რამდენად გამართლებულია ქვეყანაში ტურიზმის მოსაკრებლის დანერგვა? საკითხზე შესაბამისი კვლევა USAID-მა ტურიზმის ინსტიტუტთან ერთად ბათუმსა და ქობულეთში არსებულ სასტუმროებში ჩაატარა. ირკვევა, რომ კერძო სექტორის გამოკითხული წარმომადგენლების ნახევარზე მეტი იდეას დადებითად აფასებს და მიიჩნევს, რომ მოსაკრებელი დადებითად იმოქმედებს ტურიზმის მდგრად განვითარებაზე. თუმცა სასტუმროების ნაწილი აცხადებს, რომ შესაბამისი მოსაკრებლის შემოღება ტურისტულ მომსახურებას გააძვირებს. #ახალიამბები #BusinessMediaGeorgia
Forbes Women-ისა და TBC Concept-ის ორგანიზებით მენტალური ჯანმრთელობის შესახებ პანელური დისკუსია გაიმართა, სადაც მონაწილეებმა ერთმანეთს თავიანთი გამოცდილება გაუზიარეს, ისაუბრეს იმის შესახებ თუ რა ნიშნავს შფოთვა სოციალურ ურთიერთობებში, როგორ უნდა მიხვდეს მშობელი, რომ მის შვილს მენტალური ჯანმრთელობის პრობლემები აქვს, რატომ უნდა იზრუნოს კომპანიამ თანამშრომელთა მენტალურ ჯანმრთელობაზე, რა ინფორმაციის მატარებელია ჩვენი გენი? არის თუ არა სწორი კვება და ფიზიკური აქტივობა მენტალური ჯანმრთელობის პრობლემებთან გამკლავებისა თუ მისი პრევენციის ერთ-ერთი მნიშვნელოვანი ინსტრუმენტი. #ახალიამბები #BusinessMediaGeorgia
სახელმწიფო ბიუჯეტის დეფიციტის შევსების მიზნით, თურქეთის პრეზიდენტმა რეჯეპ ტაიპ ერდოღანმა დამატებითი ღირებულების გადასახადი 2 პროცენტული პუნქტით, 20%-მდე გაზარდა. მიმდინარე წლის პირველ ხუთ თვეში თურქეთის ბიუჯეტის დეფიციტი 10.2 მილიარდ დოლარს შეადგენს, რაც წინა წელთან შედარებით თითქმის ორჯერ მაღალი მაჩვენებელია. დეფიციტის გაღრმავება თურქეთის სამხრეთით მომხდარმა ძლიერმა მიწისძვრამ და 2023 წლის საარჩევნო კამპანიამ გამოიწვია. გარდა ამისა, თურქეთში გაიზარდა იმპორტირებული მობილური ტელეფონების სარეგისტრაციო გადასახადიც. ამ თემაზე უფრო ვრცლად, “საქმის კურსის” პირდაპირ ეთერში საქმიანი საღამოს წამყვანი, გიორგი არონია მოგვიყვება. გიორგი, გამარჯობა! რა გავლენას მოახდენს ერდოღანის ეს გადაწყვეტილება მობილური ტელეფონების ქართველ ექსპორტიორებზე? #ახალიამბები #BusinessMediaGeorgia
არის თუ არა გამართლებული საქართველოში ე.წ ტურიზმის მოსაკრებლის დანერგვა. სექტორში მიმდინარე რეფორმის ფარგლებში ტურიზმის ინსტიტუტმა USAID - თან ერთად გამოიკვლია ბათუმის და ქობულეთის სასტუმროების აზრი აღნიშნულ ქალაქებში მოსაკრებლის შემოღებასთან დაკავშირებით. ირკვევა, რომ კერძო სექტორის გამოკითხული წარმომადგენლების ნახევარზე მეტი იდეას დადებითად აფასებს და მიიჩნევს, რომ მოსაკრებელი დადებითად იმოქმედებს ტურიზმის მდგრად განვითარებაზე. თუმცა სასტუმროების ნაწილს ასეთი გადასახადის შემოღება აშფოთებს - რას ნიშნავს ტურიზმის მოსაკრებელი, როგორია მსოფლიო პრეცედენტები და რა აშინებს კერძო სექტორს? სტუმარი: მამუკა ბერძენიშვილი - ტურიზმის ინსტიტუტის აღმასრულებელი დირექტორი; #ახალიამბები #BusinessMediaGeorgia
რეპუტაციის შექმნა და შენარჩუნება ყველა კომპანიისა თუ ორგანიზაციისათვის მნიშვნელოვანი საკითხია. დიდი კორპორაციებისათვის, რომლებიც ადგილობრივ თუ საერთაშორისო ბაზრებზე პოპულარობით სარგებლობენ, ბრენდის რეპუტაციას გადამწყვეტი მნიშვნელობა აქვს. კვლევითი კომპანია Axios Harris Poll-ი აშშ-ის უმსხვილეს კომპანიათა რეპუტაციას ორ ათწლეულზე მეტია იკვლევს და სულ ახლახან, კომპანიამ 2023 წლის კვლევის შედეგები გამოაქვეყნა. #ახალიამბები #BusinessMediaGeorgia
რა გავლენა ექნება ენერგეტიკული ბირჟის ამოქმედების გადავადებას CFD კონტრაქტებზე? მიუხედავად იმისა, რომ CFD სქემის ფარგლებში სიმძლავრის აუქციონში გამარჯვებული კომპანიები გამოვლენილია, ჯერ კიდევ ღიაა საკითხი, როგორ გაგრძელდება კერძო სექტორსა და მთავრობას შორის თანამშრომლობა ენერგეტიკული ბირჟის გახსნის ერთი წლით გადავადების შემთხვევაში, რადგან CFD მექანიზმი მიბმული უნდა იყოს სწორედ საბაზრო ფასზე. რა კითხვები აქვს კერძო სექტორს და არსებობს თუ არა ამაზე პასუხი ოფიციალური უწყებისგან? #ახალიამბები #BusinessMediaGeorgia
“აწარმოე საქართველოში” - რამდენად ეფექტიანია სახელმწიფო პროგრამები? #ახალიამბები #BusinessMediaGeorgia
როგორ ვითარდება საქმიანი ტურიზმი საქართველოში - M&i-ის გლობალური ფორუმის ფარგლებში გასულ კვირას საქართველოს ბრიტანეთიდან, გერმანიიდან, საფრანგეთიდან და ევროპის სხვა ქვეყნებიდან 60-მდე გაყიდვების საერთაშორისო კომპანია სტუმრობდა. შეხვედრებზე საქართველოში მსხვილი საერთაშორისო კონფერენციების, კონგრესებისა და სხვა ტიპის ღონისძიებების ჩატარების შესაძლებლობებზე იმსჯელეს. სტუმარი: გურამ ავალიანი - BTL Georgia-ს ბიზნესის განვითარების ხელმძღვანელი #ახალიამბები #BusinessMediaGeorgia
დაარსების დღიდან, 10 წლის განმავლობაში სააგენტოს „აწარმოე საქართველოში“ მიერ დაფინანსდა 11,000 - მდე პროექტი, ხოლო ჯამურად 60,000-ზე მეტი სამუშაო ადგილი შეიქმნა, - ამის შესახებ აღნიშნულია ანგარიშში, რომელიც სააგენტოს ხელმძღვანელმა, მიხეილ ხიდურელმა წარადგინა. მისივე თქმით, განსაკუთრებით აღსანიშნავია „აწარმოე საქართველოში“ სესხის პროცენტის სუბსიდირების ეფექტი - სააგენტოს მიერ გაცემულ 1 ლარზე, ბენეფიციარებმა დამატებით 14 ლარის შემოსავალი დააგენერირეს. #ახალიამბები #BusinessMediaGeorgia
რატომ უჩივის 8 წლის შემდეგ ბიძინა ივანიშვილი მისი კუთვნილი თანაინვესტირების ფონდის ყოფილ აღმასრულებელ ხელმძღვანელს? ივანიშვილის ადვოკატი ვრცელ განცხადებას ავრცელებს, სადაც განმარტებულია, რა გახდა გიორგი ბაჩიაშვილის მიმართ დიდი ოდენობით კრიპტოვალუტის მართლსაწინააღმდეგოდ მითვისებისა და უკანონო შემოსავლის ლეგალიზაციის საქმის აღძვრის მიზეზი. თუმცა როგორც განცხადებიდან ირკვევა, არ არის გამორიცხული ბაჩიაშვილს ბრალი სხვა საქმეზე დაუმძიმდეს. #ახალიამბები #BusinessMediaGeorgia
ინდიანა ჯონსი - ფრენჩაიზი, რომელმაც დროს გაუძლო; #ახალიამბები #BusinessMediaGeorgia
გასული სეზონის 5 ყველაზე წარუმატებელი საფეხბურთო ტრანსფერი #ახალიამბები #BusinessMediaGeorgia
კვირის ყველაზე ძვირადღირებული გაყიდვები და აუქციონები; მერაბ აბრამიშვილის “შავი ავაზა”; “ხელოვანის სტუდია მკერავთან ერთად”; პიტერ უსტინოვის კოლექცია; ხელმოწერილი ჩაფხუტები ფორმულა 1ის პილოტებისგან; ბილ ჰარტაკის კენტაკი დერბის ტიტულები; ნივთები “ფეხბურთის მეფის” ცხოვრებიდან; #ახალიამბები #BusinessMediaGeorgia
ატმის როგორი მოსავალია საქართველოში და სად გავა პროდუქტი ექსპორტზე? #ახალიამბები #BusinessMediaGeorgia
#ბიზნესსიახლეები bm.ge-სგან / 29.03.2023 “ბიუ ბიუს“ 10 წლის იუბილეზე კომპანია “ჩირინა” ახალ საწარმოს ხსნის; თბილისის ანძის მოდერნიზება იწყება - "პროექტში ინვესტირებისთვის $8 მილიონი განისაზღვრა"; „ბაზალტის ძაფისგან წარმოებული ქართული პროდუქტის ცნობადობა, დაბალია”; ენერგოინსპექტირების გარეშე შენობები ექსპლუატაციაში აღარ მიიღება - რა იცვლება სამშენებლო სექტორში? მსუბუქი მრეწველობის სექტორი მნიშვნელოვან ზრდას აჩვენებს; #ახალიამბები #BusinessMediaGeorgia
მინიმალური ხელფასები სანიტრებს და ექთნის დამხმარეებსაც დაენიშნებათ - ჯანდაცვის სამინისტროს ინიციატივით, ცვლილებების ახალი პაკეტი შემუშავდა, რომელიც სანიტრის, უმცროსი ექიმის, ექთნის დამხმარის, ექთნის თანაშემწისა და დამლაგებლის პოზიციაზე დასაქმებულებისთვის სავალდებულო მინიმალური ხელფასის დაწესებას გულისხმობს. სამინისტროს მიერ გავრცელებული ინფორმაციით, ახალი ინიციატივა კლინიკების ხელმძღვანელებს ჯანდაცვის სამინისტროს წარმომადგენლებმა შესთავაზეს. შეხვედრაზე აღინიშნა, რომ რეფორმა მნიშვნელოვნად შეუწყობს ხელს დასაქმებულის მოტივაციისა და პროდუქტიულობის გაზრდას, ასევე გააუმჯობესებს დასაქმებულთა სამუშაო პირობებსა და სამედიცინო მომსახურების ხარისხს. რეფორმის შედეგად, საყოველთაო ჯანდაცვის პროგრამაში სტაციონარული კომპონენტით ჩართული ყველა კლინიკა ვალდებული იქნება სამედიცინო პერსონალის სახელფასო ანაზღაურება, ჯანდაცვის სამინისტროს მიერ წარმოდგენილი მინიმალური ზღვრის გათვალისწინებით დაადგინოს. #ახალიამბები #BusinessMediaGeorgia
ბრენდი „ბიუ ბიუს“ 10 წლის იუბილეს ქართული ქათმის ხორცის მწარმოებელი კომპანია „ჩირინა“ გარდაბნის რაიონის სოფელ სართიჭალაში ხორცპროდუქტების ახალი საწარმოს გახსნით აღნიშნავს. 35 მილიონიანი პროექტი ოფიციალურად სულ ცოტა ხნის წინ გაიხსნა. #ახალიამბები #BusinessMediaGeorgia
ექიმებისა და ექთნების შემდეგ, კლინიკებს მინიმალური ხელფასის დაწესება სხვა პერსონალისთვისაც მოუწევთ. ჯანდაცვის სამინისტრომ ცვლილებების ახალი პაკეტი შეიმუშავა, რომელიც სანიტრის, უმცროსი ექიმის, ექთნის დამხმარის, ექთნის თანაშემწისა და დამლაგებლის პოზიციაზე დასაქმებულებისთვის სავალდებულო მინიმალური ხელფასის დაწესებას გულისხმობს. #ახალიამბები #BusinessMediaGeorgia
ბრენდი „ბიუ ბიუს“ 10 წლის იუბილეს ქართული ქათმის ხორცის მწარმოებელი კომპანია „ჩირინა“ გარდაბნის რაიონის სოფელ სართიჭალაში ხორცპროდუქტების ახალი საწარმოს გახსნით აღნიშნავს. „ბიუ ბიუს“ პროდუქცია ქართულ ბაზარზე 2013 წლის 7 ივლისს გამოჩნდა და 10 წლის შემდეგ ახალი საწარმოს დამატებით კომპანიის სტრატეგიული განვითარების შემდეგი ეტაპი დაიწყო. აღნიშნული პროექტით კომპანია შეძლებს მომხმარებელს ნედლი ქათმის ხორცისგან დამზადებული ხორცპროდუქტების ფართო ასორტიმენტი შესთავაზებს. რა ინვესტიცია ჩაიდო ახალ საწარმოში და რა გეგმები აქვს კომპანიას? #ახალიამბები #BusinessMediaGeorgia
კომუნიკაციების კომისიის მიერ აუქციონის გამოცხადებას და მის პირობებს აკრიტიკებენ მსხვილი მობილური ოპერატორები. კომკომის სხდომაზე ამ აუქციონების პირობები გააკრიტიკა “სილქნეტის” დამფუძნებელმა გიორგი რამიშვილმა. საქმე იმაშია, რომ გამოცხადებული 4 აუქციონიდან 3-ის პირობების მიხედვით, მისმა შემძენმა 5G ქსელის დანერგვასთან ერთად ვირტუალური ოპერატორების სავალდებულო დაშვებაც უნდა უზრუნველყოს. გიორგი რამიშვილის განმარტებით, ამ სახით დაყენებული პირობით, კომუნიკაციების კომისია არჩევანის თავისუფლებას ზღუდავს. სხდომაზე “მაგთის" იურისტმა ლევან გიორგაძემ განაცხადა, რომ არსებული პირობებით კომპანია აუქციონში მონაწილეობას არ მიიღებს. სტუმარი: რატი ახვლედიანი - მობილური ვირტუალური ქსელის ოპერატორების ასოციაციის წევრი, MobineX-ის მმართველი პარტნიორი #ახალიამბები #BusinessMediaGeorgia
კომუნიკაციების კომისიამ ქვეყანაში 5G სიხშირის მობილური ინტერნეტის დანერგვასთან დაკავშირებით აუქციონები გამოაცხადა. კომუნიკაციების კომისიის მიერ გამოცხადდა ოთხი აუქციონი ოთხ კომბინირებულ აბსტრაქტულ ლოტზე, რომლებიც ერთმანეთისგან დაფარვის ვალდებულებებით და ფასით განსხვავდებიან.პირველი კომბინირებული ლოტის საწყისი საფასური 6 230 000 ლარი იქნება, მე-2 კომბინირებული ლოტის - 2 530 900 ლარი, მე-3 კომბინირებული ლოტის - 2 593 800 ლარი, მე-4 კომბინირებული ლოტის კი - 2 656 700 ლარი. რა ვიცით და რა არის 5G ინტერნეტი? #ახალიამბები #BusinessMediaGeorgia
#ბიზნესსიახლეები bm.ge-სგან / 07.07.2023 “ფარმსახლმა” “დოიჩე აფთიაქი” შეიძინა - რა შემოსავალი აქვთ კომპანიებს; ატმისა და ვაშლატამას როგორი მოსავალია წელს ქვეყანაში? რა დატვირთვით მუშაობს სასტუმრო „ბორჯომი-ლიკანი“? „ზუგდიდს უცხოელი დამსვენებლების მისაზიდად ტურისტული ინფრასტრუქტურის განვითარება სჭირდება“ - საოჯახო სასტუმრო; “ვაშენებთ სოფლის ტიპის დასასვენებელ სივრცეს” - “კარდანახის მამულის” სამომავლო გეგმები; #ახალიამბები #BusinessMediaGeorgia
USAID-ის ეკონომიკური უსაფრთხოების პროექტის, PMC კვლევითი ცენტრისა და ISET-ის კვლევითი ინსტიტუტის პარტნიორობით სექტორების ანალიტიკის ანგარიში მოამზადა, რომელიც ეკონომიკის სექტორებში არსებულ განვითარების ტენდენციებს და პრობლემებს ასახავს. შეხვედრას კერძო სექტორის წარმომადგენლებიც ესწრებოდნენ. კვლევა აჩვენებს, რომ ზრდა ფიქსირდება მრეწველობის, ინფორმაციებისა და კომუნიკაციების და ელექტრონული კომერციის სექტორებში. მაგალითად, 2022 წლის მდგომარეობით, ავეჯის სექტორის ბრუნვა გაზრდილია 17,7%-ით და 293 მლნ ლარს შეადგენს, 18,8%-იან ზრდას აჩვენებს შესაფუთი მრეწველობის სექტორის ბრუნვა, რამაც თანხობრივად 824 მლნ ლარს მიაღწია. მიუხედავად იმისა, რომ სექტორი იზრდება, პროცესს თან ახლავს გამოწვევებიც, რაზეც შეხვედრაზე ისაუბრეს, როგორც ანგარიშის ავტორებმა, ასევე ბიზნესმა. მაგალითად, სამშენებლო სექტორისთვის გამოწვევაა როგორც კადრები, ისე ექსპორტთან დაკავშირებული სტანდარტების დაკმაყოფილება. ერთ-ერთ შემაფერხებელ ბარიერად სახელდება ასევე ქვეყანაში შესაბამისი ლაბორატორიული ინფრასტრუქტურის არარსებობაც, რის გამოც ბიზნესს სერტიფიცირების მისაღებად მასალების ქვეყნის ფარგლებს გარეთ გაგზავნა უწევს. #ახალიამბები #BusinessMediaGeorgia
"კაპიტალის ბაზრის მხარდაჭერის პროგრამის“ გამარჯვებულები ცნობილია - პროგრამა რომელიც „კაპიტალის ბაზრის მხარდაჭერას ისახავდა მიზნად წელიწად-ნახევრის წინ დაიწყო. პროექტი ევროპის რეკონსტრუქციისა და განვითარების ბანკის გუნდის მიერ, ევროკავშირის ფინანსური ჩართულობით განხორციელდა. საკონსულტაციო სამუშაოები Galt & Taggart-მა, BDO Georgia-სთან ერთად შეასრულა. 18 თვიანი პროგრამის დასრულების შემდეგ კი უკვე 7 გამარჯვებული გამოვლინდა. სია ასე გამოიყურება: საქართველოს განახლებადი ენერგიის კომპანია; კრისტალი; ემბისი; თიბისი ლიზინგი; რიკო ჯგუფი; თეგეტა ჰოლდინგი და „ენერჯი დეველოპმენთ ჯორჯია“. გამარჯვებულ კომპანიებს გადაეცათ გრანტები ფასიანი ქაღალდების გამოშვებასთან დაკავშირებული ხარჯების თანადაფინანსებისთვის. #ახალიამბები #BusinessMediaGeorgia
ბიძინა ივანიშვილის თანაინვესტირების ფონდის ყოფილი ხელმძღვანელის გიორგი ბაჩიაშვილისთვის აღკვეთის ღონისძიების შეფარდებაზე სასამართლო სულ რამდენიმე წუთში იმსჯელებს. სასამართლოს სხდომა 19 საათზეა დანიშნულია. დაესწრება თუ არა სხდომას გიორგი ბაჩიაშვილი, ან რას მოითხოვს პროკურატურა აღკვეთის ღონისძიების სახით უცნობია. არ მსურს კომენტარის გაკეთება, - ამის შესახებ "თანაინვესტირების ფონდის' ყოფილმა ხელმძღვანელმა გიორგი ბაჩიაშვილმა მთავარ არხს განუცხადა. მასთან დაკავშირებას ამ დრომდე ცდილობს bm.ge, თუმცა ბაჩიაშვილი ჩვენს სატელეფონო ზარებს არ პასუხებს. ბიძინა ივანიშვილის მიერ დაფუძნებული თანაინვესტირების ფონდის ყოფილი CEO-ს გიორგი ბაჩიაშვილის წინააღმდეგ სისხლისსამართლებრივი დევნის დაწყებაზე პროკურატურამ დღეს განაცხადა. მას 8 253 ცალ ბიტკოინის მითვისებას ედავებიან, რომელთა ღირებულებაც "მითვისების" პერიოდში იყო 39 მილიონი დოლარი. დღევანდელი კურსით ეს პორტფელი 258 მილიონი დოლარი ღირს . #ახალიამბები #BusinessMediaGeorgia
ივლისის დადგომასთან ერთად, ქართველმა მეთხილეებმა თხილის მოსავლის აღებისა და ჩაბარების სეზონისთვის მზადება დაიწყეს. თხილი ერთ-ერთი უმთავრესი საექსპორტო საქონელია, რომელიც, ექსპორტზე, ძირითადად, ევროკავშირის ქვეყნებში გადის. რამდენ თხილს აწარმოებს საქართველო და გლობალური ბაზრის რამდენპროცენტიანი წილი უჭირავს ჩვენს ქვეყანას? რა მდგომარეობაა ქართული თხილის კუთხით საქართველოში და მსოფლიოში? სტუმარი: ლევან ქარდავა - საქართველოს თხილის გადამამუშავებელთა და ექსპორტიორთა ასოციაციის აღმასრულებელი დირექტორი; #ახალიამბები #BusinessMediaGeorgia
პირველად საქართველოში, საქართველოს ბანკის მხარდაჭერით, პარლამენტის ეროვნულ ბიბლიოთეკაში ქართული დამწერლობის მუზეუმი გაიხსნება. ახალ მუზეუმში ციფრულად იქნება მოყოლილი ქართულ ენაზე ხელნაწერებისა და ბეჭდური გამოცემების შექმნის ისტორია. ამავე სივრცეში განთავსდება ინსტალაციები, რომლებიც მსოფლიო დამწერლობის ისტორიასაც გვამცნობენ. მუზეუმის ტექნიკურად აღჭურვას საქართველოს ბანკი უზრუნველყოფს. ეროვნულ ბიბლიოთეკასა და საქართველოს ბანკს შორის თანამშრომლობის მემორანდუმს დღეს გაფორმდა. #ახალიამბები #BusinessMediaGeorgia
USAID-ის ეკონომიკური უსაფრთხოების პროექტის, PMC კვლევითი ცენტრისა და ISET-ის კვლევითი ინსტიტუტის პარტნიორობით სექტორების ანალიტიკის ანგარიში მომზადდა, რომელიც ეკონომიკის სექტორებში არსებულ განვითარების ტენდენციებს და პრობლემებს ასახავს. შეხვედრას კერძო სექტორის წარმომადგენლებიც ესწრებოდნენ. #ახალიამბები #BusinessMediaGeorgia
რამდენად მდგრადია რეგიონის სატრანსპორტო ინდუსტრია, რა გამოწვევები აქვს და რა შესაძლებლობები - საქართველოს სატრანსპორტო პოტენციალზე დღეს ევროპული ბიზნეს ასოციაციის ორგანიზებულ კონფერენციაზე მსჯელობენ. კონფერენციაზე განიხილება ევროკავშირის ხედვა საქართველო-ევროპის თანამშრომლობის გაღრმავებასთან დაკავშირებით, განიხილება სატრანზიტო პოტენციალი და ის საკითხები, რაც დერეფნის გამართულად მუშაობისთვის არის მნიშვნელოვანი, მათ შორის ფინანსური რისკები და დაზღვევის მექანიზმები. რა გამოწვევებია საქართველოს დერეფანში და რა სჭირდება დღეს ამ მიმართულებით მომუშავე ბიზნესს? #ახალიამბები #BusinessMediaGeorgia
საქართველო 20 წლამდელთა რაგბის მსოფლიო ჩემპიონატზე; #ახალიამბები #BusinessMediaGeorgia
#ბიზნესსიახლეები bm.ge-სგან / 05.07.2023 თიბისი ლიზინგმა, თიბისი კაპიტალის მხარდაჭერით, ₾15 მლნ-ის მწვანე საჯარო ობლიგაციები განათავსა; „დმანისის მეცხოველეობა“ მეურნეობის განვითარებას და დამატებით ₾40 მლნ-ის ინვესტირებას გეგმავს; კონკურენციის სააგენტომ ლურჯი მოცვის ბაზარზე მონიტორინგი დაიწყო; “სითი ჩიქენი” ფრანჩიზას გაყიდვას იწყებს; „წლის ბოლომდე ბათუმში ჩვენს საწარმოს გავხსნით“ – QooQy Bakery-ის გეგმები; #ახალიამბები #BusinessMediaGeorgia
თბილისის მერიამ მუნიციპალური პოლიკლინიკების პრივატიზება გადაიფიქრა. შესაბამისი განცხადება გუშინ თბილისის მერიის ქონების მართვის საქალაქო სამსახურის უფროსმა გააკეთა. როგორც ის ამბობს, მერიის ბალანსზე არსებული კლინიკები აღარ გასხვისდება და მის რეაბილიტაციას ან თავად მუნიციპალიტეტი ან ჯანდაცვის სამინისტრო განახორციელებს. #ახალიამბები #BusinessMediaGeorgia
TravelSupermarket-ის მონაცემების მიხედვით ევროპის ყველაზე პოპულარულ საზაფხულო კურორტებზე სამოგზაურო პაკეტების ფასი წინა წელთან შედარებით გაზრდილია. საუბარია, all inclusive ტიპის პაკეტებზე, რომელიც ფრენას, სასტუმროში განთავსებასა და კვებას მოიცავს. უფრო კონკრეტულად, სად, რა მაჩვენებლით გაიზარდა ფასები? #ახალიამბები #BusinessMediaGeorgia
ევროკავშირთან ექსპორტის გააქტიურებაზე დღეს ევროპული ბიზნეს ასოციაციის ორგანიზებით გამართულ ღონისძიებაზე მსჯელობენ. ბიზნესისთვის ვაჭრობის ხელშეწყობის ვორქშოპი მიზნად ისახავს პროდუქტის წარმოშობის წესების შესახებ ცნობიერების ამაღლებას და კერძო სექტორის წარმომადგენლებისათვის ევროკავშირის ქვეყნებში ექსპორტისათვის მნიშვნელოვანი ინფორმაციის მიწოდებას. ვორქშოპის ფარგლებში ექსპერტებმა და ბიზნესის წარმომადგენლებმა საგარეო ვაჭრობის პროცესში არსებული გამოწვევები და გადაჭრის გზები განიხილეს. #ახალიამბები #BusinessMediaGeorgia
ბიზნესის ნაწილი ამბობს, რომ რეგიონში შექმნილი არასტაბილურობის გამო, ევროპელი ტურისტები საქართველოში ჩამოსვლისგან თავს იკავებენ. როგორი რეალობაა ტურიზმის სექტორში? #ახალიამბები #BusinessMediaGeorgia
მეორე კვარტალი დასრულდა, თუმცა როგორი იყო წლის პირველი ნახევარი ტურიზმის სექტორისთვის, ოფიციალურ შედეგებს შინაგან საქმეთა სამინისტრო მხოლოდ ივლისის მეორე ნახევარში გაასაჯაროებს. რა ტენდენციებია ტურიზმის სექტორში, ყოველთვიურად ამაზე დაკვირვების შესაძლებლობა არ გვაქვს, რადგან შსს სტატისტიკის კვარტალურ გამოქვეყნებაზე გადავიდა. სანამ ბიზნესის გადმოსახედიდან შევაფასებთ მოვლენებს, მანამდე საქმიანი საღამოს წამყვანი გიორგი თოლორდავა უნდა შემოგვიერთდეს, რომელიც პირველი კვარტალში შედეგებზე დაყრდნობით გვეტყვის, როგორი იყო ტურიზმი რიცხვებში? #ახალიამბები #BusinessMediaGeorgia
თბილისის მერიამ მუნიციპალური პოლიკლინიკების პრივატიზება გადაიფიქრა. შესაბამისი განცხადება გუშინ თბილისის მერიის ქონების მართვის საქალაქო სამსახურის უფროსმა გააკეთა. როგორც ის ამბობს, მერიის ბალანსზე არსებული კლინიკები აღარ გასხვისდება და მის რეაბილიტაციას ან თავად მუნიციპალიტეტი ან ჯანდაცვის სამინისტრო განახორციელებს. რამდენად სწორია ჯანდაცვის სამინისტროს პოლიტიკა მუნიციპალური პოლიკლინიკების სახელმწიფო საკუთრებაში დატოვებაზე და რა გავლენა ექნება ამას პირველადი ჯანდაცვის სისტემაზე? #ახალიამბები #BusinessMediaGeorgia
საქართველოს ეროვნულმა ბანკმა კომერციული ბანკებისთვის მაკროეკონომიკური პროგნოზები განაახლა, რომლის მიხედვითაც საბაზისო სცენარით, 2023 წელს საქართველოს ეკონომიკა 5%-ით გაიზრდება. ანალოგიურია პროგნოზი 2024 და 2025 წლებისთვისაც. სცენარების მიმდინარე განახლება, რუსეთ-უკრაინის ომის ხანგრძლივობასთან არსებული გაურკვევლობისა და გლობალურად გამკაცრებული ფინანსური პირობების ფონზე, ფინანსური ინსტიტუტების მაკროეკონომიკური ინფორმაციით დროულად უზრუნველყოფას ემსახურება, თუმცა ასევე გვძლევს სავარაუდო სურათს პროცესების საბაზისო, პოზიტიური და ნეგატიური სცენარებით განვითარების პირობებში. რას ეფუძნება ეროვნული ბანკის გათვლები, არჩილ მესტვირიშვილმა გააკეთა ცოტა ხნის წინ განმარტა მედიასთან. #ახალიამბები #BusinessMediaGeorgia
გასული სეზონის ყველაზე გაძვირებული ფეხბურთელები #ახალიამბები #BusinessMediaGeorgia
ყოფილი იპოდრომის მიმდებარე ტერიტორიაზე ჩოგბურთის კორტების მშენებლობა იწყება, - ამის შესახებ თბილისის მერმა, კახა კალაძე მუნიციპალიტეტის მთავრობის დღევანდელ სხდომაზე განაცხადა. ინვესტორ კომპანიას ადგილზე შესაბამისი სპორტული ინფრასტრუქტურის მოწყობა 2023 წელს უნდა დაესრულებინა, თუმცა როგორც აღმოჩნდა საინვესტიციო ვალდებულებით გაწერილი პირობები გადაიხედა და პროექტის დასრულება 2 წლით გადავადდა. რატომ შეიცვალა პროექტით გაწერილი თავდაპირველი ვადები და რა რაოდენობის ინვესტიციის განხორციელება იგეგმება იპოდრომის მიმდებარედ არსებულ ე.წ ყოფილი კორტების ტერიტორიაზე? #ახალიამბები #BusinessMediaGeorgia
EU-ს 12 რეკომენდაცია - რა (ვერ)შეასრულა მთავრობამ? სტუმარი: ეკატერინე ციმაკურიძე - "დემოკრატიის ინდექსი - საქართველოს" გამგეობის თავმჯდომარე; #ახალიამბები #BusinessMediaGeorgia
„ქართული ოცნების“ თავმჯდომარემ მედიას ევროკომისიის მიერ დაწესებული 12-პუნქტიანი გეგმის შესრულებაზე ანგარიში წარუდგინა. ირაკლი კობახიძე ირწმუნება, რომ მმართველ გუნდს საკანონმდებლო დონეზე ყველა პუნქტი შესრულებული აქვს და ახლა ჯერი იმ 18 რეკომენდაციაზეა, რომელიც ევროკომისიამ ზეპირად მოგვანიჭა. ირაკლი კობახიძე აღნიშნავს, რომ შარშან კანდიდატის სტატუსის არ მონიჭება შეცდომა იყო და კიდევ ერთი უარი, საზოგადოებისთვის რთული ასახსნელი იქნება. ქართული ოცნების თავმჯდომარემ დღეს განაცხადა, რომ კანდიდატის სტატუსის მინიჭება 12-ვე პუნქტის 100%-ით შესრულებას არც კი მოითხოვს. რას თვლის შესრულებულად მმართველი გუნდი და არის თუ არა თანხვედრა ევროკომისიის შეფასებებთან #ახალიამბები #BusinessMediaGeorgia
საპარტნიორო ფონდმა საკუთარი საქმიანობის შემაჯამებელი ღონისძიება გამართა. როგორც იცით ამ სახელით ფონდი საქმიანობას აღარ გააგრძელებს, ცვლილებები პარლამენტმა უკვე დაამტკიცა. ღონისძიებაზე სიტყვით გამოვიდა საქართველოს პრემიერ-მინისტრი, ირაკლი ღარიბაშვილი. რა განცხადებები და შეფასებები გაკეთდა? #ახალიამბები #BusinessMediaGeorgia
ფუფუნების საქონლის ინდუსტრიას კარგი წელი ჰქონდა. 2023 წლის 12 ივნისის მდგომარეობით, STOXX Europe Luxury 10-ის ინდექსი გაიზარდა 22,81%-ით, მას შემდეგ რაც აპრილში გაყიდვებმა ისტორიულ მაქსიმუმს მიაღწია. ზრდა მეტწილად ჩინეთში კოვიდერულაციების შემსუბუქებამ და ქვეყანაში ეკონომიკის აღდგენამ განაპირობა. გამოცემა Luxe Digital-მა Deloitte-ის ფუფუნების საუკეთესო ბრენდების სიასა და Forbes-ის ყველაზე ძვირადღირებული ბრენდების რეიტინგზე დაყრდნობით, ონლაინ სივრცეში ყველაზე პოპულარული ფუფუნების ბრენდების რეიტინგი შეადგინა. რომელმა ბრენდებმა დაიკავეს წამყვანი პოზიციები ამ რეიტინგში? #ახალიამბები #BusinessMediaGeorgia
ბერკეტის შემთხვევაში, სანქციებთან მიმართებით, რა პოლიტიკა ექნებოდა პრეზიდენტს? რატომ ბლოკავს სალომე ზურაბიშვილი რუსი ინვესტორებისთვის საქართველოს მოქალაქეობის მინიჭებას? საქართველო ევროკავშირის კანდიდატის წევრის სტატუსის მოლოდინში- რა დაბრკოლებებია ამ გზაზე? რატომ თქვა უარი საქართველოს პრეზიდენტმა სებ-ის საბჭოს წევრად მოქმედი ფინანსთა მინისტრის ლაშა ხუციშვილის წარდგენაზე? #ახალიამბები #BusinessMediaGeorgia
სწორი მონეტარული პოლიტიკა და მთავრობის მიერ კონკურენციის მიმართულებით გადადგმული ნაბიჯები, რომელიც ბაზარზე კონკურენციის უზრუნველყოფას ითვალისწინებდა - ამ ორი ფაქტორით ახსნა დღეს ვიცეპრემიერმა ლევან დავითაშვილმა წლიური ინფლაციის 0.6%-მდე შემცირება მთავრობის დღევანდელი სხდომის დასრულების შემდეგ. #ახალიამბები #BusinessMediaGeorgia
საპარტნიორო ფონდმა საკუთარი საქმიანობის შემაჯამებელი ღონისძიება გამართა. როგორც იცით ამ სახელით ფონდი საქმიანობას აღარ გააგრძელებს, ცვლილებები პარლამენტმა უკვე დაამტკიცა. ღონისძიებაზე სიტყვით გამოვიდა საქართველოს პრემიერ-მინისტრი, ირაკლი ღარიბაშვილი. რა განცხადებები და შეფასებები გაკეთდა? #ახალიამბები #BusinessMediaGeorgia
მეფრინველეობის სექტორმა, თურქი მწარმოებლების მიერ საქართველოში დემპინგური ფასებით ოპერირების გამო, შესაძლოა, კონკურენციის სააგენტოს მიმართოს. მეფრინველეობის სექტორში აცხადებენ, რომ თურქეთში ეროვნული ვალუტის ლირას გაუფასურების ფონზე, საქართველოში მეზობელი ქვეყნიდან კვერცხის იმპორტი გაზრდილია, პროდუქცია კი თვითღირებულებაზე დაბალ ფასად შემოდის. ინფორმაციისთვის, 2023 წლის 5 თვეში საქართველოში თითქმის 30 მლნ ცალი კვერცხია იმპორტირებული, ჯამური ღირებულებით 3.2 მლნ დოლარი, 2022 წელს მთელი წლის განმავლობაში 36.5 მლნ ცალი კვერცხი იყო შემოტანილი, იმპორტის ღირებულება 5.8 მლნ დოლარს შეადგენდა. თითქმის 99% თურქეთიდან იმპორტია. რა მოცულობის კვერცხს აწარმოებს საქართველო, ჭირდება თუ არა ქვეყანას კვერცხის იმპორტი? სტუმარი: ზურაბ უჩუმბეგაშვილი - "მეფრინველეობის განვითარების ასოციაციის“ თავმჯდომარე; #ახალიამბები #BusinessMediaGeorgia
საქართველოს პრეზიდენტი სალომე ზურაბიშვილი ადასტურებს, რომ ეროვნული ბანკის საბჭოს წევრად მოქმედი ფინანსთა მინისტრი ლაშა ხუციშვილის კანდიდატურის წარდგენას "სერიოზულად განიხილავდა", თუმცა იმდენად „შეაწუხეს“, რომ მიხვდა, ლაშა ხუციშვილი დამოუკიდებელი არ იქნებოდა. ეს განცხადება BMG-ის კითხვის საპასუხოდ საქართველოს პრეზიდენტმა ჟურნალისტებთან შეხვედრაზე გააკეთა. პრეზიდენტსა და მმართველ უმრავლესობას შორის დაპირისპირება არამხოლოდ ამ თემაზე, სხვა საკითხებზეც ღრმავდება, მაგალითად, პრეზიდენტის საპარლამენტო მდივანმა გიორგი მსხილაძემ პარლამენტში განაცხადა, ბოლო დროს ვაკვირდებით ტენდენციას, როდესაც პრეზიდენტისთვის კონსტიტუციით მინიჭებული უფლებამოსილებების შეზღუდვა ორგანული კანონებით ხდება - ეს ტენდენცია შეიმჩნევა ცენტრალური საარჩევნო კომისიის თავმჯდომარისა და წევრების შერჩევის პროცესში. მსხილაძის შეფასებით, მმართველი უმრავლესობის ინიციატივით “საარჩევნო კოდექსში“ შეტანილი ცვლილებები პრეზიდენტის როლს ამცირებს. რომ დავუბრუნდეთ, პრეზიდენტის შეხვედრას ჟურნალისტებთან, რა ძირითადი ეკონომიკური აქცენტები გაჟღერდა საქართველოს პრეზიდენტის მხრიდან გასულ უქმეებზე ჩატარებულ პრესკონფერენციაზე? #ახალიამბები #BusinessMediaGeorgia
ISET-ის კვლევითმა ინსტიტუტმა მოგების გადასახადის რეფორმის შედეგები შეაფასა. კვლევის ფარგლებში გაანალიზდა რეფორმის ეკონომიკური განზომილება და სამართლებრივი ასპექტები. როგორც ISET-ის კვლევითი ინსტიტუტის წამყვანი ეკონომისტი აცხადებს, რეფორმის შედეგად მნიშვნელოვნად გაუმჯობესდა ბიზნესის მომგებიანობა, რეინვესტიციების წილი კი თუ რეფორმამდე საშუალოდ 17-18% იყო, რეფორმის შედეგად 50%-მდე გაიზარდა. #ახალიამბები #BusinessMediaGeorgia