საქსტატმა დღეს საგარეო ვაჭრობის 10 თვის მონაცემებიც გამოაქვეყნა. ბრუნვამ თითქმის 13 მილიარდი დოლარი შეადგინა, რაც გასულ წელს 25%-ით აღემატება. ექსპორტი თითქმის 27%-ით გაიზარდა, ხოლო იმპორტი 25%-ით გასული წლის 10 თვესთან შედარებით. ექსპორტის გაზრდილი მაჩვენებლები სასიხარულოა, თუმცა, საინტერესოა, რამდენი მოდის უშუალოდ ჩვენს ქვეყანაში წარმოებულ პროდუციაზე, რადგან საქართველო რეექსპორტსაც ახორციელებს - მაგალითად უცხოეთში ყიდულობს ავტომობილს და სხვა ქვეყანაში ყიდის - მსგავსი შემთხვევები რომ გამოვრიცხოთ, ადგილობრივი ექსპორტის მაჩვენებლებს უნდა ჩავხედოთ. სტატისტიკა აჩვენებს, რომ მთლიან ექსპორტში ადგილობრივ ექსპორტს თითქმის 74% უჭირავს, დანარჩენი რეექსპორტზე მოდის. 2016 წელთან შედარებით ადგილობრივი ექსპორტი გაორმაგებულია. მიუხედავად ამისა, პრაქტიკულად არ არის შეცვლილი ის პროდუქცია, რომელსაც საზღვარგარეთ ვყიდით. სტუმარი: ანა კვარაცხელია - ექსპორტის განვითარების ასოციაციის სამეთვალყურეო საბჭოს თავმჯდომარე; #ახალიამბები #BusinessMediaGeorgia
რა ხდება საკაბელო პროდუქციის ბაზარზე? ედიშერ მამალაძე, საქკაბელის ხელმძღვანელი მამია მოცრაძე, ელვარეს დამფუძნებელი#ახალიამბები #BusinessMediaGeorgia
ბიზნესს დავუბრუნეთ სიმშვიდე და პროგნოზირებადობის განცდა, პირდაპირი უცხოური ინვესტიციების მოზიდვა გამოწვევად რჩება - ეს არის განცხადებების და გზავნილების ნაწილი, რომელიც ნათია თურნავამ პარლამენტის ტრიბუნიდან გააჟღერა. ეკონომიკის მინისტრს დღეს მინისტრის საათის ფორმატშიი უსმენენ დეპუტატები და მათ კითხვების დასმის საშუალებაც აქვთ ცხადია…
კომპანია სილქნეტმა 2018 წელს დააფუძნა. ყოველი წლის ბოლოს კი ფონდი საქველმოქმედო ღონისძიებას მართავს და საზოგადოებას განვლილი წლის საქმიანობის ანგარიშს წარუდგენს. გუშინ გამართულ ღონისძიებაზე სილქნეტს სხვა კერძო სექტორის წარმომადგენლებიც შეუერთდნენ და ჩვენი ქვეყნის დაჭრილი მებრძოლების მხარდასაჭერად ფონდში თავიანთი წვლილი შეიტანეს. სილქნეტი ყოველწლიურად 300 000 ლარს რიცხავს. ტრადიციულად ყოველ წელს სხვადასხვა ბიზნეს კომპანიები უერთდებიან ამ ინიციატივას. წელს გამართულ საქველმოქმედო საღამოზე 267 ათსი ლარი შემოვიდა. ეს კომპანიები არიან: ორბი, დამფუძნებელი ზაზა ზოიძე - 50 000 ლარი; ჯორჯიან ეარსერვისი, თამაზ გაიაშვილი - 50 000 ლარი; სილქ ჰოსფითალითი - 10 000 ლარი; ვისოლი - 20 000 ლარი; ბიზნესმენთა ასოციაცია - 30 000 ლარი; დიტო აბდუშელიშვილი - 10 000 დოლარი; ამერიკული კომპანია სილქ როუდ ვაინს - 77 000 ლარი; შედარებით ადრე კი ფონდს წლევანდელ საქმიანობაში მხარში დაუდგა ბიზნეს ასოციაცია 20 000 ლარით და კომპანია რეფტრანსი 100 000 ლარით. ამ თანხებით ფონდი მხარში უდგას დაჭრილ მეომრებს საქართველოს თავდაცვის სამინისტროსთან და ვეტერანების საქმეთა სახელმწიფო სამსახურთან თანამშრომლობით.#ახალიამბები #BusinessMediaGeorgia
საკაბელო პროდუქციის მწარმოებელი ქართული კომპანიები ეკონომიკის სამინისტროს ბაზარზე კონტროლის გამკაცრებას და საკაბელო პროდუქციასთან მიმართებით ევროპული სტანდარტების დროულ მიღებას სთხოვენ. ადგილობრივი მწარმოებლები ამბობენ, რომ ბაზარზე ფალსიფიცირებული პროდუქციის იმპორტი ხორციელდება, რისი ლაბორატორიულად კონტროლის მექანიზმი ეკონომიკის სამინისტროს სამშენებლო ზედამხედველობის სააგენტოს არ აქვს. რა პრობლემას ქმნის უკონტროლო იმპორტი, რაში ხედავს კერძო სექტორი გამოსავალს და რა პასუხი აქვს მაკონტროლებელ ორგანოს? #ახალიამბები #BusinessMediaGeorgia
ქამრების შემოჭერა იყო ასეთი ტერმინი - დეპუტატმა ალეკო ალესაშვილმა ფინანსთა მინისტრს დღეს ქართული ოცნების დაპირებები შეახსენა. დღეს პარლამენტში სადაც 2022 წლის ბიუჯეტის საბოლოო ვერსიის განხილვა მიმდინარეობდა. დეპუტატების ძირითადი კითხები ინფლაციას უკავშირდებოდა. ფინანასთა მინისტრი ლაშა ხუციშვილი ამბობს, რომ ეროვნული ბანკი ყველა მის ხელთ არსებულ ინსტრუმენტს იყენებს და ინფლაციის მაცვენებელი მიზნობრივს 2022 წლის მაისში დაუბრუნდები.#ახალიამბები #BusinessMediaGeorgia
ქამრების შემოჭერა იყო ასეთი ტერმინი - დეპუტატმა ალეკო ალესაშვილმა ფინანსთა მინისტრს დღეს ქართული ოცნების დაპირებები შეახსენა. დღეს პარლამენტში სადაც 2022 წლის ბიუჯეტის საბოლოო ვერსიის განხილვა მიმდინარეობდა. დეპუტატების ძირითადი კითხები ინფლაციას უკავშირდებოდა. ფინანასთა მინისტრი ლაშა ხუციშვილი ამბობს, რომ ეროვნული ბანკი ყველა მის ხელთ არსებულ ინსტრუმენტს იყენებს და ინფლაციის მაცვენებელი მიზნობრივს 2022 წლის მაისში დაუბრუნდები. კიდევ რა კითხვები ჰქოპნდათ დეპუტატებს, დატო ჯალაღონია ჩაგვაყენებს საქმის კურსში...#ახალიამბები #BusinessMediaGeorgia
უცხოეთის მოქალაქეებზე ბინადრობის ნებართვასთან დაკავშირებული პრობლემები ქვეყანაში ინვესტიციების შემოდინებას აფერხებს - ამის შესახებ საგარეო საქმეთა მინისტრის მოადგიემ პარლამენტში განაცხადა. დარგობრივი ეკონომიკის კომიტეტმა საჯარო სექტორის წარმომადგენლებს მოუსმინა. თემატური მოკვლევის ჯგუფი მსჯელობდა ქვეყანაში პირდაპირი უცხოური ინვესტიციების მოზიდვის გამოწვევებსა და განვითარების პერსპექტივებზე#ახალიამბები #BusinessMediaGeorgia
შეზღუდვები და რეგულაციები აზარტული თამაშებისთვის - კანონპროექტის განხილვებმა დღეს პარლამენტის დარგობრივი ეკონომიკის და ეკონომიკური პოლიტიკის კომიტეტში გადაინაცვლა. კერძო სექტორის შენიშვნები უცვლელია, ისინი გონივრული რეგულაციების შემოღებას და სიახლეებზე მოსარგებად გარკვეულ დროს ითხოვენ. როგორ დასრულდა დღევანდელი კომიტეტის სხდომა? #ახალიამბები #BusinessMediaGeorgia
მშენებლობის ნებართვის გაცემის პროცესში წარდგენილ დოკუმენტებში გამწვანების პროექტის, როგორც თანამედროვე, გარემოსდაცვითი სტანდარტების მქონე დოკუმენტის არსებობა სავალდებულო გახდება. ამას ითვალისწინებს, „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ შესატანი ცვლილებები, რომელიც საკანონმდებლო ორგანოშია ინიცირებული. აღნიშნული ვალდებულება დღეს არსებული მდგომარეობით, მხოლოდ თბილისში დაგეგმილ პროექტებზე ვრცელდება, სიახლის დამტკიცების შემთხვევაში კი მოთხოვნები მთელ საქართველოს მოიცავს. სტუმარი: მაია ბითაძე - გარემოს დაცვისა და ბუნებრივი რესურსების კომიტეტის თავმჯდომარე; #ახალიამბები #BusinessMediaGeorgia
დღეს პარლამენტში განახლებადი ენერგეტიკის განვითარების პრობლემები განიხილეს. დარგობრივი ეკონომიკისა და ეკონომიკური პოლიტიკის კომიტეტის სხდომაზე მთავრობის, სემეკის, სახელმწიფო ელექტროსისტემის და ენერგეტიკის განვითარების ფონდის წარმომადგენლებმა დარგის ძირითად გამოწვევებზე იმსჯელეს. თუმცა ამ სხდომამ დეპუტატების ყურადღება ვერ დაიმსახურა, რადგან კომიტეტის თავმჯდომარის გარდა, არც უმრავლესობისა და არც საპარლამენტო ოპოზიციის წევრები შეხვედრას არ ესწრებოდნენ. რა იყო მთავარი თემები? #ახალიამბები #BusinessMediaGeorgia
მას შემდეგ, რაც ჯანდაცვის მინისტრმა თანამდებობიდან წასვლა დააანონსა, ეკატერინე ტიკარაძე მედიასთან პირველად გამოჩნდა. ტიკარაძე გეგმას მიჰყვება და წლის ბოლომდე მოვალეობის შემსრულებლის რანგში სამინისტროს დაქვემდებარებული უწყებების საქმიანობების შესახებ პრეზენტაციებს ისმენს. გააკეთა თუ არა საკუთარ გადაწყვეტილებაზე დამატებითი განმარტება ჯანდაცვის მინისტრმა, რომელმაც პოსტიდან წასვლა კოვიდ-19-ის მეხუთე ტალღის დროს გადაწყვიტა? #ახალიამბები #BusinessMediaGeorgia
დღეიდან USAID-ის ეკონომიკური უსაფრთხოების პროგრამის მხარდაჭერით სითი მოლში ქართველი ოსტატების ხელნაკეთი ნივთების შეძენის შესაძლებლობა გექნებათ. სავაჭრო ცენტრში საქართველოს ტრადიციული რეწვის ასოციაციის 100-მდე ოსტატის ნამუშევარი უკვე გაყიდვაშია. რისი შეძენის შესაძლეობა ექნებათ წინასაახაწლოდ ადგილზე მისულ სტუმრებს და რა პერსპექტივებს აძლევს გამოფენა-გაყიდვა ქართველ მეწარმეებს? დეტალებს ანუკა ჯოხაძის სიუჟეტში ვნახავთ.#ახალიამბები #BusinessMediaGeorgia
ეკატერინე ტიკარაძე, რომელმაც გუშინ ჯანდაცვის მინისტრის თანამდებობა დატოვა, წლის ბოლომდე მინისტრის მოვალეობას შეასრულებს. ეს ინფორმაცია bm.ge-ს როგორც ჯანდაცვის სამინისტრომ, ისე პირადად ეკატერინე ტიკარაძემ დაუდასტურა. უფრო მეტიც, 15 დეკემბრიდან ის სამინისტროს და მასში შემავალი სსიპ-ების წლიური საქმიანობის შესახებ ანგარიშების პრეზენტაციებსაც დაესწრება. რა რეალობაში დატოვა მან სექტორი, ეს ჩვენთვის განხილვის ერთ-ერთი მთავარი თემაა დღეს. თქვენ იცით, რომ ქვეყანაში ვაქცინაციის ტემპი არასახარბიელოა. კოვიდით გარდაცვალების მაჩვენებლით კი, საქართველო მსოფლიოს მასშტაბით, 100 ათას მოსახლეზე გაანგარიშებით, მეორე ადგილზეა. ამ ფონზე, ქვეყნის სოციალური მდგომარეობაც უარესდება. (ნოემბრის მონაცემებით, სოციალურად დაუცველთა ბაზაში 637 ათას 747 ადამიანია. ეს მთელი ქვეყნის მოსახლეობის 17.1 პროცენტია. როგორ გაართმევს თავს გამოწვევებს ტიკარაძის მემკვიდრე, ამას თავად ყოფილი მინისტრი ქართული ოცნების პოლიტსაბჭოს რიგებიდან დააკვირდება. ჯანდაცვის უწყების მეთაურის სკამზე დაახლოებით ორწელიწადნახევრიან საქმიანობას კი ჩვენმა ჟურნალისტმა ელენე გოგბერაშვილმა გადახედა.#ახალიამბები #BusinessMediaGeorgia
თბილისში, ორბელიანის მოედანზე, ისტორიული ბაზრის ტერიტორიაზე, რეგიონის მასშტაბით უნიკალური კონცეფციის - „ბაზარი ორბელიანზე“ გაიხსნა. პროექტი კომპანია „მერკადომ“ თიბისის მხარდაჭერით განახორციელა. პროექტის ჯამური ინვესტიცია დაახლოებით 19 მილიონ ლარს შეადგენს, საიდანაც „თიბისის“ თანამონაწილეობა 9 მილიონი ლარია. უნიკალური კონცეფციის ბაზარი, სადაც 200-მდე სავაჭრო წერტილია განთავსებული, რამდენიმე ათას ადამიანს დაასაქმებს.#ახალიამბები #BusinessMediaGeorgia
კორონავირუსის ყველაზე სწრაფად გავრცელებადი შტამის – ომიკრონის მოლოდინში ჯანდაცვის მინისტრი გადადგა. რა რეალობაში დატოვა ეკატერინე ტიკარაძემ თანამდებობა? – ქვეყანაში ვაქცინაციის ტემპი არასახარბიელოა. საქართველო კოვიდით გარდაცვალების მაჩვენებლით მსოფლიოს მასშტაბით, 100 ათას მოსახლეზე გაანგარიშებით, მეორე ადგილზეა. გადავხედოთ სოციალურ მდგომარეობასაც. ნოემბრის მონაცემებით, სოციალურად დაუცველთა ბაზაში 637 ათას 747 ადამიანია. ეს მთელი ქვეყნის მოსახლეობის 17.1 პროცენტია. რა თქმა უნდა, აქ პანდემიის ფაქტორიც უნდა გავითვალისწინოთ, რამაც მოსახლეობის ცხოვრების დონეზე მნიშვნელოვანი გავლენა იქონია. ამ რიცხვების ფონზე, ეკატერინე ტიკარაძეს უკვე ქართული ოცნების პოლიტსაბჭოს რიგებიდან მოუწევს დააკვირდეს, როგორ დაძლევს სიღარიბეს ღარიბაშვილის მთავრობა, ან რა მიდგომებით გააგრძელებს პანდემიის მართვას. სტუმარი: ანდრია ურუშაძე - ჯანდაცვის სპეციალისტი ; ჯანდაცვის ყოფილი მინისტრი; #ახალიამბები #BusinessMediaGeorgia
„ინვესტორების მიერ რეინვესტირება ქვეყნის მიმართ მყარი ნდობის გამოვლინებაა“ - ასე გამოეხმაურა დღეს ეკონომიკის მინისტრი საქსტატის მიერ გამოქვეყნებული FDI-ს სტატისტიკას, რომლის თანახმად, წელს 9 თვეში კი ქვეყანაში სულ $728.4 მილიონის ინვესტიციები შემოვიდა, რაც წინა წელთან შედარებით 3.2%-ით მეტია. საქსტატის შეფასებითაც, ზრდა ძირითადად განპირობებულია რეინვესტიციის მაჩვენებლის გაზრდით. რამდენად შეგვიძლია ამით დავიმშვიდოთ თავი, როცა პრაქტიკულად ახალი მსხვილი ინვესტიციები არ გვაქვს ქვეყანაში და არც პანდემიამდე იყო დიდი ბუმი.#ახალიამბები #BusinessMediaGeorgia
2021 წლის მესამე კვარტალში საქართველოში 299 მლნ დოლარის ინვესტიცია შემოვიდა, რაც წინა წლის III კვარტალის დაზუსტებულ მონაცემებს 1.4 პროცენტით აღემატება. 9 თვეში კი ქვეყანაში სულ $728.4 მილიონის ინვესტიციები შემოვიდა, რაც წინა წელთან შედარებით 3.2%-ით მეტია. როგორც საქსტატის მიერ გამოქვეყნებულ ანგარიშში წერია, ზრდა ძირითადად განპირობებულია რეინვესტიციის მაჩვენებლის მატებით. უფრო მეტს FDI-ს გეოგრაფიის და სექტორების შესახებ თელარა გელანტია მოგვიყვება. #ახალიამბები #BusinessMediaGeorgia
ტურიზმის სექტორის აღდგენას დიდი დრო დასჭირდება, წინ კვლავ გაურკვევლობაა - ასეთია თიბისი კაპიტალის შეფასება. საინვესტიციო ბანკმა აღნიშნულ სექტორზე საკმაოდ ვრცელი კვლევა მოამზადა, რომელიც კოვიდ-19-ის შედეგად სექტორისთვის მიყენებულ ზარალს სწავლობს და პროგნოზებსაც აკეთებს. ფაქტია, მსოფლიო პანდემიამ ტურიზმის სექტორი არაერთი გამოწვევის წინაშე დააყენა, დაწყებული შემოსავლების შემცირებიდან, დასრულებული კადრების დეფიციტით.#ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი 0.5 პროცენტული პუნქტით, 10.5%-მდე გაზარდა. შედეგად 169,700 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი გაეზრდება. სებ-ი აღნიშნავს, რომ ამ ეტაპზე მონეტარული პოლიტიკის გამკაცრების საჭიროება მაღალი ინფლაციური მოლოდინებიდან გამომდინარე დგას. დღეს მონეტარული პოლიტიკის კომიტეტის სხდომასთან ერთად ფინანსური სტაბილურობის კომიტეტიც შეიკიბა, სადაც სავალუტო დაკრედიტებასთან დაკავშირებით რამდენიმე გადაწყვეტილება იქნა მიღებული. მათ შორის ცენტრალურმა ბანკმა, 15-წლიანი სავალუტო იპოთეკური სესხები აკრძალა.#ახალიამბები #BusinessMediaGeorgia
ენერგეტიკული პროექტების საინვესტიციო რისკებზე მთავრობა დღეს USAID-ის ორგანიზებით გამართულ სემინარზე მსჯელობს. ღონისძიებაზე ასევე, განიხილავენ განახლებადი ენერგიების განვითარების ტენდენციებსა და დეზინფორმაციის რისკებს, რაც ენერგოპროექტების განვითარებას ხელს უშლის. რას ელოდება კერძო სექტორი მთავრობისგან საინვესტიციო გარემოს გაუმჯობესებისთვის და რა რეკომენდაციები აქვს ამ კუთხით USAID-ს, რომელიც საქართველოს ენერგოსექტორში უკვე არაერთი წელია სხვადასხვა მიმართულებით მუშაობს#ახალიამბები #BusinessMediaGeorgia
ევროკავშირის მხარდაჭერით სოციალურ საწარმო კოდალას სივრცეში „სოციალური მეწარმეობის პროფესიული სკოლა" გაიხსნა, რომელიც ახალგაზრდებს ხეზე მუშაობის შესწავლაში დაეხმარება. სკოლაში გადამზადებულ ბენეფიციარებს კოდალას საწარმოში დასაქმების საშუალებაც ექნებათ. #ახალიამბები #BusinessMediaGeorgia
169 700 ადამიანს სესხი გაუძვირდა. 2021 წლის 1 ნოემბრის მდგომარეობით ცვლად საპროცენტო განაკვეთზე სწორედ ამდენი სესხია მიბმული. მათი აბსოლუტური უმრავლესობა კი რეფინანსირების განაკვეთზე. მონეტარული პოლიტიკის კომიტეტის გადაწყვეტილებით რეფინანსირების განაკვეთი 0.5 პროცენტული პუნქტით 10.5 გაიზარდა. ლარში გაცემული სამომხმარებლო სესხების საშუალო შეწონილმა საპროცენტო განაკვეთმა 1 ნოემბრის მდგომარეობთ 15.12% შეადგინა. რაოდენობრივად მეორე ადგილზეა უძრავი ქონებით უზრუნველყოფილი სესხები. რეფინანსირების განაკვეთზე 1 ნოემბრის მონაცემებით 64900 სესხია მიბმული, საშუალოდ 12.37%-ში… როგორ ახსნა სებმა დღევანდელი მოანეტარული პოლიტიკის სხდომის გადაწყვეტილება? #ახალიამბები #BusinessMediaGeorgia
„არსებობს მოსაზრება, რომ ზოგიერთ წამალზე 300-400%-იანი ფასნამატია დადებული კომპანიების მხრიდან, რაც მიუღებელია“ – ეს განცხადება მიმდინარე წლის აგვისტოში პრემიერ მინისტრმა ირაკლი ღარიბაშვილმა გააკეთა. რამდენად დიდი ფასნამატით ყიდიან კომპანიები წამლებს, ამ კითხვას პასუხი, კონკურენციის სააგენტოს ბაზრის მონიტორინგის ანაგრიშმა უნდა გასცეს, თუმცა ამის შესახებ არაფერი თქმულა შუალედურ დასკვნაში, რაც გასულ თვეში გამოქვეყნდა. #ახალიამბები #BusinessMediaGeorgia
ქართული ავიაკომპანია MyWay Airlines პრემიერ-მინისტრს, ირაკლი ღარიბაშვილს და ეკონომიკის მინისტრს, ნათია თურნავას წერილით მიმართავს და სამოქალაქო ავიაციის სააგენტოსთან არსებული სადავო საკითხით დაინტერებისკენ მოუწოდებს. კომპანია მთავრობის წევრებს წარმოქმნილი პრობლემის გადაჭრაში დახმარებას სთხოვს და განმარტავს, რომ საკითხი, რაზეც საავიაციო ხელისუფლება ავიასაწარმოს ედავება, ადმინისტრაციული წარმოების პროცესშივე გამოსწორდა. „მაივეი ეარლაინს“-ის განცხადებით, კომპანიისთვის საჰაერო გადაყვანა - გადაზიდვის მოწმობის გაუქმება და ერთდღიანი დაყოვნებაც კი, 100 000 დოლარის ოდენობის ზარალს გამოიწვევს, რაც მოკლე პერიოდში ავიაკომპანიის გაკოტრებას ნიშნავს. სტუმარი: თამარ მამფორია - MyWay Airlines-ისიურისტი; #ახალიამბები #BusinessMediaGeorgia
საქართველოს ეროვნულმა ბანკმა, კომერციული ბანკების ფინანსური მდგრადობის შეფასების მიზნით, სტრეს-ტესტის ინტერაქტიული ვებპლატფორმა აამოქმედა. სტრეს-ტესტი საბანკო სექტორის მდგრადობის შეფასების ერთ-ერთი საუკეთესო ინსტრუმენტია, რომელიც კომერციული ბანკების ფინანსური გამჭვირვალობის გაზრდას უზრუნველყოფს. სტუმარი: ალექსანდრე ერგეშიძე - "საქართველოს ეროვნული ბანკის" ფინანსური სტაბილურობის პოლიტიკის ანალიზის განყოფილების უფროსი; #ახალიამბები #BusinessMediaGeorgia
"ღამის კლუბები ამ გადაწყვეტილებას უნდა დაელოდონ" - ასე უპასუხა საკოორდინაციო საბჭოსთან არსებული ოპერატიული შტაბის ხელმძღვანელმა გიორგი ღიბრაძემ, საბჭოს სხდომის დასრულების შემდეგ BM.GE-ის შეკითხვას, რომელიც ღამის კლუბების ამოქმედების ნებართვას შეეხებოდა. მისი ინფორმაციით, ამ საკითხზე მხარეთა პოზიციების შეჯერება მიმდინარეობს და პროცესი დიდ ხანს აღარ გაგრძელდება. შესაბამისად, ბიზნესი კვლავ მოლოდინის რეჟიმშია… #ახალიამბები #BusinessMediaGeorgia
უკვე ერთი წელი და ხუთი თვეა, რაც საქართველოში განახლებადი ენერგიების მხარდაჭერი მექანიზმი მოქმედებს. მთავრობის გადაწყვეტილებით, ინვესტორებს, რომელთაც ჰიდრო, ქარისა და მზის სადგურების მშენებლობა სურთ, პრემიალური ტარიფით სარგებლობა შეუძლიათ. ეს ნიშნავს, რომ ყოველ გაყიდულ ერთ კილოვატსაათ ელექტროენერგიაზე ეს კომპანიები სახელმწიფოსგან მაქსიმუმ ერთ-ნახევარი ცენტის დანამატს იღებენ, თუმცა არაუმეტეს ხუთ-ნახევარი ცენტის ფარგლებში. #ახალიამბები #BusinessMediaGeorgia
მომავალ წელს საქართველოს ეკონომიკა 6%-ით გაიზრდება, მთლიანი შიდა პროდუქტის ზომამ 65 მილიარდს უნდა მიაღწიოს. 2022 წლისთვის სახელმწიფო ბიუჯეტი 19 მილიარდ 177 მლნ ლარი იქნება. ასევე, პანდემიის შედეგად გაზრდილი ვალის ფარდობა მშპ-სთან 51%-მდე მცირდება, ხოლო ბიუჯეტის დეფიციტი იქნება 4.2%... მომავალი წლის სახელმწიფო ბიუჯეტის ძირითადი პარამეტრები იყო დღეს მთავრობის სხდომაზე და მის შემდეგ მთავარი სასაუბრო თემა, თუმცა მინისტრებმა bm.ge-ს კითხვებსაც უპასუხეს. #ახალიამბები #BusinessMediaGeorgia
2021 წლიდან საქართველოში შრომის კოდექსში შევიდა ცვლილებები. მივიღეთ შრომის ინსპექციის მკვეთრად გაზრდილი მანდატი და ახალი ვალდებულებები ბიზნესისათვის. თუ აქამდე შრომის ინსპექციას მხოლოდ შრომის უსაფრთხოების შემოწმება შეეძლო, ახლა უფლება აქვს დასაქმებულის შრომითი უფლებები შეამოწმოს - რამდენს და რა ვითარებაში მუშაობენ. ასევე ძალაში შევიდა სამუშაო დროების აღწერის ვალდებულება. როგორ აფასებს და როგორ შეეგუა კანონმდებლობაში შეტანილ ცვლილებებს ბიზნესი. დამსაქმებელთა ასოციაციამ კვლევა ჩაატარა, სადაც 309 კომპანია გამოიკითხა. საინტერესოა, რომ გამოკითხულთა 51% საკანომდებლო ცვლილებებს საჭიროდ მიიჩნევს, დანარჩენი კი მეტ-ბნაკლებად საჭიროდ ან სრულად არასაჭიროდ. სტუმარი: ნიკოლოზ აბუთიძე - დამსაქმებელთა ასოციაციის იურიდიული დეპარტამენტის ხელმძღვანელი #ახალიამბები #BusinessMediaGeorgia
სადაზღვევო ინდუსტრია მზადაა მთავრობას მედიკამენტების ხელმისაწვდომობის უზრუნველსაყოფად საკუთარი გამოცდილება გაუზიაროს. ფარმაცევტული ბაზრის რეგულირება და ამ პროცესში კერძო სადაზღვევო კომპანიების ჩართულობა იყო სწორედ საქართველოს ბიზნეს ასოციაციაში გამართული შეხვედრის თემაც. სადაზღვევო კომპანიები ხელისუფლებას ჯანდაცვის სისტემაში მათი როლის გაზრდას სთავაზობს.#ახალიამბები #BusinessMediaGeorgia
სათამაშო ბიზნესის ასოციაცია მთავრობას მიმართავს. როგორც ასოციაციის წევრები ამბობენ, იმ შემთხვევაში, თუკი მთვრობა დაანონსებულ ცვლილებებს მიიღებს, ბიზნესი საგადასახადო წნეხს ვერ გაუძლებს და გარკვეული ნეგატიური ნაბიჯების გადადგმა დასჭირდება. ყველაზე რთულ გადაწყვეტილებად ბიზნესს გადასახადის გაზრდა და მოთამაშეთა ასაკის შეზღუდვა მიაჩნია. რაც შეეხება სტრატეგიას, თუ რის გაკეთებას გეგმავს ბიზნესი. როგორც გიორგი მამულაიშვილი ამბობს, ყველა ბიზნესი ინდივიდუალურ გადაწყვეტილებას მიიღებს, თუმცა რამდენიმე კონკრეტული იდეა უკვე ჩამოყალიბებულია.#ახალიამბები #BusinessMediaGeorgia
სადაზღვევო ინდუსტრია მზადაა მთავრობას მედიკამენტების ხელმისაწვდომობის უზრუნველსაყოფად საკუთარი გამოცდილება გაუზიაროს. ფარმაცევტული ბაზრის რეგულირება და ამ პროცესში კერძო სადაზღვევო კომპანიების ჩართულობა იყო სწორედ საქართველოს ბიზნეს ასოციაციაში გამართული შეხვედრის თემაც. სადაზღვევო კომპანიები ხელისუფლებას ჯანდაცვის სისტემაში მათი როლის გაზრდას სთავაზობს.#ახალიამბები #BusinessMediaGeorgia
როგორ უნდა რეგულირდებოდეს ინტერნეტი - უნდა ჩაერიოს თუ არა ამაში სახელმწიფო? სად გადის ზღვარი გამოხატვის თავისუფლებასა და ძალადობის ტირაჟიტების, ტერორისტული ორგანიზაციების წინააღმდეგ ბრძოლას შორის?#ახალიამბები #BusinessMediaGeorgia
დღეიდან ქვეყანაში მწვანე პასპორტები ამოქმედდა, რომლის საშუალებითაც მწვანე სტატუსის მქონე მოქალაქეები კონკრეტულ ობიექტებში შესვლას შეძლებენ. აპლიკაცია ოფიციალურად კი გაეშვა, თუმცა დილიდან ის ხარვეზებით მუშაობს. რა შეფერხებებზე საუბრობს ბიზნესი და რა ნაწილში ითხოვს მწვანე პასპორტით დადგენილი რეგულაციების გადახედვას ?#ახალიამბები #BusinessMediaGeorgia
პარლამენტმა დაჩქარებული წესით დაიწყო ახალი კანონპროექტის განხილვა, რომელიც თამბაქოს მოხმარებაზე ახალ რეგულაციებს აწესებს. კერძოდ თამბაქოს მოწევა იკრძალება საზოგადოებრივ ტრანსპორტში, შეზღუდვა გარკვეული დათქმით ვრცელდება ასევე კერძო სატრანსპორტო საშუალებებზე. გარდა ამისა კანონი კომპანიებს თამბაქის მარკეტინგს უზღუდავს და გარკვეულწილად ამსუბუქებს რეგულირებას თამბაქოს ახალ ნაწარმთან მიმართებით. რა ახალ წესებზე გადაწყობა მოგვიწევს უკვე ახალი წლიდან და როგორ აფასებს თამბაქოს ბიზნესი დაანონსებულ ცვლილებებს.#ახალიამბები #BusinessMediaGeorgia
საქართველომ რუსულ ენერგოგიგანტთან - Inter Rao-სთან საარბიტრაჟო დავა წააგო. 23 ნოემბერს სტოკჰოლმის საარბიტრაჟო ტრიბუნალმა საქართველოს Inter Rao-ს სასარგებლოდ 80.5 მილიონის გადახდა დააკისრა. საარბიტრაჟო დავა 2017 წლიდან მიმდინარეობდა. საქართველოს მთავრობა ფაქტს ადასტურებს. იუსტციის სამინისტრომ განაცხადა, რომ მათ გადაწყვეტილება უკვე გაასაჩივრეს.#ახალიამბები #BusinessMediaGeorgia
პარლამენტმა დაჩქარებული წესით დაიწყო ახალი კანონპროექტის განხილვა, რომელიც თამბაქოს მოხმარებაზე ახალ რეგულაციებს აწესებს. კერძოდ თამბაქოს მოწევა იკრძალება საზოგადოებრივ ტრანსპორტში, შეზღუდვა გარკვეული დათქმით ვრცელდება ასევე კერძო სატრანსპორტო საშუალებებზე. გარდა ამისა კანონი კომპანიებს თამბაქის მარკეტინგს უზღუდავს და გარკვეულწილად ამსუბუქებს რეგულირებას თამბაქოს ახალ ნაწარმთან მიმართებით. რა ახალ წესებზე გადაწყობა მოგვიწევს უკვე ახალი წლიდან და როგორ აფასებს თამბაქოს ბიზნესი დაანონსებულ ცვლილებებს.#ახალიამბები #BusinessMediaGeorgia
დღეიდან ქვეყანაში მწვანე პასპორტები ამოქმედდა, რომლის საშუალებითაც მწვანე სტატუსის მქონე მოქალაქეები კონკრეტულ ობიექტებში შესვლას შეძლებენ. აპლიკაცია ოფიციალურად კი გაეშვა, თუმცა დილიდან ის ხარვეზებით მუშაობს. რა შეფერხებებზე საუბრობს ბიზნესი და რა ნაწილში ითხოვს მწვანე პასპორტით დადგენილი რეგულაციების გადახედვას ?#ახალიამბები #BusinessMediaGeorgia
იმედი მქონდა, რომ რომ მწვანე პასპორტი უფრო მწვანე პასპორტი იქნებოდა, ჩვენ კი ვიღებთ „მწვანე პასპორტს,“ რომელსაც ის ეფექტი არ ექნება, რომლის მიღებაც გვსურს, - განაცხადა საქართველოს ჯანდაცვის ჯგუფის ხელმძღვანელმა ნიკოლოზ გამყრელიძემ. მისი თქმით, „მწვანე პასპორტის“ მიზანი ვაქცინაციის ირიბი სტიმულირებაა გარკვეული დისკომფორტის შექმნით იმ მოსახლეობისთვის, ვინც არაა ვაქცინირებული. ნიკოლოზ გამყრელიძე მიიჩნევს, რომ უნდა გადაიხედოს მწვანე პასპორტის კონცეფცია და მისი პირობები უფრო უნდა გამკაცრდეს, კერძოდ შეიცვალოს ის, რომ კოვიდგადატანილს აქვს მუდმივი პასპორტი. იზიარებენ თუ არა ამ პოზიციას ჯანდაცვის სპეციალისტები, აქვს თუ არა მეცნიერული დასაბუთება მუდმივ მწვანე სტატუსს? სტუმარი: ირაკლი გამყრელიძე - პედიატრიული ქირურგიის ცენტრ Kids Co; დირექტორი #ახალიამბები #BusinessMediaGeorgia
სოფელ ლაფანყურში გუშინ „ლოპოტა ჰესის“ მშენებლობის მოწინააღმდეგეებმა კარავი გაშალეს. როგორც საპროტესტო აქციის ერთ-ერთმა ორგანიზატორმა რადიო თავისუფლებასთან ინტერვიუში განაცხადა, ადგილობრივები ჰესის აშენებას არ დაუშვებენ, რადგან მათი ინფორმაციით, ელექტროსადგურის მშენებლობის შედეგად, მდინარის წყალი მილებში მოექცევა, სოფელი კი როგორც სასმელი, ასევე სარწყავი წყლის გარეშე დარჩება. კონკრეტულად, რა სახის სამუშაოების დაწყებას გეგმავს ინვესტორი და რა მასშტაბის ჰიდროელექტროსადგური უნდა აშენდეს? #ახალიამბები #BusinessMediaGeorgia
ენერგეტიკულ ბირჟაზე ელექტროენერგიის გასაყიდად ელექტროსადგურები, ამჯერად 2022 წლის პირველ მარტამდე უნდა მოემზადონ. ეს სამი თვე მხოლოდ გენერაციის ობიექტებს არ სჭირდებათ, ეს დრო იმ საწარმოებმა, თუ ორგანიზაციებმაც უნდა გამოიყენონ, რომელთაც სწორედ ამ ბირჟაზე მოუწევთ ელექტროენერგიის შეძენა. იქიდან გამომდინარე, რომ ბირჟაზე ვაჭრობის დაწყება უკვე მეორედ გადაიდო, საქმის კურსი დეტალების გარკვევას შეეცადა, ამჯერად სად არის პრობლემა. #ახალიამბები #BusinessMediaGeorgia
ღვინის საერთაშორისო გამოფენა 12 ქართველი ღვინის მარნით, მხოლოდ ღვინის გარეშე. ბერლინში, Raw Wine Berlin 2021 ჩატარდა, სადაც 20 ქვეყნის წარმომადგენელს შორის, მცირე მარნები საქარველოდანაც ჩავიდნენ, მაგრამ პროდუქტმა, რომელიც გამოფენის სტუმრებისთვის უნდა წარედგინათ გერმანიის საზღვარი დროულად ვერ გადალახა. გამოფენის ორგანიზებაში საქართველოდან ღვინის ეროვნული სააგენტო იყო ჩართული. უწყებაში bm.ge-ს განუცხადეს, რომ მათი მხრიდან ყველაფერი შესრულდა, თუმცა ტვირთი გერმანიის საბაჟოზე “მათგან დამოუკიდებელი მიზეზების გამო” შეფერხდა. #ახალიამბები #BusinessMediaGeorgia
დავით საგანელიძე ირაკლი ღარიბაშვილს მადლობას უხდის. მიზეზი საპარტნიორო ფონდის რეფორმირების დაანონსებაა, რომლის თანახმად, წლის ბოლომდე პარლამენტში შესაბამისი კანონპროექტი უნდა შევიდეს. ვიცით მხოლოდ ის, რომ ფონდს საქართველოს განვითარების ფონდი ერქმევა. ჯერჯერობით, დოკუმენტის მონახაზი უცნობია და ისევ ღიად რჩება საკითხი - საიდან დაფინანსდება განვითარების ფონდი. ერთ-ერთი ვერსიაა მისი ბიუჯეტიდან დაფინანსება, რომელსაც თავად დავით საგანელიძე მხარს არ უჭერს. #ახალიამბები #BusinessMediaGeorgia
რა აფერხებს ენერგეტიკულ ბირჟაზე ელექტროენერგიით ვაჭრობის დაწყებას? - ეს პროცესი უკვე მეორე გადავადდა, ამჯერად მომდევნო წლის მარტამდე. საქმის კურსი დაინტერესდა, როგორია ელექტროსადგურების მზაობა, თავიანთი გენერაცია ამ პლატფორმაზე გაყიდონ. როგორც ირკვევა, ჯერ კიდევ ბევრი საკითხია, რაც კერძო სექტორს აფერხებს და განსაკუთრებით, მნიშვნელოვანი მათთვის გასაყიდი ელექტროენერგიის ფასის პროგნოზია, რასაც ამ ეტაპზე ვერ აკეთებენ. #ახალიამბები #BusinessMediaGeorgia
რატომ გაჭიანურდა ახალი ზოოპარკის პროექტი? ზურაბ გურიელიძე - თბილისის ზოოპარკის დირექტორი; #ახალიამბები #BusinessMediaGeorgia
საქართველოში, დაახლოებით ერთი მილიონი ადამიანი სათამაშო ბიზნესით ვეღარ ისარგებლებს - ასეთია იმ კანონპროექტის მიზანი, რომლის წარდგენას მთავრობა უახლოეს დღეებში პარლამენტში გეგმავს. მოსალოდნელი შეზღუდვები ასეთია - 25 წლამდე პირები ვერც ონლაინ და ვერც ფიზიკურად შეძლებენ კაზინოებით სარგებლობას; ონლაინ კაზინოების საგადასახადო ტვირთი დაახლოებით 70%-ით გაიზრდება. გარდა ამისა, სოციალურად დაუცველებსა და საჯარო მოხელეებს სათამაშო ბიზნესით სარგებლობა აღარ შეეძლებათ. ასევე, შესაძლებელი იქნება სასამართლოს ნებართვის საფუძველზე ოჯახის წევრისთვის კაზინოებით სარგებლობის აკრძალვაც. ამ ყველაფერს სარეკლამო ბაზარზე შეზღუდვებიც ემატება. როგორ გააკონტროლებს მთავრობა კანონის აღსრულებას, ასევე რამდენად მზად არის სათამაშო ბიზნესი ცვლილებებისთვის? #ახალიამბები #BusinessMediaGeorgia
საქართველოში, დაახლოებით ერთი მილიონი ადამიანი სათამაშო ბიზნესით ვეღარ ისარგებლებს - ასეთია იმ კანონპროექტის მიზანი, რომლის წარდგენას მთავრობა უახლოეს დღეებში პარლამენტში გეგმავს. მოსალოდნელი შეზღუდვები ასეთია - 25 წლამდე პირები ვერც ონლაინ და ვერც ფიზიკურად შეძლებენ კაზინოებით სარგებლობას; ონლაინ კაზინოების საგადასახადო ტვირთი დაახლოებით 70%-ით გაიზრდება. გარდა ამისა, სოციალურად დაუცველებსა და საჯარო მოხელეებს სათამაშო ბიზნესით სარგებლობა აღარ შეეძლებათ. ასევე, შესაძლებელი იქნება სასამართლოს ნებართვის საფუძველზე ოჯახის წევრისთვის კაზინოებით სარგებლობის აკრძალვაც. ამ ყველაფერს სარეკლამო ბაზარზე შეზღუდვებიც ემატება. როგორ გააკონტროლებს მთავრობა კანონის აღსრულებას, ასევე რამდენად მზად არის სათამაშო ბიზნესი ცვლილებებისთვის? #ახალიამბები #BusinessMediaGeorgia
საპენსიო სააგენტო საინვესტიციო მანდატის გაზრდას ითხოვს და მთავრობასთან და ეროვნულ ბანკთან მუშაობას იწყებს. სააგენტოს მესვეურებს სურთ, შერბილდეს დაწესებული შეზღუდვები და საპენსიო დანაზოგების ინვესტირება უფრო მეტ ფინანსურ არხში შეძლონ, რაც მეტი სარგებლის მიღების შესაძლებლობას მისცემს დაგროვებით საპენსიო სქემაში ჩართულ პირებს - მარტივად რომ ვთქვათ, მეტი პენსიის დაგროვებას შეძლებენ. სად არის დაბანდებული დღეს საპენსიო დანაზოგები და რა მიმართულებით ითხოვს საპენსიო სააგენტო მანდატის გაფართოვებას? #ახალიამბები #BusinessMediaGeorgia