სად დააგროვეს ქონება Forbes ის მილიარდერებმა? – TOP 10 ინდუსტრია #ახალიამბები #BusinessMediaGeorgia
1 მლრდ კვტ.სთ - წელს მთავრობა ელექტროენერგიის ექსპორტის რეკორდულ მაჩვენებელს პროგნოზირებს. ეკონომიკის სამინისტრომ ელექტროენერგიის სიმძლავრის საპროგნოზო ბალანსი განაახლა, რომლის მიხედვით, საქართველოდან ელექტროენერგიის ექსპორტი აპრილიდან იწყება. ეკონომიკის სამინისტრო ვარაუდობს, რომ აპრილში ექსპორტზე 346.2 მლნ კვტ.სთ ელექტროენერგია გავა. საექსპორტო თვეებად მოიაზრება მაისი, ივნისი და ივლისი, არ არის გამორიცხული, რომ მაჩვენებლები შეიცვალოს. მაგალითად გასულ წელს ექსპორტი აქტიური იყო მაისიდან სექტემბრის ჩათვლით, რაც დიდწილად თურქეთში გაზრდილმა მოთხოვნამ და ფასებმა განაპირობა. რაც იყო მიზეზი, რომ გასულ წელს, ელექტროენერგიის ექსპორტით საქართველომ 84.3 მლნ დოლარის შემოსავალი მიიღო. რა ხდება დღეს საექსპორტო ბაზრებზე, როგორია ელექტროენერგიის ღირებულება და რის ხარჯზე მოხდება ელექტროენერგიის ექსპორტის ზრდა? სტუმარი: მარიამ ჩახვაშვილი - Galt & Taggart-ის უფროსი ანალიტიკოსი; #ახალიამბები #BusinessMediaGeorgia
მიგრანტების წილის ზრდასთან ერთად, გაზრდილია მათი აქტივობა უძრავი ქონების ბაზარზე. 2022 წელს რუსეთის მოქალაქეებმა საქართველოში 6 ათასი საცხოვრებელი ბინა შეიძინეს, 2023 წლის პირველ კვარტალში კი უკვე 2 ათასი. ინფორმაცია სადეპუტატო კითხვის სახით ხათუნა სამნიძემ გამოითხოვა. ინფორმაციაში არ არის დაკონკრეტებული იყვნენ თუ არა მათ შორის ეთნიკური ქართველები, ან ორმაგი მოქალაქეობის მქონე პირები. ვინ ყიდულობს საქართველოში უძრავ ქონებას და შემცირდა თუ გაიზარდა ამ მიმართულებით მათი აქტიურობა ბოლო პერიოდში ? რა წილი უჭირავს უცხო ქვეყნის მოქალაქეებს უძრავი ქონების რეალიზაციის მაჩვენებლებში? #ახალიამბები #BusinessMediaGeorgia
#ბიზნესსიახლეები bm.ge-სგან / 12.04.2023; "მარგებელი ჰოლდინგმა" წვენების ექსპორტი 88%-ით გაზარდა; ბაზარზე ქართული ტაქსის კომპანია MyVenio გამოჩნდა; „საქართველოში სასტუმროების შეძენით გალფის ქვეყნებიდან დაინტერესება არსებობს“ - ალავერდაშვილი; არ გვაქვს ბუნებრივი აირი - RiverSide Racha; „ფელამუშს ცივი სახით ჩამოვასხამთ შუშის ქილებში“ – „ფელამუშიტო“; #ახალიამბები #BusinessMediaGeorgia
კერძო სექტორი ავტოსკოლების სავალდებულო ლიცენზირების შემოღებას და კონტროლის გამკაცრებას ითხოვს. ბიზნესი აღნიშნულ ბაზარზე არსებულ თაღლითურ სქემებზე საუბრობს და აღნიშნავს, რომ არაკეთილსინდისიერი კომპანიებისთვის კონკურენციის გაწევა დღეს რთულია. ავტოსკოლები სახელმწიფოს შესაბამისი ნაბიჯების გადადგმას დაუყოვნებლივ სთხოვენ, რადგან მათი შეფასებით, ეს პირდაპირ კავშირშია საგზაო უსაფრთხოებასთან, რომელიც დღეს მნიშვნელოვან გამოწვევას წარმოადგენს. #ახალიამბები #BusinessMediaGeorgia
სახელმწიფო სამედიცინო სერვისების სფეროში კერძო სექტორის წილის შემცირებას გეგმავს. მიმდინარე კვირაში წარდგენილ რესპუბლიკური საავადმყოფოს ახალი კონცეფციის პრეზენტაციაში ნათქვამია, რომ განვითარებული ქვეყნების უმეტესობაში ძალიან მნიშვნელოვანია სახელმწიფოს წილი ჰოსპიტალური სექტორის მართვაში და მას პროცენტულად დომინანტური როლი აქვს, მაშინ როდესაც დღეს საქართველოში 18 000 საწოლზე მეტია, სადაც კერძო კლინიკებზე 91% მოდის. სახელმწიფო კლინიკებში კი მხოლოდ 1 600 საწოლია და ეს მთლიანი საწოლფონდის მხოლოდ 9%-ს შეადგენს. პრეზენტაციის თანახმად, საქართველოში სახელმწიფო კლინიკების ხვედრითი წილის გაზრდა არანაკლებ 60%-მდე იგეგმება. რატომ სურს მთავრობას სახელმწიფო კლინიკების წილის ზრდა და რას ცვლის ეს მიდგომა ჰოსპიტალურ სექტორში? სტუმარი: ქეთევან ჩხატარაშვილი - ექიმი, საზოგადოებრივი ჯანდაცვის მაგისტრი; #ახალიამბები #BusinessMediaGeorgia
საპარლამენტო კომიტეტებში “დეოლიგარქიზაციის შესახებ“ კანონპროექტის კორექტირებული ვარიანტის განხილვა დაიწყო. დღეს გახდება ცნობილი, ვენეციის კომისიის რეკომენდაციების საფუძველზე როგორ შეიცვლება პროექტი. სწორედ ამ ცვლილების შეტანისთვის მეორე მოსმენაზე - მუხლობრივ განხილვაზე დაბრუნდა პროექტი, მას შემდეგ რაც ვენეციის კომისიის დასკვნა გამოქვეყნდა. ვენეციის კომისია შუალედურ ანგარიშში აღნიშნავს, რომ დეოლიგარქიზაციის საკითხისადმი ორი მიდგომა არსებობს. პირველია სისტემური მიდგომა, რომელსაც პრევენციული ეფექტი აქვს და ბევრ სფეროს ეხება, მეორეა “პერსონალური” მიდგომა, რომელიც მიზანში იღებს ხალხს, რომლებიც გარკვეული კრიტერიუმების შესაბამისად შესაძლოა “ოლიგარქებად” კვალიფიცირდნენ. დღესვე კომიტეტზე ნაციონალური მოძრაობის წარდგენილ ალტერნატიულ პროექტზეც იმსჯელებენ. ვინ მიიჩნევა ალტერნატიული კანონით ოლიგარქად და ვენეციის კომისიის დასკვნებიდან რა გაითვალისწინა მმართველმა გუნდმა? #ახალიამბები #BusinessMediaGeorgia
კერძო სამედიცინო დაზღვევით მოსახლეობის მხოლოდ 18% სარგებლობს. ბოლო 1 წელიწადში კერძო სადაზღვევო პაკეტის მფლობელთა რაოდენობა 44 199 გაიზარდა, რაც მოსახლეობის რაოდენობასთან შეფარდებით 1 პროცენტული პუნქტით ზრდაა. დაზღვევის სახელმწიფო ზედამხედველობის სამსახურის მონაცემებით, 2022 წლის ბოლოს სამედიცინო დაზღვევის მოქმედი პოლისების რაოდენობა 682 152 შეადგენდა. სამედიცინო დაზღვევის სახეობაში მოზიდული პრემიის პორტფელი კი, 375 მლნ ლარია. ბაზრის 26% "ჯიპიაი ჰოლდინგზე" მოდის, რომელსაც 98.1 მლნ ლარის პრემია აქვს ამ სექტორში მოზიდული; მეორე ადგილს ბაზრის 18%-იანი წილით "იმედი L" იკავებს. კომპანიის პორტფელი 67.9 მლნ ლარია. 67 მილიონიანი პორტფელით სამეულშია "არდი". რა ტენდენციებია სადაზღვევო ბაზარზე და რა აფერხებს განვითარების სწრაფ ტემპს? სტუმარი: მიხეილ ჯაფარიძე - სადაზღვევო კომპანია „არდის“ გენერალური დირექტორი; #ახალიამბები #BusinessMediaGeorgia
სააგენტო „აწარმოე საქართველოში“ ქართული ფილმების კომერციალიზაციის ხელშეწყობის მიზნით ახალ პროგრამას იწყებს. პრეზენტაციას კინოინდუსტრიის წარმომადგენლებს სააგენტოს დირექტორი მიხეილ ხიდურელი აცნობს. #ახალიამბები #BusinessMediaGeorgia
საიდან სესხულობს ხალხი ფულს? - საფინანსო ინსტიტუტები VS გარემოცვა #ახალიამბები #BusinessMediaGeorgia
#საქმიანისაღამო: როგორი უნდა იყოს "რესპუბლიკურის" ახალი შენობა? - სამინისტროს კონცეფცია #ახალიამბები #BusinessMediaGeorgia
რეაბილიტაცია თუ დემონტაჟი - რესპუბლიკურის ბედი გადაწყვეტილების მოლოდინში #ახალიამბები #BusinessMediaGeorgia
რამდენიმე კვირიანი პროტესტის შემდეგ ჯანდაცვის მინისტრი რესპუბლიკური საავადმყოფოს თანამშრომლებს შეხვდა. თუმცა შეხვედრა არა კლინიკაში, არამედ სასტუმრო ჰოლიდეი ინში გაიმართა და მას კლინიკის თანამშრომელთა მცირე ნაწილი დაესწრო. რა ხედვა აქვს რესპუბლიკური საავადმყოფოს მომავალზე მთავრობას - ამ ხედვის წარდგენის შემდეგ შეხვედრა დაიხურა და ბუნებრივია დაგვრჩა კითხვები რაც დამატებით განმარტებას საჭიროებდა და სწორედ რესპუბლიკურ საავადმყოფოს შესახებ დავუსვით კითხვა ზურაბ აზარაშვილს მთავრობის სხდომის დასრულების შემდეგ - მთავარი რაც გავიგეთ მთავრობა ჯერ კიდევ განიხილავს როგორც არსებული შენობის სრულ დემონტაჟს ისე რეაბილიტაციას და ასევე დღეს მინისტრმა თავად აღიარა რომ რესპუბლიკური საავადმყოფოს თანამშრომლებთან კომუნიკაციაში პრობლემები იყო. #ახალიამბები #BusinessMediaGeorgia
#ამერიკისხმა: კლიმატის ცვლილების გავლენა ამერიკელ მებაღეებზე #ახალიამბები #BusinessMediaGeorgia
#ამერიკისხმა: ინტერვიუ ნასას ასტრონავტებთან #ახალიამბები #BusinessMediaGeorgia
პარლამენტში საკომიტეტო განხილვებს უმრავლესობის დეპუტატების მიერ მომზადებული საკანონმდებლო ცვლილებების პროექტი გადის, რომელიც სურსათის ნარჩენებს, მის დანაკარგებს და შეწირულობას შეეხება. კანონპროექტით, ბიზნესს საკვების არა ჩამოწერის და გადაყრის, არამედ დონაციის საშუალება მიეცემათ, რაც წახალისებული იქნება შესაბამისი საგადასახადო შეღავათებით. რა სარგებელს მიიღებს ბიზნესი ადამიანისთვის უვნებელი სურსათის დონაციით და ვინ გაუწევს ამ პროცესს ზედამხედველობას? ხატია წილოსანი - უმრავლესობის დეპუტატი; #ახალიამბები #BusinessMediaGeorgia
გმირთა მოედანზე საგზაო მოძრაობის ორგანიზებაში ცვლილებები შედის. როგორც თბილისის მერმა კახა კალაძემ დღეს მუნიციპალიტეტის მთავრობის სხდომაზე განაცხადა, დაგეგმილია სატრანსპორტო ნაკადების მოწესრიგება, გამტარუნარიანობისა და უსაფრთხოების გაზრდა მინიმალური ინფრასტრუქტურული ჩარევით. მისივე თქმით, დაგეგმილ ცვლილებებზე უკვე მომზადდა სიმულაციური მოდელირება, რაც შერჩეული გადაწყვეტის ეფექტურობაზე მიუთითებს. სტუმარი: ვიქტორ წილოსანი - მერიის ტრანსპორტისა და ურბანული განვითარების სააგენტოს უფროსი; #ახალიამბები #BusinessMediaGeorgia
"სხვა სახელმწიფო სამედიცინო დაწესებულებებში დასაქმება ან სახელფასო ანაზღაურების შენარჩუნება" - ეს არსი გეგმის ნაწილი, რომლითაც ჯანდაცვის მინისტრი თბილისის რესპუბლიკურ საავადმყოფოში პერსონალთან შეხვედრაზე მივიდა. ჯანდაცვის სამინისტრო პოზიციას, რომ შენობის დემონტაჟი აუცილებელია, 2022 წელს მომზადებული დასკვნით ამყარებს, სადაც წერია, რომ შენობა მწვავედ ავარიულია. შეხვედრის დეტალებით, ჯანდაცვის სამინისტროს პოზიციით და შეფასებებით? #ახალიამბები #BusinessMediaGeorgia
#ბიზნესსიახლეები bm.ge-სგან / 07.04.2023 Georgian Dynamic Power მხის ელექტროპანელებს ალგეთის წყალსაცავზე განათავსებს; თაფლის მწარმოებლები ექსპორტის ზრდას ელოდებიან; სამთო-საკურორტო სპორტული ტანსაცმლის ახალი ქართული ბრენდი - „კოკო“; თბილისის შემოვლით გზაზე გადაყრილ საბურავებს TEGETA GREEN PLANET გაიტანს; "ტენე"-ს ციფრული რუკა ნარჩენების ჩასაბარებლად; "შატო ბასილონმა", სიღნაღში ისტორიული ღვინის მარნის რეაბილიტაცია განახორციელა; „მაკდონალდს საქართველოს“ თანამშრომლის საერთაშორისო აღიარება; #ახალიამბები #BusinessMediaGeorgia
გავლენიანი ამერიკული კვლევითი ცენტრის „ჰერითიჯ ფაუნდეიშენის“ ბოლო კვლევაში, საქართველო ეკონომიკური თავისუფლების ინდექსში 9 პოზიციით დაქვეითდა და 176 ქვეყანას შორის 35-ე ადგილზე გადაინაცვლა. შეიცვალა ქვეყნის სტატუსიც, აქამდე საქართველო მეტწილად თავისუფალი ქვეყნების ჯგუფში შედიოდა, ახლა კი ზომიერად თავისუფალი ქვეყნების ჯგუფში ჩამოინაცვლა. ორგანიზაცია ქვეყნების შეფასების ერთ-ერთ კრიტერიუმად რეგულაციების ეფექტიანობის დონეს იყენებს, აქაც შეფასების სამი ინდიკატორიდან 2-ში საქართველოს პოზიციები გაუარესდა. ბიზნესის თავისუფლების კრიტერიუმით საქართველოს პოზიციების გაუარესებას pmc-ი კვლევითი ცენტრის დირექტორი ქვეყანაში ეკონომიკის და ბიზნესის რეგულირების მაღალი დონით ხსნის. გიორგი ხიშტოვანის შეფასებით, მნიშვნელოვნად გაფართოვდა მათ შორის შრომის ინსპექციის მანდატი, იქმნება ახალი სააგენტოები და ხშირ შემთხვევაში ეს მიეწერება ევროკავშირთან ინტეგრაციის პროცესს. მისი თქმით, მთავრობა იღებს ისეთ რეგულაციებს, რომლის მიღებასაც ასეთი სიხისტით ევროკავშირი საქართველოსგან არ ითხოვს. ამაზე მიუთითებს საქართველოს რეფორმების ასოციაციის მთავარი ეკონომისტიც. #ახალიამბები #BusinessMediaGeorgia
კომუნიკაციების კომისია 5G ინტერნეტის ლიცენზიების გასხვისების მიზნით აუქციონის გამოსაცხადებლად ემზადება. კომპანიები, რომლებიც მე-5 თაობის ინტერნეტის დანერგვისთვის საჭირო სიხშირეს მოიპოვებენ, ვალდებულნი იქნებიან, მობილური ვირტუალური ოპერატორი - MVNO საკუთარ ქსელზე დაუშვან. რა კითხვები აქვთ აუქციონის პირობებთან დაკავშირებით ვირტუალურ ოპერატორებს და რა მიმართულებით ითხოვენ ისინი პროცესებში ჩართულობას? #ახალიამბები #BusinessMediaGeorgia
სპორტით გამდიდრებული TOP-10 ვარსკვლავი - 2023 წლის რეიტინგი #ახალიამბები #BusinessMediaGeorgia
მცირე სიმძლავრის ელექტროსადგურები ქსელთან მიერთების ახალ საფასურს აპროტესტებენ. კომპანიებში ამბობენ, რომ მზის, ქარის და ჰიდროსადგურების მფლობელებს სემეკის დადგენილებით ქსელზე დაერთება გაეზარდათ. კომპანიებში ფიქრობენ, რომ ქსელზე მიერთების ახალი საფასური ელექტროსადგურების მშენებლობას გააძვირებს. შეგახსენებთ, სემეკმა 15 მეგავატამდე ელექტროსადგურებისთვის ქსელთან მიერთების წესი თებერვალში დაამტკიცა. ახალი წესებით, 2 -დან 15 მეგავატამდე სიმძლავრის ელექტროსადგურისთვის ერთი მეგავატის მისაერთებელი სიმძლავრის საფასური 300 000 ლარით განისაზღვრა. რა გათვლებით იხელმძღვანელა მარეგულირებელმა და რატომ ფიქრობენ სემეკში რომ რეგულაცია ინვესტორების მიმართ არადისკრიმინაციულ მიდგომას ითვალისწინებს? სტუმარი: ნუგზარ ბერიძე - სემეკის ელექტროენერგეტიკის დეპარტამენტის დირექტორი/ენერგეტიკის სასწავლო ცენტრის დირექტორი #ახალიამბები #BusinessMediaGeorgia
გავლენიანი ამერიკული კვლევითი ცენტრის „ჰერითიჯ ფაუნდეიშენის“ ბოლო კვლევაში, საქართველო ეკონომიკური თავისუფლების ინდექსში 9 პოზიციით დაქვეითდა და 176 ქვეყანას შორის 35-ე ადგილზე გადაინაცვლა. შეიცვალა ქვეყნის სტატუსიც, აქამდე საქართველო მეტწილად თავისუფალი ქვეყნების ჯგუფში შედიოდა, ახლა კი ზომიერად თავისუფალი ქვეყნების ჯგუფში ჩამოინაცვლა. ორგანიზაცია ქვეყნების შეფასების ერთ-ერთ კრიტერიუმად რეგულაციების ეფექტიანობის დონეს იყენებს, აქაც შეფასების სამი ინდიკატორიდან 2-ში საქართველოს პოზიციები გაუარესდა. რამდენად რეგულირებულია საქართველოს ეკონომიკა და სად ვართ ბიზნესის რეგულირების დონით? #ახალიამბები #BusinessMediaGeorgia
მორიგი მცდელობა ქვეყანაში 5G მობილური ინტერნეტის აუქციონის ჩასატარებლად - კომუნიკაციების კომისია საჯარო კონსულტაციებს იწყებს. კომისიის ინფორმაციით, საჯარო კონსულტაციების მიზანია აუქციონის გამოცხადებამდე ყველა დაინტერესებულ პირს მიეცეს შესაძლებლობა, წარმოადგინოს საკუთარი მოსაზრებები აუქციონის პირობებთან დაკავშირებით. როგორია კომუნიკაციების კომისიის მხრიდან 5G მობილური ინტერნეტის ლიცენზიების გასხვისების პირობები, რა იქნება ლიცენზიების საწყისი ფასი და რამდენად შეესაბამება პირობები ბაზარზე არსებულ რეალობას? #ახალიამბები #BusinessMediaGeorgia
#ბიზნესსიახლეები bm.ge-სგან / 06.04.2023 რატომ გადავადდა „პარაგრაფ აბასთუმანის“ გახსნა, რომლის საინვესტიციო ღირებულება 76 მლნ-მდე გაიზარდა? „ის, რაც პრემიერმა განაცხადა, ჩვენ შევასრულებთ“ - 10 აპრილიდან პური 10 თეთრით გაიაფდება; „თაფლის რაოდენობის და ხარისხის გასაუმჯობესებლად მეფუტკრეების განათლების დონე უნდა გავზარდოთ“ – „მეფუტკრეთა გაერთიანება“; თბილისთან ახლოს ახალი ტურისტული ობიექტი „ვილა ვეჯინი“ იხსნება - რა ეღირება განთავსება? საქართველოში მსოფლიო დონის ტანსაცმლის ბრენდის Marc O’Polo-ს მაღაზია გაიხსნა; #ახალიამბები #BusinessMediaGeorgia
მოსამართლეებისთვის სანქციების დაწესება პოტენციური ინვესტორებისთვის შემაშფოთებელი სიგნალია - ასეთი შეფასებები კეთდება 3 მოქმედი და 1 ყოფილი მოსამართლის მიმართ სანქციების დაწესებაზე. რა გზავნილია ამერიკის შეერთებული შტატების მიერ ქართველი მოსამართლეებისთვის სანქციების დაწესება და როგორ აისახება ის საქართველოს ბიზნეს გარემოზე? #ახალიამბები #BusinessMediaGeorgia
ადგილობრივ ბაზარზე თაფლის დეფიციტის გამო საქართველოდან ევროკავშირში თაფლის ექსპორტი შეჩერდა. მაისამდე საქართველოდან ევროპაში თაფლი ვერ გაიგზავნება რამდენიმე ფაქტორის გამო. მწარმოებლებს ამოეწურათ თაფლის მარაგები, შესაბამისად, ევროპიდან წამოსული მოთხოვნის დაკმაყოფილება ვერ ხერხდება. მარაგებთან დაკავშირებულ პრობლემას აღიარებენ გარემოს დაცვისა და სოფლის მეურნეობის სამინისტროშიც, თუმცა ნაკლებად საუბრობენ პრობლემის გადაჭრის გზებზე. როგორც „თაფლის მწარმოებელთა ასოციაციის“ ხელმძღვანელი ალეკო პაპავა აცხადებს, იმისთვის, რომ თაფლის ექსპორტის უწყვეტობა შენარჩუნდეს ერთდროულად რამდენიმე მიმართულებით უნდა გადაიდგას ნაბიჯები. მისი თქმით, პირველ რიგში უნდა დაიწყოს თაფლის მწარმოებლების რეგისტრაცია, იმისთვის, რომ გაირკვეს ქვეყანაში რა რაოდენობის ფუტკრის ოჯახია და რა მოცულობის თაფლი იწარმოება. ამასთან, მისი თქმით, მნიშვნელოვანია სახელმწიფოს მხრიდან მწარმოებლების პერიოდული ინსპექტირება და შემოწმება, რომ ხარისხი დაცული იყოს. მეფუტკრეების ნაწილი საუბრობს ბიუროკრატიულ ბარიერებზეც, რომელზეც პროდუქციის ექსპორტზე გატანისას სახელმწიფოსთან აწყდებიან, მათი თქმით, პროცესები დროში ჭიანურდება, რაც თაფლის ექსპორტს ართულებს. #ახალიამბები #BusinessMediaGeorgia
მოსამართლეებისთვის სანქციების დაწესება პოტენციური ინვესტორებისთვის შემაშფოთებელი სიგნალია - ასეთი შეფასებები კეთდება 3 მოქმედი და 1 ყოფილი მოსამართლის მიმართ სანქციების დაწესებაზე. რა გზავნილია ამერიკის შეერთებული შტატების მიერ ქართველი მოსამართლეებისთვის სანქციების დაწესება და როგორ აისახება ის საქართველოს ბიზნეს გარემოზე? #ახალიამბები #BusinessMediaGeorgia
ქართული ღვინის მაღალი ხარისხი არის ერთადერთი ბილეთი საერთაშორისო ბაზარზე თავის დამკვიდრებისთვის. ბოლო წლებში ღვინის ექსპორტი შთამბეჭდავად გაიზარდა. თუმცა დადებით ტენდენციებთან ერთად მნიშვნელოვან გამოწვევად რჩება ღვინის ექსპორტში ერთი დომინირებული ბაზრის არსებობა. ეს რუსეთის ბაზარია, გასულ წელს მაგალითად, რუსეთზე მთლიანი ექსპორტის 64% მოდიოდა.. იანვარ - თებერვალში კი, რუსეთის ბაზრის წილი 69% იყო. როგორ შეიძლება შევიტანოთ გარდატეხა საექსპორტო ბაზრებში? სტუმარი: ლევან მეხუზლა - ღვინის ეროვნული სააგენტოს თავმჯდომარე; #ახალიამბები #BusinessMediaGeorgia
ადგილობრივ ბაზარზე თაფლის დეფიციტის გამო საქართველოდან ევროკავშირში თაფლის ექსპორტი შეჩერდა. მაისამდე საქართველოდან ევროპაში თაფლი ვერ გაიგზავნება. თაფლის მწარმოებლები იმ შემაფერხებელ ფაქტორებზე საუბრობენ, რაც თაფლის მოცულობების გაზრდას აფერხებს. რა ნაბიჯები უნდა გადაიდგას სახელმწიფოს მხრიდან იმისთვის, რომ ექსპორტი შეუფერხებლად განხორციელდეს და რა გავლენა აქვს წარმოებაზე ექსპორტის შეფერხებას? #ახალიამბები #BusinessMediaGeorgia
„პარაგრაფ თბილისის“ გახსნის ახალი თარიღი 2023 წლის ზაფხულია, შეიცვალა პროექტის ღირებულება; ფასანაურში ₾25 მლნ-მდე ინვესტიციით 5-ვარსკვლავიანი სასტუმრო „არაგვი რეზორტ ფასანაური“ გაიხსნება; „ობჩაში ახალ საწარმოს ვაშენებთ“ – „ბაიას ღვინო“; სატაცურის მწარმოებლები პროდუქტზე მიმდინარე წელსაც მაღალ ფასს ვარაუდობენ; Montea-მ ექსპორტი ოთხ ქვეყანაში განახორციელა; #ახალიამბები #BusinessMediaGeorgia
თბილისის მერია უცხოური სანომრე ნიშნის მქონე მანქანების მძღოლებს ვერ აჯარიმებს. როგორც ვიცე-მერმა ბიემჯის განუცხადა,“თბილისის პარკინგს“ უცხო ქვეყნის მოქალაქეების შესახებ შესაბამისი მონაცემები არ აქვს. ვიცე-მერი, ირაკლი ხმალაძე ირწმუნება, რომ თბილისის მერიასა და შინაგან საქმეთა სამინისტროს შორის ელექტრონული ბაზების დამეგობრება იგეგმება, რითაც მუნიციპალიტეტმა უცხო ქვეყნის მოქალაქეების მონაცემები უნდა მიიღოს. თავის მხრივ, საინტერესოა, თავად შსს აჯარიმებს თუ არა უცხო ქვეყნის მოქალაქეებს? #ახალიამბები #BusinessMediaGeorgia
კომპანია Beeline-ში მფლობელის ცვლილების შემდეგ რებრენდინგი განხორციელდა. მობილური კომპანია დღეიდან ბაზარზე „სელფის“ სახელწოდებით აგრძელებს ოპერირებას. “ვიონი საქართველოს”, ანუ “ბილაინის” 100%-იანი წილი გასულ წელს CBS ჯგუფის საკუთრებაში გადავიდა და დღეს ის სრულად ქართულ კომპანიას წარმოადგენს. რა სიახლეებს შესთავაზებს სატელეკომუნიკაციო ბაზარს კომპანია “სელფი” და ბრენდის განვითარების რა ხედვა აქვს CBS ჯგუფს? #ახალიამბები #BusinessMediaGeorgia
Visual Capitalist-ი საერთაშორისო სავალუტო ფონდის განახლებულ მონაცემებზე დაყრდნობით, მსოფლიოს უმდიდრესი ქვეყნების რეიტინგს აქვეყნებს. ის, მოსახლეობის ცხოვრების პირობების შესახებ სრულყოფილი სურათის წარმოსადგენად ითვლის მთლიან შიდა პროდუქტს ერთ სულ მოსახლეზე, განსაზღვრავს თუ როგორ ცხოვრობს ხალხი, როგორია სავალუტო რყევები, რა ღირებულება აქვს ისეთ აუცილებელ ნივთებს, როგორიცაა საკვები და ტანსაცმელი. რომელია მსოფლიოში ყველაზე მდიდარი ქვეყნები ერთ მოსახლეზე მთლიანი შიდა პროდუქტის რაოდენობის მიხედვით? #ახალიამბები #BusinessMediaGeorgia
აკვაკულტურის ფერმების მოსაწყობად, აჭარის, სამეგრელოს და გურიის სანაპირო ზოლში 8 ლოკაცია გამოიყო. ამ ადგილებში საერთაშორისო ექსპერტების რეკომენდაციით, შესაძლებელია თევზისა და მოლუსკების ფერმების მოწყობა. სოფლის მეურნეობის სამინისტროში აცხადებენ, რომ ზონების პროექტის დამტკიცების შემდეგ, დაგეგმილია ზონების მართვის გეგმებისა და ინვესტორთა წინადადებების განხილვის საფუძველზე დამატებითი სანებართვო პირობების განსაზღვრა და აკვაკულტურის ნებართვების გაცემა, რაც გააჩენს საშუალებას აკვაკულტურის მიმართულებით მსხვილი ინვესტიციების მოზიდვისთვის. რა პოტენციალი აქვს საქართველოს აკვაკულტურის წარმოების განვითარებისთვის და არიან თუ არა ამ მიმართულებით დაინტერესებული ინვესტორები? სტუმარი: ზურაბ დეკანოიძე - გარემოს ეროვნული სააგენტოს ლიცენზირების დეპარტამენტის უფროსი; #ახალიამბები #BusinessMediaGeorgia
2011-2022 წლებში საქართველოში ელექტროენერგიის შიდა გამომუშავება 42%-ით გაიზარდა, ხოლო მოხმარება 68%-ით, რამაც იმპორტირებული ელექტროენერგიის ზრდა განაპირობა - კერძოდ, 2011-2022 წლებში იმპორტი 3-ჯერ არის გაზრდილი. საერთაშორისო გამჭვირვალობა საქართველოს მიერ გამოქვეყნებული კვლევის მიხედვით, საქართველოში ბოლო წლებში ელექტროენერგიის იმპორტი ყოფილი მაღალი თანამდებობის საჯარო მოხელეების კუთვნილი შუამავალი კომპანიების მეშვეობით ხორციელდება, რაც ელექტროენერგიას აძვირებს. კვლევის თანახმად, აზერბაიჯანიდან ელექტროენერგიის იმპორტში შუამავლად ყოფილი პრემიერ მინისტრის ზურაბ ნოღაიდელის მიერ დაფუძნებული კომპანია „Elgreen Holdings Incorporated“ არის ჩართული. რუსეთიდან ელექტროენერგიის იმპორტში შუამავლად კი კომპანია „ლუქს ენერჯი ტრეიდინგი“ ფიგურირებს, რომლის 50.01%-ი რუსულ „ინტერ რაოს“ ეკუთვნის, ხოლო 49.99% საქართველოს „ელექტროენერგეტიკული სისტემის კომერციული ოპერატორის“ (ესკო) ყოფილ გენერალურ დირექტორს - ვახტანგ ამბოკაძეს. კიდევ ვინ დგანან ელექტროენერგიის იმპორტისას შუამავალი კომპანიების უკან, რამდენად დიდია ელექტროენერგიის იმპორტში რუსეთზე დამოკიდებულება და რა რეკომენდაციები აქვს საერთაშორისო გამჭვირვალობა საქართველოს? #ახალიამბები #BusinessMediaGeorgia
მსოფლიოს მასშტაბით თითქმის ყველა ქვეყანაში იმ მუშახელს, რომელიც კვირაში საშუალოდ 40 საათი მუშაობს ანაზღაურებადი შვებულების გამოყენების უფლება აქვს. რა თქმა უნდა, შვებულების დღეების რაოდენობა თითოეულ ქვეყანაში განსხვავებულია და ეს სხვადასხვა ფაქტორზეა დამოკიდებული. რომელ ქვეყნებში სარგებლობენ ყველაზე ხანგრძლივი ანაზღაურებადი შვებულებით, ამასთან რომელ სახელმწიფოებს აქვთ დღესასწაულებთან დაკავშირებული ყველაზე მეტი უქმე დღე? #ახალიამბები #BusinessMediaGeorgia
კომპანია Beeline-ში მფლობელის ცვლილების შემდეგ რებრენდინგი განხორციელდა. მობილური კომპანია დღეიდან ბაზარზე „სელფის“ სახელწოდებით აგრძელებს ოპერირებას. მაყურებელს შევახსენებ, რომ “ვიონი საქართველოს”, ანუ “ბილაინის” 100%-იანი წილი გასულ წელს CBS ჯგუფის საკუთრებაში გადავიდა და დღეს ის სრულად ქართულ კომპანიას წარმოადგენს. რა გეგმები აქვს კომპანიას ქართულ ბაზარზე? #ახალიამბები #BusinessMediaGeorgia
#ბიზნესსიახლეები bm.ge-სგან / 04.04.2023 LGG წეროვანში $11 მილიონის ინვესტიციას განახორციელებს; ქუთაისში ₾10 მილიონის ინვესტიციით პრემიუმ კლასის სასტუმრო West Inn Georgia იხსნება; „იგოეთმა“ ალუბლის დანამატიანი აჯიკის წარმოება დაიწყო - პროდუქტი ექსპორტზე იაპონიაში გავა; “რკ ოზაანი” სატაცურის მოსავალს გააორმაგებს; საგარეჯოში ბიო ნუშის წარმოება დაიწყო; „წელს ერთ-ერთი ყველაზე ანომალიური პერიოდი იყო" - ერეკლე კოკაია; #ახალიამბები #BusinessMediaGeorgia
მთავრობა ახალ სსიპ-ს ქმნის. საუბარია სარკინიგზო ტრანსპორტის სააგენტოზე, რომელიც სარკინიგზო სექტორს ზედამხედველობას და მონიტორინგს გაუწევს. პარლამენტში წარდგენილი კანონპროექტის განმარტებითი ბარათიდან ირკვევა, რომ 2023 წელს უწყების ბიუჯეტი 1.3 მილიონი ლარი იქნება, ხოლო მისი შექმნა ევროკავშირთან ასოცირების დღის წესრიგს წარმოადგენს. #ახალიამბები #BusinessMediaGeorgia
მშენებლობის პროცესში გამწვანების კომპონენტის სავალდებულო წესით ინტეგრირება მთელი ქვეყნის მასშტაბით სავალდებულო გახდება- ეს განცხადება გარემოს დაცვისა ბუნებრივი რესირსების კომიტეტის თავჯდომარემ მაია ბითაძემ გააკეთა. შესაბამისი კანონპროექტი პარლამენტმა მესამე მოსმენით მიიღო. აღნიშნული ვალდებულება თბილისში 2019 წლიდან მოქმედებს. #ახალიამბები #BusinessMediaGeorgia
მევენახე ფერმერები ვაზის მოსავლის დაზღვევას 70%-იანი თანადაფინანსებით შეძლებენ. აგროდაზღვევის სახელმწიფო პროგრამაში ცვლილებები განხორციელდა. როგორც გარემოს დაცვისა და სოფლის მეურნეობის მინისტრმა, ოთარ შამუგიამ მთავრობის სხდომის დასრულების შემდეგ განაცხადა, მნიშვნელოვანია, კიდევ უფრო მეტად შევუწყოთ ხელი ფერმერების აქტიურად ჩართვას პროგრამაში. რატომ ზრდის მთავრობა ვენახების დაზღვევაში სახელმწიფოს წილს. რა სტრატეგიაა აქვს მთავრობას აგროდაზღვევის მიმართულებით? სტუმარი: ნატალია ხარატიშვილი - სოფლის განვითარების სააგენტოს დირექტორის მოადგილე; #ახალიამბები #BusinessMediaGeorgia
მთავრობა ახალ სსიპ-ს ქმნის. საუბარია სარკინიგზო ტრანსპორტის სააგენტოზე, რომელიც სარკინიგზო სექტორს ზედამხედველობას და მონიტორინგს გაუწევს. პარლამენტში წარდგენილი კანონპროექტის განმარტებითი ბარათიდან ირკვევა, რომ 2023 წელს უწყების ბიუჯეტი 1.3 მილიონი ლარი იქნება, ხოლო მისი შექმნა ევროკავშირთან ასოცირების დღის წესრიგს წარმოადგენს. რა იქნება ახალი სააგენტოს ფუნქციები და რაც შეცვლის ის სარკინიგზო სფეროში? #ახალიამბები #BusinessMediaGeorgia
სახლები ხშირ შემთხვევაში არა მხოლოდ საცხოვრებელი, არამედ შემოსავლის მნიშვნელოვანი წყაროცაა და სულ უფრო მეტი ადამიანი ცდილობს, საცხოვრებელი სახლი საინვესტიციო ინსტრუმენტად გამოიყენოს. მსოფლიოში მზარდი მოთხოვნა, კი თავისთავად საცხოვრებელი სახლების ფასებზე აისახება და ისინი ყოველწლიურად იზრდება. როგორ შეიცვალა ბოლო 12 წლის განმავლობაში მსოფლიოში საცხოვრებელი უძრავი ქონების ფასები? #ახალიამბები #BusinessMediaGeorgia
მშენებლობის ნებართვის მიღების მიზნით, გამწვანების პროექტის წარდგენა მთელი ქვეყნის მასშტაბით სავალდებულო ხდება. ცვლილებებს მესამე მოსმენით პარლამენტი დღეს განიხილავს. დეველოპერული ბიზნესისთვის ახალი ვალდებულების ამოქმედების შესახებ ბრიფინგი გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ გამართა. როგორც ბითაძე ამბობს, კანონის ამოქმედება 2024 წლიდან არის დაგეგმილი. მაია ბითაძე - გარემოს დაცვის საპარლამენტო კომიტეტის თავმჯდომარე; #ახალიამბები #BusinessMediaGeorgia
რიკოთის უღელტეხილის გახსნის თარიღი ჯერ ისევ უცნობია- საავტომობილო გზების დეპარტამენტი რიკოთზე, მეწყერსაშიშ ზონას სწავლობს. მათი განმარტებით პირველადი კვლევები კვირის ბოლოს დასრულება, რაზეც უღელტეხილის გახსნა იქნება დამოკიდებული. საავტომობილო გზების დეპარტამენტს გეოლოგები აკრიტიკებენ და გეოლოგიური კვლევების გასაჯაროებისკენ მოუწოდებენ. #ახალიამბები #BusinessMediaGeorgia
პური გავაიაფეთ, ახლა ინფრასტრუქტურას მივხედოთ. ახალი აეროპორტი 2-3 წელიწადში აშენდება და ის რეგიონში ერთ-ერთი საუკეთესო იქნება, ასეთი გეგმა აქვს ირაკლი ღარიბაშვილს. პრემიერმა დაგეგმილ პროექტებზე მთავრობის სხდომის დაწყებამდე ისაუბრა. ღარიბაშვილის თქმით, წელსვე სურთ ანაკლიის პორტის მშენებლობის დაწყება, ასევე მსხვილი ინფრასტრუქტურული პროექტების განხორციელება საგზაო და ენერგეტიკული მიმართულებებით. მთავრობის სხდომის დასრულების შემდეგ, ჟურნალისტების კითხვებს ჯანდაცვის მინისტრმა და სოფლის მეურნეობის მინისტრმა უპასუხეს? #ახალიამბები #BusinessMediaGeorgia
სავალდებულო დაგროვებითი პენსიის პარალელურად კერძო დაგროვებითი საპენსიო სქემების განვითარებისთვის ქვეყანაში საკანონმდებლო ბაზა იქმნება. „კერძო ნებაყოფლობითი პენსიის შესახებ“- ასე ჰქვია კანონპროექტს, რომელიც ეკონომიკის სამინისტრომ მოამზადა. დოკუმენტი ახლა პარლამენტში საკომიტეტო მოსმენებს გადის. რას გულისხმობს ნებაყოფლობითი დაგროვებითი საპენსიო პროდუქტი, ვის შეეძლება სქემების დაფუძნება და რა შეღავათს მიიღებენ მისი მონაწილეები? #ახალიამბები #BusinessMediaGeorgia
კომუნიკაციების კომისიამ ტელეკომ სექტორის კომპლექსური კვლევის პირველი ეტაპის შედეგები ევროპელ ექსპერტებთან ერთად წარადგინა. კვლევის პირველი ეტაპის ფარგლებში, ექსპერტებმა მობილური და ფიქსირებული ფართოზოლოვანი მომსახურებების საცალო და საბითუმო ბაზრების შესწავლა დაასრულეს და დაადგინეს, რომ ეფექტიანი კონკურენციისთვის კონკრეტულ ბაზრებზე წინასწარი რეგულირების საჭიროება არსებობს. რა ბარიერები არსებობს დღეს საკომუნიკაციო ბაზარზე და რა ტიპის რეგულირების აუცილებლობა იკვეთება? სტუმარი: უჩა სეთური - მცირე და საშუალო ტელეკომ ოპერატორების ასოციაციის აღმასრულებელი დირექტორი; #ახალიამბები #BusinessMediaGeorgia