პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე ახალი პრემიერიგან და მისი გუნდისგან ისეთ პროგრამებს ელოდება, რომელიც მოსახლეობას ბიზნესის დაწყებას გაუადვილებს. უფრო ვრცლად, როგორ წარმოუდგენია აღნიშნული, რის თხოვნას აპირებს რომან კაკულია მამუკა ბახტაძისთვის და ეკონომიკის ახალი მინისტრისთვის და რა შენიშვნა აქვს ექსპრემიერ კვირიკაშვილის ეკონომიკურ პოლიტიკასთან?
“მუდამ ვერიდებოდი ჩემი პირადი პრობლემების, ჩვენი მოსახლეობის სამსჯავროზე გამოტანას და ამით ადამიანების შეწუხებას, თუმცა ვფიქრობ, რომ ის რაზეც დღეს მინდა გესაუბროთ არ არის მხოლოდ ერთი ადამიანის ან ერთი რომელიმე კონკრეტული ბიზნესის პრობლემა. “ მაკა ასათიანი, „საერაშორისო გამჭვირვალობა - საქართველოს“ მიერ გამოქვეყნებულ კვლევას „კორუფციის რისკები სასამართლო სისტემაში“ ეხმაურება.
პასუხისმგებლიანი დაკრედიტების წესების ამოქმედების შემდეგ, ტექნიკის მაღაზიებს ვაჭრობა გაუნახევრდათ. ადამიანებს, რომლებსაც შემოსავლის დამადასტურებელი დოკუმენტის წარდგენა არ შეუძლიათ, სესხსა და განვადებაზე უარს ეუბნებიან. ტექნიკის მაღაზიის წარმომადგენლები ამბობენ, რომ გაყიდული საქონლის დიდი ნაწილი სწორედ განვადებებზე მოდიოდა.
მას შემდეგ რაც თამბაქოს ნაწარმის მოხმარება დახურულ საზოგადოებრივ სივრცეებში შეიზღუდა, 2 თვეზე ცოტა მეტი გავიდა. რა შედეგები მოგვიტანა რეგულაციამ, რომელსაც გარკვეულწილად აზრთასხვადასხვაობა ახლდა თან.
დაგროვებითი პენსიის შესახებ კანონის პროექტი პირველი მოსმენით მიღებულია. პარლამენტმა საგაზაფხულო სესიაზე მუშაობა უკვე დაასრულა, მაგრამ როგორც BM.ge-ის ფინანსთა მინისტრმა ნიკოლოზ გაგუამ განუცხადა, კანონპროექტზე პარლამენტი რიგგარეშე სესიების ფორმატში უკვე მეორე მოსმენით იმსჯელებს, რადგან ივლისში საპენსიო სააგენტო უნდა შეიქმნას - ეს არის სავალუტო ფონდთან შეთანხმებული პირობა.
თბილისის მიწათსარგებლობის გენერალური გეგმა განსახილველად და დასამტკიცებლად საკრებულოშია გადაგზავნილი. ერთ-ერთი მიზეზი, რის გამოც ეს დოკუმენტი მერიამ წლის დასაწყისში დაიწუნა, კერძო საკუთრებასთან დაკავშირებით გენგეგმის ავტორების ხედვა იყო. ქალაქმგეგმარებლები მიიჩნევენ, რომ რიგ ტერიტორიებზე გაცემული მშენებლობის ნებართვები თბილისის განვითარების ინტერესებთან შეუსაბამოა.
Qnet- ფინანსური პირამიდა არ არის და ფინანსურ მაქინაციებთან არანაირი კავშრი არ აქვს - ასეთი იყო დღევანდელ პრესკონფერენციაზე კომპანიის წარმომადგენლების მთავარი გზავნილი. კომპანიის რამდენიმე წარმომადგენელი საქართველოში სპეციალურად ჩამოვიდა იმისთვის, რომ ბოლო პერიოდში ქიუ ნეტთან დაკავშირებით მედიაში გასულ ინფორმაციას პასუხი გასცეს.
“საქართველოში სასამართლო სისტემის პრობლემურ მდგომარეობაზე საუბრობენ ასევე ბიზნეს ასოციაციები, მათ შორის მნიშვნელოვანი ინვესტორები. მათ მიერ გამოთქმულ ბრალდებებზე ეფექტიანი რეაგირება არ ხდება, რაც, მათ შორის, მნიშვნელოვნად აზიანებს საინვესტიციო გარემოს ქვეყანაში”- ამ შინაარსის განცხადებას საერთაშორისო გამჭირვალობა საქართველოს კვლევაში ვაწყდებით. მაგალითად კი ფილიპ მორისის საქმე სახელდება, რომელშიც როგორც გამჭირვალობაში განმარტავენ საფუძვლიანი კითხვები გაჩნდა საქმის ობიექტურ განხილვასა და სასამართლოს მიუკერძოებულობასთან დაკავშირებით. სტუმარი: თამთა კახიძე - TI იურისტი , ანალიტიკოსი
იმდენად გაიზარდა ელექტროენერგიის მოხმარება, რომ 2018 წლის 2 ივლისს, 16 საათზე, ისტორიული პიკი დაფიქსირდა, რაც საქართველოს სახელმწიფო ელექტროსისტემის ინფორმაციით, 1920 მეგავატია. ასეთი მაჩვენებელი, ზაფხულის პერიოდისთვის, 80-იანი წლების შემდეგ საქართველოს ენერგოსისტემას არ ახსოვს. რამდენად მზად არის ენერგოსექტორი ასეთ მზარდ მოთხოვნებზე საპასუხოდ? სტუმარი: ზურაბ ეზუგბაია - საქართველოს სახელმწიფო ელექტროსისტემის მმართველთა საბჭოს წევრი
თბილისის მერიამ „სითი ინსტიტუტთან“ ერთად დედაქალაქის განაშენიანების გენერალურ გეგმაზე მუშაობა დაასრულა. დოკუმეტი შემდგომი განხილვისთვის საკრებულოს გადაეგზავნა. საკითხსსპეციალური ბრიფინგი დედაქალაქის მერმა, კახა კალაძემ მიუძღვნა. ინფორმაციისთვის, თბილისის გენგეგმა ჯერ კიდევ 2017 წელს, დავით ნარმანიას შემადგენლობის დროს უნდა მიეღო, თუმცა პროცესი გაჭიანურდა. მერის თანამდებობაზე კახა კალაძის არჩევის შემდეგ „სითი ინსტიტუტსა“ და მერიის ჩინოსნებს შორის ურთიერთობა ახალ ფაზაში გადავიდა. ხმაური მოჰყვა გენგეგმის საჯარო განხილვას. საბოლოოდ, გენ გეგმის ჯგუფს დოკუმენტზე სამუშაოდ 2 თვე მიეცა. ცვლილებების შეტანის შემდეგ მერიამ გენ.გეგმა მიიღო და განხილვისთვის საკრებულოს გადაუგზავნა. დუკუმენტი დედაქალაქის ბიუჯეტს 2.8 მილიონი ლარი დაუჯდა. რა დათმო “სითი ინსტიტუტი - საქართველომ” თბილისის მერიასთან და რას გულისხმობს პრაქტიკული მიწათსარგებლობის გენერალური გეგმა, რაც კახა კალაძემ და მისმა გუნდა მოიწონა? სტუმარი: მამუკა სალუქვაძე - “სითი ინსტიტუტი საქართველო“ ხელმძღვანელი
“სკანდინავიური გარემოს საფინანსო კორპორაციამ” საქართველოს 2.83 მილიონი ევრო გამოუყო, რომელიც საჯარო შენობების ენერგოეფეტურობის გაუმჯობესებას მოხმარდება. სასესხო და ასევე საგრანტო შეთანხმებას კორპორაციასთან ფინანსთა მინისტრმა მოაწერა ხელი.
საპარლამენტო უმრავლესობის წევრი დავით ჭიჭინაძე ინტრასტრუქტურული ტენდერების ქართულ კომპანიებზე მორგების ინიციატივით გამოდის. პარლამენტარი ირწმუნება, რომ ქართული კომპანიების ლობირება და პროტექციონიზმი სულაც არ არის ცუდი. მისივე ინფორმაციით, აღნიშნული ინიციატივა მან მთავრობასთან უმრავლესობის გაფართოებულ სხდომაზე უკვე დააყენა, სადაც პრემიერმა ამ საკითხზე მუშაობის მზაობა გამოთქვა.
ფინკა ბანკმა ეროვნული ბანკის მიერ დაწესებული მინიმალური საზედამხედველო კაპიტალის მოთხოვნის შესრულებაზე განაცხადა. მენეჯმენტში ამბობენ, რომ ყველა ფორმალური პროცედურა დასრულებულია და მათი საზედამხედველო კაპიტალი აქციონერებისა და საერთაშორისო საფინანსო ინსტიტუტების ფინანსური მონაწილეობით შეივსო. პარტნიორებსაც არ უჩივიან - FINCA International, საერთაშორისო ფინანსური კორპორაცია, KFW Bankengruppe- გერმანიის განვითარების ბანკი, FMO- ნიდერლანდების გაერთიანებული ბანკი, responsAbility Social Investments AG, და Triple Jump. 20 წლიანი საფინანსო მომსახურების ისტორია ბანკისთვის უდავოდ საინტერესო პორტფელს ქმნის და ახლა უკვე 50 მილიონიანი საზედამხევდელო პორტფელით არის წარმოდგენილი. სტუმარი: გიორგი ნადარეიშვილი, "ფინკა ბანკი", კომერციული დირექტორი 04.07.2018
ნიუ იორკის შტატის მთავრობამ ადგილოვბრივ ფერმერებს კომერციული ღვინის დაყენების ნებართვა დაახლოებით 40 წლის წინ მისცა. მას შემდეგ, შტატის ჩრდილოეთში ბევრი საოჯახო მარანი გაიხსნა. ერთი მათგანი ყველასგან გამოირჩევა. “სტენდინგ სტოუნის” ვენახს - საფერავით - იცნობენ. მასინსკების ოჯახმა საქართველოს გარეთ ყველაზე დიდი საფერავის ვენახი გააშენა და ამასთან, პირველი მარანი იყო, რომელმაც მთავრობისგან საფერავის - როგორც ღვინის - შეერთებულ შტატებში კომეციულად ჩამოსხმის ნებართვა მოიპოვა.
კომპანია Facebook-მა საკუთარი ჟურნალი Grow გამოუშვა, რომელიც ბიზნეს ლიდერებს შეეხება და მომხმარებელთან კომუნიკაციას შეუწყობს ხელს.
საზოგადოებრივმა მაუწყებელმა სატელევიზიო რეკლამის ბაზრის წილი მიიტაცა. ამ შინაარსის განცხადებას Myvideo ავრცელებს და საზოგადოებრვ მაუწყებელს პასუხობს. კერძოდ საქმე ეხება ფეხბურთის მსოფლიო ჩემპიონატის ტრანსლირებას. საზოგადოებრივ მაუწყებელში განმარტავენ, რომ FIFA-ს რეგულაციების თანახმად, მათ უფლება აქვთ მხოლოდ საკუთარ პლატფორმებზე განახორციელონ ჩემპიონატის ტრანსლაცია. ამ მოთხოვნით საზოგადოებრივმა მაუწყებელმა, კომუნიკაციები მარეგულირებელ კომისიას მიმართა და რეგულატორმა, მათი მოთხოვნა დააკმაყოფილა, თუმცა მაივიდეო ტრანზიტის შეწყვეტას არ გეგმავს და სასამართლოში მიდის. ქონდა თუ არა საზოგადოებრივ მაუწყებელს მარეგულირებლისათვის მიმართვის საფუძველი და რაზე დაყრდნობით მიიღო გადაწყვეტილება კომუნიკაციების ეროვნულმა კომისიამ.
წლის პირველ ნახევარში სახელმწიფო ქონების პრივატიზაციის გეგმა გადაჭარბებით შესრულდა და მთავრობამ თითქმის 63 მილიონი ლარის ქონება გაყიდა. საერთო ჯამში, როგორც BM.GE-ს სახელმწიფო ქონების ეროვნული სააგენტოდან აცნობეს, მიმდინარე წელს 678 ელექტრონული აუქციონი გამოცხადდა. ეს მხოლოდ სტატისტიკაა და საინტერესოა, რა მიზნები და გეგმებია ამ რიცხვებს მიღება, ან ეკონომიკის რომელი სექტორები აქტიურობენ სახელმწიფო ქონების შეძენის პროცესში. სტუმარი: ზურაბ წიქვაძე - სახელმწიფო ქონების ეროვნული სააგენტოს პრივატიზების დეპარტამენტი; უფროსი
დღგ-ს ავტომატური დაბრუნების რეფორმა - ბიზნესის ნაწილი წასული პრემიერის და მომავალი პრემიერის დადეითი დახასიათების კონტექსტში ამ რეფორმას იყენებდნენ. ფინანსთა მინისტრის ნიკოლოზ გაგუას თქმით, დამატებული ღირებულების ზედმეტობის დაბრუნების რეფორმის ფარგლებში, 6 თვის მდგომარეობით, დაბრუნებულია 226 მლნ ლარი, რაც უკვე აღემატება 2017 წლის წლიურ მაჩვენებელს. სტუმარი: ცოტნე ყავლაშვილი - საქართველოს ფინანსთა მინისტრის მოადგილე
მთავრობა ფერმერებისა და ფერმების რეგისტრაციას იწყებს. პროექტის ფარგლებში, დაგეგმილია საქართველოს მასშტაბით სასოფლო-სამეურნეო საქმიანობით დაკავებული პირების აღრიცხვა, რაც მთავრობის მოლოდინით, მნიშვნელოვან საინფორმაციო ბაზას შექმნის და სხვადასხვა პროგრამის განხორციელებისთვის სამიზნე ჯგუფების სწორად შერჩევას დაეხმარება. პროექტის ბიუჯეტი მილიონ 300 000 ლარია და მისი პირველი ეტაპის დასრულება 2018 წლის ბოლოსთვის იგეგმება. სტუმარი: დავით კიკნაძე - ფერმერთა რეესტრის პროექტის მენეჯერი
უნდა შეიქმნას თუ არა საელჩოებში შრომის ატაშეები, რომლებსაც დაევალებათ უცხო ქვეყნებში სამუშაო ძალაზე არსებული მოთხოვნები შეისწავლონ და საქართველოს მოლქალაქეებს უცხოეთში დასაქმებაში ხელი შეუწყონ. როგორც ჩანს, ეს საკითხი ხელისუფლებაში რამდენიმე წელია განიხილება, თუმცა, ამ დრომდე გადაწყვეტილება მიღებული არ არის. სპეციალისტები ამბობენ, რომ ლეგალურად დასაქმების უფრო ფართო შესაძლებლობა შეამცირებდა არალეგალურ მიგრაციას ევროკავშირის ქვეყნებში, რაც დადებითად აისახება როგორც ქვეყნის იმიჯზე, ასევე ეკონომიკაზე. რა შესაძლებლობები არსებობს დღეს, რომ ქართველებმა ევროკავშირის ქვეყნებში ლეგალურად იმუშაონ და საჭიროა თუ არა დამატებითი სტრუქტურის შექმნა ჯანდაცვის სამინისტროში, რომელიც კონკრეტულად ამ მიმართულებაზე იმუშავებს?
საზოგადოებრივმა მაუწყებელმა სატელევიზიო რეკლამის ბაზრის წილი მიიტაცა. ამ შინაარსის განცხადებას Myvideo ავრცელებს და საზოგადოებრვ მაუწყებელს პასუხობს. კერძოდ საქმე ეხება ფეხბურთის მსოფლიო ჩემპიონატის ტრანსლირებას. საზოგადოებრივ მაუწყებელში განმარტავენ, რომ FIFA-ს რეგულაციების თანახმად, მათ უფლება აქვთ მხოლოდ საკუთარ პლატფორმებზე განახორციელონ ჩემპიონატის ტრანსლაცია. ამ მოთხოვნით საზოგადოებრივმა მაუწყებელმა, კომუნიკაციები მარეგულირებელ კომისიას მიმართა და რეგულატორმა, მათი მოთხოვნა დააკმაყოფილა, თუმცა მაივიდეო ტრანსლაციების გატისვასარ გეგმავს და სასამართლოში მიდის.
2018 წლის 1-ლი ივლისიდან სახელმწიფო უწყებებისა და იურიდიული პირების კუთვნილი ავტომანქანების სავალდებულო ტექდათვალიერება ამოქმედდა. თავად რეფორმის პირველი ნაწილი კი 2018 წლის 1 იანვრიდან მოქმედებს. საქართველოში რეგისტრირებული ყველა ავტოსატრანსპორტო საშუალების სავალდებულო პერიოდული ტექნიკური ინსპექტირება კი, ეტაპობრივად, 2019 წლის ბოლომდე უნდა განხორციელდეს. რა შედეგები გავქვს დღეს?! სტუმარი: შალვა ურიადმყოფელი - ეკონომიკის სამინისტროს სახმელეთო ტრანსპორტის სააგენტოს უსაფრთხოების სამსახური; უფროსი
მიწის რეგისტრაციის რეფორმა უცვლელი პირობებით გრძელდება, რაც იმას ნიშნავს, რომ თუ საჯარო რეესტრში აზომვით ნახაზსა და განცხადებას წარადგენთ, სარეგისტრაციო წარმოების პროცესში საჭირო ყველა მომსახურებას უფასოდ მიიღებთ. ამ პირობებით სარგებლობა 2019 წლის 1 იანვრამდე იქნება შესაძლებელი. სტუმარი: ვახტანგ ბოხაშვილი - საჯარო რეესტრის იურიდიული დეპარტამენტი; ადმინისტრაციული წარმოების სამსახურის უფროსი
2017 წლის თებერვლიდან დღემდე, „კრედიტინფოს“ ბაზაში უკვე 130-მდე ის არაკეთილსინდისიერი რითეილერია, რომელიც სადისტრიბუციო კომპანიებს კუთვნილ თანხას არ უხდის. ინფორმაციას დისტრიბუტორთა ბიზნეს-ასოციაციის დამფუძნებელი ივა ჭყონია ავრცელებს. საუბარია მაღაზიების მეპატრონეებზე, ვინც სადისტრიბუციო კომპანიებიდან პროდუქცია ვალით აიღო, შემდეგ კი თანხის გადახდაზე უარი თქვა. სწორედ აღნიშნულიდან გამომდინარე, დისტრიბუტორთა ბიზნეს ასოციაციის დამფუძნებელი მიიჩნევს, რომ, არაკეთილსინდისიერი რითეილირებისთვის სპეციალური კანონპროექტი უნდა შემუშავდეს. სტუმარი: ივა ჭყონია - დისტრიბუტორთა ასოციაცია; დამფუძნებელი
1 ივლისიდან მცირე ბიზნესის სტატუსის მქონე პირის შემოსავალი 1%-იანი განაკვეთით იბეგრება, ნაცვლად მანამდე არსებული 5%-ისა. მცირე ბიზნესის სტატუსი კი იმ პირებს მიენიჭებათ, რომელთა ერთობლივი შემოსავალი კალენდარული წლის იქნება, 100 ათასი ლარის ნაცვლად, 500 ათას ლარამდე იქნება. ამასთან, აღსანიშნავია, რომ ცვლილებების თანახმად, მცირე ბიზნესის სტატუსის გაუქმების საფუძველი აღარ იქნება მეწარმე ფიზიკური პირის დამატებული ღირებულების გადასახადის გადამხდელად რეგისტრაციის ფაქტი. სტუმარი: გიორგი თაბუაშვილი - საქართველოს ფინანსთა მინისტრის პირველმა მოადგილე; შემოსავლების სამსახურის უფროსი
საგარეჯოს რაიონში მდებარეობსუცხოური კაპიტალით შექმნილი კომპანია, რომელიც ქვეყანაში ფისტის პლანტაციების გაშენებითა და განვითარებით არის დაკავებული. თუმცა, 6-წლიანი მუშაობის შემდეგ „არიკ ჯგუფი“ აცხადებს, რომ მრავალმილიონიან ინვეტიციციას აჩერებს და ქვეყნის დატოვებას აპირებს. რა არის „ვინიჩიო ველი“, რომელიც 3 ათას ჰექტარს აერთიანებს და რომელიც ფისტის პლანტაციებთან ერთად ეკოტურიზმისა და მრეწველობის განვითარებასაც გულისხმობს.
ბიზნესომბუდსმენის აპარატმა რისკის შემცველი ინვესტიციების სტატისტიკა უნდა გამოაქვეყნოს. ინფორმაცია პერიოდულად საზოგადოებისთვისაც იქნება ხელმისაწვდომი. სტუმარი: ირაკლი ლექვინაძე - ბიზნესომბუდსმენი
ახლა კომპანია ბადაგონზე მოგიყვებით. როგორც გვახსოვს, მიმდინარე წლის თებერვალში კომპანიაში საგამოძიებო სამსახური შევიდა. გამოძიების დაწყებას საფუძვლად დაედო ,,ბადაგონის“ ყოფილი მეწილის, კომპანია „გრაკორო ტრეიდინგ ლიმიტედის“ წარმომადგენლის განცხადება. კერძოდ, გამოძიება „ბადაგონის“ მიერ დიდი ოდენობით წილის მართლსაწინააღმდეგოდ მითვისების ფაქტზე მიმდინარეობდა. კომპანია ბადაგონის 100% წილის მფლობელი დღეს გიორგი სალაყაიაა, თუმცა წლების განმავლობაში ბადაგონში წილს ფლობდა „გრაკორო თრეიდინგ ლიმითედი“. გრაკორო სალაყაიას კომპანიის მითვისებაში სდებს ბრალს. როგორ ვითარდებოდა მოვლენები ბადაგონის გარშემო, როგრო მოხდა წილების გადანწილება და როგორ აღმოჩნდა კომპანია სალაყაიას ხელში?
"რა თქმა უნდა, ჩვენთანაც არსებობს ხარვეზები და ჩვენ არ გავურბივართ იმ პრობლემებს, რომლებიც მერიაში არსებობს",- ამის შესახებ თბილისის მერმა კახი კალაძემ განაცხადა. როგორც კალაძემ აღნიშნა, ბიზნესის ჩართულობა ქვეყნისა და ქალაქის განვითარებაში მნიშვნელოვანია. "მგონია, რომ ბიზნესთან ერთად გაცილებით მეტის გაკეთება შეგვიძლია, რადგან თქვენ ხართ ადამიანები, რომლებსაც ძალიან დიდი როლი შეაქვს ქვეყნისა და ქალაქის ეკონომიკურ განვითარებაში. უამრავი ადამიანი გყავთ დასაქმებული. ერთიანი ძალისხმვით შევძლებთ უფრო მეტი გავაკეთოთ ამ ქალაქისთვის. არის უამრავი პრობლემა და გამოწვევა, რომლის გადალახვასაც ერთდროულად შევძლებთ. - განაცხადა კალაძემ. მისივე თქმით, მერია მუშაობს პრობლემების მოგვარებაზე და ძალიან მალე იქნება აღმოფხვრილი ბარიერები, რომ იყოს ნაკლები ბიუროკრატია, ქალაქი სწორად და სწრაფად განვითარდეს. კალაძემ,მშენებლობის ხელშექყობის აუცილებლობაზეც ისაუბრა და აღნიშნა, რომ ეს პროცესიც უნდა მოწესრიგდეს და არ მოხდება ისე როგორ ამას წარსული გამოცილება გვეუნება. სტუმარი: ანდრია ბასილაია - თბილისის მერიის ეკონომიკური განვითარების საქალაქო სამსახური; უფროსი
კახა კალაძე ბიზნესმენებს შეხვდა. თბილისის მერმა მათ ის საინვესტიციო პროექტები გააცნო, რაც დედაქალაქის სატრანსპორტო, სამშენებლო და სხვა მიმართულებებით განვითარებისთვის პრიორიტეტულია. ჩვენ გვახსოვს, თბილისის მერის ასეთივე გაფართოებული აუდიენცია გასული წლის ბოლოს, როცა მხარეებს შორის განსახილველი ერთ-ერთი მთავარი საკითხი მერიის ბიუროკრატიული ბარიერები იყო.
რა გეგმები აქვს ამ ბაზრის სიდიდით მესამე მოთამაშეს. „ვიონი საქართველოს“ ანგარიშზე, რომელიც ფლობს ბრენდს ბილაინი, აბონენტების 26.65%-ია, საცალო შემოსავლების თვალსაზრისით კი ბაზრის - 16.6%. ეს არის კომუნიკაციების ეროვნული კომისიის 2017 წლის ანგარიშის მონაცემები. რა არის დღეს მნიშვნელოვანი ტელეკომუნიკაციების მომხმარებლისთვის და რას აკეთებს ამ მიმართულებით ბილაინი? სტუმარი: ლაშა ტაბიძე - VEON Georgia; კომერციული დირექტორი
პარლამენტი შენობების ენერგოეფექტიანობის შესახებ კანონის პროექტის განხილვას იწყებს. აქ თავმოყრილია ის ძირითადი მიზნები, რასაც სამშენებლო სექტორმა და უკვე არსებული შენობა-ნაგებობების მესვეურებმა სახელმწიფოს დახმარებით უნდა მიაღწიონ. ამ კანონის მიღების საფუძველი არის საქართველოს ევროპის ენერგეტიკულ თანამეგობრობაში გაწევრიანება. თუმცა მხოლოდ ეს არ არის, რაც ჩვენმა ქვეყანამ ენერგეოეფექტურობის მიმართულებით უნდა გააკეთოს. კანონპროექტის ავტორია ეკონომიკის სამინისტრო, რომელიც განმარტავს, რომ შენობების ენერგოეფექტიანობის გაზრდას, სათბური გაზების ემისიის შემცირებასთან ერთად, სამშენებლო სექტორში დასაქმებულთა რაოდენობის ზრდა, ტექნოლოგიების განვითარება, ჰაერის, წყლისა და მიწის დაბინძურების შემცირება, ენერგიის მოხმარებაზე გადასახადების შემცირება და სხვა დადებითი გვერდითი ეფექტებიც ექნება.
„ბათუმი რივიერას“ პირველი ფაზის განხორციელებაში $65 მილიონის ინვესტიცია ჩაიდება. სილქ როუდ ჯგუფმა" არქიტექტურული დიზაინის და გეგმარების წამყვან კომპანიასთან „ჩეპმენ ტეილორთან“ მოლაპარაკებები დაასრულა. შეთანხმების საფუძველზე სწორედ ეს კომპანია იმუშავებს როგორც „სილქ თაუერის“, ასევე მთლიანად „ბათუმი რივიერას“ პროექტის არქიტექტურულ დიზაინსა და გეგმარებაზე. მთავარი აქცენტი მთელი პროექტის მასშტაბით გამწვანებაზე გაკეთდება. 6 ჰექტრის ფართობის ტერიტორიაზე „სილქ თაუერი“ და პროექტის განვითარების შემდგომ ეტაპებზე დაგეგმილი შენობა-ნაგებობები განთავსდება. პროექტი მოიცავს საცხოვრებელ აპარტამენტამენტებს, იახტ კლუბს და დამატებით 2 ჰექტრის ფართობის პარკს. სტუმარი: გიორგი მარრი - “სილქ როუდ ჯგუფი” უძრავი ქონების განვითარების დირექტორი
სოფელი მუხრანი და მისი ეკონომიკურ პოტენციალი. როგორია აღნიშნული მხარის პერსპექტივა აგროტურიზმის კუთხით და რა აქტივობები ხორციელდება მუხრანში ეკონომიკური განვითარებისთვის. ევროპის რეკონსტრუქციისა და განვითარების ბანკისა და ევროკავშირის მხარდაჭერით მუხრანში საპილოტე პროგრამა ხორცოელდება. სტუმარი: კატერინა პობერეჟნა - “ჯორჯიან დაირის” პროექტი; კოორდინატორი
მიწისქვეშა პარკინგების მშენებლობით ბიზნესი არ დაინტერესდა. თბილისის მერიას ინტერესთა გამოხატვა ვარკეთილის მეტროს, გეგეშიძის სკვერისა და სადგურის მოედნის მიმდებარედ ჰქონდა გამოცხადებული. აღნიშნულ ლოკაციებზე ინტერესთა გამოხატვა მერიას ჰქონდა გამოცხადებული, თუმცა 22 ივნისს ვადა ისე ამოიწურა, რომ განაცხადი არცერთ კომპანიას გაუკეთებია. პროექტის ფარგლებში მერია ინვესტორს მიწის ნაკვეთს სიმბოლურ ფასად, 1 ლარად გადასცემდა. რატომ არ ინტერესდება ბიზნესი შემოთავაზებით და რას სთავაზობს მერია ბიზნესს მეტი დაინტერესბისთვის?
„ის ტემპი, რაც დღეს გვაქვს, არ პასუხობს იმ გამოწვევებს, რაც ეკონომიკაში არსებობს, ამიტომ ტემპი აუცილებლად დაჩქარდება“, - ასე მიმართა პრემიერ-მინისტრმა მამუკა ბახტაძემ ზუგდიდში, დადიანების სასახლის ეზოში შეკრებილ სამეგრელოს მოსახლეობას. პრემიერმა სამეგრელო-ზემო სვანეთის ტურისტულ პოტენციალზე ისაუბრა, ასევე ხაზი გაუსვა ანაკლიის ღრმაწყლოვანი პორტის აშენების მნიშვნელობას.
სხვადასხვა ქვეყნების “მთავრობის ზომას” Heritage Foundation-ის ეკონომიკური თავისუფლების ინდექსიც აფასებს. თუ მაგალითად გადავხედავთ 2018 წლის რეიტინგს აღნიშნულ კრიტერიუმში საქართველოს პოზიციები გაუარესებულია. კერძოდ, მთავრობის ხარჯების ქვეკრიტერიუმში საქართველოს სარეიტინგო ქულა 100-დან 73-ია. “ბოლო 3 წელში მთავრობის ხარჯებმა მშპ-ს 29% შეადგინა, საბიუჯეტო დეფიციტი მშპ-ს 1.6%-ია, ვალის მოცულობა კი მშპ-ს 44.9%-ს შეადგენს”, - აღნიშნავს Heritage Foundation. მთავრობის ხარჯების კრიტერიუმში საქართველოს საუკეთესო პოზიცია (100-დან 55 ქულა) 2012 წელს ჰქონდა. სტუმარი: რუსლან ხოროშვილი - EY Georgia ; მმართველი პარტნიორი
“საპარტნიორო ფონდი“ სს „ბორჯომი ლიკანი ინტერნეიშენალის“ 100% აქციების მფლობელი გახდა. ეს ამბავი ჩვენმა მაყურებელმა უკვე იცის. ყაზახური კომპანია „ყაზმუნაიგაზ-სერვისის“ მიერ დაფუძნებული შპს „კმგ-სერვის საქართველოს“ 100%-იანი წილი „საპარტნიორო ფონდს“ გადმოეცა. აქამდე, შპს „კმგ-სერვის საქართველო“ და „საპარტნიორო ფონდი“ „ბორჯომი ლიკანი ინტერნეიშენალის“ აქციების 50-50%-ს ფლობდნენ. "ეს არის წარმტებული კომერციული კონტრაქტი. პრინციპული შეთანხმება სასტუმროს აქციების შესყიდვის შესახებ ასტანაში ქართული მხარის ოფიციალური ვიზიტის დროს გავაფორმეთ.” - განაცხადა „საპარტნიორო ფონდის“ აღმასრულებლემა დირექტორმა დავით საგანელიძემ. რამდენად წარმატებული იქნება ინვესტიცია, რა არის გარიგების ღირებულება, რას გეგმავს ამჟამად სასტუმროს მმართველი ბრენდი? სტუმარი: შალვა ალავერდაშვილი “ბორჯომი-ლიკანის” ბრენდის მმართველი
საქმის კურსი აგრძელებს ინფორმაციის მოპოვებას თურქი ბიზნესმენის ქემალ გაზიოღლუს დავაზე. როგორც უკვე იცით, ბიზნესმენი მოქალაქე კახა ჟორჟოლიანს ქონების ჩამორთმევის მცდელობაში ადანაშაულებს და ამბობს, რომ მას დეპუტატი გია ჟორჟოლიანიც ეხმარება. საუბარია ქეთევან წამებულის გამზირზე მდებარე, კახა ჟორჟოლიანის კუთვნული სასტუმროს ლონდონ პალასის გვერდით არსებულ ტერიტორიაზე, სადაც ქემალ გაზიოღლუს სასტუმრო კომპლექსის მშენებლობა სურს და ვერ ახერხებს. მხარეებს შორის დავა უკვე უზენაეს სასამართლოშია. ორი ინსტანცია კი ჟორჟოლიანმა მოიგო.
პოლიტიკური პარტიები უკვე კრიპტოვალუტებით ფინანსდებიან - ამის შესახებ ცნობილი დღეს, გენერალური აუდიტორისგან გახდა. ირაკლი მექვაბიშვილმა კონფერენციაზე დასახელებით "ფული პოლიტიკაში" განაცხადა, რომ კრიპტოვალუტის საკითხი გამჭვირვალობის თვალსაზრისით, გარკვეულ პრობლემას წარმოადგენს. როგორ მუშაობს სახელმწიფო აუდიტის სამსახური პარტიების დაფინანსების მონიტორინგზე და რა საკითხები განიხილეს დღეს კონფერენციაზე, რომელსაც პარტიების, საერთაშორისო და არასამთავრობო ორგანიზაციების წარმომადგენლები ესწრებოდნენ.
10 სამინისტრო, ერთი მინისტრის აპარატი და მთავრობის ხარჯების შემცირება მთლიან შიდა პროდუქტთან მიმართებით 4.3-დან 3.9%-მდე - ასეთი იქნება განახლებული მთავრობის პარამეტრები. პრემიერმა მამუკა ბახტაძემ განაცხადა, რომ ბიუროკრატიაზე დაზოგილი თანხმები საზოგადოებას მოხმარდება. მთავრობის სტრუქტურული რეფორმის შესახებ კანონპროექტების პაკეტი პარლამენტს დასამტკიცებლად დღესვე გადაეგზავნება.
თურქი ბიზნესმენი საქართველოში საკუთარი ქონების დაცვას სასამართლოს გზით ცდილობს. ქემალ გაზიოღლუ ამბობს, რომ უკვე რამდენიმე წელია მოქალაქე კახაბერ ჟორჟოლიანი მისი ქონების ხელში ჩაგდებას ცდილობს და ამ ყველაფერში მას დეპუტატი გია ჟორჟოლიანი ეხმარება. ბიზნესმენი საქართველოს მთავრობას, თბილისის მერიასა და ბიზნეს ომბუდსმენს საკუთარი საქმით დაინტერესებას სთხოვს. ჩვენ ახლა პირველწყაროსგან ვეცდებით ინფორმაციის მიღებას, რა ქონების დაკარგვის საფრთხეს გრძობს და რატომ მივიდა საქმე სასამართლომდე. სტუმარი: ქემალ გაზიოღლუ - ბიზნესმენი
2018 წლიდან აჭარაში თაფლის კრემის წარმოება დაიწყება. კოოპერატივი ნატურგიფტი ქართულ ბაზარს ახალ პროდუქტს შესთავაზებს, რომელსაც როგორც კოოპერატივის თავმჯდომარე ამბობს, ადგილობრივ ბაზარზე ანალოგი არ ჰყავს.
სავარაუდოდ, ხვალ მინისტრთა კაბინეტი შემცირებული მთავრობის დასამტკიცებლად კანონპროექტების პაკეტს განიხილავს და შემდეგ, პარლამენტს გადაუგზავნის. შესაბამისად, საბოლოო სიტყვა საკანონმდებლო ორგანოზეა. ჩვენ ვიცით, რომ პრემიერი მამუკა ბახტაძე სტრუქტურული რეფორმისგან დაახლოებით 100-120 მილიონი ლარის დაზოგვას ელოდება.
კრიზისების მიუხედავად ათენი ტურისტებისთვის ერთ-ერთ მიმზიდველ ქალაქად რჩება - რატომ ირჩევენ დამსვენებლები საბერძნეთის დედაქალაქს. ასევე, როგორ ცხოვრობენ იქ ქართველი ემიგრანტები?
საქართველოს იუსტიციის უმაღლესი საბჭოს 2018 წლის 18 ივნისის გადაწყვეტილებით მიმდინარე წლის 2 ივლისიდან ვიწრო სპეციალიზაცია ინტელექტუალურ საკუთრებასთან დაკავშირებულ სამართლებრივ დავებსაც განიხილავს, თუმცა მანამდე საინტერესოა თუ რა შედეგები ფიქსირდება ვიწრო სპეციალიზაციის შექმნიდან თითქმის ერთი წლის თავზე.
ბოლო ერთი თვის განმავლობაში საწვავი ქართულ საცალო ქსელში 5-დან 10 თეთრამდე გაძვირდა. რეკორდული მატება კი მარტიდან დაიწყო.