სამედიცინო და ფარმაცევტულ დაწესებულებებში შეუზღუდავი კონტროლის მორიგი მცდელობა ჯანდაცვის სამინისტროს მხრიდან - კანონპროექტი, რომლის მიღებაც კენჭისყრიდან 2020 წლის ივლისში მოიხსნა, კვლავ პარლამენტის დღის წესრიგს უბრუნდება. ჯანდაცვის სამინისტრომ საკანონმდებლო ორგანოს „ჯანმრთელობის დაცვის შესახებ კანონში“ ცვლილებების პროექტი წარუდგინა, რომლის მიღების შემთხვევაში რეგულირების სააგენტოს ნებისმიერ დროს სამედიცინო და ფარმაცევტულ დაწესებულებებში გაფრთხილების გარეშე შესვლა შეეძლებათ. “საკანონმდებლო პაკეტის მთავარი დანიშნულება სამედიცინო გარემოში პაციენტის საუკეთესო ინტერესების დაცვა, პაციენტის უსაფრთხოება და სამედიცინო მომსახურების ხარისხის აღსრულების შესაძლებლობის გაუმჯობესებაა“,- აღნიშნულის შესახებ ჯანდაცვის მინისტრის მოადგილე თამარ გაბუნიამ განაცხადა. #ახალიამბები #BusinessMediaGeorgia
გასული კვირის კრისტის და სოტბის აუქციონის გაყიდვები; 2022 წლის საფეხბურთო მსოფლიო ჩემპიონატის ფინალში გამოყენებული ბურთი; ,,გრანდიოზული’’ ბრილიანტის ბეჭედი; შარლ ლეკლერის ეკიპირება 2023 წლის მონაკოს გრან პრიზე; ბრაზილიის მაისური, რომლითაც პელემ უკანასკნელი გოლი გაიტანა; გამარჯვებულთა მედალი პირველი, 1896 წლის ოლიმპიური თამაშებიდან; #ახალიამბები #BusinessMediaGeorgia
თბილისს ახალი საერთო სამუშაო სივრცე "KLab" შეემატა. სივრცე ფონდი kettari ჯგუფის მიერ თბილისში, აღმაშენებლის 139 ში გაიხსნა. "KLab" განკუთვნილია მომხმარებელთა მრავალფეროვანი სპექტრისთვის: შემოქმედებითი ინდუსტრიის წარმომადგენლების, სტარტაპერების თუ მცირე საწარმოებისათვის. KLab მათ სხვადასხვა სერვისებსა და მომსახურებას სთავაზობს. #ახალიამბები #BusinessMediaGeorgia
სამედიცინო და ფარმაცევტულ დაწესებულებებში შეუზღუდავი კონტროლის მორიგი მცდელობა ჯანდაცვის სამინისტროს მხრიდან - კანონპროექტი, რომლის მიღებაც კენჭისყრიდან 2020 წლის ივლისში მოიხსნა, კვლავ პარლამენტის დღის წესრიგს უბრუნდება. ჯანდაცვის სამინისტრომ საკანონმდებლო ორგანოს „ჯანმრთელობის დაცვის შესახებ კანონში“ ცვლილებების პროექტი წარუდგინა, რომლის მიღების შემთხვევაში რეგულირების სააგენტოს ნებისმიერ დროს სამედიცინო და ფარმაცევტულ დაწესებულებებში გაფრთხილების გარეშე შესვლა შეეძლებათ ასევე შემოდის საჯარიმო სანქციის დაუყოვნებლივი აღსრულების მექანიზმიც. #ახალიამბები #BusinessMediaGeorgia
როგორ დააარსა დევიდ ბექჰემმა მომავლის კლუბი “ინტერ მაიამი”? #ახალიამბები #BusinessMediaGeorgia
კომპანია "ჯორჯიან მანგანეზი", რომელიც მსოფლიო ფეროშენადნობების ბაზარზე შექმნილი კრიზისის ფონზე თებერვლიდან სპეცრეჟიმით მუშაობს, თანამშრომლებს შეცვლილ სამუშაო პირობას სთავაზობს. კომპანიის მენეჯმენტი აცხადებს, რომ შეთავაზება მნიშვნელოვანია იმისათვის, რომ კომპანიამ საქმიანობა არ შეაჩეროს და ჭიათურის 3,382 თანამშრომელი სამსახურის გარეშე არ დარჩეს. საუბარია ადმინისტრაციული ხარჯების მინიმუმამდე შემცირებასა და 720 თანამშრომლისთვის ორცვლიანი 12-საათიანი სამუშაო პირობებიდან, სამცვლიან 8-საათიან სამუშაო პირობებზე გადასვლა. კომპანია განმარტავს, რომ უცვლელი რჩება თვის მანძილზე თანამშრომელთა ხელფასი, დასვენების და სამუშაო საათები. რა შეთავაზება აქვს "ჯორჯიან მანგანეზს" თანამშრომელთა ნაწილისთვის, რა ვითარებაა დღეს ფეროშენადნობების ბაზარზე და რას გეგმავს კომპანია? სტუმარი: გიორგი ტატიშვილი - “ჯორჯიან მანგანეზის” ფინანსური დირექტორი; #ახალიამბები #BusinessMediaGeorgia
საქართველოში ინვესტიციების მოცულობა წლიურად შემცირდა, ბოლო კვარტალთან შედარებით კი, გაიზარდა. საქსტატის მონაცემებით, იანვარ-მარტში საქართველოში განხორციელებული პირდაპირი უცხოური ინვესტიციების მოცულობამ 2023 წლის I კვარტალში 496.6 მლნ. დოლარი შეადგინა, რაც 2022 წლის I კვარტლის წინასწარ მონაცემებზე 13.7 პროცენტით ნაკლებია, ხოლო 2022 წლის IV კვარტლის მონაცემებს 53 პროცენტით აღემატება. 2023 წლის I კვარტალში რეინვესტიციამ 189.6 მლნ. აშშ დოლარი შეადგინა, ხოლო მისი წილი 38.2 პროცენტით განისაზღვრა. რაც შეეხება ტოპ ინვესტორ ქვეყნებს - პირველ ადგილზეა ნიდერლანდები - 239.6 მლნ. დოლარით, მეორე ადგილზე იმყოფება იაპონია - 63.2 მლნ. აშშ დოლარით ხოლო მესამეზე აშშ - 54.7 მლნ. აშშ დოლარით. ხუთი უმსხვილესი ინვესტორი ქვეყნების წილი ინვესტიციების მთლიანი მოცულობის 87.1 პროცენტს შეადგენს. BMG-იმ საქსტატისგან გამოითხოვა იმ კომპანიების სია, რომლებშიც ყველაზე მეტი FDI ჩაიდო. მათ შორისაა სინგაპურულ Indorama Holding-ის ერთ-ერთი შვილობილიც, რომელმაც 2023 წლის იანვარში საქართველოს უმსხვილესი ქიმიური საწარმო “რუსთავის აზოტი” შეიძინა. აღნიშნული ინვესტიცია Indorama-მ მისი ჰოლანდიური შვილობილის Indorama Holdings B.V.-ის მეშვეობით განახორციელა. BMG-ის ინფორმაციით, კომპანია ქიმიური საწარმოს განვითარებისთვის 200 მილიონი დოლარის ინვესტირებასაც გეგმავს. მის გარდა, ახალ ინვესტორთა შორის მოხვდა კომპანია “აზია ჯგუფი”, რომელიც ყაზახური ინვესტიციით დაფუძნებული კომპანიაა. ინვესტორთა შორის მოხვდა ჩინეთის სახელმწიფო საინჟინრო კორპორაციის საქართველოს ფილიალიც, თუმცა ეს უკანასკნელი არა ინვესტორი, არამედ სახელმწიფოს კონტრაქტორია, რადგანაც ის მთავრობის დაკვეთით რიკოთის საუღელტეხილო გზას აშენებს. სტუმარი: ირაკლი ჟვანია - Kudos Georgia-ს მმართველი პარტნიორი; #ახალიამბები #BusinessMediaGeorgia
თანამედროვე სამყაროში სმარტფონები არა მხოლოდ კომუნიკაციის, არამედ სოციალიზაციისა თუ გართობის ერთ-ერთი საშუალებაცაა, რომელიც მუდმივად იხვეწება, იცვლება და სხვადასხვა ფუნქციებს იძენს. სმარტფონების დახვეწის და გაუმჯობესების კვალდაკვალ, ცხადია ამ მოწყობილობებზე მოთხოვნა სულ უფრო იზრდება. მსოფლიოში ყოველწლიურად მილიარდზე მეტი სმარტფონი იყიდება, პლანეტის მოსახლეობა კი მუდმივად უახლესი ფუნქციების ძიებაშია. მზარდი მოთხოვნის კვალდაკვალ, ცხადია, იზრდება სმარტფონების მწარმოებლების შემოსავლებიც, რის შედეგადაც ისინი მსოფლიოს უმდიდრესი კომპანიების რიგებში ირიცხებიან. რომელია სმარტფონების მწარმოებელი უმდიდრესი კომპანიები მსოფლიოში, რა არის თითოეული მათგანის საბაზრო კაპიტალიზაცია და რომელ მათგანს ანიჭებენ საქართველოში უპირატესობას? #ახალიამბები #BusinessMediaGeorgia
გასული წლის პირველ კვარტალთან შედარებით, მიმდინარე წლის 3 თვეში უცხოური ინვესტიციები 13.7 პროცენტით შემცირდა. ჯამში ინვესტიციების მოცულობამ 496.6 მილიონი დოლარი შეადგინა. ინვესტიციების მოცულობა გაზრდილია კვარტალურად. კერძოდ, გასული წლის მეოთხე კვარტალთან შედარებით 53.3%-ით. უმსხვილეს ინვესტორ ქვეყნებს შორის ნიდერლანდები, იაპონია, აშშ და მათ შორის, რუსეთია. რა სურათს აჩვენებს პირველ კვარტალში შემცირებული ინვესტიციები და რომელია ის 10 კომპანია, სადაც ყველაზე მეტი ინვესტიცია ჩაიდო? #ახალიამბები #BusinessMediaGeorgia
#ბიზნესსიახლეები bm.ge-სგან / 08.06.2023 „ღვინის ბაზარი ზღვასავითაა, სულ ღელავს და ცვალებადია“ - რა სჭირდება ქართულ ღვინოს პოპულარიზაციისთვის? „წარმოებაში 6 რობოტი გვყავს... ბაზარზე ინჟინრების პოვნა რთულია“ - GEORGIAN PRODUCTS; ქუთაისში საკონფერენციო სივრცეებზე მოთხოვნა გაიზარდა, ძირითადი მოთხოვნა ბიზნეს სექტორიდანაა - "Ka Group"; ნიუ-იორკში ქართული კაფე-საცხობი „ალუბალი“ გაიხსნა - რას სთავაზობს სტუმრებს ახალი ობიექტი? "სამშენებლო მასალების მწარმოებლები, შესაძლოა, საერთაშორისო გამოფენებზე წავიყვანოთ" - "აწარმოე საქართველოში"; #ახალიამბები #BusinessMediaGeorgia
ნარჩენების მართვის რეფორმა ფერხდება- მწარმოებლის გაფართოებული ვალდებულების ფარგლებში შექმნილი ორგანიზაციები საბურავების გადამუშავებას შესაბამისი ქარხნების სიმცირის გამო ვერ ახერხებენ. როგორც ბიემჯისთან ნარჩენების მართვის ბიზნეს ასოციაციის ხელმძღვანელი ვანო მთვრალაშვილმა ამბობს, გეგმის მიხედვით, მათ დღის განმავლობაში 15-20 ტონა მეორადი საბურავის ამოღების ვალდებულება აქვთ, რაც სრულდება, მაგრამ შესაბამისი სიმძრალავრეების ნაკლებობის გამო შეგროვებული ნარჩენი ვერ მუშავდება. #ახალიამბები #BusinessMediaGeorgia
14-წლიანი ასპარეზობის შემდეგ კარიმ ბენზემა ,,რეალს’’ ტოვებს #ახალიამბები #BusinessMediaGeorgia
ევროპის TOP 5 ლიგის ჩემპიონები #ახალიამბები #BusinessMediaGeorgia
როგორ დაიბრუნა ’’არსენალმა’’ თავისი ადგილი ინგლისის პრემიერ ლიგაში? #ახალიამბები #BusinessMediaGeorgia
#ამერიკისხმა: ლიმუზინებზე მოთხოვნა მცირდება #ახალიამბები #BusinessMediaGeorgia
ბიზნესკლასტერებს საქართველოში დიდი ხნის ისტორია არ აქვთ. საქართველოში პირველი ბიზნესკლასტერი ოფიციალურად სულ რაღაც 5.5 წლის წინ დაფუძნდა. ევროკავშირისა და გერმანიის საერთაშორისო თანამშრომლობის საზოგადოების ხელშეწყობით. მათივე ორგანიზებით 2019 -23 წლებში 4 კლასტერი შეიქმნა რომელმაც ჯამში 124 ბიზნეს სუბიექტი გააერთიანა, ისეთი სფეროებიდან როგორებიცაა ტექსტილი, სამშენებლო მასალები და ტურიზმი. კლასტერში გაერთიანებული მეწარმეები ერთმანეთს გამოცდილებას უზიარებენ და ერთიანი ძალებით ცდილობენ გამოწვევების გამკლავებას - რა გამოწვევების წინაშე დგანან დღეს მცირე და საშუალო ბიზნესის წარმომადგენლები და რა შესაძლებლობას ქმნის მათი სინერგია? სტუმარი: თამაზ დაუშვილი „დიოს“ დამფუძნებელი / „ქართული სამშენებლო მასალების კლასტერის“ თავმჯდომარე; #ახალიამბები #BusinessMediaGeorgia
მთავრობა ავტოსადგურების რეფორმას იწყებს. ჯერ კიდევ 8 წლის წინ დაანონსებული კანონპროექტი საქართველოს პარლამენტში უკვე წარდგენილია. ახალი კანონპროექტის მიხედვით შესაბამისი მოთხოვნების დაკმაყოფილება მოუწევთ როგორც ავტოსადგურებს, ისე მგზავრთ გადამყვან ოპერატორებს. კანონპროექტით სანებართვო მოსაკრებლის ღირებულებაც გაწერილია. რა მოთხოვნების და პირობების დაკმაყოფილება მოუწევთ ავტოსადგურების მფლობელებს და მგზავრთგადამყვან ოპერატორებს? #ახალიამბები #BusinessMediaGeorgia
დეკლარაციების მონიტორინგის სისტემა ვერ ჩამოყალიბდა კორუფციასა და ინტერესთა შეუთავსებლობასთან ბრძოლის მძლავრ ინსტრუმენტად - აცხადებს საერთაშორისო გამჭვირვალობა საქართველო. ორგანიზაციამ ქონებრივი მდგომარეობის დეკლარირების გაძლიერების შესახებ საკანონმდებლო წინადადება მოამზადა, რაც მოიცავს დეკლარაციების მონიტორინგის გაუმჯობესებას, დეკლარაციაში შესატანი ინფორმაციის ნუსხის გაზრდას და თანამდებობის იმ პირთა წრის გაფართოებას, რომლებმაც ქონებრივი მდგომარეობის დეკლარაციები უნდა შეავსონ. არასამთავრობო ორგანიზაციაში ელიან, რომ თუ მმართველი გუნდი მათ შეთავაზებას გაიზიარებს, დეკლარაციების მონიტორინგი გაუმჯობესდება და კორუფციული რისკები შემცირდება. #ახალიამბები #BusinessMediaGeorgia
#ბიზნესსიახლეები bm.ge-სგან / 07.06.2023 „ჯორჯიან მანგანეზის“ ფეროშენადნობთა ქარხანა 70%-იანი დატვირთვის მუშაობს; კიდევ გაძვირდება თუ არა ბათუმში უძრავი ქონება? სამკერვალო „ანაბეჭდმა“ სამტრედიაში ახალი საწარმო აამოქმედა; „ვმუშაობთ ქართული ჯიშის გამოყვანაზე“ - სიღნაღში ზეთისხილის პირველი სანერგე მეურნეობა გაიხსნა; „ბილიკი“ ბალტიისპირეთის რეგიონში შევიდა - ტურისტული აპლიკაციის გეგმები; #ახალიამბები #BusinessMediaGeorgia
ევროკავშირმა და გერმანიის მთავრობამ საქართველოში პროექტ კლასტერები განვითარებისთვის 4 წლიანი შედეგები შეაჯამა. გერმანიის ელჩის თქმით, 4 წლის განმავლობაში მცირე და საშუალო ბიზნესის გაძლიერებისთვის საქართველოში 5 მილიონი ევროს ინვესტიცია განხორციელდა. რა მიღწევებზე საუბრობენ პროექტის მონაწილეები და რა ძირითადი გამოწვევები რჩება, რომელიც მცირე და საშუალო ბიზნესის განვითარებას აფერხებს. “კლასტერები განვითარებისთვის”- პროექტის 4 წლის შედეგები #ახალიამბები #BusinessMediaGeorgia
ღვინის კომპანიებისთვის მარკეტინგული ხარჯების თანადაფინანსების პროგრამაში განაცხადების მიღება დაიწყო. მთავრობა ღვინის მწარმოებლებს ქართული ღვინის პოპულარიზაციის ხელშეწყობისთვის 600 000 ლარამდე თანადაფინანსებას სთავაზობს. პროგრამა ითვალისწინებს გამოფენებსა და მარკეტინგული კამპანიების დაფინანსებას, ასევე ქსელური ტიპის ობიექტებში მარკეტინგული ღონისძიებებისთვის გაწეული თანხებისა და ღვინის მაღაზიებში თაროების ბრენდირება/ დეგუსტაციის თანადაფინანსებას. განახლებულ პროგრამაში მონაწილეობის მისაღებად, კომპანიებმა პირველ ეტაპზე, განაცხადები 1 აგვისტომდე უნდა წარადგინონ. ღვინის კომპანიებისთვის მარკეტინგული ხარჯების თანადაფინანსების პროგრამა 2021 წლის შემოდგომიდან ამოქმედდა, თუმცა გარკვეული ხარვეზების გამო, პროგრამით ბიზნესმა ხელშესახები სარგებელი ვერ მიიღო - რა იცვლება და როგორი უნდა იყოს ამ ტიპის პროგრამა, რომ ბიზნესმა შეღავათი მიიღოს? სტუმარი: გიორგი მარგველაშვილი - „თბილღვინოს“ პრეზიდენტი #ახალიამბები #BusinessMediaGeorgia
დაპირისპირება მმართველ გუნდსა და პრეზიდენტს შორის ამჯერად ეროვნული ბანკის პრეზიდენტობის კანდიდატზე. მმართველი გუნდი აცხადებს, რომ კონსულტაციების შედეგად, პრეზიდენტმა დაადასტურა მზაობა, ეროვნული ბანკის საბჭოს ერთ-ერთ წევრად, მოქმედი ფინანსთა მინისტრი ლაშა ხუციშვილის კანდიდატურა წარმოედგინა, თუმცა ყველა შეთანხმებული ვადა დაარღვია. შედეგად, ქართული ოცნება, „ეროვნული ბანკის შესახებ კანონში ვეტოს დაძლევას აანონსებს. მმართველი პარტიის განცხადებაში ნათქვამია, რომ იკვეთება აშკარა ნიშნები იმისა, რომ საქართველოს პრეზიდენტი თავისი ქმედებებით მიზანმიმართულად უქმნის დაბრკოლებას საქართველოს ეროვნული ბანკის ჯეროვან საქმიანობას. განცხადებაში აღნიშნულია, რომ პარლამენტი ეროვნული ბანკის შესახებ კანონზე ვეტოს დაძლევის პროცედურას მომდევნო სასესიო კვირაში დაასრულებს. შეგახსენებთ, აღნიშნული კანონი ეროვნულ ბანკში პირველი ვიცე-პრეზიდენტის პოსტს ამკვიდრებს, რომელსაც სებ-ის პრეზიდენტის არყოფნის პირობებში პრეზიდენტის უფლებამოსილების შესრულება შეეძლება. ახალი კანონი ეროვნულ ბანკთან ერთად საერთაშორისო სავალუტო ფონდმაც გააკრიტიკა. “საქართველოს ეროვნული ბანკის კანონში ცვლილების შეტანის მიზნით გადადგმული ბოლოდროინდელი ნაბიჯები, ცვლის საქართველოს ეროვნული ბანკის მართვის სტრუქტურას და თავდაუზოგავი შრომით მოპოვებული სანდოობის დაკარგვის რისკს ქმნის“- ნათქვამი იყო საერთაშორისო სავალუტო ფონდის მისიის ხელმძღვანელის, ჯეიმს ჯონის განცხადებაში. რა გავლენა ექნება ვეტოს დაძლევას, ქვეყნის უმნიშვნელოვანეს ინსტიტუტზე, ეროვნული ბანკის ყოფილ პრეზიდენტთან გავაგრძელებთ თემაზე საუბარს. დეპუტატი რომან გოცირიძე გვიერთდება პირდაპირ ეთერში. სტუმარი: რომან გოცირიძე - სების ყოფილი პრეზიდენტი, დეპუტატი #ახალიამბები #BusinessMediaGeorgia
შესაძლოა ადგილობრივ ბაზარზე საწვავი მოკლევადიან პერიოდში 15-20 თეთრით გაძვირდეს - ამის შესახებ BM.GE-თან სენტა პეტროლეომ ჯორჯიას დამფუძნებელმა ზაალ იაკობიძემ განაცხადა. როგორც იაკობიძე ამბობს, ბაზარზე ბენზინის გაძვირება უკვე დაწყებულია. მისი თქმით, ამის მთავარი მიზეზი რუსეთის ბაზარზე არსებული რყევებია. იაკობიძე ამბობს, რომ ბაზარზე გავლენა ექნება OPEC-ის დე-ფაქტო ლიდერის, საუდის არაბეთის გადაწყვეტილებასაც საერთაშორისო ენერგეტიკული ბირჟისთვის ნავთობის მიწოდების მკვეთრად შემცირების შესახებ. გლობალური სავაჭრო ქსელის ხელმძღვანელი BM.GE-თან ამბობს, რომ რუსეთის ბაზარზე ფასების ზრდასთან ერთად საწვავის დეფიციტიც შეინიშნება. შესაბამისად, იმის გამო რომ ამ ნაწილში საქართველო რუსეთიდან საწვავის იმპორტზეა დამოკიდებული, ფასები გაიზარდა. მისი თქმით, განსხვავებული მდგომარეობაა დიზელის შემთხვევაში, სადაც ფასთან მიმართებით პოზიტიური მოლოდინებია. #ახალიამბები #BusinessMediaGeorgia
#ბიზნესსიახლეები bm.ge-სგან / 06.06.2023 ევროპაში მალფუჭებადი პროდუქციის ექსპორტი მანძილის გამო რთულია - GeorgianBlue; როდის გაიხსნება „მოზაიკო“ ამბასადორი თბილისში? ბათუმის ბულვარში „აგროჰაბის“ პავილიონები გაიხსნა; “ფიშმარკეტ”-ში თევზის 90% იმპორტირებულია - რატომ ვერ ვითარდება საქართველოში თევზის წარმოება? საქართველოში "წყლის დაფების" პირველი ონლაინ მაღაზია გამოჩნდა; #ახალიამბები #BusinessMediaGeorgia
შესაძლოა ადგილობრივ ბაზარზე საწვავი მოკლევადიან პერიოდში 15-20 თეთრით გაძვირდეს - ამის შესახებ BM.GE-თან სენტა პეტროლეომ ჯორჯიას დამფუძნებელმა ზაალ იაკობიძემ განაცხადა. როგორც იაკობიძე ამბობს, ბაზარზე ბენზინის გაძვირება უკვე დაწყებულია. მისი თქმით, ამის მთავარი მიზეზი რუსეთის ბაზარზე არსებული რყევებია. იაკობიძე ამბობს, რომ ბაზარზე გავლენა ექნება OPEC-ის დე-ფაქტო ლიდერის, საუდის არაბეთის გადაწყვეტილებასაც საერთაშორისო ენერგეტიკული ბირჟისთვის ნავთობის მიწოდების მკვეთრად შემცირების შესახებ. #ახალიამბები #BusinessMediaGeorgia
რუსთავის მერია, თბილისის რუსთავის სამარშრუტო ტაქსების კომპანია ინტერტრანსს, დაკისრებული ვალდებულებების შესრულებას სთხოვს. როგორც ქალაქის მერი ამბობს, ავტოსატრანსპორტო საშუალებების რაოდენობა საკმარისი არ არის რის გამოც ხშირად თბილისიდან რუსთავში ჩასვლა მნიშვნელოვანი გამოწვევაა. ხშირად მიკროავტობუსში მოსახვედრად ლოდინის დრო 1.5 საათიც კი ყოფილა. რას ამბობენ თავად მგზავრები და რა გეგმა აქვს რუსთავის მერიას იმ პრობლემის მოსაგვარებლად, რომელიც წლიდან წლამდე მგზავრთნაკადის ზრდასთან ერთად სულ უფრო მწვავდება. #ახალიამბები #BusinessMediaGeorgia
გამოწვევებით და შესაძლებლობებით სავსე 2022 წელი ენერგეტიკის სექტორისთვის - სემეკმა 2022 წლის ანგარიში გაასაჯაროვა, სადაც სემეკის რეგულირებას დაქვემდებარებული ელექტროენერგიის, ბუნებრივი გაზისა და წყალმომარაგების სექტორია გაანალიზებული. სემეკის მონაცემებით, გასულ წელს წყალუხვობის გამო ელექტროენერგიის წარმოება წინა წელთან შედარებით 12.5%-ით, ხოლო 2020 წელთან შედარებით 27.8%-ით გაიზარდა. 2012-2022 წლების მონაცემებზე დაყრდნობით კი, ყოველწლიურად საქართველოში ელექტროენერგიის წარმოება საშუალოდ 4%-ით იზრდება. რაც შეეხება ელექტროენერგიის მოხმარებას, 2022 წელს საქართველოში იგი წინა წელთან შედარებით 3.6%-ით, ხოლო 2020 წელთან შედარებით 17.3%-ით იყო გაზრდილი. 26%-ზე მეტად გაიზარდა თბოსადგურების გამომუშავებაც. სემეკის ანალიზი ცხადყოფს, რომ საქართველოში იცვლება ელექტროენერგიის მოხმარების დინამიკა და თუ დღისათვის საქართველო ზამთრის პიკის ქვეყანაა, 2030 წლისთვის სავარაუდოდ, შეიცვლება და საქართველო ზაფხულის პიკის ქვეყანა გახდება. რა იყო სემეკის რეგულირებას დაქვემდებარებულ სექტორებში მთავარი გამოწვევები და რა სასტარტო პირობებით ხვდება ენერგეტიკული ბირჟის ამოქმედებას ელექტროენერგეტიკული სექტორი? სტუმარი: დავით ნარმანია - სემეკის თავმჯდომარე; #ახალიამბები #BusinessMediaGeorgia
დიდი კარიერის დასასრული - ზლატან იბრაჰიმოვიჩი სპორტიდან წავიდა #ახალიამბები #BusinessMediaGeorgia
რუსული კაპიტალი და რუსული კავშირები ქართულ ბიზნესში - კოალიცია ინფორმაციის სანდოობისთვის რუსული დეზინფორმაციისა და ჰიბრიდული საფრთხეების შესახებ კონფერენციას მასპინძლობს. კონფერენციის პანელური დისკუსიებზე მსჯელობენ კრემლის მიერ გავლენის მექანიზმებზე - ფულის, კორუფციის და რუსული კაპიტალის გამოყენებაზე. როგორ პასუხობს სახელმწიფო პრორუსულ დეზინფორმაციას და ანტიდასავლურ პოლიტიკას, ასევე რა საფრთხეს ქმნის რუსული კაპიტალი და რუსული კავშირები საქართველოსთვის და რას უნდა აკეთებდეს მთავრობა? #ახალიამბები #BusinessMediaGeorgia
#ბიზნესსიახლეები bm.ge-სგან / 05.06.2023 შრომის ინსპექცია "რეტროში" თანამშრომლების უფლებების დარღვევის ფაქტებს იკვლევს; მომხმარებელი VS "დომინო" - რა გადაწყვეტილება მიიღო კონკურენციის სააგენტომ? რომელი ქვეყნებიდან ელიან აჭარაში ტურისტებს? - "აჭარა ტურის" მოლოდინები; „დანკინი“ ქსელის განვითარებას განახლებული დიზაინ კონცეფციით განაგრძობს; „ნინო მერის მეღვინეობა“ ამერიკაში ექსპორტზე გავიდა - კომპანიის გეგმები; #ახალიამბები #BusinessMediaGeorgia
საქართველოს პრემიერ-მინისტრის განცხადებით, ვაზიანის ყოფილი აეროდრომის ადგილზე მთავრობა ახალი აეროპორტის აშენების შესაძლებლობას განიხილავს - ეს იყო ერთ-ერთი თემა, რომელსაც მთავრობის სხდომის დაწყებამდე ტრადიციული განცხადებების გაკეთებისას ირაკლი ღარიბაშვილმა ყველაზე მეტი დრო დაუთმო. „ჩვენ თუ გვინდა, 20, 30, 50 და თუნდაც 100-წლიანი პერსპექტივით ქვეყანაზე ვიზრუნოთ, ახალი აეროპორტისთვის იდეალურია ვაზიანის ყოფილი აეროდრომის ტერიტორია“, - თქვა მთავრობის მეთაურმა, თუმცა როგორც ის ამბობს, საბოლოო გადაწყვეტილება ჯერ მიღებული არაა და ეკონომიკის სამინისტრო პროექტის შესასწავლად უცხოელი ექსპერტების ჩამოყვანას გეგმავს... თუ ჯერ საბოლოო გადაწყვეტილება არაა მიღებული, რის საფუძველზე აკეთებს მთავრობა უფრო მეტ აქცენტს ახალი აეროპორტის მშენებლობაზე, ვიდრე არსებულის გაფართოებაზე? #ახალიამბები #BusinessMediaGeorgia
რეფორმეტრმა usaid-ის ეკონომიკური მმართველობის პროგრამის ფარგლებში კაპიტალის ბაზრის განვითარების რეფორმის პროგრესი შეაფასა. შეფასება მოიცავს კაპიტალის ბაზრის განვითარების 2023-2028 წლების სტრატეგიით დაგეგმილი და განხორციელებული აქტივობების მიმოხილვას. რა ნაწილში აქვს ქვეყანას წინსვლა და სად არის გამოწვევები? #ახალიამბები #BusinessMediaGeorgia
GITA-ს ისტორიაში პირველად, საინვესტიციო კომიტეტის ხუთივე წევრი საერთაშორისო ვენჩურული ინვესტორი სტარტაპ Agronnect-ში ინვესტირებას განახორციელებს. „150 000 ლარიანი თანადაფინანსების გრანტების პროგრამის“ გამარჯვებული სტარტაპების ნაწილში ინვესტირების სურვილზე ჟიურიმ დაჯილდოების ღონისძიებაზე განაცხადა. საინვესტიციო კომიტეტის წევრებმა 8 სტარტაპი შეარჩიეს, სადაც ინვესტირებას განახორციელებენ. მათ შორის Agronnect ერთადერთი აღმოჩნდა, სადაც ჟიურის ყველა წევრმა გამოთქვა ინვესტირების სურვილი. ვინ არიან და ხდებიან სტარტაპის ინვესტორები, რას საქმიანობს აგრონექტი, რომელიც სულ ცოტა ხნის წინ ევროპის ანგელოზ ინვესტორთა ქსელების კონკურსშიც გაიმარჯვა და როგორ ვითარდება დღეს სტარტაპ-ეკოსისტემა? სტუმარი: ირაკლი ჩიქავა - სტარტაპი Agronnect-ის დამფუძნებელი; #ახალიამბები #BusinessMediaGeorgia
ქვეყანაში ავტორიზებული ეკონომიკური ოპერატორის სისტემა ამოქმედდა, თუმცა სტატუსი ამ დროისთვის მხოლოდ 7 კომპანიას აქვს მიღებული. ირკვევა, რომ კომპანიებს სტატუსის მისაღებად ინტერესი ჯერ არ გამოუხატავთ, რაც ინფორმაციის ნაკლებობით იხსნება. პარალელურად, ფინანსთა სამინისტრო ევროკავშირთან მოლაპარაკებებს იწყებს, რათა ქართულმა კომპანიებმა საბაჟოებზე პრიორიტეტებით ისარგებლონ. რა პრიორიტეტებს მოიცავს ავტორიზებული ეკონომიკური ოპერატორის სისტემის სტატუსის მიღება და რატომ არ ინტერესდებიან კომპანიები სიახლით? #ახალიამბები #BusinessMediaGeorgia
გასული კვირის #Christie's და #Sotheby's აუქციონის გაყიდვები; პირველი დაიტონა ,,პროტოტიპი’’ 365 GTB/4; ლეონარდო დიკაპრიოს პორტრეტი; პატეკ ფილიპის 18 კარატიანი ოქროს საათი ჩრდილოეთ ამერიკის რუკით; 1972 ფერარი 312 PB; #ახალიამბები #BusinessMediaGeorgia
ფიქსირებული ინტერნეტის მომხმარებელთა რაოდენობა იზრდება. კომუნიკაციების კომისიის მონაცემებით, ფიქსირებული ფართოზოლოვანი ინტერნეტის აბონენტების რაოდენობა, 2021 წელთან შედარებით, 70.6 ათასით გაიზარდა და 1 მლნ 80 ათასი შეადგინა, საიდანაც მომხმარებლების 95.2 პროცენტი ფიზიკური პირია. აბონენტების ზრდის მიუხედავად ბაზარზე დომინირებულ პოზიციებს ინარჩუნებენ მსხვილი კომპანიები - ფიზიკური პირი აბონენტების ყველაზე დიდი რაოდენობა – 497 ათასი „მაგთიკომს“ ჰყავს, 308 ათასი – „სილქნეტს“, 60-60 ათასი ახალ ქსელებს და სქაიტელს დანარჩენი 104 ათასი აბონენტი კი სხვადასხვა მცირე და საშუალო კომპანიებზე ნაწილდება. ორ კომპანიაზე მოდის შემოსავლების 80 %-იც. როგორ ვითარდება ფიქსირებული ინტერნეტ ბაზარი საქართველოში, რა გამოწვევების წინაშე არიან და რა სივრცე რჩებათ მცირე და საშუალო კომპანიებს? სტუმარი: უჩა სეთური - „მცირე და საშუალო ტელეკომ ოპერატორების ასოციაციის“ ხელმძღვანელი; #ახალიამბები #BusinessMediaGeorgia
NBA-ის ფინალი 2023 - "ნაგეთსი’’ VS "ჰიტი" #ახალიამბები #BusinessMediaGeorgia
#ამერიკისხმა: "გადაარჩინე უკრაინის ღვინო" #ახალიამბები #BusinessMediaGeorgia
მიუნხენის ,,ბაიერნის’’ ქაოსით მოცული საჩემპიონო სეზონი #ახალიამბები #BusinessMediaGeorgia
საბანკო სექტორი მიმდინარე წელს უცხოური ვალუტის სესხებზე საპროცენტო განაკვეთების ზრდას ელის, რაც პირდაპირ კავშირშია გამკაცრებულ მონეტარულ პოლიტიკასთან. რაც შეეხება ეროვნული ვალუტის სესხებს, ინფლაციის კლების ფონზე, ეროვნულმა ბანკმა უკვე დაიწყო გამკაცრებული მონეტარული პოლიტიკიდან გამოსვლა, შესაბამისად საბანკო ასოციაცია ელის, რომ წლის ბოლომდე ცენტრალური ბანკი მონეტარულ პოლიტიკას კიდევ შეამსუბუქებს, რაც ლარში სესხებზე საპროცენტო განაკვეთებს შეამცირებს. რა დიაპაზონშია მოსალოდნელი სავალუტო სესხების გაძვირება და რამდენად შეამცირებს ეს საკრედიტო აქტივობას? #ახალიამბები #BusinessMediaGeorgia
ეროვნული ბანკი კომერციულ ბანკებს რეკომენდაციას აძლევს ქირის საფუძველზე სამომხმარებლო და იპოთეკური სესხის გაცემისას, გრძელვადიან ტრენდთან შედარებით უძრავი ქონების გაქირავების 30%-ით გაზრდის დინამიკა გაითვალისწინონ და შემოსავლის გრძელვადიანი სტაბილურობის გათვალისწინებით გასცენ სესხები. ცენტრალური ბანკი რისკებს ხედავს ძირითადად უძრავი ქონების გაქირავების მიმართულებით. ისინი საბანკო სექტორს ურჩევენ დაკრედიტებისას ტრენდთან შედარებით გრძელვადიანად, ფასების 30%-ით მეტად გაზრდის დინამიკა გაითვალისწინონ. საბანკო ასოციაციის პრეზიდენტის შეფასებით, სების ამ გადაწყვეტილებას უფრო პრევენციული ხასიათი აქვს, რადგან ბანკები ისედაც არა კონკრეტული მომენტისთვის შემოსავალს, არამედ 6 თვიდან 1 წლამდე პერიოდის განმავლობაში არსებულ შემოსავალს ითვალისწინებენ სამომხმარებლო და იპოთეკური სესხების გაცემისას, ამიტომ ამ მხრივ საბანკო სექტორს დაკრედიტების შემცირების მოლოდინი არ აქვს. #ახალიამბები #BusinessMediaGeorgia
ეროვნული ბანკი კომერციულ ბანკებს რეკომენდაციას აძლევს ქირის საფუძველზე სამომხმარებლო და იპოთეკური სესხის გაცემისას, გრძელვადიან ტრენდთან შედარებით უძრავი ქონების გაქირავების 30%-ით გაზრდის დინამიკა გაითვალისწინონ და შემოსავლის გრძელვადიანი სტაბილურობის გათვალისწინებით გასცენ სესხები. #ახალიამბები #BusinessMediaGeorgia
#ბიზნესსიახლეები bm.ge-სგან / 01.06.2023 წეროვანის მიმდებარედ, მაგისტრალზე Gulf Store-ის რიგით მე-100 მაღაზია გაიხსნა; ქართული სანელებლები და სამკურნალო მცენარეები EU-სა და აშშ-ს ბაზარზე - „ფარკონის" ისტორია; “დღემდე 10 ათასზე მეტი დავალება შევასრულეთ” - Wempler; შემეცნებითი თამაში „საგზაო ლოტო“ - „თამაშობანასა“ და „თეგეტას“ კოლაბორაცია; #ახალიამბები #BusinessMediaGeorgia
მარშალ გელოვანის გამზირისა და მუხრან მაჭავარიანის ქუჩის დამაკავშირებელი გზა უკვე ექსპლუატაციაშია. 4 წლის წინ დაწყებული მაჭავარიანი-გელოვანის გზის პროექტის დასრულება 12-ჯერ გადავადდა. მთავარი მიზეზი, რის გამოც ახალი გზის მშენებლობას 2-ის ნაცვლად 4 წელი დასჭირდა მეწყრული პროცესები იყო, რომელიც ადგილზე 2 წლის წინ განვითარდა. როგორც თბილისის მერმა განაცხადა, მონაკვეთი სრულად უსაფრთხოა და ამას უცხოელი ექსპერტებიც ადასტურებენ. პროექტის ფარგლებში მასშტაბური სამუშაოები განხორციელდა. კერძოდ, მაჭავარიანის ქუჩაზე და მარშალ გელოვანის გამზირზე, შეიცვალა მაგისტრალური წყალმომარაგების მილები და მისი ადგილმდებარეობა, მოეწყო ახალი სანიაღვრე ქსელი. ასევე, საჭირო გახდა მაღალი ძაბვის ელექტროგადამცემი ანძების ადგილმონაცვლეობა. #ახალიამბები #BusinessMediaGeorgia
საქართველო ენერგოსისტემა სარეზერვო სიმძლავრეების დეფიციტს რომ განიცდის არახალია და ამ ვითარების გამოსასწორებლად საჭიროა როგორც მარეგულირებელი ჰესების და ასევე მძლავრი კომბინირებული თბოსადგურების მშენებლობა. ამ დროისათვის საქართველოს 7 თბოსადგური აქვს და მხოლოდ ორი თბოსადგურია კომბინირებული ციკლის, რომელთა ჯამური დადგმული სიმძლავრე 485 მეგავატია. რატომ შეიძლება დაინტერესდეს ინვესტორი ქვეყანაში თბოსადგურის მშენებლობით, მაშინ როდესაც ობიექტმა იმპორტირებულ გაზზე უნდა იმუშაოს და როგორია დღეს მთავრობის ენერგეტიკული პოლიტიკა? სტუმარი: პაატა ცინცაძე - საქართველოს ენერგეტიკის აკადემიის პრეზიდენტი. #ახალიამბები #BusinessMediaGeorgia
რა გავლენას მოახდენს თურქეთის არჩევნების შედეგი ქვეყნის ეკონომიკაზე? #ახალიამბები #BusinessMediaGeorgia
მარშალ გელოვანის გამზირისა და მუხრან მაჭავარიანის ქუჩის დამაკავშირებელი გზა დღეიდან ექსპლუატაციაშია. 4 წლის წინ დაწყებული მაჭავარიანი-გელოვანის გზის პროექტის დასრულება 12-ჯერ გადავადდა და საბოლოოდ დღეს გაიხსნა. გზის მშენებლობას მეწყრული პროცესების გამო არაერთი სირთულე შეექმნა, გაიზარდა პროექტის ბიუჯეტიც. საერთო ჯამში, ოთხზოლიანი მონაკვეთით მარშალ გელოვანის გამზირი ვაშლიჯვარს დაუკავშირდა. მშენებლობაზე 16 მილიონზე მეტი დაიხარჯა. რა გაკეთდა მეწყრული პროცესების პრევენციისთვის და როგორი იყო ახალი გზის მშენებლობის 4 წლიანი ქრონოლოგია? #ახალიამბები #BusinessMediaGeorgia
#ბიზნესსიახლეები bm.ge-სგან / 31.05.2023 “პანდემიის შემდგომ თამბაქოს მონიტორინგის ნაწილი შესუსტებულია” - აკაკი ზოიძე; „წისქვილებისთვის ქართული ხორბალი უფრო მიმზიდველია“ - რატომ შეიქმნა ხორბლის ჩაბარების პრობლემა? „ანაკლიაში ერთი-ორი ტურისტი თუ გამოირევა ხოლმე“ – Hotel Anaklia; "ჩვენს სათამაშოებს ექსპორტზე გავიტანთ" - რა სამომავლო გეგმები აქვს „ბამოს“? „ბავშვისთვის ქართული წარმოების ტანსაცმლის ყიდვა ძალიან პოპულარულია“ – Uniki; #ახალიამბები #BusinessMediaGeorgia
„მსოფლიო თამბაქოს გარეშე“ - საქართველოს პარლამენტში თამბაქოს კონტროლის შესახებ კანონით დადგენილი რეგულაციების 5 წლის შედეგები შეაჯამეს. ჯანდაცვის სამინისტროს ინფორმაციით, მას შემდეგ რაც ქვეყანაში თამბაქოს კონტროლის შესახებ კანონით გაწერილი რეგულაციების ამოქმედება დაიწყო, საქართველოს მასშტაბით თამბაქოსგან საზოგადოებრივი ადგილების 94% გათავისუფლდა, შენობებში ჰაერის დაბინძურება 91%-ით შემცირდა. მათი ინფორმაციით, რეფორმას მოსახლეობისგან 85%-იანი მხარდაჭერა აქვს. ბოლო 5 წლის განმავლობაში უწყების ცნობით სკოლებთან თამბაქოს პროდუქტებით ვაჭრობაც შემცირდა. საბოლოო ჯამში კი მათი ცნობით კანონის აღსრულების მაჩვენებელი 96%-ია. რაც შეეხება რეგულაციების გავლენას თამბაქოს მოხმარების შემცირებაზე, ჯანდაცვის სამინისტროს ინფორმაციით, ზრდასრულ მოსახლეობაში მოკლევადიან პერიოდში თამბაქოს მოხმარება თითქმის 3%-ით შემცირდა. პროგრესის პარალელურად ამ მიმართულებით მომუშავე ექსპერტები საუბრობენ გამოწვევებზეც, რაც რეფორმას აფერხებს. მათ შორის სახელდება თამბაქოს ახალი პროდუქტები, რომელთა მიმართაც როგორც საზოგადოებას ისე მაკონტროლებლებს ლმობიერი დამოკიდებულება აქვთ. #ახალიამბები #BusinessMediaGeorgia
„სახლი არ დატოვო“- ასე ჰქვია რუსულ ოკუპაციაზე გადაღებულ მოკლემეტრაჟიან ფილმს, რომლის პრემიერა გუშინ, კინოთეატრ ამირანში გაიმართა. ფონდი კეტარის მხარდაჭერით გადაღებული კინოსურათი ოკუპაციის ჩვენი დროის სიმბოლოს, დათა ვანიშვილის ცხოვრებას აღწერს. ფილმი ერთი უწყვეტი კადრითაა გადაღებული და 15 წუთის განმავლობაში დეტალურად აღწერს, თუ რა გავლენა აქვს ოკუპაციას მშვიდობიან მოქალაქეებზე და როგორ ცვლის ის ამ ადამიანების ცხოვრებას #ახალიამბები #BusinessMediaGeorgia