გვიან ღამით დასრულდა დარგობრივი ეკონომიკის კომიტეტში კომუნიკაციების კომისიის ანგარიშის მოსმენა, რომელიც რამდენიმე საათის განმავლობაში გრძელდებოდა. დაისვა ბევრი კითხვა და ბევრი მიმართულებით. შეხვედრას სატალეკომუნიკაციო სფეროს წარკომადგენლები და უმსხვილესი კომპანიების დამფუძნებლები ესწრებოდნენ. სალომე მეცხვარიშვილი ადევნებდა თვალს კომიტეტს. #ახალიამბები #BusinessMediaGeorgia
“როცა ევროპელი ხარ და შენს ქვეყანაში აცრის დონე 65%-ს აჭარბებს, რა თქმა უნდა, საქართველოს მსგავსს ქვეყანაში ჩასვლისგან თავს შეიკავებ”- ევროპელები საქართველოში მოგზაურობას ფრთხილიბენ - ეს განცხადება bm.ge-თან სასტუმრო კოსტეს დამფუძნებელმა თამარ ბაღდავაძემ გააკეთა. მისი თქმით, ქვეყანაში ტურისტები კი ჩამოდიან, თუმცა ძირათადად მაინც მეზობელი ქვეყნებიდან. ის რომ საქართველოში ვაქცინაციის მაჩვენებელი დაბალია, ეს ბევრი ტურისტისთვის ერთგვარი ბარიერია, რის გამოც საქართველოში მოგზაურობას თავს არიდებენ. განსაკუთრებით მძიმე მდგომარეობაში დედაქალაქში მდებარე სასტუმროები არიან, რომლებსაც მოთხოვნის სიმცირის გამო სასტუმრო მომსახურებაზე ფასების შემცირება მოუწიათ. #ახალიამბები #BusinessMediaGeorgia
პარლამენტი კომუნიკაციების კომისიის 2020 წლიურ ანგარიშს უსმენს. რამდენჯერმე გადადებული მოსმენის შემდეგ კომიტეტებმა კახა ბექაურის უწყების მოსასმენად მოიცალეს. ეს ის ხმაურიანი ანგარიშია, რომელსაც მობილური ოპერატორები განსაკუთრებით დაუპირისპირდნენ, რამდენადაც მარეგულირებელმა ისინი მაღალი მარჟებით ოპერირებაში დაადანაშაულა. ადამიანის უფლებების დაცვის კომიტეტის შემდეგ ანგარიშს დარგობრივი კომიტეტიც მოუსმენს. #ახალიამბები #BusinessMediaGeorgia
ინფექციური საავადმყოფო წლებია ავერსის კუთვნილ ტერტორიაზე ოპერირებს. “წლის ბოლომდე კი, როგორც ჩანს, ინფექციურ საავადმყოფოს ფართის დაცლა მოუწევს”- ეს განცხადება ავერსი ფარმას გენერალურმა დირექტორმა BM.GE-თან გააკეთა. როგორც ირაკლი ფურცელაძე აცხადებს, 31 დეკემბერს იწურება ხელშეკრულების ვადა, შესაბამისად, კომპანია მოცდას აღარ აპირებს და ტერიტორიის განვითარების დაწყებას გეგმავს. რატომ ვერ მოხერხდა ინფექციური საავადმყოფოს გადატანა ახალ შენობაში 12 წლის განმავლობაში? #ახალიამბები #BusinessMediaGeorgia
ბოლო 24 საათში საქართველოში კოვიდ-19-ით 71 ადამინი გარდაიცვალა. მთლიანობაში ვირუსით გარდაცვლილთა რიცხვმა 13 ათას 600-ს მიაღწია. 100 ათას სულ მოსახლეზე კოვიდით გარდაცვლილთა მაჩვენებლით საქართველოს, უკვე თვეებია სამწუხაროდ, მოწინავე ადგილი უჭირავს და უკვე თვეებია ისმის კითხვა - რატომ გვეხოცება პაციენტები. ამ კითხვას პასუხი ჯანდაცვის მინისტრის პოსტიდან უკვე წასულმა ეკატერინე ტიკარაძემ შემაჯამებელ ანგარიშში გასცა. მისი თქმით, საქართველოში გვაქვს კლინიკები, სადაც ლეტალობის მაჩვენებელი 2-3%-ის ფარგლებშია და გვაქვს ისეთი კლინიკებიც, სადაც ლეტალობის დონე 15%-ია. მინისტრი აცხადებს, რომ ლეტალობის მიზეზი კლინიკების გარკვეული ნაწილის არაკეთილსინდისიერება და ჰოსპიტალური ინფექციის კონტროლის არარსებობაა. სტუმარი: ვახტანგ კალოიანი - ჯანდაცვის სპეციალისტი; #ახალიამბები #BusinessMediaGeorgia
საქართველოს რეგიონებსა და დედაქალაქს შორის უთანაბრობა ძალიან მაღალია. თბილისი ქვეყნის მთლიანი ეკონომიკის 50%-ს ქმნის. შესაბამისი ანგარიში საქსტატმა 24 დეკემბერს გამოაქვეყნა. მეორე ყველაზე მსხვილი რეგიონი აჭარაა, რომელიც საქართველოს მტლიანი შიდა პროდუქტის მხოლოდ 9%-ს აგენერირებს. ბოლო ადგილზე რაჭა-ლეჩხუმი ქვემო სვანეთია, სადაც მშპ-ს მხოლოდ 0.6% იწარმოება. მუნიციპალიტეტების უმრავლესობას არ აქვს საკმარისი ქონება და რესურსები, რაც მათ საჭიროებებს გასწვდებოდა. ამიტომ თვითმმართველობები ძირითადად ცენტრალური ხელისუფლების მიერ გამოყოფილ ტრანსფერებზე არიან დამოკიდებული. თვითმმართველობების გაძლიერება ირაკლი ღარიბაშვილის ერთ-ერთი მთავარი აქცენტი იყო ჯერ კიდევ რამდენიმე წლის წინ, როცა ის პრემიერის პოსტს პირველად იკავებდა. 2014 წელს ახალი კანონიც მიიღეს, ადგილობრივი თვითმმართველობების კოდექსი. მნიშვნელოვანი სიახლე იყო ის, რომ საქართველოს ყველა მუნიციპალიტეტში მოსახლეობამ პირდაპირ აირჩია როგორც საკრებულო ასევე გამგებელი და მერი. მაშინ ითქვა, რომ საჭირო იყო თვითმმართველობების ფინანსური გაძლიერება. განკარგულებით განსაზღვრა, რომ საშემოსავლო გადასახადი წილობრივად გაიყოფოდა ცენტრალურ და ადგილობრივ ბიუჯეტებს შორის და დიდი ნაწილი მუნიციპალიტეტებს ერგებოდათ. თუმცა, ეს ასე არ მოხდა. დღეს მუნიციპალიტეტების ძირითადი შემოსავალი ქონების გადასახადი და ადგილობრივი მოსაკრებლებია - სათამაშო ბიზნესიდან, მშენებლობის ნებართვებიდან და ა.შ. სტუმარი: ირაკლი მელაშვილი - თვითმმართველობის საკითხების სპეციალისტი #ახალიამბები #BusinessMediaGeorgia
“გადაგვაგდეს”- საკლუბო ბიზნესის პროტესტი ✔გიორგი გახარია - ყოფილი პრემიერ-მინისტრი ✔დავით ლეჟავა - #art4culture წარმომადგენელი ✔დათა ლაფაური - დედაენის ბარი დამფუძნებელი ✔ვახო ქავთარაძე - მზესუმზირა დამფუძნებელი ✔გუგა კალანდაძე - დაისი დამფუძნებელი ✔თამუნა აქსანდერი - KHIDI , დამფუძნებელი#ახალიამბები #BusinessMediaGeorgia
მედიკამენტები ბაზარზე ყველაზე იაფად - ლიბერთი და ფარმადეპო ახალ პროექტს იწყებენ და ლიბერთის სოციალური ბარათის მფლობელებს 25%-დან 40%-მდე ფასდაკლებას სთავაზობენ მედიკამენტებზე, თანაც ყოველდღე. პროგრამაში ჩართვა შეუძლიათ ისეთ ჯგუფებს, როგორებიცაა ასაკით პენსიონერები, სოციალურად დაუცველები, იძულებით გადაადგილებული პირები. ლიბერთისა და ფარმადეპოსთვის ეს სოციალური პროექტია, რომლის მიზანი მომხმარებლების ცხოვრების გაუმჯობესებაა.#ახალიამბები #BusinessMediaGeorgia
გასულ უქმეებზე რაჭაში, კურორტ შოვის გენგეგმასთან დაკავშირებით მორიგი შეხვედრა გაიმართა. გეგმაშია შოვის საერთაშორისო დონის კურორტად ქცევა. პროექტის დაწყება შოვის გენგემის დამტკიცების პროცედურებზეა დამოკიდებული, რომელიც უკვე აქტიურ ფაზაშია შესული. როგორია ინვესტორის ხედვა და გეგმები კურორტის განვითარებასთან დაკავშირებით და ასევე რა ეტაპზეა შოვის გენერალური გეგმის დამტკიცების პროცესი#ახალიამბები #BusinessMediaGeorgia
ასეთი თამამი გადაწყვეტილებების დრო არ არის - ასე გამოეხმაურა დღეს ჯანდაცვის მინისტრის მოადგილე კლუბების გახსნის საკითხს. თამარ გაბუნია ამბობს, რომ საკოორდინაციო საბჭოს გადაწყვეტილებით, „ომიკრონის“ შტამის გამო კლუბების გახსნა ამ ეტაპზე არ განიხილება. ჟურნალისტებმა თამარ გაბუნიას ჰკითხეს, რატომ არ უშვებს საკოორდინაციო საბჭო კლუბების გახსნას, მაშინ როდესაც მთავრობის მიერ არაერთი საახალწლო, ხალხმრავალი ღონისძიებაა დაგეგმილი. სტუმარი: დავით ლეჟავა - #Act4Culture-ის წარმომადგენელი; #ახალიამბები #BusinessMediaGeorgia
საქართველოში საზღვაო ტერმინალებში გადაზიდვა შემცირებულია. ძირითადად ფოთის პორტის ხარჯზე. ეკონომიკის სამინისტროს მიერ გამოქვენყებული სტატისტიკის მიხედვით, ფოთის პორტში მიმდინარე წლის 8 თვეში გასული წლის ანალოგიურ პერიოდთან შედარებით 9.8%-ით ნაკლები ტვირთი გადაზიდეს, თუმცა ზრდა ფიქსირდება ბათუმში. ჯამში საქართველოში ტვირთბრუნვა გაზრდილია, თუმცა, სპეციალისტები ამბობენ, რომ ეს მაინც მცირე მოცულობაა და ქვეყნის კონკურენტუნარიანობა ამ კუთხით ჯერჯერობით დაბალი რჩება. ძვირია თუ იაფი საქართველოში ტვირთების გადაზიდვა, რა უშლის ხელს ქვეყანას, რომ უფრო მეტი ტვირთი გაატაროს და არის თუ არა გადაზიდვის ფასები და ინფრასტრუქტურა შემაფერხებელი ფაქტორი ახალი დამკვეთების მოზიდვისთვის?#ახალიამბები #BusinessMediaGeorgia
საქართველოში საზღვაო ტერმინალებში გადაზიდვა შემცირებულია. ძირითადად ფოთის პორტის ხარჯზე. ეკონომიკის სამინისტროს მიერ გამოქვენყებული სტატისტიკის მიხედვით, ფოთის პორტში მიმდინარე წლის 8 თვეში გასული წლის ანალოგიურ პერიოდთან შედარებით 9.8%-ით ნაკლები ტვირთი გადაზიდეს, თუმცა ზრდა ფიქსირდება ბათუმში. ჯამში საქართველოში ტვირთბრუნვა გაზრდილია, თუმცა, სპეციალისტები ამბობენ, რომ ეს მაინც მცირე მოცულობაა და ქვეყნის კონკურენტუნარიანობა ამ კუთხით ჯერჯერობით დაბალი რჩება. ძვირია თუ იაფი საქართველოში ტვირთების გადაზიდვა, რა უშლის ხელს ქვეყანას, რომ უფრო მეტი ტვირთი გაატაროს და არის თუ არა გადაზიდვის ფასები და ინფრასტრუქტურა შემაფერხებელი ფაქტორი ახალი დამკვეთების მოზიდვისთვის?#ახალიამბები #BusinessMediaGeorgia
თბილისში საზოგადოებრივი ტრანსპორტის ღირებულება 1 ლარამდე იზრდება. სააბონიმენტო 1 თებერვლიდან ამოქმედდება. ინფორმაცია თბილისის მერმა კახა კალაძემ დედაქალაქის მთავრობის სხდომაზე გააჟღერა. ლარიანი აბონიმემნტის ყიდვის შემთხვევაში მომხმარებლები საათნახევრის განმავლობაში მეტროთი, ავტობუსითა და მიკროავტობუსით ულიმიტოდ ისარგებლებენ. რას სთავაზობს მერია თბილისის მოსახლეობას, ვისთვის ძვირდება თარიფები და რჩება თუ არა შეღავათები… ანუკა ჯოხაძე ესაუბრა დარგის სპეციალისტებს და მოისმინა მოსახლეობის შეფასებები…#ახალიამბები #BusinessMediaGeorgia
საკოორდინაციო საბჭოს გადაწყვეტილებით, პირველიდან 10 იანვრამდე პერიოდი უქმედ გამოცხადდა. ამის შესახებ საბჭოს სხდომის შემდეგ მასთან არსებული ოპერატიული შტაბის ხელმძღვანელმა გიორგი ღიბრაძემ განაცხადა. „ეს ეხება საჯარო დაწესებულებებს, ხოლო კერძო სექტორს შეუძლია გადაწყვეტილება თავისით მიიღოს“, - განაცხადა ღიბრაძემ. საბჭოს წევრებმა მედიას ასევე ომიკრონის გავრცელების მხრივ ამ ეტაპზე ქვეყანაში არსებულ ვითარებაზე ისაუბრეს. დამატებით, რა გადაწყვეტილებები მიიღო დღეს საკოორდინაციო საბჭომ? #ახალიამბები #BusinessMediaGeorgia
თბილისში საზოგადოებრივი ტრანსპორტის ღირებულება 1 ლარამდე გაიზრდება. აბონემენტები 1 თებერვლიდან ამოქმედდება. ინფორმაცია თბილისის მერმა კახა კალაძემ დედაქალაქის მთავრობის სხდომაზე დღეს გააჟღერა. ლარიანი აბონიმემნტის ყიდვის შემთხვევაში მომხმარებლები საათნახევრის განმავლობაში მეტროთი, ავტობუსითა და მიკროავტობუსით ულიმიტოდ ისარგებლებენ. რას სთავაზობს მერია თბილისის მოსახლეობას და ვინ ისარგებლებს თბილისის მასშტაბით მუნიციპალური ტრასნპორტით გაადგილების შემთხვევაში შეღავათებით? #ახალიამბები #BusinessMediaGeorgia
“თუკი ყველა ელექტროსადგური დროულად შევა ექსპლუატაციაში, საქართველომ შეიძლება თავიდან აირიდოს დამოკიდებულება იმპორტირებულ ელექტროენერგიაზე, თუმცა ეს პირობა თუ არ შესრულდება, ეს დამოკიდებულება შესაძლოა მნიშვნელოვნად გაიზარდოს”, - ეს ჩანაწერი ეკონომიკის სამინისტროს მიერ მომზადებულ დოკუმენტშია, რომელიც ელექტროენერგიით ქვეყნის მომარაგების უსაფრთხოებას ეხება. სამინისტრო ასევე წერს, რომ გენერაციის პროექტების დაყოვნების კუთხით საფრთხეები ისევ რჩება. ამ გამოწვევებზე რა პასუხი აქვს მთავრობას? #ახალიამბები #BusinessMediaGeorgia
ზამთრის ტურისტული სეზონი ახლოვდება, პრინციპში თუ გავითვალისწინებთ ამინდს, ანუ იმას, რომ ზამთრის კურორტებზე უკვე მოთოვა, სეზონის გახსნის, საბაგიროების ფასის და სხვა პანდემიური, თუ არაპანდემიური დეტალებს სესახებ ინფორმაცია უნდა გვქონდეს. თუმცა, როგორც ჩანს არც ეს სეზონი იქნება გამონაკლისი, ბიზნესი ისევ პასუხების მოლოდინშია, ჯავშნები უქმდება, ან კითხვები, რომლებიც ტურისტებს აქვს პასუხგაუცემელია. როდის გვეცოდინება ზამთრის ტურისტული სეზონის გახსნის დეტალები? #ახალიამბები #BusinessMediaGeorgia
მერია ტაქსების მორიგ რეფორმას აანონსებს. თბილისის ვიცემერი bm.ge-სთან აცხადებს, რომ რეფორმის მესამე ეტაპი მიმდინარე წლის ბოლოს განხორციელდება. რას მოიცავს ტაქსის კომპანიებისთვის და მძღოლებისთვის მორიგი რეგულაციები და რას შეცვლის ის მგზავრებისთვის? #ახალიამბები #BusinessMediaGeorgia
აზარტული თამაშების შეზღუდვაზე კანონპროექტის საკომიტეტი განხილვა, მესამე მოსმენით დასრულდა. დაჩქარებული წესით განხილვის პროცესში, რეგულაციების შინაარსი ხელისუფლებამ არ შეცვალა, თუმცა შეზღუდვების ძირითადი ნაწილის ამოქმედება 1 მარტამდე გადაავადა. შედეგად, იანვრიდან სათამაშო ბიზნესისთვის მხოლოდ ახალი საგადასახადო რეჟიმი შევა ძალაში. სარეკლამო ბიზნესისა და აზარტული თამაშების კომპანიების წარმომადგენლები, დღეს, კანონპროექტის მესამე მოსმენით განხილვას უკვე აღარც ესწრებოდნენ, რაც წინა სხდომების შინაარსიდან მოსალოდნელიც იყო. რატომ არ წავიდა ბიზნესისთვის ხელშესახებ დათმობებზე ხელისუფლება, ამის შესახებ ფინანსთა მინისტრის მოადგილეს დავით ჯალაღონია ესაუბრა #ახალიამბები #BusinessMediaGeorgia
2 მილიონი ლარი სახელმწიფო ბიუჯეტიდან არამიზანობრივად დაიხარჯა. სახელმწიფო აუდიტის სამსახურმა ეკონომიკის სამინისტროს 2020 წლის ფინანსური აუდიტის ანგარიში გამოაქვეყნა. ირკვევა, რომ მაღალმთიან დასახლებებში მცხოვრებლებმა გაზის სუბსიდია 2 მლნ ლარის მეტობით მიიღეს და ეს იმ ადამიანებმა, ვისაც სახელმწიფო პროგრამით საერთოდ არ უნდა ესარგებლა. რა ახსნა აქვს ეკონომიკის სამინისტროს? #ახალიამბები #BusinessMediaGeorgia
საქსტატმა დღეს საგარეო ვაჭრობის 10 თვის მონაცემებიც გამოაქვეყნა. ბრუნვამ თითქმის 13 მილიარდი დოლარი შეადგინა, რაც გასულ წელს 25%-ით აღემატება. ექსპორტი თითქმის 27%-ით გაიზარდა, ხოლო იმპორტი 25%-ით გასული წლის 10 თვესთან შედარებით. ექსპორტის გაზრდილი მაჩვენებლები სასიხარულოა, თუმცა, საინტერესოა, რამდენი მოდის უშუალოდ ჩვენს ქვეყანაში წარმოებულ პროდუციაზე, რადგან საქართველო რეექსპორტსაც ახორციელებს - მაგალითად უცხოეთში ყიდულობს ავტომობილს და სხვა ქვეყანაში ყიდის - მსგავსი შემთხვევები რომ გამოვრიცხოთ, ადგილობრივი ექსპორტის მაჩვენებლებს უნდა ჩავხედოთ. სტატისტიკა აჩვენებს, რომ მთლიან ექსპორტში ადგილობრივ ექსპორტს თითქმის 74% უჭირავს, დანარჩენი რეექსპორტზე მოდის. 2016 წელთან შედარებით ადგილობრივი ექსპორტი გაორმაგებულია. მიუხედავად ამისა, პრაქტიკულად არ არის შეცვლილი ის პროდუქცია, რომელსაც საზღვარგარეთ ვყიდით. სტუმარი: ანა კვარაცხელია - ექსპორტის განვითარების ასოციაციის სამეთვალყურეო საბჭოს თავმჯდომარე; #ახალიამბები #BusinessMediaGeorgia
რა ხდება საკაბელო პროდუქციის ბაზარზე? ედიშერ მამალაძე, საქკაბელის ხელმძღვანელი მამია მოცრაძე, ელვარეს დამფუძნებელი#ახალიამბები #BusinessMediaGeorgia
ბიზნესს დავუბრუნეთ სიმშვიდე და პროგნოზირებადობის განცდა, პირდაპირი უცხოური ინვესტიციების მოზიდვა გამოწვევად რჩება - ეს არის განცხადებების და გზავნილების ნაწილი, რომელიც ნათია თურნავამ პარლამენტის ტრიბუნიდან გააჟღერა. ეკონომიკის მინისტრს დღეს მინისტრის საათის ფორმატშიი უსმენენ დეპუტატები და მათ კითხვების დასმის საშუალებაც აქვთ ცხადია…
კომპანია სილქნეტმა 2018 წელს დააფუძნა. ყოველი წლის ბოლოს კი ფონდი საქველმოქმედო ღონისძიებას მართავს და საზოგადოებას განვლილი წლის საქმიანობის ანგარიშს წარუდგენს. გუშინ გამართულ ღონისძიებაზე სილქნეტს სხვა კერძო სექტორის წარმომადგენლებიც შეუერთდნენ და ჩვენი ქვეყნის დაჭრილი მებრძოლების მხარდასაჭერად ფონდში თავიანთი წვლილი შეიტანეს. სილქნეტი ყოველწლიურად 300 000 ლარს რიცხავს. ტრადიციულად ყოველ წელს სხვადასხვა ბიზნეს კომპანიები უერთდებიან ამ ინიციატივას. წელს გამართულ საქველმოქმედო საღამოზე 267 ათსი ლარი შემოვიდა. ეს კომპანიები არიან: ორბი, დამფუძნებელი ზაზა ზოიძე - 50 000 ლარი; ჯორჯიან ეარსერვისი, თამაზ გაიაშვილი - 50 000 ლარი; სილქ ჰოსფითალითი - 10 000 ლარი; ვისოლი - 20 000 ლარი; ბიზნესმენთა ასოციაცია - 30 000 ლარი; დიტო აბდუშელიშვილი - 10 000 დოლარი; ამერიკული კომპანია სილქ როუდ ვაინს - 77 000 ლარი; შედარებით ადრე კი ფონდს წლევანდელ საქმიანობაში მხარში დაუდგა ბიზნეს ასოციაცია 20 000 ლარით და კომპანია რეფტრანსი 100 000 ლარით. ამ თანხებით ფონდი მხარში უდგას დაჭრილ მეომრებს საქართველოს თავდაცვის სამინისტროსთან და ვეტერანების საქმეთა სახელმწიფო სამსახურთან თანამშრომლობით.#ახალიამბები #BusinessMediaGeorgia
საკაბელო პროდუქციის მწარმოებელი ქართული კომპანიები ეკონომიკის სამინისტროს ბაზარზე კონტროლის გამკაცრებას და საკაბელო პროდუქციასთან მიმართებით ევროპული სტანდარტების დროულ მიღებას სთხოვენ. ადგილობრივი მწარმოებლები ამბობენ, რომ ბაზარზე ფალსიფიცირებული პროდუქციის იმპორტი ხორციელდება, რისი ლაბორატორიულად კონტროლის მექანიზმი ეკონომიკის სამინისტროს სამშენებლო ზედამხედველობის სააგენტოს არ აქვს. რა პრობლემას ქმნის უკონტროლო იმპორტი, რაში ხედავს კერძო სექტორი გამოსავალს და რა პასუხი აქვს მაკონტროლებელ ორგანოს? #ახალიამბები #BusinessMediaGeorgia
ქამრების შემოჭერა იყო ასეთი ტერმინი - დეპუტატმა ალეკო ალესაშვილმა ფინანსთა მინისტრს დღეს ქართული ოცნების დაპირებები შეახსენა. დღეს პარლამენტში სადაც 2022 წლის ბიუჯეტის საბოლოო ვერსიის განხილვა მიმდინარეობდა. დეპუტატების ძირითადი კითხები ინფლაციას უკავშირდებოდა. ფინანასთა მინისტრი ლაშა ხუციშვილი ამბობს, რომ ეროვნული ბანკი ყველა მის ხელთ არსებულ ინსტრუმენტს იყენებს და ინფლაციის მაცვენებელი მიზნობრივს 2022 წლის მაისში დაუბრუნდები.#ახალიამბები #BusinessMediaGeorgia
ქამრების შემოჭერა იყო ასეთი ტერმინი - დეპუტატმა ალეკო ალესაშვილმა ფინანსთა მინისტრს დღეს ქართული ოცნების დაპირებები შეახსენა. დღეს პარლამენტში სადაც 2022 წლის ბიუჯეტის საბოლოო ვერსიის განხილვა მიმდინარეობდა. დეპუტატების ძირითადი კითხები ინფლაციას უკავშირდებოდა. ფინანასთა მინისტრი ლაშა ხუციშვილი ამბობს, რომ ეროვნული ბანკი ყველა მის ხელთ არსებულ ინსტრუმენტს იყენებს და ინფლაციის მაცვენებელი მიზნობრივს 2022 წლის მაისში დაუბრუნდები. კიდევ რა კითხვები ჰქოპნდათ დეპუტატებს, დატო ჯალაღონია ჩაგვაყენებს საქმის კურსში...#ახალიამბები #BusinessMediaGeorgia
უცხოეთის მოქალაქეებზე ბინადრობის ნებართვასთან დაკავშირებული პრობლემები ქვეყანაში ინვესტიციების შემოდინებას აფერხებს - ამის შესახებ საგარეო საქმეთა მინისტრის მოადგიემ პარლამენტში განაცხადა. დარგობრივი ეკონომიკის კომიტეტმა საჯარო სექტორის წარმომადგენლებს მოუსმინა. თემატური მოკვლევის ჯგუფი მსჯელობდა ქვეყანაში პირდაპირი უცხოური ინვესტიციების მოზიდვის გამოწვევებსა და განვითარების პერსპექტივებზე#ახალიამბები #BusinessMediaGeorgia
შეზღუდვები და რეგულაციები აზარტული თამაშებისთვის - კანონპროექტის განხილვებმა დღეს პარლამენტის დარგობრივი ეკონომიკის და ეკონომიკური პოლიტიკის კომიტეტში გადაინაცვლა. კერძო სექტორის შენიშვნები უცვლელია, ისინი გონივრული რეგულაციების შემოღებას და სიახლეებზე მოსარგებად გარკვეულ დროს ითხოვენ. როგორ დასრულდა დღევანდელი კომიტეტის სხდომა? #ახალიამბები #BusinessMediaGeorgia
მშენებლობის ნებართვის გაცემის პროცესში წარდგენილ დოკუმენტებში გამწვანების პროექტის, როგორც თანამედროვე, გარემოსდაცვითი სტანდარტების მქონე დოკუმენტის არსებობა სავალდებულო გახდება. ამას ითვალისწინებს, „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ შესატანი ცვლილებები, რომელიც საკანონმდებლო ორგანოშია ინიცირებული. აღნიშნული ვალდებულება დღეს არსებული მდგომარეობით, მხოლოდ თბილისში დაგეგმილ პროექტებზე ვრცელდება, სიახლის დამტკიცების შემთხვევაში კი მოთხოვნები მთელ საქართველოს მოიცავს. სტუმარი: მაია ბითაძე - გარემოს დაცვისა და ბუნებრივი რესურსების კომიტეტის თავმჯდომარე; #ახალიამბები #BusinessMediaGeorgia
დღეს პარლამენტში განახლებადი ენერგეტიკის განვითარების პრობლემები განიხილეს. დარგობრივი ეკონომიკისა და ეკონომიკური პოლიტიკის კომიტეტის სხდომაზე მთავრობის, სემეკის, სახელმწიფო ელექტროსისტემის და ენერგეტიკის განვითარების ფონდის წარმომადგენლებმა დარგის ძირითად გამოწვევებზე იმსჯელეს. თუმცა ამ სხდომამ დეპუტატების ყურადღება ვერ დაიმსახურა, რადგან კომიტეტის თავმჯდომარის გარდა, არც უმრავლესობისა და არც საპარლამენტო ოპოზიციის წევრები შეხვედრას არ ესწრებოდნენ. რა იყო მთავარი თემები? #ახალიამბები #BusinessMediaGeorgia
მას შემდეგ, რაც ჯანდაცვის მინისტრმა თანამდებობიდან წასვლა დააანონსა, ეკატერინე ტიკარაძე მედიასთან პირველად გამოჩნდა. ტიკარაძე გეგმას მიჰყვება და წლის ბოლომდე მოვალეობის შემსრულებლის რანგში სამინისტროს დაქვემდებარებული უწყებების საქმიანობების შესახებ პრეზენტაციებს ისმენს. გააკეთა თუ არა საკუთარ გადაწყვეტილებაზე დამატებითი განმარტება ჯანდაცვის მინისტრმა, რომელმაც პოსტიდან წასვლა კოვიდ-19-ის მეხუთე ტალღის დროს გადაწყვიტა? #ახალიამბები #BusinessMediaGeorgia
დღეიდან USAID-ის ეკონომიკური უსაფრთხოების პროგრამის მხარდაჭერით სითი მოლში ქართველი ოსტატების ხელნაკეთი ნივთების შეძენის შესაძლებლობა გექნებათ. სავაჭრო ცენტრში საქართველოს ტრადიციული რეწვის ასოციაციის 100-მდე ოსტატის ნამუშევარი უკვე გაყიდვაშია. რისი შეძენის შესაძლეობა ექნებათ წინასაახაწლოდ ადგილზე მისულ სტუმრებს და რა პერსპექტივებს აძლევს გამოფენა-გაყიდვა ქართველ მეწარმეებს? დეტალებს ანუკა ჯოხაძის სიუჟეტში ვნახავთ.#ახალიამბები #BusinessMediaGeorgia
ეკატერინე ტიკარაძე, რომელმაც გუშინ ჯანდაცვის მინისტრის თანამდებობა დატოვა, წლის ბოლომდე მინისტრის მოვალეობას შეასრულებს. ეს ინფორმაცია bm.ge-ს როგორც ჯანდაცვის სამინისტრომ, ისე პირადად ეკატერინე ტიკარაძემ დაუდასტურა. უფრო მეტიც, 15 დეკემბრიდან ის სამინისტროს და მასში შემავალი სსიპ-ების წლიური საქმიანობის შესახებ ანგარიშების პრეზენტაციებსაც დაესწრება. რა რეალობაში დატოვა მან სექტორი, ეს ჩვენთვის განხილვის ერთ-ერთი მთავარი თემაა დღეს. თქვენ იცით, რომ ქვეყანაში ვაქცინაციის ტემპი არასახარბიელოა. კოვიდით გარდაცვალების მაჩვენებლით კი, საქართველო მსოფლიოს მასშტაბით, 100 ათას მოსახლეზე გაანგარიშებით, მეორე ადგილზეა. ამ ფონზე, ქვეყნის სოციალური მდგომარეობაც უარესდება. (ნოემბრის მონაცემებით, სოციალურად დაუცველთა ბაზაში 637 ათას 747 ადამიანია. ეს მთელი ქვეყნის მოსახლეობის 17.1 პროცენტია. როგორ გაართმევს თავს გამოწვევებს ტიკარაძის მემკვიდრე, ამას თავად ყოფილი მინისტრი ქართული ოცნების პოლიტსაბჭოს რიგებიდან დააკვირდება. ჯანდაცვის უწყების მეთაურის სკამზე დაახლოებით ორწელიწადნახევრიან საქმიანობას კი ჩვენმა ჟურნალისტმა ელენე გოგბერაშვილმა გადახედა.#ახალიამბები #BusinessMediaGeorgia
თბილისში, ორბელიანის მოედანზე, ისტორიული ბაზრის ტერიტორიაზე, რეგიონის მასშტაბით უნიკალური კონცეფციის - „ბაზარი ორბელიანზე“ გაიხსნა. პროექტი კომპანია „მერკადომ“ თიბისის მხარდაჭერით განახორციელა. პროექტის ჯამური ინვესტიცია დაახლოებით 19 მილიონ ლარს შეადგენს, საიდანაც „თიბისის“ თანამონაწილეობა 9 მილიონი ლარია. უნიკალური კონცეფციის ბაზარი, სადაც 200-მდე სავაჭრო წერტილია განთავსებული, რამდენიმე ათას ადამიანს დაასაქმებს.#ახალიამბები #BusinessMediaGeorgia
კორონავირუსის ყველაზე სწრაფად გავრცელებადი შტამის – ომიკრონის მოლოდინში ჯანდაცვის მინისტრი გადადგა. რა რეალობაში დატოვა ეკატერინე ტიკარაძემ თანამდებობა? – ქვეყანაში ვაქცინაციის ტემპი არასახარბიელოა. საქართველო კოვიდით გარდაცვალების მაჩვენებლით მსოფლიოს მასშტაბით, 100 ათას მოსახლეზე გაანგარიშებით, მეორე ადგილზეა. გადავხედოთ სოციალურ მდგომარეობასაც. ნოემბრის მონაცემებით, სოციალურად დაუცველთა ბაზაში 637 ათას 747 ადამიანია. ეს მთელი ქვეყნის მოსახლეობის 17.1 პროცენტია. რა თქმა უნდა, აქ პანდემიის ფაქტორიც უნდა გავითვალისწინოთ, რამაც მოსახლეობის ცხოვრების დონეზე მნიშვნელოვანი გავლენა იქონია. ამ რიცხვების ფონზე, ეკატერინე ტიკარაძეს უკვე ქართული ოცნების პოლიტსაბჭოს რიგებიდან მოუწევს დააკვირდეს, როგორ დაძლევს სიღარიბეს ღარიბაშვილის მთავრობა, ან რა მიდგომებით გააგრძელებს პანდემიის მართვას. სტუმარი: ანდრია ურუშაძე - ჯანდაცვის სპეციალისტი ; ჯანდაცვის ყოფილი მინისტრი; #ახალიამბები #BusinessMediaGeorgia
„ინვესტორების მიერ რეინვესტირება ქვეყნის მიმართ მყარი ნდობის გამოვლინებაა“ - ასე გამოეხმაურა დღეს ეკონომიკის მინისტრი საქსტატის მიერ გამოქვეყნებული FDI-ს სტატისტიკას, რომლის თანახმად, წელს 9 თვეში კი ქვეყანაში სულ $728.4 მილიონის ინვესტიციები შემოვიდა, რაც წინა წელთან შედარებით 3.2%-ით მეტია. საქსტატის შეფასებითაც, ზრდა ძირითადად განპირობებულია რეინვესტიციის მაჩვენებლის გაზრდით. რამდენად შეგვიძლია ამით დავიმშვიდოთ თავი, როცა პრაქტიკულად ახალი მსხვილი ინვესტიციები არ გვაქვს ქვეყანაში და არც პანდემიამდე იყო დიდი ბუმი.#ახალიამბები #BusinessMediaGeorgia
2021 წლის მესამე კვარტალში საქართველოში 299 მლნ დოლარის ინვესტიცია შემოვიდა, რაც წინა წლის III კვარტალის დაზუსტებულ მონაცემებს 1.4 პროცენტით აღემატება. 9 თვეში კი ქვეყანაში სულ $728.4 მილიონის ინვესტიციები შემოვიდა, რაც წინა წელთან შედარებით 3.2%-ით მეტია. როგორც საქსტატის მიერ გამოქვეყნებულ ანგარიშში წერია, ზრდა ძირითადად განპირობებულია რეინვესტიციის მაჩვენებლის მატებით. უფრო მეტს FDI-ს გეოგრაფიის და სექტორების შესახებ თელარა გელანტია მოგვიყვება. #ახალიამბები #BusinessMediaGeorgia
ტურიზმის სექტორის აღდგენას დიდი დრო დასჭირდება, წინ კვლავ გაურკვევლობაა - ასეთია თიბისი კაპიტალის შეფასება. საინვესტიციო ბანკმა აღნიშნულ სექტორზე საკმაოდ ვრცელი კვლევა მოამზადა, რომელიც კოვიდ-19-ის შედეგად სექტორისთვის მიყენებულ ზარალს სწავლობს და პროგნოზებსაც აკეთებს. ფაქტია, მსოფლიო პანდემიამ ტურიზმის სექტორი არაერთი გამოწვევის წინაშე დააყენა, დაწყებული შემოსავლების შემცირებიდან, დასრულებული კადრების დეფიციტით.#ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი 0.5 პროცენტული პუნქტით, 10.5%-მდე გაზარდა. შედეგად 169,700 მომხმარებელს რეფინანსირების განაკვეთზე მიბმულ სესხებზე საპროცენტო განაკვეთი გაეზრდება. სებ-ი აღნიშნავს, რომ ამ ეტაპზე მონეტარული პოლიტიკის გამკაცრების საჭიროება მაღალი ინფლაციური მოლოდინებიდან გამომდინარე დგას. დღეს მონეტარული პოლიტიკის კომიტეტის სხდომასთან ერთად ფინანსური სტაბილურობის კომიტეტიც შეიკიბა, სადაც სავალუტო დაკრედიტებასთან დაკავშირებით რამდენიმე გადაწყვეტილება იქნა მიღებული. მათ შორის ცენტრალურმა ბანკმა, 15-წლიანი სავალუტო იპოთეკური სესხები აკრძალა.#ახალიამბები #BusinessMediaGeorgia
ენერგეტიკული პროექტების საინვესტიციო რისკებზე მთავრობა დღეს USAID-ის ორგანიზებით გამართულ სემინარზე მსჯელობს. ღონისძიებაზე ასევე, განიხილავენ განახლებადი ენერგიების განვითარების ტენდენციებსა და დეზინფორმაციის რისკებს, რაც ენერგოპროექტების განვითარებას ხელს უშლის. რას ელოდება კერძო სექტორი მთავრობისგან საინვესტიციო გარემოს გაუმჯობესებისთვის და რა რეკომენდაციები აქვს ამ კუთხით USAID-ს, რომელიც საქართველოს ენერგოსექტორში უკვე არაერთი წელია სხვადასხვა მიმართულებით მუშაობს#ახალიამბები #BusinessMediaGeorgia
ევროკავშირის მხარდაჭერით სოციალურ საწარმო კოდალას სივრცეში „სოციალური მეწარმეობის პროფესიული სკოლა" გაიხსნა, რომელიც ახალგაზრდებს ხეზე მუშაობის შესწავლაში დაეხმარება. სკოლაში გადამზადებულ ბენეფიციარებს კოდალას საწარმოში დასაქმების საშუალებაც ექნებათ. #ახალიამბები #BusinessMediaGeorgia
169 700 ადამიანს სესხი გაუძვირდა. 2021 წლის 1 ნოემბრის მდგომარეობით ცვლად საპროცენტო განაკვეთზე სწორედ ამდენი სესხია მიბმული. მათი აბსოლუტური უმრავლესობა კი რეფინანსირების განაკვეთზე. მონეტარული პოლიტიკის კომიტეტის გადაწყვეტილებით რეფინანსირების განაკვეთი 0.5 პროცენტული პუნქტით 10.5 გაიზარდა. ლარში გაცემული სამომხმარებლო სესხების საშუალო შეწონილმა საპროცენტო განაკვეთმა 1 ნოემბრის მდგომარეობთ 15.12% შეადგინა. რაოდენობრივად მეორე ადგილზეა უძრავი ქონებით უზრუნველყოფილი სესხები. რეფინანსირების განაკვეთზე 1 ნოემბრის მონაცემებით 64900 სესხია მიბმული, საშუალოდ 12.37%-ში… როგორ ახსნა სებმა დღევანდელი მოანეტარული პოლიტიკის სხდომის გადაწყვეტილება? #ახალიამბები #BusinessMediaGeorgia
„არსებობს მოსაზრება, რომ ზოგიერთ წამალზე 300-400%-იანი ფასნამატია დადებული კომპანიების მხრიდან, რაც მიუღებელია“ – ეს განცხადება მიმდინარე წლის აგვისტოში პრემიერ მინისტრმა ირაკლი ღარიბაშვილმა გააკეთა. რამდენად დიდი ფასნამატით ყიდიან კომპანიები წამლებს, ამ კითხვას პასუხი, კონკურენციის სააგენტოს ბაზრის მონიტორინგის ანაგრიშმა უნდა გასცეს, თუმცა ამის შესახებ არაფერი თქმულა შუალედურ დასკვნაში, რაც გასულ თვეში გამოქვეყნდა. #ახალიამბები #BusinessMediaGeorgia
ქართული ავიაკომპანია MyWay Airlines პრემიერ-მინისტრს, ირაკლი ღარიბაშვილს და ეკონომიკის მინისტრს, ნათია თურნავას წერილით მიმართავს და სამოქალაქო ავიაციის სააგენტოსთან არსებული სადავო საკითხით დაინტერებისკენ მოუწოდებს. კომპანია მთავრობის წევრებს წარმოქმნილი პრობლემის გადაჭრაში დახმარებას სთხოვს და განმარტავს, რომ საკითხი, რაზეც საავიაციო ხელისუფლება ავიასაწარმოს ედავება, ადმინისტრაციული წარმოების პროცესშივე გამოსწორდა. „მაივეი ეარლაინს“-ის განცხადებით, კომპანიისთვის საჰაერო გადაყვანა - გადაზიდვის მოწმობის გაუქმება და ერთდღიანი დაყოვნებაც კი, 100 000 დოლარის ოდენობის ზარალს გამოიწვევს, რაც მოკლე პერიოდში ავიაკომპანიის გაკოტრებას ნიშნავს. სტუმარი: თამარ მამფორია - MyWay Airlines-ისიურისტი; #ახალიამბები #BusinessMediaGeorgia
საქართველოს ეროვნულმა ბანკმა, კომერციული ბანკების ფინანსური მდგრადობის შეფასების მიზნით, სტრეს-ტესტის ინტერაქტიული ვებპლატფორმა აამოქმედა. სტრეს-ტესტი საბანკო სექტორის მდგრადობის შეფასების ერთ-ერთი საუკეთესო ინსტრუმენტია, რომელიც კომერციული ბანკების ფინანსური გამჭვირვალობის გაზრდას უზრუნველყოფს. სტუმარი: ალექსანდრე ერგეშიძე - "საქართველოს ეროვნული ბანკის" ფინანსური სტაბილურობის პოლიტიკის ანალიზის განყოფილების უფროსი; #ახალიამბები #BusinessMediaGeorgia
"ღამის კლუბები ამ გადაწყვეტილებას უნდა დაელოდონ" - ასე უპასუხა საკოორდინაციო საბჭოსთან არსებული ოპერატიული შტაბის ხელმძღვანელმა გიორგი ღიბრაძემ, საბჭოს სხდომის დასრულების შემდეგ BM.GE-ის შეკითხვას, რომელიც ღამის კლუბების ამოქმედების ნებართვას შეეხებოდა. მისი ინფორმაციით, ამ საკითხზე მხარეთა პოზიციების შეჯერება მიმდინარეობს და პროცესი დიდ ხანს აღარ გაგრძელდება. შესაბამისად, ბიზნესი კვლავ მოლოდინის რეჟიმშია… #ახალიამბები #BusinessMediaGeorgia
უკვე ერთი წელი და ხუთი თვეა, რაც საქართველოში განახლებადი ენერგიების მხარდაჭერი მექანიზმი მოქმედებს. მთავრობის გადაწყვეტილებით, ინვესტორებს, რომელთაც ჰიდრო, ქარისა და მზის სადგურების მშენებლობა სურთ, პრემიალური ტარიფით სარგებლობა შეუძლიათ. ეს ნიშნავს, რომ ყოველ გაყიდულ ერთ კილოვატსაათ ელექტროენერგიაზე ეს კომპანიები სახელმწიფოსგან მაქსიმუმ ერთ-ნახევარი ცენტის დანამატს იღებენ, თუმცა არაუმეტეს ხუთ-ნახევარი ცენტის ფარგლებში. #ახალიამბები #BusinessMediaGeorgia
მომავალ წელს საქართველოს ეკონომიკა 6%-ით გაიზრდება, მთლიანი შიდა პროდუქტის ზომამ 65 მილიარდს უნდა მიაღწიოს. 2022 წლისთვის სახელმწიფო ბიუჯეტი 19 მილიარდ 177 მლნ ლარი იქნება. ასევე, პანდემიის შედეგად გაზრდილი ვალის ფარდობა მშპ-სთან 51%-მდე მცირდება, ხოლო ბიუჯეტის დეფიციტი იქნება 4.2%... მომავალი წლის სახელმწიფო ბიუჯეტის ძირითადი პარამეტრები იყო დღეს მთავრობის სხდომაზე და მის შემდეგ მთავარი სასაუბრო თემა, თუმცა მინისტრებმა bm.ge-ს კითხვებსაც უპასუხეს. #ახალიამბები #BusinessMediaGeorgia