2019 წლიდან შრომის უსაფრთხოების შესახებ ეკონომიკის ყველა დარგზე გავრცელდება აკაკი ზოიძე - ჯანდაცვის კომიტეტი; თავმჯდომარე
“პირადად ჩემი აზრია, რომ ფასი დავარეგულიროთ. ამის რამდენიმე მეთოდი არსებობს – ან უნდა დაფიქსირდეს მოგების მარჟა ან ე.წ. ეტალონური ფასები“ - პარლამენტის ჯანდაცვის კომიტეტის თავმჯდომარე აკაკი ზოიძე მიიჩნევს, რომ სასიცოცხლოდ აუცილებელ, დაახლოებით 300-400 დასახელების მედიკამენტზე ფასის რეგულირება უნდა მოხდეს. სტუმარი: აკაკი ზოიძე - ჯანდაცვის კომიტეტი; თავმჯდომარე
შრომის უსაფრთხოების შესახებ საქართველოს კანონი ორგანული კანონის სტატუსს მიიღებს და მისი მოქმედება გავრცელდება არა მხოლოდ საფრთხის შემცველ, მძიმე, მავნე და საშიშპირობებიან სამუშაოებზე, არამედ ეკონომიკური საქმიანობის ყველა დარგზე. ასევე იზრდება შრომის ინსპექტორების ფუნქციებიც. ამ თემებზე მუშაობა პარლამენტმა დაიწყო და ერთი სამუშაო შეხვედრა უკვე გაიმართა, რომელსაც როგორც უმრავლესობის წევრები, ისე ჯანდაცვის და ეკონომიკის სამინსტროების წარმომადგენლები, პროფკავშირები და ბიზნეს ასოციაციებიც ესწრებოდნენ.
კანონი თაბაქოს კონტროლის შესახებ რამდენიმე თვეა მუშაობს. სპეციალისტთა ნაწილი ჩვენთან საუბარში ამბობს, რომ მწეველთა რაოდენობის კლების მიმართულებით ამ და სხვა რეგულაციებს გავლენა არ მოუხდენია, თუმცა კანონის ინიციატორები, მხარდამჭერები და მთავრობის წევრები აღნიშნავენ, რომ კანონის მიზანი, მავნე ზემოქმედების შემცირიებაა და გრძელვადიან პერსპექტივაში, როცა სარეკლამო და სხვა სახის შეზრუდვებიც ჩაირთვება, ამან მწეველთა რაოდენობის კლებაზე და ახალი მწეველების მაქსიმალურად შეზღუდვაზე უნდა იმუშაოს. ბი ემ ჯი პერიოდულად გაწვდით და მოგაწვდით რეგულაციების გავლენის შეფასებას ეკონომიკურ ჭრილში ცხადია. ბოლო გამოკითხვით, რომელიც ჩვენ ჩავატარეთ, რესტორნებს, ბარებს და კაფეებს 30-40% -ით შეუმცირდა მომხმარებელი. სტუმარი: შოთა ბურჯანაძე - რესტორატორთა ასოციაცია; იურისტი
დეპოზიტების დაზღვევის სისტემის ამოქმედებიდან 7 თვეში დეპოზიტების დაზღვევის სააგენტო "აზერბაიჯანის საერთაშორისო ბანკი – საქართველოს" კლიენტებისთვის სადაზღვევო შემთხვევისთვის გათვალისწინებული თანხების გაცემას იწყებს. სააგენტო პეროცესში მას შმედეგ ჩაერთო, რაც ბანკმა საქართველოს ბაზრის დატოვების გადაწყვეტილება მიიღო. რა პროცედურებთან არის დაკავშირებული დეპოზიტების ანაზღაურების სისტემა?
4%-ით გაზრდილი ეკონომიკა ივნისში. საქსტატმა ეკონომიკრი ზრდის წინასწარი მაჩვენებლები გამოაქვეყნა, რომლის თანახმად, 6 თვეში საქართველოს ეკონომიკა 5.7%-ით გაიზარდა, ხოლო მეორე კვარტალში საშუალო ზრდამ შეადგინა 6%.
ფრანგული მთის კურორტების განვითარების, დაგეგმარებისა და დიზაინის მსხვილი კომპანიების, ასევე საფრანგეთის საელჩოს ეკონომიკის სამსახურის წარმომადგენლებმა რეგიონის ტურისტული შესაძლებლბების შესაფასებლად რაჭის საკურორტო ზონები მოინახულეს. ფრანგ სპეციალისტებს „საპარტნიორო ფონდმა“ რაჭის განვითარების კონცეფციის ფარგლებში უმასპინძლა. სტუმარი: დავით საგანელიძე - საპარტნიორო ფონდი ; ხელმძღვანელი 30.07.2018
სტუმრები: ბექა დალაქიშვილი - Zcrowd -ის დამფუძნებელი დავით სვიმონიშვილი - Zcrowd -ის დამფუძნებელი
რთველი 2018 სუბსიდირების გარეშე ჩაივლის. საქართველოს გარემოს დაცვისა და სოფლის მეურნეობის მინისტრის შეფასებით, გასული წლის მიდგომამ, როდესაც სახელმწიფო აღარ ჩაერია ჩასაბარებელი ყურძნის ფასების დადგენაში, შედეგი გამოიღო და ბაზარმა თავად დაადგინა ფასები, რაც თავის მხრივ, პოზიტიურად აისახა დარგის განვითარების მდგრადობაზე. წელს რთველი ჩაივლის სუბსიდირების გარეშე და სახელმწიფო, ღვინის ეროვნული სააგენტოს სახით, რთველის პროცესში ჩაერთვება ორგანიზების, აღრიცხვიანობისა და მიკვლევადობის დონეზე. სტუმარი: ანდრია ასლანიშვილი - ღვინის ეროვნული სააგენტო; თავჯდომარის მოვალეობის შემსრულებელი
არის თუ არა თამბაქოს კონტროლის ალიანსის მიერ მომზადებული და გუგული მაღრაძის ინიციატივით პარლამენტში შესული საკანონმდებლო პაკეტი და უკვე მოქმედი კანონი “თამბაქოს კონტროლის შესახებ”, ზოგიერთი მიმართულებით ევროკავშირის დირექტივებთან აცდენაში. თამბაქოს შესახებ ევროდირექტივასთან მიმართებით, ქართული კანონმდებლობა საკმაოდ განსხვავებულ ნორმებს აწესებს. ევროდირექტივის მიხედვით, საუკეთესო შედეგის მისაღწევად, განსხვავებულად რეგულირდებიან ერთმანეთისგან განსხვავებული პროდუქტები. მაგალითად, ელექტროსიგარეტსა და ჩვეულებრივ სიგარეტს სრულიად განსხვავებული მახასიათებლები აქვთ. სტუმარი: ნიკო მჭედლიშვილი
“ვი-პარკ” - აპლიკაცია რომელიც საპარკინგე ადგილის მოძიების პრობლემას გადაგიჭრით და არა მარტო, მისი საშუალებით ფულის გამომუშავებაც შეგიძლიათ, უკვე ჩაირთო. სტარტაპის შესახებ ბი ემ ჯის მაყურებელს გარკვეული პერიოდულბიტ ვაწვდიდით ინფომრმაციას. როგორ მუშაობს, როგორ მივიღოთ და გავცეთ სარგებელი? სტუმარი: გიორგი ხოშტარია wePark; დამფუძნებელი 26.07.2018
ტაქსებთან დაკავშირებული რეგულაციები მიმდინარე წლის შემოდგომაზე დაიწყება და რამდენიმე ეტაპად განხორციელდება. როგორც იცით პირველ ეტაპზე სავალდებულო გახდება ტაქსების რეგისტრაცია, ასევე განისაზღვრება ტაქსების კონკრეტული ფერი, კერძოდ კი - თეთრი. ერთ-ერთი შეზღუდვა, რომელიც საქართველოში 2019 წლიდან ამოქმედდება, ეს არის მარჯვენასაჭიანი და ორკარიანი ტაქსების აკრძალვა. რამ განაპირობა აღნიშნული აკრძალვის შემოღება და რას ფიქრობენ ამაზე ბიზნესი და ექსპერტები?
„დეპუტატები სათანადოდ არ იყენებენ აღმასრულებელ ხელისუფლებაზე ზედამხედველობის შესაძლებლობებს“, - ეს არის საპარლამენტო საქმიანობის შესახებ „საერთაშორისო გამჭვირვალობა საქართველოს“ შეფასებებიდან ამონარიდი. ორგანიზაციამ მე-9 მოწვევის საქმიანობის დაკვირვების პროცესში როგორც უარყოფითი, ისე დადებითი მახასიათებლები იპოვა. ეს კვლევა 2016 წლის 18 ნოემბრიდან 2017 წლის 31 დეკემბრის ჩათვლით პერიოდს მოიცავს. სტუმარი: ლიკა საჯაია - „საერთაშორისო გამჭვირვალობა საქართველო“
ბანკების მოგება შემცირებულია. მიმდინარე წლის 6 თვეში წინა წლის ანალოგიურ პერიოდთან შედარებით 8%-იანი კლება ფიქსირდება. ეროვნული ბანკი და ბიზნესის ნაწილი არ გამორიცხავს რომ ეს სებ-ის მიერ დაწესებულ ახალ რეგულაციებს უკავშირდებოდეს, რომელიც 7 მაისს ამოქმედდა და რომელმაც ფიზიკური პირების ნაწილს სესხზე წვდომა შეუზღუდა. თუმცა, სპეციალისტების მეორე ნაწილი რეგულაციების გავლენას ვერ ხედავს. ბანკებზე ვრცლად ისაუბრა გუშინდელ ინტერვიუში ექსპრემიერმა ბიძინა ივანიშილმაც.
საქართველოს ეროვნულმა ბანკის მონეტარული პოლიტიკის კომიტეტმა რეფინანსირების განაკვეთი 0.25 პროცენტით, 7 პროცენტამდე შეამცირა. ეს იმას ნიშნავს, რომ მოქალაქეებს ლარში, რეფინანსირების განაკვეთს მიბმული სესხები გაუიაფდებათ. ამ გადაწყვეტილების შემდეგ სების პრეზიდენტმა პრესკონფერენცია გამართა, სადაც პარტია „ქართული ოცნების“ თავმჯდომარის ბიძინა ივანიშვილის მიერ გუშინ, საზოგადოებრივი მაუწყებლისთვის მიცემულ ინტერვიუში საბანკო სექტორის მისამართით გაკეთებულ განცხადებებსაც გამოეხმაურა.
"ძირითადი მძიმე შეკითხვა, რაც მქონდა კვირიკაშვილთან სწორედ ჭარბვალიანობას ეხებოდა, ეს არ იყო შეცდომა, მე მას ეს ჩავუთვალე გადაცდომად“, - განაცხადა საზოგადოებრივ მაუწყებელთან ინტერვიუში „ქართული ოცნების“ თავმჯდომარემ ბიძინა ივანიშვილმა. მისი თქმით, ბანკებთან დაკავშირებით რეგულაციები უფრო ადრე უნდა შემოღებულიყო. არც ყოფილ პრემიერ კვირიკაშვილზე და არც ბანკებზე ეს არ იყო ერთადერთი შეფასება, რომელიც პარტია ქართული ოცნების თავჯდომარემ გააკეთა. რა გაიგეს და რა შეფასებებს აკეთებენ დეპუტატები?
მარიხუანის მწარმოებელმა კანადურმა კომპანიამ აშშ-ში საკუთარი აქციები საფონდო ბირჟაზე პირველად გაიტანა და $153 მილიონის მოზიდვა შეძლო. მარიხუანის მწარმოებელი კომპანიის, Tilray-ის აქციებით ვაჭრობა ხუთშაბათს, Nasdaq-ის საფონდო ბირჟაზე დაიწყო. თავაპირველად აქციების საცალო ფასი 17 დოლარი იყო, თუმცა ძალიან მალე $21-მდე გაიზარდა. კომპანიის მიმართ ამგვარი დაინტერესება და წარმატება კანადის ნარკოპოლიტიკას უკავშირდება, რომელიც უახლოეს მომავალში მარიხუანის სრულ ლეგალიზებას გეგმავს.
სულ მალე თბილისში შესაძლოა ე.წ Parking Pay Station-ები გამოჩნდეს. დედაქალქის მერიამ დღეს საათობივი პარკინგიც დაანონსა. კერძოდ 2019 წლის პირველი ნახევრიდან თბილისის ცენტრალურ უბნებში პარკირებაზე საათობრივი გადასახადი ამოქმედდება. თბილისის ვიცე-მერის ირაკლი ხმალაძის თქმით, ახალი სქემა პირველ ეტაპზე საპოლოტე რეჟიმში იმუშავებს და მოხდება ზონალური, საათობრივი გადასახადის ამოქმედება.
ხანგრძლივი პაუზის შემდეგ „საქმის კურსთან“ და ზოგადად, მედიასთან „საქართველოს რკინიგზა“ მის მთავარ პროექტებსა და გამოწვევებზე პირველ განმარტებებს აკეთებს. ჩვენ „საქართველოს რკინიგზის“ კორპორატიული ურთიერთობების დეპარტამენტის უფროსს აკაკი საღირაშვილს ვესაუბრეთ, რომელმაც მიმდინარე პროექტებზე ბოლო ინფორმაციები მოგვაწოდა. დავიწყოთ ინფრასტრუქტურით. უკვე მერვე წელია თბილისი შემოვლითი რკინიგზის მშენებლობის რაიმე ფორმით დასრულებას ელოდება. დღეს ჩვენ გავიგეთ, რომ ამ და ალტერნატიულ პროექტებზე კვლევითი სამუშაოები დასრულებულია. რკინიგზაში განმარტავენ, რომ ნაციონალური მოძრაობის ხელისუფლების მიერ დაწყებული პროექტი რკინიგზის საოპერაციო ხარჯებს 57%-ით აუარესებდა, გამტარუნარიანობას კი - 25%-ით, ამიტომ რამდენიმე ალტერნატიული ვარიანტი დაამუშავეს, რომელთაგან ყველაზე რეალური ქალაქში 7 კილომეტრი და 400 მეტრი სიგრძის გვირაბის გაჭრაა, ისნიდან დიდუბემდე. აკაკი საღირაშვილი ამბობს, რომ ამ პროექტს განხორციელების ყველაზე დიდი შანსი აქვს, რის შედეგადაც ცენტრალური რკინიგზის სატვირთო ნაწილი გვირაბში გადაინაცვლებს. ამ პროექტის ხარჯებს ჯერ ავტორები არ აკონკრეტებენ.
რა შეიცვლება საზოგადოებრივი ტრანსპორტის სისტემაში? სტუმარი: მაია ბითაძე - თბილისის მერის მოადგილე
მთავრობის გათვლებით, 14 700ზე მეტი ახალი სამუშაო ადგილი უნდა შექმნას პროგრამამ "აწარმოე საქართველოში", რასაც გადათვლა და მონიტორინგი მუდმივად სჭირდება. ასევე ვალდებულებებსაც. მაგალითად bm.ge წერდა ივნისში, რომ „აწარმოე საქართველოში“ პროგრამის ფარგლებში აღებული ვალდებულებების შეუსრულებლობის გამო, პროგრამის ამოქმედებიდან დღემდე ქონება 13 კომპანიას ჩამოერთვა. სტუმარი: ნინო ზამბახიძე - საქართველოს ფერმერთა ასოციაციის ხელმძღვანელი
2019 წლის პირველი იანვრიდან, საპილოტე პროექტი განხორციელდება, რომელიც ქალაქის ცენტრალურ უბნებში ზონალურ-საათობრივი საფასურის შემოღებას ითვალისწინებს. ამის შესახებ თბილისის ვიცე-მერმა ირაკლი ხმალაძემ დედაქალაქის სატრანსპორტო პოლიტიკის პრეზენტაციაზე განაცხადა. პრეზენტაციზევე გაჟღერდა, რომ 2019-2021 წლებში, დედაქალაქში არსებული მიკროავტობუსების რაოდენობა შემცირდება.
“პროგრმა “აწარმოე საქართველოს” რეპუტაცია არ უნდა შეილახოს. ამ პროექტის ფარგლებში, სტატისტიკურად, საშუალოდ, სამ დღეში ერთხელ ერთი საწარმოს მხარდაჭერა ხდება. ეს ქვეყნისთვის დიდი სიკეთეა”, - facebook-ის პირად გვერდზე ეს პოსტი ყოფილმა პირველმა ვიცეპრმეიერმა რამდენიმე დღის წინ გამოაქვეყნა და ამ ფორმით გამოეხმაურა მედიისა თუ არასამთავრობო ორგანიზაციების ნაწილის მიერ რიგ ფაქტებზე დაყრდნობით გამოთქმულ იმ პრეტენზიებს და ბრალდებებს, რომლის თანახმად, პროექტის ფარგლებში ხშირად სახელმწიფო თანადაფინანსებას ქუმსიშვილთან თუ მთავრობასთან დაახლოებული პირები იღებდნენ და პროექტების საკმაოდ დიდ ნაწილს ივანიშვილის ქართუ ბანკი აფინანსებს.
კერძო სექტორი დაგროვებითი პენსიის შესახებ სტუმარი; შალვა ცხაკაია - დამსაქმებელთა ასოციაციის იურიდიული კომიტეტის თავჯდომარე
პარლამენტმა „დაგროვებითი პენსიის შესახებ“ კანონი მიიღო სტუმარი: ზურაბ ჭიაბერაშვილი - "ევროპული საქართველო"
საპენსიო სქემაში ჩართვა სავალდებულო იქნება 40 წლამდე დასაქმებული ადამიანებისთვის, ხოლო ნებაყოფლობითი იქნება მათთვის, ვისაც კანონის ძალაში შესვლამდე შეუსრულდა 40 წელი. რაც შეეხება თვითდასაქმებულებს, ისინი ნებაყოფლობით გაწევრიანდებიან სისტემაში მათი ასაკის მიუხედავად.
პარლამენტმა "დაგროვებითი პენსიის შესახებ" კანონი მიიღო - რას ფიქრობს მოსახლეობა?
ტექდათვალიერება -ალდაგის შვილობილი კომპანია სტუმარი - თეონა კაჭარავა „პრემიუმ რეზიდენსის“ კომერციული დირექტორი
არის თუ არა ქართული ცემენტის წარმოება საფრთხის ქვეშ. საქართველოს ცემენტის ასოციაცია ირანიდან დემპინგურ ფასად იმპორტირებულ ცემენტზე საუბრობს. ორგანიზაციაში აცხადებენ, რომ თუ ირანიდან დაბალფასიანი ცემენტის შემოტანის ტენდენცია გაგრძელდება და არ იქნება მიღებული ქმედითი ზომები, საქართველოში შეიძლება სრულიად გაქრეს ცემენტის ინდუსტრია, შესაბამის სამუშაო ადგილებთან ერთად. ორგანიზაცია რიგ მოთხოვნებს აყენებს, მათ შორის ანტიდემპინგური კანონმდებლობის მიღებასაც ითხოვს, რომელზე საუბარიც ბოლო რამდეიმე წელია მიმდინარეობს.
ავტომობილების ტექდათვალიერება, სადაც შესაძლო კორუფციული რისკებიდან კონკურენციის სააგენტომდე გზა ნოდარ ხადურის გავლით გადის. კერძო სექტორმა ტექნიკური ინსპექტირების პროცესში კონკურენციის პირობების დარღვევა შენიშნა და კონკურენციის სააგენტოს მიმართა. აღსანიშნავია, რომ ეს უწყება გამოწვევების წინაშე მხოლოდ ამ საკითხის გამო არ დგას. განახლებული მთავრობის პარლამენტში დამტკიცების პერიოდში პრემიერმა აღნიშნა, რომ კონკურენციის კანონმდებლობა დასახვეწია. დასახვეწია თუ არა მენეჯმენტიც, მამუკა ბახტაძეს არ დაუკონკრეტებია, თუმცა ხადური ყოფილი პრემიერის გიორგი კვირიკაშვილის კადრად მოიაზრება და ისმის კითხვა, რამდენად შესაძლებელია, მას თანამდებობის დატოვება მოუწიოს?
თბილისის მერია მიმდინარე ინფრასტრუქტურული პროექტების განმახორციელებელ კომპანიებს მოუწოდებს, ზაფხულის განმავლობაში დაასრულონ სამუშაოები, როცა მოსახლეობის ნაწილი ქალაქიდან გასულია. სამუშაოების ტემპების დასაჩქარებლად მერიის ხელძღვანელობამ კომპანიებთან შეხვედრაც დაგეგმა. რა გამოსავალი მონახეს მხარეებმა? სტუმარი: ირაკლი ბენდელიანი - თბილისის მერის მოადგილე
ანაკლიის პორტი და საქართველოს ლოგისტიკური პოტენციალი განახლებული მთავრობის პროგრამის ეკონომიკური ნაწილის განხილვისას დისკუსიის ერთ-ერთი გამორჩეული საგანი იყო. ეკონომიკის მინისტრმა გიორგი ქობულიამ ამ თემაზე სამი განცხადება გააკეთა - პირველი შთაბეჭდილებას ქმნიდა, რომ ანაკლიის პორტის პროექტი გადასახედია, შემდეგ კი ორჯერ დააზუსტა, რომ მთლიანად საქართველოს სატრანზიტო-ლოგისტიკურ პოტენციალს და მის სრულად შესწავლას გულისხმობდა. როგორც ვიცით, უკვე დასრულების სტადიაზეა საქართველოს ლოგისტიკის ეროვნული სტრატეგიისა და მისი სამოქმედო გეგმის შემუშავება. რას უნდა გასცეს პასუხი ამ გეგმამ? სტუმარი: გიორგი ჩერქეზიშვილი - ეკონომიკის მინისტრის მოადგილე
ახალი კამპანია საქართველოზე, რომელიც 7 მილიონი ვიზიტორის მიერ სოციალურ ქსელებში გაბნეული ემოციებით შეიკრა და პირველად, ხელოვნური ინტელექტის გამოყენებით, საქართველოს ციფრული გზამკვლევი შეიქმნა. კამპანია ტურიზმის ეროვნული ადმინისტრაციის დაკვეთით მომზადდა. პროექტი სრულად აგებულია ტურისტების შთაბეჭდილებებსა და ემოციებზე საქართველოში მოგზაურობისას. სტუმარი: გიორგი ჩოგოვაძე - ტურიზმის ეროვნული ადმინისტრაცია , ხელმძღვანელი
28.5%-ით გაზრდილი ექსპორტი და თითქმის 23%-ით გაზრდილი იმპორტი - საქსტატმა 6 თვის საგარეო ვაჭრობის მაჩვენებლები გამოაქვეყნა, რომლის თანახმად, ჯამურად ვაჭრობა იანვარ-ივნისში 24.3%-ით გაიზარდა 5 მლრდ 986 მლნ ამერიკულ დოლარამდე. საქართველოს უარყოფითმა სავაჭრო ბალანსმა 2018 წლის იანვარ-ივნისში 2 798.7 მლნ. აშშ დოლარი და საგარეო სავაჭრო ბრუნვის 46.8 პროცენტი შეადგინა.
მათთვის, ვინც მობილურ ტელეფონებზე საზაფხულო აქციებს ელოდება, ბილაინს სიახლეები აქვს. ბრენდის მფლობელი „ვიონი საქართველო“ მომხმარებლებს უკვე ახალ ფილიალში, პეკინის გამზირზე, Huawei-ს ტელეფონის შეძენაზე სპეციალური შეთავაზებით ელოდება. სტუმარი: ლაშა ტაბიძე - კომპანია “ვიონი საქართველო” კომერციული დირექტორი
საქართველოსა და პოლონეთს შორის სავაჭრო ურთიერთობები არც ისე სტაბილურია. ვგულისხმობთ იმას, რომ ექსპორტი განვითარების რაიმე სტაბუილურ ხაზს არ მიჰყვება - ხან მცირდება, ხან იზრდება. პოლონეთიდან იმპორტირებული პროდუქცია კი წლიდან წლამდე იზრდება. ამ ფონზე პოლონეთის დედაქალაქ ვარშავაში, რამდენიმე დღის წინ ქართული და პოლონური ბიზნეს სექტორი შეიკრიბა. კონფერენცია ევროკავშირი-საქართველოს ბიზნეს საბჭოს” ორგანიზებით ჩატარდა და მას ოფიციალურ პირებთან ერთად, 100-ზე მეტი კომპანიის წარმომადგენლები ესწრებოდნენ. რა შედეგებზე შეიძლება საუბარი ამ ღონისძიების შედეგ? სტუმრები: ირაკლი არჯევანიძე IBCCS; რეგიონული დირექტორი; გიორგი კაჭარავა - ევროკავშირი საქართველოს ბიზნეს საბჭო; აღამასრულებელი დირექტორი
წყალმომარაგებისა და ენერგეტიკის კომპანიებს მისტიური მომხმარებლები სტუმრობენ. ეს სემეკის სტრატეგიის ნაწილია, რომლის მიზანი მომხმარებელთა მომსახურების ხარისხის ამაღლებაა. ამიტომ მარეგულირებელი კომისია ყველა მოქალაქეს მოუწოდებს, იმ შემთხვევაში თუ ელექტროენერგეტიკის, ბუნებრივი გაზისა და წყალმომარაგების სექტორებში მოქმედი კომპანიების მხრიდან ადგილი ექნება მათი უფლებების დარღვევას, მიმართონ სემეკს, ან ენერგოომბუდსმენს. დღემდე, მისტიური მომხმარებლის დახმარებით, რა დაღვევები აღმოაჩინა სემეკმა და რა რეკომენდაციები გასცა მომხმარებელთა უფლებების დასაცავად? სტუმარი: დავით ნარმანია - სემეკის წევრი
ბოლო 5 წლის განმავლობაში საქართველოს საჯარო უწყებებმა უმეტესწილად უკონკურენტო ტენდერის გზით 3 მლნ ლარამდე ღირებულების რუსული „ნივა” შეისყიდეს. ამ პროცესში სხვა ავტომწარმოებლები, როგორც წესი, არ მონაწილეობდნენ, ვინაიდან შემსყიდველ ორგანიზაციებს სატენდერო დოკუმენტაცია, ფაქტობრივად, მორგებული ჰქონდათ „ნივაზე” - მითითებული იყო ძალიან დაბალი ფასი და მარტივად დასაკმაყოფილებელი ტექნიკური პირობები. სტუმარი: ბესო ნამჩავაძე - საერთაშორისო გამჭრივალობა საქართველო; ანალიტიკოსი
თბილისის მერის გადაწყვეტილებით, დიდ დიღომში, ანბანის ბაღში მდებარე სამშენებლო ობიექტის დემონტაჟი განხორციელდება. კახა კალაძის განმარტებით, ამ ობიექტზე ყველანაირი ნორმა დარღვეულია, მათ შორის ნებართვის გაცემის დროსაც. ამის შესახებ მან დედაქალაქის მთავრობის სხდომაზე ისაუბრა. გარდა ამისა, თბილისის მერმა დაგეგმილ ინფრასტრუქტურულ პროექტებზე გაამახვილა ყურადღება და აღნიშნა, რომ მეორე, მესამე და მეოთხე კლასის ობიექტებზე არქიტექტურულ-გეგმარებითი დავალების, სამშენებლო პროექტისა და განაშენიანების რეგულირების გეგმის მომზადება სერთიფიცირებას დაექვემდებარება.
მსესხებლების კატეგორიებად დიფერენცირება, სწორი და ქმედითი ინსტურუმენტების შექმნა... მიკროსაფინანასო სექტორის ნაწილი რეგულაციების წინააღმდეგი არაა, თუმცა ეროვნული ბანკის მისამართით საკუთარ შენისვნებს და მოსაზრებებს აფიქსირებს. ჩვენი საეთერო დრო ამ თემას არაერთხელ დავუთმეთ და მომავალშიც დავუთმობთ. დღეს საქართველოს მიკროსაფინანსო ასოციაციის ორგანიზებით საინფორმაციო შეხვედრა გაიმართება თემაზე: მიკროსაფინანსო სექტორის რეგულირების საკითხები საერთაშორისო ინვესტორებისათვის. სადაც სექტორის წინაშე მდგარ გამოწვევებზე ისაუბრებენ. სტუმრები: არჩილ ბაკურაძე - „კრისტალის“ სამეთვალყურეო საბჭო; თავმჯდომარე ბესიკ შენგელია - მიკროსაფინანსო ორგანიზაციების ასოციაცია თავმჯდომარე
თბილისის მიწათსარგებლობის გენერალური გეგმა ჯერ ისევ საკრებულოშია და იურიდიულ ძალას ელოდება. მიუხედავად იმისა, რომ მერია და დოკუმენტის ავტორი „სითი ინსტიტუტი“ საქართველო ყველაფერზე შეთანხმდნენ და დღეს თბილისის მთავრობა გენერალური გეგმით კმაყოფილია, რამდენიმე საკითხზე როგორც პოლიტიკურ, ისე სამოქალაქო სექტორში აზრთა სხვადასხვაობაა. სტუმარი: მერაბ ბოლქვაძე გენგეგმის ავტორი
მომავალი ზამთრის სათხილამურო სეზონზე გუდაურში სამი ახალი და ერთი განახლებული საბაგირო იქნება. ამისთვის მთის კურორტების განვითარების კომპანიამ საბაგიროების მწარმოებელ „დოპელმაიერთან“ ხელშეკრულება უკვე გააფორმა, რომელიც საბაგიროების „პირველისა“ და „სოლიკოს“ დემონტაჟს და მათ ნაცვლად ახლის მშენებლობას, ასევე „კუდების“ საბაგიროს რეკონსტრუქციას და კიდევ ერთი ახალი საბაგიროს მშენებლობას ითვალისწინებს. სტუმარი: სანდრო ონოფრიშვილი - მთის კურორტების განვითარების კომპანია; ხელმძღვანელი
უკვე სამი წელი გავიდა, რაც ტურიზმის ეროვნული ადმინისტრაცია შიდა ტურიზმის პოპულარიზაციის მიზნით, პროექტ „გაიცანი საქართველოს“ ახორციელებს. ადმინისტრაციაში მიაჩნიათ, რომ პროექტი ეფექტიანია და არგუმენტად შიდა ტურიზმის გაზრდილ სტატისტიკას იშველიებენ. 2018 წლის პირველი კვარტალში სულ 2 მლნ 95 000-მა შიდა ვიზიტორმა იმოგზაურა საქართველოში, რაც წინა წლის ანალოგიურ პერიოდთან შედარებით 0.6%-ით მეტია. აქედან მცხეთა-მთიანეთის წილი ჯერ მხოლოდ 4.7%-ია, მაგრამ ტენდენცია აშკარად მზარდია. მოკლედ, თუ თბილისიდან ჯერ კიდევ ვერ გადიხართ, შეგიძლიათ, ვიქენდზე ესტუმროთ ხევსურეთს და ეს ძალიან ძვირიც არ დაგიჯდებათ.
ჩინეთის ეკონომიკა მეორე კვარტალში 6.7%-ით გაიზარდა, Bloomberg-მა კი ყველაზე ძვირადღირებული ქალაქების სია გამოაქვეყნა.
რა შედეგებს აჩვენებს ამ დროისთვის მასობრივი თავშეყრის ადგილების სავალდებულო დაზღვევის პროექტი. მისი ამოქმედებიდან უკვე 5 თვე გავიდა.
საქართველოს ახალი მთავორბა ჰყავს, რომლის პრიორიტეტებზეც პრემიერმა არაერთხელ ისაუბრა. მათ შორის არის, მცირე, მოქნილი და ეფექტური მთავრობის კონცეფცია, რომელიც ალბათ შესაბამისი ელექტრონული სერვისების გარეშე ვერ განვითარდება. საქმის კურსში, სახელმწიფო სერვისების განვითარების სააგენტოს საქმიანობაზე უნდა ვისაუბროთ, ერთ-ერთი სიახლის მიხედვით კი იურიდიულ პირებს ელექტრონული შტამპისა და ხელმოწერის მიღება 200 ლარიდან შეეძლებათ. 2018 წლის 1 ივლისიდან ადმინისტრაციული ორგანოები ვალდებულები არიან ელექტრონულ დოკუმენტებზე ელექტრონული ხელმოწერა და ელექტრონული შტამპი გამოიყენონ. საქართველოს იუსტიციის სამინისტროს ცნობით, კვალიფიციური ელექტორონული ხელმოწერა ელექტრონული მმართველობის უმნიშვნელოვანესი კომპონენტია. ამასთან, კვალიფიციურ ელექტრონულ ხელმოწერას მატერიალური ხელმოწერის თანაბარი იურიდიული ძალა აქვს და მისი გაყალბება შეუძლებელია. სტუმარი: სოსო გიორგაძე - სახელმწიფო სერვისების განვითარების სააგენტო; თავმჯდომარე
ეკონომიკის მინისტრის ახალი სტრატეტია - ბიზნესის კლასტერიზაცია. რა უპირატესობები აქვს ბიზნესის გაერთიანებას და გაამართლა თუ არა ამ მიდგომამ სოფლის მეურნეობაში კოოპერატივების სახით?
კაპიტალის ბაზრის რეფორმაში შესაძლოა, ინტერესთა კონფლიქტს ჰქონდეს ადგილი და ეს აღმოსაფხვრელია - ამის შესახებ საქართველოს პრემიერ-მინისტრმა მამუკა ბახტაძემ პარლამენტში, სამთავრობო პროგრამის წარდგენისას განაცხადა, თუმცა არ დაუზუსტებია, რა მიმართულებით გულისხმობდა ინტერესთა კონფლიქტს. ასევე, პრემიერმა აღნიშნა, რომ კაპიტალის ბაზრის განვითარების კუთხით ტემპები დასაჩქარებელია. სტუმარი: გიორგი ფარესიშვილი - საქართველოს საფონდო ბირჟა; გენერალური დირექტორი
ქვეშეთი-კობის მონაკვეთზე 9 კილომეტრიანი გვირაბის მშენებლობაზე ტენდერი გამოცხადდა. ეს გვირაბი, რომელიც ჯვრის უღელტეხილის ქვეშ გაივლის, სოფელ წკერესთან დაიწყება და სოფელ კობთან დასრულდება. საავტომობილო გზების დეპარტამენტში ვარაუდობენ, რომ პროექტის დასრულების შემდეგ, თბილისი-ლარსის მიმართულებით გადაადგილების დრო 1 საათით შემცირდება. უფრო კონკრეტულად, რა სარგებელი მოაქვს ამ გვირაბს და რა არის შემდეგი ეტაპის სამუშაოები? სტუმარი: ირაკლი ქარსელაძე - რეგიონული განვითარებისა და ინფრასტრუქტურის მინისტრის პირველი მოადგლე