საქართველოს საინვეტიციო გარემო საერთაშორისო მედიის ყურადღების ცენტრში ექცევა - The Parliament Magazine აქვეყნებს სტატიას სადაც, ყოფილი ევროკომისარი და იტალიის ყოფილი საგარეო საქმეთა მინისტრი ფრანკო ფრატინის შეფასებით, “საქართველოში საერთაშორისო ინვესტორების მიმართ ვითარება გაუარესებულია”. გზასაცდენილი სანიმუშო მოსწავლე, - ასე კი საქართველოს ოლივერ როლოფსი აფასებს, რომელიც მიუნხენის სტრატეგიისა და საკომუნიკაციო კონსულტაციების მმართველი პარტნიორია. მრავალი წლის განმავლობაში ის მიუნხენის უსაფრთხოების კონფერენციაზე კომუნიკაციების ხელმძღვანელის პოზიციას იკავებდა. ეს შეფასება კი მისგან საქართვველომ “კავკასუს ონლაინის” წილის გასხვისებისა და ბოლო პერიოდში ელექტრონული კომუნიკაციების კანონში შეტანილი ცვლიელებების გამო დაიმსახურა. სად არის დღეს საქართელო და მართლაც უარესდება თუ არა ქვეყანაში ბიზნესგარემო? #ახალიამბები #BusinessMediaGeorgia
ამორტიზებული ლიფტების რაოდენობა საქართველოში 18 ათასს აღწევს. მათი ექსპლუატაციის 25–წლიანი ვადა დაახლოებით 30 წლის წინ ამოიწურა. ასეთი ლიფტები არა პოტენციურ, არამედ რეალურ საფრთხეს წარმოადგენენ ადამიანების სიცოცხლისთვის. რეალურს იმიტომ, რომ ლიფტებთან დაკავშირებული უბედური შემთხვევების რიცხვი მხოლოდ მიმდინარე წლის 6 თვეში 30–ს აღწევს,- ამის შესახებ „მენაშენეთა ასოციაციაში“ აცხადებენ. მათი ინფორმაციით, „მკვლელი ლიფტების“ შესაცვლელად წლები და კოლოსალური ფინანსებია საჭირო. #ახალიამბები #BusinessMediaGeorgia
საქართველოს საინვეტიციო გარემო საერთაშორისო მედიის ყურადღების ცენტრში ექცევა - The Parliament Magazine აქვეყნებს სტატიას სადაც, ყოფილი ევროკომისარი და იტალიის ყოფილი საგარეო საქმეთა მინისტრი ფრანკო ფრატინის შეფასებით .“საქართველოში საერთაშორისო ინვესტორების მიმართ ვითარება გაუარესებულია”- მაგალითად კი მას ანაკლიის ღრმაწყლოვანი პორტის პროექტი მოჰყავს, რომელსაც ფრანტინის შეფასებით საქართველოში ახალი დასავლური ინვესტიციები უნდა მოეზიდა და ქვეყანა ევროპასა და აზიას შორის ვაჭრობის ჰაბად ექცია. თუმცა, ყოფილი ევროკომისარი აღნიშნავს, რომ ანაკლიის პროექტში ჩართული ინვესტორებისა და საერთაშორისო განვითარების სააგენტოების მიერ პროექტის დასაფინანსებლად გამოყოფილი სესხის გარანტირებაზე საქართველოს მთავრობამ უარი თქვა, რასაც პროექტის გაჩერება მოჰყვა,” - წერს ფრანკო ფრატინი. ამასთან, იტალიის ყოფილი საგარეო საქმეთა მინისტრი საქართველოში სტრატეგიული პროექტის განვითარების შეფერხების უახლეს მაგალითად ახალი ციფრული დერეფანის პროექტს ასახელებს. საქართველოს გავლით, ახალი ოპტიკურ-ბოჭკოვანი ინფრასტრუქტურის შექმნას აზერბაიჯანული საინვესტიციო ჰოლდინგი NEQSOL-ი გეგმავს, რომელმაც საქართველოში მოქმედი ოპერატორის “კავკასუს ონლაინის” 49%-იანი წილი შეისყიდა. “ევროპასა და აზიას შორის ახალი ოპტიკურ-ბოჭკოვანი მაგისტრალის შექმნა 1.8 მილიარდი მომხმარებლისთვის გააუმჯობესებს ინტერნეტთან წვდომას,”- აღნიშნავს ფრატინი. ყოფილი ევროკომისარი წერს, რომ საქართველოს მთავრობა ამ გარიგების შეჩერებას ცდილობს. მისი შეფასებით სწორედ ამ მიზნით იყო მოტივირებული პარლამენტის მიერ დაჩქარებული წესით მიღებული კანონი, რომელიც კომუნიკაციების კომისიის უფლებებს აფართოვებს და მას კომპანიებში სპეციალური მმართველის დანიშვნის შესაძლებლობას აძლევს. #ახალიამბები #BusinessMediaGeorgia
იმ შეთხვევაში თუ თქვენ ახლო მომავალში მართვის მოწმობის აღებას გეგმავთ, შესაძლოა მეორე ეტაპის გავლაც მოგიწიოთ, რომელიც გამოცდაზე ავტომობილის ქალაქში მართვას გულისხმობს. როგორ აფასებენ შესაძლო ცვლილებებს როგორც დარგის ექსპერტები ისე თავად ავტოსკოლების წარმომადგენლები? #ახალიამბები #BusinessMediaGeorgia
სასტუმროების სესხების პროცენტის სუბსიდირება დაგრძელდა - ვატო ასათაშვილი მთავრობის გადაწყვეტილების შეფასებით საქმის კურსში სტუმარი: ვატო ასათაშვილი - "ჰელისკი ჯორჯიას" ხელმძღვანელი #ახალიამბები #BusinessMediaGeorgia
მთავრობამ მცირე და საოჯახო სასტუმროების სესხის თანადაფინანსების პროგრამის 1 წლამდე გახანგრძლვების გადაწყვეტილება მიიღო. ამის შესახებ გიორგი გახარიამ დღეს მთავრობის სხდომაზე განაცხადა და იქვე დასძინა, რომ ამ ეტაპზე ეს არის სახელმწიფოს მხრიდან ტურიზმის სექტორის მხარდაჭერის ერთადერთი შესაძლებლობა. უფრო მეტს თელარა გელანტია მოგვიყვება. ვის შეუძლია პროგრამით სარგებლობა? #ახალიამბები #BusinessMediaGeorgia
პრემიერ-მინისტრმა, გიორგი გახარიამ შესაბამის უწყებებს ეპიდემიოლოგების რეკომენდაციების შესრულებაზე კონტროლის გამკაცრება დაავალა. გახარიამ განცხადება მთავრობის სხდომის დაწყებამდე გააკეთა და თქვა, რომ ყველა უნდა შეეცადოს შენარჩუნებული იყოს ის წარმატება, რომელიც ქვეყანას კორონავირუსთან ბრძოლაში აქვს მიღწეული. ასევე, ცნობილი გახდა, რომ სასტუმროებისთვის სესხის პროცენტის დაფინანსების პერიოდი გრძელდება. #ახალიამბები #BusinessMediaGeorgia
თბილისის მერიაში სერგი გვარჯალაძის თანამდებობიდან წასვლის შემდეგ პირველი კომენტარები კეთდება. თბილისის მერის მოადგილე ანდრია ბასილაია ღამის ეკონომიკის უკვე ყოფილი მენეჯერის სერგი გვარჯალაძის მმართველობის მთავარ მიღწევად, პანდემიის პერიოდში, მერიის მიერ კლუბებისთვის მხარში დგომას მიიჩნევს. #ახალიამბები #BusinessMediaGeorgia
სილამაზის სალონებმა ბინაზე სალონური მომსახურების რეგულირების თხოვნით, ჯანდაცვის სამინისტროს მიმართეს. როგორც bm.ge-ს „სალონების ფედერაციის“ ხელმძღვანელმა, თამარ შარაშენიძემ განუცხადა, აღნიშნული პრობლემის შესახებ მინისტრი ეკატერინე ტიკარაძე უკვე ინფორმირებულია და რამდენიმე დღეში ანალოგიური თხოვნით სალონების ფედერაცია ეკონომიკის სამინისტროს და ნათია თურნავას მიმართავენ. #ახალიამბები #BusinessMediaGeorgia
300 ლარიანი ნივთების გამოწერის შემთხვევაში შესაძლოა, განბაჟება აღარ მოგიწიოთ. აღნიშნულის შესახებ მოქალაქეთა მოთხოვნა პარლამენტში უკვე წარდგენილია. კერძოდ, საუბარია, 13 070 მოქალაქის მიერ ხელმოწერილ და წარმოდგენილ პეტიციაზე. ინიციატივაზე ხელმომწერი პირები ითხოვენ, რომ საზღვარგარეთიდან გამოწერილ 300 ლარიან ნივთებს განბაჟებამ აღარ მოუწიოს და ზღვარმა 600 ლარზე აიწიოს. სტუმარი: ნინო მენთეშაშვილი - “ფედექს საქართველო” გენერალური დირექტორი #ახალიამბები #BusinessMediaGeorgia
სილამაზის სალონებმა ბინაზე სალონური მომსახურების რეგულირების თხოვნით, ჯანდაცვის სამინისტროს მიმართეს. როგორც bm.ge-ს „სალონების ფედერაციის“ ხელმძღვანელმა, თამარ შარაშენიძემ განუცხადა, აღნიშნული პრობლემის შესახებ მინისტრი ეკატერინე ტიკარაძე უკვე ინფორმირებულია და რამდენიმე დღეში ანალოგიური თხოვნით სალონების ფედერაცია ეკონომიკის სამინისტროს და ნათია თურნავას მიმართავენ. როგორ აპირებს სექტორის ნაწილი ბინაზე სალონური მომსახურების რეგულირებას და შეზღუდვას? თამარ შარაშენიძე - „სალონების ფედერაციის“ ხელმძღვანელი #ახალიამბები #BusinessMediaGeorgia
დედაქალაქის მერია ეკონომიკისა და მდგრადი განვითარების სამინისტროსთან ერთად, თბილისის ანძაზე ტურისტული ინფრასტრუქტურის მოსაწყობად, ინტერესთა გამოხატვას აცხადებს. როგორც დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე აღნიშნა, პროექტის განხორციელების შედეგად, თბილისის ანძა საკმაოდ საინტერესო და მიმზიდველი ობიექტი გახდება. კიდევ რა განცხადებები გაკეთდა თბილისის მთავრობის სხდომაზე? #ახალიამბები #BusinessMediaGeorgia
ლილო მოლის ადმინისტრაციას აუდიტორული კომპანია “აუდიტი 777”-ის თანამშრომლები დაუპირისპირდნენ, რომლებიც ლილო მოლის დამფუძნებლებს სამუშაოს შეზღუდვაში ადანაშაულებენ და ამბობენ, რომ მათ არ ეძლევათ საშუალება იმუშაონ ლილო მოლის მოიჯარეებთან, რომლებთანაც აღნიშნული კომპანიის ბუღალტრებს მუშაობის მრავალწლიანი გამოცდილება აქვთ. მათი განმარტებით ხდება მოიჯარეებზე ზეწოლა, რომ მათ მომსახურება არა აუდიტი 777-გან, არამედ კომპანია abg consulting-ისგან მიიღონ, რომლის წილშიც ლილო მოლის დამფუძნებლები არიან. #ახალიამბები #BusinessMediaGeorgia
ეს არის ერთ-ერთი ყველაზე რთული დავა რომელიც საქართველოს არბიტრაჟში ჰქონია -ასე შეაფასა დღეს “ბი ელ სის” იურისტმა ქეთი კვარცხვამამ ის საარბიტრაჟო სარჩელი, რომელიც ანაკლიის კონსორციუმმა და მთავარმა უცხოელმა ინვესტორმა საქართველოს წინააღმდეგ შეიტანეს. კვარცხავას განრატებით, ასეთი სირთულის დავა ერთ წელიწადზე ადრე არ დაიწყება და მას დასასრულებლად დაახლოებით ორი წელი დასჭირდება. #ახალიამბები #BusinessMediaGeorgia
საქსტატმა 2020 წლის პირველ ნახევარში მშენებლობებზე გაცემული ნებართვებისა და ექსლუატაციაში მიღებული ობიექტების შესახებ სტატისტიკური მონაცემები გამოაქვეყნა. ირკვევა, რომ საანგარიშო პერიოდში შემცირებულია როგორც გაცემული ნებართვების, ისე ექსპლუატაციაში მიღებული ფართობების მაჩვენებელი. #ახალიამბები #BusinessMediaGeorgia
ანაკლიის განვითარების კონსორციუმმა და მთავარმა უცხოელმა ინვესტორმა საქართველოს წინააღმდეგ საარბიტრაჟო სარჩელი შეიტანეს” - აღნიშნული განცხადება პრესკონფერენციაზე გაკეთდა, რომელიც რამდენიმე საათის წინ დასრულდა. ხოლო 29 ივლისს შეტანილი სარჩელები კი ანაკლიის პორტის პროექტის განხორციელების პროცესში მთავრობის "ძირგამომთხრელი კამპანიის შედეგად ანკლიის კონსორციუმისთვის მიყენებული მნიშვნელოვანი ზიანის ანაზღაურებას" ეხება. 2 დამოუკიდებელი სარჩელი არბიტრაჟში "ანაკლიის განვითარების კონსორციუმმა" და ბობ მეიერმა შეიტანეს, რომელიც კონსორციუმის ერთ-ერთი მთავარი მეწილე იყო. სტუმარი: ქეთი ქვარცხავა - BLC ; იურისტი #ახალიამბები #BusinessMediaGeorgia
ალკოჰოლური სასმელების მწარმოებელი კომპანიები უკვე წლებია საუბრობენ ამ ბაზარზე არსებულ გამოწვევებზე, თუ პანდემიამდე ერთ-ერთი მნიშვნელოვანი პრობლემა ამ ბაზრისთვის აქციზის ზრდა იყო და ამის გამო ბაზარი არაერთმა კომპანიამაც დატოვა, კორონავირუსმა პრობლემების ნუსხა კიდევ უფრო გააფართოვა. ისედაც კრიზისულ მდგომარეობაში მყოფ ბიზნესს პანდემიამ , გაყიდვების მაჩვენებლის შემცირების ფონზე დიდი ზარალიც მოუტანა. #ახალიამბები #BusinessMediaGeorgia
2020 წლის I ნახევარში საქართველოში ელექტროენერგიის მოხმარება 4.5%-ით დაეცა. 2020 წლის პირველ ექვს თვეში საქართველოს მოსახლეობამ, ჯამურად, 6 მილიარდ 387 მილიონი კილოვატ საათი ელექტროენრგია მოიხმარა, რაც 2019 წლის ანალოგიურ პერიოდთან შედარებით 4.5%-ით ნაკლებია. ქვეყანაში ელექტროენერგიის მოხმარების კლება პანდემიის ფონზე შემცირებულ ეკონომიკურ აქტივობას უკავშირდება, რის გამოც როგორც უმსხვილესი ბიზნესები, ასევე ქვეყნის მოქალაქეები შემცირებული მოცულობის ელექტროენერგიას მოიხმარენ. ელექტროენერგეტიკული სისტემის კომერციული ოპერატორის (ესკოს) სტატისტიკური ანგარიშიდან ირკვევა ისიც, რომ ელექტროენერგიის მოხმარების შემცირების მიუხედავად, ქვეყანაში ელექტროენერგიის იმპორტი გაზრდილია. სტუმარი: მურმან მარგველაშვილი - „მსოფლიო გამოცდილება საქართველოსთვის“ ხელმძღვანელი #ახალიამბები #BusinessMediaGeorgia
"ჭავჭავაძის გამზირზე ავტობუსები შუა ზოლში ივლიან, ზოგადად, ამ პროექტმა 500 მლნ ლარის დაზოგვის შესაძლებლობა მოგვცა", - ამის შესახებ თბილისის მერიის ტრანსპორტის და ურბანული განვითარების სააგენტოს ხელმძღვანელმა ვიქტორ წილოსანმა დედაქალაქის მთავრობის სხდომის შემდეგ განაცხადა. bm.ge-მ წილოსანთან დააზუსტა, რომ 500 მლნ ლარის ეკონომიაში ის, ზოგადად, ავტობუსების შუა ზოლში გადატანას გულისხმობდა. სტუმარი: შალვა ოგბაიძე - საკრებულოს უმრავლესობის წევრი #ახალიამბები #BusinessMediaGeorgia
2019 წელს მთავრობამ ბიუჯეტიდან პრემიებზე 35,9 მილიონი ლარი დახარჯა, რაც 2018 წელთან შედარებით 3,6 მილიონი ლარით მეტია. ბიუჯეტის მონიტორის მიხედვით, 2019 წელს წინა წელთან შედარებით გაზრდილია დანამატის ხარჯებიც, რომელმაც ჯამურად, 48მილიონ 494 ათასი ლარი შეადინა. საერთოდ კი სახელმწიფომ 1.5 მილიარდი ლარის შრომის ანაზღაურების ხარჯი გასწია. #ახალიამბები #BusinessMediaGeorgia
“ჩვენთვის მთავარია, მევენახე ფერმერებს ყურძენი ჩაუბარებელი არ დარჩეთ” - ამის შესახებ სოფლის მეურნეობის მინისტრმა ღვინის კომპანიებთან შეხვედრაზე განაცხადა. შეხვედრაზე ლევან დავითაშვილმა 2020 წლის რთველთან დაკავშირებულ ფინანსურ და ორგანიზაციულ საკითხებზე ისაუბრა და მეღვინეებს ახალი კორონავირუსის პანდემიით შექმნილი რთული პერიოდის ფონზე სახელმწიფოს მხრიდან გათვალისწინებული ღონისძიებების შესახებ დეტალური ინფორმაცია მიაწოდა. რა საკითხები დააყენა კერძო სექტორმა? სტუმრები: კაკო ცოფურაშვილი - ღვინის კომპანია შუმის ხელმძღვანელი ზურაბ მარგველაშვილი - თბილღვინო; დამფუძნებელი #ახალიამბები #BusinessMediaGeorgia
"წლის ბოლომდე ეს ყვითელი ჯართი ქალაქში აღარ ივლის", - ამის შესახებ თბილისის მერმა კახა კალაძემ დედაქალაქის მთავრობის სხდომაზე საზოგადოებრივი ტრანსპორტის განახლებაზე საუბრისას განაცხადა. მისი თქმით, თბილისის მერია საზოგადოებრივი ტრანსპორტის განვითარებას უწყობს ხელს. კიდევ რა საკითხები დააყენა დღის წესრიგში თბილისის მერმა? #ახალიამბები #BusinessMediaGeorgia
საჯარო და კერძო სექტორის წარმომადგენლები დონორ ორგანიზაციებთან ერთად აგრარულ სექტორში არსებულ პრობლემებზე და და დასაქმების ხელშეწყობის შესაძლებლობებზე მსჯელობენ. #ახალიამბები #BusinessMediaGeorgia
„იპოთეკურ სესხებზე განაცხადები 10-ჯერ გაიზარდა“ - ეს განცხადება BMG-სთან საბანკო ასოციაციის ხელმძღვანელმა გააკეთა. ალექსანდრე ძნელაძე ამბობს, რომ ფაქტობრივად 1 ივლისიდან გაცემული ყველა სესხი, რომელიც აკმაყოფილებს იპოთეკური სესხების სუბსიდირების პირობებს, მოხვდება სუბსიდირების პროექტში. რა სურათი გვაქვს დღეს და რა გათვლები აქვს სექტორს? სტუმარი: ალექსანდრე ძნელაძე - საბანკო ასოციაცია; პრეზიდენტი #ახალიამბები #BusinessMediaGeorgia
2022 წლიდან შესაძლოა ფარმაცევტული კომპანიების ნაწილმა საქმიანობა შეაჩეროს. ეს ის იმ შემთხვევაში, თუ წარმოებები ჯი ემ პი-ს ევროპული სტანდარტის დანერგვას დათქმულ ვადებში ვერ შეძლებენ. როგორც ფარმაცევტული კომპანიების ასოციაციაში ამბობენ, ჯი ემ პი-ს ანუ კარგი საწარმოო პრაქტიკის დანერგვა კომპანიებისთვის სოლიდურ ფინანსურ რესურს საჭიროებს, შესაბამისად 2022 წლიდან მოსალოდნელია, რომ მედიკამენტებზე ფასები მოიმატებს. დარგი ჯანდაცვის სამინისტროს სტანდარტის დასანერგად დროის გადავადების თხოვნით მიმართავს. საკითხი რამდენჯერმე დაისვა ინვესტორთა საბჭოს ფორმატშიც. #ახალიამბები #BusinessMediaGeorgia
ამერიკული ენერგოკომპანია Frontera მორიგ განცხადებას აქვეყნებს. განცხადებაში კომპანია აღნიშნავს, რომ რამდენიმე დღის წინ, როდესაც საქართველოს მთავრობამ განაცხადა, რომ კომპანიასთან კონტრაქტს არ შეაჩერებდნენ, ამის პარალელურად კომპანიას მიმართეს ცნობით, რომ მთავრობა კვლავ შეეცდება, რომ კომპანიასთან არსებული ხელშეკრულების მოქმედება შეჩერდეს. სტუმარი: ზაზა მამულაშვილი - „ფრონტერა რისორს კორპორეიშენი“ პრეზიდენტი #ახალიამბები #BusinessMediaGeorgia
ღამის ეკონომიკის სტრატეგია, კულტურის სფეროსთვის დაფინანსების გაზრდა - ესაა თბილისის მერიის უახლესი გეგმები. კორონავირუსის პერიოდში დაზარალებული კაფე-ბარებისთვის მერიამ გადაწყვიტა, მის საკუთრებაში არსებული სივრცეები დროებით გადასცეს ბიზნესს ან საკუთარი იბუექტების მიმდებარე ტერიტორია მუნიციპაპლიტეტის ხარჯზე გააფართოვოს. მერის მოადგილე ამბობს, რომ მომართვიანობა არის და უახლოეს დღეებში რესტორნებსა და კაფე-ბარებს ობიექტებს და ღია სივრცეებს გადასცემენ. ლოკაციები სხვადასხვაგვარია - ლისისა და კუს ტბის მიმდებარე ტერიტორიები, სკვერები და ა.შ. ანდრია ბასიალა ბიზნესის კრიტიკასაც პასუხობს და ფიქრობს, რომ ეს შეთავაზებები დაგვიანებული არ არის. რას გეგმავს მერია ამ მიმართულებით? #ახალიამბები #BusinessMediaGeorgia
COVID19-მა კატერების ბიზნესი თბილისში პრაქტიკურად ბაზრიდან გააქრო. რას ამბობს კერძო სექტორი? #ახალიამბები #BusinessMediaGeorgia
ელექტრონული კომერციის შესახებ კანონი საქართველომ 2020 წლის ბოლომდე უნდა მიიღოს - ასეთია საქართველოს დღის წესრიგი, რომლის შესრულებიც ვალდებულებას საქართველომ ევროკავშირთან ასოცირების ხელშეკრულებაზე ხელმოწერით აიღო. კანონპროექტის სამუშაო ვერსია უკვე დიდი ხანია მზადაა, მაგრამ პარლამენტს ამ დრომდე არ დაუმტკიცებია. #ახალიამბები #BusinessMediaGeorgia
ეროვნული ბანკი ციფრული ბანკის ლიცენზირების საკითხს განიხილავს. ციფრული ბანკის მოდელის განვითარებით ეროვნული ბანკი მიზნად ისახავს ხელი შეუწყოს: ინოვაციური ბიზნესს მოდელების განვითარებას; ფინანსური პროდუქტების მრავალფეროვნებას; დიდი მონაცემების უკეთ გამოყენებას; როგორ აპირებს ეროვნული ბანკი ციფრული სერვისების და სრულფასოვანი საბანკო მომსახურების მხარდაჭერას, რა კრიტერიუმების და მოთხოვნების დაკმაყოფილება მოუწევთ დაინტერესებულ პირებს? სტუმარი: პაპუნა ლეჟავა - ეროვნული ბანკის ვიცე-პრეზიდენტი #ახალიამბები #BusinessMediaGeorgia
საპარტნიორო ფონდი რამდენიმე დღეში სასტუმრო "ბორჯომი-ლიკანს", გასხვისების მიზნით, აუქციონზე უკვე მეორედ გამოიტანს, თუმცა ფასი იმაზე ბევრად ნაკლები იქნება, ვიდრე ეს გასულ წელს, პირველი აუქციონის გამოცხადების დროს იყო. როგორც საპარტნიორო ფონდის აღმასრულებელი დირექტორი დავით საგანელიძე აცხადებს, სამეთვალყურეო საბჭომ უკვე დაამტკიცა სასტუმროს ახალი საწყისი ფასი, რაც პირვანდელთან შედარებით 7 მლნ 600 ათასი ლარით ნაკლებია. “38 მილიონად იყო გამოტანილი და ახლა, უახლოეს დღეებში 30,4 მილიონად გამოვიტანთ. იმედია, გამოჩნდება კარგი ინვესტოირი, ვინც ამას შეიძენს", - აცხადებს საგანელიძე. #ახალიამბები #BusinessMediaGeorgia
ბიზნესი ტურისტული გადასახადის შემოღების იდეით გამოდის. ტურიზმის სექტორი პანდემიის გამო შექმნილი კრიზისიდან გამოსვლის გზებს ეძებს. როგორც bm.ge-თან სასტუმროებისა და რესტორნების ფედერაციის პრეზიდენტმა, შალვა ალავერდაშვილმა განაცხადა, 2021 წლის ივნისამდე ტურიზმის სექტორი, რომელიც გიდებს, სასტუმროებს, სატრანსპორტო კომპანიებს, რესტორნებს და ტურიზმის სექტორთან დაკავშირებულ კომპანიებს აერთიანებს, არის გადახდისუუნარო. ამ პერიოდში კი საბანკო ვალდებულებების მომსახურებისთვის სექტორს 140 მლნ დოლარი სჭირდება. სტუმარი: შალვა ალავერდაშვილი - სასტუმროებისა და რესტორნების ფედერაციის პრეზიდენტი #ახალიამბები #BusinessMediaGeorgia
„საპარტნიორო ფონდის" აღმასრულებელი დირექტორი, დავით საგანელიძე პოლიტიკაში დაბრუნებას გამორიცხავს. როგორც საგანელიძემ ჟურნალისტებს განუცხადა. „ ვფიქრობ, რომ გარკვეულწილად პოლიტიკაში ჩემი ვალი მოვიხადე, წარმატებულად თუ წარუმატებლად, ეს საზოგადოებამ შეაფასოს. ვფიქრობ, ის საქმე, რასაც ახლა ვაკეთებ, ეს უნდა იყოს ჩემი ძირითადი და მნიშვნელოვანი საქმე", -აცხადებს საგანელიძე. #ახალიამბები #BusinessMediaGeorgia
bm.ge-სა და ფორბს ჯორჯიას მორიგი ინტერვიუ “კავკასუს ონლაინის” ახალ მეწილეებთან. როგორც ჩანს, აზერბაიჯანულ კომპანია “ნექსოლ ჰოლდინგსა” და კომუნიკაციების კომისიას შორის ურთიერთობა განახლდა. იგეგმება თუ არა ისევ საქმის არბიტრაჟში გადატანა და კიდევ ბევრი ახალი დეტალი - ციფრლი აბრეშუმის გზის შესახებ - რა სარგებლობა მოაქვს მას საქართველოსთვის და რას ითხოვს ინვესტორი საქართველოში? თემურ თაგიევი - Neqsol Holding-ის სტრატეგიული მიმართულების ხელმძღვანელი #ახალიამბები #BusinessMediaGeorgia
საქართველოში საყოველთაო ინტერნეტიზაციის პროექტი რომ იწყებოდა, ეს პირველად 2014 წელს გაჟღერდა, თუმცა მისი აქტიური განხორციელება ამ დრომდე არ დაწყებულა. დღეს პრემიერ-მინისტრმა გიორგი გახარიამ მთავრობის სხდომის დაწყებისას გააჟღერა, რომ პროექტის იწყება და პირველი რეგიონი გურია იქნება. „მაღალი ხარისხის ინტერნეტი თითოეულ ქართულ სოფელში - ეს არის უაღრესად მნიშვნელოვანი და სწრაფად გადასაწყვეტი ამოცანა“, - თქვა პრემიერმა. მოგვიანებით კი ოდნავ მეტი ინფორმაცია მოგვაწოდა ნათია თურნავამ. „რამდენიმე თვეში ოზურგეთის 49 დასახლებული პუნქტი, სადაც 8 500 ოჯახზე მეტი ცხოვრობს, მაღალი ხარისხის, სწრაფ ინტერნეტს ოპტიკურ-ბოჭკოვანი ქსელით მიიღებს, რომლის მშენებლობაც უახლოეს პერიოდში დაიწყება“, - თქვა მინისტრმა. #ახალიამბები #BusinessMediaGeorgia
კოკა-კოლა ბოთლერს ჯორჯია მსოფლიო ბაზარზე ახალი მინერალური წყლით შედის. კომპანიამ მტკნარი წყლის წარმოების 25 წლიანი ლიცენზია ჯერ კიდევ გასულ წელს მიიღო, მიმდინარე წლის ივლისში კი განაცხადა, რომ თავის პორტფელს აფართოვებს და ახალი მინერალური წყლის, ბრენდული დასახელებით „მთის“ წარმოებას იწყებს. რა გეგმები აქვს კომპანიას და როგორია „მთის“ საექსპორტო პოტენციალი. #ახალიამბები #BusinessMediaGeorgia
შედგა თუ არა რაიმე სახის კომუნიკაცია, ტურისტული სექტორის იმ ნაწილთან, რომელმაც სახელმწიფო კანცელარიასთან რამდენიმე აქცია გამართა და საზღვრების გახსნა მოითხოვა. აქციის მონაწილეები აცხადებდნენ, რომ რამდენიმე თვეა საერთოდ არაფერი გამოუმუშავებიათ და ამ უმძიმესი ვითარებიდან ერთადერთი გამოსავალი, ტურისტული სექტორის ეტაპობრივი აღდგენა და ე.წ მწვანე ზონის ქვეყნებისთვის დაუყოვნებლივ საზღვრების გახსნაა. სტუმარი: ვასილ საღირიშვილი - კომპანია Caucasus crew -ს თანადამფუძნებელი #ახალიამბები #BusinessMediaGeorgia
„საქართველოს მთავრობამ მიიღო გადაწყვეტილება, აღარ მოშალოს „ფრონტერა“-სთან კონტრაქტი და შესაძლებლობა მისცეს კომპანიას, საქმიანობა განაგრძოს საწყისი საკონტრაქტო ტერიტორიის იმ ნაწილში, სადაც ნავთობის მოპოვება ჯერ კიდევ საბჭოთა პერიოდიდან მიმდინარეობდა. საუბარია სახელმწიფოს საძიებო ტერიტორიის დაახლოებით 1%-ზე, რადგან ამ ტერიტორიის დაახლოებით 99%, „ფრონტერა“-მ, საარბიტრაჟო გადაწყვეტილების თანახმად, სახელმწიფოს უკვე დაუბრუნა“ - ეს არის ამონარიდი საქართველოს ეკონომიკის სამინისტროს მიერ დღეს გავრცელებული განცხადებიდან. მთავრობაში ირწმუნებიან, რომ სახელმწიფოს მხრიდან აღნიშნული გადაწყვეტილების მიღება განპირობებულია ქვეყნის წინაშე მდგარი სტრატეგიული ამოცანებით ანუ იგულისხმება აშშ-თან სტრატეგიული პარტნიორობა. თემაზე კომენტარი დღეს მთავრბის სხდომის შემდეგ ეკონომიკის მინისტრმაც გააკეთა. ნიშნავს თუ არა ეს გადაწყვეტილება მთავრობის მხრიდან უკან დახევას? #ახალიამბები #BusinessMediaGeorgia
რა გეგმები ჰქონდა დაზღვევის ზედამხედელობის სააგენტოს 2020 წელს, რომელიც ევროკავშირთან ჰარმონიზაციის პროცესში რამდენიმე ინიციატივის დანერგვას გეგმავდა. ასევე, საუბარი იყო სადაზღვევო კომპანიებისთვის მინიმალური კაპიტალის ზღვრის გაზრდაზე, რომელსაც კომპანიების ნაწილი არ ეთანხმება და პროცესის გადავადებას ითხოვს. სტუმარი: დავით ონოფრიშვილი - დაზღვევის სახელმწიფო ზედამხედველობის სამსახური; უფროსი #ახალიამბები #BusinessMediaGeorgia
დედაქალაქში პარკირების წესების დარღვევაზე არსებული ჯარიმების ოდენობა იზრდება. შესაბამისი საკანონმდებლო ცვლილებათა პაკეტი თბილისის მერიის წინადადების საფუძველზე, საქართველოს პარლამენტმა უკვე დაამტკიცა. რამდენად მძიმდება საჯარიმო სანქციები და რატომ არ ამეტებს დედაქალაქში თბილსის მერია საპარკინგე ადგილებს? #ახალიამბები #BusinessMediaGeorgia
ორი ხმაურიანი კანონპროექტი, რომელზეც გასულ კვირებში პარლამენტში ცხარე კამათი გაიმართა - ცვლილებები ელექტრონული კომუნიკაციების შესახებ კანონში და ცვლილებები ენერგეტიკისა და წყალმომარაგების შესახებ კანონში. ერთ-ერთი მათგანი უკვე კანონად არის ქცეული, სემეკის უფლებამოსილების გაფართოებაზე კანონპროექტმა კი პარლამენტის სამი მოსმენა უკვე გაიარა. რა მივიღეთ საკანონმდებლო ორგანოში გამართული არაერთი დაპირისპირების ფონზე - როგორ იმოქმედებს 2 კანონში დაჩქარებული წესით შესული ცვლილებები ბიზნეს და საინვესზტიციო გარემოზე ქვეყანაში? #ახალიამბები #BusinessMediaGeorgia
კომპანიების 37%-ის ზარალი 5000-დან 20 000 ლარამდე მერყეობს; გამოკითხულთა 34%-ს კი ზარალი არ აქვს; კომპანიების 53% დასაქმებულთა რაოდენობას შეინარჩუნებ; 31%-ს უჭირს პასუხის გაცემა; პანდემიიდან გამომდინარე, ბიზნესის საჭიროებებზე კვლევა სავაჭრო სამრეწველო პალატამ ჩაატარა. ტექნიკურ ნაწილზე, რომ სტუმართან არ შევჩერდეთ, მე გეტყვით მთავარ დეტალებს, კვლევაში მონაწილეობა მიიღო 1553 ბიზნეს სუბიექტმა. გამოკითხულთა 89% წარმოადგენს რეგიონულ ბიზნეს; 97% წარმოადგენს მცირე და საშუალო მეწარმეებს; კვლევაში მონაწილეობა მიიღო ორმოცდაათამდე სექტორის წარმომადგენელმა. სტუმარი: გიორგი ვეკუა – საქართველოს სავაჭრო-სამრეწველო პალატის მომსახურებისა და რეგიონული განვითარების დეპარტამენტის დირექტორი #ახალიამბები #BusinessMediaGeorgia
იმედი გვაქვს, რეგულარული ფრენები გაგრძელდება და ფასებიც ალბათ, დაახლოებით, ძველ ნიშნულს დაუბრუნდება, - ამის შესახებ ეკონომიკის მინისტრმა ნათია თურნავამ განაცხადა. მისივე თქმით, ორი კატეგორიის ფრენა არის, ე.წ. სოციალური, სუბსიდირებადი ფრენა და ჩვეულებრივი კომერციული, რეგულარული ფრენები. ამასთან, როგორც ეკონომიკის მინისტრი განმარტავს, რაც უფრო შორს არის ფრენის თარიღი, მით უფრო იაფია, რაც უფრო ახლოვდება, მით უფრო აძვირებს ავიაკომპანია და არსებობს სხვადასხვა კლასი. #ახალიამბები #BusinessMediaGeorgia
თბილისის მერიამ ტურიზმის ხელშეწყობის მიზნით, ახალი ვებპორტალი შექმნა. Find out tbilisi.com-ი წარმოადგენს ონლაინპლატფორმას, რომელზეც თბილისში რეგისტრირებულ კომპანიებს საშუალება აქვთ, საკუთარი პროდუქტებისა და სერვისების შესახებ ქართულ და ინგლისურ ენებზე ინფორმაცია უფასოდ განათავსონ. სტუმრები: ნინო მაღრაძე - ეკონომიკური განვითარების საქალაქო სამსახურის უფროსი #ახალიამბები #BusinessMediaGeorgia
ჯანდაცვის მინისტრი ეკატერინე ტიკარაძე, ჯანმრთელობის დაცვის შესახებ საკმაოდ ხმაურიანი კანონპროექტის შესახებ პირველ კომენტარს აკეთებს. გასული კვირის ბოლოს, კანონპროექტი, რომლის მიღებასაც სამინისტრო დაჩქარებული წესით ითხოვდა, ჯანდაცვის კომიტეტში მესამე მოსმენით მიიღეს, იმავე დღეს პროექტი დეპუტატებს სესიაზე მესამე მოსმენით უნდა დაემტკიცებინათ, თუმცა ყველასთვის მოულოდნელად, ჯანდაცვის მინისტრის მოადგილემ თამარ გაბუნიამ პარლამენტის თავმჯდომარეს განხილვის გადადება სთხოვა. როგორც BMG-სთ გახდა ცნობილი, საკომიტეტო განხილვასა და სესიას შორის გაბუნია მინისტრს, ეკატერინე ტიკარაძეს ტელეფონით ესაუბრა. #ახალიამბები #BusinessMediaGeorgia
დღეს პარლამენტში ევროკავშირის ბაზარზე მცირე და საშუალო ბიზნესის გამოწვევებზე იმსჯელეს და ევროპასთან ინტეგრაციის კომიტეტის მიერ შექმნილ, თემატური მოკვლევის ჯგუფს მოუწმინეს. რა ტიპის პრობლემების იდენტიფიცირება მოხდა, რა გამოწვევები აქვს კერძო სექტორს და როგორ აპირებს მთავრობა ბიზნესის დახმარებას? #ახალიამბები #BusinessMediaGeorgia
საქართველოს ბაზარი ვირტუალური მობილური ოპერატორებისთვის იხსნება. ვირტუალური ოპერატორი - ეს არის მობილური მომსახურების მიმწოდებელი ისეთი კომპანია, რომელსაც შეუძლია საკუთარი ქსელის გარეშე, შესთავაზოს აბონენტებს ტრადიციული მობილური მომსახურება. მაგთიკომს, სილქნეტსა და “ვიონ საქართველოს” კი ექნებათ ვალდებულება ეს კომპანიები საკუთარ ინფრასტრუქტურაზე დაუშვან. რეფორმა 2021 წლიდან ამოქმედდება - რას შეცვლის სიახლე კომპანიებისთვის და რას შეცვლის მომხმარებლისთვის? #ახალიამბები #BusinessMediaGeorgia
რა სიახლეებს და ვალდებულებებს აერთიანებს საფინანსო სექტორისთვის, ეროვნული ბანკის სავალუტო ბაზრის რეფორმა,რომლის პრეზენტაციაც დღეს შედგა. სების ცნობით, რეფორმა ორ მნიშვნელოვან კომპონენტს მოიცავს და საუკეთესო საერთაშორისო პრაქტიკას ეფუძნება. რეფორმის პირველი კომპონენტი, გლობალური სავალუტო კოდექსია, რომლის მიზანია, სავალუტო ბაზრის მონაწილეთა საქმიანობის წესის გამჭვირვალობის და კონკურენციის გაზრდა. ახალი მიდგომების დანერგვას თან ახლავს შესაბამისი ინფრასტრუქტურული ცვლილებები. ამიტომ რეფორმის მეორე შემადგენელი კომპონენტია ბლუმბერგის ახალი სავაჭრო პლატფორმის - Bmatch ამოქმედება. სტუმარი: გიორგი ლალიაშვილი - ფინანსური ბაზრების დეპარტამენტის უფროსი #ახალიამბები #BusinessMediaGeorgia
რა ბედი ეწევა “ჯანმრთელობის შესახებ კანონში ცვლილებებს”, რომელის დამტკიცების პროცეუდერები მოულოდნელად გადაიდო. რამდენიმე დღის წინ, პარლამენტის პლენარულ სხდომაზე კენჭისყრების პროცედურის დაწყებამდე რამდენიმე წუთით ადრე ცნობილი გახდა, რომ “ჯანმრთელობის დაცვის შესახებ” კანონში ცვლილებებს, რაზეც ჯანდაცვის კომიტეტზე კლინიკების წარმომადგენლებსა და ჯანდაცვის სამინისტროს შორის კონსენსუსი შედგა, არ დაამტკიცებდნენ. კონსესუსი, ჯანდაცვის სამინისტროსა და სამედიცინო სექტრს შორის არ არის ჩვეულებრივი მოვლენა, იმ პირობებში როცა ყველაზე დიდი მისკომუნიკაცია და დიალოგის უფსკრული სწორედ ამ მიმართულებაში, ასე ჩანს ყოველ შემთხვევაში… სტუმარი: არჩილ ჩუხრუკიძე -საქართველოს კარდიოლოგია ასოციაციის ვიცე-პრეზიდენტი #ახალიამბები #BusinessMediaGeorgia
ჯანდაცვის კომიტეტზე მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტებში ცვლილებებს განიხილავენ, რომლის ავტორიც ჯანდაცვის სამინისტროა. კანონპროექტის მიღების შემთხვევაში კლინიკებისთვის დაწესებული რეგულაციური ტვირთი გამკაცრდება, რაც ჯარიმების, შემოწმებების სიხშირის გაზრდასა და ახალი რეგლამენტის დამტკიცებას უკავშირდება. რეგულაციების ზრდას კლინიკების წარმომადგენლები ეწინააღმდეგებიან და ამბობენ, რომ ცვლილებები არათანმიმდევრულია და მარეგულირებლის მხრიდან თვითნებური გადაწყვეტილებების მიღების რისკებს ზრდის; კლინიკების შეფასებით, ამ ცვლილებით კორუფციული რისკებიც იმატებს. როგორ მიმდინარეობდა პარლამენტში განხილვა და რა შედეგით დასრულდა? #ახალიამბები #BusinessMediaGeorgia