“პური აქციეს გადარჩენის სიმბოლოდ, სუბსიდიას თუ ბოლომდე გაყვებიან ხრამში გადავარდებიან, ელექტროენერგიის გაზრდილი ტარიფის გამო ჩვენი გადასახადები მილიონი 600 ათასი ლარით გაიზარდა - ეს განცხადებები საქმის კურსთან დღეს ბიზნესმენმა თემურ ჭყონიამ გააკეთა. #ახალიამბები #BusinessMediaGeorgia
“მტკივნეული რეფორმების გარეშე, ორმოში დავრჩებით” - განცხადება ბი ემ ჯისთან ბიზნესმენმა თემურ ჭყონიამ, 2020 წლის შეჯამებაზე და 2021 წლის მოლოდინებზე საუბრისას გააკეთა. მისი პროგნოზით, 2021 წელი 2020 წელზე ნაკლებად რთული იქნება, მაგრამ იმისთვის, რომ საქართველო „კარგი ქვეყანა“ გახდეს, ბიზნესმენის აზრით, მტკივნეული გადაწყვეტილებებია მისაღები და რეფორმები - გასატარებელი. თემურ ჭყონია - ბიზნესმენი #ახალიამბები #BusinessMediaGeorgia
ტექნიკური რეგლამენტი, რომელსაც ქვეყანაში 5%-ზე მეტი წყლის შემცველობის მქონე ქათმის ხორცის იმპორტს კრძალავდა შეჩერდა. შეიძლება ითქვას, რომ მთავრობამ საკუთარი გადაწყვტილება შეცვალა. უკავშირდება თუ არა ეს პროდუქზე დანონსებულ ფასების გაზრდას? #ახალიამბები #BusinessMediaGeorgia
ჯანდაცვის მინისტრი საქართველოში კლინიკების სიჭარბეზე საუბრობს და აცხადებს, რომ ქვეყანას ამდენი კლინიკა არ სჭირდება. ეკატერინე ტიკარაძის თქმით, ეს უნდა შეიცვალოს და აქცენტი ხარისხიან სამედიცინო მომსახურებაზე გაკეთდეს. მინისტრის მოსაზრებას ნაწილობრივ ეთანხმებიან ჯანდაცვის სპეციალისტები, თუმცა, მათი თქმით, კლინიკების მომრავლებას ხელი თავად სახელმწიფომ შეუწყო, რომელმაც 2013 წლიდან ქვეყანას საყოველთაო ჯანდაცვის სისტემა შესთავაზა. #ახალიამბები #BusinessMediaGeorgia
1100 ზე მეტმა კომპანიამ ბაზარზე ოპერირება სრულად შეწყვიტა - ამის შესახებ საქმის კურსს ინფორმაცია საიფორმაციო პორტალმა ბიამ მიაწოდა. დროებით საქმიანობა კი 1 მარტიდან დღემდე დაახლოებით 3000 მდე კომპანიამ გააჩერა. მთავარი მიზეზი ცხადია პანდემიაა. ყველაზე მეტად დაზარელებული ტურიზმია, თუმცა საქმიანობები კომპანიებიმა შემდეგ დარგებშიც შეაჩერეს, სამშენებლო პროდუქცია, მშენებლობა და უძრავი ქონება, კვების პროდუქტები, დისტრიბუცია და ასე შემდეგ. სტუმარი: გიორგი კაჭარავა - ევროკავშირი -საქართველოს ბიზნესსაბჭოს აღმასრულებელი დირექტორი #ახალიამბები #BusinessMediaGeorgia
საქართველოს მასშტაბით მსხვილ სუპერმარკეტებში როგორც მინერალური ისე მტკნარი წყლები გაძვირდა. ამის შესახებ ინფორმაციას ადასტურებენ თავად კომპანიებიც, რომლებიც საქმის კურსთან პროდუქციის გაძვირების ძირითად ფაქტორებზე საუბრობენ. რამდენით გაძვირდა სუპერმარკეტებში მინერალური და მტკნარი წყალი და რა ძირითად მიზეზებზე საუბრობენ კომპანიები? #ახალიამბები #BusinessMediaGeorgia
“აპარტამენტების გაქირავება და დამსვენებლების მიღება გუდაურში არ არის აკრძალული, მთავრობის გადაწყვეტილება მხოლოდ სასტუმროებს შეეხო, თუმცა პრობლემა ჩვენც შეგვექმნა, რადგან აიკრძალა სასრიალო ტრასების და საბაგიროების მუშაობა”- განცხადება კომპანია “რედკოს” გენერალურმა დირექტორმა მალხაზ კუნელაურმა გააკეთა. რედკო, რომლის საინვესტიციო პორფელი რამდენიმე მსხვილ პროექტს საქართველოს სხვადასხვა ქალაქში მოიცავს, აქტიურად მუშაობს მთის კურორტების მიმართულებით, ახალი გუდაურის პროექტების დიდი ნაწილი დასრულებულია… რა პრობლემები აქვს ბიზნესს შეზღუდვების ფონზე? სტუმარი: მალხაზ კუნელაური - “რედკო” გენერალური დირექტორი #ახალიამბები #BusinessMediaGeorgia
ტექნიკური რეგლამენტი, რომელსაც ქვეყანაში 5%-ზე მეტი წყლის შემცველობის მქონე ქათმის ხორცის იმპორტს კრძალავდა შეჩერდა. შეიძლება ითქვას, რომ მთავრობამ საკუთარი გადაწყვტილება შეცვალა. უკავშირდება თუ არა ეს პროდუქზე დანონსებულ ფასების გაზრდას? #ახალიამბები #BusinessMediaGeorgia
სახელმწიფო სუბსიდირების გარეშე, დეველოპერებს ფასების შემცირება მოუწევთ, რაც, თავის მხრივ, გამოიწვევს ბინებზე ფასების შემცირებას ქალაქის მასშტაბით“, - ამის შესახებ Cushman & Wakefield Georgia-ს კვლევაშია აღნიშნული. ორგანიზაცია ვარაუდობს, რომ იპოთეკური სესხების სუბსიდირების პროგრამის დასრულების შემდგომ, კერძოდ, იანვარიდან დეკემბრამდე მოცემულ სექტორში ტრანზაქციების რაოდენობა თანდათანობით შემცირდება, გაყიდვების კლება თებერვალსა და მარტშიც გაგრძელდება. #ახალიამბები #BusinessMediaGeorgia
ერთ-ერთი ყველაზე დაზარალებული სექტორის მოლოდინები არც 2021 წელსაა პოზიტიური, მიუხედავად იმისა, რომ ტურიზმი ერთ-ერთი პირველი იყო ვისაც სახელმწიფომ ანტიკრიზისული გეგმა შესთავაზა, ბიზნესი მაინც უმძიმეს მდგომარეობაშია და რიგ შემთხვევებში სახელმწიფო დახმარების სრული პაკეტით ვერ სარგებლობს… მაგალითად, პანდემიის დაწყებიდან დღემდე სახელმწიფომ სასტუმრო ინდუსტრიის სესხის პროცენტის სუბსიდირების პროგრამით 1 552 უნიკალურ ბენეფიციარზე 2 440 სესხი გასცა. ბიუჯეტიდან განკუთვნილი პროგრამისთვის 70 მლნ ლარიდან სესხების თანადაფინანსებამ მხოლოდ 46.5 მლნ ლარი შეადგინა. სტუმარი: შალვა ალავერდაშვილი - სასტუმროებისა და რესტორნების ფედერაციის დამფუძნებელი #ახალიამბები #BusinessMediaGeorgia
იმისათვის რომ პური არ გაძვირდეს, ფქვილის ღირებულების სუბსიდირების მექანიზმი, რომელიც მთავრობამ გასული წლის დეკემბრიდან აამოქმედა საკმარისი აღარ არის. წისქვილკომბინატები ღიად საუბრობენ, რომ ფქვილი იმდენად გაძვირდა, რომ სახელმწიფოს მიერ გამოყოფილი სუბისდია ერთ ტომარაზე ფიქსირებული ფასის - 53 ლარის შენარჩუნებას ვეღარ უზრუნველყოფს. #ახალიამბები #BusinessMediaGeorgia
მეწარმეთა კავშირის თავმჯდომარე, გოგა ციცქიშვილი, საქართველოს კონკურენციის სააგენტოს თავმჯდომარე ირაკლი ლექვინაძეს მეწარმეებისთვის თანხის გადაუხდელობაში ადანაშაულებს. მან საკითხზე დღეს გამართულ პრესკონეფერენციაზე ისაუბრა. #ახალიამბები #BusinessMediaGeorgia
მიკროსაფინანსო ორგანიზაციების რაოდენობა ბაზარზე მცირდება. თუ 2019 წელს 67 მიკროსაფინანსო ოპერირებდა დღეს მათი რაოდენობა 40-ია. ბაზრის მოთამაშეები ამბობენ, რომ აღნიშნული ტენდენცია ჯერ კიდევ პანდემიამდე ეროვნული ბანკის მიერ შემოღებული რეგულაციების შედეგია, კორონავირუსის პანდემიამ კი ეს პროცესი კიდევ უფრო დააჩქარა. რა პრობლემები და გამოწვევები არსებობს დღეს ამ მიმართულებით? #ახალიამბები #BusinessMediaGeorgia
რომელ ბიზნესებს დაუსუფსიდირდება გაზრდილი ელექტროენერგიის ტარიფი ცნობილია. მთავრობის მიერ მიღებული დადგენილების თანახმად, ცალკეულ სფეროებში მოღვაწე ბიზნესებს გაზრდილი ტარიფის სხვაობის 50% სახელმწიფოს მიერ დაუსუბსიდირდება. ვის შეეხება სუბსიდირება და ვინ დარჩა ჩამონათვალს გარეთ? #ახალიამბები #BusinessMediaGeorgia
ჯანდაცვის მინისტრ ეკატერინე ტიკარაძის განცხადებით, 1 თებერვლიდან ბაზრობების და მოლების გახსნა იგეგმება, მაგრამ ტრანსპორტის აღდგენაზე და სხვა ბიზნესების ამუშავებაზე მსჯელობა გაიმართება. როგორც ტიკარაძემ უწყებათშორისი საბჭოს სხდომის დასრულების შემდეგ განმარტა, იანვრის ბოლოს გაიმართება მსჯელობა, თუ რა შეზღუდვები დაუწესდება დამატებით ბიზნესს და გაიხსნება თუ არა საზოგადოებრივი ტრანსპორტი. შედგა თუ არა რაიმე ტიპის კომუნიკაცია მთავრობასა და რესტორნების წარმომადგენლებს შორის? სტუმრები: მაკა ცაბუტაშვილი - „თაშრე“; გენერალური დირექტორი ვანო სტურუა - “მაჭახელა ჯგუფი”; ხელმძღვანელი #ახალიამბები #BusinessMediaGeorgia
„დავუსვით წერტილი ბიზნესში მთავრობის ფავორიტიზმს" - ცეზარ ჩოჩელი საქმის კურსში სტუმარი: ცეზარ ჩოჩელი - ბიზნესმენი #ახალიამბები #BusinessMediaGeorgia
მოუწევს თუ არა ადგილობრივ მწარმოებლებს პროდუქტზე ფასების გაზრდა?! ბიზნესი 2021 წელს მომატებულ კომუნალურ ტარიფებს გადაიხდის და შესაბამისად გადაწყობა მოუწევს. რას ამბობს ბიზნესი? #ახალიამბები #BusinessMediaGeorgia
მთავრობის ადმინისტრაციაში მთავრობის ეკონომიკური გუნდის წარმომადგენლები ბაზრობების მფლობელებს ხვდებიან. როგორც საქმის კურსს ლილო მოლის დირექტორმა გიორგი კვარაცხელიამ განუცხადა, რა საკითხებზე იქნება შეხვედრაზე საუბარი არ იცის. კითხვაზე - რამდენად მისაღები იყო „ლილო მოლისთვის“ და იქ მოვაჭრეთათვის შეზღუდვების 1 თებერვლამდე გახანგრძლივების გადაწყვეტილება, გიორგი კვარაცხელია ამბობს, რომ მთავრობის წარმომადგენლებმა უკეთ იციან, რა გადაწყვეტილება მიიღონ. #ახალიამბები #BusinessMediaGeorgia
2020 წელს საქართველოში სავალუტო ჯიხურების რაოდენობა 2019 -თან შედარებით თითქმის 150 ერთეულით შემცირდა. სავალუტო ჯიხურების მფლობელებმა ეს გადაწყვეტილება კორონა ვირუსის პანდემიის გამო შექმნილი ეკონომიკური კრიზისის გამო მიიღეს. ყველაზე დიდი რაოდენობით ვალუტის გადაცვლელი ობიექტები თბილისის მასშტაბით ტურისტულ ზონებში დაიხურა. #ახალიამბები #BusinessMediaGeorgia
ტურიზმი - სექტორი, რომელიც შეიძლება ითქვას, ყველაზე მასშტაბურად აზარალა კორონავირუსის პანდემიამ მთელ მსოფლიოში და მათ შორის საქართველოში. “ტურიზმის აღდგენას, შესაძლოა, აფეთქების სახე ჰქონდეს“, - ამ ოპტიმისტური პროგნოზის ავტორი სასტუმროების და რესტორნების ასოციაციის დამფუძნებელი შალვა ალავერდაშვილია, მაგრამ ჯერჯერობით, ფაქტი ისაა, რომ საქართველომ 2021 წელი დაკეტილ მდგომარეობაში დაიწყო და არათუ უცხოელ ტურისტებს არ ვიღებთ, არამედ შიდა ეკონომიკის საკმაო ნაწილიც დახურულია. #ახალიამბები #BusinessMediaGeorgia
ღია წერილის გამოქვეყნებამდე, ცნობილი გახდა, რომ “პარაგრაფი”, “პანორამა”, “ელიტა ბურჯი” და სხვა აქტივები ბიძინა ივანიშვილმა “ფონდ ქართუზე" გადააფორმა. კერძოდ ბიძინა ივანიშვილმა საქართველოში მისი კუთვნილი ბიზნესების და უძრავი ქონების მნიშვნელოვანი ნაწილი, რომელთაც ოფშორული კომპანიების გავლით ფლობდა, საქველმოქმედო ფონდ “ქართუს” საკუთრებაში გადაიტანა. საჯარო რეესტრში ცვლილებები 2020 წლის დეკემბრის ბოლო დღეებში დარეგისტრირდა. ყველაზე მსხვილი ცვლილება 31 დეკემბერს დარეგისტრირდა, როდესაც “ტურიზმის განვითარების ფონდი”, რომლის საკუთრებაშიც თავისმხრივ “პანორამა თბილისის” მშენებარე ობიექტები და “პარაგრაფ შეკვეთილი” შედიან ქართუ ფონდს გადაეცა. ცვლილებამდე ამ კომპანიების 100%-იან წილს პანამური FRANKSTON INTERNATIONAL S.A. ფლობდა. სტუმარი: ვალერი ჩეჩელაშვილი - ყოფილი ელჩი რუსეთში; ყოფილი ფინანსთა მინისტრი; რონდელის ფონდი; უფროსი მკვლევარი #ახალიამბები #BusinessMediaGeorgia
ბიძინა ივანიშვილი ქართული პოლიტიკიდან უკვე მეორედ წავიდა და როგორც თავად ამბობს, საბოლოოდ. 16 გვერდიან ვრცელ ღია წერილში, რომელიც რამდენიმე საათის წინ გავრცელდა, ყოფილი პრემიერი აცხადებს, რომ ტოვებს პარტიასაც და უბრუნდება კერძო ცხოვრების წესს. ‘“პოლიტიკიდან მივდივარ ამაყი, გამარჯვებული“ - ამბობს ივანიშვილი. #ახალიამბები #BusinessMediaGeorgia
საქართველოს ბიზნესაოსციაციას ეკუთვნის კვლევა, რომელიც საქართველოში ბიზნესის მოლოდინებს აფასებს. მეოთხე კვარტალში ჩატარებული გამოკითხვის მიხედვით, დასაქმების ბარომეტრი კოვიდ 19-ის ფონზე გაუარესებულია. გამოკითხული კომპანიების მხოლოდ 57%-ს მიაჩნია, რომ მომდევნო სამ თვეში თანამშრომელთა რაოდენობას შეინარჩუნებს, როცა წინა კვლევაში კომპანიების მოლოდინები უფრო ოპტიმისტური იყო. #ახალიამბები #BusinessMediaGeorgia
ონლაიან ვაჭრობა - რატომაა ბიზნესი უკმაყოფილო? სტუმარი: გიორგი ხერგიანი - კომპანია “ნაირ-ნაირის” დამფუძნებელი #ახალიამბები #BusinessMediaGeorgia
საქართველოს მთავრობის შემდეგ 2020 წელი დედაქალაქის მერმაც შეაჯამა. დიდი ბრძოლის წელი მიიწურა - თქვა კახა კალაძემ და აღნიშნა, რომ ბევრი გეგმის გადალაგება და ინფრასტრუქტურული პროექტების შეჩერებაც მოუწიათ, რომელთა ნაწილი მომდევნო წლიდან განხორციელდება. თბილისის მერმა აქცენტი მათ შორის სატრანსპორტო პოლიტიკაზე გააკეთა და აღნიშნა, რომ 2020 წელს გაგრძელდა ახალი ავტობუსების შემოყვანისა და ე.წ. ყვითელი მიკროავტობუსების ჩანაცვლების პროექტი. ასევე დაიწყო ინტეგრირებული მგზავრობის ღირებულების გადახდის სისტემის დანერგვა, რაც ნიშნავს, რომ მომხმარებელი საათნახევრის განმავლობაში, ერთი გადახდით იმგზავრებს. კიდევ რა საკითხებზე გააკეთა აქცენტი 2020 წლის დედაქალაქის მთავრობის ბოლო სხდომაზე? #ახალიამბები #BusinessMediaGeorgia
ელექტროენერგიასთან ერთად საქართველოში იზრდება წყლის ტარიფიც. სემეკის გადაწყვეტილებით, წყალზე გაზრდილი გადასახადის გადახდა თბილისის, მცხეთისა და რუსთავის აბონენტებს მოუწევთ, გარდა სოციალურად დაუცველი მოსახლეობისა, რომლებსაც წყლის ტარიფის მატებას მთავრობა დაუსუბსიდირებს. ახალი ტარიფი 2021 წლის პირველი იანვრიდან შევა ძალაში და 2023 წლის ჩათვლით იმოქმედებს. რა თანხის გადახდა მოუწევთ მოქალაქეებს და რამდენით გაუძვირდათ წყლის გადასახადი კომერციულ მომხმარებლებს? #ახალიამბები #BusinessMediaGeorgia
სემეკიც, საქართველოს მთავრობაც და თავად კომპანიებიც აცხადებენ, რომ ტარიფების ზრდის გარეშე საქართველოში ელექტროენერგიის მიწოდებას უბრალოდ საფრთხე შეექმნება. საქართველოში ელექტროენერეგიის გენერაცია მცირდება, იმპორტი კი პირიქით, იმატებს. ერთია ტარიფების ცვლილების სოციალური და პოლიტიკური ფაქტორი, მაგრამ კომპანიების ამბობენ, რომ ლარის კურსის გაუფასურების ფონზე 3 წლის წინ დადგენილი ტარიფებით ოპერირება შეუძლებელი ხდება. სტუმარი: მარიამ ჩახვაშვილი - Galt & Taggart-ის უფროსი ანალიტიკოსი #ახალიამბები #BusinessMediaGeorgia
2021 წელს ბიზნესი და მოსახლეობა გაძვირებული კომუნალური გადასახადებით ხვდება. ფასმა მოიმატა ელექტროენერგიაზე, წყალზე, დაანონსებულია ბუნებრივი აირის გაძვირებაც კომერციული სექტორისთვის. ახალი ტარიფები ძალაში 2021 წლიდან შევა. თუმცა, ამ გადაწყვეტილებების გამოცხადებას წინ უძღოდა არაერთი განცხადება, რომელმაც ბაზარზე დამატებითი გაურკვევლობა გააჩინა, მაგალითად კომერციული გაზის ტარიფთან დაკავშირებით. დეკემბრის დასაწყისში ჯერ “თბილისი ენერჯიმ” თქვა, რომ კომერციული მომხმარებლებისთვის გაზს აძვირებს, შემდეგ ეკონომიკის მინისტრი გვარწმუნებდა, რომ ასე არ მოხდება. რამდენიმედღიანი მსჯელობის შემდეგ კი, თბილისი ენერჯიმ კომერციულ მომხმარებლებს კვლავ გაზის ტარიფის ზრდა დაუანონსა. რა გავლენა აქვს ამ განცხადებებს და გადაწყვეტილებებს ბიზნესზე? სტუმარი: სანდრო რატიშვილი - გადასახადის გადამხდელთა კავშირის პრეზიდენტი #ახალიამბები #BusinessMediaGeorgia
საქართველოში ელექტროენერგიის ტარიფი ძვირდება. შესაბამისი გადაწყვეტილება ენერგეტიკისა და წყალმომარაგების კომისიამ დაახლოებით ერთი საათის წინ მიიღო. ელექტროენერგიის ტარიფის გაძვირება შეეხებათ როგორც საცალო მომხმარებლებს, ანუ მოქალაქეებს, ასევე ბიზნესს. მოსახლეობისთვის ელექტროენერგია სამ-ნახევარი თეთრით ძვირდება, თუმცა, საქართველოს მთავრობამ უკვე დააანონსა, რომ მოქალაქეებს გაძვირებული ტარიფის გადახდა არ მოუწევთ - ხელისუფლებამ ისევ სუბსიდიის გზა აირჩია. რატომ გაძვირდა ელექტროენერგია, რა არის სემეკისა და თავად კომპანიების არგუმენტები? #ახალიამბები #BusinessMediaGeorgia
ჯანდაცვის მინისტრ ეკატერინე ტიკარაძის განცხადებით, საყოველთაო ჯანდაცვის პროგრამის ფარგლებში, კლინიკების მიმართ დავალიანებები 200 მლნ ლარით შემცირდა. ამის შესახებ მინისტრმა წლიური ანგარიშის პრეზენტაციაზე განაცხადა, რომელიც რუხის საავადმყოფოში გამართა. ტიკარაძემ ასევე აღნიშნა, რომ კოვიდ 19 ის მართვის ბიუჯეტი 236.5 მლნ ლარამდეა. #ახალიამბები #BusinessMediaGeorgia
ელექტროენერგიის ტარიფის მნიშვნელოვანი ზრდა გარდაუვალია- ამის შესახებ განცხადება დღეს ენერგო-პრო ჯორჯიამ გაავრცელა. კომპანიის შეფასებით, მოქმედი ტარიფი უკვე დიდი ხანია ვერ ანაზღაურებს დრამატულად გაზრდილ ხარჯებს, ელექტროენერგიის შესყიდვის თუ სხვა მიმართულებებით. ” უკვე 10 თვეა, მწვავე ფინანსურ კრიზისში ვიმყოფებით, მოგვიწია განვითარების ყველა გეგმაზე უარის თქმა, საინვესტიციო პროექტების მნიშვნელოვნად შემცირება, გართულდა სახელფასო ფონდის დაფინანსებაც კი.” - ნათქვამია კომპანიის განცხადებაში. ენერგო პრო ჯორჯიას განცხადებას დღეს ეკონომიკის მინისტრი ნათია თურნავაც გამოეხმაურა. ის ამბობს, რომ მთავრობა სემეკის კომპეტენციაში არ ჩაერევა. სტუმარი: გიორგი აბრამიშვილი - განახლებადი ენერგიების ასოციაციის აღმასრულებელი დირექტორი #ახალიამბები #BusinessMediaGeorgia
დღეიდან საქსტატი უმუშევრობის დათვლის ახალ მეთოდოლოგიაზე გადავიდა, რომელიც თვითდასაქმებულთა ნაწილს დასაქმებულებად აღარ მიიჩნევს. აქამდე მოქმედი მეთოდოლოგიით, უმუშევრად საქართველოს მოსახლეობის მხოლოდ 11.6% ითვლებოდა, განახლებული მეთოდოლოგიის შედეგად კი, უმუშევრობის დონე 17.6% გახდა. ასევე, გადაითვალა წინა წლების უმუშევრობის მაჩვენებლებიც. მოკლედ ახალ სტანდარტზე, რომლის მიხედვით, თვითდასაქმებულად აღარ ითვლებიან საკუთარ ოჯახურ მეურნეობაში მომუშავე პირები, რომლებიც არ არიან ბაზარზე ორიენტირებულები და სასოფლო სამეურნეო პროდუქციას აწარმოებენ უმთავრესად (50%-ზე მეტი) საკუთარი მოხმარებისათვის. აღნიშნული სტატუსის მქონე პირები გადაკვალიფიცირდნენ ან უმუშევართა კატეგორიაში, ან მოსახლეობაში სამუშაო ძალის გარეთ, იმის მიხედვით, ეძებდნენ თუ არა სამუშაოს და მზად იყვნენ თუ არა სამუშაოს დასაწყებად. როგორ გამოიყურება უმუშევრობა რიცხვებში ახალი სტანდარტის მიხედვით? #ახალიამბები #BusinessMediaGeorgia
უალკოჰოლო სასმელების მარკირების საფასურს 2021 წელსაც ფინანსთა სამინისტროს შემოსავლების სამსახური დაფარავს. ფინანსთა მინისტრის ივანე მაჭავარიანის მიერ ხელმოწერილი ბრძანების თანახმად, მთავრობა უალკოჰოლო სასმელების მარკირების პროცესს 2021 წლის 31 ოქტომბრის ჩათვლით დააფინანსებს. როგორც საქმის კურსისთვის გახდა ცნობილი, სახელმწიფომ მარკირების განმახორციელებელ შვეიცარულ კომპანია „სიქპასთან“ ხელშეკრულებასაც გადახედა. რა სქემით იხდის სახელწმიფო მარკირების ღირებულებას, რომელიც თავდაპირველად გათვალისიწნებული იყო, რომ თავად ბიზნესს უნდა გადაეხადა და როგორ გააგრძელებს ქვეყანა ადმინისტრირებას მას შემდეგ რაც “სიქპასთან” გაფორმებული ხელშეკრულების მოქმედების ვადა ამოიწურება. #ახალიამბები #BusinessMediaGeorgia
პრემიერ-მინისტრობის კანდიდატის, გიორგი გახარიას განცხადებით, ჯანდაცვის სისტემაში სახელმწიფო კომპონენტი უნდა გაძლიერდეს. მისივე თქმით, პროცესი უკვე დაწყებულია და მას მინისტრი ეკატერინე ტიკარაძე ხელმძღვანელობს. მისი თქმით, პროგრამა უკვე არსებობს, რომელიც შექმნილია დონორებთან ერთად იმის შესახებ, თუ რა სახე უნდა მიიღოს სახელმწიფო კორპორაციამ ჯანდაცვაში. გარდა ამისა, გახარიას ინფორმაციით, ახალი კლინიკების შექმნისთვის და ზოგიერთის განახლებისთვის ფინანსების მოზიდვაზე ზრუნვა უკვე დაწყებულია. ეს განცხადება საკანონდებლო ორგანოში გაკეთდა, სადაც მთავრობისთვის ნდობის გამოცხადების პროცესი მიმდინარეობს. “ქართული ოცნების” დეპუტატებმა შეკიტხვებიც დასვეს, რა პასუხები მიიღეს და დამატებით რა განცხადებები გაკეთდა პარლამენტში? #ახალიამბები #BusinessMediaGeorgia
პრემიერ-მინისტრობის კანდიდატმა გიორგი გახარიამ დეპუტატებს სამთავრობო პროგრამა გააცნო.მთავრობისთვის ნდობის გამოცხადების საკითხთან დაკავშირებულ პლენარულ სხდომას მხოლოდ ფრაქცია "ქართული ოცნების" წევრები ესწრებიან. მომავალი მინისტრთა კაბინეტის ახალი სახე მხოლოდ იუსტიციის მინისტრია. #ახალიამბები #BusinessMediaGeorgia
სამშენებლო სექტორის ნაწილი იპოთეკური სესხების სუბსიდირების პროგრამის გაგრძელებას ითხოვს. როგორც კომპანია “არსის” გენერალური დირექტორი ამბობს საკითხზე მუშაობა მთავრობის წევრებს შორის უკვე მიმდინარეობს, მაგრამ გადაწყვეტილება მიღებული არ არის. რას ამბობენ ბაზრის მოთამაშეები და როგორ აფასებენ საკითხს ეკონომისტები? #ახალიამბები #BusinessMediaGeorgia
ბოლო პერიოდში ე.წ. ვალის ამომღები კომპანიები გააქტიურდნენ. ისინი ვერ უკავშირდებიან თავად მსესხებლებს და პრაქტიკულად ყველა ზომას მიმართავენ, რომ მასთან შემხებლობაში მყოფ პირს დაეკონტაქტონ და მსესხებელთნ დაკავშირება სთხოვონ. საქმე ისაა, რომ ამ დროს მსესხებლის ფინანსური ვალდებულების შესახებ ინფორმაცია მესამე პირისთვის ხდება ცნობილი. აქვთ თუ არა ამის უფლება ვალის ამომღებ კომპანიებს? #ახალიამბები #BusinessMediaGeorgia
„ის განცდა, რომ საქართველოში მედიკამენტები 300 და 400%-იან მოგებით იყიდება, სახელმწიფოს მხრიდან იქნება გადაზღვეული“- ამის შესახებ ჯანდაცვის მინისტრობის კანდიდატმა გუშინ განაცხადა. ეკატერინე ტიკარაძემ ახსენა ასევე მემორანდუმი და თანამშრომლობა თურქეთის ჯანდაცვის სამინისტროსთან, რომ ქვეყანაში თურქეთიდან მედიკამენტები ნუსხის მიხედვით შემოვა. როგორც ტიკარაძემ თქვა „ამ პრინციპული რეფორმის“ შედეგად ქვეყანაში მედიკამენტების ფინანსური ხელმისაწვდომობა უნდა გაიზარდოს. როგორც აპირებს მთავრობა მედიკამენტების ფასის გადაზღვევას? #ახალიამბები #BusinessMediaGeorgia
თბილისის მერიამ ბიზნესსექტორის წარმომადგენლების დასახმარებლად, ეკონომიკური პაკეტი შეიმუშავა - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე განაცხადა. თბილისის მერის თქმით, პირველ რიგში, შეღავათი შეეხება მუნიციპალტიტეტის მოიჯარეებს, ესენი არიან ეკონომიკური სუბიექტები, რომლებსაც მერიისგან ან მერიის საკუთრებაში არსებული საწარმოებისგან იჯარით აქვთ აღებული ფართები, სხვადასხვა სახის უძრავი ქონება და მისი მეშვეობით, სამეწარმეო საქმიანობას ახორციელებენ.მისივე თქმით, აღნიშნული შეღავათი კვების ობიექტებსაც შეეხებათ და მათთვის დასუფთავების მოსაკრებელი საკონდიტროებისთვის დაწესებული მოსაკრებლის ოდენობის იქნება, რაც რვაჯერ ნაკლებია. სტუმარი: მარიამ კვერნაძე - თბილისის მერიას; ქონების მართვის სააგეტო; უფროსის მოადგილე #ახალიამბები #BusinessMediaGeorgia
საქართველოს პრემიერ-მინისტრობის კანდიდატის გიორგი გახარიას განცხადებით, ახალ მთავრობაში მინისტრობის კანდიდატების იგივე შემადგენლობა სრულიად ლოგიკურია. ამის შესახებ მან პარლამენტში დეპუტატის მიერ დასმული შეკითხვის საპასუხოდ განაცხადა. გახარიამ მიღებული გადაწყვეტილების 2 მიზეზი დაასახელა და განმარტა, რომ ახლა მთავარი არა - მინისტრთა კაბინეტში ცვლილებები, არამედ კრიზისთან გამკლავებაა. პირეველი მიზეზი გახარიას თქმით, არის ის, რომ კრიტიკული მიმართულებების თვალსაზრისით, ეს მთავრობა თავის ძირითად ფუნქციებს ეფექტურად ახორციელებს და მეორე, სისტემური რეფორმები, რომლებიც სხავადასხვა სამინისტროებში დაწყებული და აქ მაგალიტად პრემიერ-მინისტორბის კანდიდატმა, ჯანდაცვის, განათლების და ინფრასტრუქტურის სამინისტროები მოიყვანა, ბოლომდეა მოსაყვანი. #ახალიამბები #BusinessMediaGeorgia
სამშენებლო სექტორის ნაწილი იპოთეკური სესხების სუბსიდირების პროგრამის გაგრძელებას ითხოვს. როგორც კომპანია “არსის” გენერალური დირექტორი ამბობს საკითხზე მუშაობა მთავრობის წევრებს შორის უკვე მიმდინარეობს, მაგრამ გადაწყვეტილება მიღებული არ არის. რას ამბობენ ბაზრის მოთამაშეები და როგორ აფასებენ საკითხს ეკონომისტები. #ახალიამბები #BusinessMediaGeorgia
საპენსიო სააგენტო მზადაა, 230 000 გადაიხადოს საინვესტიციო საბჭოს წევრების პასუხისმგებლობის დაზღვევაში. საპენსიო სააგენტოს წინა წლებში ამგვარი დაზღვევა არ ჰქონდა. რას გულისხმობს პასუხისმგებლობის დაზღვევა და რატომ გახდა ის აუცილებელი? #ახალიამბები #BusinessMediaGeorgia
საქართველოს ეროვნული ბანკის პრეზიდენტი კობა გვენეტაძე თურქული ბანკების მიერ დე ფაქტო აფხაზეთის „აპრას“ World ბარათების მომსახურების შესახებ პირველ კომენტარს აკეთებს და აცხადებს, რომ პირველადი ინფორმაციით, საქმე არ ეხება საქართველოს ტერიტორიაზე ლიცენზირებულ ბანკებს. შეგახსენებთ, თვითაღიარებული აფხაზეთის ეროვნულმა საგადასახადო სისტემამ ანგარიშსწორების სისტემა ”აპრა”-ს საგადახდო ბარათების გეოგრაფიული არეალის გაფართოების და საგადახდო ბარათების ეროვნულ სისტემასთან თანამშრომლობის ფარგლებში, თურქეთში სისტემათშორისი ოპერაციების საპილოტე პროექტი დაიწყო. #ახალიამბები #BusinessMediaGeorgia
მთავრობამ 24 დეკემბრიდან 2 იანვრის ჩათვლით სავაჭრო ცენტრების გახსნის გადაწყვეტილება მიიღო, თუმცა გარკვეული შეზღუდვებით. კერძოდ: მაღაზიების სამუშაო საათები განისაზღვრება დილის 07:00-დან 19:00 საათამდე. მომხმარებელების სავაჭრო სივრცეში დაშვება უნდა მოხდეს ნაკადების მკაცრი მართვით, რისთვისაც: მაღაზიის ფართის ყოველ 20მ2 დაიშვება არაუმეტეს ერთი მომხმარებელი. მაღაზიების როგორც შიდა, ასევე მაღაზიის გარე სივრცეში უნდა მოხდეს მომხმარებელთა რიგების მართვა; ყველა სივრცეში და მაღაზიის გარეთ რიგებში დაცული უნდა იყოს სოციალური დისტანცია და პირბადეების სწორად ტარების მოთხოვნები. აღნიშნულზე სრული პასუხისმგებლობა ეკისრება სავაჭრო ობიექტების ადმინისტრაციას. ნებისმიერი დარღვევის დადგენის შემთხვევაში ობიექტების მიმართ გამოყენებული იქნება კანონით დადგენილი ყველა ღონისძიება, როგორც დაჯარიმება, ასევე საქმიანობის შეჩერება. როგორ ემზადება და აპირებს რეგულაციების დაცვას კერძო სექტორი? სტუმარი: თეიკო ლომინაძე - „ისთ ფოინთის“ მარკეტინგის სამსახურის უფროსი #ახალიამბები #BusinessMediaGeorgia
რესტორნების ნაწილს კვლავ ინკასო ადევს - ლევან ქოქიაშვილი საქმის კურსში სტუმარი: ლევან ქოქიაშვილი - "გასტრონავტის" თანადამფუძნებელი #ახალიამბები #BusinessMediaGeorgia
თვითაღიარებული აფხაზეთის ეროვნული ბანკის ინფორმაციით, თურქულმა ბანკებმა დე ფაქტო რესპუბლიკის "აპრას" World-ის ბარათების მომსახურება დაიწყეს. როგორც აფხაზეთის ეროვნული ბანკის ვებგვერდზე გამოქვეყნებულ ინფორმაციაშია ნათქვამი, ეროვნულმა საგადასახადო სისტემამ ანგარიშსწორების სისტემა ”აპრა”-ს საგადახდო ბარათების გეოგრაფიული არეალის გაფართოების და საგადახდო ბარათების ეროვნულ სისტემასთან თანამშრომლობის ფარგლებში, თურქეთში სისტემათშორისი ოპერაციების საპილოტე პროექტი დაიწყო. #ახალიამბები #BusinessMediaGeorgia
სტუდენტები უნივერსიტეტებს კონკრეტული მოთხოვნებით მიმართავენ. როგორც ისინი ამბობენ, პანდემიის გამო ათასობით სტუდენტი სამსახურის გარეშე დარჩა, რის გამოც მათ სტატუსი შეუჩერდათ. რას ითხოვენ ისინი და რას ამბობენ თავად უნივერსიტეტები? #ახალიამბები #BusinessMediaGeorgia
ქვეყანას ახალი შრომის კანონმდებლობა აქვს, პარლამენტის აწ უკვე ყოფილი დეპუტატის დიმიტრი ცქიტიშვილის მიერ მომზადებული ცვლილებები შრომის კოდექსში პარლამენტმა 29 სექტემბერს მიიღო. ბიზნესს ცვლილებების განხილვის პროცესშიც და დოკუმენტის კანონად ქცევის შემდეგად შენიშვნები აქვს შრომის ინსპექციის გაზრდილ მანდატთან დაკავშირებით. შრომის ახალი კოდექსით შრომის ინსპექციას კომპანიებში, წინასწარი გაფრთხილების გარეშე შესვლა უკვე რამდენიმე დღეში შეეძლება. რა იცვლება ბიზნესისთვის 2021 წლის 1 იანვრიდან? #ახალიამბები #BusinessMediaGeorgia
"გვაქვს თუ - არა, პირდაპირი უცხოური ინვესტიციების მოზიდვის გეგმა?" - ამ კითხვით მიმართა პარლამენტში 5 კომიტეტის გაერთიანებულ სხდომაზე დაგრობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილმა ეკონომიკის და მდგრადი განვითარების მინისტრობის კანდიდატ ნათია თურნავას. დეპუატატების კითხვები ასევე შეეხებოდა ბიზნესის სტიმულირების გეგმებს, ანაკლიის პორტს და სხვა ინფრასტრუქტურულ პროექტებს. მინისტრობის კანდიდატებს პარლამენტში მთელი დღის განმავლობაში უსმენდნენ… #ახალიამბები #BusinessMediaGeorgia
მთავრობა 2021 -2024 წლების სამთავრობო პროგრამა წარადგინა. ბუნებრივია დღეს საქმის კურსი მხოლოდ ეკონომიკურ მიმართულებაზე გაამახვილებს ყურადღებას და ვეცდებით მთელი ამ დროის განმავლობაში დეტალურად მოგაწოდოთ ინფორმაცია იმაზე თუ რას გეგმავს ოცნების მთავრობა და რა პროგრამა აქვს მას. ცხადაია ყველას აინტერესებს დასაქმება და რა წერია ამ დოკუმენტში ამ მიმართულებით, როგორც ირკვევა მომდევნო 4 წლის განმავლობაში ხელისუფლება საზღვარგარეთ დროებითი ლეგალური დასაქმების შესაძლებლობების გაფართოების პირობას დებს. გარდა ამისა, პროგრამაში ვკითხულობთ, რომ იგეგმება არსებული სახელმწიფო პროგრამების განვითრება და დახვეწვა, გაგრძელდება შრომის ბაზრის დეტალური კვლევა, სამუშაოს მაძიებელთა ინფორმაციული დახმარება და სამუშაოს მაძიებელთა და დამსაქმებელთა მჭიდრო კოორდინაცია. რაც შეეხება ინვესტიცებს ამ მიმართულებით მთვრობა აგერსიულ კამპანიას აანონსებს, თუმცა კონკრეტულად რა იგულისხმება აგერსიულ კამპანიაში, პროგრამაში დაკონკრეტული არაა. გარდა ამისა, მთავრობა გეგმავს ახალი პლათფორმის შექმნას კერძოდ tradewithgeorgia.com, რაც ექსპორტიორი კომპანიებისთვის სხვადასხვა სერვისის „ერთი ფანჯრის პრინციპით“ მიწოდებას ითვალისწინებს. კერძოდ, კომპანიებს შესაძლებლობა მიეცემათ, ერთ სივრცეში შექმნან კომპანიის პროფილი, გაიარონ ექსპორტის მზაობის ტესტი, დარეგისტრირდნენ საერთაშორისო ღონისძიებაზე, ხელი მოაწერონ ელექტრონულ ხელშეკრულებას და ა.შ., კიდევ ერთი პლათფორმა რომელზეც პროგრამაშია საუბარია, ესაა ახალგაზრდული შესაძლებლობების ონლაინ პლატფორმა. დაგეგმილია საკონსულტაციო ცენტრების − ე.წ. ბიზნესჰაბების ამოქმედება. #ახალიამბები #BusinessMediaGeorgia