რუსეთისთვის დაწესებული სანქციები, როგორც შესაძლებლობა საქართველოსთვის. ყოველდღიურად იზრდება იმ კომპანიენის რიცხვი, რომლებიც რსუეთში მუშაობას აჩერებენ ან წარმოებას სრულად ხურავენ. საინვესტიციო ბანკ Galt&Taggart;-ში ამბობენ, რომ ამ კომპანიებმა შესაძლოა საქართველოში გადმოინაცვლონ და ინტერესი ჩვენი ქვეყნის მიმართ უკვე არსებობს. კვლევების დეპარტამენტის უფროსი მიიჩნევს, რომ ამის ხარჯზე არსებობს შანსი, საქართველოში პირდაპირი უცხოური ინვესტიციები გაიზარდოს. #ახალიამბები #BusinessMediaGeorgia
ინფორმაციის თავისუფლების განვითარების ინსტიტუტმა" (IDFI) საქართველოში რუსული კაპიტალის შესახებ კვლევის პრეზენტაცია გამართა. როგორც არასამთავრობო ორგანიზაციაში აცხადებენ, კვლევის ფარგლებში გამოვლინდა, რომ საქართველოში რუსული მსხვილი კომპანიები წარმოდგენილი არიან კავშირგაბმულობის, ბუნებრივი რესურსების, საბანკო სექტორსა და მობილური ოპერატორების სფეროებში. მათივე განმარტებით, კვლევის შედეგად ასევე გამოიკვეთა კავშირები მსხვილ რუსულ კომპანიებთან და ინდივიდებთან, მაგალითად, "როსტელეკომი", "გაზპრომი" და მიხაილ ფრიდმანი. ორგანიზაციაში აღნიშნავენ იმასაც, რომ რუსულ ბიზნესებში მყოფი პირები არიან „ქართული ოცნების" შემომწირველთა სიებში და გამარტივებული წესით იგებენ სახელმწიფო ტენდერებს.#ახალიამბები #BusinessMediaGeorgia
იხსენება თუ არა საექსპორტო გადასახადი რუსულ ხორბალზე?! ეკონომიკის მინისტი ლევან დავითაშვილი ამბობს, რომ ხორბლისა და ფქვილის მოწოდების პრობლემა არ იქნება, პირიქით, საუბარია, რომ საექსპორტო გადასახადი, რომელიც ხორბალს ზღუდავდა, მოიხსნას. თუმცა დეტალებზე არ უსაუბრია , ელენე გოგბერაშილი ცდილობდა დღეს მთელი დღის განმავლობაში თემის გარკვევას , რადგან რუსულ ხორბლაზე საექსპორტო გადასახის მოხსნა მხოლოდ რუსეთის სახელმწიფოს შეუძლია.#ახალიამბები #BusinessMediaGeorgia
იხსენება თუ არა საექსპორტო გადასახადი რუსულ ხორბალზე?! ეკონომიკის მინისტმა “Palitra News”-ის ეთერში განაცხადა, რომ ხორბლისა და ფქვილის მოწოდების პრობლემა არ იქნება, პირიქით, საუბარია, რომ საექსპორტო გადასახადი, რომელიც ხორბალს ზღუდავდა, მოიხსნას. თუმცა დეტალებზე არ უსაუბრია. საქმის კურსი ამ დრომდე ცდილობს თემის გარკვევას , რადგან რუსულ ხორბლაზე საექსპორტო გადასახის მოხსნა მხოლოდ რუსეთის სახელმწიფოს შეუძლია. ამასთან, ლევან დავითაშვილი რუსეთის წინააღმდეგ დაწესებულ სანქციებსაც შეეხო და თქვა, რომ საერთაშორისო საზოგადოების მიერ რუსეთიდან ნავთობპროდუქტები, ენერგომატარებლები და აგრო-სასურსათო პროდუქტები არ არის სანქცირებული და სანქცირების გადაწყვეტილება რამდენიმე ქვეყანამ მიიღო, მათ შორის აშშ-მა. #ახალიამბები #BusinessMediaGeorgia
“გვინდა, ყველას გავუცრუოთ იმედები და სრული პასუხისმგებლობით განვაცხადოთ, რომ „ჯორჯიან ეარვეისს“ საგადახდო ბარათი МИР-ის მეშვეობით დღემდე არცერთი ბილეთი არ გაუყიდია.” - ასე ეხმაურება ქართული ავიაკომპანია პროტესტს და საზოგადოების ნაწილის შეშფოთებას, რომელიც რუსული საგადახდო სისტემის მეშვეობით, კომპანიის ავიაბილეთების შეძენის შესაძლებლობას მოჰყვა. მინიმუმ ცოტა გაუგებარია წინადადება “გვინდა, ყველას გავუცრუოთ იმედები”, ისევე როგორც ამ წუთამდე გაუგებარია ვინ და რატომ დაამატა საგადახდო სისტემა “მირი”, შესაძლებელია თუ არა ბილეთის შეძენა ამ გზით და ა.შ.#ახალიამბები #BusinessMediaGeorgia
რუსეთის ცენტრალური ბანკი რუბლის რეკორდული გაუფასურების ფონზე, “კაპიტალის კონტროლის” მექანიზმებს ამკაცრებს. დღეს გამოქვეყნებული გადაწყვეტილებიდან ირკვევა, რომ კომერციულ ბანკებს შეეძლებათ მომხმარებლის დეპოზიტებიდან მაქსიმუმ 10,000 დოლარის გაცემა. ამასთან, ბანკები 9 სექტემბრამდე მოქალაქეებს ვალუტას არ მიჰყიდიან, თუმცა თუ მათ უკვე აქვთ უცხოური ვალუტა, შეძლებენ შეუზღუდავად მათ რუბლებში გადაცვლას. რა ხდება ამ დროს საქართველოში, სადაც ბოლო პერიოდში შემოსული რუსეთის მოქალეების რიცხვი საგრძნობლად გაიზარდა , რა ვალუტა შემოაქვთ მათ საქართველოში და გეგმავს თუ არა ქვეყანა რუსეთის მსგავსი შეზღუდვების დაწესებას სავალუტო კონვერტაციებზე?#ახალიამბები #BusinessMediaGeorgia
საქართველოში გარკვეული პროდუქტების პანიკური შესყიდვა დაიწყო, მაგალითად შაქრის, ფქვილის და ასე შემდეგ. რატომ გადაწყვიტეს მომხმარებლებმა დღეს დილიდან აბსოლუტურად უსაფუძვლო შესყიდვების განხორციელება?! მითუმეტეს ხელოვნურად შექმნილი დეფიციტი, ისედაც გაზრდილი ფასების მატებას გამოიწვევს. რეალურად დგას თუ არა მარაგების პრობლემა, ან მომავალში რამდენად მოსალოდნელია შაქრის ან სხვა სამომხმარებლო პროდუქტების დეფიციტი, ანუკა ჯოხაძემ იმუშავა თემაზე…#ახალიამბები #BusinessMediaGeorgia
ქართულ ბაზარზე მომხმარებელმა პროდუქციის აჟიოტაჟური შესყიდვები დაიწყო, არამხოლოდ შაქრის, არამედ სხვა პროდუეტქბისაც. რეალურად დგას თუ არა პროდუქციის დეფიციტის პრობლემა? #ახალიამბები #BusinessMediaGeorgia
საერთაშორისო ბაზარზე ნავთობის ღირებულება ისტორიულ რეკორდს ხსნის. 2008 წლის შემდეგ ბირჟებზე ნავთობის ფასი პირველად გასცდა 120 დოლარიან ნიშნულს. შესაბამისად გაძვირდა ნავთობპროდუქტებიც. გამონაკლისი არც საქართველოს ბაზარია, რომელიც სრულად იმპორტზეა დამოკიდებული. გარდა საერთაშორისო ბირჟებზე არსებული სიტუაციისა, საწვავის ფასზე ნეგატიურად აისახება გაუფასურებული ლარიც. რა ღირს საცალო ქსელებში საწვავი და რა პროგნოზებს აკეთებენ სპეციალისტები? #ახალიამბები #BusinessMediaGeorgia
ბოლო ერთ კვირაში არმატურაზე ფასი 200 დოლარით გაიზარდა, რასაც სამშენებლო კომპანიები უკრაინიდან იმპორტის შეზღუდვას უკავშირებენ. სამშენებლო კომპანიები ამბობენ, რომ დღეს იმპორტირებული არმატურის ფასი 1000 დოლარს აჭარბებს. რა მოლოდინები აქვთ დეველოპერულ კომპანიებს და გეგმავენ თუ არა ისინი უძრავ ქონებზე ფასების ზრდას? #ახალიამბები #BusinessMediaGeorgia
როცა გვიჭირს, მაშინ უნდა “შევჭამოთ” რეზერვები - ასე ეხმუარება ბიზნესმენი ლაშა პაპაშვილი ლარი კურსის მკვეთრ გაუფასურებას. პაპაშვილი ეროვნულ ბანკს მიმართავს და ლარის კურსის სტაბილიზაციისთვის, მას სავალუტო ბაზარზე ინტერვენციების განხორციელებისკენ მოუწოდებს. მისი თქმით, ფართო საზოგადოებისთვის უფრო მარტივ ენაზეც შეუძლია ამაზე საუბარი და ის ეროვნული ბანკის სავალუტო რეზერვებს ზამთრისთვის მომზადებულ მურაბას ადარებს. “უნდა ვუშველოთ ეროვნულ ბანკს, რომ გავაგებინოთ ქვეყნის მცხოვრებლებმა, რომ თავისი არ არის ეს რეზერვები. ეს არის აბსოლუტურად ჩვენი თითოეული მოქალაქის დანაზოგი, სებ-ს ჰგონია, რეზერვი ჩემიაო და თავისი არ არის, ჩემია, თქვენია და როცა გვიჭირს უნდა "შევჭამოთ" ეს რეზერვი.”- აცხადებს პაპაშვილი. საქართველოს ეროვნულ ბანკს 2022 წელს ჯერ სავალუტო ინტერვენცია არ განუხორციელებია. 2021-ში კი სებ-მა 9 ინტერვენციით 332.9 მილიონი დოლარი გაყიდა. ეროვნული ბანკის მონაცემებით, 2022 წლის იანვრის მდგომარეობით საქართველოს სავალუტო რეზერვების მოცულობა $4,078,074,900-ს შეადგენს. #ახალიამბები #BusinessMediaGeorgia
ბლუმბერგის სავაჭრო სისტემაში ერთი დოლარის ღირებულება ამ დროისთვის 3.43 თეთრია. რაც შეეხება ოფიციალურ კურსს ამ დროისთვის ის 3.4 ლარია. გუშინ მინისტრთა კაბინეტის წევრებმა ლარის გაუფასურება ემოციური ფონით ახსენეს. ეკონომიკის მინისტრმა განმარტა, რომ ლარის კურსზე გავლენას ემოციური ფაქტორი ახდენს და რაიმე ობიექტური მიზეზი არ არსებობს. ლევან დავითაშვილმა მოსახლეობას სიმშვიდისკენ მოუწოდა. “ეს არის ის ემოციური ფონი, რომელიც ეკონომიკაში გადადის” - დარწმუნებული ვარ კოორდინირებულად, მათ შორის მთლიანად საზოგადოება, რადგან ამას მხოლოდ ფინანსური ინსტიტუტები, ან მხოლოდ ეროვნული ბანკი ვერ გააკეთებს, მოვახერხებთ იმას, რომ ლარი თავის წონასწორობის ნიშნულ ნახავს. ეს მერყეობა დასტაბილურდება და ლარის კურსი მშვიდ რეჟიმში იქნება“, - განმარტა მინისტრმა. არის თუ რა ეს მხოლოდ ემოციური ფონი? სტუმარი: ირაკლი ჟვანია - ბიზნეს საკონსულტაციო კომპანიის „ქუდოს ჯორჯია“-ს მმართველი პარტნიორი; #ახალიამბები #BusinessMediaGeorgia
წლების წინ საქართველოში აეროდრომების გახსნა განიხილებოდა კახეთში, თუშეთსა და ანაკლიაშიც, პროექტების ანონსები ანონსებად დარჩა. რომელი პროექტების განხორციელება გადაიფიქრა მთავრობამ და ხვდება თუ არა დღეს რომელიმე აეროდრომი პრიორიტეტული პროექტების ნუსხაში დღესაც? #ახალიამბები #BusinessMediaGeorgia
რუსეთ-უკრაინის ომის გავლენა უკვე სახეზეა, თუნდაც ლარის კურსზე. ტურიზმზე, ფულად გადმორიცხვებზე და სხვა მიმართულებებზე კი ოდნავ მოგვიანებით ვიგრძნობთ. მიუხედავად ამისა საქართველლოს პრემიერს მთავრობის სხდომაზე დღეს არაფერი უთქვამს, ყოველ შემთხვევაში საჯაროდ, რა გავლენა შეიძლება ჰქონდეს რუსეთ-უკრაინის ომს საქართველოს ეკონომიკაზე, ან როგორ აზღვევს მთავრობა სხვადასხვა რისკს, განსაკუთრებით იმ პოზიციის გათვალისწინებით, რაც საერთაშორისო სანქციებთან დაკავშირებით ხელისუფლებას აქვს. ამიტომ ამ მიმართულებით კითხვები დღეს მედიამ ვიცეპრემიერს დაუსვა. #ახალიამბები #BusinessMediaGeorgia
ტურიზმის ინდუსტრიის წარმომადგენლები მოვითხოვთ მოკლევადიანი სავიზო რეჟიმის შემოღებას რუსეთის მოქალაქეების მიმართ - ამ მოთხოვნით ბიზნესი პარლამენტის თავმჯდომარეს მიმართავს. განცხადებას საქართველოს ტურიზმის ინდუსტრიის ალიანსის წევრი ორგანიზაციები ავრცელებენ, რომელსაც ხელს 30-მდე კომპანია აწერს. სტუმარი: თამარ თანდაშვილი - ავიაკომუნიკატორის დამფუძნებელი; #ახალიამბები #BusinessMediaGeorgia
ბლუმბერგის სავაჭრო სისტემაში ლარი უფასურდება. ერთი დოლარის ღირებულება ამ დროისთვის 3.42 თეთრია. ვაჭრობა კი 3 და 35-ზე გაიხსნა. პარასკევის ვაჭრობის შედეგად ოფიციალური კურსი დოლართან მიმართებით 3 ლარი და 27 თეთრია. ეროვნული ვალუტის მკვეთრი მერყეობა დიდწილად რუსეთ-უკრაინის ომის გამოძახილია. ლართან დაკავშრებით განცხადება დღეს ეკონომიკის მინისტრმა მთავრობის სხდომის შემდეგ გააკეთა. #ახალიამბები #BusinessMediaGeorgia
დღის სხვა სიახლეები სამომხმარებლო და იპოთეკური სესხების გაცემის წესში ცვლილებები შედის. 1000 ლარიდან 1500 ლარამდე იზრდება სესხის მომსახურების კოეფიციენტის 25%-იანი მოთხოვნა. გარდა ამისა იცვლება იპოთეკური სესხით სარგებლობის პირობებიც. ახალი რეგულაციით, ბანკებს მსესხებლის გადახდისუნარიანობის შეფასების დროს კრედიტის საპროცენტო განაკვეთის შოკის რისკის ალბათობის გათვალისწინებაც მოუწევთ.#ახალიამბები #BusinessMediaGeorgia
რუსეთის მოქალაქეებს საქართველოში უძრავი ქონების ყიდვა უნდა აეკრძალოთ - ამის შესახებ განცხადება RE/MAX Capital ის მმართველმა პარტნიორმა მარიამ ასათიანმა გააკეთა. ასათიანი ამბობს, რომ ამ საკითხს სახელმწიფოს მხრიდან სპეციალური რეგუალცია სჭირდება. სტუმარი: მარიამ ასათიანი - „რემაქს კაპიტალი“ დამფუძნებელი; #ახალიამბები #BusinessMediaGeorgia
თებერვალში საქართველოში 13.7%-იანი ინფლაცია დაფიქსირდა. საქსტატის ცნობით, ფასები გაზრდილია თითქმის ყველა სამომხმარებლო საქონელზე, დაწყებული სურსათით, დამთავრებული ტრანსპორტით. ერთ-ერთი სამომხმარებელო ჯგუფი, სადაც წინა წელთან შედარებით ფასებმა 1.6%-ით დაიკლო ტანსაცმელია. რას უკავშირებს ბიზნესი პროდუქციის გაძვირებას და რა პროგნოზები აქვთ მათ მომდევნო თვეებთან დაკავშირებით?#ახალიამბები #BusinessMediaGeorgia
სოლომონ პავლიაშვილი გარემოს დაცვისა და სოფლის მეურნეობის მინისტრის მოადგილე ლევან ვეფხვაძე - საქართველოს ბიზნესასოციაციის აღმასრულებელი დირექტორი ვანო მთვრალაშვილი - ნავთობიმპორტიორთა ასოციაციის გამგეობის თავმჯდომარე გივი კალანდაძე - ააიპ "ჯორჯია ფლასის” თავმჯდომარე#ახალიამბები #BusinessMediaGeorgia
როგორია საქარველოში რუსული კომპანიების კონცენტრაცია და რამდენადაა დამოკიდებული ქართული ეკონომიკა ოკუპანტ სახელმწიფოზე. კვლევა ამ თემებზე საერთაშორისო გამჭირვალობა საქართველომ გააკეთა. #ახალიამბები #BusinessMediaGeorgia
შევხვდებით თუ არა EuroBasket 2022 ახალი სპორტის სასახლით ?#ახალიამბები #BusinessMediaGeorgia
ფაქტია, რუსეთ-უკრაინის ომი საქართველოზეც აისახება - გვინდა ეს თუ არა. უპირველესი დადასტურება კი ეროვნული ვალუტაა, რომელიც დღევანდელი ვაჭრობის შედეგადაც ერთბაშად 5 თეთრით გაუფასურდა. ერთი დოლარი 3 ლარი და 20 თეთრი გახდა. რუსეთის მიერ უკრაინაში შეჭრასა და სამხედრო დაპირისპირებას გავლენა საქართველოს ეკონომიკაზე მომდევნო პერიოდშიც ექნება - ყველაფერი დამოკიდებულია იმაზე, როდის დასრულდება საბრძოლო მოქმედებები. თიბისი კაპიტალმა კონფლიქტის განვითარების სხვადასხვა სცენარი დაუშვა და დათვალა, რამდენად დაზარალდება საქართველოს ეკონომიკა? სტუმარი: ოთარ ნადარაია - თიბისის მთავარი ეკონომისტი #ახალიამბები #BusinessMediaGeorgia
საქართველოს ორ უმსხვილეს სავაჭრო პარტნიორს შორის ომია, ამიტომ ბუნებრივია ეკონომიკური ფასის გადახდა საქართველოსაც მოუწევს. რუსეთი საქართველოსთვის ნომერ მეორე სავაჭრო პარტნიორია, უკრაინა კი რიგით მეექვსე. რიცხვები რეალობას მარტივად დაგვანახებს - საქართველოს მთლიანი სავაჭრო ბრუნვა გასულ წელს 14 მილიარდ 300 მილიონ დოლარი იყო, საიდანაც ამ ორ ქვეყანაზე 2.3 მილიარდი დოლარი მოდიოდა. რა ეკონომიკური გავლენა ექნება რუსეთ-უკრაინის ომს საქართველოზე, ამაზე დღეს მთავრობის სხდომის დასრულების შემდეგ ეკონომიკის მინისტრმა ისაუბრა. #ახალიამბები #BusinessMediaGeorgia
სემეკმა "თელასსა" და თელმიკოში დარღვევები აღმოაჩინა. საქართველოს ენერგეტიკისა და წყალმომარაგების მარეგულირებელი ეროვნული კომისია სწორედ დღეს ისმენს კომპანიების შემოწმების შედეგებს, რომელიც 3 თებერვალს დაიწყო. მიზეზი მოქალაქეების საჩივრები იყო, სადაც აბონენტები ამბობდნენ, რომ მათ ელექტროენერგიის არაადეკვატურად გაზრდილი გადასახადი მიუვიდათ. რა გადაწყვეტილება მიიღო სემეკმა და დაჯარიმდებიან თუ არა თელმიკო და თელასი? სტუმარი: დავით ნარმანია - სემეკის თავმჯდომარე; #ახალიამბები #BusinessMediaGeorgia
მეცხრე წელია საქართველო ელექტრონული კომერციის შესახებ კანონის მიღებისთვის ემზადება. არაერთხელ შეცვლილმა დოკუმენტმა პარლამენტში დამტკიცებამდე ვერ მიაღწია. პანდემიამ ონლაინ ვაჭრობის მნიშვნელობა დაგვანახა, მაგრამ პროცესი ისევ ნელი ნაბიჯებით მიმდინარეობს. ეკონომიკის სამინისტრომ კანონპროექტი მოამზადა, რომელიც ცვლილებებს რამდენიმე სხვა კანონშიც ითვალისწინებს.#ახალიამბები #BusinessMediaGeorgia
საქართველოში ხორბლის მარაგები მინიმუმამდე შემცირდა. რუსეთის მხრიდან დაწესებული საბაჟო ტარიფების გამო ხორბლის იმპორტი ფაქტობრივად განულებულია, სამაგიეროდ რეკორდულად არის გაზრდილი ფქვილის იმპორტი. წისქვილკომბინატების ნაწილი დაიხურა, ახლა კერძო სექტორი მთავრობის გადაწყვეტილებას ელის, თუ როგორ დაიცავს ადგილობრივ ბაზარს არათანაბარი კონკურენციისგან. არაპროგნოზირებად გარემოს ქმნის რუსეთ-უკრაინის კონფლიქტიც.#ახალიამბები #BusinessMediaGeorgia
მეცხრე წელია საქართველო ელექტრონული კომერციის შესახებ კანონის მიღებისთვის ემზადება. არაერთხელ შეცვლილმა დოკუმენტმა პარლამენტში დამტკიცებამდე ვერ მიაღწია. პანდემიამ ონლაინ ვაჭრობის მნიშვნელობა დაგვანახა, მაგრამ პროცესი ისევ ნელი ნაბიჯებით მიმდინარეობს. ეკონომიკის სამინისტრომ კანონპროექტი მოამზადა, რომელიც ცვლილებებს რამდენიმე სხვა კანონშიც ითვალისწინებს.#ახალიამბები #BusinessMediaGeorgia
საქართველოში ხორბლის მარაგები მინიმუმამდე შემცირდა. რუსეთის მხრიდან დაწესებული საბაჟო ტარიფების გამო ხორბლის იმპორტი ფაქტობრივად განულებულია, სამაგიეროდ რეკორდულად არის გაზრდილი ფქვილის იმპორტი. წისქვილკომბინატების ნაწილი დაიხურა, ახლა კერძო სექტორი მთავრობის გადაწყვეტილებას ელის, თუ როგორ დაიცავს ადგილობრივ ბაზარს არათანაბარი კონკურენციისგან. არაპროგნოზირებად გარემოს ქმნის რუსეთ-უკრაინის კონფლიქტიც.#ახალიამბები #BusinessMediaGeorgia
სადაზღვევო სექტორს საყოველთაო ჯანდაცვის სისტემის შეცვლის ინიციატივა აქვს. კერძო სექტორს მიაჩნია, რომ საბიუჯეტო სახსრები უფრო მიზნობრივად დაიხარჯება, თუ სისტემაში სადაზღვევო კოპმანიები ჩაერთვებიან. ინიციატივის მიხედვით დასაქმებულების და მათი ოჯახის წევრების დაზღვევა სავალდებულო უნდა გახდეს. რა სქემებზეა საუბარი? სტუმარი: სოფო ლებანიძე - “პე ეს პე” დაზღვევის გენერალური დირექტორი; #ახალიამბები #BusinessMediaGeorgia
DW-ის ინფორმაციით, გერმანიის კანცლერმა ოლაფ შოლცმა დღეს განაცხადა, რომ გერმანიამ გადადგა ნაბიჯები Nord Stream 2 გაზსადენის სერტიფიცირების პროცესის შესაჩერებლად. მან ჟურნალისტებს განუცხადა, რომ მისი მთავრობა იღებს ზომებს უკრაინაში რუსეთის აგრესიული ქმედებების საპასუხოდ. სანქციების დაწესება დაიწყო ამერიკის შეერთებულმა შტატებმაც. ჯო ბაიდენმა ხელი მოაწერა განკარგულებას რუსეთის მიერ აღიარებული ე.წ. დონეცკის და ლუგანსკის სახალხო რესპუბლიკების წინააღმდეგ სანქციების დაწესების შესახებ. პროცესები უკიდურესად დაძაბულია და ყველა მხარეს მოუწევს ეკონომიკური ფასის გადახდა, მათ შორის საქართველოს… რუსეთი ნომერ მეორე, უკრაინა კი ნომერ მეექვსე სავაჭრო პარტნიორია ჩვენი ქვეყნისთვის… რა პროგნოზები კეთდება? #ახალიამბები #BusinessMediaGeorgia
საქართველოში 1 მარტიდან კოვიდ რეგულაციების დიდი ნაწილი იხსნება. დღეს საკორდინაციო საბჭომ მოსახლეობას უთხრა, რომ პანდემიის მწვავე ფაზა გადავლილია. როგორც საბჭოს წევრები ამბობენ, გადაწყვეტილება საერთაშორისო გამოცდილებას და ქვეყანაში ომიკრონის ტალღის დაღმავალ ტემპს უკავშირდება. ძალაში რჩება პირბადის ტარების მაჩვენებელი, თუმცა საბჭოს წევრები არ გამორიცხავენ რომ ღია სივრცეში პირბადის ტარების ვალდებულებების გადახედვა მოხდეს. როგორ აფასებენ ჯანდაცვის სპეციალისტები გადაწყვეტილებას იმ ფონზე, როცა ქვეყანაში ვაქცინაციის მაჩვენებელი 43%იან ნიშნულს ვერ გასცდა. #ახალიამბები #BusinessMediaGeorgia
რუსეთის პრეზიდენტმა ვლადიმერ პუტინმა უკრაინის რეგიონების, დონეცკისა და ლუგანსკის ე.წ. დამოუკიდებლობა აღიარა, მოგვიანებით კი განკარგულება გასცა, ე.წ. სახალხო რესპუბლიკებში მშვიდობის მხარდაჭერის მიზნით, რუსეთის შეიარაღებულმა ძალებმა „უზრუნველყონ მშვიდობა“. ეს ამბავი 21 თებერვლით თარიღდება, გუშინდელია, მაგრამ დიდწილად განსაზღვრავს მომავალს, არამარტო უკრაინის, ან საქართველოს, საუბარია მსოფლიოს მომავალზე. ვლადიმერ პუტინის გადაწყვეტილებას, რომელსაც ამერიკის შეერთებული შტატების სახელმწიფო მდივანი, ენტონი ბლინკენი პროგნოზირებადს და სამარცხვინოს უწოდებს, სხვა მნიშვნელოვან გავლენებთან ერთად, მძიმე სავაჭრო ეკონომიკური შედეგებიც ექნება, მაშ შორის ჩვენთვის. როგორ გამოიყურებოდა საქართველო უკრაინის ეკონომიკური ურთიერთობები: 2021 წლის განმავლობაში საქართველოდან უკრაინაში ექსპორტი 41%-ით გაიზარდა და $307 მილიონი დოლარი გახდა, რაც ამ ქვეყანაში ექსპორტის მაქსიმალური მაჩვენებელია. ასევე 15.6%-ით გაიზარდა იმპორტი და ის 451 მილიონი დოლარი გახდა. უკრაინიდან იმპორტი მაქსიმალური 2013 წელს იყო და $600 მილიონს შეადგენდა. მთლიანობაში უკრაინა საქართველოს რიგით მეექვსე უმსხვილესი სავაჭრო პარტნიორია. რაც შეეხება უკრაინასთან სხვა ეკონომიკურ კავშირებს, ფულადი გზავნილების სახით 2021 წელს $92.7 მილიონი გადმოირიცხა, რითიც უკრაინამ რიგით მერვე ადგილი დაიკავა. 2021 წლის 9 თვეში საქართველოში უკრაინიდან $6.4 მილიონის FDI შემოვიდა, რითიც ტოპათეულს მიღმა იყო, ხოლო ვიზიტორების რაოდენობით, უკრაინამ გასულ წელს მეხუთე ადგილი დაიკავა, რადგანაც ქვეყანას 144,900 უკრაინელი ვიზიტორი სტუმრობდა. ეს მთლიანად ვიზიტორთა ნაკადის 8.4% იყო. სტუმარი: ვალერი ჩეჩელაშვილი - საქართველოს ყოფილი ელჩი უკრაინასა და რუსეთში; #ახალიამბები #BusinessMediaGeorgia
იანვარში საგარეო ვაჭრობამ საქართველოში მილიარდ 110 მილიონი დოლარი შეადგინა. აღნიშნული მაჩვენებელი რაც წინა წლის შესაბამის პერიოდთან შედარებით 41 პროცენტით მეტია. იმპორტი თითქმის 39%-იან მატებას აჩვენებს. თითქმის 48%-იანი ზრდაა ექსპორტის მიმართულებითაც. საქართველოდან უცხოეთში რეალიზებული საქონლის ღირებულებამ იანვარში 331 მილიონ დოლარს გადააჭარბა. აქედან 213 მილიონი ადგილობრივ ექსპორტზე მოდის - ეს არის ექსპორტი რეექსპორტის გარეშე. ეს მაჩვენებელიც იზრდება, წელს ადგილობრივმა ექსპორტმა მთლიანი ექსპორტის 70% შეადგინა. აღნიშნული მაჩვენებლები დღეს ეკონომიკის მინისტრმა მთავრობის სხდომის დასრულების შემდეგ შეაჯამა. #ახალიამბები #BusinessMediaGeorgia
ალბათ გახსოვთ 3 წლის წინ გამართული მასშტაბური პრეზენტაცია იმის შესახებ, საქართველო ელექტრომობილების მწარმოებელი და შემდეგ ექსპორტიორი რომ უნდა გამხდარიყო. თითქოს ინვესტორიც გვყავდა და გეგმებიც გაწერილი იყო, თუმცა როგორც ხშირად ხდება ხოლმე, პროექტის მიმართ განწყობები შეიცვალა. არის თუ არა სახელწმიფოს პრიორიტეტი ისევ ელექტრომობილების ქარხნის აშენება ქუთაისში და რატომ გაჭიანურდა პროექტი, რომელიც ჯერ კიდევ მამუკა ბახტაძის პრემიერობის დროს დაანონსდა? #ახალიამბები #BusinessMediaGeorgia
სავარაუდოდ, ქორწილების და ქელეხების გამართვაზე არსებული რეგულაცია მარტიდან შემსუბუქდება. bm.ge-სთან შრომის ინსპექციის უფროსი ბექა ფერაძე ადასტურებს, რომ ამ საკითხზე უწყებათშორისი საბჭო, დიდი ალბათობით ხვალ იმსჯელებს. ამ დროისთვის ქვეყანაში ქორწილის, ქელეხისა თუ სხვა ღონისძიების გამართვა დაშვებულია მხლოდ იმ შემთხვევაში თუ მონაწილეთა რაოდენობა არ აღემატება 10 ადამიანს. კანონდარღვევის შემთხვევაში ღონისძიებაზე მყოფი ყველა პირი 2000-ლარით, თავად იურიდიული პირი 10 000-ლარით ჯარიმდება . სტუმარი: სოფო ნაცვლიშვილი - „ქლიქ ივენთის“ დამფუძნებელი; #ახალიამბები #BusinessMediaGeorgia
ინფლაციის დასტაბილურება იქნება ჩვენი ერთერთი მიზანი - ასე პასუხობს ეკონომიკის მინისტრი საწვავის ფასებთან დაკავშირებით BM.GE-ს მიერ დასმულ შეკითხვას - აპირებს თუ არა მთავრობა საწვავის ფასზე გარკვეული ჭერის დაწესებას ან სუბსიდიას. #ახალიამბები #BusinessMediaGeorgia
კონკურენციის სააგენტო ნავთობკომპანიებს მოუწოდებს, რომ ფასის ზრდა/კლების წინასწარი დაანონსებისგან თავი შეიკავონ. სააგენტოში ფიქრობენ, რომ ეს შესაძლოა მოიცავდეს სენსიტიურ მონაცემებს. მეტიც ირაკლი ლექვინაძის უწყებამ დღეს ბიზნესი გააფრთხილა კიდეც - რომ გარკვეული ფაქტობრივი გარემოებების დადგომის შემთხვევაში, ამგვარი განცხადება შესაძლებელია განხილულ იქნეს, როგორც კონკურენციის კანონმდებლობის სავარაუდო დარღვევის რისკი. როგორც აფასებენ ნავთობიმპორტიორების კონკრურენციის სააგენტოს ამ “კეთილ რჩევას” და რა რისკებს ხედავს საწვავის ფასების წინასწარ პროგნოზირებაში თავდ კონკურენციის სააგენტო?#ახალიამბები #BusinessMediaGeorgia
კონკურენციის სააგენტო ნავთობკომპანიებს მოუწოდებს, რომ ფასის ზრდა/კლების წინასწარი დაანონსებისგან თავი შეიკავონ. სააგენტოში ფიქრობენ, რომ ეს შესაძლოა მოიცავდეს სენსიტიურ მონაცემებს. მეტიც ირაკლი ლექვინაძის უწყებამ დღეს ბიზნესი გააფრთხილა კიდეც - რომ გარკვეული ფაქტობრივი გარემოებების დადგომის შემთხვევაში, ამგვარი განცხადება შესაძლებელია განხილულ იქნეს, როგორც კონკურენციის კანონმდებლობის სავარაუდო დარღვევის რისკი. როგორც აფასებენ ნავთობიმპორტიორების კონკრურენციის სააგენტოს ამ “კეთილ რჩევას” და რა რისკებს ხედავს საწვავის ფასების წინასწარ პროგნოზირებაში თავდ კონკურენციის სააგენტო?#ახალიამბები #BusinessMediaGeorgia
17 თებერვალი ეკონომიკური და ბიზნეს თემებით დატვირთული დღე აღმოჩნდა, რაც პანდემიური ორი წლის პირობებში არც ისე ხშირია - ფინანსთა მინისტრი ლაშა ხუციშვილი „მინისტრის საათის“ ფორმატში პარლამენტის წინაშე ანგარიშით წარსდგა და დეპუტატების კითხვებსაც უპასუხა. ეკონომიკური ბლოკის კიდევ ერთი მინისტრი და პარალელურად ვიცე-პრემიერი ლევან დავითაშვილი კი სამშენებლო სექტორის წარმომადგენლებს შეხვდა და პრემიერის ახალი ინიციატივის შესახებ მეტი დეტალი გააცნო. „საქმიანი დილის“ სამშენებლო და უძრავი ქონების რუბრიკის წამყვანი თათია ჩაფიჩაძე მუშაობდა დღეს თემაზე და ახლა პირდაპირ ეთერში შემოგვიერთდება. თათია გისმენთ - რა გაიგო ბიზნესმა დღეს ამ პროგრამის შესახებ და ასევე, საინტერესოა მათი აღქმა - „მშენებლობა განვადებით“ - რა არის ამ პროგრამის მთავარი მიზანი - ეკონომიკის დაბუსტვა, სამუშაო ადგილების შექმნაში მონაწილეობა, რაც წესით მთავრობის საქმე არაა თუ სამშენებლო სექტორის მხარდაჭერა, რადგან კარგად ვიცით, შარშანდელი ორნიშნა ეკონომიკური ზრდისას ეს იყო ერთადერთი დარგი, სადაც კლება დაფიქსირდა...#ახალიამბები #BusinessMediaGeorgia
კობა გვენეტაძე: "ლარის კურსის მერყეობა იყო და იქნება" #ახალიამბები #BusinessMediaGeorgia
ქართულ ავიაბაზარზე ოპერირებას ახალი ავიაკომპანია Condor Airlines იწყებს.კომპანია პირდაპირ რეგულარულ ფრენებს ფრანკფურტი-თბილისი-ფრანკფურტის საჰაერო ხაზზე კვირაში ორი სიხშირით განახორციელებს. ბილეთების შეძენა ავიაკომპანიის ვებგვერდზე უკვე შესაძლებელია. დღეისათვის თბილისის საერთაშორისო აეროპორტიდან გერმანიის მიმართულებით ფრენებს ორი ავიაკომპანია Lufthansa და Eurowings ასრულებენ, ზაფხულის სეზონზე ბერლინის მიმართულებით ფრენების განახლებას Georgian Airways-ც გეგმავს.#ახალიამბები #BusinessMediaGeorgia
პირველი მარტიდან ქვეყანაში სათამაშო ბიზნესისთვის ახალი რეალობა დგება. ძალაში შედის ცვლილებები, რომელთა მიხედვითაც, იკრძალება აზარტული თამაშების რეკლამა. ასევე თამაშებში მონაწილეობის მიღება ეკრძალება მილიონამდე ადამიანს - 25 წლამდე მოქალაქეებს, სოცდაუცველ პირებს, საჯარო მოხელეებს, ასევე პირებს, რომლებიც თავადვე მიმართავენ შემოსავლების სამსახურს, რომ შეეზღუდოთ მსგავსი აქტივობა. მიუხედავად იმისა, რომ დაანონსებული ცვლილებები ჯერ ძალაში არ არის, ჩრდილოვანი ბიზნესი უკვე წახალისებულია. უკვე გაჩნდა ბაზარზე ექაუნთების, ანუ ანგარიშის გაქირავების სერვისი - ანუ თუ თქვენ აკრძალულთა სიაში მოყევით - არსებობენ ადამიანები, რომლებიც საკუთარ ექაუნთს მოგაქირავებენ. სასაცილოდ ჟღერს, თუმცა სათამაშო ბიზნესი ირწმუნება, რომ ეს უკვე რეალობაა.#ახალიამბები #BusinessMediaGeorgia
2022 წელსაც თბილისის მერიის ერთ-ერთი პრიორიტეტი ინფრასტრუქტურული პროექტებია, რომელშიც ყოველწლიურად მილიონობით ლარი იხარჯება. მიმდინარე წელს კალაძის მთავრობა იმ ინფრასტრუქტურული პროექტების გაცოცხლებას და განხორციელებასაც აანონსებს, რომელთა შესახებაც უკვე დიდი ხანია გვესმის და ვიცნობთ. რომელი გამზირების რეაბილიტაციაა მიმდინარე წელს გეგმაში და რომელი ინფრასტრუქტული პროექტის განხროციელებაზე ამბობს უარს წელსაც თბილისის მერია? ისევ არის თუ არა კონტრაქტორი კომპანიების მხრიდან ვადების დარღვევის პრობლემა და როგორია ამ მიმართულებით თბილისის მერიის პოლიტიკა? ანუკა ჯოხაძის კითხვებს თბილისის მერის მოადგილემ ირაკლი ბენდელიანმა უპასუხა.#ახალიამბები #BusinessMediaGeorgia
რა გავლენა ექნება დაანონსებულ ცვლილებებს მედიკამენტების ბაზარზე საქართველოში? პარლამენტი დაჩქარებულად განიხილავს „წამლისა და ფარმაცევტული საქმიანობის შესახებ“ კანონში შესატან ცვლილებებს. ამ თემაზე მსჯელობას დღეს ჯანდაცვის კომიტეტზე ხმაური მოჰყვა. დეპუტატი პარტია “გირჩიდან” კანონის შინაარსს ეწინააღმდეგება. კანონპროექტი ახალ ვალდებულებას აწესებს საქართველოში წამლების იმპორტიორებისთვის. მათ პროდუქციის შემოტანისას ე.წ. GMP სერთიფიკატი უნდა წარადგინონ, რაც კარგი საწარმოო პრაქტიკის დამადასტურებელია. ვახტანგ მეგრელიშვილი მიიჩნევს, რომ ეს დამატებითი ბარიერი იქნება კომპანიებისთვის და შესაძლოა არათუ გაიაფებამდე, პირიქით წამლების გაძვირებამდე მიგვიყვანოს. ჯანდაცვის სამინისტროს კი მიაჩნია, რომ GMP სტანდარტის მოთხოვნა აუცილებელია იმპორტიორებისთვის, რამდენადად მსგავსი რეგულაცია ადგილობრივი მწარმოებლებისთვის მიმდინარე წლიდან ამოქმედდება, ამიტომ საჭიროა, საერთო თამაშის წესები არსებობდეს. რამდენად საჭიროა კანონში დაგეგმილი ცვლილებები ფარმაცევტული ბაზრისთვის და მიგვიყვანს თუ არა უარეს შედეგებამდე რეგულაცია? სტუმარი: ლევან გოგიბერიძე - საქართველოს ფარმაცევტთა ასოციაციის ხელმძღვანელი; #ახალიამბები #BusinessMediaGeorgia
„თუ 2022 წლის პირველ კვარტალში ბიზნესის ჭკუაზე ვერ დავქოქეთ რაღაცეები, სწრაფი ეკონომიკური ზრდა გაჭირდება და ისევ ვიჩანჩალებთ“ – 2021 წლის ბოლოს ბიემჯისთან შემაჯამებელ ინტერვიუში ეს განაცხადი ბიზნესმენმა ლაშა პაპაშვილმა გააკეთა. მიმდინარე წლის პირველ კვარტალს თვენახევარში ჩავხურავთ, მაგრამ იქამდე მოკლედ, გავიხსენოთ, რა ხდებოდა წლის დასაწყისიდან, ვიდრე დღემდე: შედარებით ცხელი ამბებიდან საკადრო ცვლილებებია მთავრობის ეკონომიკურ გუნდში - ნათია თურნავა სახლში წავიდა თუ გაუშვეს, ლევან დავითაშვილმა ეკონომიკის მინისტრის პორტფელი ჩაიბარა და ვიცე პრემიერობა შეინარჩუნა, რითაც მეტად გამოიკვეთა მისი როგორც პრემიერ მინისტრის შემდეგ ეკონომიკური გუნდის კოორდინატორის როლი ამ ამპლუაში. გარემოს დაცვის და სოფლის მეურნეობის სამინისტროში მემკვიდრედ, ბუნებრივია პრემიერის ჩართულობით და გადაწყვეტილებით, თავისივე მოადგილე ოთარ შამუგია დატოვა.... ვერც იმას ვიტყვით, რომ ამ დროის განმავლობაში ბიზნესი ძალიან აქტიური იყო - მიზეზი ალბათ მაინც პანდემიის მორიგი ტალღაა და, ზოგადად იანვარი არც ეკონომიკურად არის აქტიური თვე, თუმცა აქტიურობდა და ცდილობს არ დაგდოს ტემპი პრემიერ-მინისტრმა. მართალია, 10-წლიანი განვითარების გეგმა, რომელიც 100 დღეში უნდა წარმოედგინა, გაერთიანებული სახით არსად ჩანს, მაგრამ ტემპს არ ეშვება, კვირიდან კვირამდე ახალ-ახალი ინიციატივებით გამოდის, ვციტირებ :„ამ სიტუაციაში გვჭირდება ეკონომიკური ზრდის ამაჩქარებლები და გარკვეული არაორდინალური ნაბიჯების გადადგმა“ - მიმართა გუნდს ირაკლი ღარიბაშვილმა მთავრობის სხდომაზე. რამდენად ხედავს ბიზნესი საქმეს ლაპარაკთან და ინიციატივებთან ერთად. ვინ არის ახალი ინიციატივების და იდეების გენერატორი - მთავრობა და თუ ბიზნესი და რამდენად დაიწყო საკითხების და თემების გადაწყვეტა, რომელიც თავის დროზე დროში იწელებოდა და არაერთხელ გამხდარა ბიზნესწრეების კრიტიკის საგანი. სტუმარი: ლაშა პაპაშვილი - ბიზნესმენი; #ახალიამბები #BusinessMediaGeorgia
ზამბარის ეფექტით და თან მოულოდნელად გაზრდილი ეკონომიკური აქტივობის შედეგად 2021 წელს საქართველოს ეკონომიკის 10.6%-ით ზრდის შემდეგ, პრემიერ-მინისტრი ირაკლი ღარიბაშვილი ცდილობს ტემპი არ დააგდოს და ახალ-ახალი ინიციატივით გამოდის. „ჩვენ გვჭირდება ეკონომიკის ამაჩქარებლები“ - თქვა მთავრობის გუშინდელ სხდომაზე და კიდევ ერთი ახალი პროგრამა დაანონსა. „მშენებლობა განვადებით“ - ასე შეიძლება ვუწოდოთ მოკლედ ინიციატივას, რომელიც როგორ ირაკლი ღარიბაშილმა გვითხრა, თავდაცვის მინისტრობისას გატესტა და იმუშავა. სქემა ასეთია - სამშენებელო ბიზნესს მთავრობა მისცემს გარანტირებულ დაკვეთას სხვადასხვა საჯარო ინფრასტრუქტურის აშენებისთვის, თანხას კი გადაიხდის განვადებით 5-6 წლის განმავლობაში. მიზანი დიადია - წელსვე 500 მილიონიდან 1 მილიარდამდე ლარის ჩასხმა ეკონომიკაში, რაც ირაკლი ღარიბაშვილის გათვლებით - 1-დან 2%-მდე დამატებითი ეკონომიკური ზრდის მომტანი იქნება. როგორ აფასებს და რა მოლოდინი აქვს ბიზნესს? სტუმარი: ანა საბახტარიშვილი - ინფრასტრუქტურის მშენებელთა ასოციაციის დირექტორი; #ახალიამბები #BusinessMediaGeorgia
უწყებათაშორის საკოორდინაციო საბჭოს მორიგი სხდომა რამდენიმე წუთის წინ დასრულდა. “გადავდივართ „ომიკრონის“ ტალღის პიკს და ვფიქრობთ, ამ კვირის განმავლობაში შემთხვევების რაოდენობის კლება უნდა გვქონდეს“, - უთხრა დღეს ჟურნალისტებს დაავადებათა კონტროლის ეროვნული ცენტრის დირექტორმა ამირან გამყრელიძემ. კიდევ რა განცხადებები გაკეთდა სხდომის შემდეგ? #ახალიამბები #BusinessMediaGeorgia
საერთაშორისო გადაზიდვების განმახორციელებელი კომპანიები ბუნდოვან სანებართო პირობებზე და არასამართლიან კონკურენტულ გარემოზე საუბრობენ. შესაბამისი კვლევა გასული კვირის ბოლოს სატრანსპორტო დერეფნის კვლევის ცენტრის დირექტორმა წარადგინა. პაატა ცაგარეიშვილი ამბობს, რომ კონკრეტულ ქვეყნებთან ნებართვების ნაწილში დაწესებული კვოტა ტვირთბრუნვის გაზრდის ფონზე საკმარისი აღარ არის, შესაბამისად, ავტოგადამზიდავებს 1 ან 2 თვიანი წყვეტა აქვთ, რაც გადაზიდვების პროცესს აფერხებს. კომპანიები მთავრობას პროცესში ჩართვისკენ მოუწოდებენ. #ახალიამბები #BusinessMediaGeorgia
საქართველოს მთავრობა მარტიდან სოციალური შემწეობის მიმღები პირების დასაქმების პროგრამას იწყებს. როგორც მთავრობის მეთაურმა დღეს განმარტა, ამ გზით სახელმწიფო ცდილობს 18 წლიდან საპენსიო ასაკამდე 200 000 შრომისუნარიანი მოქალაქის ეკონომიკაში ჩართვას, რა მიზნითაც სამინისტროები წელს მინიმუმ 50 000 სამუშაო ადგილის მობილიზებას უზრუნველყოფენ. გარდა იმისა, რომ პროგრამაში ჩართულ მოქალაქეებს 4 წლის განმავლობაში საარსებო შემწეობა შეუნარჩუნდებათ, ხელფასთან ერთად ისინი დამატებით სახელმწიფოსგან 300 ლარს მიიღებენ. დღეს ამ თემაზე მთავრობის სხდომის დასრულების შემდეგ საკმაოდ ვრცელი განმარტებები გაკეთდა. #ახალიამბები #BusinessMediaGeorgia