მთავრობა საქართველოს რკინიგზაში მომდევნო 3 წლის განმავლობაში 2 მილიარდი ლარის ინვესტიციის განხორციელებას აანონსებს, რაც მიმართულია „საქართველოს, როგორც ძლიერი, საიმედო და კონკურენტუნარიანი სატრანსპორტო პარტნიორის პოზიციონირების გასაძლიერებლად. მომდევნო წლების განმავლობაში, 2032 წლამდე მთლიანად სატრანსპორტო ინფრასტრუქტურაში საქართველოს მთავრობა 7 მილიარდი დოლარის ინვესტიციას ჩადებს, რა გეგმის ერთ-ერთი შემადგენელი ნაწილი სწორედ რკინიგზის განახლება და გაძლიერებაა. ინფრასტრუქტურის განახლებასთან ერთად საქართველოს რკინიგზაში იცვლება შრომის ანაზღაურებაც. 2027 წლიდან სარკინიგზო ხაზზე დასაქმებული ყველა თანამშრომლის ხელფასი 20 პროცენტით გაზიარდება. აღნიშნული განცხადებები დღეს გამართულ რკინიგზელთა დღის ფარგლებში გაკეთდა. რკინიგზის მასშტაბური განახლების ფარგლებში, რას გეგმავს საქართველოს მთავრობა და რა ნაწილში რჩება გამოწვევები? #ახალიამბები #BusinessMediaGeorgia
საავიაციო გადაზიდვების სექტორში მზარდი დინამიკა ნარჩუნდება. სამოქალაქო ავიაციის სააგენტოს ინფორმაციით, წელს 9 თვეში საქართველოს საერთაშორისო აეროპორტების მიერ გადამუშავებულმა ტვირთების რაოდენობამ 33.6 ათასი ტონა შეადგინა, რაც გასული წლის ანალოგიურ პერიოდთან შედარებით 30%-ით გაზრდილი მაჩვენებელია. სააგენტოს თანახმად, ეს ბოლო ათწლეულის განმავლობაში პირველი 9 თვის ჭრილში დაფიქსირებული ყველაზე მაღალი მაჩვენებელია. რა ტენდენციებია საავიაციო გადაზიდვების ბაზარზე და როგორ აისახება სექტორზე გაძვირებული საავიაციო საწვავი? სტუმარი: შაკო სეთურიძე - CAMEX Airlines-ის საოპერაციო დირექტორი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 08.10.2026 „რუსთავი ალკომ“ ლუდის წარმოება დაიწყო; „ელექტრო ენერგიის წყვეტის კუთხით რაიმე გაუმჯობესება, ჯერჯერობით, არ შეიმჩნევა" - სასტუმრო "ფალიანი"; "სამწუხაროდ, მაღალმხარჯველუნარიანი ტურისტები არ არიან" - Tbilisi Balneological SPA Resort-ის დატვირთვა 8%-ით შემცირდა; Quadrum Global Georgia ქუთაისში $25-მილიონიან „ურბან მოლს“ წლის ბოლომდე გახსნის; გურიიდან ევროპამდე - ქართული ჩაის ექსპორტის გეოგრაფია და გეგმები; რაჭაში მდებარე „ნოველა“ მთელი წლის განმავლობაში იმუშავებს; #ახალიამბები #BusinessMediaGeorgia
რძისა და რძის პროდუქტების სექტორი ახალი რეგულაციებისთვის ემზადება. „დამზადებულია არარძისმიერი ცხიმის გამოყენებით“ - პროდუქტის ეტიკეტზე ამ შინაარსის უნივერსალური პიქტოგრამის დატანა მწარმოებლებისთვის სავალდებულო 2027 წლის პირველი იანვრიდან გახდება. რძე, რძის ნაწარმი და რძის შემცველი პროდუქტი კი გარდა ეტიკეტირებისა, დახლებზე განთავსებითაც გაიმიჯნება -როგორ ხვდება ცვლილებებს სექტორი, როგორ შეცვლის მომხმარებლის ქცევას წითელი პიქტოგრამა #ახალიამბები #BusinessMediaGeorgia
საქართველოში საწვავის ფასი ისტორიულ მაქსიმუმზეა. ბენზინგასამართი სადგურების ნაწილის ტაბლოებზე რეგულარის ღირებულება უკვე გასცდა 4 ლარიან ნიშნულს, დიზელის ფასი კი 5 ლარს უახლოვდება. გამომდინარე იქიდან, რომ საწვავის ფასები ინფლაციაზე ზეწოლას ახდენს, კერძო სექტორი გამოდის ინიციატივით, მთავრობამ დროებით ზომას მიმართოს და საწვავის აქციზი შეამციროს, რაც ბენზინსა და დიზელს გააიაფებს. განიხილავს თუ არა საქართველოს მთავრობა საწვავზე აქციზის შემცირებას, რა არგუმენტებია მათ და კერძო სექტორის მხარეს და აქციზის განაკვეთის შემცირების შემთხვევაში რამდენი თეთრით შეიძლება გაიაფდეს საწვავი ქსელებში. #ახალიამბები #BusinessMediaGeorgia
„დამზადებულია არარძისმიერი ცხიმის გამოყენებით“ - პროდუქტის ეტიკეტზე ამ შინაარსის უნივერსალური პიქტოგრამის დატანა 2027 წლის პირველი იანვრიდან მწარმოებლებისთვის სავალდებულო გახდება. რძე, რძის ნაწარმი და რძის შემცველი პროდუქტი კი გარდა ეტიკეტირებისა, დახლებზე განთავსებითაც გაიმიჯნება -როგორ ხვდება ცვლილებებს სექტორი და როგორ აისახება რეგულაცია მომხმარებელზე. #ახალიამბები #BusinessMediaGeorgia
საქართველოში საწვავის ფასი ისტორიულ მაქსიმუმზეა. ბენზინგასამართი სადგურების ნაწილის ტაბლოებზე რეგულარის ღირებულება უკვე გასცდა 4 ლარიან ნიშნულს, დიზელის ფასი კი 5 ლარს უახლოვდება. გამომდინარე იქიდან, რომ საწვავის ფასები ინფლაციაზე ზეწოლას ახდენს, კერძო სექტორი გამოდის ინიციატივით, მთავრობამ დროებით ზომას მიმართოს და საწვავის აქციზი შეამციროს, რაც საწვავზე ფასის კლების შესაძლებლობას გააჩენს. განიხილავს თუ არა საქართველოს მთავრობა საწვავზე აქციზის შემცირებას, რა არგუმენტებია მათ და კერძო სექტორის მხარეს და აქციზის განაკვეთის შემცირების შემთხვევაში რამდენი თეთრით შეიძლება გაიაფდეს საწვავი ქსელებში. #ახალიამბები #BusinessMediaGeorgia
საქართველო აზერბაიჯანიდან და სხვა ქვეყნებიდან ელექტროენერგიის იმპორტს შუამავალი კომპანიის გარეშე განახორციელებს. როგორიც გუშინ მთავრობის სხდომაზე ირაკლი კობახიძემ განაცხადა, ელექტროენერგიის იმპორტისას შუამავალი კომპანიების გამოყენება აღარ იგეგმება. პრემიერის თქმით, შუამავლის გამორიცხვა სახელმწიფოსთვის ყოველწლიურად რამდენიმე მილიონი ლარის დაზოგვას გამოიწვევს. აღსანიშნავია, რომ სახელმწიფო კომპანია ესკოს მონაცემებით, საქართველოში ელექტროენერგიის შუამავალი რამდენიმე კომპანია ფუნქციონირებს. აზერბაიჯანიდან არის შპს თბილისის საინვესტიციო ჯგუფი; რუსეთიდან შპს ლუქს ენერჯი; სომხეთიდან კი შპს თრეიდინგ სოლოუშენსი. რას შეცვლის მთავრობის გადაწყვეტილება ელექტროენერგიის იმპორტისას შუამავალი კომპანიების გამოთიშვასთან დაკავშირებით და რა გავლენა ექნება მას ენერგეტიკის ბაზარზე? სტუმარი: გია არაბიძე - ენერგეტიკოსი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 07.10.2026 "6 700 მსხვილ ბიზნესს ვემსახურებით" - რა აქცევს "თიბისის" კორპორატიული მიმართულებით საუკეთესოდ? აგვისტოში მშენებლობა თვის ჭრილში გაიაფდა, წლიურად კი 3.4%-ით გაძვირდა; რაჭაში რთველისთვის ემზადებიან - წელს საპროგნოზო მოსავლიანობა 10-15%-ით ნაკლებია; „არტ რაჭაში“ უცხოელი ტურისტების წილი 40%-მდე იყო; Central Hotel გაფართოებას გეგმავს - 12 ნომრიდან უფრო მასშტაბურ ბუტიკურ სასტუმრომდე; საქართველოში წიგნების იმპორტი შემცირდა - სად ვყიდულობთ? #ახალიამბები #BusinessMediaGeorgia
სახელმწიფო საწარმოების რეფორმა ახალ ეტაპზე გადადის. ფინანსთა მინისტრის მოადგილის ინფორმაციით, უახლოეს დღეებში მთავრობა მომავალი წლის სამოქმედო გეგმას დაამტკიცებს, რომელიც მათ შორის სახელმწიფო საწარმოების ფლობის აქამდე არარსებული ფორმის შემოტანას ითვალისწინებს. რას შეცვლის სახელმწიფო მომავალი წლიდან და როგორ ფასდება სახელმწიფოს მიერ დაანონსებული რეფორმა. #ახალიამბები #BusinessMediaGeorgia
მესტიის მუნიციპალიტეტში გამრიცხველიანების პირველადი შედეგით მთავრობა კმაყოფილია, კმაყოფილია რომ ე,წ უკანონო მაინინგთან ბრძოლად წარმატებული აღმოჩნდა და წლების მანძილზე დაუძლეველი პრობლემის დაძვრა მოხდა, რის გამოც ქვეყანა 20 მლნ -ის ელექტროენერგიას კარგავდა. თუმცა დღეს პრემიერს მოუხდა აღიარება რომ სვანეთის ამ მუნიციპალიტეტში ჭარბი მოხმარება მაინც ფიქსირდება. ირაკლი კობახიძის თქმით, საბალანსო მრიცხველი უკვე მესტიის მუნიციპალიტეტის 33 სოფელშია დამონტაჟებული, შედეგად ელექტროენერგიის მოხმარება 22%-ით შემცირდა. ახლა გეგმაა წლის ბოლომდე სრულად დამონტაჟდეს დარჩენილი 48 საბალანსო მრიცხველი 25 სოფელში. გამოსწორდა თუ არა ამ ღონისძიებებით ელექტროენერგიის მიწოდება მესტიაში და როგორია მოლოდინები ზამთრის სეზონისთვის. #ახალიამბები #BusinessMediaGeorgia
უკვე დამონტაჟებული 54 საბალანსო მრიცხველი და 22%-ით შემცირებული ელექტრო ენერგიის მოხმარება - პრემიერ მინისტრმა საზოგადოებას მესტიის გამრიცხველიანების შედეგები გააცნო და აღნიშნა ისიც, რომ ეს მაჩვენებლები საკმარისი არ არის. მისივე განცხადებით, მაინინგის და უკანონო მოხმარების გამო, ქვეყანა დაახლოებით 20 მილიონი ლარის ღირებულების ელექტრო ენერგიას კარგავდა. რამდენად ხელშესახებია უკანონო მაინინგთან ბრძოლის შედეგი, გრძნობს თუ არა ადგილობრივი ბიზნესი და მოსახლეობა ელექტროენერგიის მოხმარებაზე წნეხის მოხსნად და როგორია მოლოდინები ზამთრის სეზონისთვის - თეო სირბილაძე გვიერთდება თემის დეტალებით. #ახალიამბები #BusinessMediaGeorgia
სახელმწიფო საწარმოების რეფორმა ახალ ეტაპზე გადადის. ფინანსთა მინისტრის მოადგილის ინფორმაციით, უახლოეს დღეებში მთავრობა მომავალი წლის სამოქმედო გეგმას დაამტკიცებს, რომელიც მათ შორის სახელმწიფო საწარმოების ფლობის აქამდე არარსებული ფორმის შემოტანას ითვალისწინებს. რას შეცვლის სახელმწიფო მომავალი წლიდან. #ახალიამბები #BusinessMediaGeorgia
ინფრასტრუქტურულ პროექტებში ფასთა ინდექსაციის წესი იცვლება - მთავრობის მიერ მიღებულ დადგენილებაში აღნიშნულია, რომ ცვლილება მიზნად ისახავს სამშენებლო მასალებისა და სამუშაოების გაძვირებისგან გამოწვეული ფინანსური წნეხის შემსუბუქებას, თუმცა ამავდროულად, აწესებს მკაცრ ვადებსა და სანქციებს იმ კომპანიებისთვის, რომლებიც პროცედურებს დაარღვევენ. ახალი რედაქციით მკაფიოდ განისაზღვრა, რომ ფასთა ინდექსაციის მოთხოვნა წარმოადგენს მიმწოდებლის უფლებამოსილებას და არა სავალდებულო წესს. მიმწოდებელს უფლება აქვს, შემსყიდველს ინდექსაციის გამოყენების მოთხოვნით მიმართოს სამუშაოების დასრულების ვადის მე-12 თვის დასრულებამდე. ამასთან, მოქმედი ხელშეკრულებების ფარგლებში დროებითი წესის გავრცელების მოთხოვნის ვადა 60 დღიდან 150 კალენდარულ დღემდე გაიზარდა, ხოლო გამოცხადებულ თუ გამოსაცხადებელ ტენდერებში ხელშეკრულების გაფორმებიდან მიმართვის ვადა 60-ის ნაცვლად 120 კალენდარული დღე იქნება. მკაცრდება დასკვნების წარდგენის წესი, თუმცა გაუქმდა სამხარაულის დასკვნის ვალდებულება. ცვლილებებს უკუ ძალა აქვს და 2026 წლის 4 ივნისიდან წარმოშობილ სამართლებრივ ურთიერთობებზე გავრცელდება. რამდენად პასუხობს ფასთა ინდექსაციის წესში შესული ცვლილებები ბიზნესის მოთხოვნებს და როგორ აფასებენ ინფრასტრუქტურული კომპანიები განახლებულ წესებს? სტუმარი: ნათია ხვედელიძე - „დიკა 2010“-ის ხელმძღვანელი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 06.10.2026 „თბილისი ცენტრალის“ განახლების პროექტი 2027 წელს დასრულდება; მთავრობამ „სქილვილს“ ინოვაციური სტარტაპის სტატუსი მიანიჭა; ქუთაისის სასტუმროები აეროპორტის დატვირთვაზე არიან დამოკიდებული - „ცენტრალ ჰოტელი“; კახეთში გადამუშავებული ყურძნის 99% მაღალი და საშუალო ხარისხისაა - ღვინის სააგენტო; ოჯახური რეცეპტიდან ბიზნესამდე - „ტიო“ სვანური მარილის ექსპორტზე გატანას გეგმავს; #ახალიამბები #BusinessMediaGeorgia
თბილისის უძრავი ქონების ბაზარზე გაყიდვები და ფასები იზრდება, თუმცა ქირის ბაზარი განვითარების იგივე ტემპს არ აჩვენებს. თიბისი კაპიტალის კვლევის მიხედვით, 2026 წლის იანვარ-აგვისტოს ჩათვლით საშუალო გასაქირავებელი ფასი წლიურ ჭრილში 4%-ით შემცირდა, და კვ. მეტრზე 10.1 დოლარი შეადგინა. 8.2%-მდე შემცირდა უძრავი ქონების ამონაგებიც - კლება წლიურად 0.7 % პროცენტული პუნქტია. რას აქვს გავლენა უძრავი ქონების ქირის ფასებზე და რამდენად ინარჩუნებს უძრავი ქონება საინვესტიციო მიმზიდველობას . #ახალიამბები #BusinessMediaGeorgia
კახეთში რთველი აქტიურ ფაზაშია, 6 ოქტომბრის მდგომარეობით პროგნოზირებული მოსავლის ნახევარი უკვე დაბინავებულია. ღვინის ეროვნული სააგენტოს მონაცემებით, რეგიონში უკვე 182 ათას ტონაზე მეტი ყურძენია გადამუშავებული, რომლის 99% მაღალი და საშუალო ხარისხის მოსავალზე მოდის. რა შეცვლა მევენახეების პროტესტის შემდეგ ყურძნის ჩასაბარებელი ფასისა და ხარისხობრივი პარამეტრების ცვლილებამ, რამდენად კმაყოფილი არიან ფერმერები და მოსავლის რა ნაწილს იბარებს კერძო სექტორი? #ახალიამბები #BusinessMediaGeorgia
თბილისის უძრავი ქონების ბაზარზე გაყიდვები და ფასები იზრდება, თუმცა ქირის ბაზარი განვითარების იგივე ტემპს არ აჩვენებს. თიბისი კაპიტალის კვლევის მიხედვით, 2026 წლის იანვარ-აგვისტოს ჩათვლით საშუალო გასაქირავებელი ფასი წლიურ ჭრილში 4%-ით შემცირდა, და კვ. მეტრზე 10.1 დოლარი შეადგინა. 8.2%-მდე შემცირდა უძრავი ქონების ამონაგებიც - კლება წლიურად 0.7 % პროცენტული პუნქტია. რას აქვს გავლენა უძრავი ქონების ქირის ფასებზე და რამდენად ინარჩუნებს უძრავი ქონება საინვესტიციო მიმზიდველობას? #ახალიამბები #BusinessMediaGeorgia
მომავალი წლიდან კი საფინანსო სექტორისთვის ახალი რეგულაცია ამოქმედდება. ფიზიკური პირებისთვის სესხის აღების პირობები მკაცრდება. ეროვნული ბანკის გადაწყვეტილებით, იცვლება სესხის მომსახურების კოეფიციენტი, ანუ PTI, რომელიც განსაზღვრავს, მსესხებლის ყოველთვიური შემოსავლის რა ნაწილის გამოყენება შეიძლება სესხის მომსახურებისთვის. კერძოდ, ამჟამად მოქმედი შემოსავლის 1500-ლარიანი ზღვარი ეტაპობრივად გაიზრდება. 2027 წლის 1 თებერვლიდან 25%-იანი PTI-ის მოთხოვნა 2000 ლარამდე შემოსავლის მქონე პირებზე გავრცელდება, ხოლო 2027 წლის 1 სექტემბრიდან ზღვარი 2500 ლარამდე გაიზრდება. შესაბამისად, ამ კატეგორიის შემოსავლის მქონე მსესხებლებისთვის ყოველთვიური მომსახურების მაქსიმალური მოცულობა 50%-დან 25%-მდე მცირდება, რაც იმას ნიშნავს, რომ მათთვის კრედიტის მაქსიმალური ლიმიტი ნახევრდება. ეროვნული ბანკის განმარტებით, ცვლილების მიზანი ჭარბვალიანობის რისკების შემცირება და ფინანსური სისტემის მდგრადობის შენარჩუნებაა. როგორ აისახება ცვლილებები საბანკო სექტორზე და როგორია დაკრედიტების მაჩვენებლები? სტუმარი: ალექსანდრე ძნელაძე - საბანკო ასოციაციის პრეზიდენტი #ახალიამბები #BusinessMediaGeorgia
2026 წლის პირველი ნახევრის განმავლობაში საქართველოს IT სექტორის შემოსავალი 72%-ით გაიზარდა. ეროვნული ბანკის სტატისტიკიდან ირკვევა, რომ წელს, 6 თვეში სექტორის საგარეო შემოსავალი 352 მილიონი დოლარით გაიზარდა. IT სექტორის შემოსავლების ზრდის დამსახურებაა რომ იზრდება ინფორმაციის და კომუნიკაციის სექტორიც, რომელიც თავის მხრივ ქვეყნის ეკონომიკაში ერთ-ერთი მთავარი კონტრიბუტორია. რას უკავშირდება IT სექტორში არსებული ბუმი. #ახალიამბები #BusinessMediaGeorgia
FMCG ბაზარი ზრდის მაღალ ტრენდს ინარჩუნებს. გალტ ენდ თაგარტის მონაცემებით, მხოლოდ 2026 წლის 6 თვეში ბაზრის შემოსავლებმა 13 მილიარდს გადააჭარბა, რაც წლიურად 11%-ით გაზრდილი მაჩვენებელია. ყველაზე მაღალი ზრდა - 12.8% ბრენდულ ქსელებს ჰქონდათ. არაბრენდული მაღაზიების შემოსავლები 12 %-ით გაიზარდა, ხოლო სხვა ფორმატების 8.1%-ით. შემოსავლების ზრდის მიუხედავად, შემცირებულია ბრენდული ქსელების EBITDA, ასევე შენელებულია ბრენდული ქსელების მხრიდან ახალი მაღაზიების გახსნის ტემპი - რა ტენდენციებს აჩვენებს FMCG ბაზარი და შეამცირებს თუ არა სწრაფი მოხმარების სექტორში ინფლაციას მთავრობის დაანონსებული გეგმები მიწოდების ჯაჭვის დამოკლებაზე. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 05.10.2026 ✔️საქართველოში FMCG სექტორის შემოსავლები 11%-ით გაიზარდა; ✔️8 თვეში ჩაის იმპორტ-ექსპორტი შემცირდა; ✔️თბილისის ბალნეოლოგიურ სპა კურორტში 4-ვარსკვლავიანი სასტუმრო გაიხსნება; ✔️პურის მცხობელთა ასოციაცია ხორბლის საიმპორტო გადასახადის მოხსნაზე სამინისტროსთან კონსულტაციებს გეგმავს; ✔️„აზერბაიჯანმა 10-15 წლით გაგვასწრო“ – „ოდა დიემსი“ საქმიან ტურიზმზე; #ახალიამბები #BusinessMediaGeorgia
2026 წლის პირველი ნახევრის განმავლობაში საქართველოს IT სექტორის შემოსავალი 72%-ით გაიზარდა. ეროვნული ბანკის სტატისტიკიდან ირკვევა, რომ წელს, 6 თვეში სექტორის საგარეო შემოსავალი 352 მილიონი დოლარით გაიზარდა. IT სექტორის შემოსავლების ზრდის დამსახურებაა რომ იზრდება ინფორმაციის და კომუნიკაციის სექტორიც, რომელიც თავის მხრივ ქვეყნის ეკონომიკაში ერთ-ერთი მთავარი კონტრიბუტორია. რას უკავშირდება IT სექტორში არსებული ბუმი? #ახალიამბები #BusinessMediaGeorgia
FMCG ბაზარი ზრდის მაღალ ტრენდს ინარჩუნებს. გალტ ენდ თაგარტის მონაცემებით, მხოლოდ 2026 წლის 6 თვეში ბაზრის შემოსავლებმა 13 მილიარდს გადააჭარბა, რაც წლიურად 11%-ით გაზრდილი მაჩვენებელია. ყველაზე მაღალი ზრდა - 12.8% ბრენდულ ქსელებს ჰქონდათ. არაბრენდული მაღაზიების შემოსავლები 12 %-ით გაიზარდა, ხოლო სხვა ფორმატების 8.1%-ით. შემოსავლების ზრდის მიუხედავად, შემცირებულია ბრენდული ქსელების EBITDA, ასევე შენელებულია ბრენდული ქსელების მხრიდან ახალი მაღაზიების გახსნის ტემპი - რა ტენდენციებს აჩვენებს FMCG ბაზარი და შეამცირებს თუ არა სწრაფი მოხმარების სექტორში ინფლაციას მთავრობის დაანონსებული გეგმები მიწოდების ჯაჭვის დამოკლებაზე. #ახალიამბები #BusinessMediaGeorgia
2027 წლიდან ფიზიკური პირებისთვის სესხის აღების პირობები მკაცრდება. ეროვნული ბანკის გადაწყვეტილებით, იცვლება სესხის მომსახურების კოეფიციენტი, ანუ PTI, რომელიც განსაზღვრავს, მსესხებლის ყოველთვიური შემოსავლის რა ნაწილის გამოყენება შეიძლება სესხის მომსახურებისთვის. კერძოდ, ამჟამად მოქმედი შემოსავლის 1500-ლარიანი ზღვარი ეტაპობრივად გაიზრდება. 2027 წლის 1 თებერვლიდან 25%-იანი PTI-ის მოთხოვნა 2000 ლარამდე შემოსავლის მქონე პირებზე გავრცელდება, ხოლო 2027 წლის 1 სექტემბრიდან ზღვარი 2500 ლარამდე გაიზრდება. ეროვნული ბანკის განმარტებით, ცვლილების მიზანი ჭარბვალიანობის რისკების შემცირება და ფინანსური სისტემის მდგრადობის შენარჩუნებაა. ცვლილება იმ მსესხებლებს შეეხება, რომელთა ყოველთვიური წმინდა შემოსავალი 1500-დან 2500 ლარამდეა. მათთვის დასაშვები სესხის ყოველთვიური მომსახურების მაქსიმალური მოცულობა 50%-დან 25%-მდე მცირდება. შესაბამისად, ამ კატეგორიის შემოსავლების მქონე პირებისთვის ასაღები კრედიტის მაქსიმალური ლიმიტი ნახევრდება. როგორ აისახება ცვლილებები საფინანსო სექტორზე და რა გავლენა ექნება მას დაკრედიტების ტემპზე? სტუმარი: გია პეტრიაშვილი - MBC-ის გენერალური დირექტორი #ახალიამბები #BusinessMediaGeorgia
როგორ უნდა გადაიქცეს შუა - დერეფანი სატრანზიტო გზიდან სრულფასოვან, კონკურენტულ სავაჭრო-ლოგისტიკურ სისტემად - ამ თემაზე მსოფლიო ბანკმა ახალი კვლევა წარადგინა. საერთაშორისო საფინანსო ინსტიტუტს პოზიტიური პროგნოზი აქვს. მსოფლიო ბანკის შეფასებით, 2040 წლისთვის “შუა დერეფნით” ტვირთის გადაზიდვის საერთო მოცულობა 3.6-ჯერ გაიზრდება და 32 მლნ ტონას მიაღწევს, თუმცა ამ მაჩვენებლებზე გასასვლელად აუცილებელია ფიზიკურ ინფრასტრუქტურაში დაახლოებით 25 მლრდ დოლარის ინვესტირება და მილიარდობით დოლარის მიმართვა ლოგისტიკურ აღჭურვილობაში. მსოფლიო ბანკის მიერ გუშინ გამართულ ფორუმისა და შუა დერეფნის შესახებ თავისი ფლაგმანი პუბლიკაციის პრეზენტაციის შემდეგ, ანალიტიკა-მ მოკლე ინტერვიუ ჩაწერა მსოფლიო ბანკის ტრანსპორტის პრაქტიკის მენეჯერთან შომიკ მენდი-რატასთან. #ახალიამბები #BusinessMediaGeorgia
საწვავის გაძვირება ის ძირითადი ფაქტორია, რომელიც ინფლაციაზე მთავარ წნეხს ახდებს. საქსტატის მონაცემებით, სექტემბერში, დიზელი წლიურად 54%-ით, ბენზინი - 30%-ით გაძვირდა და მთლიან ინფლაციაში 2.2 პპ-ის წვლილით აისახა. მთლიანობაში წლიური ინფლაციის დონე აგვისტოს მსგავსად 5.6%-ზე შენარჩუნდა, თუმცა ფასების ზრდაა მთელ რიგ ჯგუფებში. ტრანსპორტის ჯგუფში ფასები 18.7%-ით, კომუნალური მომსახურებები 9.2%-ით, ხოლო ჯანდაცვა 8%-ით არის გაძვირებული. რა გაძვირდა და გაიაფდა ყველაზე მეტად, როგორია ქვეყანაში ინფლაციური მოლოდინები და უნდა ველოდოთ თუ ფასების სტაბილურობისთვის ეროვნული ბანკის მხრიდან მონეტარული პოლიტიკის გამკაცრებას. #ახალიამბები #BusinessMediaGeorgia
სექტემბერში საქართველოში ინფლაცია კვლავ მიზნობრივ 3%-ზე მაღლა შენარჩუნდა. გასულ თვესთან შედარებით, ინფლაციის დონემ საქართველოში 0.4 პროცენტი, ხოლო წლიურმა ინფლაციამ 5.6 პროცენტი შეადგინა. გაძვირება ყველაზე თვალსაჩინო ტრანსპორტის და საწვავის ჯგუფშია, აქ ფასები 18.7%-ით გაიზარდა. ასევე გაძვირებულია კომუნალური მომსახურების ხარჯები- საშუალოდ 9.2%-ით. სურსათის და უალკოჰოლო სასმელების ჯგუფში კი ფასები 3.4%-ით გაიზარდა. რა გაძვირდა და გაიაფდა ყველაზე მეტად ბოლო ერთ წელში, რა ფაქტორები ქმნის ინფლაციაზე წნეხს და როგორია მოლოდინები ბაზარზე? #ახალიამბები #BusinessMediaGeorgia
ხორბლის დეფოლტი რუსეთში და გაზრდილი იმპორტი საქართველოში - რუსეთის სამხრეთ რეგიონებში მარცვლეულის ფასები გასულ წელთან შედარებით განახევრდა და კარგი მოსავლისა და ლოგისტიკური პრობლემების გამო, ტონაზე 13,000 რუბლიდან 5,000 რუბლამდე დაეცა. საქართველოს ხორბლისა და ფქვილის მწარმოებელთა ასოციაციის განცხადებით, რუსეთში ხორბლის ფასის ვარდნის გამო მნიშვნელოვანია საქართველოში რუსული ფქვილის აგრესიული იმპორტი ავიცილოთ თავიდან, რომ არ განმეორდეს 2022 წლის მდგომარეობა , როდესაც საქართველოში წისქვილები გაჩერდა და ქართული ხორბლის ჩაბარება კითხვის ნიშნის ქვეშ დადგა. შესაბამისად დარგობრივი გაერთიანება მიიჩნევს, რომ მნიშვნელოვანია მთავრობამ ამ საკითხის მუდმივი მონიტორინგი განახორციელოს. სტატისტიკა აჩვენებს, რომ რუსეთიდან საქართველოში ხორბლის იმპორტი გაიზარდა. თუ გასული წლის 8 თვეში ქვეყანაში 49,9 მილიონი დოლარის ღირებულების 191 ათასი ტონა ხორბალი შემოვიდა, წელს 8 თვეში ეს მაჩვენებელი 261 ათას ტონას აჭარბებს, რაშიც ქვეყანამ 65,9 მილიონი დოლარი გადაიხადა. რას ცვლის ქართულ ბაზარზე რუსეთიდან გააქტიურებული ხორბლის იმპორტი? სტუმარი: ლადო ბიძინაშვილი - “ბარაქას” გენერალური დირექტორი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 01.10.2026
საფრანგეთის სავაჭრო პალატამ საქართველოში გუშინ ახალი პრეზიდენტი აირჩია. ეს მოვლენა პალატისა და მისი წევრებისთვის განსაკუთრებით მნიშვნელოვანი აღმოჩნდა, რადგან 15 წლის შემდეგ, ეს იყო პირველი შემთხვევა, როდესაც სავაჭრო პალატის პრეზიდენტი შეიცვალა. ღონისძიებას სხვადასხვა ბიზნეს სექტორის წარმომადგენლები, როგორც საქართველოდან, ისე საფრანგეთიდან ესწრებოდნენ. #ახალიამბები #BusinessMediaGeorgia
ბიზნესი სავაჭრო ცენტრებში კომერციული ფართების დეფიციტზე საუბრობს. განსაკუთრებით შეზღუდულია პრემიუმ ლოკაციებზე არსებული სივრცეები, რაც ახალ ბრენდებს სავაჭრო ცენტრებში შესვლის შესაძლებლობას უმცირებს. ბიზნესი ახალ ფართებს ელოდება, Galt & Taggart-ის კვლევის მიხედვით, 2026-2030 წლებში თბილისს დამატებით 141 ათასი კვადრატული მეტრი გასაქირავებელი სავაჭრო სივრცე შეემატება. შესაბამისად, მთავარი საკითხი ისაა, რამდენად დააკმაყოფილებს ახალი მიწოდება ბიზნესის მოთხოვნას და იქნება თუ არა ახალი ფართები სწორედ ის, რაც ბაზარს სჭირდება რა ხდება ბაზარზე და როგორია ქირის ფასები? #ახალიამბები #BusinessMediaGeorgia
ანაკლიის პორტი ერთ-ერთია იმ აუცილებელი საინვესტიციო პროექტებიდან, რომელიც “შუა დერეფნის” განვითარებისთვის მნიშვნელოვანია. როგორ უნდა გადაიქცეს დერეფანი სატრანზიტო გზიდან სრულფასოვან, კონკურენტულ სავაჭრო-ლოგისტიკურ სისტემად - ამ თემაზე დღეს მსოფლიო ბანკმა ახალი კვლევა წარადგინა. საერთაშორისო საფინანსო ინსტიტუტის პროგნოზით, მსოფლიო ბანკის შეფასებით, 2040 წლისთვის “შუა დერეფნით” ტვირთის გადაზიდვის საერთო მოცულობა 3.6-ჯერ გაიზრდება და 32.1 მლნ ტონას მიაღწევს, თუმცა ამ მაჩვენებლებზე გასასვლელად აუცილებელია ფიზიკურ ინფრასტრუქტურაში დაახლოებით 25 მლრდ დოლარის ინვესტირება და მილიარდობით დოლარის მიმართვა ლოგისტიკურ აღჭურვილობაში. რა ვადაში და რის ხარჯზე უნდა მოხდეს დერეფნის ეკონომიკური ტრანსფორმაცია, რა როლი აკისრია ამ პროცესში საქართველოს, და რა გვჭირდება იმისთვის, რომ ქვეყანა უბრალოდ დერეფნის ერთი მონაწილე რგოლი კი არა ეკონომიკური სარგებლის ერთ-ერთი მთავარი მიმღები გახდეს. #ახალიამბები #BusinessMediaGeorgia
თბილისის სავაჭრო სივრცეებზე მოთხოვნა მაღალია, თავისუფალი ფართები კი - შეზღუდული. რა ხდება ბაზარზე, როგორია ქირის ფასები და რამდენად პასუხობს არსებული მიწოდება ბიზნესის მოთხოვნას? #ახალიამბები #BusinessMediaGeorgia
მსოფლიო ბანკი შუა დერეფნის შესახებ ახალი კვლევის ანგარიშს აქვეყნებს . კვლევა საკმაოდ ფართო საკითხს ეხება: როგორ უნდა გადაიქცეს დერეფანი სატრანზიტო გზიდან სრულფასოვან, კონკურენტულ სავაჭრო-ლოგისტიკურ სისტემად. ბანკი ტრანსკასპიური დერეფნის კონტექსტში უახლეს ანგარიშში უკვე 9 ქვეყანას - საქართველოს, აზერბაიჯანს, ყაზახეთს, უზბეკეთს, თურქმენეთს, ყირგიზეთს, ტაჯიკეთს, თურქეთს და სომხეთს განიხილავს. რა ვადაში და რის ხარჯზე უნდა მოხდეს დერეფნის ეკონომიკური ტრანსფორმაცია, -რა როლი აკისრია ამ პროცესში საქართველოს, და რა გვჭირდება იმისთვის, რომ ქვეყანა უბრალოდ დერეფნის ნაწილი კი არა, მისი ეკონომიკური სარგებლის ერთ-ერთი მთავარი მიმღები გახდეს. #ახალიამბები #BusinessMediaGeorgia
როგორი იყო წლის პირველი ნახევარი ვაჭრობის სექტორისთვის, ტრანზაქციების რა წილი მოდის უცხო ქვეყნის მოქალაქეებზე და გაზრდილია თუ არა საშუალო ჩეკის მოცულობა? სტუმარი: ლევან ყარალაშვილი - სავაჭრო ცენტრების ასოციაციის ხელმძღვანელი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 30.09.2026 "ბლექ სი არენას" სახურავი დაზიანებულია - მის აღდგენაზე უტენდეროდ ₾2.66 მლნ დაიხარჯება; თბილისში პირველი Le Méridien-ის ბრენდის სასტუმრო გაიხსნება; აგვისტოში საქართველოში სასტუმროები 7%-ით გაძვირდა - PMC; მცირე მარნებისთვის სერტიფიცირების საფასურის გაუქმების დადგენილება ძალაში შევიდა; "წელს გაყიდვების დაახლოებით 80%-იან ზრდას ველოდებით" - „ჰობი“ წარმადობას აორმაგებს; #ახალიამბები #BusinessMediaGeorgia
ფიზიკური პირებისთვის სესხის აღების პირობები მკაცრდება. ცვლილება იმ კოეფიციენტს, ანუ PTI-ს ეხება, რომელიც განსაზღვრავს, მსესხებლის ყოველთვიური შემოსავლის რა ნაწილის გამოყენება შეიძლება სესხის მომსახურებისთვის. ეროვნული ბანკის ფინანსური სტაბილურობის კომიტეტის მიღებული ცვლილება განსაკუთრებით იმ მსესხებლებს შეეხება, რომელთა ყოველთვიური წმინდა შემოსავალი 1500-დან 2500 ლარამდეა. მათთვის დასაშვები სესხის ყოველთვიური მომსახურების მაქსიმალური მოცულობა ეტაპობრივად, 50%-დან 25%-მდე შემცირდება. უფრო მარტივად რომ ავხსნათ… თუ ადამიანს თვეში 1500 ლარის წმინდა შემოსავალი აქვს, მოქმედი წესებით, მას სესხის მომსახურებისთვის შემოსავლის 50%-ის ანუ მაქსიმუმ 750 ლარის გამოყენება შეუძლია. 2027 წლის 1 სექტემბრიდან ეს ზღვარი 25% გახდება ანუ იგივე შემოსავლის მქონე მსესხებლისთვის სესხის მაქსიმალური ყოველთვიური მომსახურება 375 ლარამდე შემცირდება. შესაბამისად მცირდება იმ მაქსიმალური სესხის მოცულობაც, რომელიც ამ პირს შეუძლია აიღოს. დღეს სებმა იმაზეც მიუთითა, რომ ბოლო წლებში შესაძლოა მოქალაქეების ნომინალური შემოსავალი გაიზარდა, თუმცა რეალური გადახდისუნარიანობა არ შეცვლილა… რითი ხსნის ეროვნული ბანკი დაკრედიტების გამკაცრებას და როგორ აისახება ის მოქალაქეებსა და ბანკებზე ? სტუმარი: დავით უტიაშვილი - ეროვნული ბანკის ფინანსური სტაბილურობის დეპარტამენტის უფროსი #ახალიამბები #BusinessMediaGeorgia
ეროვნული ბანკი ₾1500-2500-მდე შემოსავლის მქონე პირებს 1 თებერვლიდან კრედიტის ლიმიტს უნახევრებს. ცვლილება იმ მსესხებლებს შეეხება, რომელთა ყოველთვიური წმინდა შემოსავალი 1500-დან 2500 ლარამდეა. მათთვის დასაშვები სესხის ყოველთვიური მომსახურების მაქსიმალური მოცულობა 50%-დან 25%-მდე მცირდება. შესაბამისად, ერთი და იმავე შემოსავლის მქონე პირისთვის ბანკიდან ხელმისაწვდომი სესხის მოცულობა, ფაქტობრივად განახევრდება. ანუ ეროვნული ბანკი 1500 ლარიდან 2500 ლარამდე შემოსავლის მქონე პირებს ბანკებიდან ასაღები კრედიტის მაქსიმალურ ლიმიტს უნახევრებს. სებ-ის ფინანსური სტაბილურობის კომიტეტის გადაწყვეტილებით, ამჟამად მოქმედი შემოსავლის 1500-ლარიანი ზღვარი ეტაპობრივად გაიზრდება და 2027 წლის 1 სექტემბრიდან ზღვარი 2500 ლარამდე გაიზრდება. ეროვნული ბანკის განმარტებით, ცვლილების მიზანი ჭარბვალიანობის რისკების შემცირება და ფინანსური სისტემის მდგრადობის შენარჩუნებაა. რა გავლენა ექნება ახალ რეგულაციებს ბაზარზე და როგორია შეფასებები? #ახალიამბები #BusinessMediaGeorgia
ინფორმაცია და კომუნიკაცია ერთ-ერთი წამყვანი სექტორია, რომელსაც საქართველოს მთლიანი შიდა პროდუქტის ზრდაში მნიშვნელოვანი წვლილი შეაქვს. საქსტატი განმარტავს, რომ ზრდა დაფიქსირდა როგორც კომპიუტერული პროგრამების შემუშავების, ისე მომსახურების მოცულობის გაფართოების მიმართულებით. როგორია საერთაშორისო აიტი კომპანიების წვლილი ამ ზრდაში, რამდენად მზარდია მათი ინტერესი საქართველოს იურისდიქციის მიმართ და რა კონტრიბუცია შეაქვთ მათ საქართველოს ბიუჯეტში? სტუმარი: შორენა კოპალეიშვილი - საქართველოს ვირტუალური ზონის პირთა ასოციაციის ხელმძღვანელი #ახალიამბები #BusinessMediaGeorgia
“ამბასადორი აილენდ ბათუმმა” საემიროების წამყვან დეველოპერულ კომპანია „ONE Development“-თან საერთაშორისო პარტნიორობის შეთანხმება გააფორმა. აღნიშნულ შეთანხმებას ხელი მოაწერეს „ამბასადორი აილენდ ბათუმის“ გენერალურმა დირექტორმა, გოჩა კამკიამ და ONE Development ჯგუფის აღმასრულებელმა დირექტორმა, მუსტაფა რაშადმა. ხელმოწერის ოფიციალური ცერემონია აბუ-დაბიში გაიმართა, სადაც „ამბასადორი აილენდ ბათუმი“ LIVEX-ის ფორუმის სტრატეგიული პარტნიორის, ONE Development-ის ოფიციალური მოწვევით, საპატიო სტუმრის სტატუსით მონაწილეობს. გაფორმებული შეთანხმების ფარგლებში, One Development, ამბასადორის კუნძულის ტერიტორიაზე $200 მილიონი დოლარის მოცულობის ინვესტიციას განახორციელებს და უმაღლესი სტანდარტების შესაბამის მულტიფუნქციურ კომპლექსს განავითარებს. #ახალიამბები #BusinessMediaGeorgia
ქონების გადასახადის ზღვარი იზრდება - პარლამენტმა ცვლილებებს 2 საკომიტეტო მოსმენით უკვე განიხილა და პირველი მოსმენით მიიღო კიდევ. კანონპროექტით უქმდება 40 000-ლარიანი ზღვარი და შესაბამისი განაკვეთები, და დგინდება ერთიანი, 100 000 ლარის ოდენობის შემოსავლის ზღვარი, რომლის ფარგლებშიც ფიზიკური პირი ქონების გადასახადისგან თავისუფლდება. კანონპროექტის ინიციატიროების განმარტებით, შეღავათი სავარაუდოდ შეეხება დაახლოებით 81 ათას გადამხდელს, რომელთა შემოსავალი 40 000 დან 100 000 ლარამდეა და რომელთა მიმართ დარიცხული გადასახადი 2025 წელს 22,3 მილიონ ლარს შეადგენდა. თუმცა, სპეციალისტების შეფასებით, საკანონმდებლო ცვლილებების შედეგად, ქვეყანაში დაბეგვრის არსებული რეჟიმი პრინციპულად არ იცვლება და ახალი სქემა არ დანერგილა, არადა წლების წინ ფინანსთა სამინისტრო სრულფასოვან რეფორმას აანონსებდა. რას ცვლის ახალი მოდელი და როგორია შეფასებები; #ახალიამბები #BusinessMediaGeorgia
საწვავის ადგილობრივი ფასები ისტორიულ მაქსიმუმზეა - ბოლო ერთ თვეში ქვეყანაში მოქმედ ბრენდირებული გასამართი სადგურების ქსელებში სხვადასხვა ტიპის საწვავი 19-დან 50 თეთრამდე გაძვირდა. ფასების კორექცია კი საერთაშორისო ბირჟებზე ნავთობის გაძვირების პარალელურად ხდება. სამშაბათის ვაჭრობაზე, ბრენტის მარკის ნავთობის ფასი კი 105 დოლარს აღწევს. გაძვირებული საწვავის გარდაუვალი გვერდითი ეფექტი - სამომხმარებლო ფასებზე ზეწოლაა. მწარმოებლები და დისტრიბუტორები გაზრდილ ხარჯებზე მიუთითებენ. აისახა თუ არა ეს ხარჯები დახლებზე პროდუქციის ფასებში, როგორია საწვავის ფასების გავლენა ყოველდღიური მოხმარების პროდუქტებზე და გაძვირება თუ არა კიდევ საწვავი #ახალიამბები #BusinessMediaGeorgia
საინვესტიციო ბანკ Galt & Taggart-ის შეფასებით, ზაფხულში ჭარბი გენერაციის ტექნიკური შეზღუდვით დაახლოებით 0,5 ტვტ სთ ელექტროენერგია ვერ გამომუშავდა, რაც 8 თვის ჯამური განახლებადი გენერაციის 6,1%-ია. Galt & Taggart-ის ანალიტიკოსები აღნიშნავენ, რომ ზაფხულის შედეგები საინვესტიციო კლიმატის სისტემის საჭიროებებზე მორგების აუცილებლობას აჩვენებს. მათი აზრით, ახალი პროექტების მხარდაჭერისას, მეტი მნიშვნელობა უნდა მიენიჭოს გამომუშავების სეზონურობასა და სისტემის საიმედოობაში მათ წვლილს, რაც CFD-ის პირობებსა და ტარიფებშიც უნდა აისახოს. გარდა ამისა, რაზე ამახვილებს ყურადღებას გალტი ელექტროენერგიის ბაზრის მიმოხილვაში, რა აჩვენა წლის პირველმა 8 თვემ? სტუმრები: მარიამ ჩახვაშვილი - Galt & Taggart-ის სექტორის უფროსი ანა ჯეჯელავა - Galt & Taggart-ის უფროსი ანალიტიკოსი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 28.09.2026
ფერმერებისთვის თხილის სეზონი საკმაოდ მძიმედ დაიწყო. როგორც სექტორში ამბობენ, შარშანდელთან შედარებით, ფასები საგრძნობლად დაბალია და კლების ტენდენციაც გრძელდება. წლევანდელი მოსავალი არც ხარისხით გამოირჩევა, შესაბამისად, მოლოდინია, რომ საექსპორტო მაჩვენებლები შემცირდება, რაც მზარდი კონკურენციის ფონზე ქართულ პროდუქციას მნიშვნელოვან დაბრკოლებებს შეუქმნის #ახალიამბები #BusinessMediaGeorgia
შრომის კანონმდებლობა და უსაფრთხოების სტანდარტები გადახედვას საჭიროებს - ამის შესახებ ბიზნეს სექტორის ნაწილი აცხადებს. მათი შეფასებით, არსებული რეგულაციების ბუნდოვანება, პრაქტიკაში ჩამოყალიბებული ორმაგი სტანდარტები და აღსრულების სირთულეები კერძო სექტორში მნიშვნელოვან შეფერხებებსა და სამართლებრივ დავებს იწვევს. ინსპექციამ ჯანდაცვის მინისტრთან ერთად მორიგი შეხვედრა გამართა საქართველოს ბიზნეს ასოციაციასთან. როგორც ასოციაციაში განმარტავენ, ამ ეტაპზე უწყებასთან დიალოგი ძირითადად სამშენებლო სექტორს ეხება, სადაც ყველაზე მწვავედ დგას ხარაჩოების უსაფრთხოების სტანდარტებთან შესაბამისობის საკითხი. ასოციაცია ახლა მუშაობს ალტერნატიული სტანდარტების შედარებასა და ანალიზზე და აცხადებს რომ უსაფრთხოების მაღალი ხარისხის მიღწევა სხვა, უფრო მოქნილი სტანდარტებითაც არის შესაძლებელი. როგორ უყურებს შრომის ინსპექცია ამ საკითხს და რა შენიშვნები აქვს ბიზნეს სექტორს? #ახალიამბები #BusinessMediaGeorgia
განვითარების რა ეტაპზეა საქართველოს ინტერნეტ ინდუსტრია და რა გამოწვევები არსებობს საქართველოს ტელეკომ ბაზარზე? სტუმარი: უჩა სეთური - ტელეკომ ოპერატორების ასოციაციის ხელმძღვანელი #ახალიამბები #BusinessMediaGeorgia
საბანკო დაკრედიტებაში უძრავი ქონების დეველოპმენტის სექტორს კვლავ პირველი პოზიცია უჭირავს. სექტორის საკრედიტო პორტფელი 5.38 მილიარდ ლარს შეადგენს, რაც წლიურად 27%-იანი ზრდაა. საკრედიტო პორტფელის მოცულობით მეორე ადგილს უძრავი ქონების მენეჯმენტის სექტორი იკავებს, რომლის დაკრედიტებაც 4.53 მილიარდ ლარს შეადგენს და წლიურად 26%-ით არის გაზრდილი. 27%-ით არის გაზრდილი ენერგეტიკის სექტორზე გაცემული სესხების მოცულობა. ვიდრე უძრავი ქონება და ენერგეტიკა მაღალი ტემპით ფართოვდება, ტურიზმში, ჯანდაცვასა და მძიმე მრეწველობაში დაკრედიტება მნიშვნელოვნად მცირდება. რა ფაქტორები განაპირობებს ბაზარზე არსებულ ცვლილებებს, რამ გამოიწვია ცალკეული დარგების გაჯერება და როგორია დარგის მოლოდინები? #ახალიამბები #BusinessMediaGeorgia