#ბიზნესსიახლეები BM.GE-სგან / 21.03.2023 „საირმე მინერალ ვოთერსში“ გაფიცვა შეთანხმებით დასრულდა - დეტალები; სამგორში ახალი საცხოვრებელი კორპუსი აშენდება; „ვგეგმავთ ცალკე ავთენტიფიკაციის ჰაბის გაკეთებას საქართველოში“ – „Phubber“; ქართული ტკბილეული 8%-ით გაძვირდა - “სანდომი”; „გვინდა ექსპორტზე გასვლა, მაგრამ ამ კუთხით ბევრი სამუშაოა“ – კოსმეტიკის ბრენდი „ეიფორია“; Handy წარმოებას გააფართოებს; #ახალიამბები #BusinessMediaGeorgia
ფერმერებს ადგილობრივი წარმოების ხორბლისა და ქერის რეალიზაციის პრობლემა აქვთ. ტონობით ქერი, რომელიც ძირითადად ექსპორტისთვისაა განკუთვნილი, დაბალი ფასის და მოთხოვნის გამო ექსპორტზე ვერ გადის. ფერმერები ამბობენ, რომ ექსპორტს აფერხებს მთავრობის მიერ გასული წლის ივლისიდან ძალაში შესული განკარგულებაც, რომელიც ქერისა და ხორბლის ექსპორტს კრძალავს. რამდენად დიდი მასშტაბი აქვს პრობლემას. #ახალიამბები #BusinessMediaGeorgia
სემეკისა და იუსტიციის სახლის ერთობლივი პროექტის ფარგლებში ყველა კომუნალური განაცხადის ჩაბარება ერთ სივრცეშია შესაძლებელი. ელექტროენერგიის, ბუნებრივი გაზისა და წყალმომარაგების მომხმარებლებს შეუძლიათ იუსტიციის სახლის ნებისმიერ ფილიალში ერთი ვიზიტით მიიღონ კომუნალური მომსახურება და ჩააბარონ განაცხადი კომუნალური კომპანიის სახელზე - დარეგისტრირდნენ კომუნალური კომპანიების აბონენტებად, გააფორმონ მიწოდების ხელშეკრულება, გადაამოწმონ კომუნალური დავალიანება, დააფიქსირონ მომარაგების პრობლემა,და სხვა.. იუსტიციის სახლის თავმჯდომარე ლაშა ლობჯანიძე და სემეკის თავმჯდომარე დავით ნარმანია, იუსტიციის სახლის მუხრანის ფილიალს ესტუმრნენ და მოქალაქეთა მომსახურების პროცესს ადგილზე დააკვირდნენ. #ახალიამბები #BusinessMediaGeorgia
ახალი რეგულაცია კლინიკებისთვის - როგორ ერგება სექტორი თამაშის ახალ წესებს? სტუმარი: მაია მახარაშვილი - „ჯანდაცვის ასოციაციის“ სამეთვალყურეო საბჭოს თავმჯდომარე; #ახალიამბები #BusinessMediaGeorgia
სტაციონარული დაწესებულებებისთვის განახლებული სანებართვო პირობები დამტკიცდა- ინფორმაცია გუშინ მთავრობის სხდომის შემდეგ ჯანდაცვის მინისტრმა გააჟღერა. მისი თქმით, ცვლილების მიზანი, პაციენტის უსაფრთხოების უზრუნველყოფა, სამედიცინო სტაციონარული დაწესებულებების სანებართვო რეჟიმის სრულყოფა, სამედიცინო მომსახურების ხარისხის საერთაშორისოდ აღიარებულ სტანდარტებთან შესაბამისობაში მოყვანაა. როგორ აფასებენ მორიგი დადგენილებით გაწერილ ცვლილებებს ჯანდაცვის სექტორის წარმომადგენლები და რამდენად არიან დღეს კლინიკები მზად დამატებითი ახალი რეგულაციების დასაკმაყოფილებლად? #ახალიამბები #BusinessMediaGeorgia
ქართული ღვინის რუსეთზე დამოკიდებულება იზრდება. იანვარ-თებერვლის მონაცემებით, ღვინის საექსპორტო კალათაში რუსეთის წილი 69.2%-მდე გაიზარდა, მაშინ როდესაც 2022 წლის ამავე პერიოდში 60.4% იყო. გაუარესებულია ექსპორტის მაჩვენებლები ევროკავშირის ბაზარზეც. თუ 2022 წლის 2 თვეში EU-ში 4 მილიონ 998 ათასი დოლარის ღვინო იყო გატანილი, 2023 წლის ამავე პერიოდში ეს მაჩვენებელი 3 მლნ 814 ათას დოლარამდე შემცირდა. კლებაა პოლონეთისა და ყაზახეთის ბაზრებზეც. გასულ 2 თვეში რუსეთში თითქმის 24 მლნ დოლარის ღვინო გავიდა, მაშინ როდესაც მეორე და მესამე ადგილზე მყოფ უკრაინასა და პოლონეთში ღვინის ექსპორტი 1.7 მლნ მცირედით აღემატებოდა. ხუთეულშია ჩინეთი და ყაზახეთი. სხვა ქვეყნებში კი, ღვინის ექსპორტი 1 მლნ დოლარზე ნაკლებია. „საქსტატის“ მონაცემებით, წლის პირველ 2 თვეში ექსპორტზე 34.5 მლნ დოლარის ქართული ღვინო გავიდა. ზრდა წინა წელთან შედარებით 3.9%-ია. როგორ უნდა მოხდეს რუსეთზე დამოკიდებულების შემცირება და ბაზრების დივერსიფიცირება? სტუმარი: გიორგი რუხაძე - George Grey Winery-ს დამფუძნებელი; #ახალიამბები #BusinessMediaGeorgia
საინვესტიციო სქემებით რეზიდენციის უფლება, სხვაგვარად ცნობილი როგორც "ოქროს ვიზა", ხალხს სთავაზობს შესაძლებლობას ქვეყანაში ბინადრობის ნებართვა სახლის შეძენით, დიდი ინვესტიციის განხორციელებით ან შემოწირულების გაღებით მიიღონ. უკრაინაში ომის დაწყებიდან მალევე, ევროკავშირის ქვეყნები, დიდი ბრიტანეთი, აშშ და კანადა შეთანხმდნენ, რომ ოქროს პასპორტების გაცემა შეზღუდონ და შექმნან სამუშაო ჯგუფი, რომელიც სანქციების ქვეშ მოქცეული რუსების აქტივებს ამოიცნობს. ევროკავშირმა კი მიიჩნია, რომ მოქალაქეობის სქემა ფულის გათეთრების, გადასახადებისგან თავის არიდების, ტერორიზმის დაფინანსების, კორუფციისა და ორგანიზებული დანაშაულის მხრივ უსაფრთხოების რისკებს ქმნის, რაც ევროკავშირის კანონმდებლობასთან შეუთავსებელია. ამასთან, ევროპულ სასამართლოში მიმდინარეობს საქმე, რომელიც ევროკომისიის მიერ არის ინიცირებული და უარყოფითი გადაწყვეტილების შემთხვევაში, პროგრამის დახურვა ყველა წევრი ქვეყნისთვის სავალდებულო გახდება. ეს ყველაფერი კი იმის საფუძველი გახდა, რომ ზოგიერთმა ქვეყანამ პროგრამა საერთოდ დახურა. რომელ ქვეყნებში და რა მიზეზით შეჩერდა ოქროს ვიზის პროექტი? #ახალიამბები #BusinessMediaGeorgia
დღეს ეროვნულმა ბანკმა იპოთეკით დაცული ობლიგაციების თემაზე სამუშაო შეხვედრა გამართა. გასული კვირის ბოლოს გამოაქვეყნა საქართველოს ეროვნულმა ბანკმა იპოთეკით დაცული ობლიგაციების მარეგულირებელი წესი. აღსანიშნია, რომ იპოთეკით უზრუნველყოფილი ობლიგაციების შექმნა პარლამენტის მიერ 2022 წლის დეკემბერში შესაბამისი კანონის შედეგად გახდა შესაძლებელი. ძირითადად ვისთვის არის გამიზნული იპოთეკით უზრუნველყოფილი ობლიგაციების ინსტრუმენტი და რა როლი აქვს მას კაპიტალის ბაზრის განვითარებაში? #ახალიამბები #BusinessMediaGeorgia
დღეიდან A კატეგორიის ტაქსის ნებართვების ძველი სისტემით გაცემა შეწყდა. პირველი აპრილიდან კი ნებართვების გაცემის განსხვავებული მოდელი ამოქმედდება და ერთჯერადად გაიცემა უვადო ნებართვები. გასული კვირის მიწურულს შესაბამისი დადგენილება მიიღო თბილისის საკრებულომ. ამასთან, მგზავრთა გადაყვანის რეფორმის მესამე ეტაპიდან გამომდინარე ტრანსპორტისა და ურბანულ სააგენტოს ემატება ორი ახალი სტრუქტურული ერთეული - საგზაო მოძრაობის ორგანიზების სქემების კონტროლის სამსახური და სანებართვო-ანალიტიკური სამსახური. რის გამოც იზრდება სააგენტოს ბიუჯეტი. როგორც აფასებენ ცვლილებებს საკრებულოს წევრები და რა შენიშვნები გაჟღერდა მათი მხრიდან? #ახალიამბები #BusinessMediaGeorgia
ცვლილება მინისტრთა კაბინეტში - მიხეილ ჩხენკელი გიორგი ამილახვარმა ჩაანაცვლა; #ახალიამბები #BusinessMediaGeorgia
კაპიტალის ბაზარი - რა ახალი ინსტრუმენტები გამოჩნდება ბაზარზე? გიორგი გურგენიძე - კაპიტალის ბაზრის განვითარებისა და საპენსიო რეფორმის დეპარტამენტის უფროსი; #ახალიამბები #BusinessMediaGeorgia
დღეს ეროვნულმა ბანკმა იპოთეკით დაცული ობლიგაციების თემაზე სამუშაო შეხვედრა გამართა. გასული კვირის ბოლოს გამოაქვეყნა საქართველოს ეროვნულმა ბანკმა იპოთეკით დაცული ობლიგაციების მარეგულირებელი წესი. აღსანიშნია, რომ იპოთეკით უზრუნველყოფილი ობლიგაციების შექმნა პარლამენტის მიერ 2022 წლის დეკემბერში შესაბამისი კანონის შედეგად გახდა შესაძლებელი. ძირითადად ვისთვის არის გამიზნული იპოთეკით უზრუნველყოფილი ობლიგაციების ინსტრუმენტი და რა როლი აქვს მას კაპიტალის ბაზრის განვითარებაში? #ახალიამბები #BusinessMediaGeorgia
დღეიდან A კატეგორიის ტაქსის ნებართვების ძველი სისტემით გაცემა შეწყდა. პირველი აპრილიდან კი ნებართვების გაცემის განსხვავებული მოდელი ამოქმედდება და ერთჯერადად გაიცემა უვადო ნებართვები. გასული კვირის მიწურულს შესაბამისი დადგენილება მიიღო თბილისის საკრებულომ. ამასთან, მგზავრთა გადაყვანის რეფორმის მესამე ეტაპიდან გამომდინარე ტრანსპორტისა და ურბანულ სააგენტოს ემატება ორი ახალი სტრუქტურული ერთეული - საგზაო მოძრაობის ორგანიზების სქემების კონტროლის სამსახური და სანებართვო-ანალიტიკური სამსახური. რის გამოც იზრდება სააგენტოს ბიუჯეტი. როგორც აფასებენ ცვლილებებს საკრებულოს წევრები და რა შენიშვნები გაჟღერდა მათი მხრიდან? #ახალიამბები #BusinessMediaGeorgia
Dr.Dre - პროდიუსინგის მეფე #ახალიამბები #BusinessMediaGeorgia
საქართველო - არაბთა გაერთიანებული საამიროების ბიზნესფორუმი #ახალიამბები #BusinessMediaGeorgia
უცხოელი სტუდენტებისთვის სავიზო ბარიერები უნდა მოიხსნას- ამის შესახებ კავკასიის უნივერსიტეტის დამფუძნებელმა და პრეზიდენტმა კახა შენგელიამ განაცხადა. როგორც შენგელია ამბობს, თუ საქართველო ხელს შეუწყობს ქვეყანაში უცხოელი სტუდენტების შემოდინებას ამას ქვეყნის შემოსავლებში მნიშვნელოვანი წილი ექნება. რა არის ის ძირითადი ბარიერები რაც საქართველოში სწავლის მსურველებს აფერხებს? რა რაოდენობის შემოსავალს კარგავს ქვეყანა და რა უნდა გაკეთდეს იმისთვის, რომ საქართველო უცხოელი სტუდენტებისთვის უფრო მიმზიდველი გახდეს? #ახალიამბები #BusinessMediaGeorgia
სასტუმრო „ბილტმორში“ საქართველო-არაბთა გაერთიანებული საამიროების ბიზნეს ფორუმი იმართება, რომელსაც 250-ზე მეტი ორივე ქვეყნის ბიზნესის წარმომადგენლები ესწრებიან. ფორუმზე წარმოდგენილია საამიროების წამყვანი და მსხვილი კომპანიები სხვადასხვა სექტორებიდან: საცალო ვაჭრობის მსხვილი ქსელები; სოფლის მეურნეობა; სტუმარმასპინძლობის სექტორი; ტრანსპორტისა და ლოგისტიკის ინდუსტრია; უძრავი ქონება; საინფორმაციო ტექნოლოგიები და სხვა. რას ველოდებით ფორუმისგან, რა ინტერესები აქვთ ინვესტორებს, როგორ გამოვიყენოთ შესაძლებლობა? სტუმარი: გიორგი ვეკუა - სავაჭრო-სამრეწველო პალატის საერთაშორისო ურთიერთობებისა და პროექტების განვითარების დეპარტამენტის უფროსი; #ახალიამბები #BusinessMediaGeorgia
New York Times ხვიჩა კვარაცხელიას ესტუმრა #ახალიამბები #BusinessMediaGeorgia
სასტუმრო „ბილტმორში“ საქართველო-არაბთა გაერთიანებული საამიროების ბიზნეს ფორუმი იმართება, რომელსაც 250-ზე მეტი ორივე ქვეყნის ბიზნესის წარმომადგენლები ესწრებიან. ფორუმზე წარმოდგენილია საამიროების წამყვანი და მსხვილი კომპანიები სხვადასხვა სექტორებიდან: საცალო ვაჭრობის მსხვილი ქსელები; სოფლის მეურნეობა; სტუმარმასპინძლობის სექტორი; ტრანსპორტისა და ლოგისტიკის ინდუსტრია; უძრავი ქონება; საინფორმაციო ტექნოლოგიები და სხვა. რომელ სექტორებში შეიძლება შედგეს თანამშრომლობა და რა ეკონომიკური კავშირები არსებობს საქართველოსა და არაბთა გაერთიანებულ საამიროებს შორის? #ახალიამბები #BusinessMediaGeorgia
კონკურენციის ეროვნული სააგენტო, მომხმარებლის უფლებების დაცვის შესახებ კანონის ფარგლებში მოვაჭრეებს ავალდებულებს გასაყიდ პროდუქციაზე ფასი გარკვევით მიუთითონ. ეს ფიზიკურ ობიექტებზე და განსაკუთრებით ონლაინ პლატფორმებზე მოვაჭრე ბიზნესებს ეხებათ. ამ ვალდებულების შეუსრულებლობის შემთხვევაში, ბიზნესებს სანქციები დაეკისრებათ. რას ფიქრობენ აღნიშნულ ვალდებულებაზე კომპანიები რომლებიც პროდუქციას ონლაინ პლატფორმებზეც ყიდიან? #ახალიამბები #BusinessMediaGeorgia
ეკონომიკური თავისუფლების რეიტინგში საქართველო 9 ადგილით ჩამოქვეითდა. ჰერიტიჯ ფაუნდეიშენის ინდექსის მიხედვით, ეკონომიკის თავისუფლებით, საქართველო 68.7 ქულით მსოფლიო რეიტინგში 176 ქვეყანას შორის 35-ე ადგილზეა. ბოლო ერთ წელიწადში საქართველოს ქულა 3.1 პუნქტით შემცირდა, რაც მნიშვნელოვანი ვარდნაა. შეიცვალა საქართველოს სტატუსიც და ჩვენმა ქვეყანამ მეტწილად თავისუფალი ქვეყნების ჯგუფიდან ზომიერად თავისუფალი ქვეყნების ჯგუფში გადაინაცვლა. ბოლო 2 წელიწადში საქართველოს ქულა 8.5-ით შემცირდა. ყველაზე მეტად, 24.1 პუნქტით, საქართველოს ქულა ფისკალურ სტაბილურობაში შემცირდა, რაც პანდემიის გამო გაზრდილმა ბიუჯეტის ხარჯებმა, ბიუჯეტის დეფიციტმა და სახელმწიფო ვალმა განაპირობა. 9.5 პუნქტით გაუარესდა საკუთრების უფლების დაცვის მიმართულება. 4.3 პუნქტით გაუარესდა ბიზნესის თავისუფლების ქულა, რაც რეგულაციების გამკაცრებას უკავშირდება. 4-ით შემცირდა მონეტარული თავისუფლების ქულა, რაც მაღალმა ინფლაციამ განაპირობა. ბოლო წლებში საქართველოს პოზიციებს თუ გადავხედავთ, ყველაზე მაღალ პოზიციას ანუ მე-7 ადგილს – 2017 წელს იკავებდა. 35-ე ადგილზე ქვემოთ კი ბოლოს 2004 წელს იყო. ეკონომისტების შეფასებით, ჰერითიჯის ბოლო რეიტინგი საყურადღებო ტენდენციას ასახავს, რაც მათ შორის საინვესტიციო თვალსაზრისითაც მნიშვნელოვანია ქვეყნისთვის. „ინვესტორები ლუპით უყურებენ ამ რეიტინგს“- ამბობს IDF-IS ეკონომიკური და სოციალური პოლიტიკის მიმართულების ხელმძღვანელი. #ახალიამბები #BusinessMediaGeorgia
5 წარმატებული საფეხბურთო ტრანსფერი, რომელიც 5 მილიონ ფუნტზე იაფი დაჯდა #ახალიამბები #BusinessMediaGeorgia
ეკონომიკური თავისუფლების რეიტინგში საქართველო 9 ადგილით ჩამოქვეითდა. ჰერიტიჯ ფაუნდეიშენის ინდექსის მიხედვით, ეკონომიკის თავისუფლებით, საქართველო 68.7 ქულით მსოფლიო რეიტინგში 176 ქვეყანას შორის 35-ე ადგილზეა. ამასთან, საქართველომ მეტწილად თავისუფალი ქვეყნების ჯგუფიდან ზომიერად თავისუფალი ქვეყნების ჯგუფში ჩამოინაცვლა. სად შემცირდა ყველაზე მეტად საქართველოს ქულა, რას ნიშნავს რეიტინგში ჩამოქვეითება ქვეყნისთვის, ელენე გოგბერაშვილი გვიერთდება შეფასებებით. #ახალიამბები #BusinessMediaGeorgia
საბანკო სექტორი ახალი ბუფერის შესავსებად მზადებას იწყებს - კონტრციკლური ბუფერი 1%-ით განისაზღვრა. ახლა ბანკებს ზუსტად 12 თვე აქვთ ახალ რეგულაციაზე მოსარგებად. ეროვნული ბანკი ელის, რომ მაღალი მოგების და გაუმჯობესებული ფინანსური მაჩვენებლების მეშვეობით, ბანკების მნიშვნელოვანი ნაწილი კონტრციკლური კაპიტალის მოთხოვნის დაკმაყოფილებას შიდა წყაროებით, არსებული მომგებიანობისა და კაპიტალის ადეკვატურობის ბუფერებით შეძლებს. საბანკო სექტორი კი უკვე ღიად აცხადებს, რომ რეგულაციები რომელიც ბოლო პერიოდში საბანკო სექტორში ამოქმედდა, საბოლოოდ საბანკო პროდუქტების გაძვირებაში აისახება. რატომ გახდა საჭირო კონტრციკლური ბუფერის 1%-იანი განაკვეთის შემოღება, რა თანხების გამოძებნა მოუწევთ ბანკებს და რას უმიზნებს ეროვნული ბანკი ამ გადაწყვეტილებით? სტუმარი: პაპუნა ლეჟავა - ეროვნული ბანკის ვიცე-პრეზიდენტი; #ახალიამბები #BusinessMediaGeorgia
საკონტეინერო გადაზიდვები იაფდება. ბოლო 1 წელიწადში გადაზიდვების გლობალური ინდექსი 6-ჯერ 9 777 დოლარიდან 1568 დოლარამდეა შემცირებული, რაც 2020 წლის 5 ივნისის შემდეგ ყველაზე დაბალი მაჩვენებელია. ინდექსის ვარდნა მსოფლიოს მასშტაბით კოვიდ-რეგულაციების შემსუბუქებას, ჩინეთში საწარმოო პროცესის აღდგენასა და გლობალური სავაჭრო მარშრუტების დასტაბილურებასთან არის დაკავშირებული. სწორედ პანდემიის დროს, მიწოდების ჯაჭვების შეზღუდვის შემდეგ, მოხდა ტვირთის გადაზიდვის ხარჯების რეკორდულად 11 000 დოლარამდე გაზრდა. რა ხდება საკონტეინერო გადაზიდვების ბაზარზე, არის თუ არა მოსალოდნელი ტარიფების კიდევ უფრო შემცირება და როგორ აისახება სატარიფო ცვლილება იმ კომპანიების ფინანსურ მაჩვენებლებზე, რომლებსაც ახლა ოპერირება 2019 წელთან შედარებით განსხვავებულ გარემოში უწევთ? სტუმარი: გივი ჩაჩანიძე - COSCO Shipping-ის კომერციული დირექტორი; #ახალიამბები #BusinessMediaGeorgia
ისტორიულ უბნებში ავარიული შენობების მესაკუთრეები ქონების გასხვისებას აუქციონის მეშვეობით შეძლებენ - ახალ პროგრამას თბილისის მერია აანონსებს. კახა კალაძის განცხადებით, პროცესში ჩართული იქნება თბილისის მერიაც. კალაძის განმარტებით, მესაკუთრეების თანხმობის და ერთობლივი მომართვის შემდეგ მერია შენობის აზომვას და ღირებულების დადგენის მიზნით მის საექსპერტო შეფასებას განახორციელებს. ამასთან, მერიის ტრანსპორტისა და ურბანული განვითარების სააგენტო მიიღებს გეგმარებით გადაწყვეტილებას და ყველა დოკუმენტი განთავსდება მერიის ვებ-გვერდზე. კალაძის განცხადებით, საბოლოოდ აუქციონზე დაფიქსირებული ყველაზე მაღალი ფასი შეეთავაზებათ მესაკუთრეებს და მათი გადაწყვეტილების შემდეგ მოხდება ქონების რეალიზება. მესაკუთრეებს ასევე შესაძლებლობა ექნებათ აუქციონზე ქონება მათივე მითითებული ფასით გამოვიდეს. #ახალიამბები #BusinessMediaGeorgia
თბილისის მერიამ ისტორიულ უბნებში მდებარე ავარიული შენობა-ნაგებობის ჩანაცვლება-რეაბილიტაციის ორი ახალი პროგრამა შეიმუშავა. პირველი პროგრამით, შენობა-ნაგებობის ჩანაცვლება-რეაბილიტაციის პროცესში ბიზნესსექტორი ჩაერთვება, თუმცა ავარიული სახლის მესაკუთრეებთან შეთანხმების შემდეგ, ბიზნესი ავარიული სახლის ჩანაცვლებას ან რეაბილიტაციას მხოლოდ თბილისის განვითარების ფონდის მიერ შემუშავებული დეტალური პროექტისა და ხარჯთაღრიცხვის შესაბამისად განახორციელებს. სანაცვლოდ კი მუნიციპალიტეტი ბიზნესსექტორს ისტორიული უბნების გარეთ მათ საკუთრებაში არსებულ მიწაზე k2 კოეფიციენტის გაზრდას სთავაზობს. გარდა ამისა, ბიზნესს შესაძლებლობა ექნება შესაბამისი თანხა პირდაპირ ბიუჯეტში გადაიხადოს და სამუშაოების შესრულება მთლიანად გადააბაროს თბილისის განვითარების ფონდს. მეორე პროგრამით, ავარიული შენობა-ნაგებობის მესაკუთრეებს მიეცემათ შესაძლებლობა, რომ მათი საკუთრების, ქონების გასხვისების/გაყიდვის პროცესი აუქციონის საშუალებით, თბილისის მერიამ უზრუნველყოს. #ახალიამბები #BusinessMediaGeorgia
საქართველოში მომხმარებლის უფლებების დაცვის პირველი საერთაშორისო კვირეული იმართება. საქართველოში მომხმარებელთა უფლებების დაცვას საკუთარ სექტორებში სხვადასხვა მარეგულირებელი უწყებები ახორციელებენ - საბანკო საფინანსო სექტორში - ეროვნული ბანკი, ენერგეტიკის სექტორში - სემეკი, კომუნიკაციების სექტორში - კომუნიკაციების კომისია, დაზღვევის სექტორში დაზღვევის ზედამხედველობის სახელმწიფო სამსახური. ყველა სხვა სექტორში მომხმარებლების უფლებების დაცვას კონკურენციის ეროვნული სააგენტო ახორციელებს. რამდენად უზრუნველყოფს ქვეყანაში არსებული კანონმდებლობა როგორც მომხმარებლის დაცულობის მაღალ სტანდარტს, ასევე ბიზნეს ინტერესებს? სტუმარი: ირაკლი ლექვინაძე - კონკურენციის ეროვნული სააგენტოს თავმჯდომარე; #ახალიამბები #BusinessMediaGeorgia
ბრენდან ფრეიზერის ამაღელვებელი დაბრუნება კინოში #ახალიამბები #BusinessMediaGeorgia
პანდემიის პერიოდში, მაშინ, როცა მსოფლიოს მასშტაბით, კომპანიები დისტანციურ მუშაობაზე გადავიდნენ, დასაქმებულებს უფრო მეტი დრო გამოუთავისუფლდათ და ცხოვრების და პროფესიული, სამუშაო ცხოვრების უკეთესად შეთავსება ისწავლეს. ფორბსმა კვლევა ჩაატარა, რომლის ფარგლებშიც ქალაქები შეისწავლა და იმ ქალაქების რეიტინგი შეადგინა სადაც ადამიანები ყველაზე კარგად ახერხებენ პროფესიული და ცხოვრების ბალანსს. მაგალითად ამ კვლევამ აჩვენა რომ ბრიტანელი დასაქმებულების 54%-ს ურჩევნია დასაქმდეს დაბალ ანაზღაურებად პოზიციაზე, სანაცვლოდ კი სამსახურის გარდა, სხვა აქტივობისთვის უფრო მეტი დრო დარჩეს. #ახალიამბები #BusinessMediaGeorgia
თბილისის მერია ისტორიულ უბნებში ავარიული შენობების ჩანაცვლებას იწყებს. თბილისის მუნიციპალიტეტის მთავრობის მიერ შემუშავებული პროგრამის მიხედვით, ისტორიულ უბნებში მერია ავარიული სახლების ჩანაცვლების პროცესში ბიზნესი შემოჰყავს. რას სთავაზობენ დეველოპერულ სექტორს და ისტორიული უბნების მაცხოვრებლებს? #ახალიამბები #BusinessMediaGeorgia
საქართველოს ხორბლისა და ფქვილის მწარმოებელთა ასოციაცია რუსული ფქვილის იმპორტის მკვეთრი ზრდის გამო მთავრობას ახალი ხედვის შემუშავებისკენ მოუწოდებს. სტატისტიკის მიხედვით, 202 000 ტონა ფქვილის იმპორტით საქართველო რუსეთისთვის ნომერ პირველი საექსპორტო ბაზარი გახდა. შედეგად, საქართველოში ხორბლის გადამუშავება არაკონკურენტულია, რამაც წისქვილკომბინატების გაჩერება გამოიწვია. ასოციაცია მთავრობას შეთავაზებას უკეთებს, რომლის მთავარ მიზანს პურის ფასის შენარჩუნების გარანტია წარმოადგენს. შეთავაზება გულისხმობს, რომ დაწესებულ იქნას დამაბალანსებელი საიმპორტო მოსაკრებელი იმპორტირებულ ფქვილზე, რაც გაათანაბრებს ფქვილისა და ხორბლის იმპორტის საგადასახადო რეჟიმებს. ასეთ შემთხვევაში წისქვილკომბინატები იღებენ ვალდებულებას, რომ შენარჩუნდება ე.წ. „მასობრივი მოხმარების“ პურზე გარანტირებული ფასი, ადგილობრივი ფერმერებისაგან შეისყიდონ 2022 წლიდან დარჩენილი ჩაუბარებელი ხორბალი, ხარისხების შესაბამის ფასად და შექმნან სასურსათო უსაფრთხოების უზრუნველყოფად ხორბლის 2 თვიანი გარდამავალი მარაგები. საკითხის გადაჭრის მიზნით, ხორბლის და ფქვილის მწარმოებელთა ასოციაცია საქართველოს მთავრობას 3-პუნქტიანი შეთავაზებით მიმართავს, რომლის განხორციელების შემთხვევაში რამდენიმე ვალდებულებას იღებს. ასოციაციის თავმჯდომარის თქმით, აუცილებელია ფქვილის იმპორტზე დამაბალანსებელი გადასახადის შემოღება, რომელიც რეალურად აქამდე გაჟღერებული სარკისებური გადასახადისგან განსხვავდება. მისი განმარტებით, ცვლილებებით ფქვილის ადგილობრივი მწარმოებლები და იმპორტიორები კონკურენტულ პირობებში აღმოჩნდებიან, პარალელურად კი ინდუსტრია პირობას დებს, რომ არც სოციალური პურის ფასი გაიზრდება. #ახალიამბები #BusinessMediaGeorgia
#ბიზნესსიახლეები BM.GE-სგან / 14.03.2023 „ექსპორტისთვის თებერვალი ყოველთვის პასიურია“ - რა ელის ექსპორტის მაჩვენებლებს მომავალ თვეებში? „ვფიქრობთ, რომ „სათიბე“ მალე ტურისტული ჰაბი გახდება“ - ირაკლი გაფრინდაშვილი; "რითეილ სექტორთან თანამშრომლობას ბევრი ბარიერი აქვს” - ადგილობრივი წარმოება; „თელიანი ველი“: „საექსპორტო მიმართულებით პრიორიტეტია გერმანია და აშშ“; "დღეს ახალგაზრდებს გრძელვადიანი პერსპექტივა აინტერესებთ" - კახა ხაზარაძე კადრების დეფიციტზე; „გვინდა ექსპორტზე გასვლა, მაგრამ ამ კუთხით ბევრი სამუშაოა“ – კოსმეტიკის ბრენდი „ეიფორია“; „წლის ბოლომდე მზიურში ახალ მულტიფუნქციურ სივრცეს გავხსნით“ - „თამაშობანა“; #ახალიამბები #BusinessMediaGeorgia
„ყველა წისქვილი გაჩერდა... ფერმერები ხორბალს ვერ აბარებენ“. ხორბლისა და ფქვილის სექტორის წარმომდგენლები ამბობენ, რომ არსებული მდგომარება რუსეთში ხორბლის ექსპორტზე დაწესებული ბაჟით და ფქვილზე ნულოვანი ბაჟით არის განპირობებული. კერძო სექტორს მთავრობასთან შეთავაზება აქვს, რომელიც მეხორბლეთა ასოციაციამ დღეს დილით გაავრცელა. #ახალიამბები #BusinessMediaGeorgia
22 თებერვალს ავტობანზე სამტრედია-გრიგოლეთის I მონაკვეთზე ხიდის ნაწილი ჩავარდა. დღეს დილით კი მედიაში გავრცელდა ინფორმაცია უბისა-შორაპნის მონაკვეთზე ფერდის ჩამოშლასთან დაკავშირებით. საავტომობილო გზების დეპარტამენტის მიერ გავრცელებულ განცხადებაში ვკითხულობთ, რომ "სამუშაოების მიმდინარეობისას, ფერდის ე.წ. დატერასება-გამაგრებამდე, ბოლო პერიოდში მოსული უხვი ნალექის შედეგად გააქტიურებულმა მეწყრულმა პროცესებმა, ჩამოშალა ფერდის ერთ-ერთი უბნის დროებით მოპირკეთებული ზედაპირი, რამაც დააზიანა გარე ბეტონის სექცია.ამჟამად მიმდინარეობს ფერდის ჩამოწმენდის სამუშაოები, რის შემდეგაც განახლდება პროექტით დაგეგმილი სამუშაოების წარმოება." ინფრასტრუქტურულ პროექტებთან ერთად სამშენებლო მასალის ხარისხი აქტუალურია დეველოპერულ პროექტებშიც. ვინ ამოწმებს მშენებლობის ხარისხს და მის სტანდარტებთან შესაბამისობას, რა ტიპის კომპანიები არიან ბაზარზე და როგორია ზოგადად მთელი სამუშაოების დასრულების შემდეგი ციკლი? სტუმარი: ტიტე ჯიშიაშვილი -Caucasian Infrastructure Technology-ის ხელმძღვანელი; #ახალიამბები #BusinessMediaGeorgia
ახალი რეგულაციები მელიორაცია - ირიგაციის სექტორში. სემეკი სექტორის რეგულირებას იწყებს. სწორედ სემეკი დაადგენს სექტორში მარეგულირებელ წესებს და ასევე განსაზღვრავს ახალ ტარიფებს, ფერმერებისა და წყალმომხმარებელთა ორგანიზაციებისთვის. გადაიხედება ტარიფები, როგორც ირიგაციის ასევე დრენაჟის კუთხით. განიხილება ორი სახის ტარიფის შემუშავება - ერთი დღეს არსებულის ანალოგი - რაც 1 ჰექტარზე გარკვეულ გადასახადს ითვალისწინებს, ხოლო მეორე მოცულობაზე დადგენილი ტარიფი იქნება - ანუ ფერმერი ტარიფს მრიცხველის შესაბამისად, ყოველ დახარჯულ 1 კუბ.მეტრზე გადაიხდის. რა გამოწვევებია დღეს სექტორში და რა სიახლეები იგეგმება სექტორის რეგულირების კუთხით? სტუმარი: გიგა ნადირაძე - სემეკის წყალმომარაგების დეპარტამენტის დირექტორი; #ახალიამბები #BusinessMediaGeorgia
სპორტსმენების გამორჩეული მერჩენდაიზები #ახალიამბები #BusinessMediaGeorgia
საბანკო ასოციაციის ინფორმაციით, საქართველოში უცხოური ვალუტის სესხები 3-4%-ით გაძვირდა, მიზეზი ამერიკის ფედერალური რეზერვისა და ევროპის ცენტრალური ბანკის მიერ მონეტარული პოლიტიკის გამკაცრებაა, რა ეფექტიც ქართულ ბაზარს ბოლო რამდენიმე თვეა გადმოეცემა. მაღალია საპროცენტო განაკვეთი ლარში სესხებზეც, თუმცა სავალუტო სესხებისგან განსხვავებით, მოლოდინია, რომ მონეტარული პოლიტიკის შერბილებასთან ერთად მიმდინარე წელს ეროვნულ ვალუტაში სესხებზე საპროცენტო განაკვეთი დაიკლებს. რამდენად გაძვირდა მომხმარებლისთვის ბანკის რესურსის სესხება? #ახალიამბები #BusinessMediaGeorgia
#ამერიკისხმა: ჩიპების წარმოება ამერიკაში #ახალიამბები #BusinessMediaGeorgia
მიკრობანკები საქართველოში 2024 წლიდან გამოჩნდებიან. საკანონმდებლო ჩარჩო მიკრობანკების შესახებ უკვე მიღებულია და ეროვნულ ბანკს ახლა 1 ივლისამდე აქვს ვადა ამ კანონით გათვალისწინებული სამართლებრივი აქტები გამოსცეს. კანონით, ეროვნულმა ბანკმა დაინტერესებულ პირისთვის მიკრობანკის ლიცენზია განაცხადის წარგენიდან 6 თვის ვადაში უნდა უზრუნველყოს. ლიცენზია გაიცემა განუსაზღვრელი ვადით. მისი სხვისთვის გადაცემა კი, აკრძალულია. მიკრობანკებს კრედიტების გაცემა მხოლოდ ლარში შეეძლებათ. ასევე ექნებათ უფლება მოიპოვონ დეპოზიტები, თუმცა მიკრობანკს თითოეული ფიზიკური პირისგან, მათ შორის, ინდივიდუალური მეწარმისგან მოზიდული ანაბრების ოდენობა არ უნდა იყოს 100 000 ლარზე ან უცხოური ვალუტით მის ეკვივალენტზე ნაკლები. მიკრობანკები იქნებიან მიკროსაფინანსო ორგანიზაციებსა და კომერციულ ბანკებს შორის მდგრადი ფინანსური ინსტიტუტები. მათი ბიზნესმოდელი ეფუძნება სამეწარმეო საქმიანობიდან, მათ შორის სასოფლო-სამეურნეო საქმიანობიდან შემოსავლის მიმღები პირების დაკრედიტებას. კერძოდ, მიკრობანკის საკრედიტო პორტფელის არანაკლებ 70% უნდა შედგებოდეს სამეწარმეო მიზნით გაცემული სესხებისგან. მიკროსაფინანსოებისგან განსხვავებით, მიკრობანკებს დეპოზიტების მოზიდვა და ანგარიშების გახსნაც შეეძლებათ. #ახალიამბები #BusinessMediaGeorgia
კიდევ ერთი მცდელობა ყულევის ნავთობგადამამუშავებელი საწარმოს მშენებლობისთვის - მთავრობამ პროექტის ინვესტორი მესამედ შეცვალა. შესაბამისი გადაწყვეტილება დღეს გამართულ მთავრობის სხდომაზე მიიღეს. ვინ გადაიბარა ჯერ კიდევ 2012 წელს დაწყებული პროექტი, რა ვადებში დაიწყება სამუშაოები და რა რაოდენობის ინვესტიციის განხორციელებაა გეგმაში? #ახალიამბები #BusinessMediaGeorgia
რა დარღვევები აღმოაჩინეს სარეალიზაციოდ გამოტანილი კვერცხის ანტიბიოტიკების შემცველობაზე შემოწმების შედეგად?! „საქართველოს სტრატეგიული კვლევებისა და განვითარების ცენტრის“ მომხმარებლის უფლებების დაცვის პროგრამის ხელმძღვანელმა ვახტანგ კობალაძემ პრესკონფერენცია გამართა და მაღაზიებში გაყიდული კვერცხში აკრძალული ანტიბიოტიკების შემცველობაზე შემოწმების შედეგებზე ისაუბრა. შესამოწმებლად შეირჩა ისეთი პროდუქტები, რომლებიც ამ დროისათვის ხელმისაწვდომია მაღაზიებში და დიდი ფერმების მიერ არის წარმოებული, რომელიც მასობრივად იყიდება საქართველოს სავაჭრო ქსელში და ეტიკეტირებულია. რა დარღვევები აღმოჩნდა და რამდენად უსაფრთხოა კვერცხი, რომელსაც მაღაზიებში ვყიდულობთ? სტუმარი: ვახტანგ კობალაძე - GCSD-ის მომხმარებლის უფლებების დაცვის პროგრამის ხელმძღვანელი; #ახალიამბები #BusinessMediaGeorgia
მიკრობანკები საქართველოში 2024 წლიდან გამოჩნდებიან. საკანონმდებლო ჩარჩო მიკრობანკების შესახებ უკვე მიღებულია და ეროვნულ ბანკს ახლა 1 ივლისამდე აქვს ვადა ამ კანონით გათვალისწინებული სამართლებრივი აქტები გამოსცეს. კანონით, ეროვნულმა ბანკმა დაინტერესებულ პირისთვის მიკრობანკის ლიცენზია განაცხადის წარდგენიდან 6 თვის ვადაში უნდა უზრუნველყოს. ლიცენზია გაიცემა განუსაზღვრელი ვადით. მისი სხვისთვის გადაცემა კი, აკრძალულია. კიდევ რისი უფლება აქვს და არ ექნებათ მიკრობანკებს და რა კრიტერიუმებს უნდა აკმაყოფილებდეს მიკროსაფინანსო ორგანიზაცია, რომ მიკრობანკის სტატუსი მიიღოს? #ახალიამბები #BusinessMediaGeorgia
თებერვალში იანვართან შედარებით ექსპორტ/იმპორტი მცირედით შემცირდა. გასულ თვეში საექსპორტო ბაზრებზე 455.8 მლნ დოლარის პროდუქციის ექსპორტი განხორციელდა. გასულ თვესთან შედარებით მცირედი კლებაა, თუმცა წლიურად ზრდა 27 მილიონი დოლარია. რაც შეეხება იმპორტს, თებერვალში ქვეყანამ 963.6 მილიონის პროდუქცია შეიძინა, კლებაა როგორც წინა თვესთან, ასევე წლიურ ჭრილში. წლის 2 თვეში კი, საქართველოს საგარეო სავაჭრო ბრუნვა 2 მილიარდ 898 მლნ დოლარი შეადგინა, რაც წინა წლის შესაბამის მაჩვენებელზე 12.3 პროცენტით მეტია. აქედან, ექსპორტი 914.7 მლნ. აშშ დოლარი იყო, ზრდა 20.3 პროცენტია, ხოლო იმპორტი 1.98 მლრდ დოლარია. უარყოფითმა სავაჭრო ბალანსმა 2023 წლის იანვარ-თებერვალში მილიარდ 68 მილიონი დოლარი შეადგინა, რაც საგარეო სავაჭრო ბრუნვის 36.9 პროცენტია. რა ტენდენციებია ექსპორტში და როგორ აისახება ექსპორტიორებზე გამყარებული ლარი? სტუმარი: გვანცა მელაძე - "ექსპორტის განვითარების ასოციაციის" გამგეობის თავმჯდომარე; #ახალიამბები #BusinessMediaGeorgia
#საქმიანისაღამო: ლარის კურსი & გლობალური საფონდო ბირჟების მიმოხილვა / 10.03.2023 გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
,,ბოლო მოვლენების გამო, შესაძლოა, ერთ-ერთი საინვესტიციო პროექტი შეჩერდეს” - ამის შესახებ ევროკავშირ-საქართველოს ბიზნეს საბჭოს აღმასრულებელმა დირექტორმა გიორგი კაჭარავამ განაცხადა. Კაჭარავა Ინვესტორის ვინაობას არ ასახელებს, თუმცა ამბობს, რომ საბჭო შეეცდება მის დარწმუნებას, რომ ქვეყანაში დარჩეს. თუმცა მსგავსი პროცესები ქვეყნის ბიზნეს კლიმატს აზარალებს. თუ რა გავლენა ჰქონდა ქვეყნის საინვესტიციო გარემოზე სახელმწიფოს მხრიდან ე.წ აგენტების შესახებ კანონპროექტის წარდგენას და რა ნაბიჯები უნდა გადადგას იმისთვის, რომ საქართველომ მსხვილი ინვესტირების დაინტერესება შეძლოს, ბიზნესის წარმომადგენლები BMG-სთან საუბრობენ. #ახალიამბები #BusinessMediaGeorgia
დღეს ევროკავშირ-საქართველოს ბიზნეს საბჭოს დაფუძნებული „შავი ზღვის პლატფორმის“ საპატიო საბჭოს პირველი შეხვედრა შედგა, რომელსაც დიპლომატიური კორპუსი, საერთაშორისო საფინანსო ინსტიტუტების და კერძო სექტორის წარმომადგენლები ესწრებოდნენ. განსახილველ საკითხებს შორის იყო, წყალქვეშა ელექტრო და ოპტიკურ ბოჭკოვანი კაბელი საქართველოსა და ევროკავშირს შორის, შუა დერეფნის გაციფრულება და საქართველოში არსებული პორტების გამტარუნარიანობის გაზრდა. რამდენად ითვისებს საქართველო როგორც შუა დერეფნის ერთ-ერთი მონაწილე მხარე არსებულ პოტენციალს და რა გამოწვევები უშლის ხელს ის უფრო კონკურენტუნარიანი გახდეს? #ახალიამბები #BusinessMediaGeorgia
ბოლო მოვლენების გამო, შესაძლოა, ერთ-ერთი საინვესტიციო პროექტი შეჩერდეს” - ამის შესახებ ევროკავშირ-საქართველოს ბიზნეს-საბჭოს აღმასრულებელმა დირექტორმა გიორგი კაჭარავამ განაცხადა. კაჭარავა ინვესტორის ვინაობას არ ასახელებს, თუმცა ამბობს, რომ საბჭო შეეცდება მის დარწმუნებას, რომ ქვეყანაში დარჩეს. თუმცა მსგავსი პროცესები ქვეყნის ბიზნეს კლიმატს აზარალებს. რა გავლენა ჰქონდა ქვეყნის საინვესტიციო გარემოზე სახელმწიფოს მხრიდან ე.წ აგენტების შესახებ კანონპროექტის წარდგენას და რა ნაბიჯები უნდა გადადგას იმისთვის, რომ საქართველომ მსხვილი ინვესტირების დაინტერესება შეძლოს? #ახალიამბები #BusinessMediaGeorgia
ისტორიული მაქსიმუმი - 2022 წელს საქართველომ 2 მლრდ დოლარის პირდაპირი უცხოური ინვესტიცია მიიღო, რაც დაახლოებით 10 მლნ მეტია 2017 წლის რეკორდულ მაჩვენებელზე. წლიურად FDI 61% -ით არის გაზრდილი. გაზრდილია, როგორც სააქციო კაპიტალში ჩადებული ინვესტიციების მოცულობა, ასევე რეინვესტირება, ანუ არსებული ინვესტორების მიერ ინვესტიციების ჩაბრუნება. ყველაზე მეტი ინვესტიცია გაერთიანებული სამეფოდან განხორციელდა, 428 მლნ, რაც ჯამური ინვესტიციების 21%-ია, მეორე ადგილზეა ესპანეთი 367 მლნ-ით, სამეულშია აშშ 163.9 მლნ, რაც ჯამური ინვესტიციების 8.2 %-ია. რაც შეეხება სექტორებს - ყველაზე მეტი უცხოური ინვესტიცია საფინანსო და სადაზღვევო სექტორშია ჩადებული - 526 მლნ, მეორე ადგილზეა უძრავი ქონება 407 მლნ, მესამეზე წყალმომარაგება - 197 მლნ. ინვესტიციებში დაწინაურდა გართობა-დასვენება - 173 მლნ დოლარით და ენერგეტიკა 149 მლნ. სტუმარი: ირაკლი ჟვანია - Kudos Georgia -ს მმართველი პარტნიორი; #ახალიამბები #BusinessMediaGeorgia
დღეს ევროკავშირ-საქართველოს ბიზნეს საბჭოს დაფუძნებული „შავი ზღვის პლატფორმის“ საპატიო საბჭოს პირველი შეხვედრა შედგა, რომელსაც დიპლომატიური კორპუსი, საერთაშორისო საფინანსო ინსტიტუტების და კერძო სექტორის წარმომადგენლები ესწრებოდნენ. განსახილველ საკითხებს შორის იყო, წყალქვეშა ელექტრო და ოპტიკურ ბოჭკოვანი კაბელი საქართველოსა და ევროკავშირს შორის, შუა დერეფნის გაციფრულება და საქართველოში არსებული პორტების გამტარუნარიანობის გაზრდა. რამდენად ითვისებს საქართველო როგორც შუა დერეფნის ერთ-ერთი მონაწილე მხარე არსებულ პოტენციალს და რა გამოწვევები უშლის ხელს ის უფრო კონკურენტუნარიანი გახდეს? #ახალიამბები #BusinessMediaGeorgia