საქართველოს ეროვნული ბანკის მონეტარული პოლიტიკის კომიტეტმა დღეს რეფინანსირების განაკვეთი უცვლელად, 11%-ზე დატოვა. ეროვნული ბანკის განცხადებაში აღნიშნულია, რომ ინფლაციური წნეხის შემცირების ერთ-ერთი ფაქტორი ბოლო პერიოდში ლარის გაცვლითი კურსის გამყარებაა. ამასთანავე, სებ-ი მიიჩნევს, რომ წლის ბოლოსთვის ინფლაციის დონე მართალია სამიზნე 3%-ზე მაღალი იქნება, თუმცა ის ამჟამად არსებულ 12.8%-ზე დაბლა შემცირდება. ამის გათვალისწინებით, ცენტრალური ბანკი მიიჩნევს, რომ ამჟამად რეფინანსირების განაკვეთის ცვლილება აუცილებელი არ არის. სტუმარი: გიორგი პაპავა - ISET, წამყვანი ეკონომისტი; #ახალიამბები #BusinessMediaGeorgia
აზიის განვითარების ბანკმა, საქართველოს მასშტაბით არსებული აეროპორტების განვითარების სტრატეგიის შექმნაზე საკონსულტაციო კომპანიის შერჩევა დაიწყო. დოკუმენტის შექმნაში საფინანსო ინსტიტუტი 225 000 დოლარს იხდის. ტენდერში გამარჯვებულმა კომპანიამ პოსტ-კოვიდურ პერიოდში 2045 წლამდე აეროპორტების განვითარების გეგმა უნდა დადოს. რას გულისხმობს ტენდერი, რომელზეც განაცხადების მიღება 4 მაისს დასრულდა. ტენდერის აღწერაში ასევე ვკითხულობთ, რომ დოკუმენტში მსჯელობა იქნება აეროპორტების მართვისა და მენეჯმენტის საკითხზებზეც. #ახალიამბები #BusinessMediaGeorgia
კრიპტოვალუტების ფასეის კლება დღის განამვლობაშიც შენარჩუნდა. ყველაზე პოპულარული ვირტუალური ფულის, ბიტკოინის ფასი რამდენიმეთვიან მინიმუმადე შემცირდა და 29 ათას დოლარს გაუტოლდა. არადა 2021 წელი კრიპტვალუტებისთვის რეკორდული იყო. ინდუსტრიის ზრდის პარალელურად რამდენიმე ქვეყანამ, რეგულირების ჩარჩო შეიმუშავა და კრიპტოსამყაროსთვის საგადასახადო მექანიზმებიც აამოქმედა. რეგულაციების შემოღებაზე მუშაობს საქართველოს ეროვნული ბანკიც, რომელსაც კანონის პროექტი მზად აქვს და უახლოეს მომავალში საჯარო განხილვებსაც დაიწყებს. სალომე მეცხვარიშვილმა მოისმინა კერზო სექტორის შეფასებები, რა მოლოდინები აქვთ მათ და როგორ უნდა მოხდეს კრიპტოვალუტების რეგულირება? #ახალიამბები #BusinessMediaGeorgia
2022 წლის პირველ 4 თვეში, საქართველოს 0.6 მილიონი ტურისტი ეწვია და ჩვენი შეფასებით ტურიზმის შემოსავლებმა 616.9 მლნ აშშ დოლარი შეადგინა - აცხადებს Galt & Taggart-ის ეკონომისტი, ლაშა ქავთარაძე. მისი თქმით, 2022 წლის მარტში საქართველოში ჩამოსულმა რუსეთის, ბელარუსის და უკრაინის მოქალაქეებმა 48 მილიონი დოლარი დახარჯეს. როგორც ლაშა ქავთარაძე აღნიშნავს, ამ ხარჯების გათვალისწინებით, მარტის განმავლობაში საქართველომ ტურიზმიდან და გრძელვადიანი ვიზიტორებიდან 170 მილიონ დოლარამდე შემოსავალი მიიღო. Galt & Taggart- ასევე ვარაუდობს, რომ კოვიდ-19-თან დაკავშირებული შეზღუდვების სრულად მოხსნა, ხელს შეუწყობს რესტორნების კაფეების და ზოგადად, სტუმარ-მასპინძლობის სფეროს ზრდას, რომელიც მნიშვნელოვნად იყო შეზღუდული რეგულაციებით“. რა გამოწვევები და მოლოდინები აქვს ტურიზმის სექტორს მიმდინარე წელს? სტუმარი: შალვა ალავერდაშვილი - სასტუმროებისა და რესტორნების ფედერაციის პრეზიდენტი #ახალიამბები #BusinessMediaGeorgia
აზიის განვითარების ბანკი საქართველოს მასტაბით არსებული აეროპორტების განვითარების სტრატეგიის შექმნაზე საკონსულტაციო კომპანიის შერჩევა დაიწყო. დოკუმენტის შექმნაში საფინანსო ინსტიტუტი 225 000 დოლარს იხდის. ტენდერში გამარჯვებულმა კომპანიამ პოსტ კოვიდურ პერიოდში 2045 წლამდე აეროპორტების განვითარების გეგმა უნდა დადოს. რას გულისხმობს ტენდერი, რომელზეც განაცხადების მიღება 4 მაისს დასრულდა და რას მისცემს ის ავიაციის სექტორს, რომელიც სტრატეგიის შემუშავებას წლებია ითხოვს. #ახალიამბები #BusinessMediaGeorgia
კრიპტოვალუტების ფასები იკლებს. ყველაზე პოპულარული ვირტუალური ფულის, ბიტკოინის ფასი გუშინ რამდენიმეთვიან მინიმუმადე შემცირდა და 29 ათას დოლარს გაუტოლდა. არადა 2021 წელი კრიპტვალუტებისთვის რეკორდული იყო. ამასობაში საქართველო კრიპტოვალუტების რეგულირებაზე მუშაობს და ეს საკითხი აქტიურ ფაზაში შედის. რატომ მცირდება ვირტუალური ფულის ფასი და ვის დარეგულირებას აპირებს ეროვნული ბანკი? #ახალიამბები #BusinessMediaGeorgia
ბათუმში მშენებლობებზე შესაძლოა შეზღუდვები დაწესდეს - შესაბამისი რეკომენდაცია ქალაქის გენგეგმაზე მომუშავე ჯგუფმა შეიმუშავა. სითი ინსტიტუტი დროებითი შეზღუდვების დაწესების რეკომენდაციით მუნიციპალიტეტს ხვალ მიმართავს. კომპანიაში აცხადებენ, რომ სამშენებელო შეზღუდვები დაახლოებით 1 წლის განმავლობაში კონკრეტულ არეალებზე უნდა დაწესდეს. გარდა სამშენებლო შეზღუდვებისა, შესაძლოა შეიცვალოს ბათუმის ადმინისტრაციუილ საზღვრებიც - რა რეკომენდაციები და არგუმენტები აქვს ბათუმის გენერალურ გეგმაზე მომუშავე ჯგუფს? #ახალიამბები #BusinessMediaGeorgia
მთავრობას ინფრასტრუქტურული პროექტების ხარჯი, შესაძლოა გაეზარდოს. მიზეზი სწრაფად მზარდი ინფლაციაა, რის გამოც სამშენებლო კომპანიებს ნედლეული გაუძვირდათ, ძველ ფასებში ინფრასტრუქტურული პროექტის დასრულებას კი ვეღარ ახერხებენ. ინფლაციის წნეხის შესამცირებლად მსგავს პროექტებზე ფასთა ინდექსაცია უნდა ამოქმედდეს, გადაწყვეტილება უკვე მიღებულია. შედეგად, სახელმწიფო ადგენს კონკრეტულ ზღვრებს, რა ოდენობის თანხას აუნაზღაურებს კომპანიებს. დადგენილების მიხედვით, ფასთა ინდექსაცია შეეხება სამუშაოების ღირებულების მაქსიმუმ 70%-ს, უშუალოდ ასანაზღაურებელი თანხა კი არ უნდა აღემატებოდეს ამ დადგენილი ზღვრის 10%-ს. რამდენად მისაღებია მთავრობის შემოთავაზებული მოდელი კერძო სექტორისთვის? #ახალიამბები #BusinessMediaGeorgia
კომერციულ ბანკებს ახალი ვალდებულება უჩნდებათ. ეროვნული ბანკის გადაწყვეტილებით, ბანკებმა ეროვნულ ბანკს ყოველთვიურად საოპერაციო რისკების დანაკარგების შესახებ ინფორმაცია უნდა მიაწოდონ. მსხვილი საოპერაციო ან კიბერ რისკის მოვლენის მაღალი ალბათობით მოლოდინის ან დაფიქსირების შემთხვევაში კი, კომერციული ბანკი ვალდებულია დაუყოვნებლივ დაარეგისტრიროს მოვლენა პორტალზე აღმოჩენიდან არაუგვიანეს 48 საათისა. რეგულაციის ეფექტიანი მართვისთვის ეროვნული ბანკი ინფორმაციის გაზიარებისა და ანალიზის პორტალს ქმნის, რომელიც 1 ივნისს გაეშვება. რას მოუტანს სექტორს ახალი რეგულაცია რამდენად არის გაზრდილი საოპერაციო რისკები საბანკო სექტორში და არის თუ არა მნიშვნელოვანი ბაზრის მონაწილეებმა ერთმანეთის რისკის შესახებ გაიგონ? • სტუმარი: ალექსანდრე ძნელაძე - საბანკო ასოციაციის ხელმძღვანელი; #ახალიამბები #BusinessMediaGeorgia
მთავრობას ინფრასტრუქტურულ პროექტებში იმაზე მეტი თანხის გადახდა მოუწევს, ვიდრე გათვალისწინებული ჰქონდა. მიზეზი კი სწრაფად მზარდი ინფლაციაა, რის გამოც პროექტების განმახორციელებელ კომპანიებს ნედლეული გაუძვირდათ, ძველ ფასებში პროექტის დასრულებას კი ვეღარ ახერხებენ. ინფლაციის წნეხის შესამცირებლად ინფრასტრუქტურულ პროექტებზე ფასთა ინდექსაცია უნდა ამოქმედდეს, გადაწყვეტილება უკვე მიღებულია. ფასების ინდექსაციით ტენდერებში მონაწილე ის კომპანიები ისარგებლებენ, რომლებიც ინფრასტრუქტურულ სამუშაოებს პირველი აპრილიდან აწარმოებენ, ინდექსაცია მხოლოდ 1 მაისამდე გამოცხადებულ ტენდერებს შეეხება. სახელმწიფო ადგენს კონკრეტულ ზღვრებს, რა ოდენობის თანხას აანაზღაურებს კომპანიებს. დადგენილების მიხედვით, ფასთა ინდექსაცია შეეხება სამუშაოების ღირებულების მაქსიმუმ 70%-ს, უშუალოდ ასანაზღაურებელი თანხა კი არ უნდა აღემატებოდეს ამ დადგენილი ზღვრის 10%-ს. რამდენად მისაღებია მთავრობის შემოთავაზებული მოდელი კერძო სექტორისთვის? ანა საბახტარიშვილი - ინფრასტრუქტურის მშენებელთა ასოციაციის ხელმძღვანელი; #ახალიამბები #BusinessMediaGeorgia
ევროკავშირმა და საერთაშორისო სავაჭრო ცენტრმა (ITC), საქართვლოს ეკონომიკისა და მდგრადი განვითარების სამინისტროსთან პარტნიორობით, „აღმოსავლეთი პარტნიორობის Trade Helpdesk-ის“ ქართულენოვანი პლატფორმა წარადგინა, რომელიც ბიზნეს სექტორის წარმომადგნლებს სავაჭრო ოპერაციებისთვის საჭირო ინფორმაციაზე წვდომას აძლევს. რას გულისხმობს trade helpdesk-ი და რა ახალ შესაძლებლობებს აძლევს ის კერძო სექტორს? #ახალიამბები #BusinessMediaGeorgia
საქართველოს ჭარბი ელექტროენერგიის ექსპორტზე გატანის მეტი პერსპექტივა გაუჩნდა. სამთავრობო მოლაპარაკებების შედეგად, თურქეთმა, რომელიც საქართველოში წარმოებული ელექტროენერგიის მთავარი იმპორტიორია, მაისის თვის კვოტა გაზარდა. შედეგად ქართული ენერგოკომპანიები ჭარბი ელექტროენერგიის ექსპორტზე გატანას შეძლებენ და მათ ჭარბი წყლის დაღვრა აღარ მოუწევთ. რამდენად მნიშნველოვანი ბაზარია თურქეთი ქართული გენერაციის ობიექტებისთვის და რა პერსპექტივას ხედავს კერძო სექტორი შავი ზღვის კაბელის მშენებლობის შემთხვევაში ევროკავშირის ბაზარზე წვდომის თვალსაზრისით? #ახალიამბები #BusinessMediaGeorgia
რუსული ფინანსური ინსტიტუტების SWIFT-დან გათიშვა, უცხოური ვალუტის რეზერვებზე წვდომის შეზღუდვა, სტრატეგიული საექსპორტო საქონლის აკრძალვები - PMC კვლევითმა ცენტრმა რუსეთის წინააღმდეგ დაწესებული სანქციების ეფექტიანობის შეფასება გამოაქვეყნა. პუბლიკაციაში, რუსული ცენტრალური ბანკისთვის უცხოური ვალუტის რეზერვებზე წვდომის შეზღუდვა და ანგარიშის გაყინვა მაღალი საერთო ეფექტიანობით შეფასდა. მკვლევარები მიიჩნევენ, რუსეთისთვის ეს სანქცია მოულოდნელი იყო, რადგან მათ 600 მილიარდზე მეტი დოლარის რეზერვის დაახლოებით ნახევარი გაეყინათ, რაც რეალურად რუსეთს იმის საშუალებას უზღუდავს, რომ ეკონომიკურ შოკებზე რეაგირება მოახდინოს. დაბალი ეფექტიანობით, შეფასდა ინდივიდუალური სანქციები, რომელიც ოლიგარქებზე და ასევე პუტინთან დაახლოებულ პირებზე დაწესდა. PMC კვლევითი ცენტრში თვლიან, რომ ის პირები, რომლებზეც ეს სანქციები ვრცელდება, ქონებას უფრო მიუკვლევად ადგილებში ინახავენ და გრძელვადიან პერსპექტივაში ქონება ნაწილობრივ მაინც უნარჩუნდებათ. გარდა ეკონომიკისთვის შექმნილი პრობლემებისა, ცივილიზებული სამყაროს მიერ დაწესებული სანქციების ფონზე, იყო მოლოდინები და პრინციპში ახლაც არის, რომ პოლიტიკურ რეჟიმს, ამ წნეხმა პრობლემები უნდა შეუქმნას და საბოლოოდ ავტორიტარული მმართველობის დასრულებას დააჩქაროს. როგორ მიმდინარეობს პროცესები? სტუმარი: ნათია სესკურია - თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტის მკვლევარი; #ახალიამბები #BusinessMediaGeorgia
ეკონომიკის სამინისტრომ ელექტროენერგიის ბაზრის წესების შესახებ ბრძანებაში 4 მაისს ცვლილებები შეიტანა, რაც ქვეყანაში ელექტროენერგიის სიჭარბის ან ასეთის პროგნოზის შემთხვევაში გენერაციას ზღუდავს. ანალოგიური გადაწყვეტილება სახელმწიფო ელექტროსისტემამ 2020 წელსაც მიიღო, რადგან პანდემიის გამო გაჩერებული კომერციული ობიექტების გამო ელექტროენერგიის მოხმარება შემცირდა, ქვეყანაში ჭარბი ელექტროენერგიის გამო კი ჰესებს ჰიდრორესურსების დაღვრა მოუწიათ. დადგება თუ არა მსგავსი ფაქტის წინაშე ენერგეტიკის სექტორი წელსაც? #ახალიამბები #BusinessMediaGeorgia
გასული 24 საათი ამერიკული საფონდო ბირჟებისთვის უაღრესად არასახარბიელო შედეგებით დასრულდა - აშშ-ის 500 უმსხვილესი კომპანიის აქციების ზოგადი ინდექსი ანუ S&P 500 ერთ დღეში 3.56%-ით შემცირდა; 3.12%-ით დაეცა Dow Jones-ის ღირებულება; ტექნოლოგიური კომპანიებით დატვირთული Nasdaq-ის ინდექსის ღირებულება კი თითქმის 5%-ით შემცირდა, რაც პანდემიის დაწყების შემდეგ ბირჟების ვარდნის ყველაზე მკვეთრი მაჩვენებელია. რამ განაპირობა მკვეთრი ვარდნა? სტუმარი: ნიკა მაზანაშვილი - Galt & Taggart-ის საბროკერო დეპარტამენტის უფროსი; #ახალიამბები #BusinessMediaGeorgia
ბაზრების დივერსიფიცირება ბევრად უფრო მოკლე დროში მოხდება ვიდრე გვეგონა”- ექსპორტის ასოაციაციაში ქართული კომპანიების მხრიდან რუსეთის ბაზრის მიმართ დამოკიდებულების ცვლილებაზე საუბრობენ. მიზეზი უკრაინაში ფართომასშტაბიანი ომია. რომელ ალტერნატიულ ბაზრებზე გადადიან ქართული კომპანიები და რა არის ის შემაფერხებელი ფაქტორები, რის გამოც კერძო სექტორი რუსეთის ბაზარს წლების განმავლობაში ვერ ანაცვლებს? #ახალიამბები #BusinessMediaGeorgia
კლინიკები 520-ე დადგენილებაში გათვლისწინებული ტარიფების ინდექსაციას ითხოვენ. ეს დადგენილება კარდიოქირურგიულ და ინტენსიური თერაპიის მომსახურებაზე ჯერ კიდევ 2019 წლიდან მოქმედებს, და აღნიშნულ მომსახურებაზე უნიფიცირებულ ტარიფებს ადგენს. კლინიკები ამბობენ, რომ დადგენილი ტარიფები ინფლაციის, ლარის კურსისა და კომუნალური ხარჯების ზრდის ფონზე საკმარისი აღარ არის. ვიდრე ქვეყანაში კლინიკების ანაზღაურების ახალი სისტემა ამოქმედდება, მანამდე სამედიცინო სექტორი სამინისტროს ტარიფების ინდექსაციის შემოღებას სთხოვს. #ახალიამბები #BusinessMediaGeorgia
Დასავლეთის ქვეყნების მიერ Რუსეთისთვის საჰაერო სივრცის დახურვამ ბაზარზე ახალი ტენდენციები გამოკვეთა. იცვლება თუ არა საქართველოს პოზიციები რუსეთ-უკრაინის ომის და რეგიონში არსებული რთული ვითარების ფონზე? ელის თუ არა ბიზნესი ჩვენს საჰაერო სივრცეში ტვირთების ზრდას? #ახალიამბები #BusinessMediaGeorgia
“უკრაინული ავიაკომპანიების დანკარგის სიხშირეებით კომპენსირება ხდება"-ეს განცხადებს bm.ge-ის კითხვის საპასუხოდ სულ ცოტა ხნის წინ თბილისისა და ბათუმკის აეროპორტების მმათველი კომპანიის tav georgia-ს გენერალურმა მენეჯერმა თეა ზაქარაძემ განუცხადა. როგორც ზაქარაძე ამბობს, უკრაინას თბილისის საერთაშორისო აეროპორტში მგზავრთნაკადის კუთხით 12% ეჭირა, ხოლო ბათუმში 30%.#ახალიამბები #BusinessMediaGeorgia
კლინიკები 520 დადგენილების ტარიფების ინდექსაციას ითხოვენ#ახალიამბები #BusinessMediaGeorgia
Დასავლეთის ქვეყნების მიერ Რუსეთისთვის საჰაერო სივრცის დახურვამ ბაზარზე ახალი ტენდენციები გამოკვეთა. იცვლება თუ არა საქართველოს პოზიციები რუსეთ-უკრაინის ომის და რეგიონში არსებული რთული ვითარების ფონზე? ელის თუ არა ბიზნესი ჩვენს საჰაერო სივრცეში ტვირთების ზრდას? #ახალიამბები #BusinessMediaGeorgia
ტვირთბრუნვის გაზრდის ფონზე ქართველ გადამზიდავ კომპანიებს კონკრეტულ ქვეყნებთან ნებართვების ნაწილში დაწესებული კვოტა აღარ ჰყოფნით და მათ ხშირ შემთხვევაში 1 ან 2-თვიანი წყვეტა აქვთ, რაც გადაზიდვების პროცესს აფერხებს. პრობლემებია ნებართვების უცხოურ კომპანიებზე გადაყიდვის მიმართულებითაც. სტუმარი: დავით მესხიშვილი - „საქართველოს ტრანსპორტისა და გზების ასოციაციის“ ხელმძღვანელი #ახალიამბები #BusinessMediaGeorgia
მიმდინარე წლიდან ფარმაცევტული საწარმოები ვალდებულნი არიან მიმოქცევაში არსებული მედიკამენტების ხარისხის ურუნველყოფის მიზნით GMP და GDP სტანდარტი დანერგონ. აღნიშნული რეგულაციის ამოქმედება რამდენჯერმე გადავადდა, თუმცა ჯანდაცვის სამინისტროს ბოლო გადაწყვეტილებით, კერძო სექტორს დამატებითი საშეღავათო დრო აღარ ექნება. ფარმაცევტულმა საწარმოებმა და დისტრიბუტორებმა ხარისხის სტანდარტზე გადასვლა ეტაპობრივად, 2022 წლის იმ კონკრეტულ თვემდე უნდა შეძლონ, როდესაც ფარმაცევტული პროდუქტის წარმოების ნებართვა აქვთ მიღებული. თუმცა, დამატებითი შეღავათი არის განსაზღვრული იმ მწარმოებლებისთვის, რომლებსაც წარმოების ნებართვის ვადა ივნისის თვემდე აქვთ მიღებული. მათ ხარისხის სერტიფიკატი 30 ივნისამდე უნდა მოიპოვონ. ახალ სტანდარტებთან დაკავშირებით სამედიცინო და ფარმაცევტული საქმიანობის რეგულირების სააგენტოს წარმომადგენლები კომპანიებს ხვდებიან. რამდენად მზად არის სექტორი ახალ სტანდარტებზე გადასაწყობად და რაში ეხმარება სამინისტრო ბიზნესს? სტუმარი: ნანა შაშიაშვილი - ჯანდაცვის სამინისტროს რეგულირების სააგენტოს ინსპექტირების სამმართველოს უფროსი; #ახალიამბები #BusinessMediaGeorgia
თბილისის მეტროებთან არსებული ჯიხურები ბაზრობების ტერიტორიებზე გადავა- ამის შესახებ თბილისის მერმა კახა კალაძემ მუნიციპალიტეტის მთავრობის სხდომაზე განაცხადა. გარდა გარევაჭრობისა, რომლის აკრძალვასაც თბილისის მერია პერიოდულად ყველა მეტროსადგურის მიმდებარედ გეგმავს, დღეს მუნიციპალიტეტის მთავრობის სხდომაზე სხვა რამდენიმე ძირითად საკითხზე იყო მსჯელობა. #ახალიამბები #BusinessMediaGeorgia
რუსეთის წინააღმდეგ დაწესებული სანქციების ქვეშ მოჰყვა კომპანია აიდიეს ბორჯომიც, რადგან 2013 წლიდან IDS Borjomi-ის საკონტროლო 60%-იან პაკეტს რუსეთის ერთ-ერთი უმსხვილესი კერძო საინვესტიციო ჰოლდინგი “ალფა ჯგუფი” ფლობს. დღეს თავად “ალფა ჯგუფის” დამფუძნებელი მიხაილ ფრიდმანი სანქცირებულ ოლიგარქთა სიაშია. სანქციების გამო ბორჯომს ანგარიშებთან წვდომა შეზღუდული აქვს, რის გამოც, კომპანიამ 29 აპრილიდან ორივე ქარხანაში წარმოების პროცესი შეაჩერა. დღეს ბორჯომის საწარმოში დასაქმებულებმა აქციაც გამართეს, ისინი შრომით ხელშეკრულებაში ცვილებებთან დაკავშირებით კომპანიის ხელმძღვანელთან ივანე მაჭავარიანთან და პრემიერ ღარიბაშვილთან შეხვედრას ითხოვენ. ქარხნების გაჩერების შესახებ მიღებული გადაწყვეტილების შემდეგ, კომპანიამ დასაქმებულებს თანამშრომლობის ახალი პირობები შესთავაზა, რომელის მიხედვით დასაქმებულები ქარხნის გაჩერების პერიოდში ანაზღაურების 50%-ს აიღებენ, ნაცვლად აქამდე არსებული 100%-ისა. „ბორჯომის“ თანამშრომლები ახალ პირობებს თანხმდებიან, თუმცა სამუშაო ადგილების შენარჩუნების გარანტიას და ხელშეკრულების ვადის 3 თვით განსაზღვრას ითხოვენ. დღეს “ბორჯომის” თემაზე პირველად გააკეთა კომენტარი ეკონომიკის მინისტრმა ლევან დავითაშვილმა,. რომელიც ციფრული ვალუტისა და დეცენტრალიზებული ფინანსების საკითხებზე გამართულ კონფერენციაზე იმყოფებოდა. რას ამბობს მინისტრი, ბორჯომთან დაკავშირებით პრემიერის დაანონსებულ “სასიამოვნო სიახლეზე”? #ახალიამბები #BusinessMediaGeorgia
"შექმნილი გარემოების გამო ენერგეტიკული პროექტები უმჯობესია, სახელმწიფომ განახორციელოს“ – ამის შესახებ პარლამენტის დარგობრივი ეკონომიკისა და ეკონომიკური პოლიტიკის კომიტეტის ხელმძღვანელმა დავით სონღულაშვილმა BM.GE-ის განუცხადა. ასე გამოეხმაურა ის პრემიერის განცხადებას, რომ მსხვილი ჰესები სახელმწიფომ უნდა ააშენოს. კომიტეტის ხელმძღვანელი ამბობს, რომ ენერგოდამოუკიდებლობა ქვეყნის დამოუკიდებლობის ერთ-ერთი მნიშვნელოვანი მდგენელია. ვინ უნდა აშენებდეს ქვეყანაში დიდ ჰესებს, როგორ გაიგო კერძო სექტორმა პრემიერის გზავნილი? სტუმარი: გიორგი აბრამიშვილი - განახლებადი ენერგიის განვითარების ასოციაციის აღმასრულებელი დირექტორი; #ახალიამბები #BusinessMediaGeorgia
მინერალური წყლების მწარმოებელი კომპანია „ აიდიეს ბორჯომი“ წარმოების დროებით გაჩერების შემდეგ, დასაქმებულებს ხელშეკრულების ახალ პირობებს სთავაზობს, რაც სახელფასო ანაზღაურებისა და სამუშაო პირობების ცვლილებას მოიცავს. კერძოდ, ვიდრე ბორჯომის წარმოება არ აღდგება, დამსაქმებელი თანამშრომლებს ხელფასის ნახევარს გადაუხდის. გარდა ამისა ახალი ხელშეკრულებით, ზეგანაკვეთურ შრომაში ისინი ნაცვლად არსებული 140%-ისა, 125%-ს მიიღებენ. დასაქმებულები ამ პირობებზე თანხმდებიან, თუმცა ამბობენ, რომ განახლებულ კონტრაქტს იმ შემთხვევაში მოაწერენ ხელს, თუ შეთანხმების ვადა 3 თვით განისაზღვრება. პროფკავშირის ინფორმაციით, კომპანიამ დასაქმებულებს შემოთავაზებული პირობების ხელმოსაწერად დრო 3 მაისამდე მისცა, წინააღმდეგ შემთხვევაში კი რეორგანიზაცია დააანონსა, რასაც თანამშრომლები შანტაჟად აღიქვამენ. ბი ემ ჯის ყურადღება ამ თემას არ მოაკლდება. ასევე ველოდებით ირაკლი ღარიბაშვილის მიერ დაანონსებულ „სასიამოვნო სიახლეს“ ბორჯომთან დაკავშირებით. ამ დრომდე უცნობია რა გადაწყვეტილებას მიიღებს მთავრობა, თუმცა საზოგადოების სხვადასხვა წევრების მხრიდან გამოითქვა მოსაზრებები ბორჯომში დროებითი მმართველის დანიშვნასთან დაკავშირებით. ამ ვარიანტს იზიარებს ბიზნესმენი თემურ ჭყონიაც, რომელსაც ბიემჯი დღეს ესაუბრა. #ახალიამბები #BusinessMediaGeorgia
ელექტრონული მოწყობილობების, ავტომობილის ზეთების, ბატარეებისა და აკუმულატორების იმპორტიორმა კომპანიებსმა მათ მიერ ქვეყანაში შემოტანილი პროდუქციის ნარჩენების მართვაზეც უნდა იზრუნონ. აღნიშნული რეგულაცია მწარმოებლის გაფართოებული ვალდებულების ფარგლებში 1 ივნისს ჩაირთვება. ახალი რეგულაციის ამოქმედებით ბიზნესი ხარჯების გაზრდას ელის. კერძო სექტორმა ვალდებულების შესასრულებლად მზადება უკვე დაიწყო. რამდენიმე დღის წინ დაფუძნდა ასოციაცია, რომელიც ავტოინდუსტრიის და ნავთობპროდუქტების კომპანიებს აერთიანებს. სტუმრები: ვანო მთვრალაშვილი - „ნარჩენების მართვის ბიზნეს ასოციაცია“, აღმასრულებელი დირექტორი; ბაკურ ხუნდაძე - „ნარჩენების მართვის ბიზნეს ასოციაცია“, პრეზიდენტი #ახალიამბები #BusinessMediaGeorgia
ეროვნული ბანკის 2021 წლის საქმიანობის ანგარიში უკვე პარლამენტშია. სებ-მა 377-გვერდიანი დოკუმენტი უმაღლეს საკანონმდებლო ორგანოს, კანონის თანახმად, არაუგვიანეს 1 მაისისა, გადაუგზავნა. ტრადიციულად თელარა გელანტიამ დაიწყო ანგარიშის დამუშავება და ძირითადი აქცენტებით ახლა პირდაპირ ეთერში გვიერთდება. თელარა, გისმენთ - მოდი დავიწყოთ ინფლაციით - მაღალი ინფლაცია არაა მხოლოდ საქართველოს გამოწვევა, მაგრამ ჩვენი ქვეყნის სოციალურ-ეკონომიკური მდგომარეობის გათვალისწინებით, ორნიშნა ინფლაცია ყველაზე მეტად აწუხებს მოსახლეობას. სხვათაშორის დღეს საქსტატის მიერ გამოაქვეყნებული ანგარიშის თანახმად, აპრილში წლიურად ფასები 12.8%-ით გაიზარდა. რა პროგნოზები აქვთ ეროვნულ ბანკში - როდის დაუახლოვდება ის მიზნობრივ 3%-იან დონეს? #ახალიამბები #BusinessMediaGeorgia
თბილისი საქართველო-ჩეხეთის ბიზნეს ფორუმს მასპინძლობს. ფორუმში 20-ზე მეტი წამყვანი ჩეხური კომპანია მონაწილეობს, მშენებლობისა და დეველოპენტის, ენერგეტიკის, ტურიზმის, სამედიცინო ტექნოლოგიებისა და სხვა სექტორებიდან. ჩეხეთის ბიზნეს დელეგაციის ვიზიტის მთავარი ამოცანაა საქართველოში პარტნიორების მოძიება, ინვესტიციებისა და ბიზნეს კავშირების გაღრმავება. ბიზნეს ფორუმისა და ორმხრივი ბიზნეს შეხვედრების შემდეგ დღეს დაგეგმილია პრემიერ ირაკლი ღარიბაშვილთან შეხვედრაც. რა კომენტარები გაკეთდა ფორმის მიმდინარეობისას? #ახალიამბები #BusinessMediaGeorgia
მარტში საქართველოში 9,114 კომპანია დარეგისტრირდა, რაც წინა წელთან შედარებით 72%-ით მეტია. ამ რაოდენობის ფირმები ქვეყანაში პანდემიამდეც არ რეგისტრირებულა. მაგალითად, 2019 წლის მარტში სულ 4,620 ახალი სუბიექტი დარეგისტრირდა. გამომდინარე საქართველოში შემოსული და დარჩენილი რუსეთის მოქალაქეების მკვეთრი ზრდისა, BMG-ის ანალიტიკოსმა შოთა ტყეშელაშვილმა იუსტიციის სამინისტროსგან აპრილის დასაწყისშივე გამოითხოვა დეტალური სტატისტიკა, თუ რამდენი კომპანია დარეგისტრირდა მარტში და რაოდენობრივად რა იყო უცხოელების, მათ შორის რუსეთის და ბელარუსის მოქალაქეთა მიერ რეგისტრირებული ახალი კომპანიების რიცხვი, თუმცა სამინისტრომ საჯარო ინფორმაციის მოწოდების ვადები დაარღვია და ეს სტატისტიკა ამ დრომდე არ მოგვაწოდა. #ახალიამბები #BusinessMediaGeorgia
თბილისის ცენტრალური პარკი ისევ პროექტის გარეშეა - სამუშაოები, ფონდმა ქართუმ ყოფილი იპოდრომის ტერიტორიაზე ჯერ კიდევ 2020 წელს დაიწყო თუმცა ხელშესახები ამ დრომდე არაფერია. კითხვები პროექტთან მიმართებით საზოგადოებისა და მედიის მხრიდან ბოლო თვეებია აქტიურად ისმის, თუმცა, მასზე პასუხები თითქმის არ გვაქვს. კვლავ ბუნდოვანია როდის დასრულდება ცენტრალური პარკის მოწყობა. რა ეტაპზეა ყოფილი იპოდრომის ტერიტორიაზე საქალაქო პარკის მშენებლობის სამუშაოები და როგორი იყო მისი დაანონსების დღიდან-დღემდე პროცესების ქრონოლოგია და ანონსები? #ახალიამბები #BusinessMediaGeorgia
სესხების გაცემის წესში ცვლილებები შევიდა. პირველი მაისიდან ახალი რეგულაცია ამოქმედდა, რომელიც ცვლად განაკვეთზე მიბმულ იპოთეკურ სესხებს ეხება. ასეთი სესხის გაცემისას ბანკებმა უნდა გაითვალისწინონ ე.წ. საპროცენტო რისკის ალბათობა. შესაბამისად, ყოველთვიური გადასახდელის დაანგარიშებისას აუცილებელია სესხი დავიანგარიშოთ +3%-იანი საპროცენტო განაკვეთით. ანუ თუ თქვენ იღებთ სესხს 7%-ში და ყოველთვიური გადასახადი გიწევთ მაგალითად 100 ლარი, თქვენ უნდა გადაიანგარიშოთ რამდენი მოგიწევდათ 10%-იანი სესხის შემთხვევაში, მაგალითად 110 ლარი. ამის შემდეგ ბანკი დადგენილი ფორმულით დაიანგარიშებს, სესხის მომსახურებაზე ყოველთვიურად რამდენი ლარის გადახდა შეგიძლიათ. რას გულისხმობს აღნიშნული რეგულაცია? სტუმარი: დავით უტიაშვილი - ეროვნული ბანკის ფინანსური სტაბილურობის დეპარტამენტის უფროსი; #ახალიამბები #BusinessMediaGeorgia
მზისა და ქარის ენერგია - ეს ელექტროენერგიის წარმოების განახლებადი წყაროებია ჰიდროენერგიასთან ერთად, რომელთა მიმართაც ბოლო წლებში ინტერესი იზრდება. განახლებადი ენერგიის საერთაშორისო სააგენტოს მიხედვით, ბოლო 10 წელიწადში მსოფლიოში განახლებადი ენერგიის გენერაცია 2-ჯერ გაიზარდა. ჰიდროენერგიას მსოფლიოს განახლებადი ენერგიის წყაროებს შორის ყველაზე დიდი - 40 % უკავია, მზის ენერგიას - 28%, ხოლო ქარის ენერგიას - 27%. გასულ წელს მსოფლიოში 257 გიგავატის განახლებადი ენერგიის სიმძლავრეები დაემატა, საიდანაც უშუალოდ მზის ენერგიაზე თითქმის ნახევარი მოდიოდა. მზის ენერგია პოპულარობას ნელ-ნელა საქართველოშიც იკრებს. არაერთი ბიზნესი აყენებს მზის პანელებს საკუთარ საწარმოზე, რითიც კომუნალურ გადასახადებს ზოგავს. თუმცა მზის პანელების დამონტაჟება არც ისე იაფი ჯდება. როგორია ტენდენციები ქართულ ბიზნესში და რამდენად ინტერესდება მოსახლეობა მზის ენერგიის დამონტაჟებით? სტუმარი: თორნიკე დარჯანია - "ჰელიოს ენერჯი"-ს დამფუძნებელი; #ახალიამბები #BusinessMediaGeorgia
თბილისის ცენტრალური პარკი ისევ პროექტის გარეშეა - სამუშაოები, რომელიც ყოფილი იპოდრომის ტერიტორიაზე ჯერ კიდევ 2020 წელს ფონდმა ქართუმ დაიწყო, ამ დრომდე არ დასრულებულა. შესაბამისად ბუნდოვანია, შესრულდება თუ არა თბილისის მერის დათქმა, რომელიც 2019 წელს გააჟღერა და თქვა, რომ ცენტრალური პარკის სამუშაოები 2-3 წელიწადში დასრულდებოდა. რა ეტაპზეა ყოფილი იპოდრომის ტერიტორიაზე საქალაქო პარკის მშენებლობის სამუშაოები? #ახალიამბები #BusinessMediaGeorgia
საქართველოს მთავრობა 6%-იანი ეკონომიკური ზრდის პროგნოზის გადახედვას არ ჩქარობს - განცხადება ამის შესახებ მთავრობის დღევანდელი სხდომის შემდეგ ფინანსთა მინისტრმა გააკეთა. რატომ რჩება მთავრობა ოპტიმისტურ ტალღაზე, როცა საერთაშორისო საფინანსო ინსტიტუტებმა ჩვენი ქვეყნისთვის ეკონომიკური ზრდის პროგნოზები უკვე შეამცირეს. რატომ არ ჩქარობს მთავრობა ეკონომიკური ზრდის პროგნოზის შემცირებას? #ახალიამბები #BusinessMediaGeorgia
ევროკავშირის წევრ ქვეყნებს შორის, პოლონეთი და ბულგარეთი პირველი ქვეყნებია, რომლებმაც რუსულ გაზში რუბლის გადახდაზე უარი თქვეს. პოლონეთის პრემიერ-მინისტრი ამბობს, რომ ქვეყანა შესაძლო გამოწვევებს თავს რუსული გაზის გარეშეც გაართმევს. გერმანიის პოზიცია კი უცვლელი რჩება - მოკლე პერსპექტივაში, ქვეყანას რუსული გაზის ჩანაცვლება არ შეუძლია, - ამბობს კანცლერი შოლცი. შეეთებული შტატები კი ევროპელ მოკავშირეებს, გაზის მიწოდების დივერსიფიკაციაში ეხმარება. #ახალიამბები #BusinessMediaGeorgia
კონკურენციის სააგენტო საწვავის ფასებს კიდევ ერთხელ გამოიკვლევს. ბოლო 9 წლის განმავლობაში მესამედ საქართველოს მთავრობას ეჭვი აქვს, რომ ნავთობიმპორტიორები ბენზინს შეთანხმებული ფასებით ყიდიან. როგორც ირაკლი ღარიბაშვილმა დღეს თქვა, არსებობს ინფორმაცია, რომ კომპანიებს შორის გარკვეული მოლპარაკებებია. არის თუ არა ეს ეჭვები საფუძვლიანი - 15 მაისს - კონკურენციის სააგენტოს დასკვით უნდა გახდეს ცნობილი. სტუმარი: ზაალ იაკობიძე - “სენტა პეტროლიუმის“ დამფუძნებელი; #ახალიამბები #BusinessMediaGeorgia
„საქართველოში მყოფი უკრაინელებისთვის დასაქმების შესაძლებლობებები“ - უკრაინელების დასაქმების მხარდაჭერის მიზნით, ევროკავშირი-საქართველოს ბიზნეს საბჭოსა და საქართველო-უკრაინის ბიზნეს-ასოციაციის ორგანიზებით დღეს მრგვალი მაგიდა გაიმართა, რომელსაც უკრაინის საელჩოს წარმომადგენელიც ესწრებოდა. რისი გაკეთება შეუძლიათ ქართველ დამსაქმებლებს უკრაინელებისთვის და სად არის დასაქმების საშუალებები ? #ახალიამბები #BusinessMediaGeorgia
„ჯანდაცვის სამინისტროს მხრიდან მოკვლევის დასრულებამდე, ყოველგვარი მტკიცებულების და დაკონკრეტების გარეშე სამედიცინო დაწესებულებების მხრიდან სახელმწიფო რესურსის ბოროტად გამოყენებაზე საუბარი რეპუტაციულ ზიანს აყენებს განურჩევლად ყველა სამედიცინო დაწესებულებას“ - ასე ეხმაურება ჯანდაცვის ასოციაცია ზურაბ აზარაშვილის მიერ კოვიდ-კლინიკების მისამართით გამოთქმულ ბრალდებებს. აზარაშვილმა სამედიცინო დაწესებულებები პაციენტების მიღება/გაწერის პროტოკოლის შეუსრულებლობაში, პერსონალისთვის განკუთვნილი თანხების დაკავებაში, ხოლო ხელმძღვანელი პირები 5 და 10-მაგი ოდენობით ყოველთვიური ხელფასების ზრდაში დაადანაშაულა. მინისტრმა ისაუბრა, ასევე როგორც გადაუხადა სამინისტრომ სოლიდური თანხები კლინიკებს ცარიელ საწოლებში. რა პასუხი აქვს კერძო სექტორს ჯანდაცვის მინისტრის ამ განცხადებებზე? #ახალიამბები #BusinessMediaGeorgia
რა თქმა უნდა, ჯარიმები არავის უხარია, მაგრამ როგორც ჩანს, ეს აუცილებელია იმისთვის, რომ ქალაქში წესრიგი იყოს“ - განცხადება თბილისის მერმა, საკანონმდებლო ცვლილებებთან დაკავშირებით გააკეთა, რომელიც ადმინისტრაციულ სამართალდარღვევათა კოდექსი უნდა შევიდეს და რიგ დარღვევბზე ჯარიმების ზრდას ითვალისწინებს. კახა კალაძის თქმით, სიახლეები დედაქალაქში გადაადგილების გაუმჯობესებას ისახავს მიზნად. მაგალითისთვის, საკანონმდებლო ცვლილებების პაკეტის მიხედვით, ჯარიმა 10 ლარის ნაცვლად 50 ლარი გახდება ამკრძალავი ნიშნების „გაჩერება აკრძალულია“ და „დგომა აკრძალულია“ მოთხოვნის დაუცველობის გამო; კიდევ რა დარღვევაზე იზრდება ჯარიმები? #ახალიამბები #BusinessMediaGeorgia
ჯანდაცვის მინისტრის, ზურაბ აზარაშვილის ბრალდებებს კლინიკები პასუხობენ. ჩვენი რეპორტიორი ელენე გოგბერაშვილი მუშაობს თემაზე, თუმცა სანამ ელენე შემოგვიერთდება, გეტყვით, რომ ჯანდაცვის მინისტრის განცხადებით, რამდენიმე კლინიკაში იყო შემთხვევა, როდესაც დირექტორი და მისი მოადგილეები ხელფასებს ექიმებისა და ექთნების დანამატების ხარჯზე იზრდიდნენ, საუბარია თანხაზე, რომელსაც სახელმწიფო კონკრეტული მიზნობრიობით რიცხავდა და ბენეფიციარებამდე არ მიდიოდა. ჯანდაცვის მინისტრის ინფორმაციითვე, პრობლემები იყო მობილიზებული საწოლების დატვირთულობასთან დაკავშირებითაც და სახელმწიფო თანხებს ცარიელ საწოლებში იხდიდა. #ახალიამბები #BusinessMediaGeorgia
✔ირაკლი ღარიბაშვილი, საქართველოს პრემიერ მინისტრი ✔დავით ნარმანია, სემეკი თავმჯდომარე ✔არჩილ გაჩეჩილაძე, საქართველოს ბანკის გენერალური დირექტორი ✔მატა გორდეზიანი, განახლებადი ენერგიების ასოციაცია#ახალიამბები #BusinessMediaGeorgia
„ეიპიემ“ ტერმინალსის“ პროტესტის მიუხედავად, საზღვაო კოდექსში დაგეგმილი ცვლილებები, რომლის ერთ-ერთი მთავარი კომპონენტი იმაში მდგომარეობს, რომ პორტის ძირითადი ოპერატორი სხვა ოპერატორებს შესასვლელ არხში გემების მიღებაზე საკომისიოს ვერ დაუწესებს, პარლამენტმა მეორე მოსმენით მიიღო. წინ მესამე… საბოლოო მოსმენაა. იქამდე კი დღეს, ეკონომიკის სამინისტროს და საზღვაო სააგენტოს ორგანიზებით, სატრანსპორტო ინდუსტრიის მონაწილეობით შეხვედრა გაიმართა, სადაც ბიზნესს საზღვაო კოდექსში დაგეგმილი ცვლილებებიც გააცნეს.#ახალიამბები #BusinessMediaGeorgia
პროგრამა EBRD კაპიტალის და ფინანსური ბაზრების განვითარების გუნდის მიერ, ევროკავშირის ფინანსური მხარდაჭერით ხორციელდება. მის მთავარ მიზანს საქართველოში კაპიტალის ბაზრის განვითარების ხელშეწყობა წარმოადგენს. პროგრამა რამდენიმე ფაზად ხორციელდება, მათ შორის მეორე ეტაპი, თანადაფინანსების სქემაში მონაწილეობის მსურველთა აპლიკაციების მიღებას და საგანმანათლებლო სქემის განხორციელებას მოიცავს. #ახალიამბები #BusinessMediaGeorgia
„ეიპიემ“ ტერმინალსის“ პროტესტის მიუხედავად, საზღვაო კოდექსში დაგეგმილი ცვლილებები, რომლის ერთ-ერთი მთავარი კომპონენტი იმაში მდგომარეობს, რომ პორტის ძირითადი ოპერატორი სხვა ოპერატორებს შესასვლელ არხში გემების მიღებაზე საკომისიოს ვერ დაუწესებს, პარლამენტმა მეორე მოსმენით მიიღო. წინ მესამე… საბოლოო მოსმენაა. იქამდე კი დღეს, ეკონომიკის სამინისტროს და საზღვაო სააგენტოს ორგანიზებით, სატრანსპორტო ინდუსტრიის მონაწილეობით შეხვედრა გაიმართა, სადაც ბიზნესს საზღვაო კოდექსში დაგეგმილი ცვლილებებიც გააცნეს. #ახალიამბები #BusinessMediaGeorgia
„ჩვენ გვჭირდება ენერგეტიკის სექტორში დამატებითი ინვესტიციების მოზიდვა. მაქსიმალურად უნდა დავაჩქაროთ ტემპები და ავაშენოთ რაც შეიძლება მეტი ჰესი საქართველოში“,- ეს განცხადება საქართველო პრემიერ-მინისტრმა ირაკლი ღარიბაშვილმა, 4 აპრილის მთავრობის სხდომაზე გააკეთა და დაანონსა, რომ ერთ კვირაში მთავრობა ბიზნესს შესაბამის პაკეტს წარუდგენდა. ჯერ შესაბამისი პრეზენტაცია არ შემდგარა. რა ვიცით ამ დროისთვის ჰესების მშენებლობის ხელშეწყობის მთავრობის ახალ პროექტზე? #ახალიამბები #BusinessMediaGeorgia
"დღეის მდგომარეობით, ბიძინა ივანიშვილს სულ მცირე 1 კომპანია აქვს რუსეთში – შპს „აკვა-სფეისი“ - აღნიშულ ინფორმაციას საერთაშორისო გამჭირვალობა საქართველო აქვეყნებს, რომელმაც ბიძინა ივანიშვილის და მისი ნათესავები რუსულ კომპანიებთან კავშირები შეისწავლა. პუბლიკაციის მიხედვით, 2012-2019 წლებში საკუთარი ოფშორული კომპანიების მეშვეობით, ბიძინა ივანიშვილი მინიმუმ 10 რუსულ კომპანიას ფლობდა, რაც შვილობილი და დაკავშირებული კომპანიების კიდევ უფრო ფართო ქსელის ნაწილია. რა ძირითადი მიგნებიბია კვლევაში და რა რისკებს ხედავენ კვლევის ავტორები? #ახალიამბები #BusinessMediaGeorgia
რა ეტაპზეა ევროკავშირის ახალი რეგულაციების საქართველოს კანონმდებლობასთან ჰარმონიზების პროცესი? Dominik Pappenheim - EU Delegation to Georgia; Tinatin Genebashvili - Embassy of Sweden, Program Officer; Alexander Carner - Head of the Coordination Office of the Austrian Development Agency in Georgia; Mariam Jorjadze, ELKANA, Director; Davit Bedoshvili, caucasert Director. #ქართველიმეწარმეები #მეწარმე #ევროკავშ ირი #ბიომწარმოებლები #შვედეთი #ავსტრია #EU
გაძვირებული სამშენებლო მასალების ფონზე მთავრობა სახელმწიფო ტენდერებში მონაწილე ინფრასტრუქტურული კომპანიებისთვის ინდექსაციის სისტემის ამოქმედებას გეგმავს. ამის შესახებ დღეს ინფრასტრუქტურის მინისტრმა, ირაკლი ქარსელაძემ მთავრობის სხდომის დასრულების შემდეგ განაცხადა. ინდექსაციის არსი მდგომარეობს იმაში, რომ სახელმწიფომ სამშენებლო მასალის ფასების ცვლილება დააკომპენსიროს და შესაბამისად, გაზარდოს (ან შეამციროს) პროექტის განსახორციელებლად ბიუჯეტიდან გამოყოფილი თანხა. როდიდან ამოქმედდება სისტემა, რომელსაც კერძო სექტორი დიდი ხანია ითხოვს? #ახალიამბები #BusinessMediaGeorgia