ტექინსპექტირების ცენტრების მონიტორინგი მკაცრდება. მთავრობა სახმელეთო ტრანსპორტის სააგენტოსთვის ახალი ფუნქციის მინიჭებას გეგმავს, რომელსაც ინსპექტირების პროცესზე მონიტორინგის/კონტროლის უფლებამოსილება დაეკისრება. მათ შორის, სააგენტოს ინსპექტირების პროცესის ვიდეომონიტორინგის უფლებაც ექნება. საკანონმდებლო ცვლილება კონტროლის გასამკაცრებლად 10 პირისგან შექმნილი გუნდის დაკომპლექტებას და დარღვევებზე ცენტრებისთვის ჯარიმების ოდენობასაც განსაზღვრავს. კერძოდ, სახიფათო ხარვეზის შემთხვევაში ჯარიმა 5000 ლარი იქნება, მნიშვნელოვანი ხარვეზის შემთხვევაში - 2000 ლარი, უმნიშვნელო ხარვეზის ან ინსპექტირების ანგარიშში დაფიქსირებული სხვა უზუსტობების შემთხვევაში - ჯარიმა 500 ლარი იქნება. როგორ კონტროლდება დღეს ტექინსპექტირების ცენტრები, რატომ დადგა დღის წესრიგში კონტროლის გამკაცრება და რა იცვლება ტექინსპექტირების ცენტრებისთვის? სტუმარი: გიორგი შიოლაშვილი - ტექინსპექტირების ცენტრების კავშირის თავმჯდომარე; #ახალიამბები #BusinessMediaGeorgia
გიდები ტურიზმის შესახებ კანონით უცხო ქვეყნის მოქალაქეების საქმიანობის დარეგულირებას ითხოვენ. ქართველი გიდები ამბობენ, რომ ირანის, სომხეთის, რუსეთისა და სხვა ქვეყნის გიდები საქართველოში ნებართვის გარეშე მუშაობენ და ტურისტებს საქართველოს ისტორიას დამახინჯებულად უყვებიან. მათი თქმით, ისინი უცხო ქვეყნის მოქალაქეებთან მიმართებით არასამართლიან კონკურენტულ გარემოში არიან, რაც მათ საქმიანობას აზარალებს. საკითხზე დღეს საქართველოს ტურიზმის სფეროში დასაქმებულთა პროფესიული კავშირის წარმომადგენლებმა პრეს კონფერენცია გამართეს. როგორია გიდების მოთხოვნები? #ახალიამბები #BusinessMediaGeorgia
საქართველოს წინააღმდეგ საერთაშორისო არბიტრაჟში 12 დავა მიმდინარეობს. ვინ არიან ინვესტორები, რომლებმაც საქართველოში ბიზნესის კეთების და ინვესტირების ნაცვლად სახელმწიფოს უჩივლეს და დღეს სხვადასხვა საერთაშორისო საარბიტრაჟო დავას აწარმოებენ. რამდენი საინვესტიციო დავა დასრულდა საქართველოს გამტყუნებით ბოლო ათ წელიწადში და რა თანხის გადახდა დაეკისრა სახელმწიფოს? #ახალიამბები #BusinessMediaGeorgia
#ბიზნესსიახლეები bm.ge-სგან / 16.02.2024 რამდენ სართულიან კომპლექსს აშენებს „ორბი“ ბახმაროში? “მწვანილის ექსპორტი თითქმის განახევრდა”-ფრუტილია; “თამთაკი” ახალი ფილიალის გახსნას გეგმავს - ინვესტიცია ₾120 000; „წვენები“ წლის განმავლობაში მარკეტინგული აქტივობების განხორციელებას გეგმავს; #ახალიამბები #BusinessMediaGeorgia
შოვში, სტიქიის გავრცელების არეალში ახალი ინფრასტრუქტურის მოწყობა და არსებული შენობების ფუნქციონირება დაუშვებელია - ასეთია გარემოს ეროვნული სააგენტოს რეკომენდაცია, რომელიც სამინისტროს მიერ დღეს გამოქვეყნებული გასული წლის აგვისტოში, შოვში მომხდარი სტიქიის შეფასების ანგარიშშია აღნიშნული. გარემოს დამცველები ტერიტორიაზე არსებული რისკების გათვალისწინებით მოქმედი განაშენიანების რეგულირების გეგმის გაუქმებას ითხოვენ, რომელიც 2022 წლის ბოლოს ონის საკრებულომ დაამტკიცა. რა წერია სამინისტროს მიერ შოვში მომხდარი სტიქიის ანგარიშში, რამდენად იყო შესაძლებელი სტიქიის პრევენცია და რა გეგმა აქვს კურორტ შოვთან მიმართებით სახელმწიფოს? #ახალიამბები #BusinessMediaGeorgia
საქართველოში დარეგისტრირებული 980 212 ბიზნესსუბიექტიდან აქტიური მხოლოდ 26.7%-ია. ყველაზე მეტი კომპანია საბითუმო და საცალო ვაჭრობასა და ავტომობილ-მოტოციკლების რემონტის სფეროშია რეგისტრირებული. უცნობია ნახევარმილიონზე მეტი საწარმოს საქმიანობაც. ასევე უცნობია რა სექტორში საქმიანობს აქტიური 58 271 საწარმო. #ახალიამბები #BusinessMediaGeorgia
საქართველო, სოფლის მეურნეობაში პესტიციდების გამოყენების მხრივ, რეგიონის ქვეყნებს შორის მოწინავე პოზიციაზეა. FAO-ს შეფასებით, ამ მხრივ საქართველოს ყველაზე არამდგრადი სოფლის მეურნეობა აქვს. პრობლემაა სათანადო ლაბორატორიული ინფრასტრუქტურის არქონაც, რადგან შეუძლებელია ყველა ქვეყანაში დასაშვებად გამოყენებული პესტიციდის ნარჩენის რაოდენობის განსაზღვრა სურსათში. სპეციალისტების ნაწილი იმაზეც მიუთითებს, რომ ქვეყანაში ისეთი ქიმიური ნივთიერებები შემოდის, რომელიც ევროკავშირის ქვეყნებში აკრძალულია. რა ხარისხის პესტიციდები და აგროქიმიკატები იყიდება საქართველოში, რა ქმნის პრობლემას და რამდენად აქტიურად კონტროლდება ბაზარი. #ახალიამბები #BusinessMediaGeorgia
საქართველოში დარეგისტრირებული 980 212 ბიზნესსუბიექტიდან აქტიური მხოლოდ 26.7%-ია. ყველაზე მეტი კომპანია საბითუმო და საცალო ვაჭრობასა და ავტომობილ-მოტოციკლების რემონტის სფეროშია რეგისტრირებული. კერძო სექტორის წარმომადგენლები და ეკონომისტები აცხადებენ, რომ მთავარი გამოწვევა ბიზნესის რეალიზაციის არ ცოდნა და ქვეყანაში არსებული საშეღავათო გადასახადებია. #ახალიამბები #BusinessMediaGeorgia
მთავრობა ქუთაისში სატვირთო ტერმინალის მშენებლობას ისევ აანონსებს. საკითხი ამჯერად ირაკლი კობახიძის სამთავრობო პროგრამაში მოხვდა, რომელიც ახალმა პრემიერმა დამტკიცებამდე პარლამენტს წარუდგინა. დოკუმენტის მიხედვით, 2024 წელს დასრულდება ქუთაისის აეროპორტის გენერალური განვითარების გეგმის შემუშავება და ასევე დაიწყება ინფრასტრუქტურული პროექტები ასაფრენ-დასაფრენი ზოლისა და საჰაერო ხომალდების ბაქანის გამტარუნარიანობის გასაზრდელად. „ქუთაისის საერთაშორისო აეროპორტში აშენდება მცირე ზომის სატვირთო ტერმინალი რეგიონში არსებული საჰაერო სატვირთო პოტენციალის ათვისების მიზნით“, - ნათქვამია მთავრობის გეგმაში. რამდენად სწორად არის შერჩეული სატვირთო ტერმინალისათვის ქუთაისი და რას შეცვლის საჰაერო გადაზიდვების კუთხით ახალი წერტილის გაჩენა რეგიონში? სტუმარი: რატი ძერია - EASY Charter-ის დირექტორი და დამფუძნებელი; #ახალიამბები #BusinessMediaGeorgia
საქართველოს ეროვნულმა ბანკის ფინანსური სტაბილურობის კომიტეტმა კომერციული ბანკებისთვის უცხოელების მიერ განთავსებული დეპოზიტების ლიკვიდობის მოთხოვნის 80%-დან 40%-მდე შემცირების გადაწყვეტილება მიიღო. აღნიშნული განაკვეთი სებ-მა 2023 წლის მაისში გაზარდა, თუმცა განახლებული შეფასებით, ამ განაკვეთის მაღალ ნიშნულზე შენარჩუნების საჭიროება დღის წესრიგში აღარ დგას და ის კვლავ 40%-მდე შემცირდება. სტუმარი: დავით უტიაშვილი - ეროვნული ბანკის ფინანსური სტაბილურობის დეპარტამენტის უფროსი #ახალიამბები #BusinessMediaGeorgia
საქართველოსა და საუდის არაბეთს შორის შესაძლოა თავისუფალი ვაჭრობა გაფორმდეს- ეს ამბავი ვიცე პრემიერმა საქართველო-საუდის არაბეთის ბიზნესფორუმზე განაცხადა და აღნიშნა, რომ ერთ-ერთი მნიშვნელოვანი პოტენციური პარტნიორი ჩვენი ქვეყნისთვის არის საუდის არაბეთი, რომელიც სპარსეთის ყურეში უმსხვილეს ეკონომიკას წარმოადგენს. ვიცე პრემიერი იმედოვნებს, რომ არაბული დელეგაციის საქართველოში ვიზიტს კონკრეტული გადაწყვეტილებები მოჰყვება. რა თემებზე გაკეთდა ფორუმზე აქცენტი და როგორ აპირებს მთავრობა საუდის არაბეთთან ეკონომიკური ურთიერთობის გაღრმავებას. #ახალიამბები #BusinessMediaGeorgia
ადგილობრივ ბაზარზე მწვანილის მოხმარება და ფასები გაზრდილია- ამის შესახებ საუბრობენ აგროსფეროს წარმომადგენლები, რომლებიც ამბობენ, რომ იმისთვის რომ ადგილობრივ ბაზარზე არსებული მოთხოვნის დაკმაყოფილება მოხდეს და ფასები დაბალანსდეს ქვეყანაში სხვადასხვა სახეობის მწვანილის იმპორტი იზრდება. განსაკუთრებით გაზრდილია ბაზილიკის, რეჰანის და ტარხუნის იმპორტი. რესტორნებმა პროდუქციის გაძვირების გამო მენიუდან ის კერძები ამოიღეს, რომლის მთავარი ინგრედიენტიც კონკრეტული სახეობის მწვანილია. გასულ კვირას იმპორტირებული 1 კილოგრამი ტარხუნა 200-დან 300 ლარამდე ღირდა, თუმცა როგორც იმპორტიორები ამბობენ, პროდუქციის ქვეყანაში იმპორტით შემოტანა მოხდა და დღეს 1 კილოგრამი ტარხუნა 80 ლარი ღირს. რატომ ვერ იზრდება ადგილობრივად მწვანილის წარმოება და რატომ დაკარგა საქართველომ მწვანილის ექსპორტიორი ქვეყნის სტატუსი? #ახალიამბები #BusinessMediaGeorgia
#ბიზნესსიახლეები bm.ge-სგან / 15.02.2024 რამდენი მილიონის შემოსავალი აქვთ "მაგთის", "სილქნეტსა" და "სელფის"? საუდის არაბეთის ახალი ქალაქი NEOM-ი ქართული წყლით მომარაგდება - ლაშა პაპაშვილის პროექტი; ახალი საცხოვრებელი კომპლექსი ქალაქში ყველაზე დიდი გამწვანებით - „მეტროპოლ ქავთარაძის“ მშენებლობა დაიწყო; საქართველოს ბანკის მხარდაჭერით Brunch by Gastronome - ის მეხუთე ობიექტი გაიხსნა; "რუხი დედოფალი" რუხში პირველ საწარმოს ხსნის; ქუთაისის საერთაშორისო აეროპორტში პირველი ქართული რესტორანი ,,თაკარა“ გაიხსნა; #ახალიამბები #BusinessMediaGeorgia
ოქროს სერტიფიკატებისა და ოქროს ზოდების რეალიზაციიდან 2.5 თვის შემდეგ 445 ერთეული 20 გრამიანი ოქროს ზოდი და სერტიფიკატი და 4 ერთეული 1 კილოგრამიანი ოქროს ზოდი გაყიდა. მსოფლიოში ერთ-ერთი ყველაზე აღიარებული საინვესტიციო ინსტრუმენტის ოქროს სერტიფიკატების და ზოდების რეალიზაცია 4 დეკემბერს დაიწყო და რეალიზაციის დაწყებიდან პირველივე დღეს 60-მდე მცირე ზომის ოქროს ზოდი და ერთი 1 კგ-იანი ზოდი გაიყიდა. როგორია დღეს მოთხოვნა და ფასები ოქროს ზოდებსა და სერტიფიკატებზე და გაამართლა თუ არა ახალმა საინვესტიციო ინსტრუმენტმა? სტუმარი: გიორგი ლალიაშვილი - ეროვნული ბანკის ფინანსური ბაზრების დეპარტამენტის უფროსი; #ახალიამბები #BusinessMediaGeorgia
ავტო იმპორტიორები 2013 წლამდე გამოშვებული ავტომობილების იმპორტის ნაწილზე შეზღუდვის მოხსნას ითხოვენ. ავტოიმპირტიორთა თხოვნაა გამონაკლისი გავრცელდეს იმ იმპორტიორებზე, ვინც 2023 წლის 1 დეკემბრამდე კონტეინერებში ჩატვირთული ავტომობილები საქართველოში მაინც გააფორმონ, რადგან მათი გემზე დატვირთვის პროცესი გაიწელა. ცოტა ხნის წინ დასრულდა ავტოიმპორტიორების შეხვედრა მთავრობის ადმინისტრაციასთან. სტუმარი: ალექსი ნონიაძე - ავტოიმპორტიორთა ასოციაციის ხელმძღვანელი; #ახალიამბები #BusinessMediaGeorgia
ჩვენი მიზანია, რომ ხარისხიანი პირდაპირი ინვესტიციები მოვიზიდოთ სხვადასხვა ქვეყნიდან, - ამის შესახებ ეკონომიკის მინისტრმა ლევან დავითაშვილმა დღეს საქართველო-საუდის არაბეთის ბიზნესფორუმის დაწყებამდე განაცხადა. პირველი ვიცე-პრემიერის თქმით, საქართველო ერთ-ერთ პოტენციურ პარტნიორად ამ კუთხით, საუდის არაბეთსაც განიხილავს. ლევან დავითაშვილი იმედოვნებს, რომ არაბული დელეგაციის საქართველოში ვიზიტს კონკრეტული გადაწყვეტილებები მოჰყვება. საუდის არაბეთთან, რომელიც ახლო აღმოსავლეთში არა მარტო ტერიტორიული სიდიდით, არამედ თავისი პოლიტიკური და ეკონომიკური თვალსაზრისით ერთ-ერთი წამყვანი ქვეყანაა საქართველოს მნიშვნელოვანი ეკონომიკური კავშირები ჯერ კიდევ არ აქვს. მართალია საგარეო ვაჭრობა მზარდია, თუმცა მაინც მცირეა. გასულ წელს საქართველო საუდის არაბეთის სავაჭრო ბრუნვამ 21.5 მლნ დოლარი შეადგინა, საიდანაც ექსპორტი მხოლოდ 6 მლნ, იმპორტი 15 მლნ იყო. საექსპორტო საქონლის ათეულშია მსუბუქი ავტომობილები, სპილენძის მადნები, ღვინო და სპირტიანი სასმელები. რაც შეეხება ტურიზმის სექტორს, 2023 წელს ამ ქვეყნიდან საქართველოში 72 953 ვიზიტორი შემოვიდა, კლება 39% იყო. რა თემებზე გაკეთდა ფორუმზე აქცენტი და როგორ აპირებს მთავრობა საუდის არაბეთთან ეკონომიკური ურთიერთობის გაღრმავებას? #ახალიამბები #BusinessMediaGeorgia
ბიზნესთან შეთანხმება მიღწეულია-თბილისის მერია ლაგუნა ვერეს მიმდებარედ არსებულ ბენზინგასამართ სადგურებს ადგილმონაცვლე ფართების შეთავაზების ხარჯზე აიღებს, გზა გაფართოვდება და გმირთა მოედნისა და ლაგუნას მიმდებარე ტერიტორიაზე შუქნიშნები დამონტაჟდება. თბილისის მთავრობის სხდომაზე ერთ დროს დაწუნებული გეგმა ბენზინგასამართი სადგურების ხარჯზე გზის გაფართოებისა, დღეს დამტკიცებულად გამოცხადდა და პროექტი საკრებულოში გადაიგზავნა. თბილისის საკრებულოს თავმჯდომარე თვლის, რომ გადაწყვეტილება სატრანსპორტო გადაადგილების გაუმჯობესებისთვის მნიშვნელოვანია. #ახალიამბები #BusinessMediaGeorgia
აგროდაზღვევის სახელმწიფო პროგრამაში ცვლილებები იგეგმება. როგორც გარემოს დაცვის და სოფლის მეურნეობის მინისტრის მოადგილემ საფინანსო კომიტეტის სხდომაზე განაცხადა, სოფლის განვითარების სააგენტო აღრიცხვიანობის მოწესრიგების და მართვის სისტემის გაუმჯობესებისთვის ახალი პროგრამულ გადაწყვეტილებაზე მუშაობას. მინისტრის მოადგილის თქმით, ტენდენცია აჩვენებს, რომ მაღალრისკიან არეალებში აგროდაზღვევის პროდუქტი პოპულარულია, თუმცა იქ, სადაც რისკი დაბალია, აგროდაზღვევაზე მოთხოვნა იკლებს. რამდენიმე კვირის წინ აგროდაზღვევის პროგრამაში ხარვეზებზე აუდიტის სამსახურის დასკვნაც გამოქვეყნდა, რომელშიც უწყება მიუთითებდა, რომ პრობლემებია სადაზღვევო შემთხვევების სრული და ზუსტი აღრიცხვის, სადაზღვევო პოლისების დროული სუბსიდირების, სადაზღვევო მომსახურებით ბენეფიციართა კმაყოფილების უზრუნველყოფის ნაწილში. აგროსექტორში დასაქმებულები სახელმწიფოს მხრიდან სუბსიდირებული აგროდაზღვევის გამოუყენებლობის მიზეზებზე საუბრისას მიუთითებენ, რომ კრიტერიუმები მოსარგებლეებისათვის შესაცვლელია. #ახალიამბები #BusinessMediaGeorgia
#ბიზნესსიახლეები bm.ge-სგან / 14.02.2024 "ჭკვიანი ბეჭდების" ქართულმა ბრენდმა Cnick ბერლინში პირველი მაღაზია გახსნა; Phubber-ი ყაზახეთსა და უზბეკეთში შედის - სტარტაპის 2024 წლის გეგმა; 2023 წელს საქართველომ $40 მლნ-ის მეორეული ტანსაცმელი შეიძინა - TOP-10 იმპორტიორი; რამდენი მილიონის შემოსავალი აქვს სამშენებლო კომპანია "ანაგს"? ქართული კოსმეტიკური საშუალებები ექსპორტზე კატარში გავიდა; „თამაშობანა“ მიმდინარე წელს ახალი მულტიფუნქციური სივრცის გახსნას გეგმავს; #ახალიამბები #BusinessMediaGeorgia
10 წლიან პერიოდში აგროდაზღვევის პროგრამაში მონაწილეთა რაოდენობა და დაზღვეული ფართობის მაჩვენებელი, არსებითად არ გაზრდილა. დაზღვეული მიწის ფართობი კი, მთლიანი მოსავლიანი მიწის ფართობის საშუალოდ 5%-ს შეადგენს - აგროდაზღვევის სახელმწიფო პროგრამის ეფექტიანობა აუდიტის სამსახურმა შეაფასა და გამოვლენილი მიგნებები და რეკომენდაციები საკანონმდებლო ორგანოს დღეს წარუდგინა. #ახალიამბები #BusinessMediaGeorgia
როგორია ციფრული ტრანსფორმაციის გამოწვევები და პერსპექტივები ტურიზმის ინდუსტრიაში - ევროპული ბიზნეს ასოციაციის და საქართველოს ფინანსური ბაზრების ხაზინების ასოციაციის კვლევა აჩვენებს, რომ ტურისტულ სექტორში მომუშავე კომპანიების დიდ ნაწილს ჯერ კიდევ არ აქვს განვითარებული შესაბამისი სტანდარტის ვებგვერდი, არ აქვთ სერვისების ონლაინ დაჯავშნისა და გადახდის სისტემები, თითქმის არ იყენებენ ელექტრონული კომერციის პლატფორმებს. ქართული საწარმოებისათვის კიდევ ერთ დაბრკოლებას ციფრული მარკეტინგის განვითარება წარმოადგენს. კერძო სექტორის მიერ სოციალური მედიის გამოყენების დაბალი მაჩვენებლები და ამ კუთხით მხოლოდ სოციალურ ქსელებზე კონცენტრირება მნიშვნელოვანი დაბრკოლებაა საქართველოში საერთაშორისო ტურისტების მოზიდვისა და სექტორის კონკურენტუნარიანობის გაზრდისათვის. დაბალია ციფრული გადაწყვეტილებები ტურისტული დანიშნულების ადგილებში - რა ეტაპზეა საქართველოს ტურისტული სექტორი ციფრული ტრანსფორმაციის გზაზე და რა დააჩქარებს პროცესებს? სტუმარი: ნინო უშიკიშვილი - ევროპული ბიზნეს ასოციაციის დირექტორის მოადგილე; #ახალიამბები #BusinessMediaGeorgia
თბილისის მერია ლაგუნა ვერეს მიმდებარე ტერიტორიაზე მდებარე ბენზინგასამართ სადგურებს აიღებს და ტერიტორიაზე მდებარე სამ ბენზინგასამართ სადგურს ადგილმონაცვლეობას სთავაზობს. ლაგუნა ვერეს ნაცვლად "ვისოლს" ტერიტორია ლისზე , "გალფს" და "ლუკოილს" კი გლდანში გადაეცემათ. რატომ მიიღო მერიამ გადაწყვეტილება დღეს, რომელიც ჯერ კიდევ 2017 წელს კახა კალაძის საარჩევნო პროგრამის ნაწილი იყო და, რას აპირებს მუნიციპალიტეტი ტერიტორიაზე საავტომობილო ნაკადების მოწესრიგების მიზნით? #ახალიამბები #BusinessMediaGeorgia
“საავტომობილო ტრანსპორტის შესახებ" კანონი 1-ელი მარტიდან ამოქმედდება. საქართველოს მასშტაბით მდებარე ავტოსადგურებსა და მგზავრთგადამყვან ოპერატორებს ახალი რეგულაციების დაკმაყოფილება მოუწევთ. ნებისმიერ მძღოლს, რომელსაც მგზავრების გადაყვანა სურს, სტანდარტების დაკმაყოფილება და ლიცენზიის აღება მოუწევს, ავტოსადგურმა კი სერტიფიცირება უნდა გაიაროს. ეკონომიკისა და მდგრადი განვითარების სამინისტროში აცხადებენ, რომ მარტამდე მთავრობა სანებართვო და სერტიფიცირების პირობებს გასცემს. ავტოსადგურებში ცვლილებებს მიესალმებიან და მზად არიან, რეგულაციებს დაემორჩილონ, თუმცა ორი პირობით: ეფექტიანი აღსრულება იყოს და არალიცენზირებული მძღოლები აკრძალონ. #ახალიამბები #BusinessMediaGeorgia
CFD აუქციონში მონაწილე კომპანიებისათვის ენერგეტიკული ბირჟით ვაჭრობა სავალდებულო უნდა იყოს - ამ მოსაზრებას ენერგეტიკოსები არაერთხელ გადადებული ბირჟის გახსნის თარიღის ფონზე აქტიურად უბრუნდებიან. ელექტროენერგეტიკული ბირჟის გახსნის ვალდებულება, რომელიც ქვეყანამ ევროპის ენერგეტიკულ გაერთიანებაში გაწევრიანებით აიღო, ჯერ კიდევ 2019 წლის ბოლომდე უნდა შეესრულებინა, თუმცა ბირჟის გახსნა უკვე 6-ჯერ გადავადდა. გადავადების ერთ-ერთ მიზეზად რეგიონში არსებული გამოწვევები დასახელდა. ბოლოს განსაზღვრული დედლაინი 1 ივლისს იწურება. რამდენად მზად არის ქვეყანა ბირჟის გახსნისთვის, მოიხსნა თუ არა ის რისკები, რაც საფუძვლად ედო მისი გახსნის გადადებას. #ახალიამბები #BusinessMediaGeorgia
#ბიზნესსიახლეები bm.ge-სგან / 13.02.2024 2023 წელს საქართველომ $5 126 000-ის ყვავილები და კოკრები იყიდა; 2023 წელს საქართველომ 23.9 მლნ აშშ დოლარის რძის ფხვნილი იყიდა; სრული ფასის მითითება კარგი იქნება, რადგან ხშირად მომხმარებლები, ფასის გამო გაურკვევლობაში ვარდებიან - "მაჭახელა"; “იმდენად მძიმე მდგომარეობაში ვართ, რომ ყველა თეთრს ვითვლით”- რესტორატორი; წელს, „ფრეშკა“ახალი მიმართულების ამოქმედებას გეგმავს;' #ახალიამბები #BusinessMediaGeorgia
მუნიციპალიტეტებში მინივენებისა და ტაქსების მიერ მგზავრების გადაყვანა კანონით დარეგულირდება. ცვლილებას ეკონომიკის სამინისტროს შემუშავებული კანონპროექტი ითვალისწინებს, რომელიც პარლამენტში უკვე დარეგისტრირდა. პროექტის მიხედვით, მუნიციპალიტეტებში სავარაუდოდ თბილისის გამოცდილებას გაითვალისწინებენ და ტაქსით მგზავრების გადასაყვანად მძღოლებს ლიცენზიის აღება მოუწევთ. Ამასთან, მუნიციპალიტეტებს შესაძლებლობა ექნებათ, სანებართვო პირობები თავად განსაზღვრონ. #ახალიამბები #BusinessMediaGeorgia
ეკონომიკის სამინისტრომ გარანტირებული სიმძლავრის პირველი აუქციონი 2023 წელს გამოაცხადა და ბიზნესს 300 მეგავატის სიმძლავრე შესთავაზა. პირველ აუქციონში მონაწილეობა 78-მა კომპანიამ მიიღო და აუქციონში მათგან 24-მა გაიმარჯვა. (300 მგვტ გადანაწილდა შემდეგი სახით: 150 მგვტ. ჰიდროელექტროსადგურებისთვის (მოდინებაზე არსებული), 70-70 მეგავატი ქარის და მზის ელექტროსადგურებისთვის, ხოლო 10 მგვტ. კი სხვა განახლებად ენერგიაზე მომუშავე ელექტროსადგურებზე. პირველი აუქციონისგან განსხვავებით, რიგით მეორე აუქციონში მზის და ქარის ელექტროსადგურები ენერგიის შემნახველი მოწყობილობებით გვხვდება. გამართლდა თუ არა მოლოდინები რიგით მეორე CFD აუქციონთან მიმართებით? სტუმარი: მაია მელიქიძე - GREDA-ს აღმასრულებელი დირექტორი; #ახალიამბები #BusinessMediaGeorgia
cfd აუქციონმა კიდევ ერთხელ დააყენა დღის წესრიგში ბაზრის გახსნის საკითხი. ელექტროენერგეტიკული ბირჟის გახსნის ვალდებულება, რომელიც ქვეყანამ ევროპის ენერგეტიკულ გაერთიანებაში გაწევრიანებით აიღო, ჯერ კიდევ 2019 წლის ბოლომდე უნდა შეესრულებინა, თუმცა ბირჟის გახსნა უკვე 6-ჯერ გადავადდა. გადავადების ერთ-ერთ მიზეზად რეგიონში არსებული გამოწვევები დასახელდა. ბოლო დედლაინი 1 ივლისს იწურება. რამდენად მზად არის ქვეყანა ბირჟის გახსნისთვის, მოიხსნა თუ არა ის რისკები, რაც საფუძვლად ედო მისი გახსნის გადადებას? რას ამბობენ დარგის სპეციალისტები და რა რისკები შეიძლება ახლდეს ბირჟის გახსნას? #ახალიამბები #BusinessMediaGeorgia
რესტორნებმა მენიუში ფასი დღგ-ის და მომსახურების ხარჯის ჩათვლით უნდა მიუთითონ - ამის შესახებ ინფორმაცია დღეს კონკურენციის და მომხმარებლების დაცვის სააგენტომ გაავრცელა. როგორც სააგენტოს განცხადებაშია ნათქვამი, სააგენტოს მიერ მიღებული გადაწყვეტილების მიხედვით, თითოეული მოვაჭრე ვალდებულია - მკაფიო და გასაგები ფორმით, კვების მენიუში ცვლილება შეიტანოს და მომხმარებელს ინფორმაცია საქონლის საბოლოო (ჯამური) ფასის შესახებ მიაწოდოს, რომელშიც მითითებული იქნება დღგ და ყველა სხვა გადასახადი. მათ შორის, მომსახურების გადასახადი. რატომ მიიღო სააგენტომ აღნიშნული გადაწყვეტილება და ექნება თუ არა ამას გავლენა სარესტორნე ბიზნესზე. #ახალიამბები #BusinessMediaGeorgia
მეტი გამჭვირვალობის მოლოდინია მთავრობის განკარგულებებთან დაკავშირებითაც. პრემიერის განცხადების შემდეგ ვიცე პრემიერმა, რომელიც რამდენიმე თვის წინ მათ შორის ბიემჯის კითხვის საპასუხოდ ირწმუნებდა რომ კანონი არ ირღვეოდა და განკარგულებები ქვეყნდებოდა, თქვა, რომ ინფორმაციის ხელმისაწვდომობაზე პრობლემები არ იქნება და მთავრობის გადაწყვეტილებები საჯარო იქნება. გიორგი გახარიას პრემიერობისას დამკვიდრებული პრაქტიკით, რომელიც ირაკლი ღარიბაშვილის მთავრობის ხელმძღვანელობის სრულ პერიოდში გაგრძელდა კანონის ვალდებულების მიუხედავად, რომელიც მთავრობის რეგლამენტი ადმინისტრაციას ავალდებულებს, მთავრობის მიერ მიღებული განკარგულებები, გარდა სახელმწიფო საიდუმლოებას მიკუთვნებული საკითხებისა, მიღებიდან ვებგვერდზე მაქსიმუმ სამ დღეში უნდა ატვირთოს, მთავრობის ბოლო გადაწყვეტილება რომელიც ვებ გვერდზე ხელმისაწვდომია 2020 წლით თარიღდება. #ახალიამბები #BusinessMediaGeorgia
რესტორნებმა მენიუში ფასი დღგ-ისა და მომსახურების ხარჯის ჩათვლით უნდა მიუთითონ- ამის შესახებ ინფორმაცია დღეს კონკურენციის და მომხმარებლების დაცვის სააგენტომ გაავრცელა. როგორც სააგენტოს განცხადებაშია ნათქვამი, სააგენტოს მიერ მიღებული გადაწყვეტილების მიხედვით, თითოეული მოვაჭრე ვალდებულია, მკაფიო და გასაგები ფორმით, კვების მენიუში ცვლილება შეიტანოს და მომხმარებელს ინფორმაცია საქონლის საბოლოო (ჯამური) ფასის შესახებ მიაწოდოს. მენიუში მითითებული იქნება დღგ და ყველა სხვა გადასახადი. მათ შორის, მომსახურების გადასახადი. #ახალიამბები #BusinessMediaGeorgia
#ბიზნესსიახლეები bm.ge-სგან / 12.02.2024 რამდენი მილიონის შემოსავალი აქვს "საქნახშირს"? ღვინის 286 ნიმუშიდან 49-ში დარღვევა აღმოჩნდა - სააგენტო შედეგებს აქვეყნებს; “სარესტორნო ბიზნესს კადრების დეფიციტი უფრო აქვს, ვიდრე სტუმრის” - მერიკო გუბელაძე; Caucasus Auto Import-ი 2023 წელს აჯამებს; "საქართველოში ქორწილის აღნიშვნით ძირითადად პოსტსაბჭოთა ქვეყნის მოქალაქეები ინტერესდებიან" - Click Holding; #ახალიამბები #BusinessMediaGeorgia
“ენერგეტიკის დარგში დიდი გამოცოცხლებაა” , - ამის შესახებ კომპანია ბემონის მმართველმა პარტნიორმა საქმის კურსთან ინტერვიუში განაცხადა. როგორც გიორგი მირცხულავამ აღნიშნა, ენერგეტიკის სექტორის წარმატების ერთ-ერთი ფაქტორი სიეფდი მექანიზმია, რომელზეც იმედოვნებს, რომ პროექტის შემდეგი ეტაპები უკეთესი იქნება. მისი თქმით, პოტენციური ინვესტორების მხრიდან საქართველოს ენერგეტიკაზე დაინტერესება მზარდია. როგორი იყო 2023 წელი ენერგეტიკის სექტორისთვის? რა გამოწვევებითა და წარმატებებით შეხვდა დარგი ახალ წელს და რა მოლოდინებია 2024-ში? ~ გიორგი მირცხულავა - „ბემონის“ მმართველი პარტნიორი; #ახალიამბები #BusinessMediaGeorgia
საქსტატმა 2023 წლის ეკონომიკური ზრდის განახლებული ანგარიში გამოაქვეყნა. ახალი შეფასებით, წინა წელს საქართველოს ეკონომიკა 7%-ის ნაცვლად 7.5%-ით გაიზარდა. შეცვლილია წინა წლების ეკონომიკური ზრდის მაჩვენებლებიც. საქსტატის მონაცემებით, 2022 წელს ზრდა 10.4%-ის ნაცვლად 11% იყო, 2021 წელს კი ზრდა 10.5%-ის ნაცვლად 10.6% იყო. სხვა ცვლილებებთან ერთად 2020 წლის რეცესიის მაჩვენებელიც გადაიხედა, რომლის თანახმადაც ეკონომიკური ვარდნა 6.8%-ის ნაცვლად 6.3% იყო, 2019 წელს კი 5%-ის ნაცვლად 5.4% იყო. რა ფაქტორებმა გამოიწვია ზრდა გადათვლილ მთლიან შიდა პროდუქტში და რამდენად ასახავს რიცხვები ეკონომიკის რეალურ ზომას? სტუმარი: გოგიტა თოდრაძე - „საქსტატის“ აღმასრულებელი დირექტორი; #ახალიამბები #BusinessMediaGeorgia
„საქართველოს მთავრობა გამჭვირვალობისა და ანგარიშვალდებულების თვალსაზრისით ყველასთვის მაგალითის მიმცემი უნდა იყოს“- ეს იყო ერთ-ერთი მთავარი გზავნილი ახალი პრემიერ- მინისტრის ირაკლი კობახიძის მხრიდან, რომელმაც დღეს პირველი მთავრობის სხდომა ჩაატარა. მისი განცხადებით, ხელისუფლების თითოეული გადაწყვეტილება მოქალაქეებისთვის მაქსიმალურად ღია უნდა იყოს. ირაკლი კობახიძე ღიაობას სთხოვს ყველა უწყებას. რას ნიშნავს პრემიერის ეს განცხადება სამინისტროებისთვის და რა იცვლება კობახიძის პრემიერობის პირობებში? ვინ გასცა მედიის კითხვებს პასუხები? #ახალიამბები #BusinessMediaGeorgia
#დღისრიცხვი: $2 მლრდ – OpenAI-ს შემოსავალი რეკორდულად გაიზარდა; გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
სალომე ზურაბიშვილი ეროვნული ბანკის საბჭოს წევრობის მსურველ 4 კანდიდატს ეძებს. პრეზიდენტმა კონკურსი უკვე გამოაცხადა, რომელიც 23 თებერვალს დასრულდება, რის შემდეგაც შერჩეული წევრები კანდიდატებს პარლამენტს წარუდგენს. ვინ შეიძლება პრეზიდენტს სივი საბჭოს წევრობისთვის წარუდგინოს უცნობია, თუმცა იმისთვის რომ მხარდაჭერა დეპუტატებისგან მიიღონ პარლამენტიდან გზავნილებში და კრიტერიუმებში რამდენიმე საკითხი ღიად ჩნდება. ქართულ ოცნებაში ამბობენ, რომ წარდგენილი კანდიდატები ეროვნულ ინტერესებს უნდა აკმაყოფილებდნენ. #ახალიამბები #BusinessMediaGeorgia
#ბიზნესსიახლეები bm.ge-სგან / 09.02.2024 Jetour - ახალი ბრენდი ქართულ საავტომობილო ბაზარზე; რატომ იწერენ ქართველები ნივთებს საზღვარგარეთიდან? - Kiwi Post; „ბაზარზე ბიოდეგრადირებადი პარკების 70%-მდე ადგილობრივი წარმოებისაა“ - "აა პლასტი"; შოკოლადის ბოქსების მწარმოებელი Spacebox-ი პირველი სტენდის გახსნას გეგმავს; წელს, "იორა" საექსპორტო ბაზრებზე მუშაობას იწყებს; #ახალიამბები #BusinessMediaGeorgia
მთავრობის პრიორიტეტებში არაერთხელ დასახელებული ენერგეტიკული დამოუკიდებლობის გაზრდისთვის გასაკეთებელი კიდევ ბევრია. მათ შორის დღის წესრიგიდან არ ჩამოდის ენერგეტიკის სამინისტროს დამოუკიდებელ უწყებად დაბრუნების თემა. ხარჯების ოპტიმიზაციის მიზნით, მთავრობამ ენერგეტიკის სამინისტრო 2017 წელს გააუქმა და ის ეკონომიკის სამინისტროს მიუერთდა. მაშინ, როცა წლების განმავლობაში ენერგეტიკაში უძრაობის ხანა იყო, 2022 წლიდან კი ამ მიმართულებით რეფორმების განხორციელება დაიწყო, სპეციალისტები სამინისტროს დამოუკიდებელ უწყებად ფუნქციონირების აუცილებლობაზე საკითხის მიმართ საჭირო კონცენტრირების და კომუნიკაციის პროაქტიულ რეჟიმში გადაყვანისთვის ითხოვენ. #ახალიამბები #BusinessMediaGeorgia
“ვერ ვშოულობთ ხარისხიან ხორცს, ყველს, ბოსტნეულს, გვიჭირს აგრო პროდუქტების სტაბილური მომწოდებლების მოძიება”- სარესტორნე ბიზნესი მორიგ პრობლემაზე ალაპარაკდა. სტუმარმასპინძლობის ინდუსტრიის წარმომადგენლები ამბობენ, რომ პრობლემა აქამდეც არსებობდა, თუმცა პანდემიის შემდეგ რეალობა სულ უფრო გართულდა. როგორ ახერხებს სარესტორნე ბიზნესი ხარისხიანი აგროპროდუქტის დეფიციტის ფონზე ოპერირებას და სად ხედავს სექტორი გამოსავალს? #ახალიამბები #BusinessMediaGeorgia
ენერგეტიკის დარგის სპეციალისტები ენერგეტიკის სამინისტროს აღდგენას ითხოვენ. ხარჯების ოპტიმიზაციის მიზნით, მთავრობამ ენერგეტიკის სამინისტრო 2017 წელს გააუქმა და ის ეკონომიკის სამინისტროს მიუერთდა. მაშინ, როცა წლების განმავლობაში ენერგეტიკაში უძრაობის ხანა იყო, 2022 წლიდან კი ამ მიმართულებით რეფორმების განხორციელება დაიწყო, სპეციალისტები აცხადებენ, რომ აუცილებელია სამინისტროს აღდგენის საკითხი დღის წესრიგში დაბრუნდეს. #ახალიამბები #BusinessMediaGeorgia
საქართველოს რეგიონებში სულ უფრო იმატებს კორუფციის სავარაუდო შემთხვევები. თანამდებობის პირებთან და ბიძინა ივანიშვილთან დაკავშირებული კომპანიები მსხვილ კონტრაქტებს იღებენ სახელმწიფო შემსყიდველებისგან. კორუფციის რუკას საერთაშორისო გამჭვირვალობა საქართველო აქვეყნებს. დოკუმენტში თავმოყრილია ის საეჭვო ტენდერები და გამარტივებული შესყიდვები, რომლებსაც “საერთაშორისო გამჭვირვალობა - საქართველო” იკვლევდა სხვადასხვა დროს და შესაბამის სახელმწიფო სტრუქტურებს ოფიციალურად მიმართავდა რეაგირებისთვის იმ სავარაუდო კორუფციის ფაქტებზე, რომლებიც ამ შესყიდვებში იკვეთებოდა. მაგალითად, აჭარის მაღალმთიანეთის მაჟორიტარის, ანზორ ბოლქვაძის ნათესავების კომპანიებმა 2016-2023 წლებში სახელმწიფო შესყიდვებიდან ჯამში 16 520 805 ლარი მიიღო. ბათუმის საკრებულოს ყოფილ წევრთან, ირაკლი თოფურიძესთან დაკავშირებული კომპანიები - „აჭარგანათება” და „განათება” უკონკურენტოდ იგებენ ტენდერებს აჭარის მუნიციპალიტეტებში - კომპანიებმა 79 627 110 ლარი მიიღეს. სტუმარი: ზვიად ქორიძე - „საერთაშორისო გამჭვირვალობა - საქართველოს“ რეგიონული ოფისების მენეჯერი; #ახალიამბები #BusinessMediaGeorgia
სალომე ზურაბიშვილი ეროვნული ბანკის საბჭოს წევრობისთვის მსურველ 4 კანდიდატს ეძებს. პრეზიდენტმა კონკურსი უკვე გამოაცხადა, რომელიც 23 თებერვალს დასრულდება. ამის შემდეგ, სალომე ზურაბიშვილი კანდიდატებს პარლამენტს წარუდგენს. ქართულ ოცნებაში აცხადებენ, რომ წარდგენილი კანდიდატები ეროვნულ ინტერესებს უნდა აკმაყოფილებდნენ, ოპოზიციაში კი აქცენტს კვალიფიკაციაზე აკეთებენ. გიგა ბენია ესაუბრა კანონმდებლებს. გიგა, რა შემთხვევაში დაუჭერენ მხარს კანდიდატებს დეპუტატები? #ახალიამბები #BusinessMediaGeorgia
ტურიზმის ამჟამინდელი მდგომარეობით BMG კიდევ ერთხელ დაინტერესდა. ამჟამად გადავწყვიტეთ, რომ ბიზნეს ოპერატორების ნაცვლად გიდების და უშუალოდ ტურისტების აზრი მოგვესმინა. რა კრიტერიუმით ირჩევენ ისინი საქართველოს, რა პრობლემებია დარგში და რა არის გამოსასწორებელი ტურიზმის ინდუსტრიაში. #ახალიამბები #BusinessMediaGeorgia
პრივატიზების პროგრამა იმ მაქსიმალური ტემპებით მიმდინარეობს, რომლის ათვისებაც კერძო სექტორს შეუძლია. ამის შესახებ ეკონომიკის მინისტრობის კანდიდატმა პარლამენტში გაერთიანებული კომიტეტების სხდომაზე გამოსვლისას დეპუტატების კითხვების საპასუხოდ განაცხადა, რომელიც სახელმწიფო ქონების პრივატიზების პროგრამის ტემპების დაჩქარებას შეეხებოდა. ლევან დავითაშვილის ინფორმაციით, 2019-2023 წლებში სახელმწიფო ქონების პრივატიზების პროგრამით „100 ქონება ბიზნესს“ ბიზნესიდან 0.5 მლრდ ლარზე მეტის მობილიზება მოხდა, ასევე გასულ წელი ძალიან აქტიური იყო და 2 723 აუქციონი ჩატარდა და დაახლოებით 300 მლნ ლარის მობილიზება მოხდა, რაც 100%-ით მეტით შესრულდა გეგმა. #ახალიამბები #BusinessMediaGeorgia
#ბიზნესსიახლეები bm.ge-სგან / 08.02.2024 2023 წელს საქართველოს ფეროშენადნობების ექსპორტი 61%-ით დაეცა, პროდუქციის ფასი განახევრებულია; წელს ქართული ღვინის პოპულარიზაციისთვის 16 მლნ ლარი დაიხარჯება - რომელია პრიორიტეტული ბაზრები? „N1 გამოწვევა ცოდნის ნაკლებობაა“ - ფერმერები სახელმწიფო პროგრამით ექსპერტული ცოდნის დაფინანსებას ითხოვენ; პირველი Apple Vision Pro თბილისშია; „იკორთა“: წარმოების დაახლოებით 100%-ით ზრდას ვგეგმავთ; #ახალიამბები #BusinessMediaGeorgia
ახალი პრემიერი, თითქმის უცვლელი სამთავრობო გუნდით - პარლამენტი დღეს პრემიერისა და მთავრობისთვის ნდობის გამოსაცხადებლად ემზადება. 0% ოკუპაცია და 0% სიღარიბე - ეს ორი მთავარი პრიორიტეტი დაასახელა კობახიძემ სამთავრობო პროგრამის წარდგენისას. პრემიერ-მინისტრობის კანდიდატის განცხადებით, ქვეყნის ეკონომიკის განვითარებაც მთავრობის საქმიანობის განსაკუთრებული პრიორიტეტი იქნება და ამიტომაც ეკონომიკის მინისტრი ლევან დავითაშვილი ახალ მთავრობაშიც პირველი ვიცეპრემიერის პოზიციას დაიკავებს. პრემიერობის კანდიდატმა უპასუხა დეპუტატების კითხვებსაც. #ახალიამბები #BusinessMediaGeorgia
2024 წელს კაპიტალის ბაზრის გააქტიურებისთვის რამდენიმე ღონისძიება ანონსდება - რამდენად შეძლებს მთავრობა საარჩევნო წელს ამ მიმართულებას სათანადო ყურადღება დაუთმოს, რთული სათქმელია. დაპირება რამდენიმე მიმართულებას მოიცავს. 2024 წელს ტრანზაქციების რეფორმის ფარგლებში, მოძრავი ქონებით დაკრედიტების ხელშეწყობა უნდა მოხდეს, ასევე დაანონსებულია, რომ 2024 წელს განხორციელდება ღონისძიება, რომელიც ხელს უწყობს ალტერნატიული დაფინანსების მექანიზმების განვითარების მარეგულირებელი ჩარჩოს გაუმჯობესებას, მათ შორის შეიქმნება ფაქტორინგის სამართლებრივი ჩარჩო. კაპიტალის ბაზრის ხელშეწყობისთვის სექტორის კურატორობას როგორც ჩანს სააგენტო „აწარმოე საქართველოში“ ჩაიბარებს და 2024 წელს ბონდების გამოშვების თანადაფინანსებას მოახდენს. სააგენტო, მსოფლიო ბანკთან პარტნიორობით, კერძო კაპიტალის ფონდების დაფუძნებაშიც მიიღებს მონაწილეობას. ამ ფონდებში სახელმწიფო ლიმიტირებული პარტნიორი იქნება. მომდევნო 3 წლის განმავლობაში კი, დაგეგმილია 2-3 ფონდის მხარდაჭერა, რომელთა ჯამური მოცულობა 70 მილიონ ლარამდე იქნება. რამდენად პასუხობს მთავრობის გეგმები ბაზრის მოთხოვნას და რა პერიოდში იქნება შედეგები ხილული დასახული ამოცანების შესრულების შემთხვევაში? სტუმარი: ირაკლი ელაშვილი - „ალფა კაპიტალ ედვაიზორის“ მმართველი პარტნიორი; #ახალიამბები #BusinessMediaGeorgia
პარლამენტი ახალი პრემიერისა და მინისტრთა კაბინეტისთვის ნდობის გამოსაცხადებლად ემზადება. პარლამენტში პლენარული სხდომა მიმდინარეობს, სადაც პრემიერობის კანდიდატმა ირაკლი კობახიძემ სამთავრობო პროგრამა წარადგინა. კობახიძეს კითხვებზე პასუხების გაცემაც მოუწევს. პარლამენტის ნდობის მისაღებად კობახიძეს 76 დეპუტატის მხარდაჭერა სჭირდება. რა გზავნილებით წარსდგა პრემიერობის კანდიდატი კანონმდებლების წინაშე. რა მიმართულებით გააკეთა აქცენტი ბიძინა ივანიშვილის მიერ პრემიერად წარდგენილმა ირაკლი კობახიძემ? #ახალიამბები #BusinessMediaGeorgia
მუნიციპალიტეტის მთავრობის სხდომის დასრულების შემდეგ ჟურნალისტების კითხვებს ირაკლი ხმალაძემ უპასუხა. მერის მოადგილესთან ერთდროულად რამდენიმე თემა მოვიკითხეთ და მათ შორის ერთ ერთი თემა უკავშირდება ავტოსაგზაო შემთხვევების დროს გზაზე ავტომობილების გადაადგილების შეფერხებების თავიდან არიდებისთვის ახალ წესებს. #ახალიამბები #BusinessMediaGeorgia