართვის სქემას, რომელიც აღნიშნული საქმიანობით დაკავებულმა მწარმოებლებმა უნდა შექმნან. როგორ მოემზადა ბიზნესი მწარმოებელთა გაფართოებული ვალდებულებებისთვის. სტუმარი: ხათუნა ტუღუში - ნარჩენების მართვის ბიზნესის ასოციაციის სტრატეგიული განვითარების დირექტორი; #ახალიამბები #BusinessMediaGeorgia
საქართველოდან ელექტროენერგიის ექსპორტი რეკორდულ ნიშნულზეა. ესკოს ოპერატიული მონაცემებით, ივნისში ექსპორტზე 337 მლნ კილოვატ საათამდე ელექტრონერგია გავიდა. აქედან 283 მლნ კვტ.სთ -ის მიწოდება მოხდა თურქეთისთვის, 57 მილიონის კი, სომხეთისთვის. ასევე თითქმის 90 მლნ კვტ.სთ-ის ტანზიტულად გატარება მოხდა. სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი; #ახალიამბები #BusinessMediaGeorgia
ეს ოდნავ გააუმჯობესებს ჩვენ სასურსათო უსაფრთხოებას - ასე აფასებს სოფლის მეურნეობის ყოფილის მინისტრის და USAID-ის სოფლის მეურნეობის პროგრამის ხელმძღვანელის მოადგილე შალვა ფიფიამ საქართველოს მთავრობის გადაწყვეტილება 1 წლით აკრძალოს ხორბლისა და ქერის ექსპორტი. შალვა ფიფია დღეს BMG TV–ის გადაცემა რედაქტორის სტუმარი იყო. შალვა ფიფიას თქმით, ამ ნაბიჯით საქართველო ასევე უერთდება მსოფლიოს დიდ ნაწილს და მათ შორის, ევროკავშირის რამდენიმე ქვეყანასაც, რომელმაც მსგავსი ნაბიჯი გადადგა. #ახალიამბები #BusinessMediaGeorgia
„სააგენტოს "აწარმოე საქართველოში" თანადაფინანსებულმა ერთმა ლარმა ბიზნესს 15-ჯერ მეტი შემოსავალი მოუტანა - ასეთია სააგენტოს „პროგრამების ეკონომიკური ზეგავლენის შეფასების შედეგი. როგორია სააგენტოს პორტფელის წილი მცირე და საშუალო ბიზნესის შემოსავლებში და რამდენად სიცოცხლისუნარიანია პროექტები , რომელთა თანადაფინანსებისთვის გადასახდის გადამხდელთა ფული მიემართა. #ახალიამბები #BusinessMediaGeorgia
8804 ბიზნესპროექტი, 58 ათასი სამუშაო ადგილი და 3.2 მილიადის ჯამური ინვესტიცია - ასეთია სააგენტოს აწარმოე საქართველოში 2014-22 წლების პორტფელის მონაცემები. როგორია სააგენტოს პორტფელის წილი მცირე და საშუალო ბიზნესის შემოსავლებში, როგორი იყო კონტრიბუცია ბიზნესისთვის დამატებითი შემოსავლის შექმნაში და რამდენად სიცოცხლისუნარიანია პროექტები , რომელთა თანადაფინანსებისთვის გადასახდის გადამხდელთა ფული მიემართა. სტუმარი: ირაკლი გაბრიაძე - სააგენტოს „აწარმოე საქართველოში“ დირექტორის მოადგილე; #ახალიამბები #BusinessMediaGeorgia
სახელმწიფო ქონების პრივატიზების პროცესი მნიშნველოვან კორუფციულ რისკებს შეიცავს - აცხადებს “საერთაშორისო გამჭვირვალობა - საქართველო. ორგანიზაციამ 2013-2021 წლებში ცენტრალური ხელისუფლების მიერ სახელმწიფო უძრავი ქონების გაყიდვის მონაცემები გაანალიზა. რა არის გამოწვევები, რაც პრივატიზაციის პროცესში კორუფციის რისკს წარმოშობს. რა გვაჩვენა კვლევამ? სტუმარი: სანდრო ქევხიშვილი - “საერთაშორისო გამჭვირვალობა- საქართველო“-ს უფროსი ანალიტიკოსი; #ახალიამბები #BusinessMediaGeorgia
რატომ დაჯარიმდა 600 აფთიაქი? #ახალიამბები #BusinessMediaGeorgia #საქმიანები #BMG
პირველი სექტემბრიდან ქვეყანაში ენერგეტიკული ბაზრის რეფორმის ფარგლებში ენერგეტიკული ბირჟა ოფიციალურად უნდა ამოქმედდეს. ბირჟის ამოქმედდება რამდენჯერმე უკვე გადავადდა, თუმცა თითქმის ერთწლიანი სატესტო რეჟიმის შემდეგ, ბირჟის ხელმძღვანელი ამბობს, რომ მხარეები მზად არიან, ელექტროენერგიით დღით ადრე ვაჭრობისთვის. #ახალიამბები #BusinessMediaGeorgia
საპენსიო ფონდი, სადაც 1,3 მილიონი ადამიანის საპენსიო დანაზოგი ინახება, მოკლევადიან პერიოდში შეიძლება წაგებაზე გავიდეს. მიზეზი ცხადია, რადგან ქვეყანაში არსებული მაღალი ინფლაცია საპენსიო ფონდის რეალურ ამონაგებს ამცირებს და შესაძლოა ამ ამონაგებმა ინფლაციის მაჩვენებელს ვერც გადააჭარბოს. საპენსიო ფონდის შექმნიდან, ანუ 2019 წლის 1 იანვრიდან 2022 წლის მაისამდე, ქვეყანაში ჯამურმა ინფლაციამ 34.28% შეადგინა, ხოლო ფონდის წმინდა ნომინალური ამონაგები 35.23% იყო. შესაბამისად, სისტემის რეალური ამონაგები ამ პერიოდში მხოლოდ 0.71% -ია. მაღალი ინფლაციის კიდევ ერთი თვის პირობებში ეს ამონაგები შეიძლება უარყოფითი გახდეს. სტუმარი: გოგა მელიქიძე - საპენსიო სააგენტოს მთავარი საინვესტიციო ოფიცერი #ახალიამბები #BusinessMediaGeorgia