2020 წლის პირველ ოთხ თვეში საქართველოში საქონლით საგარეო სავაჭრო ბრუნვამ 3 მლრდ 463 მლნ დოლარი შეადგინა, რაც წინა წლის შესაბამის პერიოდთან შედარებით 11.8 პროცენტით ნაკლებია. აქედან ექსპორტი 1 მლრდ 100 მლნ იყო ანუ 11.9 პროცენტით ნაკლები, ხოლო იმპორტისთვის ქვეყნიდან 2 მლრდ 462 მლნ აშშ დოლარი გავიდა, რაც 11.8%-ით ნაკლებია. #ახალიამბები #BusinessMediaGeorgia
ეკონომიკის ამოქმედების გეგმის მორიგ ეტაპზე გახსნისთვის სავაჭრო მოლები ემზადებიან. მთავრობის წარმომადგენლებთან რამდენიმერაუნდიანი შეხვედრებს შემდეგ უკვე ცნობილია იმ რეგულაციების ნუსხის შესახებ, რომელიც მოლებმა, მათმა მოიჯარე მაღაზიებმა და თავად მომხმარებლებმა სავალდებულოდ უნდა შეასრულონ. რომელი სავაჭრო ცენტრი როდის გაიხსნება? #ახალიამბები #BusinessMediaGeorgia
თამბაქოს ნაწარმი შესაძლოა 15 გრამიან შეფუთვებშიც გამოჩნდეს - ცვლილებებს ახალი საკანონმდებლო ინიციატივა ითვალისწინებს, რომელიც საქართველოს პარლამენტში უკვე რეგისტრირებულია. დღეს ე.წ დაჭრილი თამბაქოს რეალიზაცია, მხოლოდ 50 და 100 გრამიან შეფუთვებში ნებადართული. სტუმარი: ზვიად სხვიტარიძე - #BAT; კორპორატიული და იურიდიული დირექტორი კავკასიაში #ახალიამბები #BusinessMediaGeorgia
ძალიან ბევრ კომპანიას გაუჭირდება, მათ შორის ჩვენს კომპანიასაც - ასე აფასებს პოსტპანდემიურ პერიოდში კომპანიების მდგომარეობას სარემონტო მასალების მწარმოებელი და იმპორტიორი კომპანია „ზოდის“ დამფუძნებელი ზაურ გაბაიძე. ის მიჩნევს, რომ შეღავათები რაც სახელმწიფომ კერძო სექტორს გაუკეთა მნიშვნელოვანია, თუმცა ბიზნესისთვის ახლა ფინანსებზე ხელმისაწვდომობა მაქსიმალურად უნდა გამარტივდეს, რათა კომპანიები გადარჩნენ. ამაში კი მათ სახელმწიფო უნდა დაეხმაროს. სტუმარი: ზაურ გაბაიძე - კომპანია „ზოდის“ დამფუძნებელი #ახალიამბები #BusinessMediaGeorgia
პირობები რომლითაც კაფე-ბარებსა და რესტორნებს მუშაობა შეეძლებათ ცნობილია. ცოტა ხნის წინ საქართველოს გასტრონომიის ასოციაციამ გაავრცელა გაიდლაინები, რომლის დაცვაც რესტორნებს მოუწევთ. #ახალიამბები #BusinessMediaGeorgia
რა პირობებით შეეძლებათ კაფე-ბარებსა და რესტორნებს მუშაობა? ცოტა ხნის წინ საქართველოს გასტრონომიის ასოციაციამ გაავრცელა ის გაიდლაინები, რომლის დაცვაც რესტორნებს მოუწევთ. გაიდლაინებს შორის ხვდება მაგიდების წინასწარი ჯავშანი, თერმოსქრინინგი ასევე უპირატესობა მიენიჭება უნაღდო ანგარიშსწორებას. სტუმარი: შოთა ბურჯანაძე – რესტორნების ასოციაციის პრეზიდენტი #ახალიამბები #BusinessMediaGeorgia
შრომის კოდექსში შესატანი ცვლილებების პროექტი პარლამენტშია. კანონპროექტების პაკეტმა გასულ წელს ბიზნესის და არასამთავრობო სექტორის კრიტიკა დაიმსახურა, მას შემდეგ, შინაარსი გარკვეულწილად შეიცვალა, თუმცა მთელი რიგი შეზღუდვები რჩება. დოკუმენტის მიხედვით, ნორმირებულ სამუშაო დრო კვირის განმავლობაში არის 40 საათი. ზეგანაკვეთური შრომა კი შესაბამისი ფორმულით უნდა ანაზღაურდეს, რომლის თანახმად, ზეგანაკვეთური საათების გასამრჯელო ნორმირებული სამუშაოსთვის გადახდილი თანხის მინიმუმ 125% უნდა იყოს. რაც შეეხება კანონის აღსრულებას, ამას შრომის ინსპქცია, მისი გაფართოებული მანდატით უზრუნველყოფს. #ახალიამბები #BusinessMediaGeorgia
ეკონომიკის გახსნის ტემპი მთავრობის გადაწყვეტილებით დაჩქარდა. ორშაბათიდან მუშაობას გაანახლებენ სილამაზის სალონები და ესთეტიკური მედიცინის ცებტრები, რომლებიც გეგმის მიხედვით 8 ივნისს უნდა განხსნილიყო, თუმცა დღემდე უცნობია როდის გაიხსნება ფეხსაცმლისა და ტანსაცმლის მაღაზიები, რომლებიც არანაკლებ დააზარალა ქვეყანაში არსებულმა შეზღუდვებმა. რას ითხოვენ დღეს კომპანიები რომლებიც ამ მიმართულებით საქმიანობენ, რა სჭირდებათ მათ ყველაზე მეტად? #ახალიამბები #BusinessMediaGeorgia
„როდესაც სოფლის მეურნეობა ფინანსირდება 300 მლნ ლარით, ჩვენ უნდა ვიცოდეთ ,ეს ქველმოქმედებაა თუ ამას ექნება ეფექტი“-ამის შესახებ საქმის კურსთან მთავრობის ანტიკრიზისული გეგმის შეფასებისას ბიზნესმენმა თემურ ჭყონიამ განაცხადა. თემურ ჭყონია - ბიზნესმენი #ახალიამბები #BusinessMediaGeorgia
ეკონომიკის გახსნის ტემპები ჩქარდება- მთავრობის გადაწყვეტილებით, 18 მაისიდან სილამაზის და ესთეტიკის სალონები გაიხსნება. რა წესების დაცვა მოუწევს სილამაზის და ესტეთიკის სალონებს, როგორ მოხდება მათი კონტროლი, შრომის პირობების ინსპექტირების დეპარტამენტის უფროსი? სტუმარი: ბექა ფერაძე - შრომის პირობების ინსპექტირების დეპარტამენტის უფროსი #ახალიამბები #BusinessMediaGeorgia
ანაკლიის პორტის “ახალი სიცოცხლე” #ახალიამბები #BusinessMediaGeorgia
საქართველოში კორონავირუსის მაჩვენებლების გაუმჯობესების კვალდაკვალ, მთელი აქცენტი ეკონომიკურ აქტივობებზე გადადის. ზოგი იხსნება, ზოგიც ისევ ცდილობს ჯანდაცვის უსაფრთხოების ახალი ნორმების ათვისებას და გეგმების უფრო მოკრძალებულად დალაგებას, თუნდაც იმიტომ რომ არავინ იცის, რა იქნება შემოდგომასა და ზამთარში. იქიდან გამომდინარე, რომ ჩვენი ქვეყანა მთელი რიგი მიმართულებით იმპორტზეა დამოკიდებული, ფულადი გზავნილების და საერთაშორისო ვიზიტორების კუთხით კი პროგნოზები არასახარბიელოა, მთავრობა ადგილობრივი წარმოების სტიმულირებაზე აგებს პროგრამებს. დაანონსებულ მხარდამჭერ პაკეტებში კი ჯერ ყველა ვერ მოხვდა. რა ჩანს შედარებით დიდ სურათში, რაც დღეს ქვეყნის ეკონომიკაშია? სტუმარი: ლაშა პაპაშვილი - ბიზნესმენი #ახალიამბები #BusinessMediaGeorgia
მედიკამენტები გაძვირდა. აქ მთავარი ფაქტორი ლარის კურსია. ეროვნული ვალუტა 2020 წლის 1 იანვრიდან დღემდე პერიოდულად უფასურდება, ამიტომ იმ ბიზნესებს შორის, რომელთაც იმპორტირებულ პროდუქციაზე ფასების გაზრდა მოუწიათ, ფარმაცევტული სექტორიც არის. საქართველოს ბაზარზე მედიკამენტების ფასები, საქმის კურსმა როგორც მომხმარებლებთან, ისე იმპორტიორებთან გაარკვია. #ახალიამბები #BusinessMediaGeorgia
ფერმერები 1 ჰექტარ მიწაზე სახელმწიფოსგან 200 ლარის ოდენობით დახმარებას მიიღებენ - ოთარ დანელია საქმის კურსში სტუამრი: ოთარ დანელია - აგრარულ საკითხთა კომიტეტის თავმჯდომარე #ახალიამბები #BusinessMediaGeorgia
რა შეუკვეთა ბიზნესმა და რა მიიღო? კერძო სექტორი საქართველოს მთავრობის სოფლის მეურნეობის დახმარების პროგრამას აფასებს. სალომე მეცხვარიშვლი ესაუბრა სოფლის მეურენობაში ჩართულ პირებს, ადამიანებს, რომლებსაც უშუალოდ ეხებათ ის მხარდამჭერი პაკეტი, რომლის პრეზენტაციაც რამდენიმე საათის წინ შედგა.მოსწონს თუ არა ბიზნესს წარდგენილი გეგმა და რა შენიშვნები აქვთ მათ? #ახალიამბები #BusinessMediaGeorgia
300 მილიონი სოფლის მეურნეობას, 100 მილიონით მეტი ვიდრე ტურიზმს - მთავრობამ დღეს სოფლის მეუნეობის ანტიკრიზისრული გეგმა წარმოადგინა. მთავარი რიცხვები და შეღავათები ასეთია - 17 % -იანი თანადაფინანსება სესხზე - 70 % იანი თანადაფინანასება აგრო დაზღვევაზე. ასევე წარმოდგენილი გეგმის მიხედვით, ფერმერები 1 ჰექტარ მიწაზე სახელმწიფოსგან 200 ლარის ოდენობით დახმარებას მიიღებენ. გარდა ამისა, მათ დიზელის საწვავს ბაზარზე არსებულ ფასთან შედარებით 1 ლარით იაფად შეიძენენ, ხოლო საირიგაციო საფასურისგან სრულად გათავისუფლდება ყველა ფერმერი. გეგმაში საუბარი იყო , იმაზეც, რომ ის ფერმერები, რომლებიც 2020 წლის ბოლომდე მიწებს დაირეგისტრირებენ, სახელმწიფო დახმარებებით და შეღავათებით ისარგებლებენ. #ახალიამბები #BusinessMediaGeorgia
საქართველოს ეროვნული ბანკი საფინანსო სისტემის ხელშეწყობის მიზნით, ახალ პროგრამას იწყებს. სებ-ის განმარტებით, კომერციულ ბანკებს მათში არსებული უცხოური ვალუტის რესურსის უზრუნველყოფაში ჩადების სანაცვლოდ, ეროვნული ბანკისგან ლარის რესურსის მიღების შესაძლებლობა ექნებათ. ეს კი ნიშნავს, რომ ეროვნული ბანკი კომერციულ ბანკებთან, სვოპის ხელშეკრულებებს გააფორმებს. ლარის რესურსი, რომელსაც ბანკები უცხოური ვალუტის უზრუნველყოფაში ჩადების სანაცვლოდ მიიღებენ, ქვეყნის ეკონომიკის დაკრედიტების გასაზრდელად მიიმართება. სტუმარი: დავით უტიაშვილი - ეროვნული ბანკის ფინასნური სტაბილურობის დეპარტამენტის უფროსი #ახალიამბები #BusinessMediaGeorgia
შესაძლებელია თუ არა სესხებზე დაწესებული 3 თვიანი შეღავათი გაგრძელდეს. საბანკო ასოციაციის ხელმძღვანელი, BMG-სთან საუბრისას აცხადებს, რომ ახლა კონკრეტულ დეტალებზე მსჯელობა რთულია, თუმცა კომერციულ ბანკებს შესაძლოა ინდივიდუალური შეთავაზებები ქონდეთ. #ახალიამბები #BusinessMediaGeorgia
1000-მდე გათავისუფლებული თანამშრომელი და მილიონობით დოლარის ზარალი, რომელიც ჯერ საბოლოოდ დათვლილი არ არის - ეს არის ავიაკომპანია ვიზეარზე კორონავირუსის ეფექტი ბოლო თვეების განმავლობაში. კომპანია ამ ეტაპზე მხოლოდ 3%-იანი დატვირთვით მუშაობს. დაბალბიუჯეტიან ავიაკომპანიას შეზღუდვების გამო შეჩერებული აქვს ფრენები საქართველოშიც. თუმცა, გასულ კვირას საქართველოს მთავრობამ განაცხადა, რომ 1 ივლისისთვის ქვეყნის საზღვრები იხსნება. ეკონომიკის მინისტრის ნათია თურნავას თქმით, უკვე დაწყებულია მოლაპარაკებები ვიზეართან ფრენების განახლების თაობაზე. იმოქმედებს თუ არა კორონავირუსი ავიაბილეთების ღირებულებაზე? ანდრაშ რადო - Wizz Air-ის კორპორატიული კომუნიკაციების ხელმძღვანელი #ახალიამბები #BusinessMediaGeorgia
რას ითხოვს სადაზღვევო სექტორი დღეს და რა ზარალზე საუბრობს ბიზნესი? #ახალიამბები #BusinessMediaGeorgia
ტანსაცმელებისა და ფეხსაცმელების მაღაზიები ისევ დახურულია, ასევე ბიზნესში არიან ისეთებიც, ვინც ჯანდაცვის უსაფრთხოების ახალი ნორმების ათვისებისთვის მზად არიან, მაგრამ ეკონომიკის გახსნის ეტაპებში ჯერ ადგილი ვერ იპოვეს. რას ითხოვს კერძო სექტორი? დავით ჩხეიძე - The North Face-ის წარმომადგენელი საქართველოში #ახალიამბები #BusinessMediaGeorgia
აპრილის თვეში მიმდინარე სამშენებლო პროექტების 11 % შეჩერდა, 67% კი შეფერხდა. რაც შეეხება სამომავალო პროექტებს გამოკითხულთა 67% აღნიშნა, რომ დაგეგმილი პროექტების დაწყება მინიმუმ სამის თვით ან უფრო რეალისტურად 1 წლით გადავადდება. მოკლედ ყველა ის პროექტი რომელიც უნდა დაწყებულიყო კონცეპტუალური დაგეგმარების ეტაპზე რჩება - ასეთია ქუშმან ენდ ვეიქფილდის კლევის შედეგები. რა აჩევნა კვლევამ, სად არის დღეს სექტორი? #ახალიამბები #BusinessMediaGeorgia
რამდენად შეიძლება გაიზარდოს 2020 წელს საქართველოში უმუშევრობის დონზე? რამდენ პროცენტიანი კლება ემუქრება ეკონომიკას? ან რა ელის ლარის კურსს - უფრო მეტად გაუფასურება თუ გამაყრება ან არსებულ დონეზე შენარჩუნებაზე. ამ კითხვებზე პასუხებს, უფრო სწორედ პროგნოზებს საქართველოს ეროვნული ბანკის მიერ გამოქვეყნებულ მაკროეკონომიკური საპროგნოზო სცენარებში ვიპოვით. საქმე იმაშია, რომ მოსალოდნელი საკრედიტო დანაკარგების შეფასებისას გათვალისწინებული უნდა იქნას მაკროეკონომიკური ფინანსური ფაქტორების ანალიზი, მოსალოდნელი ტენდენციები და რისკები. #ახალიამბები #BusinessMediaGeorgia
დღეიდან, კორონავირუსის პანდემიის ფარგლებში ქვეყანაში საგანგებო მდგომარეობით გათვალისწინებული შეზღუდვების ნაწილი, რომელიც გადაადგილების, ასევე ეკონომიკური საქმიანობის შეზღუდვას ეხება, იხსნება. კერძოდ, დღეს გაიხსნება ყველა სახის წარმოება, ყველა სახის საცალო და საბითუმო მაღაზია, რომელსაც აქვს შესასვლელი ქუჩიდან და რომელიც არ ვაჭრობს ტანსაცმლით და ფეხსაცმლით. „შეზღუდვის მოხსნა სავაჭრო ცენტრებზე ამ ეტაპზე არ ვრცელდება”, - აცხადებს პრემიერ-მინისტრი. ამასთან, დღეიდან სრულად იხსნება თბილისში მიმოსვლა, თუმცა ეს არ ნიშნავს იმას, რომ მოიხსნება კომენდანტის საათი. არსებული გეგმის მიხედვით, 14 მაისიდან სრულად გაიხსნება მიმოსვლა რუსთავსა და გარდაბანში, 18 მაისიდან კი სრულად გაიხსნება მარნეული. სტუმარი: გიორგი ჭედია - გრანდ ელექტრონიქსის კომერციული დირექტორი #ახალიამბები #BusinessMediaGeorgia
იმპორტზე დამოკიდებულ საქართველოში, ლარის კურსის რყევები ბიზნესისთვის ისევ ერთ-ერთ მთავარ პრობლემად რჩება. დისტრიბუტორები, მწარმოებლები და მომხმარებლები კვირიდან კვირამდე ეროვნული ვალუტის კურსის ახალ ნიშნულს აკვირდებიან და პარალელურად ზარალს ითვლიან. ჩვენ გადავწყვიტეთ, სხვადასხვა სექტორის მდგომარეობაზე ბოლო ინფორმაცია მოგაწოდოთ. უკვე ამოქმედებული საშეღავათო სისტემების გარდა, ბიზნესის არაერთი სექტორი სახელმწიფოსგან ხელშეწყობის დამატებით მექანიზმებს ელოდება. გარდა ამისა, მათ გარკვეული შენიშვნები აქვთ ეროვნული ბანკის მისამართით. #ახალიამბები #BusinessMediaGeorgia
მთავრობამ ტურიზმის ანტიკრიზისული გეგმა წარადგინა და გავიგეთ ის, რომ ტურისტული სექტორისთვის დახმარება 200 მილიონი ლარი იქნება, ხოლო სასტუმროებს 5 მლნ ლარის სესხის პროცენტის 80%-ს 6 თვის განმავლობაში მთავრობა დაუფარავს. გარდა ამისა, ტურიზმის სექტორი წელს ქონების გადასახადისგან სრულად გათავისუფლდება, საშემოსავლოს კი 9 თვით გადაუვადებენ. #ახალიამბები #BusinessMediaGeorgia
მაისიდან ყველა ტიპის წარმოება დასაშვები ხდება. ამის შესახებ პრემიერ-მინისტრმა გიორგი გახარიამ განაცხადა. ასევე დღეს გამოქვეყნდა ბიზნესასოციაციის მორიგი კველვა, სადაც COVID-19-ის გავლენაა ბიზნესზე შეფასებული. ასოციაციის გამოკითხული წევრების 68% მიიჩნევს, რომ ვირუსის მიერ გამოწვეულმა ეფექტებმა მათ ბიზნესზე მნიშვნელოვანი გავლენა იქონია. კომპანიებისთვის უპირველეს გამოწვევად ეკონომიკური საქმიანობის შეწყვეტა იქცა. რა მოლოდინი აქვს ბიზნესს , როგორ აგრძელებს მუშაობს და რა უნდა გაითვალისიწინოს მთავრობამ პოსტკრიზისულ გეგმაში? სტუმარი: ცეზარ ჩოჩელი - ბიზნესმენი #ახალიამბები #BusinessMediaGeorgia
ღვინის ექსპორტი შემცირდა... 2020 წლის იანვარ-მარტშიკლება 9,6%-ია. შემცირებული მოცულობა ყველა ძირითად იმპორტიორ ქვეყანაში თანაბრად ნაწილდება, შესაბამისად, მკვეთრი კლება არცერთგან არ დაფიქსირებულა. ტრადიციულად, ექსპოტირებული ქართული ღვინის ყველაზე დიდი წილი, წელსაც რუსეთზე მოდის - 59,5%. გარდა ამისა, თუ გადავხედვათ სტატიატიკას 2013-2019 წლებში ქართული ღვინის ექსპორტი 158 მლნ აშშ დოლარით (244%-ით) გაიზარდა, საიდანაც 110 მლნ რუსეთში გაყიდვებზე მოდის. 2019 წელს საქართველომ რუსეთში 133 მლნ აშშ დოლარის ღირებულების ღვინო გაიტანა, რაც ქართული ღვინის მთლიანი ექსპორტის 57% იყო. ცოტა ხნის წინ არასამათვრობო ორგანიზაცია საერთაშორისო გამჭრივალობა საქართველომ კვლევაც გამოაქვეყნა სადაც პირდაპირ იყო ნათქვამი, რომ რუსულ ბაზარზე ქართული ღვინის ექსპორტის მაღალი დამოკიდებულებაც პოლიტიკური რისკების მატარებელია და პოსტპანდემიურ პერიოდში საქართველომ კიდევ უფრო აქტიურად უნდა იმუშაოს საექსპორტო ბაზრების დივერსიფიცირებაზე, განსაკუთრებით ღვინის ექსპორტის მიმართულებით. სტუმარი: გიორგი ეზუგბაია - ჰოლდინგი - აქტო ჯგუფი, გენერალური დირექტორი, მენეჯმენტისა და წარმოების მართვის საერათაშორისო საკონსულტაციო კომპანია #ახალიამბები #BusinessMediaGeorgia
2-თვიანი პაუზის შემდეგ დედაქალაქის მერიაში მთავრობის სხდომები განახლდა. კახა კალაძემ კორონავირუსის პანდემიის გამო სხდომა გამგებლების გარეშე ჩაატარა და ახალი დავალებები გასცა, მათ შორის პრივატიზაციის გააქტიურებასთან დაკავშირებით. #ახალიამბები #BusinessMediaGeorgia
ევროპის ცენტრალური ბანკი ნავთობზე დაბალ ფასს 2022 წლამდე პროგნოზირებს და რა ხდება საქართველოში… მიუხედავად იმისა, რომ საწვავის ფასებს ბრენდირებული კომპანიები პერიოდულად ამცირებენ, არაბრენდირებულ სადგურებთან შედარებით სხვაობა მაინც თვალშისაცემია. მაგალითად, არაბრენდირებულ სადგურებში თუ რეგულარის ტიპის სწვავის ფასი 1 ლარი და 40 თეთრიდან იწყება, ბრენდირებულის შემთხვევაში იგივე ტიპის ბენზინი 1 ლარი 99 თეთრი ღირს. რატომ არის ასეთი სხვაობა? #ახალიამბები #BusinessMediaGeorgia
ეროვნული ბანკის 2019 წლის ანგარიში #ახალიამბები #BusinessMediaGeorgia
ქვეყანაში საგანგებო მდგომარეობის გამკაცრების ფარგლებში 31 მარტიდან კორონავირუსის გავრცელების პრევენციის მიზნით, სებ-მა ქვეყნის მასშტაბით დროებით შეაჩერა სამუშაო ოფისებიდან სესხის გამცემი სუბიექტების, ვალუტის გადამცვლელი პუნქტების, საკრედიტო კავშირების, საგადახდო მომსახურების პროვაიდერების მუშაობა. გუშინ უკვე ვნახეთ პრეცედენტი, როცა სამშენებლო კომპანიებმა მუშაობაზე დაგეგმილზე ადრე დაიწყეს. გაიხსნება თუ არა ვალუტის გადამცვლელი პუქტები ვადაზე ადრე? შეხვედრა ეროვნულ ბანკს, სესხის გამცემ სუბიექტებისა და ვალუტის გადამცვლელი პუნქტების ასოციაციების წარმომადგენლებთან გუშინ შედგა, რაზე ისაუბრა კერძო სექტორმა მარეგულირებელთან? სტუმარი: ვახტანგ გრიგალაშვილი - ლომბარდების „სოფტ ლოუნისა“ და „სწრაფი კრედიტის“ ხელმძღვანელი #ახალიამბები #BusinessMediaGeorgia
2020 წლის აპრილში წინა თვესთან შედარებით ინფლაციის დონემ საქართველოში 0.9 პროცენტი, ხოლო წლიური ინფლაციის დონემ 6.9 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის აპრილში, გასული წლის შესაბამის პერიოდთან შედარებით 4.6 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 4.1 პროცენტით განისაზღვრა. რამ იქონია გავლენა ინფლაციის მაჩვენებლის ფორმირებაზე და სად ფიქსრდება ფასების მატება? #ახალიამბები #BusinessMediaGeorgia
ხვალიდან ქუთაისი და ბათუმი გაიხსნება, ხოლო კვირის ბოლომდე მათ რიცხვს თბილისი და რუსთავიც დაემატება. ასევე, ხვალიდან სამშენებლო და ავტოსატრანსპორტო კომპანიების მუშაობა ნებადართული ხდება. ამის შესახებ პრემიერ-მინისტრმა გიორგი გახარიამ მთავრობის სხდომის დაწყებისას განაცხადა და დასძინა, რომ „ეკონომიკის აღდგენის საკითხი დროში აღარ უნდა გადაიდოს. #ახალიამბები #BusinessMediaGeorgia
საქართველოს მასშტაბით 24-მა აგრარულმა ბაზარმა მუშაობა განაახლა. აქედან თბილისში - 3-მა. როგორც სურსათის ეროვნულ სააგენტოში აცხადებენ, ფუნქციონირების განახლებისთვის მზადყოფნას გამოთქვამენ სხვა აგრარული ბაზრებიც - და ამ ეტაპზე მათი მონიტორინგი მიმდინარეობს. სტატისტიკის ეროვნული სამსახურის ანგარიშის მიხედვით, 2019 წლის მდგომარეობით, საქართველოში არსებულ ბაზრებსა და ბაზრობებზე ჯამში 45 ათას 100 მოვაჭრეა დასაქმებული. აქედან: 20 ათასი მოვაჭრე თბილისში არსებულ ბაზრებზე მუშაობს. იმისთვის, რომ სეს-მა აგრარული ბაზრის გახსნის დადებითი რეკომენდაცია გასცეს, ბაზარმა უნდა დააკმაყოფილოს მთელი რიგი მოთხოვნები, რომლებიც ეხება როგორც ბაზრების ადმინისტრაციას, ასევე მოვაჭრე პერსონალს და მომხმარებელს. ბიზნესოპერატორებს ევალებათ საქმიანობა სწორედ ამ გაწერილი ვალდებულებების შესაბამისად წარმართონ. #ახალიამბები #BusinessMediaGeorgia
მარტში საქართველოს ეკონომიკა 2.7%-ით შემცირდა. ასეთია ეკონომიკური ზრდის წინასწარი მონაცემები, რომელიც დღეს გამოქვეყნდა. საქსტატის ინფორმაციით, I კვარტლის საშუალო რეალური ზრდა 1.5 პროცენტით განისაზღვრა. რომელ სექტორებში შეინიშნებოდა კლება ყველაზე მეტად და სად დაფისიქრდა ზრდა, ასევე რამოლოდინები აქვს ბიზნესს? #ახალიამბები #BusinessMediaGeorgia
რესტორნების შემთხვევაში თელასის და ენერგოპრო ჯორჯიას ანგარიშებზე 30-40 ათასი ლარი დევს დეპოზიტის სახით. არსებული კანონმდებლობა კი მათ ამ თანხების გამოყენების საშუალებას არ ძლევთ. შეუძლია თუ არა სემეკს გამონაკლისის დაშვება შექმნილ რთულ ვითარებაში როცა ჰორეკა სექტორი გაჩერებულია. #ახალიამბები #BusinessMediaGeorgia
სასტუმრო სექტორი - მარტში ეკონომიკა 2.7%-ით შემცირდა - გიორგი დოლიძე საქმის კურსში სტუმარი: გიორგი დოლიძე - Wyndham Grand Tbilisi-ის ბიზნესის განვითარების მენეჯერი #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი 8.5%-მდე შეამცირა - ვასილ რევიშვილი საქმის კურსში სტუმარი: ვასილ რევიშვილი - ფინანსისტი #ახალიამბები #BusinessMediaGeorgia
საქართველოს ეროვნული ბანკი მონეტარული პოლიტიკის განაკვეთს 50 საბაზისო პუნქტით 8.50 პროცენტამდე ამცირებს. გადაწყვეტილება ონლაინ პრესკოფერენციაზე სების პრეზდენტმა ცოტახნის წინ გამაოცხადა. „კორონავირუსის პანდემიისა და საერთაშორისო ბაზრებზე ნავთობის ფასების მკვეთრი ვარდნის ფონზე მსოფლიოში შექმნილი ეკონომიკური გაურკვევლობა კვლავ გრძელდება. საქართველოში წლიურმა ინფლაციამ მარტში 6.1 პროცენტი შეადგინა. ეროვნული ბანკის პროგნოზით, ინფლაცია დროებითი ფაქტორების გამო, რამდენიმე თვის განმავლობაში მაღალ მაჩვენებელზე შენარჩუნდება, შემდეგ ეტაპობრივად შემცირდება და 2021 წლის პირველ ნახევარში მიზნობრივ დონემდე დავა”, - ასეთია კობა გვენეტაძის პროგნოზი. #ახალიამბები #BusinessMediaGeorgia
კონკურენციის სააგენტომ რითეილის ბაზრის მონიტორინგი დაასრულა. სააგენტომ სულ 73 სადისტრიბუციო კომპანია და 16 სავაჭრო ქსელის მონაცემები შეიწავლა. შესწავლის საგანი იყო როგორც ხელშეკრულებები ასევე ჯამური ბრუნვები 2018–2019 წლებში , ფილიალების რაოდენობა და მოცულობები და ასევე სარეალიზაციო პროდუქციის ასორტიმენტი. სტუმარი: ირაკლი ლექვინაძე - კონკურენციის სააგენტო; ხელმძღვანელი #ახალიამბები #BusinessMediaGeorgia
ეკონომიკის გახსნის პირველი ეტაპი - რა ხდება აგრარულ ბაზრებში? #ახალიამბები #BusinessMediaGeorgia
ვინ, როდის და რა პირობებით მიიღებს აგრო კრედიტებს და კონკრეტულად, რა მიმართულებები იქნება მხარდაჭერილი - ამ თემაზე მედიასთან განმარტებები სოფლისა და სოფლის მეურნეობის განვითარების სააგენტოს დირექტორის მოადგილემ გიორგი ჯიბლაძემ გააკეთა. გიორგი ჯიბლაძე - სოფლისა და სოფლის მეურნეობის განვითარების სააგენტოს დირექტორის მოადგილე #ახალიამბები #BusinessMediaGeorgia
კორონავირუსმა პრობლემები ყველა მიმართულებით შექმნა. გამონაკლისი არც შრომითი ბაზარია, უამრავმა ადამიანმა შემოსავალი ან სრულად ან ნაწილობრივ დაკარგა და ეს კრიზისის საწყისი ეტაპია. არსებობა სხვადასხვა საერთაშორისო ორგანიზაციების გათვლები და დათვლები, გლობალურად რამდენ ამუშაო ადგილს სეიწირავს კოვიდ 19, მაგრამესგათვლებიც ცვალებადია, ისევე როგორც პანდემიის მასშტაბები. როგორ შეიცვლება შრომითი ბაზარი საქართველოში, აისეტმა გამოაქვეყნა საინტერესო კვლევა, სახელწოდებით, კოვიდ 19-ის სოციალური ეფექტი- უნივერსალური დახმარების სემოღების საფუძველი… სტუმარი: ლევან ფავლენიშვილი - ISET; კვლევითი ინსტიტუტის მკვლევარი #ახალიამბები #BusinessMediaGeorgia
59%-ით შემცირებული საერთაშორისო ვიზიტორების ვიზიტი და 56%-ით შემცირებული საერთაშორისო ტურისტები - ასეთია ტურიზმი რიცხვებში მარტში. ოფიციალური სტატისტიკის მიხედვით, გასული თვის განმავლობაში ქვეყანაში 209,000 საერთაშორისო ვიზიტორის ვიზიტი შედგა. უნდა ვივარაუდოთ, რომ უფრო მძიმე იქნება აპრილი ტურიზმის ინდუსტრიისთვის, რადგან როგორც ცნობილია, 22 მაისის ჩათვლით საქართველოში საგანგებო რეჟიმი ნარჩუნდება და ალბათ მინიმუმ მაისის ბოლომდე არც საჰარეო და არც სახმელეთო საზღვარი არ გაიხსნება. „დარჩი სახლში“ დღეს ნიშნავს, რომ ხვალიდან შევძლებთ საზღვრების გახსნას“ - ასეთი გზავნილი ბიბისისთან გაეროს მსოფლიო ტურიზმის ორგანიზაციის გენერალურმა მდივანმა ზურაბ პოლოლიკაშვილმა გააკეთა. „სამწუხაროდ, რთული რამდენიმე თვე იქნება თუმცა ეს პესიმისტური განწყობის შექმნას არ ნიშნავს”, - ეს უკვე საქართველოს ტურიზმის ადმინისტრაციის ხელმძღვანელის მარიამ ქვრივიშილის გზავნილია. რა იქნება რთული რამდენიმე თვის შემდეგ? #ახალიამბები #BusinessMediaGeorgia
ონლაინ ვაჭრობის კომპანიების შემოწმება დაიწყო. ეკონომიკის სამინისტროს ინფორმაციით, უახლოეს ერთ კვირაში შემოწმდება 260-მდე ობიექტი, რომელთაც სამინისტროს უკვე მომართეს საქმიანობის ოლნაინ რეჟიმში გაგრძელებისა და მოხმარებლისთვის პროდუქციის ადგილზე მიტანის სერვისით მიწოდების უფლების მოთხოვნით. სტუმარი: თამარ გოგოლაშვილი - კომპანია “ონვეის“ დამფუძნებელი #ახალიამბები #BusinessMediaGeorgia
“2021 წლის დასაწყისში მსოფლიო ეკონომიკა დაუბრუნდება 2019 წლის დასაწყისის დონეს. პრინციპში, არსებითად, 2020 წელი კაცობრიობისათვის ეკონომიკურად დაკარგული წელი გამოვა, მაგრამ არც ამაზე მეტი” - ასეთია თავისუფალი და აგრარული უნივერსიტეტების რექტორისა და საკონსულტაციო კომპანია “რეფორმატიკსის” ხელმძღვანელის ვატო ლეჟავას მოსაზრება და შეფასება. ვატო ლეჟავა წერს, რომ წარმოდგენილი მოსაზრებები არ გამოხატავს არცერთი ორგანიზაციის მოსაზრებას. #ახალიამბები #BusinessMediaGeorgia
„საქართველო იქნება ერთ-ერთი პირველი ქვეყანა, რომელიც საერთაშორისო სავალუტო ფონდის მიმდინარე პროგრამის ფარგლებში გაზრდილ თანხებს მიიღებს“ - გიორგი გახარიას შემდეგ მსგავსი მესიჯბოქსი უკვე საქართველოს ეროვნული ბანკის პრეზიდენტმაც გამოიყენა საერთაშორისო სავალუტო ფონდის საქართველოს მისიის ხელმძღვანელ მერსედეს ვერა მარტინსა და ფინანსთა მინისტრ ივანე მაჭავარიანს შორის გამართული ერთობლივი ვიდეოკონფერენციის დროს. #ახალიამბები #BusinessMediaGeorgia
ჯანდაცვის სამინისტროს ინიციატივით ინოვაციური აპლიკაცია STOP COVID შეიქმნა, რომლის მიზანი Covid-19-ის ადრეული გამოვლენა და პრევენციაა. როგორც ჯანდაცვის სამინისტროში განმარტავენ, აპლიკაცია შესაძლებლობას აძლევს მომხმარებლებს, გაიგოს თუ იმყოფებოდა კონტაქტში COVID 19-ით ინფიცირებულ პირთან. აღსანიშნავია, რომ აპლიკაცია ხელმისაწვდომია iOS-ისა და ანდროიდის მომხმარებლებისთვის. #ახალიამბები #BusinessMediaGeorgia
გაძვირებული მომსახურება და შემცირებული გადაზიდვები - ეს ის პრობლემებია, რომლებსაც საქართველოში მოქმედი გადამზიდავი კომპანიები აწყდებიან. კორონავირუსის პანდემიის პირობებში გადამზიდავ კომპანიებს არამხოლოდ საქართველოს, არამედ სხვა ქვეყნების რეგულაციებზე მორგებაც უწევთ, რაც მათ ოპერირებას კიდევ უფრო ართულებს. #ახალიამბები #BusinessMediaGeorgia