თბილისის მერიამ ტურიზმის ხელშეწყობის მიზნით, ახალი ვებპორტალი შექმნა. Find out tbilisi.com-ი წარმოადგენს ონლაინპლატფორმას, რომელზეც თბილისში რეგისტრირებულ კომპანიებს საშუალება აქვთ, საკუთარი პროდუქტებისა და სერვისების შესახებ ქართულ და ინგლისურ ენებზე ინფორმაცია უფასოდ განათავსონ. სტუმრები: ნინო მაღრაძე - ეკონომიკური განვითარების საქალაქო სამსახურის უფროსი #ახალიამბები #BusinessMediaGeorgia
ჯანდაცვის მინისტრი ეკატერინე ტიკარაძე, ჯანმრთელობის დაცვის შესახებ საკმაოდ ხმაურიანი კანონპროექტის შესახებ პირველ კომენტარს აკეთებს. გასული კვირის ბოლოს, კანონპროექტი, რომლის მიღებასაც სამინისტრო დაჩქარებული წესით ითხოვდა, ჯანდაცვის კომიტეტში მესამე მოსმენით მიიღეს, იმავე დღეს პროექტი დეპუტატებს სესიაზე მესამე მოსმენით უნდა დაემტკიცებინათ, თუმცა ყველასთვის მოულოდნელად, ჯანდაცვის მინისტრის მოადგილემ თამარ გაბუნიამ პარლამენტის თავმჯდომარეს განხილვის გადადება სთხოვა. როგორც BMG-სთ გახდა ცნობილი, საკომიტეტო განხილვასა და სესიას შორის გაბუნია მინისტრს, ეკატერინე ტიკარაძეს ტელეფონით ესაუბრა. #ახალიამბები #BusinessMediaGeorgia
დღეს პარლამენტში ევროკავშირის ბაზარზე მცირე და საშუალო ბიზნესის გამოწვევებზე იმსჯელეს და ევროპასთან ინტეგრაციის კომიტეტის მიერ შექმნილ, თემატური მოკვლევის ჯგუფს მოუწმინეს. რა ტიპის პრობლემების იდენტიფიცირება მოხდა, რა გამოწვევები აქვს კერძო სექტორს და როგორ აპირებს მთავრობა ბიზნესის დახმარებას? #ახალიამბები #BusinessMediaGeorgia
საქართველოს ბაზარი ვირტუალური მობილური ოპერატორებისთვის იხსნება. ვირტუალური ოპერატორი - ეს არის მობილური მომსახურების მიმწოდებელი ისეთი კომპანია, რომელსაც შეუძლია საკუთარი ქსელის გარეშე, შესთავაზოს აბონენტებს ტრადიციული მობილური მომსახურება. მაგთიკომს, სილქნეტსა და “ვიონ საქართველოს” კი ექნებათ ვალდებულება ეს კომპანიები საკუთარ ინფრასტრუქტურაზე დაუშვან. რეფორმა 2021 წლიდან ამოქმედდება - რას შეცვლის სიახლე კომპანიებისთვის და რას შეცვლის მომხმარებლისთვის? #ახალიამბები #BusinessMediaGeorgia
რა სიახლეებს და ვალდებულებებს აერთიანებს საფინანსო სექტორისთვის, ეროვნული ბანკის სავალუტო ბაზრის რეფორმა,რომლის პრეზენტაციაც დღეს შედგა. სების ცნობით, რეფორმა ორ მნიშვნელოვან კომპონენტს მოიცავს და საუკეთესო საერთაშორისო პრაქტიკას ეფუძნება. რეფორმის პირველი კომპონენტი, გლობალური სავალუტო კოდექსია, რომლის მიზანია, სავალუტო ბაზრის მონაწილეთა საქმიანობის წესის გამჭვირვალობის და კონკურენციის გაზრდა. ახალი მიდგომების დანერგვას თან ახლავს შესაბამისი ინფრასტრუქტურული ცვლილებები. ამიტომ რეფორმის მეორე შემადგენელი კომპონენტია ბლუმბერგის ახალი სავაჭრო პლატფორმის - Bmatch ამოქმედება. სტუმარი: გიორგი ლალიაშვილი - ფინანსური ბაზრების დეპარტამენტის უფროსი #ახალიამბები #BusinessMediaGeorgia
რა ბედი ეწევა “ჯანმრთელობის შესახებ კანონში ცვლილებებს”, რომელის დამტკიცების პროცეუდერები მოულოდნელად გადაიდო. რამდენიმე დღის წინ, პარლამენტის პლენარულ სხდომაზე კენჭისყრების პროცედურის დაწყებამდე რამდენიმე წუთით ადრე ცნობილი გახდა, რომ “ჯანმრთელობის დაცვის შესახებ” კანონში ცვლილებებს, რაზეც ჯანდაცვის კომიტეტზე კლინიკების წარმომადგენლებსა და ჯანდაცვის სამინისტროს შორის კონსენსუსი შედგა, არ დაამტკიცებდნენ. კონსესუსი, ჯანდაცვის სამინისტროსა და სამედიცინო სექტრს შორის არ არის ჩვეულებრივი მოვლენა, იმ პირობებში როცა ყველაზე დიდი მისკომუნიკაცია და დიალოგის უფსკრული სწორედ ამ მიმართულებაში, ასე ჩანს ყოველ შემთხვევაში… სტუმარი: არჩილ ჩუხრუკიძე -საქართველოს კარდიოლოგია ასოციაციის ვიცე-პრეზიდენტი #ახალიამბები #BusinessMediaGeorgia
ჯანდაცვის კომიტეტზე მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტებში ცვლილებებს განიხილავენ, რომლის ავტორიც ჯანდაცვის სამინისტროა. კანონპროექტის მიღების შემთხვევაში კლინიკებისთვის დაწესებული რეგულაციური ტვირთი გამკაცრდება, რაც ჯარიმების, შემოწმებების სიხშირის გაზრდასა და ახალი რეგლამენტის დამტკიცებას უკავშირდება. რეგულაციების ზრდას კლინიკების წარმომადგენლები ეწინააღმდეგებიან და ამბობენ, რომ ცვლილებები არათანმიმდევრულია და მარეგულირებლის მხრიდან თვითნებური გადაწყვეტილებების მიღების რისკებს ზრდის; კლინიკების შეფასებით, ამ ცვლილებით კორუფციული რისკებიც იმატებს. როგორ მიმდინარეობდა პარლამენტში განხილვა და რა შედეგით დასრულდა? #ახალიამბები #BusinessMediaGeorgia
მომდევნო ერთი წლის განმავლობაში ყველა რეგუალციის მიღების პროცესი უნდა შევაჩეროთ, გაუქმდეს საკარანტინე რეჟიმი… ეს იმ საკითხების მოკლე ჩამონათვალია, რომელიც დღეს ბიზნესმა მთავრობის წამომადგენლებთან შეხვედრაზე დააყანეს. რა ითხოვს კერძოს სექტორი და რა სჭირდება მას? #ახალიამბები #BusinessMediaGeorgia
კორონავირუსით გამოწვეულ ნეგატიურ ეფექტზე ბი ემ ჯისთან ავტომობილების გამქირავებელი კომპანიებიც საუბრობენ. იმის გათვალისწინებით, რომ მათი ძირითადი კლიენტები ტურისტები იყვნენ შეკვეთები ფაქტორივად ნულს გაუტოლდა, შესაბამისად, ზოგიერთმა კომპანიამ კრიზისულ მდგომარეობას ვეღარ გაუძლო და ბაზარი დატოვა. ანუკა ჯოხაძე ესაუბრა დღეს ავტომობილების გაქირავების სერვისის მიმწოდებელ ქართულ კომპანიებს. რა ამბობენ ავტოგამქირავებლები, რამდენია ზარალი? #ახალიამბები #BusinessMediaGeorgia
მთავრობა უცხო ქვეყნის მოქალაქეებს, დისტანციურად, საქართველოდან მუშაობის შესაძლებლობას სთავაზობს. ეკონომიკის სამინისტროს ინფორმაციით, ქვეყნის ეტაპობრივი გახსნის სტრატეგიის ფარგლებში, მთავრობის საკოორდინაციო საბჭომ საქართველოში უცხო ქვეყნის მოქალაქეთა სპეციალური რეჟიმით შემოსვლის შესახებ გადაწყვეტილება მიიღო. პროექტი გათვლილია იმ უცხოელებზე, რომლებიც არიან თვითდასაქმებულები, მუშაობენ დისტანციურად ან შეუძლიათ, საკუთარი ბიზნესი მსოფლიოს ნებისმიერი წერტილიდან მართონ. ეკონომიკის მინისტრის თქმით, პროექტის ფარგლებში შემუშავდა განაცხადების მიღების პლატფორმა, რომლითაც გრძელვადიანი პერიოდით საქართველოში ყოფნის მსურველებს შეეძლებათ, რომ ისარგებლონ. ამავე თემაზე ნათია თურნავამ მთავრობის სხდომის შემდეგაც გააკეთა კომენტარი. არის თუ არა - ბიზნეს ვიზიტორების მოზიდვა ერთგვარი ალტერნატივა ტურისტების და რა პირობებებს სთავაზობს მთავრობა? #ახალიამბები #BusinessMediaGeorgia
ბიზნესის განვითარების პერსპექტივები და კრიზისიდან გამოსვლის შესაძლებლობები“ - ამ ფორმატში ბიზნესთან შეხვედრა ცოტა ხნის წინ დასრულდა, ღონისძიება ევროკავშირი-საქართველოს ბიზნეს საბჭოს ორგანიზებით გაიმართა. შეხვედრას მთავრობის წარმომადგენლებიც ესწრებოდნენ. რა პრობლემები დასვა ბიზნესმა და მიიღო თუ არა ხელისუფლების მხრიდან დაპირება რომ მათი მხრიდან ქმედით ნაბიჯები გადაიდგმება? სტუმარი: სანდრო ჭუმბურიძე - ევროკავშირი-საქართველოს ბიზნეს საბჭო; ხელმძღვანელი #ახალიამბები #BusinessMediaGeorgia
„გარკვეული პოზიტიური ნიშნები ჩვენს ეკონომიკაში უკვე გამოჩნდა და ტურისტული სექტორის მიღმა აქტივობები აშკარად გაზრდილია. ისევე, როგორც ფინანსურ სექტორში მაჩვენებლები არის საკმაოდ პოზიტიური. საგადასახადო შემოსავლების თვალსაზრისით, მიმდინარე ანგარიშის ბალანსის თვალსაზრისით. ეს ყველაფერი არის მხოლოდ და მხოლოდ იმის შედეგი, რომ ჩვენ, ქვეყანამ, ჩვენს მოქალაქეებთან ერთად მოვახერხეთ და დღესაც ვახერხებთ ვირუსის ეფექტურ მართვას. ეს არის გასაღები ეკონომიკის შემდგომი სწრაფი და ეფექტური აღდგენის“, - ეს განცხადება პრემიერ-მინისტრმა მთავრობის სხდომის დაწყებამდე გააკეთა. გიორგი გახარიას ტურიზმი მეტად არ უხსენებია დღეს, თუმცა მთავრობის სხდომის შემდეგ ტურიზმზე ისაუბრა ეკონომიკის მინისტრმა. #ახალიამბები #BusinessMediaGeorgia
პირველი მოსმენით დამტკიცებულ ცვლილებებს შრომის კოდექსში,რომელიც მათშორის მოიცავს შრომის ინსპექციის მანდატის გაფართოებას და დამატებითი უფლებების მინიჭებას, ბიზნესი კრიტიკულად აფასებს. კერძო სექტორში მიიღნევენ, რომ შრომის ინსპექცია სადამსჯელო ფუნქციებს იძენს. ბიზნესის კრიტიკას კანონპროექტის ავტორიც გამოეხმაურა, განცხადება სიახლეებზე ჯანდაცვის მინისტრმაც გააკეთა. #ახალიამბები #BusinessMediaGeorgia
„გადავარჩინოთ ტურიზმი“ - ამ სახელწოდებით აქცია-პერფორმანსი დღეს მთავრობის ადმინისტრაციასთან გაიმართა. აქციის ორგაიზატორებმა პრემიერ-მინისტრთან შეხვედრა მოითხოვეს. მთავარი მოთხოვნა კი ე.წ. მწვანე ზონის ქვეყნებთან საზღვრების გახსნა, 14 დღიანი კარანტინის გაუქმება და და რეგულარული ავიამიმოსვლის მაქსიმალურად სწრაფად აღდგენაა. ორგანიზატორების თქმით, მათ კარგად ესმით რისკები, რომელიც საზღვრების გახსნას ახლავს, მაგრამ ქვეყანა სულ ჩაკეტილი ვერ იქნება. #ახალიამბები #BusinessMediaGeorgia
პირველად ქართულ ტელესივრცეში კავკასუს ონლაინის ახალი მფლობელები კონტაქტზე გამოდიან. კომპანია “ნექსოლი” ის ჰოლდინგია, რომელსაც აზერბაიჯანელი ბიზნესმენი ნასიბ ჰასანოვი ფლობს და რომელმაც კავკასუს ონლაინის 49%-იანი წილი გასულ წელს შეიძინა. გარიგება ხმაურიანი და პრობლემატური გამოდგა. კომუნიკაციების კომისია ამბობს, რომ ტრანზაქცია მასთან არ შეთანხმდა და კავკასუს ონლაინის წილების პირვანდელ მდგომარეობაში დაბრუნებას ითხოვს, თუმცა, უშედეგოდ. ჰქონდა თუ არა მოლაპარაკებები “ნექსოლ ჰოლდინგს” კავკასუსის შესყიდვამდე კომუნიკაციების კომისიასთან და როგორ აფასებენ კომპანიაში ახალ კანონპროექტს, რომელიც საქართველოს მთავრობამ და კომუნიკაციების კომისიამ მოამზადეს. თემურ თაგიევი - Neqsol Holding-ის სტრაგეგიული განვითარების მიმართულების ხელმძღვანელი #ახალიამბები #BusinessMediaGeorgia
პანდემიის პირობებში თბილისის უძრავი ქონების ბაზარი მკვეთრად შემცირდა. აპრილ-ივნისში თბილისში რეალიზებული ბინების ჯამურმა ღირებულებამ $141 მილიონი დოლარი შეადგინა, რაც 2019 წელსთან შედარებით 66%-ით ანუ 272 მილიონი დოლარით ნაკლებია. სტუმარი: ირაკლი კილაურიძე - Colliers International Georgia-ს ხელმძღვანელი #ახალიამბები #BusinessMediaGeorgia
“ნუ მოკლავთ ტურიზმს”, “მუშაობა გვინდა”, “გახსენით საჰაერო საზღვრები”...რას ითხოვს ტურიზმის სექტორი? #ახალიამბები #BusinessMediaGeorgia
ივნისის თვეში თბილისის ბინების ტრანზაქციების ბაზრის 70% აღდგა - ამის შესახებ კოლიერსის კვლევაშია ნათქვამი. კვლევის მიხედვით, თბილისში 2020 წლის ივნისის თვეში 2,117 ბინის ტრანზაქცია განხორციელდა, რაც წინა თვესთან შედარებით თითქმის ორნახევარჯერ მეტია. ამასთან, კვლევის მიხედვით მოსალოდნელია ფასების მნიშვნელოვანი შემცირება, როგორც გასაქირავებელ, ისე გასაყიდ ქონებაზე. მეორე მხრივ, ამ შემცირებამ შესაძლოა გააჩინოს სპეკულატიური ინვესტორების ახალი ტალღა, რომლებიც კრიზისულ პერიოდში აქტიურდებიან. კიდევ რა ტენდენციას აჩვენებს კოლიერსის უძრავი ქონების ბაზრის მიმოხილვა? #ახალიამბები #BusinessMediaGeorgia
ისევ ელექტორუნული კომუნიკაციების შესახებ კანონი, რომელზეც საქართველოს პარლამენტის თავმჯდომარე არჩილ თალაკვაძე ირწმუნება, რომ დადგემილ ცვლილებებზე სექტორთან სამუშაო პროცესი მიმდინარეობს. როგორც თალაკვაძემ ბიუროს დღევანდელ სხდომაზე თქვა, "ყველა ცდილობს, მაქსიმალურად კონსესუსური ცვლილებები იქნას მიღებული". #ახალიამბები #BusinessMediaGeorgia
გერმანიაში სამუშაოდ წამსვლელი სტუდენტებისთვის, შესაძლოა, სპეციალური რეისი დაინიშნოს. ამის შესახებ ჟურნალისტებს ეკონომიკის მინისტრმა ნათია თურნავამ განუცხადა. სწორედ ამ მოთხოვნით, დღეს სტუდენტების ჯგუფმა მთავრობის ადმინისტრაციასთან აქციაც გამართეს. მათ დახმარება პრემიერისგანც ითხოვეს. #ახალიამბები #BusinessMediaGeorgia
სტუდენტები გერმანიაში ფრენების დანიშვნის მოთხოვნით ამ წუთებში კანცელარიასთან აქციას მართავენ. ისინი გერმანიაში ე.წ. საზაფხულო არდადეგებზე 3-თვიანი დასაქმების პროგრამაში მონაწილეობისთვის ავიარეისების დანიშვნას ითხოვენ. ახალგაზრდები პრემიერ-მინისტრს საკითხით დაინტერესებისკენ მოუწოდებენ. #ახალიამბები #BusinessMediaGeorgia
სავარაუდოდ ეს იდეა, სექტორში გაუთვითცნობიერებელი ადამიანის თავში დაიბადა -ასე აფასებს საქმის კურსთან საუბარში ენერგეტიკოსი არჩილ მამათელაშვილი მთავრობის ინიციატივას, რომლის მიხედვითაც სემეკმა შესაძლოა კომპანიებს 5%-ზე უფრო მეტი აქციების გასხვისება აუკრძალოს, ენერტიკოსი ფიქრობს, რომ ავტორები სავარაუდოდ კონტროლის მექანიზმის გაძლიერებას ცდილობენ სექტორზე, მაგრამ განაწილება-გადაცემის სექტოში ამის გაკეთება ნამდვილად უადგილოა. “აქ სექტრის კონტროლის კომპონენტი საკმაოდ მცირეა, იმ შემთხვევის გარდა თუ ფულადი ნაკადების და გენერაციის ობიექტების კონტრაქტების კონტროლი არაა მიზანი. სავარაუდოდ ეს იდეა, სექტორში გაუთვითცნობიერებელი ადამიანის თავში დაიბადა” -აცხადებს მამათელაშვილი. ხოლო კითხვაზე არსებობს თუ არა ანლოგიური შეთხვევევები უცხოეთში, ენერგეტიკოსი ამბობს, რომ გააჩნია სექტორის სტრუქტურას და იქაურ მიდგომას. თუმცა მამათელაშვილის განმარტებით ელექტროენერგიის სექტორში მნიშვნელოვანი მოვლენების გასაკონტროლებლად სრულიად საკმარისია გადაცემის და დისპეჩერიზაციის კონტროლი. “ეს ზღუდავს საკუთრების უფლებების რეალიზაციას და უკეშედეგი ექნება” - აცხადებს მამათელეაშვილი. #ახალიამბები #BusinessMediaGeorgia
ელექტრონული კომუნიკაციების შესახებ კანონპროექტის საბოლოო ვერსიაზე შეთანხმება მუღწეული ისევ არ არის. ბოლო დღეებია აქტიურად მიმდინარეობს პარლამენტში მხარეებს შორის შეხვედრები კანონპროეექტზე, რომელიც კომუნიკაციების კომისიას კომპანიებში სპეციალური მმართველის დანიშვნისა და მისთვის საკმაოდ დიდი უფლებამოსილების გადაცემას ითვალისწინებს. კანონპროექტის პარლამენტში განხილვას გასულ პარასკევს საკმაოდ დიდი ხმაური და დაპირისპირება მოჰყვა. მაგთიკომი, კავკასუს ონლაინი, სილქნეტი - ამ კომპამიების ხელმძღვანელმა პირებმა კანონოროექტი გააპროტესტეს და კომუნიკაციების კომისიას მისი შეცვლა ან უკან გაწვევა მოსთხოვეს. დღეს ჩანიშნული საკომიტეტო განხილვაც სწორედ იმიტომ გადაიდო, რომ მხარეები ისევ ვერ ჩამოყალიბდნენ. #ახალიამბები #BusinessMediaGeorgia
სემეკს ენერგოკომპანიებში 5%-ზე მეტი წილის გასხვისების პროცესის დაბლოკვის უფლება მიეცემა. პარლამენტში ინიცირებული კანონპროექტი, რომლის განხილვასაც მთავრობა დაჩქარებული წესით ითხოვს, სემეკის უფლებასმოსილებას აფრთოებს. მთავრობის შეფასებით ამგვარი ნორმის მიღება ქვეყნის ენერგეტიკულ ბაზარზე სტაბილურობის შენარჩუნებას შეუწყობს ხელს. განმარტებითი ბარათით ამ ცვლილების აუცილებლობა მომხმარებელთა უფლებების დაცვით არის ახსნილი. კანონპროექტი ბიუროს სხდომაზე დარეგისტრირდა. #ახალიამბები #BusinessMediaGeorgia
საკმაოდ მოულოდნელად, კომპანიების წარმომადგენელთა ასოციაციის აღმასრულებელმა დირექტორმა ირაკლი მარგველაშვილმა საკმაოდ ხმაურიანი განცხადებები გააკეთა იმასთან დაკავშირებით, რომ საერთაშორისო ფარმაცევტული კომპანიები საქართველოში წარმომადგენლობებს ხურავენ. ის ასახელებს ისეთ უმსხვილეს საერთაშორისო კომპანიებს, როგორებიცაა Glaxo, Sandoz, astellas pharma. რა არის ამის მიზეზი - COVID-19-ის გავლენა, რის შედეგადაც დიდი კომპანიებისთვის საქართველოს ბაზარი ნაკლებად მიმზიდველი გახდა თუ რაიმე სხვა პრობლემა, რაც უშუალოდ ბაზარზე კონკურენციას ან სხვა სტრუქტურულ საკითხს უკავშირდება? სტუმარი: ირაკლი მარგველაშვილი - ფარმაცევტული კომპანიების წარმომადგენელთა ასოციაციის აღმასრულებელი დირექტორი #ახალიამბები #BusinessMediaGeorgia
თბილისის მერიის გადაწყვეტილებით, რიგ ტერიტორიებზე „დედაქალაქის მიწათსარგებლობის ახალი გენერალური გეგმის“ მიხედვით განსაზღვრული შეზღუდვები მოიხსნა. მერიის შესაბამისი გადაწყვეტილება გუშინ ურბანული სამსახურის ხელმძღვანელმა გააჟღერა. ვიქტორ წილოსანმა თქვა, რომ გარკვეულ ტერიტორიებს შეზღუდვის ზონები ახალი გენერალური გეგმის მიხედვით ედო და ადამიანებს თავიანთ მიწის ნაკვეთებზე არ ჰქონდათ განვითარების საშუალება. წილოსანის გუშინ გაკეთებულ განცხადებაზე განმარტებები მერიაში დღესაც გაკეთდა. რეალურად ხდება თუ არა ძველი გენ გეგმის დაბრუნება, რას ამბობენ თავად დოკუმენტის ავტორები და რით ხსნიან მერიაში მიღებულ გადაწყვეტილებას? #ახალიამბები #BusinessMediaGeorgia
ტურისტული კომპანიების წარმომადგენლები საპროტესტო აქციას გეგმავენ, -აქცია 15 ივლისს გაიმართება, როგორც კოპანიების წარმომადგენლები საქმის კურსთან საუბარში ამბებენ, პროტესტი მშვიდობიანი იქნება და პოლიტიკური პარტიების გარეშე ჩაივლის. რაც შეეხება მოთხოვნებს ესაა რეგულარული საჰაერო რეისების გახსნა და საკარანტინო ზომების გაუქმება. #ახალიამბები #BusinessMediaGeorgia
საქართველოს მთავრობის გადაწყვეტილებით, წელს რთველის სუბსიდია ისევ განხორციელდება და რქაწითელსა და კახური მწვანეს ჯიშის ყურძნის მინიმალური ფასი 80 თეთრი იქნება. ამის შესახებ მთავრობის სხდომაზე პრემიერ-მინისტრმა გიორგი გახარიამ განაცხადა. მისი თქმით, უკვე გამოყოფილია ბიუჯეტი და სოფლის მეურნეობის სამინისტროს დავალება აქვს მიღებული. გახარიას თქმით, საჭიროების შემთხვევაში შესყიდვებში სახელმწიფოც ჩაერევა. მთავორბის სხდომაზე ასევე ითქვა, რომ ქვეყნების სია, რომელთანაც საზღვრები გაიხნა, გაფართოვდება და მთარობა გადაწყვეტილებებს ყოველ ორ კვირაში მიიღებს. სხდომის დასრულების შემდეგ, ჟურნალისტების შეკითხვებს, სოფლის მეურეობის და საგარეო საქმეთა მინისტრებმა უპასუხეს. #ახალიამბები #BusinessMediaGeorgia
თბილისის მერიის გადაწყვეტილებით, რიგ ტერიტორიებზე „დედაქალაქის მიწათსარგებლობის ახალი გენერალური გეგმის“ მიხედვით განსაზღვრული შეზღუდვები მოიხსნა. გარკვეულ ტერიტორიებს შეზღუდვის ზონები ხალი გენერალური გეგმის მიხედვით ედო და როგორც დედაქალაქის ურბანული განვითარების სამსახურის უფროსმა, ვიქტორ წილოსანმა განაცხადა ადამიანებს თავიანთ მიწის ნაკვეთებზე არ ჰქონდათ განვითარების საშუალება. შესაბამისი დოკუმენტები საკრებულოში უკვე გადაგზავნილია, როდის გაიმართება მსჯელობა საკითხზე, როგორ აფასებს ახალი გენერალური გეგმის ავტორი მერიის გადაწყვეტილებას? #ახალიამბები #BusinessMediaGeorgia
შიდა ტურიზმის გახსნის მიუხედავად დატვირთულობა სხვადასხვა ობიექტებზე სასურველისგან ძალიან შორსაა, სექტორი უცხოელი ვიზიტორების მოლოდინშია და ეს პროცესი საკმაოდ კომპექსურია.... ეპიდსიტვაცია, სახელმწიფოების მზაობა გახსნან საზღვრები, ტურისტების ქცევა, კერძო სექტორის შესაბამისი მობილიზება, სერვისები, ინფრასტრუქტურა და ასე შემდეგ. როგორ მუშაობს ტურიზმის სფერო, რა მოლოდინები აქვს? სტუმარი: ლაშა პაპაშვილი - ბიზნესმენი #ახალიამბები #BusinessMediaGeorgia
უწყებათაშორისი საკოორდინაციო საბჭოს გადაწყვეტილებით საქართველო საზღვარს ამ ეტაპზე უპირობოდ გაუხსნის 5 ქვეყანას. ესენია: გერმანია, საფრანგეთი, ლატვია, ლიეტუვა და ესტონეთი. ამის შესახებ პრემიერის პრესსპიკერმა ირაკლი ჩიქოვანმა დღეს გამართულ ბრიფინგზე განაცხადა. ეს ამბავი განსაკუთრებით გაუხარდათ სტუდენტებს, რომლებსაც სტუდენტური დასაქმების სამთვიანი პროგრამით უკვე აქვთ ნაპოვნი სამსახურები, მაგრამ პრობლემა როოგრც ჩანს არ ამოწურულა. #ახალიამბები #BusinessMediaGeorgia
დედაქალაქის მერია ვერის ბაღისა და თბილისის დენდროლოგიური პარკის პროექტირებას გეგმავს, რის შემდეგაც ორივე პარკს სრულმასშტაბიანი რეაბილიტაცია ჩაუტარდება, - ამის შესახებ დედაქალაქის მერმა, კახა კალაძემ მუნიციპალიტეტის მთავრობის სხდომაზე განაცხადა. მისი თქმით, თბილისში საპარკე კულტურა მკვიდრდება და რეკრეაციული სივრცეებით ყველა თაობის ადამიანი სარგებლობს. რა განცახადებები გაკეთდა და რა საკითხებზე იმსჯელეს დედაქალაქის მთავრობის სხდომაზე? #ახალიამბები #BusinessMediaGeorgia
საქართველოს მოქალაქეები ევროკავშირის ქვეყნებში ნებისმიერი მიზნით ვიზიტის შემდგომ სამშობლოში დაბრუნებისას გაივლიან 14-დღიან სავალდებულო კარანტინს, - ამის შესახებ პრემიერ-მინისტრის მრჩეველმა ირაკლი ჩიქოვანმა მთავრობის ადამინისტრაციაში გამართულ ბრიფინგზე განაცხადა. მისი განმარტებით, მნიშვნელოვანია, საქართველოს მოქლაქეებმა ასევე გაითვალისწინონ, რომ ევროკავშირის წევრი ქვეყნების მიერ ჩამოყალიბებული მიდგომები ექვემდებარება გადახედვას, არის ცვალებადი და საკუთარი მოგზაურობის დაგეგმვის დროს აუცილებლად გაითვალისწინონ არსებული რეგულაციები. დღეს ასევე ცნობილი გახდა 5 ქვეყანა, რომელსაც საქართველომ საზღვრები გაუხსნა. რა პრობლემებს ქმნის ჩაკეტილი საზღვრები და დაანონსებული თარიღების გადავადება, როგორიც 1 ივლისის შემთხვევა იყო? #ახალიამბები #BusinessMediaGeorgia
გამარტივებული შესყიდვები საგანგებო მდგომარეობის დროს - ბადრი ნიაური საქმის კურსში სტუმარი: ბადრი ნიაური იურისტი #ახალიამბები #BusinessMediaGeorgia
"საგანგებო მდგომარეობის პერიოდში სულ 557 მლნ ლარის ჯამური ღირებულების 1,495 ელექტრონული ტენდერი გამოცხადდა. შემდგარი ტენდერების ნახევარზე მეტში მხოლოდ ერთი მიმწოდებელი მონაწილეობდა. 2019 წლის ანალოგიურ პერიოდთან შედარებით, გამოცხადებული ტენდერების რაოდენობა თითქმის განახევრდა, თუმცა შემცირდა კონკურენციაც. ყველაზე მეტი - 460 მლნ ლარის ჯამური ღირებულების 266 ელექტრონული ტენდერი სამშენებლო სამუშაოების შესყიდვაზე გამოცხადდა. ქვეყანაში საგანგებო მდგომარეობის პერიოდში განხორციელებული სახელმწიფო შესყიდვების შესახებ კვლევას "საერთაშორისო გამჭვირვალობა - საქართველო" აქვეყნებს… #ახალიამბები #BusinessMediaGeorgia
რატომ შედის ცვლილებები ელექტრონული კომუნიკაციებისა და მაუწყებლის შესახებ კანონში? აპირებს თუ არა კომუნიკაციების კომისია წინასაარჩევნოდ მედიაზე კონტროლის გაძლიერებას თუ კანონში ცვლილებებით კომისიას კავკასუს ონლაინის ქეისის ჩიხიდან გამოყვანა სურს? ვისთან და სად ექნება კომუნიკაციების კომისიას სპეციალური მმართველის დანიშვნის შესაძლებლობა და რატომ ხედავენ სპეციალისტები რისკებს? #ახალიამბები #BusinessMediaGeorgia
საგანგებო მდგომარეობის დროს გამარტივებული სახელმწიფო შესყიდვების კონტრაქტების მესამედი მმართველი პარტიის შემომწირველებმა მიიღეს-ასეთია გამჭვირვალობა საქარველოს დასკვნა, რომლემაც (2020 წლის 21 მარტიდან 22 მაისამდე) განხორციელებული სახელმწიფო შესყიდვები შეისწავლა. არასამთავრობო ორგანიზაციის ინფრომაციით, საგანგებო მდგომარეობის პერიოდში სულ 557 მლნ ლარის ჯამური ღირებულების 1,495 ელექტრონული ტენდერი გამოცხადდა. შემდგარი ტენდერების ნახევარზე მეტში კი მხოლოდ ერთი მიმწოდებელი მონაწილეობდა. რა მთავარი მიგნებები გამოიკვეთა? #ახალიამბები #BusinessMediaGeorgia
კონგრესი ითხოვს საქართველოს შეუჩერდეს დახმარების 15%, სანამ ბიზნესგარემო არ გაუმჯობესდება და კორუფცია არ შემცირდება. კერძოდ 2021 წელს საქართველოს შესაძლოა ამერიკის შეერთებული შტატებისგან მისაღები დახმარების 15% შეუჩერდეს - ამის მიზეზი კი ქვეყანაში არსებული კორუფციული ვითარება შეიძლება იყოს. ამ ცვლილებას აშშ-ის კონგრესის წარმომადგენელთა პალატის საბიუჯეტო კომიტეტის მიერ დარეგისტრებული კანონპროექტი ითვალისწინებს, რაც სახელმწიფო დეპარტამენტის ბიუჯეტში ცვლილებების შეტანას გულისხმობს. 326-გვერდიანი კანონპროექტით, 2021 ფისკალური წლისთვის სახელმწიფო დეპარტამენტის პრიორიტეტებია განსაზღვრული. დოკუმენტში საუბარია საქართველოსთვის დახმარების სახით $132,025,000 გამოყოფის შესახებ, თუმცა სხვა წლებისგან განსხვავებით, ამჟამად დოკუმენტს წინაპირობა ახლავს, რომლის მიხედვით, ამ დახმარების გაცემის 15% უნდა შეჩერდეს იქამდე, სანამ სახელმწიფო დეპარტამენტი არ დაადგენს, რომ საქართველოს სასამართლო სისტემა, დემოკრატიული გარემო და ბიზნესგარემო გაუმჯობესდა. სტუმარი: ბათუ ქუთელია - საქართველოს ყოფილი ელჩი აშშ-ში, ანალიტიკოსი #ახალიამბები #BusinessMediaGeorgia
ინვესტორებისთვის, რომლებიც საქართველოში ჰიდროელექტროსადგურების მშენებლობას აპირებენ, მთავრობას შეთავაზება აქვს. უკვე დამტკიცდა ის მხარდაჭერის სქემა, რომლის თანახმად, ხუთ მეგავატზე მეტი სიმძლავრის ელექტროსადგურები ყოველ გაყიდულ კილოვატსაათზე გარკვეულ თანხას სახელმწიფოსგან მიიღებენ. ამ დადგენილებით სარგებლობა კონკრეტული პირობების გათვალისწინებით მოხდება. რამდენად მისაღებია ახალი შეთავაზება ენერგეტიკის სექტორისთვის? #ახალიამბები #BusinessMediaGeorgia
კორონავირუსით დაწესებულ შეზღუვებს ნეგატიური ეფექტის გარეშე არც ყვავილების ბიზნესი დაუტოვებია. როგორც თბილისის მასშტაბით ყვავილების რეალიზატორები ამბობენ, მათი დატვირთულობა განახევრებულია, ეს კი იმის გათვალისწინებით, რომ ქვეყანაში ამ დრომდე არ არის დაშვებული მასობრივი ღონისძიებები, რომელიც მათი შემოსავლების 50%-ს ავსებდა. რა პრობლემების წინაშე დგას დღეს ქვეყანაში ყვავილების ბიზნესი? #ახალიამბები #BusinessMediaGeorgia
ტურისტული ჯგუფები და ორგანიზაციები გამაფრთხილებელ აქციას ტურიზმის ეროვნულ ადმინისტრაციასთან მართავენ. რა კონკრეტული მოთხოვნები აქვთ და გაგრძელდება თუ არა მათი გამოსვლები? #ახალიამბები #BusinessMediaGeorgia
ინვესტორებისთვის, რომლებიც საქართველოში ჰიდროელექტროსადგურების მშენებლობას აპირებენ, მთავრობას შეთავაზება აქვს. უკვე დამტკიცდა ის მხარდაჭერის სქემა, რომლის თანახმად, ხუთ მეგავატზე მეტი სიმძლავრის ელექტროსადგურები ყოველ გაყიდულ კილოვატსაათზე გარკვეულ თანხას სახელმწიფოსგან მიიღებენ. ცხადია, მთავრობის ამ დადგენილებით სარგებლობა კონკრეტული პირობების გათვალისწინებით მოხდება. #ახალიამბები #BusinessMediaGeorgia
რატომ გადავადდა რეგულარული საჰაერო მიმოსვლა? - ვატო ასათაშვილი საქმის კურსში სტუმარი: ვატო ასათაშვილი - “ჰელისკი ჯორჯიას“ დამფუძნებელი #ახალიამბები #BusinessMediaGeorgia
„დღესაც გვაქვს 8 ახალი შემთხვევა, აქედან 6 არის მძღოლი. ყველას წყარო ვიცით და ყველა არის შემოტანილი შემთხვევა. ამ მხრივ ტესტირების გაზრდასთან ერთად გამოვლენილ შემთხვევათა რაოდენობა ერთნიშნა ციფრს არ აცილებია. ეს არაპირდაპირი ნიშანია იმის, რომ ქვეყანაში, შიგნით ინტენსიურად ინფექცია არ ცირკულირებს, რაც კარგია, მაგრამ დამშვიდების საფუძველს არ გვაძლევს, რომ ისევ დავიწყოთ დიდი ქორწილები, შეკრებები, დღეობები“, - ეს განცხადება დაავადებათა კონტროლის ეროვნული ცენტრის ხელმძღვანელმა მთავრობის სხდომის დამთავრების შემდეგ მედიასთან გააკეთა. #ახალიამბები #BusinessMediaGeorgia
ახორციელებს თუ არა “ჯორჯიან ეარვეისი” სამოქალაქო ავიაციის საგენტოსთან შეუთანხმებლად ფრენებს?! განცხადება, რომ ქართული ავიაკომპანია ბილეთებს ძალიან ძვირად ყიდის და შეუთანხმებლად ასრულებს რესებს, ეკონომიკის მინისტრმა გააკეთა. მალევე ნათია თურნავას, “ჯორჯიან ეარვეისის” გენერალურმა დირექტორმა უპასუხა და თქვა, რომ რაღაც გაუგებრობას აქვს ადგილი და ყველა რეისი რომელსაც ავიაკომაპნია ასრულებს შესაბამის უწყებასთან შეთანხმებულია. ეკონომიკის მინისტრი, ასევე მიიჩნევს, რომ მთავრობამ ჩარტერული რეისები სხვა კომპანიებსაც უნდა დაუკვეთოს. #ახალიამბები #BusinessMediaGeorgia
ევროკავშირიდან ძალიან ცოტა ტურისტი ჩამოვა, ეს არის ზღვაში წვეთი, ასე განმარტა ფინასთა მინისტრმა ივანე მაჭავარიანმა მთავრობის გადაწყვეტილება საზღვრების გახსნასთან და ავიამიმოსვლის თარიღის გადაწევასთან დაკავშირებით. დღევანდელი მთავრობის სხდომა რამდენიმე სახითზე განცხადებებით პრემიერ-მინისტრმა გახსნა. გიორგი გახარია საზღვრების გახსნის საკითხს, მწვანე კორიდორის შექმნის სამუშაოებს შეეხო. სხდომის დასრულების სემდეგ კი ეკონომიკური ბლოკის მინისტრებთან ჟურნალისტებს კითხვების დასმის საშუალება ჰქონდათ. #ახალიამბები #BusinessMediaGeorgia
სახელმწიფო აუდიტის სამსახური საარჩევნო კოდექსში იმ ცვლილებას ეწინააღმდეგება, რომლის თანახმადაც, აუდიტის სამსახურს მედიის, მათ შორის არასაბიუჯეტო დაფინანსებაზე მყოფი მედია საშუალებების, ფინანსური საქმიანობის რეგულირებისა და კონტროლის უფლებამოსილება ენიჭება. საკითხს დღეს საქართველოს პარლამენტში განიხილავდნენ. რა შეფასებები აქვთ დეპუტატებს? #ახალიამბები #BusinessMediaGeorgia
რა ბედი ელის ქუთაისის ბაზას? - ინტერვიუ Wizz Air-ის კორპორატიული კომუნიკაციების უფროსთან #ახალიამბები #BusinessMediaGeorgia
სააგენტოს „აწარმოე საქართველოში“ დირექტორი მიხეილ ხიდურელი საქართველოს ბიზნეს ასოციაციას ხვდება , თემა სააგენტოს განახლებული პროგრამები და ქვეყნის საინვესტიციო სტრატეგიაა. #ახალიამბები #BusinessMediaGeorgia
დღეიდან 15,000 ლარამდე იზრდება თანხის ის მოცულობა, რომელსაც ქვეყანაში არსებულ ყველა დეპოზიტარს დეპოზიტების დაზღვევის სააგენტო დაუზღვევს. აქამდე ეს ლიმიტი მხოლოდ 5,000 ლარს შეადგენდა. თუკი ბანკი, რომელშიც მოქალაქეებს თანხა აქვთ შენახული მოულოდნელად კრიზისში აღმოჩნდება და ვალდებულებების გასტუმრებას ვერ შეძლებს, დეპოზიტარებს 15,000 ლარამდე ოდენობის თანხას სახელმწიფო სააგენტო აუნაზღაურებს. სტუმარი: ოთარ ძიძიკაშვილი - სსიპ დეპოზიტების დაზღვევის სააგენტოს უფროსი #ახალიამბები #BusinessMediaGeorgia