"პლაკატების უნებართვო განთავსებაზე მოკვლევა მიმდინარეობს, იქნება სანქციები“- ეს განცხადება თბილისის მერის მოადგილემ დედაქალაქის ქუჩებში ე.წ რუსულ კანონთან დაკავშირებულ პლაკატებზე გააკეთა, რომელიც ბოლო რამდენიმე დღეა თბილისის ცენტრალურ გამზირებზე გამოჩნდა. რა სანქციებს ითვალისწინებს ქალაქში ნებართვის გარეშე მსგავსი ტიპის სარეკლამო ბანერების განთავსება? #ახალიამბები #BusinessMediaGeorgia
#ბიზნესსიახლეები bm.ge-სგან / 09.04.202 "₾10-მილიონიანი ინვესტიციით A კლასის საწყობი გავხსენით" - რას გეგმავს თბილისის ლოგისტიკური ცენტრი? მთავრობამ ადგილობრივ ბაზარზე ქართული ღვინოპროდუქციის პოპულარიზაციის ხელშეწყობის პროგრამა დაამტკიცა; "დამსი": ჩვენი ბლოკი სტანდარტულად წარმოებულ ბლოკთან შედარებით 3-ჯერ უფრო ენერგოეფექტური იქნება; რაში გამოიყენებს Foodly GITA-ს ₾25 000-ლარიან გრანტს? - სტარტაპის გეგმები; გორში „სოფიოგას“ რიგით მეორე ფილიალი გაიხსნა; #ახალიამბები #BusinessMediaGeorgia
ექსპორტი ისრაელში 2023 წელს - $22 მლნ, ინვესტიციები ისრაელიდან - $21 მლნ,შემოსავლები ტურიზმში ისრაელიდან - $308 მლნ. როგორია საქართველო-ისრაელის ეკონომიკური კავშირები რიცხვებში - BMG-ს მთავარმა რედაქტორმა დაამუშავა ორ ქვეყანას შორის სავაჭრო-ეკონომიკური კავშირის ტენდენციები და ასევე, დასვა კითხვა - რა სჭირდება საქართველო-ისრაელს შორის ეკონომიკური ურთიერთობების უფრო მეტად გაღრმავებას,როგორ შეიძლება მეტი უცხოური ინვესტიციის მოზიდვა ისრაელიდან და ძირითადად, რა პრობლემებს აწყდებიან ისრაელელი ინვესტორები საქართველოში; #ახალიამბები #BusinessMediaGeorgia
სადერივაციო გვირაბზე მომხდარი დაზიანების გამო, ენგურის ჰიდროელექტროსადგური ერთი კვირაა, გაჩერებულია. იაფი ელექტროენერგიის გამომუშავება შეწყვეტილია. ენგურჰესში აცხადებენ, რომ დაზიანებული მონაკვეთის აღსადგენად, 30 კუბური/ მეტრი ბეტონია საჭირო. სამუშაოებს, რომელიც მიმდინარე კვირაში უნდა დასრულდეს, ჰიდრომშენი აწარმოებს. ხელშეკრულების მიხედვით, ჩატარებული სამუშაოების სანაცვლოდ 126 502 ლარს მიიღებს. რა ეტაპზეა სამუშაოები? რა პრობლემების მოგვარება უწევს ჰიდრომშენს და საიდან მიეწოდება ოკუპირებულ აფხაზეთს ელექტროენერგია? #ახალიამბები #BusinessMediaGeorgia
საწვავი ძვირდება. ბენზინის ფასი ბოლო ერთ კვირაში ადგილობრივ ბრენდირებულ ბენზინგასამართ სადგურებზე 2-5 თეთრით არის გაძვირებული. საერთაშორისო ბირჟაზე გაძვირებულია ნავთობიც. იმპორტიორები ქართულ ბაზარზე საწვავის გაძვირებას გლობალურად ნავთობსა და ნავთობპროდუქტებზე ფასების ზრდას უკავშირებენ. საერთაშორისო ბირჟებზე ბრენტის მარკის ნავთობის ღირებულება ბოლო 1 თვეში 14%-ითა 90 დოლარამდეა გაზრდილი. დარგის წარმომადგენლების ნაწილი არ გამორიცხავს, რომ მიმდინარე თვის ბოლომდე საქართველოში საწვავი დამატებით 10-15 თეთრით გაძვირდეს. #ახალიამბები #BusinessMediaGeorgia
სადერივაციო გვირაბში დაზიანების გამო, 1 აპრილიდან ენგურის ჰიდროელექტროსადგური გაჩერებულია. დაზიანებული მონაკვეთის აღსადგენად, 30 კუბური/ მეტრი ბეტონია საჭირო. სამუშაოებს, რომელიც მიმდინარე კვირაში უნდა დასრულდეს, კომპანია ჰიდრომშენი აწარმოებს, რომელიც ენგურჰესმა გამარტივებული შესყიდვის გზით შეარჩია. რა ეტაპზეა დღეს სამუშაოები? რა პრობლემების აღმოფხვრა უწევს ჰიდრომშენს და საიდან მარაგდება ოკუპირებული აფხაზეთი, რომლისთვისაც ენგურჰესის გამომუშავებულ ელექტროენერგიას განსაკუთრებული მნიშვნელობა აქვს; #ახალიამბები #BusinessMediaGeorgia
საქართველოს ბაზარზე საწვავი ძვირდება. მსხვილი ბენზინგასამართი სადგურების ნაწილში ბოლო ერთი კვირის განმავლობაში სხვადასხვა ტიპის ნავთობპროდუქტებზე ფასი დაახლოებით 2-5 თეთრითაა გაზრდილი. იმპორტიორები ქართულ ბაზარზე საწვავის გაძვირებას გლობალურად ნავთობსა და ნავთობპროდუქტებზე ფასების ზრდას უკავშირებენ. საერთაშორისო ბირჟებზე ბრენტის მარკის ნავთობის ღირებულება ბოლო 1 თვეში 14%-ითა 90 დოლარამდეა გაზრდილი. დარგის წარმომადგენლების ნაწილი არ გამორიცხავს, რომ მიმდინარე თვის ბოლომდე საქართველოში საწვავი დამატებით 10-15 თეთრით გაძვირდეს. #ახალიამბები #BusinessMediaGeorgia
ენერგეტიკული ბირჟის გახსნა აღარ გადავადდება. ეკონომიკის მინისტრის განცხადებით, 1 ივლისიდან აქტორები სავაჭრო ოპერაციებში ნებაყოფლობითი პრინციპით მიიღებენ მონაწილეობას. ენერგეტიკული ბაზრის რეფორმის განხორციელების ვალდებულება საქართველომ ევროპის ენერგეტიკულ გაერთიანებაში წევრობით აიღო, რომელიც ჯერ კიდევ 2019 წლის ბოლომდე უნდა შეესრულებინა, თუმცა ბირჟის ამოქმედება აქამდე უკვე 6-ჯერ გადავადდა. ბოლო პერიოდში გადავადების მთავარი მიზეზი რთული გეოპოლიტიკური მოვლენებია. რა პირობებში იხსნება ბირჟა და რჩება თუ არა რისკები? #ახალიამბები #BusinessMediaGeorgia
წერეთლის გამზირის რეაბილიტაციის შეუსრულებელი ტენდერის გამო "შავ სიაში" მყოფმა ერ-ტე-დემ "თეთრ სიაში" გადაინაცვლა. სახელმწიფო შესყიდვების სააგენტომ თებერვლის დასაწყისში "შავ სიაში" შეიყვანა ორივე კომპანია, რომლებიც წერეთლის გამზირზე მუშაობდნენ და რომლებთანაც ხელშეკრულებები დროულად შეუსრულებელი სამუშაოების გამო შეწყდა. ორიდან ერთი, ლუხუმ ქართლოსიშვილის კომპანია ერ-ტე-დე ამ დროისთვის თეთრ სიაშია. ამასთან, მონაწილეობს საქართველოს მყარი ნარჩენების მართვის კომპანიის 367'000-იან ტენდერში, სადაც განაცხადების მიღება დასრულებულია და "ერ-ტე-დე" ერთადერთი პრეტენდენტია. კომპანიები ე.წ შავ სიაში მერიის მოთხოვნის საფუძველზე მოხვდნენ. კანონის მიხედვით, კომპანია, რომელიც "შავ სიაში" ხვდება 1 კალენდარული წლის განმავლობაში ვეღარ მონაწილეობს სახელმწიფო შესყიდვებში. თავად კომპანიაში, ჩვენს ზარებს და შეტყობინებებს არ პასუხობენ. მეორე კომპანიაში კი, რომელიც წერეთლის გამზირის ყოფილი კონტრაქტორია აცხადებენ, რომ შავი სიიდან ამოღების მოთხოვნით სასამართლოს მათაც მიმართეს, თუმცა "მილენიუმ ბილდერს ჯგუფის" პროცესები ამ დრომდე არ ჩანიშნულა. როგორ ახერხებენ კომპანია კანონის გვერდის ავლით შავი სიიდან თეთრ სიაში გადანაცვლებას, რა ხარვეზია სისტემაში და შეცვლის თუ არა ამ მიმართულებით არსებულ ხარვეზებს ახალი კანონმდებლობა, რომელიც 2025 წლიდან უნდა შევიდეს ძალაში? სტუმარი: ბადრი ნიაური - იურისტი #ახალიამბები #BusinessMediaGeorgia
ექსპორტი ისრაელში 2023 წელს - $22 მლნ, ინვესტიციები ისრაელიდან - $21 მლნ,შემოსავლები ტურიზმში ისრაელიდან - $308 მლნ. როგორია საქართველო-ისრაელის ეკონომიკური კავშირები რიცხვებში - BMG-ს მთავარმა რედაქტორმა და გადაცემა „წერტილის“ წამყვანმა დაამუშავა ორ ქვეყანას შორის სავაჭრო-ეკონომიკური კავშირის ტენდენციები და ასევე, დასვა კითხვა - რა სჭირდება საქართველო-ისრაელს შორის ეკონომიკური ურთიერთობების უფრო მეტად გაღრმავებას,როგორ შეიძლება მეტი უცხოური ინვესტიციის მოზიდვა ისრაელიდან და ძირითადად, რა პრობლემებს აწყდებიან ისრაელელი ინვესტორები საქართველოში #ახალიამბები #BusinessMediaGeorgia
საქართველოს პრემიერ-მინისტრის, თქმით, თბილისში ახალი აეროპორტის აშენებას სერიოზული ეკონომიკური ეფექტი ექნება და ეს არის 0.2 პროცენტული პუნქტით ეკონომიკური ზრდის მომატება. მთავრობის გათვლებით ახალი აეროპორტი 19 მილიონამდე მგზავრის მომსახურებას შეძლებს. სამიზნეებთან ერთად მთავრობას წინასწარი ხარჯებიც დათვლილი აქვს - ბიუჯეტს ხარჯი წინასწარი გათვლით 1.3 მლრდის ექნება, თუმცა სახელმწიფო მხოლოდ მესაკუთრე დარჩება და მმართველობაში კერძო სექტორი იქნება. #ახალიამბები #BusinessMediaGeorgia
მთავრობა ახალ CFD აუქციონებს აღარ გამოაცხადებს. ლევან დავითაშვილის განცხადებით, იგეგმება საკანონმდებლო ცვლილებების შეტანა საჯარო-კერძო პარტნიორობის კანონმდებლობაში, რათა პროექტების განხილვის პროცესი გამარტივდეს. ამასთანავე, ლევან დავითაშვილი ამბობს, რომ შეიცვლება ენერგეტიკული სექტორის მხარდაჭერის მოდელი და იმ პროექტებზე, რომლებსაც შესრულების შესაძლებლობა აქვთ, სახელმწიფო ელექტროენერგიის გარანტირებული შესყიდვის ხელშეკრულებებს პირდაპირ გაუფორმებს. #ახალიამბები #BusinessMediaGeorgia
#ბიზნესსიახლეები bm.ge-სგან / 08.04.2024 I კვარტალში ტურიზმიდან მიღებული შემოსავალი $879 მლნ-მდე გაიზარდა - Galt & Taggart; 2023 წელს საქართველომ ლოკოკინას ექსპორტით $1.2 მლნ-ის შემოსავალი მიიღო - სად ვყიდით? ვერაზე დიზაინ სასტუმრო “არტიზანი” და ბარ-რესტორანი “იაკობის ეზო” იხსნება; „იმედია, 2026-28-ის პერიოდში, EU-ს ბაზარი აკვაკულტურაში წარმოებულ თევზსაც გაეხსნება - დიასამიძე; "ბაზარზე კვალიფიციური კადრი სანთლით უნდა ეძებო " - Woodmetal; #ახალიამბები #BusinessMediaGeorgia
მთავრობა ახალ CFD აუქციონებს აღარ გამოაცხადებს. ლევან დავითაშვილის განცხადებით, იგეგმება საკანონმდებლო ცვლილებების შეტანა საჯარო-კერძო პარტნიორობის კანონმდებლობაში, რათა პროექტების განხილვის პროცესი გამარტივდეს. ამასთანავე, ლევან დავითაშვილი ამბობს, რომ შეიცვლება ენერგეტიკული სექტორის მხარდაჭერის მოდელი და იმ პროექტებზე, რომლებსაც შესრულების შესაძლებლობა აქვთ, სახელმწიფო ელექტროენერგიის გარანტირებული შესყიდვის ხელშეკრულებებს პირდაპირ გაუფორმებს. #ახალიამბები #BusinessMediaGeorgia
1-ელი მაისიდან იმ მომხმარებლებისთვის, რომლებსაც შემოსავალი ეროვნულ ვალუტაში აქვთ, სავალუტო კრედიტის გაცემის ქვედა ზღვარი 400 000 ლარამდე იზრდება. შესაბამისი გადაწყვეტილება ეროვნული ბანკის ფინანსური სტაბილურობის კომიტეტმა მიიღო. სებ-ის შეფასებით, გლობალურად გამკაცრებული ფინანსური პირობების ფონზე, უცხოური ვალუტის სესხებზე მოთხოვნა შემცირებულია. მარეგულირებელი მიუთითებს, რომ არსებული გარემოებები უცხოური ვალუტის სესხების ლიმიტის გასაზრდელად სასურველ წინაპირობას ქმნის. საბანკო სექტორში კი აღნიშნავენ, რომ დედოლარიზაციის მიმართულებით გადადგმულ მორიგ ნაბიჯს გავლენა, ძირითადად, მცირე და საშუალო ბიზნესზე ექნება. #ახალიამბები #BusinessMediaGeorgia
ავიაკომპანია Wizz Air-ში აცხადებენ, რომ ბოლო პერიოდში ქუთაისის აეროპორტიდან ფრენების გადადება და გაუქმება თვითმფრინავების ძრავების შემოწმების პროცესს უკავშირდება. „ყველაფერს ვაკეთებთ, რომ რაც შეიძლება სწრაფად აღვადგინოთ შეჩერებული ავიამიმართულებები“, - ასე პასუხობს bmg-სთან ინტერვიუში Wizz Air-ის კორპორაციული კომუნიკაციების ხელმძღვანელი კითხვას, როდის მოგვარდება ფრენებთან დაკავშირებული პრობლემა. რაც შეეხება ბოლო პერიოდში ბილეთების გაძვირების საკითხს, ავიაკომპანიაში ერთ-ერთ მიზეზად გაზრდილ მოთხოვნას ასახელებენ, თუმცა აცხადებენ, რომ Wizz Air-სთვის ავიაბილეთების ხელმისაწვდომობა კვლავ პრიორიტეტი რჩება. რა გეგმები აქვს ავიაკომპანიას საქართველოში და გეგმავს თუ არა ის ზაფხულში ევრო 2024-სთვის დამატებითი რეისების დანიშვნას გერმანიის მიმართულებით? ჟაჟა ტრუბეკი - Wizz Air-ის კორპორაციული კომუნიკაციების ხელმძღვანელი; #ახალიამბები #BusinessMediaGeorgia
1.3 მლრდ ახალი აეროპორტისთვის - მთავრობამ თბილისში, ვაზიანის ტერიტორიაზე ახალი აეროპორტის მშენებლობის გადაწყვეტილება მიიღო, რომელიც 19 მილიონი მგზავრის მომსახურებას შეძლებს. მთავრობა ახალი ინფრასტრუქტურის მშენებლობის დასრულებას გეგმის მიხედვით 2028 წელს აპირებს. ამასთან, მთავრობა აპირებს პროექტი არა საბიუჯეტო სახსრებით, არამედ ინვესტორებისგან მოზიდული თანხებით განახორციელოს. #ახალიამბები #BusinessMediaGeorgia
პარლამენტის ბიუროს დღეს „უცხოური გავლენის გამჭვირვალობის შესახებ" კანონის პროექტი წარედგინება. ბიურო რუსულ კანონს განსახილველად პარლამენტის კომიტეტებს გადასცემს. "ქართული ოცნების" სახელით რეგისტრირებული კანონპროექტი შინაარსით გასულ წელს ინიცირებული და საპროტესტო აქციების შედეგად "ჩაგდებული" პროექტის ანალოგიურია. უცხოური ძალის ინტერესების გამტარებელ ორგანიზაციად ისეთი არასამეწარმეო იურიდიული პირები და მედიასაშუალებები დარეგისტრირდებიან, რომელთა შემოსავლების მოცულობა 20%-ზე მეტია. რუსული კანონი უკვე გააპროტესტეს ევროკავშირსა და აშშ-ში. რას ამბობენ მინისტრები? დეტალებით თელარა გელანტია BM.GE-ის მთავარი რედაქტორი; #ახალიამბები #BusinessMediaGeorgia
Wrestlemania XL - პროფესიონალური რესლინგის უდიდესი შოუს დაბრუნება #ახალიამბები #BusinessMediaGeorgia
სადაზღვევო პოლისები გაძვირდა. საქსტატის მონაცემებით, დაზღვევის მომსახურებაზე მარტში ფასი 3.9%-ით გაიზარდა როგორც წლიურად, ასევე თვის ჭრილშიც. სადაზღვევო პოლისების გაძვირებას ადასტურებენ სექტორის წარმომადგენლები და დაზღვევის სახელმწიფო ზედამხედველობის სამსახურის უფროსიც. დავით ონოფრიშვლის თქმით, ფასების ზრდა ძირითადად ავტოდაზღვევის და ჯანმრთელობის დაზღვევის პოლისებს შეეხო, რასაც ობიექტური მიზეზები ჰქონდა. #ახალიამბები #BusinessMediaGeorgia
კომპანია "ტრანსპორტერი" 8 წელია სამი მიმართულებით ოპერირებს. ერთი მიმართულება არის მოტო რეკრეაციული მიმართულება, სადაც კვადროციკლები, ბაგები, თოვლმავლები და წყლის სკუტერები შედის. კომპანია წარმოადგენს ისეთ ბრენდებს როგორიცაა: BRP, CF Moto, ARGO და ა.შ. ამასთან, მოტო ტექნიკა ისეთი ბრენდები როგორიც არის Kawasaki, KYMCO და Govecs. საკმაოდ მასშტაბური პორტფელით და უკვე წლების ისტორიის კომპანიას კომერციული დირექტორის პოზიციაზე რამდენიმე დღის წინ გიორგი იმერლიშვილმა შეუერთდა. სტუმარი: ➡️გიორგი იმერლიშვილი - „ტრანსპორტერი“-კომერციული დირექტორი; ➡️ანა ლაპიაშვილი - ავტორი & წამყვანი #ახალიამბები #BusinessMediaGeorgia
ჯანდაცვის მინისტრმა ონკოპაციენტებისათვის დაწესებული 25 ათასლარიანი ლიმიტი გააუქმა. მიხეილ სარჯველაძემ ერთი საათის წინ გამართულ ბრიფინგზე განაცხადა რომ კომუნიკაციის შედეგად რაც როგორც ონკოპაციენტებთან, ისე ექიმებთან შეხვედრებისას იყო გადაწყვეტილება მიღებულია და განახლებული გაიდლაინი შეეხება ყველას. ონკოლოგიური დაავადებების მქონე პაციენტები უკვე რამდენიმე თვეა მკურნალობის სრულად დაფინანსებას და მოქმედი პროგრამის - წლიურად 25 000 ლარიანი ლიმიტის მოხსნას ითხოვენ. ➡️მიხეილ სარჯველაძე - ჯანდაცვის მინისტრი; #ახალიამბები #BusinessMediaGeorgia
✔️მეორე სიმძლავრის აუქციონის მედიანური ტარიფები ცნობილია; ✔️როგორ აპირებს მთავრობა ჰესების წინააღმდეგ მოსახლეობის განწყობების შეცვლას? ეკონომიკის მინისტრმა კერძო სექტორის წარმომადგენლებს ენერგეტიკის მხარდამჭერი მექანიზმის cfd-ის მეორე აუქციონის პირველადი შედეგები, მათ შორის, მედიანური ტარიფი გააცნო. შეხვედრიდან გამოსული ენერგეტიკული სექტორის წარმომადგენლების ინფორმაციით ამ ჯერზე პირველ აუქციონთან შედარებით რიგ მიმართულებებზე უფრო დაბალი ტარიფები დაფიქსირდა, თუმცა ეს რა თქმა უნდა ერთად ერთი სხვაობა არ არის პირველ აუქციონთან შედარებით. #ახალიამბები #BusinessMediaGeorgia
ეკონომიკის მინისტრი ლევან დავითაშვილი ენერგეტიკული სექტორის წარმომადგენლებს შეხვდა, სადაც ენერგეტიკის მხარდამჭერი მექანიზმის cfd-ის მეორე აუქციონის პირველადი შედეგები, მათ შორის, მედიანური ტარიფი გამოცხადდა. კერძო სექტორის ინფორმაციით, რიგი მიმართულებებით უფრო დაბალი ტარიფები დაფიქსირდა, ვიდრეს ეს პირველ აუქციონში იყო. ამასთან, როგორც შეხვედრაზე აღინიშნა, სიმძლავრის შემდეგ აუქციონებში გარკვეული ცვლილებების შეტანა იგეგმება. #ახალიამბები #BusinessMediaGeorgia
ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი საქართველოს ენერგეტიკული სექტორის წარმომადგენლებს ხვდება. შეხვედრაზე ენერგეტიკის მხარდამჭერი მექანიზმის cfd-ის მეორე აუქციონის პირველადი შედეგები, მათ შორის, მედიანური ტარიფი გამოცხადდა. როგორც ცნობილია, რიგით მეორე სიმძლავრის აუქციონი 800 მგვტ ჯამური სიმძლავრეს მოიცავდა და ამჯერად მასში მარეგულირებელი ჰესებიც იყო გათვალისწინებული. შეხვედრის დაწყებაზე გაკეთდა კომენტარებით, როგორც cfd სქემასთან, ასევე ენერგეტიკული ბირჟასთან დაკავშირებით, რომელიც როგორც ცნობილია 1 ივლისიდან ეტაპობრივად ამოქმედდება. სტუმარი: გიორგი მარგებაძე - მცირე და საშუალო ჰესების ასოციაციის ხელმძღვანელი; #ახალიამბები #BusinessMediaGeorgia
სადაზღვევო პოლისები გაძვირდა. საქსტატის მონაცემებით, დაზღვევის მომსახურებაზე მარტში ფასი 3.9%-ით გაიზარდა როგორც წლიურად, ასევე თვის ჭრილშიც. სადაზღვევო პოლისების გაძვირებას ადასტურებენ სექტორის წარმომადგენლები და დაზღვევის სახელმწიფო ზედამხედველობის სამსახურის უფროსიც. რამ იქონია სადაზღვევო ბაზარზე არსებული პოლისების გაძვირებაზე გავლენა და უნდა ველოდოთ თუ არა ფასების კორექტირებას? #ახალიამბები #BusinessMediaGeorgia
5 მარეგულირებელი უწყების მონაწილეობით დღეს კონკურენციის სამართლის აღსრულების საკითხებზე მრგვალი მაგიდის ფორმატში იმსჯელეს. მხარეებმა განიხილეს თუ რა პროცესს გადის დღეს საქართველო ამ მიმართულებით, სად გვაქვს პროგრესი და გამოწვევები? ამ და სხვა თემებზე დღეს მედიასთან შეფასებები საქართველოს მარეგულირებელი უწყებების ხელმძღვანელებმაც გააკეთეს. რა მიმართულებით გაკეთდა შეფასებები? #ახალიამბები #BusinessMediaGeorgia
ვინ არის 2024 წლის ყველაზე მდიდარი ცნობილი ადამიანი? #ახალიამბები #BusinessMediaGeorgia
ნატახტრის აეროდრომი შიდა ავიარეისების მიღებას ვეღარ შეძლებს. აეროპორტების გაერთიანებამ 23.1 მლნ ლარის 2 ტენდერი ჯამში 12 მომსახურებაზე გამოაცხადა. წინადადებების მიღება 7 მაისს დასრულდება. შედეგებით რეისები თელავი-ბათუმი, თბილისი-ამბროლაური, თბილისი-ქუთაისი, თელავი-ქუთაისი მიმართულებაზე, თელავი-ამბროლაური, თელავი-თბილისი, მესტიიდან ბათუმის, ქუთაისის, თბილისის, ასევე მესტია ამბროლაურის და მესტია თელავის მიმართულებებზე უნდა შესრულდეს. მიმართულებებში არ არის ნატახტრის აეროპორტი. #ახალიამბები #BusinessMediaGeorgia
დასავლელი პარტნიორების კრიტიკის თუ სასწორის მეორე პინაზე არსებული ევროკავშირის წევრობისკენ კიდევ ერთი და უფრო დიდი ნაბიჯით მიახლოების პერსპექტივის კითხვის ნიშნის ქვეშ დაყენების მიუხედავად, ყირგიზეთის შემდეგ რიგში ახლა საქართველოა - ქართულმა ოცნებამ რუსული კანონი პარლამენტში კიდევ ერთხელ შეიტანა. გამჭვირვალობის სახელით და რუსული მეთოდებით კანონი “უცხოური გავლენის გამჭვირვალობის შესახებ” პერსპექტივასთან ერთად პრობლემებს აწმყოშიც ქმნის. უმრავლესობის ლიდერის დაანონსებულ რუსული კანონის პარლამენტში შებრუნებას ბიზნესის ნაწილი ინვესტორების სწრაფ და უარყოფით რეაქციებს უკვე შეხვდა. გამჭვირვალობის იდეას მომხრეებიც ჰყავს, თუმცა დასმენის, დასავლელ პარტნიორებსა და დონორებში აგენტურის გამოვლენის მოტივით შექმნილი საკანონმდებლო წინადადება რომლის მიღებაც მიმდინარე სესიაზე იგეგმება მოწინააღმდეგეებს ამჯერადაც უფრო სწრაფად იკრებს. #ახალიამბები #BusinessMediaGeorgia
შეჯერება მნიშვნელოვანი ინსტრუმენტია საპენსიო სააგენტოსთვისაც სადაც ამ დროისათვის მოქალაქეების საპენსიო დანაზოგების ჯამმა 4.8 მილიარდს მიაღწია, ეს იმას ნიშნავს რომ ფონდის არსებობის 5 წელში აქტივების ჯამი მშპ-ის 5.8%-ს გაუტოლდა. ამ დროში საპენსიო სააგენტომ 1 მილიარდი ლარის წმინდა მოგების დაგენერირება შეძლო, რაც კუმულაციურ 63.5%-იან ნომინალურ და 18.4%-იან რეალურ ამონაგებს უდრის. დანაზოგების უდიდესი ნაწილი კი, კვლავ კონსერვატიულ აქტივებში რჩება. 2023 წელის 7 აგვისტოდან დღემდე დაბალანსებული და დინამიკური პორტფელების ნომინალურმა ამონაგებმა, შესაბამისად, 10.0% და 10.5% შეადგინა, მაშინ როცა კონსერვატიული პორტფელის ნომინალური ამონაგები იმავე პერიოდში 8.5% -ია - რამდენად ურისკოდ და ეფექტიანად არის დაბანდებული ჩვენი საპენსიო დანაზოგები და როგორ აპირებს მთავრობა დანაზოგების ნაწილის ეკონომიკაში მიმართვას, რამაც კაპიტალის ბაზარიც უნდა დაბუსტოს. #ახალიამბები #BusinessMediaGeorgia
ბიზნესი სავალუტო რისკის ჰეჯირების ინსტრუმენტების მოუქნელობაზე წუხს. კერძო სექტორის წარმომადგენლებს მიაჩნიათ, რომ კომერციულ ბანკებში არსებული სავალუტო რისკის დაზღვევის პროდუქტები საკმაოდ ძვირია, რის გამოც მათზე მოთხოვნა ნაკლებია. ის რომ სავალუტო რისკის ჰეჯირების ინსტრუმენტირების ბაზარი კვლავ განვითარების ეტაპზეა, ადასტურებენ ეროვნულ ბანკშიც. სებში განმარტავენ, რომ მარეგულირებელი ამ ბაზრის განვითარებაზე აქტიურად მუშაობს. #ახალიამბები #BusinessMediaGeorgia
#ბიზნესსიახლეები bm.ge-სგან / 04.04.2024 Chotto Matte და Beefbar თბილისში, Central Park Towers-ში გაიხსნება; ქართველი მეწარმეებისთვის ზღვაში დაჭერილი თევზის EU-ს ბაზარზე ექსპორტი შესაძლებელი გახდება; ქართულ ბაზარზე ახალი ღვინის გასტრო სივრცე „ვასსერშტრასსე“ გაიხსნა; თბილისში კაფე „პიაჩერე“ გაიხსნა; #ახალიამბები #BusinessMediaGeorgia
ახალი ტენდერი ახალი პირობებით გამოცხადებულია - შიდა ავიარეისების შესყიდვის მიზნით საქართველოს აეროპორტების გაერთიანებამ 2 ტენდერი გამოაცხადა. ჯამში შესყიდვის სავარაუდო ღირებულება 23 197 093 ლარია. ახალ ტენდერებში, ავიარეისების შესრულება თბილისის აეროპორტიდან არის გათვალისწინებული და შესყიდვის აღწერაში ნატახტრის აეროპორტი არ ჩანს, საიდანაც აკ ეარ ჯორჯია ფრენებს წლებია ახორციელებს. რა იცვლება შიდა ფრენების მიმართულებით, როგორ აფასებენ ახალ ტენდერს როგორც სახელმწიფოს წარმომადგენლები ისე ბიზნესი და ავიაციის ექსპერტები? #ახალიამბები #BusinessMediaGeorgia
„რუსული კანონი“ დღის წესრიგში დაბრუნდა. გასულ წელს მასობრივი პროტესტის ფონზე ჩაგდებული კანონპროექტი უკვე პარლამენტშია, თითქმის უცვლელი სახით. ტერმინი "უცხოური ძალის აგენტი" ჩანაცვლებულია სიტყვებით "უცხოური ძალის ინტერესების გამტარებელი" - ამ სტატუსს კი მიიღებს ნებისმიერი იურიდიული პირი რომელიც დაფინანსების 20%-ზე მეტს იღებს დონორული ორგანიზაციებისგან, საერთაშორისო ფონდებისგან თუ უცხოური ასოციაციებისგან. ასეთი სტატუსის მქონე პირთა შემოწმება შეეძლება იუსტიციის სამინისტროს იმ შემთხვევაშიც კი, თუ წერილობითი განცხადებას მიიღებს სადაც კონკრეტულ ორგანიზაციასთან დაკავშირებული სათანადო მინიშნება იქნება. #ახალიამბები #BusinessMediaGeorgia
4.8 მლრდ ლარის დანაზოგი, 1 მილიარდზე მეტი ამონაგები - ასეთია საპენსიო სააგენტოს 5 წლიანი მუშაობის შედეგი, რომელიც ახლა თითქმის 1.5 ადამიანის საპენსიო დანაზოგის აკუმულირებას და მართვას ახდენს, თუმცა წლის დასაწყისში ამოქმედებული ცვლილებით, მობილიზებული თანხის უდიდესი ნაწილი კვლავ კონსერვატულ ანუ დაბალრისკიან პორტფელში რჩება, სადაც ფონდს საინვესტიციო აქტივი შეზღუდულ ჩარჩოში უწევს. მიუხედავად იმისა, რომ მოქალაქეები არ არიან შეზღუდულნი საკუთარ არჩევანში დანაზოგები დაბალანსებულ ან დინამიკურ ანუ მაღალრისკიან პორტფელებში გადაიტანონ, ასეთი არჩევანი მხოლოდ მოქალაქეთა მცირე ჯგუფმა გააკეთა. თუ ბოლო 7 თვეში კონსერვატიული პორტფელის ამონაგები 8.5% იყო, დაბალანსებული და დინამიკურის 10%-ს აღემატებოდა, შედარებით რისკიანი პორტფელების ზომა ძალიან მცირეა - დაბალანსებული პორტფელის ზომა სულ 25 მილიონის, დინამიკურის კი კიდევ უფრო დაბალი 20 მილიონის დიაპაზონშია - რამდენად კმაყოფილია საპენსიო ფონდი მიღწეული შედეგით, რამდენად ეფექტიანად არის დაბადებული ჩვენი საპენსიო დანაზოგები და როგორ აპირებს მთავრობა დანაზოგების ნაწილი ეკონომიკაში ისე მიმართოს, რომ კაპიტალის ბაზარიც დაბუსტოს და რისკების მაქსიმალური განეიტრალება მოახდინოს? სტუმარი: გოგა მელიქიძე - საპენსიო სააგენტოს უფროსი საინვესტიციო ოფიცერი; #ახალიამბები #BusinessMediaGeorgia
ბიზნესის ბაზარზე სავალუტო რისკის ჰეჯირების ინსტრუმენტების გამოყენების სირთულეზე ჩივის. კომპანიებში აცხადებენ, რომ კომერციულ ბანკებში არსებული სავალუტო რისკის დაზღვევის პროდუქტები საკმაოდ ძვირია, რის გამოც მათზე მოთხოვნა ნაკლებია. ის რომ სავალუტო რისკის ჰეჯირების ინსტრუმენტირების ბაზარი კვლავ განვითარების ეტაპზეა, ადასტურებენ ეროვნულ ბანკშიც, სადაც აცხადებენ, რომ მარეგულირებელი ამ ბაზრის განვითარებაზე აქტიურად მუშაობს. #ახალიამბები #BusinessMediaGeorgia
კონგი X გოძილა - საკულტო კინო მონსტრების დიდი დაბრუნება #ახალიამბები #BusinessMediaGeorgia
5 წელი საპენსიო ფონდის დაარსებიდან - მოქალაქეების საპენსიო დანაზოგებმა 4.8 მილიარდს მიაღწია, რაც საქართველოს მშპ-ის 5.8%-ს უტოლდება. განვლილი ხუთი წლის განმავლობაში, საპენსიო სააგენტომ შეძლო 1 მილიარდი ლარის წმინდა მოგების დაგენერირება, რაც კუმულაციურ 63.5%-იან ნომინალურ და 18.4%-იან რეალურ ამონაგებს უდრის. დანაზოგების უდიდესი ნაწილი კი, კვლავ კონსერვატულ აქტივებში რჩება. რამდენად ურისკოდ და ეფექტიანად არის დაბანდებული ჩვენი საპენსიო დანაზოგები და როგორ აპირებს მთავრობა დანაზოგების ნაწილის ეკონომიკაში მიმართვას, რამაც კაპიტალის ბაზარიც უნდა დაბუსტოს? #ახალიამბები #BusinessMediaGeorgia
#ბიზნესსიახლეები bm.ge-სგან / 03.04.2024 ესპანური კვარტალი თბილისში - ახალი კომპლექსი ქალაქის შუაგულში; „ბაზარზე არაოფიციალურად მომუშავე ონლაინ მაღაზიები ე.წ. შავ ბაზარს ქმნიან „- "საჭირომანია"; „ზამთრის პერიოდი ყაზბეგისთვის საკმაოდ რთულია“ - Alpine Lounge Hotel & Restaurant; “გვინდა, ივნისიდან 15 საქმიანი ეზო სატესტო რეჟიმში ავამოქმედოთ”-ნათია იორდანიშვილი; რას სთავაზობს „წავკისი პარკი“ მომავალ მობინადრეებს? #ახალიამბები #BusinessMediaGeorgia
მერიაში ბიზნესებისთვის პერსონალური კონსულტანტის მომსახურების სერვისი ამოქმედდა, რომლის ფარგლებშიც კომპანიებს საშუალება ექნებათ ქალაქთმშენებლობით წარმოებასთან დაკავშირებული საჭირო ნებისმიერი ინფორმაცია მიიღონ. დედაქალაქის მთავრობაში განმარტავენ, რომ პერსონალური კონსულტანტის მომსახურება შესაძლებელი იქნება წარმოების ნებისმიერ ეტაპზე. რას ცვლის ბიზნესებისთვის პერსონალური კონსულტანტის მომსახურების სერვისი, რამდენად იყო აღნიშნული სერვისის ამოქმედების საჭიროება და რა იქნება მისი საფასური ? #ახალიამბები #BusinessMediaGeorgia
ეკონომიკის მინისტრის დღევანდელი გამოსვლის მცირე ნაწილი დაეთმო გეგმას, რომლის მიხედვითაც სააგენტოს „აწარმოე საქართველოში“ ბიზნესის მხარდამჭერ პროგრამებში ცვლილებები უნდა შევიდეს. მიხეილ ხიდურელის ინფორმაციით იმ სექტორების ჩამონათვალი, რომელზეც სესხის პროცენტის სუბსიდირება ვრცელდება გადაიხედება. სააგენტოს ხელმძღვანელი არც სესხის პროცენტის სუბსიდიის მოცულობის ცვლილებას გამორიცხავს. რა სიახლეებს უნდა ელოდოს კერძო სექტორი ბიზნეს უნივერსალის პროგრამაში და რა კრიტერიუმებზე დაყრდნობით მოხდება საკითხის გადახედვა/განახლება #ახალიამბები #BusinessMediaGeorgia
19 გვერდიანი მოხსენება მინისტრის საათის ფორმატში პარლამენტში დეპუტატების წინაშე ანგარიშისთვის, ეკონომიკური პარამეტრები კონკრეტული რიცხვებით და სამომავლო გეგმები - პარლამენტში მინისტრის საათის ფორმატში ლევან დავითაშვილს უსმენენ. ეკონომიკის სამინისტრო წელს მაღალ ეკონომიკურ ზრდას და ერთ სულ მოსახლეზე მშპს 23 100 ლარს,ანუ 8500 დოლარიან მაჩვენებელს ელის. წინასწარ წარდგენილ დოკუმენტში პრიორიტეტულად ვიცე პრემიერმა კერძო კონკურენტუნარიანი ადგილობრივი წარმოების და ექსპორტის ხელშეწყობა და კერძო სექტორის ფინანსებზე ხელმისაწვდომობის ზრდისკენ მიმართული სტრუქტურული რეფორმები მონიშნა. რა შენიშვნები ან კითხვები აქვთ პარლამენტში ეკონომიკის სამინისტროს და მისი ხელმძღვანელის შესრულებულ სამუშაოსა თუ სამომავლო ხედვებთან დაკავშირებით. #ახალიამბები #BusinessMediaGeorgia
მერიაში ბიზნესებისთვის პერსონალური კონსულტანტის მომსახურების სერვისი ამოქმედდა. აღნიშნული სერვისის ფარგლებში კომპანიებს საშუალება ექნებათ მიიღონ ნებისმიერი მათთვის საჭირო ინფორმაცია, რომელიც უკავშირდება ქალაქთმშენებლობით წარმოებას, დოკუმენტის განმარტებას, სამშენებლო ნებართვასა და შენობა-ნაგებობის ექსპლუატაციაში მიღების პროცესზე კონსულტაციას. პერსონალური კონსულტანტის მომსახურება შესაძლებელი იქნება წარმოების ნებისმიერ ეტაპზე. რას ცვლის ბიზნესებისთვის პერსონალური კონსულტანტის მომსახურების სერვისი და რა იქნება მისი საფასური? #ახალიამბები #BusinessMediaGeorgia
მთავრობა ბალნეოლოგიური კურორტების პოპულარიზაციის მნიშვნელობაზე ისევ აქტიურად საუბრობს და ამ კუთხით საქართველოში ტურისტების მოზიდვის შესაძლებლობას ხედავს. ეკონომიკის სამინისტროს მონაცემებით, 2024 წლის 22-24 აპრილს, წყალტუბოში, პირველად ჩატარდება ევროპის ისტორიულ თერმულ ქალაქთა ასოციაციის გენერალური ასამბლეა, რომელშიც მონაწილეობას ევროპის სხვადასხვა ქვეყნის 50-ზე მეტი კურორტის ხელმძღვანელი მიიღებს. „ღონისძიების საქართველოში ჩატარების შედეგად, მოხდება ქვეყნის ბალნეოლოგიური კურორტების პოპულარიზაცია, კომერციალიზაცია და ტურისტული პროდუქტების განვითარება“, - ნათქვამია ლევან დავითაშვილის მიერ პარლამენტში გაგზავნილ მოხსენებაში. რეალურად რა პოტენციალი აქვს ბალნეოლოგიური ტურიზმის განვითარებას საქართველოში, რომელი ქვეყნებიდან შეიძლება მოვიზიდოთ ტურისტები და რა კეთდება და რა არის გასაკეთებელი ამ კუთხით, რომ პროცესები დაჩქარდეს? სტუმარი: სალომე ყვავილაშვილი - თბილისის ბალნეოლოგიური კურორტის აღმასრულებელი დირექტორი #ახალიამბები #BusinessMediaGeorgia
ერთი წლის თავზე „ოცნება“ ე.წ. რუსულ კანონს პარლამენტში აბრუნებს. ამის შესახებ დღეს დილით პარლამენტის ფრაქცია „ქართული ოცნების“ ლიდერის, მამუკა მდინარაძის ბრიფინგზე გახდა ცნობილი. მან თქვა, რომ საპარლამენტო უმრავლესობამ მიიღო გადაწყვეტილება უცხოური გავლენის გამჭვირვალობის კანონპროექტი პარლამენტში ხელახლა დააინიციროს. მამუკა მდინარაძე აცხადებს, რომ კანონპროექტის შინაარსი უცვლელია, მასში ერთადერთი ტერმინოლოგიური ცვლილებაა. „უცხოური გავლენის აგენტი“ოცნებამ „უცხოური ძალის ინტერესების გამტარებელი ორგანიზაციით” ჩაანაცვლა. მდინარაძე განმარტავს, რომ პირვანდელი დაპირებების მიუხედავად, დონორებმა, საბოლოოდ, უარი თქვეს დაფინანსების გასაჯაროებაზე, შესაბამისად ოცნებას მიაჩნია, რომ კანონპროექტის ინიცირებას ალტერნატივა არა აქვს.”მეტიც, ვხედავთ, თუ როგორ იმატებს გაუმჭვირვალე ფულის შემოდინება საქართველოში არჩევნების მოახლოებასთან ერთად და ამ თანხების უდიდესი ნაწილი რადიკალური პარტიების, რადიკალური „ენჯეოებისა“ და რადიკალური პროპაგანდისტული მედიის მხარდაჭერისკენ არის მიმართული”-თქვა მდინარაძემ ბრიფინგზე. გადაწყვეტილება ოცნებამ 2 აპრილს უმრავლესობის სხდომაზე მიიღო, რომელსაც არ დასწრებია პარტიის დამფუძნებელი და საპატიო თავმჯდომარე ბიძინა ივანიშვილი, თუმცა როგორც მდინარაძე ამბობს, ივანიშვილი ე.წ რუსულ კანონს მხარს უჭერს. ქართული ოცნების” გადაწყვეტილებას, უკან დააბრუნოს ე.წ რუსული კანონი, დღეს დეპუტატების პროტესტი მოჰყვა და პლენარული სესია ხმაურის ფონზე გაიხსნა. “არანაირ რუსულ კანონს საქართველოს პარლამენტი არ იღებს, არც მიუღია და არც მიიღებს” - ასე პასუხობს პარლამენტის თავმჯდომარე დეპუტატებს, რომლის არგუმენტები ოპოზიციისთვის მიუღებელია. სტუმარი: კახა გოგოლაშვილი - რონდელის ფონდის ევროპული კვლევების ცენტრის დირექტორი #ახალიამბები #BusinessMediaGeorgia
სააგენტო „აწარმოე საქართველოში“ ბიზნესის მხარდამჭერ პროგრამებში ცვლილებების შეტანას გეგმავს. სააგენტოს ხელმძღვანელის, მიხეილ ხიდურელის განცხადებით, იგეგმება გადაიხედოს იმ სექტორების ჩამონათვალი, რომელზეც სესხის პროცენტის სუბსიდირება ვრცელდება. მიხეილ ხიდურელი არ გამორიცხავს, რომ რიგ შემთხვევაში ასევე გადაიხედოს სააგენტოს მხრიდან სესხის პროცენტის სუბსიდირების მოცულობაც. "აწარმოე საქართველოს" პროგრამები ერთ-ერთი მიმართულებაა, რომელზეც დღეს პარლამენტში მინისტრის საათის ფარგლებში გამოსვლისას ეკონომიკის მინისტრი ლევან დავითაშვილი ისაუბრებს. რა ცვლილებებია მოსალოდნელი ბიზნესის მხარდამჭერ პროგრამებში და რა ცვლილებების საჭიროებას ხედავს თავად ბიზნესი ? #ახალიამბები #BusinessMediaGeorgia
#ბიზნესსიახლეები bm.ge-სგან / 02.04.2024 საქართველოს IT სექტორის შემოსავალი ისტორიულ მაქსიმუმამდე - $784 მილიონამდე გაიზარდა; "საქართველოს ბანკის" მხარდაჭერით შპს "ველი ნატახტარი" ლუდის საწარმოს აშენებს; 2024 წელს “აპექს დეველოპმენტი” თბილისში სამი ახალი პროექტის მშენებლობას იწყებს; წალენჯიხაში კაფე-ბარი „ბაბისო“ გაიხსნა, ინვესტიცია - ₾60 000; #ახალიამბები #BusinessMediaGeorgia
საქართველოს IT სექტორის შემოსავალი ისტორიულ მაქსიმუმამდე გაიზარდა - ამის შესახებ ეროვნული ბანკის მიერ გამოქვეყნებული სტატისტიკიდან ირკვევა. დოკუმენტის თანახმად, 2023 წლის განმავლობაში დარგმა 784 მილიონი დოლარის შემოსავალი მიიღო. 2022 წლის ანალოგიურ პერიოდთან შედარებით ეს თანხა 283 მილიონით, 53%-ით მეტია. აღსანიშნავია, რომ კვარტალურად ზრდის ტემპი შენელებულია. IT სექტორის შემოსავლები ყველაზე მსხვილი 2023 წლის პირველ კვარტალში იყო და 231 მილიონ დოლარს შეადგენდა, მეორე კვარტალში 198 მილიონ დოლარამდე შემცირდა, მესამე კვარტალში 178 მილიონი დოლარი იყო, მეოთხეში კი $176 მლნ, რაც მიგრაციული ეკონომიკური ეფექტის თანდათანობით შემცირებასთანაა თანხვედრაში.რის ხარჯზე გაიზარდა შემოსავლები აიტი სექტორში და რა მოლოდინები აქვთ სექტორის წარმომადგენლებს? #ახალიამბები #BusinessMediaGeorgia
საქართველოს ეროვნული ბანკი მომხმარებელს ახალი თაღლითური სქემის შესახებ აფრთხილებს. როგორც ირკვევა, "ბოლო პერიოდში დაფიქსირდა თაღლითური შემთხვევები, რომლებიც სპეციალური პროგრამული უზრუნველყოფის, მათ შორის, "AnyDesk"-ის გამოყენებით ხორციელდება. ეროვნული ბანკის განმარტებით, 10-ზე მეტი შემთხვევაა იდენტიფიცირებული, რა დროსაც მობილურ თუ კომპიუტერულ მოწყობილობაში აპლიკაციის ჩამოწერის შემდეგ თაღლითებმა მათ შორის შეძლეს მომხმარებლის სახელით სესხის გააქტიურება და თანხების სხვადასხვა ანგარიშებზე გადარიცხვა. როგორ მოქმედებს თაღლითური სქემა და რა გზები არსებობს, რომ მოქალაქეებმა მისგან თავი დაიცვან. #ახალიამბები #BusinessMediaGeorgia