მთავრობა ენერგეტიკაში გარანტირებული შესყიდვის მექანიზმის დაბრუნებას აპირებს, თუმცა როგორი სქემით, ჯერ ცნობილი არ არის. ჩართული მხარეები სხვადასხვა ვერსიაზე საუბრობენ. ყველა თანხმდება, რომ სახელმწიფომ ენერგეტიკაში ინვესტიციების წახალისებისთვის კონკრეტული მექანიზმი უნდა შემოიტანოს ან ე.წ. PPA ხელშეკრულებები დააბრუნოს. #ახალიამბები #BusinessMediaGeorgia
ვინ რაში იყენებს მობილურ ტელეფონს? მონაცემები აჩვენებს, რომ სატელეფონო ზარები უკვე აქტუალურობას კარგავს და წინა პლანზე მობილური ინტერნეტი გამოდის. რა განაპირობებს ამ ცვლილებებს და როგორია ზუსტი სტატისტიკა? #ახალიამბები #BusinessMediaGeorgia
ამერიკის შეერთებულ შტატებში თვითმფრინავების 700-მდე რეისი გაუქმდა. ზაფხულის სეზონისას მგზავრობაზე მზარდ მოთხოვნასთან გამკლავება ავიახაზებს თანამშრომლების სიმცირის გამო სულ უფრო და უფრო უჭირთ. კომპანიები ჯერჯერობით ფრენების გაუქმების მასშტაბების შესახებ კომენტარს არ აკეთებენ. ევროპაში კი ავიახაზებთან დაკავშირებულ პრობლემებს შორის სწორედ თანამშრომელთა ნაკლებობას ასახელებენ, პანდემიის პერიოდში თანამშრომელთა დიდმა ნაწილმა სამსახური დაკარგა. რა ხდება საავიაციო სექტორში, როგორ მიდის აღდგენის დინამიკა, რატომ არის კადრების დეფიციტი? სტუმარი: იგორ აფციაური - საავიაციო სექტორის ანალიტიკოსი; #ახალიამბები #BusinessMediaGeorgia
სანქციები საკმაოდ ეფექტიანი აღმოჩნდა და ამაზე ისიც მეტყველებს, რომ რუსეთის ეკონომიკამ ფაქტობრივად კოლაფსი განიცადა, რამდენიმე ინდუსტრია, მაგალითად ავტოწარმოების სფერო - თითქმის მკვდარია - ასე აფასებს რუსეთისთვის დასავლეთის მიერ დაწესებულ სანქციების ეფეტქს Business School, პროფესორი მაქსიმ მირონოვი, რომელმაც რუსეთის დეფოლტზე, საქციების გავლენასა და ახალ გეოპოლიტიკურ რეალობაში ჩინეთის როლზე bmg -სთან ინტერვიუში ისაუბრა. მაქსიმ მირონოვი - IE Business School-ის პროფესორი; #ახალიამბები #BusinessMediaGeorgia
საქართველოს მთავრობა ხორბლისა და ქერის ექსპორტს მიმდინარე წლის 4 ივლისიდან 2023 წლის 4 ივლისამდე კრძალავს. ამის შესახებ გარემოს დაცვისა და სოფლის მეურნეობის მინისტრმა ოთარ შამუგიამ განაცხადა. მისი განმარტებით, რეგიონში შექმნილი ვითარების გათვალისწინებით, სასურსათო უსაფრთხოების უზრუნველსაყოფად, მნიშვნელოვანია, ადგილობრივი წარმოების ხორბლის და ქერის რეალიზაცია მხოლოდ შიდა ბაზარზე განხორციელდეს. ოთარ შამუგია ამბობს, რომ მიუხედავად იმისა, რომ საქართველო სრულად დამოკიდებულია ხორბლის იმპორტზე (ყოველწლიურად 500 ათასი ტონა) და მცირე წარმოების გამო ექსპორტს ვერ ახორციელებს, შექმნილი ვითარება აჩენს რისკს, ქვეყნიდან გარკვეული რაოდენობის ხორბალი ექსპორტზე გავიდეს. რაც შეეხება ქერს, საქართველოში წარმოებული ქერის ექსპორტი ერაყსა და ირანში ხორციელდება. მიმდინარე წელს, ქერის საპროგნოზო მოსავალი 60 ათასი ტონის ფარგლებში მერყეობს. დღეის მდგომარეობით, 2,5 ათას ტონაზე მეტი უკვე ექსპორტირებულია. რა გავლენა ექნება ხორბლის და ქერის ბაზარზე მთავრობის გადაწყვეტილებას? სტუმარი: ქეთევან კუბლაშვილი - ფოთის მარცვლეულის ტერმინალის დირექტორი; #ახალიამბები #BusinessMediaGeorgia
საგადასახადო შეღავათების მექანიზმი როგორც მანკიერი პრაქტიკა - BMG-ის მთავარი რედაქტორი თელარა გელანტია დაინტერესდა - რა ნაბიჯები გადადგა ან დგამს მთავრობა ამ ინსტრუმენტის რეფორმირებისთვის და ზოგადად, რა ვიცით, გადასახადების გადამხდელებმა იმ საგადასახადო შეთანხმებების შესახებ, რომელსაც მთავრობა სხვადასხვა ბიზნესს უფორმებს. #ახალიამბები #BusinessMediaGeorgia
მსოფლიო ბაზრებიდან რუსეთის იზოლაციის მორიგი მცდელობა - დიდი შვიდეულის ქვეყნები რუსეთიდან ოქროს იმპორტის აკრძალვაზე შეთანხმდნენ. G7-ის ლიდერებმა გადაწყვეტილება გერმანიაში დაგეგმილ სამიტზე მიიღეს. რა გავლენა ექნება დიდი შვიდეულის ქვეყნების მიერ რუსული ოქროს იმპორტის აკრძლავას ოქროს საერთაშორისო ფასზე და რა პროგნოზებს აკეთებენ ანალიტიკოსები?- რუსეთიდან G7-ის ქვეყნებში იმპორტის შეზღუდვა გააძვირებს თუ არა ოქროს? #ახალიამბები #BusinessMediaGeorgia
პურის მწარმოებლები კომუნალურ გადასახადზე შეღავათის დაწესებას ითხოვენ #ახალიამბები #BusinessMediaGeorgia
კიდევ ერთი ახალი სსიპ-ი - საქართველოს მთავრობამ კურორტების განვითარების სააგენტო შექმნა, რომელიც ეკონომიკის სამინისტროს დაქვემდებარებაში იქნება. ახალ უწყებას ძველი კადრი უხელმძღვანელებს - სააგენტოს უფროსი ეკონომიკის მინისტრის მრჩეველი და მთის კურორტების განვითარების სააგენტოს ყოფილი ხელმძღვანელი - სანდრო ონოფრიშვილი იქნება. ლევან დავითაშვილის განმარტებით, საქართველოში იდენტიფიცირებული და შესწავლილია 300-ზე მეტი კურორტი, ხოლო მოქმედი 100-ზე მეტი, რომელთაც სწორი განვითარება სჭირდებოდა. „თითოეული ამ კურორტის განვითარებისთვის ჩვენ კონკრეტული ადამიანების ჯგუფი გვჭირდებოდა, რომელსაც გარკვეული ლეგიტიმაცია ექნებოდა, რომ სწორად განვითარდეს ეს კურორტები“, - აღნიშნა მინისტრმა. რაში გვჭრდებოდა ახალი უწყება? სტუმარი: ვატო ასათაშვილი - „ჰელისკი ჯორჯიას“ დამფუძნებელი; #ახალიამბები #BusinessMediaGeorgia
მსოფლიო ბაზრებიდან რუსეთის იზოლაციის მორიგი მცდელობა - დიდი შვიდეულის ქვეყნები რუსეთიდან ოქროს იმპორტის აკრძალვაზე შეთანხმდნენ. G7-ის ლიდერებმა გადაწყვეტილება გერმანიაში დაგეგმილ სამიტზე მიიღეს. რა გავლენა ექნება დიდი შვიდეულის ქვეყნების მიერ რუსული ოქროს იმპორტის აკრძლავას ოქროს საერთაშორისო ფასზე და რა პროგნოზებს აკეთებენ ანალიტიკოსები?- რუსეთიდან G7-ის ქვეყნებში იმპორტის შეზღუდვა გააძვირებს თუ არა ოქროს? #ახალიამბები #BusinessMediaGeorgia
რუსეთი ისტორიული დეფოლტის წინაშეა - პირველად 1918 წლის შემდეგ ოფიციალურმა მოსკოვმა საგარეო ვალზე დეფოლტი განიცადა. სწორედ დღეს, 27 ივნისს ამოიწურა ვადა, როცა რუსეთს სახელმწიფო ობლიგაციების უცხოელი მფლობელებისთვის უნდა გადაეხადა დაახლოებით 100 მილიონი დოლარის პროცენტი, რაც ვერ შეძლო. რუსეთის მთავრობაში აცხადებენ, რომ მათ ყველა გადასახადის დროულად დაფარვა სურთ. რატომ მივიდა ოკუპანტი დეფოლტამდე? უკრაინაში შეჭრის შემდეგ, მას სანქციები აშშ-მა და ევროკავშირმა დაუწესეს, რამაც ქვეყნის წვდომა საერთაშორისო საბანკო ქსელებზე შეზღუდა, შესაბამისად, რუსეთი გადარიცხვებს ვერ ახორციელებს, საკუთარ რეზერვებზე კი, რომლებიც აშშ-ში და ევროპაშია განთავსებული, წვდომა დაბლოკილი აქვს. რას ნშნავს ეს დეფოლტი და რა ცვლილებებს ველოდებით? სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი; #ახალიამბები #BusinessMediaGeorgia
წინა წლის მაისთან შედარებით წელს პური და პურპროდუქტები თითქმის 5%-ით გაძვირდა. პირველადი მოხმარების პროდუქტების გაძვირება ყველაზე მეტად სიღარიბის ზღვარს მიღმა მყოფ პირებზე, მოწყვლად ჯგფებზე აისახება. ველოდებით თუ არა ისევ პურის გაძვირებას და რა მდგომარეობა აქვთ წისქვილკომბინატებს, რომელთა დიდი ნაწილი თვეებია გაჩერებულია, რადგან ხორბლის იმპორტი მთლიანად რუსულმა ფქვილმა ჩაანაცვლა. სტუმარი: ლევან სილაგავა - „ საქართველოს ხორბლისა და ფქვილის მწარმოებელთა ასოციაციის“ აღმასრულებელი დირექტორი; #ახალიამბები #BusinessMediaGeorgia
გასულ კვირას ახალი სსიპ-ის შექმნის შესახებ გავიგეთ. დღს კი ცნობილი გახდა, რომ მთის კურორტების განვითარების სააგენტოს სანდრო ონოფრიშვილი უხელმძღვანელებს. ამის შესახებ ვიცეპრემიერმა ლევან დავითაშვილმა ბიემჯის განუცხადა. რითი ხსნის მინისტრი ახალი სსიპ-ის შექმნის საჭიროებას? #ახალიამბები #BusinessMediaGeorgia
პრემიერმა დღეს კონკრეტული პასუხი არ თუ ვერ გასცა BMG-ს კითხვას - როდის იქნება გეგმა, სადაც კონკრეტულად გაიწერება ევროკომისიის 12 - პუნქტიანი მოთხოვნების შესრულების პერიოდები, რადგან ვადა წლის ბოლომდეა. როგორ შეიძლება ვაიძულოთ მთავრობა მაქსიმალურად ეფექტიანად გამოიყენოს შემდეგი 6 თვე და წლის ბოლომდე ქვეყანამ შეასრულოს ევროკომისიის ყველა პუნქტი, რათა მოგვცენ კანდიდატის სტატუსი? სტუმარი: ქეთი ბოჭორიშვილი - ეკონომიკის მინისტრის ყოფილი მოადგილე
,,დიზელი ბოლო 1 თვეში 30 %-მდე გაძვირდა'' #ახალიამბები #BusinessMediaGeorgia #დიზელი #საწვავი #საწვავისფასი #ბიზნესმედია
BMG-ის მთავარი რედაქტორი თელარა გელანტია შემოგვიერთდება პირდაპირ ეთერში და ძალიან მოკლედ მოგვიყვება საქართველო-ევროკავშირის ეკონომიკურ ურთიერთობაზე. #ახალიამბები #BusinessMediaGeorgia
ქვეყანაში დიზელის ტიპის საწვავი ბოლო ერთ თვეში 25%-30%-ით გაძვირდა, არადა ამის პარალელურად ფერმერებმა მოსავლის აღება დაიწყეს, რაშიც ერთ-ერთი მნიშვნელოვანი კომპონენტი დიზელის საწვავია, რითაც ფერმერები შესაბამის ტექნიკას ამუშავებენ. როგორია მოლიდინები დიზელის საწვავის ფასთან მიმართებით და რას ამბობენ თავად ფერმერები, იქონიებს თუ არა გაზრდილი ხარჯები პროდუქციის სარეალიზაციო ფასზე გავლენას? #ახალიამბები #BusinessMediaGeorgia
საქართველო EU -ს კანდიდატის სტატუსის გარეშე - არის მთავრობა მზად დავალების შესასრულებლად? სტუმარი: თენგიზ ფხალაძე - „ჯიპას“ პროფესორი #ახალიამბები #BusinessMediaGeorgia
პრემიერ-მინისტრ ირაკლი ღარიბაშვილის განცხადებით, მთავრობა მზად არის პოლარიზების შესამცირებლად ნაბიჯები გადადგას. გამართულ ბრიფინგზე ღარიბაშვილმა ევროპული საბჭოს მიერ საქართველოსთვის მინიჭებული ევროპული პერსპექტივა მიღწევად შეაფასა და ოპოზიციას პოლარიზაციის შემცირებისკენ მოუწოდა. ღარიბაშვილი ირწმუნება, რომ მთავრობა ევროკომისიის მიერ დასახელებულ ყველა პირობას შეასრულებს, პოლარიზაციის დასრულების ნაწილში კი მისი თქმით, პასუხისმგებლობა ოპოზიციამაც უნდა აიღოს. #ახალიამბები #BusinessMediaGeorgia
წვდომა EU-ს 11 პროგრამაზე, 14-მილიარდიან ფონდზე - რა დაკარგა საქართველომ კანდიდატობის ვერმიღებით? საქართველოს ყოფილი ელჩი გერმანიაში, ელგუჯა ხოკრიშვილი საუბრობს იმ ბენეფიტებზე, რომლებიც საქართველომ ევროკავშირის კანდიდატი ქვეყნის სტატუსის ვერმიღებით დაკარგა. დიპლომატი განმარტავს, რომ ერთ-ერთი ყველაზე ხელშესახები ინსტრუმენტი, რომელთანაც საქართველოს კანდიდატობის შემთხვევაში ექნებოდა წვდომა არის გაწევრიანების წინა ფინანსური ინსტრუმენტი IPA III, რომლის ბიუჯეტიც 14 მილიარდ ევროს შეადგენს. ამასთანავე, კანდიდატის სტატუსის მიღების შემთხვევაში საქართველოს გაუჩნდებდა წვდომა ევროკავშირის 11 პროგრამაზე, რომლებიც სხვადასხვა მიმართულებებს მოიცავენ. ასევე, გაწევრიანების წინა ფინანსური ინსტრუმენტზე არის მიბმული ეკონომიკური და საინვესტიციო პროგრამა (2021-2027), რომელიც ითვალისწინებს საერთაშორისო ფინანსური ინსტიტუტებიდან (EIB, KfW, EBRD, WB, IMF და ა.შ.) და კერძო სექტორიდან 30 მილიარდი ევროს მობილიზებას ( 9 მილიარდი გრანტი და 20 მილიარდი საფინანსო ინსტიტუტების ინვესტიციები) და ინვესტიციებს შემდეგი მიმართულებებით ტრანსპორტის, კერძო სექტორის განვითარების, ადამიანური რესურსების და ა.შ. "ამ შესაძლებლობების გამოყენებას საქართველოს თითოეული მოქალაქის კეთილდღეობის და ცხოვრების ხარისხის ზრდაზე ექნებოდა წარმოუდგენლად დიდი ხელშესახები შედეგი." - აცხადებს ელგუჯა ხოკრიშვილი. რისი მიღება შეგვეძლო მოკლედ მოგიყევით, გვაქვს თუ არა კიდევ შანსი? სტუმარი: ვალერი ჩეჩელაშვილი - დიპლომატი, საქართველოს სტრატეგიული ანალიზის ცენტრის აღმასრულებელი საბჭოს წევრი; #ახალიამბები #BusinessMediaGeorgia
საერთაშორისო კომპანიები - რაზე ჩივის ქართული ბიზნესი? #ახალიამბები #BusinessMediaGeorgia #საქმიანები #BMG
37 ბიზნესსუბიექტი - სწორედ ამდენი კომპანია სარგებლობს საერთაშორისო კომპანიის სტატუსით და შესაბამისად, საქართველოს შეთავაზებული საგადასახადო შეღავთებით. შეღავათები იყო სწორედ ის ბენეფიტი, რითიც მთავრობა საერთაშორისო კომპანიების საქართველოში იწვევს... თუმცა ამ გადაწყვეტილებამ ადგილობრივ კომპანიებისთვის გამოწვევებიც შექმნა - უცხოურმა კომპანიებმა აიტი დეველოპერების დიდი ნაწილი გადაიბირეს, რამაც ქართულ ბაზარზე კვალიფიციური კადრების პრობლემა გაამწვავა. რა ცვლილებებია ბაზარზე საერთაშორისო კომპანიების შემოსვლის შემდეგ? #ახალიამბები #BusinessMediaGeorgia #საქმიანები #BMG
დაძაბულობა და ფასების ზრდა ენერგობაზარზე გარკვეულწილად გადმოეცემა საქართველოსაც. შესასაყისი ფასის გაძვირების არგუმენტით, 1 ივლისიდან თბილისსა და რეგოონებში კომერციული მომხმარებლებისთვის გაზის ტარიფი იზრდება.. მოხდება თუ არა ელექტროენერგიის ტარიფის გაძვირებაც, მათ შორის, სამომხმარებლო აბონენტებისთვის და როგორ უნდა მოხდეს ადგილობრივი გენერაციის წყაროების მშენებლობის ხელშეწყობა? #ახალიამბები #BusinessMediaGeorgia
საქართველოს დერეფანში ტვირთბრუნვა რუსეთ უკრაინის ომისა და რუსეტისთვის დაწესებული სანქციების ფონზე გაიზარდა, თუმცა გაზრდილ ტვირთბრუნვას გამოწვევებიც ახლავს. ომმა გაზარდა საფრთხეები შავ ზღვაზეც... მაგალითად ომის დაწყებიდან კომპანია ბიპიმ ბაქო-სუფსის მილსადენით ნავთობის გადაზიდვა ეტაპობრივად შეამცირა და თითქმის შეაჩერა. თუ გასულ პეერიოდშ მილსადენით 300 – 400 ათასი ტონა ნავთობი გადაიზიდებოდა, მაისში ეს მაჩვენებელი თითქმის 0-მდე იყო შემცირებული... მიზეზი შავ ზღვაში ნავთობტანკერების უსაფრთხოებასთან დაკავშირებით არსებული შეშფოთებაა. ბიპი გადაწყვეტილებას „დროებით “ და "პრევენციული ღონისძიებას “ უწოდებს. რეალურად რამდენად უსაფრთხოა დღეს შავი ზღვა ტვირთფლობელებისთვის და როგორ პასუხობს გაზრდილ ტვირთნაკადს საზღვაო ინფრასტრუქტურა? სტუმარი: თამარ იოსელიანი - საქართველოს საზღვაო ტრანსპორტის სააგენტოს დირექტორი; #ახალიამბები #BusinessMediaGeorgia
გვსურს საქართველოსა და რეგიონის მხარდაჭერის გაზრდა განსაკუთთრებით ამ კრიტიკულ მომენტში - ასეთი იყო საქართველოში სამუშაო ვიზიტით მყოფი დიეფსის, ყოფილი ოპიკის, აღმასრულებელი დირექტორის მთავარი გზავნილი. ბიემჯის მაყურებელი თვალყურს ადევნებდა ამერიკელი მაღალჩინოსნის ვიზიტს და შეხედრებს საქართველოში. DFC-ი ამერიკის შეერთებული შტატების მთავრობის ერთ-ერთი მთავარი საფინანსო ინსტიტუტია, რომელიც საქართველოსთან 90-იანი წლებიდან თანამშრომლობს. 1993 წლიდან 60-ზე მეტ პროექტში, 800 მლნ დოლარის ინვესტიცია განხორციელდა. სკოტ ნათანი - DFC -ის აღმასრულებელი დირექტორი; #ახალიამბები #BusinessMediaGeorgia
ირაკლი ღარიბაშვილი პარლამენტში: კითხვები და პასუხები #ახალიამბები #BusinessMediaGeorgia
კრეატიული კომპანიებისა და პროექტების საერთაშორისო გაერთიანება “კეტარი” საქართველოში შემოდის. ისრაელის საინვესტიციო ფონდს საქართველოში დიდი გეგმები აქვს. რა მიმართულებით აპირებს საინვესტიციო ფონდი პროექტების განხორციელებას და რა შესაძლებლობებს მისცემს ის კრეატიული ინდუსტრიის მოთამაშეებს? #ახალიამბები #BusinessMediaGeorgia
საქართველოს პრემიერ მინისტრი პარლამენტში იმყოფება, რომელმაც საკანონმდებლო ორგანოს, გაწეული საქმიანობის ანგარიში წარუდგინა. პრემიერის მისამართით პარლამენტის წევრებს ძირითადად კითხვები ევროკომისიის გადაწყვეტილებასთან დაკავშირებით ჰქონდათ. პოლარიზაციის შემცირება, კორუფციასთან ბრძოლა და დეოლიგარქიზაცია… დეპუტატების კითხვებს ირაკლი ღარიბაშვილი ამ წუთებშიც ისმენს. რა მთავარი აქცენტები ჰქონდა პრემიერს პარლამენტის მაღალი ტრიბუნიდან? #ახალიამბები #BusinessMediaGeorgia
დედაქალაქში ტაქსის მომსახურება გაძვირდა. თბილისში ტაქსით გადაადგილება განსაკუთრებით ძვირი პიკის საათებშია, რაც გაზრდილ მოთხოვნას და გართულებულ გადაადგილებას, საცობებს უკავშირდება. ფასის ზრდის ერთერთი, მიზეზი საწვავის გაძვირებაა. მაგრამ არსებობს კიდევ ერთი - არარეზიდენტი პირების დაბეგვრა, რომელიც როგორც ჩანს, ტაქსის კომპანიებსაც შეეხო. რატომ იხდის ტაქსის მომსახურების მიღებაში ხშირად ძალიან მაღალ ფასს მომხმარებელი? #ახალიამბები #BusinessMediaGeorgia
პოლიტიკური არასტაბილურობა, ეროვნული ვალუტის მერყეობა, არაკვალიფიციური მუშახელი - ეს ის 3 მნიშვნელოვანი პრობლემაა, რომელსაც საქართველოში მოქმედი ევროპული და ადგილობრივი ბიზნესები აწყდებიან. შესაბამისი კვლევა ევროპულმა ბიზნესასოციაციამ 200 კომპანიაზე დაყრდნობით მოამზადა და დაინტერესებულ მხარეებს წარუდგინა. ბიზნესის საჭიროებების კვლევის მომდევნო ეტაპი მისი განხილვა და გამოსავლის გზების ძიება იქნება, რომელსაც კონკრეტულ ფორმატში განიხილავენ. ეს ფორმატი კი ეკონომიკური თანამშრომლობის პლატფორმაა, რომელიც საქართველოში ევროკავშირის ჩართულობით შეიქმნა. #ახალიამბები #BusinessMediaGeorgia
საქართველოს ერთ-ერთი მთავარი საექსპორტო პროდუქტის, ფეროშენადნობების ექსპორტი 98% გაიზარდა. 5 თვეში საექსპპრტო ბაზრებზე 286 მლნ დოლარის პროდუქცია გავიდა. ბოლო 1 თვეა რეკორდული ფასიდან ფეროშენადბობების პროდუქციის ღირებულება შემცირებულია. ამ დროისათვის 1 ტონა ფეროშენადნობების ღირებულება 1600 დოლარია. რა ხდება საქართველოს ერთ-ერთი უმსხვილესი საექსპორტო დარგში? სტუმარი: ნუგზარ კევლიშვილი - „ფეროშენადნობთა ასოციაციის“ პრეზიდენტი; #ახალიამბები #BusinessMediaGeorgia
საქართველოს ევროპულ პერსპექტივაზე, მის მნიშვნელობაზე, 20 ივნისის აქციამდე და ევროკომისიის რეკომენდაციის გასაჯაროების შემდეგ ბი ემ ჯიმ კერძო სექტორის სეფასებები უხვად მოისმინა და მოგაწოდათ თქვენც. საინტერესოა რას ფიქრობს ბიზნესი გუშინდელი აქციის შემდეგ, გამოჩნდა თუ არა ახალი პერსპექტივა და იმედი კერძო სექტორისთვის მათ შორის? სტუმარი: თამაზ დაუშვილი - კომპანია „დიო“-ს თანადამფუძნებლი, მმართველი პარტნიორი; #ახალიამბები #BusinessMediaGeorgia
უორენ ბაფეტთან ერთად სადილის შესაძლებლობა წელს ბოლოჯერ გაიყიდა, თანაც რეკორდულ ფასად,19 მილიონ დოლარად. გამარჯვებულთან ერთად კი ყველა საკითხზე და მისთვის საინტერესო თემაზე საუბარს გეგმავს, გარდა საინვესტიციო სტრატეგიისა. რაც შეეხება თანხას, რომელიც აუქციონიდან შემოვიდა, ის სრულად, არაკომერციულ ორგანიზაციას Glide-ს გადაეცა, რომელიც ეხმარება ღარიბებს, უსახლკაროებს ან მათ, ვინც ნარკოტიკების მოხმარებას ებრძვის. ვისთან და სად ივახშმებს 91 წლის მილიარდერი ბოლოჯერ და როგორია მისი გეგმები? #ახალიამბები #BusinessMediaGeorgia
საშუალო და დაბალშემოსავლიან ქვეყნებს სტაგფლაცია ემუქრება - ასე ფიქრობს მსოფლიო ბანკი, რომელმაც დღეს ეროვნულ ბანკთან ერთად გლობალური ეკონომიკის პერსპექტივების ივნისის ანგარიში წარადგინა. ანგარიში კოვიდ-19-ით გამოწვეულ ზიანთან ერთად, რომელმაც ქვეყნების ეკონომიკური ზრდა შეანელა, რუსეთ-უკრაინის ომის გავლენებსაც შეეხო, რომელმაც გლობალური ეკონომიკის ზრდა კიდევ უფრო შეანელა. #ახალიამბები #BusinessMediaGeorgia
რამდენიმეწლიანი განხილვების შემდეგ მთავრობა საპარტნიორო ფონდის რესტრუქტურიზაციამდე მივიდა. საკითხი დღეს მთავრობის სხდომაზე განიხილეს. ვიცით ის, რომ საპარტნიორო ფონდის მომავალ საქმიანობაში სახელმწიფო მხოლოდ აქციონერის როლში იქნება, სამეთვალყურეო საბჭო კი ნაცვლად მთავრობის წევრებისა, დამოუკიდებელი პირებისგან დაკომპლექტდება. მინისტრთა კაბინეტის სხდომის შემდეგ ეკონომიკის სამინისტრომ გაავრცელა პრესრელიზი: ინფორმაციაში ნათქვამია, რომ ხელისუფლების მიერ რესტრუქტურიზაციის პროცესში შეტანილი ცვლილებები ფონდს მეტ მოქნილობას მისცემს. #ახალიამბები #BusinessMediaGeorgia
მიუხედავად რთული გეოპოლიტიკური ვითარებისა საქართველოს საგარეო ვაჭრობა ზრდის კარგ ტრენდს ინარჩუნებს. თვალსაჩინო მაგალითი მაისია, როდესაც ექსპორტი რეკორდული იყო და ნახევარ მილიარდ დოლარს გადააჭარბა. 5 თვეში კი, საქართველოს საგარეო სავაჭრო ბრუნვა 37%-ით არის გაზრდილი და 6.9 მილიარდ დოლარს აჭარბებს. იმპორტის წილი 4 მილიარდ 821 მილიონი დოლარია. რაც შეეხება ექსპორტს, ამ შემთხვევაში ზრდა 37.5%-ია. ექსპორტის მოცულობამ იანვარ-მაისში 2 მილიარდ 100 მილიონი დოლარი შეადგინა. როგორ შეიცვალა საქართველოს საექსპოეტო ბაზრები და რა პროდუქცია გააქვს ქვეყანას უცხოეთში, როგორია ექსპორტის მაჩვენებლებში რუსეთის წილი? #ახალიამბები #BusinessMediaGeorgia
უფუნქციოდ 3.5 წელი -,,ქუთაისის პარლამენტის შენობა'' #ახალიამბები #BusinessMediaGeorgia
ქუთაისში პრივატიზაცია აქტიურდება - უკვე მომზადებულია 25-მდე სახელმწიფო ობიექტი, რომელიც უნდა გაიყიდოს. ქუთაისში და მის მიმდებარედ განთავსებული უძრავი ქონების ღირებულება 60 მილიონ ლარს აჭარბებს. აღნიშნული ობიექტები კვლევის ფარგლებში გამოავლინეს, რომელმაც ქუთაისის საინვესტიციო შესაძლებლობები შეისწავლა. პროექტი USAID-ის ეკონომიკური უსაფრთხოების პროგრამის ხელშეწყობით სახელმწიფო ქონების ეროვნულ სააგენტოსთან პარტნიორობით შეიმუშვდა. საპრივატიზაციო ქონებების ნუსხაში ვერ მოხვდა ქუთაისში პარლამენტის შენობა, სამაგიეროდ დაგეგმილია ქუთაისის საკონსერვო ქარხნის რეალიზაცია, კონკრტული პირობებით. სტუმრები: სოფო ჭელიძე - სახელმწიფო ქონების ეროვნული სააგენტოს გაყიდვების სამსახურის უფროსი; გიორგი ახალაია - usaid-ის ეკონომიკური უსაფრთხოების პროგრამის კერძო სექტორის განვითარების კომპონენტის ხელმძღვანელი; თეკლა იაშაღაშვილი - კომპანია Cushman & Wakefield-ის საკონსულტაციო დეპარტამენტის ხელმძღვანელი. #ახალიამბები #BusinessMediaGeorgia
ევროკომისიამ მხარი არ დაუჭირა საქართველოსთვის ევროკავშირის წევრობის კანდიდატის სტატუსის მინიჭებას. სტრუქტურამ უკრაინისა და მოლდოვისთვის კანდიდატის სტატუსის დაუყოვნებლივ მინიჭებაზე დადებითი დასკვნა გასცა, საქართველოს შემთხვევაში კი, კომისიამ დაასახელა კონკრეტული პირობები, რომელთა დაკმაყოფილებაც აუცილებელი იქნება მომავალში კანდიდატის სტატუსის მისანიჭებლად. საქართველომ მხოლოდ ევროკავშირის წევრობის “პერსპექტივა” მიიღო. ევროკომისია საქართველოსგან პოლიტიკური პოლარიზაციის დასრულებას, სასამართლო რეფორმას, დე-ოლიგარქციაზიას და ანტიკორუფციულ რეფორმებს ითხოვს. რატომ ჩამორჩა საქართველო ასოცირებულ ტრიოს? სად დაუშვა ქვეყანამ შეცდომა? სტუმარი: შოთა ღვინერია - EPRC-ის უსაფრთხოების მიმართულების ხელმძღვანელი #ახალიამბები #BusinessMediaGeorgia #BMG
მთავრობა ქუთაისში აგრესიულ პრივატიზაციას აანონსებს. „მხოლოდ ქუთაისში და მის მიმდებარედ 60 მლნ ლარზე მეტის სახელმწიფო ქონებაა მზად გასაყიდად“ - აცხადებს ეკონომიკისა და მდგრადი განვითარების მინისტრის მოადგილე. სამინისტროს ინფორმაციითვე, უკვე იდენტიფიცირებულია საინვესტიციოდ მიმზიდველი 25 სახელმწიფო ქონება, რომელსაც სავარაუდოდ აუქციონზე მალე გამოიტანენ, მათ შორისაა ყოფილი „ქუთაისის საკონსერვო ქარხანა“, რომლის ტექნიკურ-ეკონომიკური მიზანშეწონილობის კვლევა, ბიზნესგეგმა და განვითარების არქიტექტურული რენდერი USAID-ის მხარდაჭერით, უძრავი ქონების განვითარების საერთაშორისო კომპანია “ქუშმან & ვეიკფილდმა” მოამზადა. #ახალიამბები #BusinessMediaGeorgia
დოლარში სესხები გაძვირდება - FED - ის გადაწყვეტილების გავლენა საქართველოში #ახალიამბები #BusinessMediaGeorgia
საქართველოში „დელტას“ ბაზაზე ქარის ელექტროსადგურებისთვის გენერატორების წარმოება გერმანულ Vensys -სთან თანამშრომლობით იგეგმება. სწორედ გერმანულ კომპანიასთან მიმდინარეობს მოლაპარაკებები წარმოებისთვის საჭირო ტექნოლოგიის - ლიცენზიის შესაძენად. გერმანული კომპანიის წარმომადგენლები საქართველოში უკვე იმყოფებოდნენ და დელტას ბაზას სტუმრობდნენ. რა ეტაპზეა პროექტი და როდის შეიძლება დაიწყოს საქართველოში ქარის ელექტროსადგურებისთვის საჭირო მოწყობილობების წარმოება? #ახალიამბები #BusinessMediaGeorgia
საქართველოში დოლარში სესხები გაძვირდება. მკვეთრად გაზრდილი ინფლაციის ფონზე, აშშ-ის ფედერალურმა სარეზერვო სისტემამ მონეტარული პოლიტიკა გაამკაცრა. FED-ის გადაწყვეტილებით, ქვეყანაში რეფინანსირების განაკვეთი 75 საბაზო პუნქტით გაიზარდა. განაკვეთის 0.75%-იანი ზრდა აშშ-ის ისტორიაში უჩვეულოდ მაღალი მაჩვენებელია - მსგავსი გადაწყვეტილება FED-მა ბოლოს 1994 წელს მიიღო. რა გავლენა ექნება ამას საქართველოზე? #ახალიამბები #BusinessMediaGeorgia #მონეტარულიპოლიტიკა #რეფინანსირებისგანაკვეთი #საქმიანები #ბიზნესმედია
ფსონი სამხრეთის გაზის დერეფანზე - რუსეთის უკრანაში შეჭრამ დასავლეთი ენერგორესურსების მომწოდებლების ცვლილების აუცილებლობის წინაშე დააყენა. ევროპა უკვე წლებია ცდილობს ენერგორესურსების დივერსიფიცირებას, მაგრამ ახლა მისთვის სასიცოცხლოდ აუცილებელია გაზის ახალი მიმწოდებლების მოძიება. ამ ფონზე გასაკვირი არ არის ფოკუსი სამხრეთის გაზის დერეფანზე და გააქტიურებული საუბრები სწორედ ამ დერეფნის პოტენციალზე... რეალურად რა შესაძლებლობა აქვს დღეს აზერბაიჯანს გახდეს ევროპისთვის რუსეთის ალტერნატივა და რა ცვლილებებია ენეგორუკაზე? სტუმარი: თემურ გოჩიტაშვილი - ექსპერტი ენერგეტიკის სექტორში; #ახალიამბები #BusinessMediaGeorgia
საქართველოში საშუალო ხელფასი 1 446 ლარი და 50 თეთრია - საქსტატმა I კვარტალში საქართველოში საშუალო თვიური ნომინალური ხელფასის სტატისტიკა გამოქვეყნა, რომლის თანახმად, გასული წლის შესაბამის პერიოდთან შედარებით ქვეყანაში ხელფასები 15.1 პროცენტით ანუ 190.3 ლარით გაიზარდა. რომელ სექტორებშია ყველაზე მაღალი ხელფასი და როგორია ყველაზე მაღალი და დაბალი ხელფასების გეოგრაფია? #ახალიამბები #BusinessMediaGeorgia
გასული წლიდან საერთაშორისო ტექნოლოგიურ კომპანიებს, რომლებიც საქართველოშიც ოპერირებენ, საგადასახადო კოდექსში შესული ცვლილებებით, გადასახადის გადახდის ვალდებულება გაუჩნდათ. საუბარია ისეთ ბიზნესებზე, როგორებიცაა: Google, Facebook, Instagram, Airbnb და ა.შ. შესაბამისი გადაწყვეტილება საქართველოს მთავრობამ ევროკავშირის კანონმდებლობასთან ჰარმონიზაციის მიზნით მიიღო. რა თანხა შევიდა საქართველოს ბიუჯეტში აღნიშნული გადასახადებიდან? #ახალიამბები #BusinessMediaGeorgia
დაავადებათა კონტროლის ეროვნული ცენტრის ხელმძღვანელის, ჯანდაცვის მსოფლიო ორგანიზაცია კი მომავალ კვირას საგანგებო შეხვედრას გამართავს, რათა დადგინდეს, არის თუ არა „მაიმუნის ყვავილის“ გავრცელება საერთაშორისო მნიშვნელობის მქონე საზოგადოებრივი ჯანმრთელობის განსაკუთრებული მდგომარეობა. აღსანიშნავია, რომ გაფრთხილების ეს უმაღლესი დონე ორგანიზაციამ, მათ შორის Covid-19-ის, ღორის გრიპისა და ებოლას გამო გამოიყენა. ჯანდაცვის მსოფლიო ორგანიზაციის მონაცემებით, მიმდინარე წელს მსოფლიოს 39 ქვეყანაში ვირუსის 1600 და გარდაცვალების 72 შემთხვევაა დაფიქსირებული. ჯანმოს ხელმძღვანელის შეფასებით, მაიმუნის ყვავილის აფეთქება უჩვეულო და შემაშფოთებელია. აქვს უ არა მსოლფიოს შეშფოთების საფუძველი და რამდენად რეალურია მაიმუნის ყვავილი მორიგ პანდემიად იქცეს? სტუმარი: ზაზა წერეთელი - ნორვეგიის სამეფოს ჯანდაცვის სამინისტროს უფროსი მრჩეველი #ახალიამბები #BusinessMediaGeorgia
მცხეთა-მთიანეთის მხარეში, კერძოდ წილკანში კომპანია „ტიმეოს“ ლოკოკინების გადამამუშავებელი საწარმო გახსნა. კომპანიამ ლოკოკინების გადამამუშავებელი საწარმოს ასაშენებლად დაახლოებით 7 მლნ ლარის ოდენობის ინვესტიცია განახორციელა. უმაღლესი სტანდარტების ქარხანას, მინიჭებული აქვს უნიკალური საწარმოს კოდი. ცნობილია, რომ კომპანი გადამუშავებულ პროდუქტს მთლიანად ექსპორტზე გაიტანს საფრანგეთში. „ტიმეომ“ უკვე გააფორმა ხელშეკრულება ყველაზე დიდ ფრანგულ კომპანიასთან, რომელიც მთლიანად შეისყიდის ქართული საწარმოს მიერ გადამუშავებულ ლოკოკინას. სტუმარი: გიორგი ქადაგიძე - “ტიმეო”-ს თანადამფუძნებელი და აღმასრულებელი ხელმძღვანელი; #ახალიამბები #BusinessMediaGeorgia
20-მა სტარტაპ კომპანიამ საქართველოს ინოვაციების და ტექნოლოგიების სააგენტოს გრანტების პროგრამის ფარგლებში 150 ათას ლარიანი დაფინანსება მოიზიდეს. გადაწყვეტილება საინვესტიციო კომიტეტმა მიიღო, რომელიც მაღალი დონის საერთაშორისო ვენჩურული ინვესტორების მიერ არის დაკომპლექტებული. აღსანიშნია, რომ სააგენტომ 150 ათას ლარიანი თანადაფინანსების გრანტების პროგრამა მიმდინარე წლის 9 მარტს უკვე მერვედ გამოაცხადა. აღნიშნული პროგრამის შვიდი რაუნდის ფარგლებში ჯამურად უკვე დაფინანსებულია 135 სტარტაპი. სტუმარი: ავთანდილ კასრაძე - საქართველოს ინოვაციებისა და ტექნოლოგიების სააგენტოს თავმჯდომარე; #ახალიამბები #BusinessMediaGeorgia
19 საქმე პროკურატურაში და 107 მილიონი ლარის დარღვევები - ეს სახელმწიფო აუდიტის სამსახურის 2021 წლის საქმიანობის შედეგია. საქართველოს პარლამენტმა სამსახურის ანგარიშის განხილვა დღეს დაიწყო. გენერალურმა აუდიტორმა ირაკლი მექვაბიშვილმა საფინანსო საბიუჯეტო კომიტეტს მიაწოდა ინფორმაცია - სად რა გამოწვევებს ხედავს უწყება და რამდენად სრულდება ის რეკომენდაციები, რომლებსაც აუდიტის სამსახური სახელმწიფო ორგანიზაციების აწვდის. #ახალიამბები #BusinessMediaGeorgia