მთავრობა საინვესტიციო ფონდებში სახელმწიფო წილის და შესაბამისად, მოსაზიდი კაპიტალის 25%-ის ნაცვლად 40%-მდე გაზრდას გეგმავს. შესაბამის საკანონმდებლო ცვლილებას პარლამენტი დაჩქარებული წესით განიხილავს. ცვლილებების ავტორები თვლიან, რომ საინვესტიციო ფონდებში სახელმწიფოს 25%-იანი თანამონაწილეობა არასაკმარისია და ფონდებს კერძო სექტორიდან თანხების მობილიზება ურთულდებათ. ცვლილებების შედეგად კი მოსალოდნელია, რომ არსებული ფონდების ეფექტიანობა გაიზრდება, ასევე მოსალოდნელია, რომ ბაზარზე მომდევნო წლებში დამატებით 2-3 ახალი კერძო კაპიტალის საინვესტიციო ფონდი ჩამოყალიბდება, მათ შორის სააგენტო აწარმოე საქართველოს ჩართულობით. #ახალიამბები #BusinessMediaGeorgia
დასავლეთთან უკიდურესად დაძაბული ურთიერთობის, ქვეყანაში არსებული მძიმე პოლიტიკური ვითარების, ფონზე ქართული ოცნება მასშტაბურ საკადრო ცვლილებებს ახორციელებს, იცვლებიან სახეები სხვადასხვა უწყებაში, მნიშვნელოვანი განახლებებია მინისტრთა კაბინეტში, მათ შორის ბოლო 7 თვეში თითქმის სრულად შეიცვალა მთავრობის ეკონომიკური გუნდი, გამონაკლისია ფინანსთა მინისტრი. გუშინ პოსტის დატოვა მთავრობის პირველმა ვიცე-პრემიერმა და ეკონომიკის მინისტრმა ლევან დავითაშვილმა რომელიც ოფიციალური ვერსიით უკანა ფლანგზე გადადის და ეკონომიკური საბჭოს მდივანი და ამავე დროს პრემიერის მრჩეველი იქნება. ეკონომიკის სამინისტროს ყოველდღიურ რუტინასთან გამკლავება კი მარიამ ქვრივიშვილის პრეროგატივა გახდა. რას ცვლის ბიზნესისა და ეკონომიკისთვის სამთავრობო უწყებებში სახეების ცვლილება? რეალურად რა სჭირდება დღეს კერძო სექტორს და რას აჩვენებს ბიზნესის განწყობის ინდექსები? სტუმარი: ბესო ორთოიძე - დეველოპერული კომპანია „არსის“ გენერალური დირექტორი #ახალიამბები #BusinessMediaGeorgia
სამშენებლო - სარემონტო მასალების და სახლის კეთილმოწყობის ბაზარი იზრდება. „გალტ ენდ თაგარტის“ მონაცემებით გასულ წელს სექტორის შემოსავლებმა 5.7 მილიარდ დოლარს მიაღწია, 2020-24 წლებში საშუალო წლიური ზრდა კი, 19%-ს აღემატებოდა. კვლევა აჩვენებს, რომ სამშენებლო მასალების სექტროში შემოსავლის უმეტესი ნაწილი ადგილობრივი წარმოებაზე მოდოდა, სარემონტო და სახლის კეთილმოწყობის ბაზარი კი იმპორტდამოკიდებულია, რის გამოც გლობალური ფაქტორებიდან გამომდინარე ფასების უფრო მკვეთრი ზრდა ფიქსირდებოდა. საინვესტიციო ბანკი მიუთითებს, რომ მშენებლობის ძლიერმა ტრენდმა სამშენებლო მასალებსა და სახლის რემონტსა და კეთილმოწყობაზე მაღალ მოთხოვნას შეუწყო ხელი. ამასთან ელიან ზრდის ტემპის გაგძელებასაც, რასაც ხელს შეუწყობს მთავრობის მაღალი კაპიტალური დანახარჯები, რეკორდულად მაღალი სამშენებლო ნებართვები და უძრავი ქონების სტაბილური რეალიზაცია. #ახალიამბები #BusinessMediaGeorgia
ქართული ოცნება მიგრანტებთან მიმართებაში მიდგომას ამკაცრებს. არალეგალურად მყოფი პირების გაძევების პროცედურების გამარტივების და შრომითი მიგრაციის პირობების გამკაცრების პარალელურად, უცხო ქვეყნის მოქალაქეებისთვის ბინადრობის უფლების აღებაც მკაცრდება. კერძოდ, თუკი უცხოეთის მოქალაქეს აქამდე შეეძლო, საქართველოში 100 ათას დოლარზე მეტი ღირებულების უძრავი ქონება შეეძინა და ამით ერთი წლით საქართველოში ბინადრობის უფლება მიეღო, ახლა ეს ზღვარი 150 ათას დოლარამდე გაიზრდება. რატომ ამკაცრებს „ქართული ოცნება“ შრომითი მიგრაციის პირობებს და უცხოელებისთვის ბინადრობის უფლების მიღების პროცედურებს და რა გავლენა შეიძლება ჰქონდეს ამ ცვლილებებს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 24.06.2025 TBC UZ-მა Triple Jump-ისგან $12.5 მილიონი მოიზიდა; „აიფონ ჯორჯიას“ შეცდომაში შემყვანი კომერციული საქმიანობის ფაქტი დაუდგინდა - რა დაევალა მოვაჭრეს? EY საქართველოს ოფისს ტატო ჩანტლაძე უხელმძღვანელებს; "შემოსავლების მნიშვნელოვანი ვარდნა გვაქვს" - სასტუმრო “ფალიანი”; [გამყვან ტურიზმში] ტურისტული ნაკადები 40%-მდეა შემცირებული - Art Travel; #ახალიამბები #BusinessMediaGeorgia
სამშენებლო - სარემონტო მასალების ბაზარი იზრდება. „გალტ ენდ თაგარტის“ მონაცემებით, გასულ წელს სექტორის შემოსავლებმა 5.7 მილიარდ დოლარს მიაღწია, 2020-24 წლებში საშუალო წლიური ზრდა 19%-ს აღემატება. კვლევა აჩვენებს, რომ სამშენებლო მასალების სექტორში შემოსავლის უმეტესი ნაწილი ადგილობრივი წარმოებაზე მოდიოდა, სარემონტო და სახლის კეთილმოწყობის ბაზარი კი იმპორტდამოკიდებულია, რის გამოც გლობალური ფაქტორებიდან გამომდინარე ფასების უფრო მკვეთრი ზრდა ფიქსირდებოდა. #ახალიამბები #BusinessMediaGeorgia
ინტერნეტ მეკობრეობასთან საბრძოლველად „საავტორო და მომიჯნავე უფლებების” კანონმდებლობა მკაცრდება. საქპატენტის შემუშავებული კანონპროექტის განხილვა პარლამენტში დღეს იწყება. ცვლილების ავტორების მიზანია მოხდეს შუალედური მომსახურების მიმწოდებლების პასუხისმგებლობის და მათგან გათავისუფლების საფუძვლების მიღება. საავტორო და მომიჯნავე უფლების მქონე პირებს ენიჭება უფლება შუალედური მომსახურების მიმწოდებლისაგან მოითხოვოს იმ კონტრაფაქციული ასლების დაუყოვნებლივი წაშლა ან მასზე წვდომის შეზღუდვა, რომელიც არღვევს მის უფლებებს. კანონით ასევე განისაზღვრება, რომ შუალედური მომსახურების მიმწოდებელს არ დაეკისრება პასუხისმგებლობა, თუ წერილობითი შეტყობინების მიღებისთანავე, მაგრამ არაუგვიანეს შეტყობინების მიღებიდან 24 საათში, უზრუნველყოფს მასალის წაშლას ან მასზე წვდომის შეზღუდვას. კანონპროექტი ითვალისწინებს ჯარიმებსაც. რატომ მკაცრდება კანონი, ვის შეეხება ცვლილები და რა გავლენა შეიძლება ჰქონდეს ამ ცვლილებებს ბაზარზე? სტუმარი: ზურაბ ბეჟაშვილი - საავტორო უფლებების სპეციალისტი, ადვოკატი #ახალიამბები #BusinessMediaGeorgia
საქართველოში უცხო ქვეყნის მოქალაქეებისთვის ბინადრობის უფლების აღება მკაცრდება. ქართული ოცნების“ აღმასრულებელი მდივნის მამუკა მდინარაძის განცხადებით, უცხოეთის მოქალაქეს აქამდე შეეძლო, საქართველოში 100 ათას დოლარზე მეტი ღირებულების უძრავი ქონება შეეძინა და ამით ერთი წლით საქართველოში საინვესტიციო ბინადრობის უფლება მიეღო, ახლა ეს ზღვარი 150 ათას დოლარამდე გაიზრდება. აუდიტორულ და ბიზნეს საკონსულტაციო კომპანიების ნაწილში აცხადებენ, რომ ბინადრობის უფლების აღების გამკაცრებამ შესაძლოა, საბოლოოდ ის ეფექტი მოიტანოს, რომ ინვესტორები სხვა ქვეყნებზე გადაერთონ და საქართველომ მეტი ინვესტიციის ნაცვლად, უკუეფექტი მიიღოს. მით უფრო იმ ფონზე, ხშირად საკმაოდ ბუნდოვანია, თუ რის საფუძველზე ეუბნებიან უცხო ქვეყნის მოქალაქეებს ბინადრობის უფლებაზე უარს? #ახალიამბები #BusinessMediaGeorgia
ახლო აღმოსავლეთის კონფლიქტის ფონზე მსოფლიო სანავთობო ბირჟებზე ნავთობი ძვირდება. ამჟამად ბრენტის ტიპის ნავთობი ბირჟაზე ბოლო ერთ თვეში თითქმის 20%-ით არის გაძვირებული. რა გავლენას ახდენს ისრაელ-ირანის კონფლიქტი სანავთობო ბაზრებზე და რა გადმოცემითი ეფექტი აქვს ამას საქართველოზე, როგორც იმპორტდამოკიდებულ ქვეყანაზე? #ახალიამბები #BusinessMediaGeorgia
პრეზენტაციას ესწრებოდნენ ინფრასტრუქტურის მშენებლები, კომპანიები, რომელთათვისაც თბილისის მერია ერთ-ერთი მსხვილი დამკვეთია. რა გამოწვევებს აწყდებიან კერძო სექტორის წარმომადგენლები მაშინ როცა სახელმწიფოს ემუშავებიან და რა მიმართულებით არის აუცილებელი ცვლილებები? #ახალიამბები #BusinessMediaGeorgia
ახლო აღმოსავლეთის კონფლიქტის ფონზე მსოფლიო სანავთობო ბირჟებზე ნავთობი ძვირდება. ამჟამად ბრენტის ტიპის ნავთობი ბირჟაზე ბოლო ერთ თვეში თითქმის 20%-ით არის გაძვირებული. რა გავლენას ახდენს ისრაელ-ირანის კონფლიქტი სანავთობო ბაზრებზე და რა გადმოცემითი ეფექტი აქვს ამას საქართველოზე, როგორც იმპორტდამოკიდებულ ქვეყანაზე? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 23.06.2025 "ვაკვირდებით განვითარებად ბაზრებს..." - როგორ იქცა საქართველო Lamborghini-ის სტრატეგიის ნაწილად? პირველად საქართველოში, “ელპლუსმა” ცეცხლმედეგ კარებზე CE მარკირება მოიპოვა; მაისში, ბათუმში ბინების გაყიდვები და ფასი გაიზარდა - მ²-ის საშუალო ღირებულება 1 203 დოლარია; ინფორმაცია/კომუნიკაციების სექტორის FDI-ში უშუალოდ IT კომპანიების წილი ძალიან ცოტაა - თორნიკე თოხაძე; #ახალიამბები #BusinessMediaGeorgia
აშშ-ის სახელმწიფო მდივანი მარკო რუბიო ამბობს, რომ ჰორმუზის სრუტის ჩაკეტვა ირანისთვის "ეკონომიკური თვითმკვლელობის" ტოლფასი იქნება. რუბიომ ჩინეთს მოუწოდა, ამ საკითხთან დაკავშირებით დაუკავშირდნენ ირანელებს, რადგან ჩინეთი ამ სრუტეზე ნავთობის ტრანსპორტირების თვალსაზრისით მნიშვნელოვნად დამოკიდებულია. "ჩინეთის მთავრობამ უნდა მოუწოდოს ირანელებს, რადგან ისინი ძალიან არიან დამოკიდებული ამ სრუტით გადაზიდულ ნავთობზე. თუ ამას იზამენ [ირანელები] ეს იქნება კიდევ ერთი საშინელი შეცდომა და ეკონომიკური სუიციდი", - თქვა რუბიომ Fox News-ისთვის მიცემულ ინტერვიუში. მას შემდეგ, რაც აშშ-მა ირანის ბირთვული ობიექტები დაბომბა ირანის პარლამენტმა სტრატეგიულად მნიშვნელოვანი ჰორმუზის სრუტის დახურვას დაუჭირა მხარი. სპარსეთის ყურეში მდებარე სრუტე მსოფლიო ვაჭრობის ერთ-ერთი ყველაზე მნიშვნელოვანი პუნქტია, რომლის გავლითაც ნავთობის დაახლოებით 20 პროცენტი გადის, რაც დღეში დაახლოებით 20 მილიონი ბარელია. შესაბამისად, ის მსოფლიო ვაჭრობისთვის კრიტიკული მნიშვნელობისაა. ირანი ამ სრუტის ჩაკეტვით ადრეც იმუქრებოდა, თუმცა სისრულეში არასდროს მოუყვანია. მისი ჩაკეტვა მსოფლიოში ნავთობპროდუქტებზე ფასის ზრდას გამოიწვევს, რადგან ის ერთადერთი საზღვაო გზაა, რომელიც სპარსეთის ყურეს ღია ოკეანესთან აკავშირებს და მის სანაპიროებთან ნავთობის ისეთი მსხვილი მწარმოებლები არიან, როგორებიცაა ირანი, საუდის არაბეთი, ერაყი, ქუვეითი და არაბთა გაერთიანებული საამიროები. უახლეს მონაცემებსაც გაგაცნობთ სანავთობო ბირჟიდან, მიმდინარედ WTI ის ტიპის ნავთობი 74.5 დოლარად ივაჭრება, ბრენდის ფასი კი 77.7 დოლარია. 1 კვირიან ჭრილში ორივე ტიპის ნავთობზე ფასები 0.73%-ითაა გაზრდილი. სტუმარი: ზვიად სხვიტარიძე - ამერიკული საკონსულტაციო კომპანია ZTN Consulting-ის დამფუძნებელი #ახალიამბები #BusinessMediaGeorgia
დედაქალაქში 8.5 კვადრატული კილომეტრი ფართობის გზის საფარი და 1 754 ქუჩა თუ გამზირი რეაბილიტირდა და გაკეთდა. გზების რეაბილიტაციასთან ერთად სრულად შეიცვალა მიწისქვეშა კომუნიკაციები, დაირგო მწვანე ნარგავები, მოეწყო ახალი განათებები და მიწისქვეშა კონტეინერები. თბილისში აშენდა 3 ახალი ესტაკადა და პანდუსი, ერთი ახალი საავტომობილო ხიდი, ორი ახალი გვირაბი, სრული რეაბილიტაცია ჩაუტარდა 12 ხიდსა და პანდუსს. თბილისის მერია განხორციელებულ ინფრასტრუქტურულ პროექტებს აჯამებს. პრეზენტაციას ესწრებოდნენ ინფრასტრუქტურის მშენებლები, კომპანიები, რომელთათვისაც თბილისის მერია ერთ-ერთი მსხვილი დამკვეთია. რა გამოწვევებს აწყდებიან კერძო სექტორის წარმომადგენლები მაშინ როცა სახელმწიფოს ემუშავებიან და რა მიმართულებით არის აუცილებელი ცვლილებები? #ახალიამბები #BusinessMediaGeorgia
საქართველოში სამედიცინო ტურიზმის განვითარება არ ხდება, რის გამოც ამ მიზნით ჩამოსული ვიზიტორების რაოდენობა იკლებს. 2024 წელს გასულ წელთან შედარებით სამკურნალო გამაჯანსაღებელი მიზნით განხორციელებული ვიზიტების რაოდენობა 14%-ით შემცირდა. არადა ბიზნესის წარმომადგენლები ამბობენ, რომ ამ კუთხით პოტენციალი არსებობს, რომელიც უნდა გამოვიყენოთ, რითაც საქართველომ მნიშვნელოვანი შემოსავლის გენერირება შეიძლება შეძლოს. რატომ ვერ ვითარდება საქართველოში სამედიცინო ტურიზმი, რამდენად არსებობს დღეს მოთხოვნა ამ ტიპის ვიზიტებზე და რა უნდა გაკეთდეს იმისთვის, რომ საქართველომ ტურიზმის ეს მიმართულებით განავითაროს? #ახალიამბები #BusinessMediaGeorgia
„საქართველოს ბანკის“ ორგანიზებით გამართულ კონფერენციას ელენე გოგბერაშვილი ესწრებოდა, რომლის დროსაც პრეზენტაციის ფარგლებშიც და მის მიღმაც მნიშნელოვანი თემა ენერგეტიკული ბირჟის ამოქმედება იყო, რომელიც სრულად ამ დრომდე არსებული ინფორმაციით პირველი ივლსიდან უნდა ამოქმედდეს. წინასწარი ეჭვები იმაზე რომ ბირჟის სრულად ამოქმედება არ მოხდება და დღით ადრე და დღიურ ბაზრებზე საათობრივი პროდუქტებით ვაჭრობა არ დაიწყება აქტუალურია - ცნობილია, თუ არა რა რეჟიმში გააგრზელებს ოპერირებას ენერეგტიკული ბირჟა რამდენიმე დღეში, როგორია კერძო სექტორის პოზიცია და რას ამბობენ მთავრობაში? #ახალიამბები #BusinessMediaGeorgia
გალტ&თაგარტმა ელექტროენერგიის სექტორის კონფერენცია გამართა. ღონისძიების ფარგლებში საინვესტიციო ბანკმა ახალი კვლევა წარმოადგინა, რომელიც ელექტროენერგიის გენერაციის, მოხმარებისა და ფასების ტენდენციებს, ექსპორტის შესაძლებლობებს და ყველა იმ ძირითად საკითხს მიმოიხილავს, რომელიც სექტორში ინვესტირებისას უნდა იყოს გათვალისწინებული. რა პერსპექტივები არსებობს ენერგეტიკის დარგში და სად ხედავს კერძო სექტორი გამოწვევებს? #ახალიამბები #BusinessMediaGeorgia
დღეს გალტ&თაგარტმა ელექტროენერგიის სექტორის კონფერენცია გამართა. ღონისძიების ფარგლებში საინვესტიციო ბანკმა ახალი კვლევა წარმოადგინა, რომელიც ელექტროენერგიის გენერაციის, მოხმარებისა და ფასების ტენდენციებს, ექსპორტის შესაძლებლობებს და ყველა იმ ძირითად საკითხს მიმოიხილავს, რომელიც სექტორში ინვესტირებისას უნდა იყოს გათვალისწინებული. რა პერსპექტივები არსებობს ენერგეტიკის დარგში და სად ხედავს კერძო სექტორი გამოწვევებს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 20.06.2025
საბორნე გადაზიდვები აქტიურდება. ვარნას პორტის დირექტორთა საბჭოს ხელმძღვანელის განცხადებით, ბოლო ორი თვის მონაცემები იმაზე მეტყველებს, რომ ვარნა-ბათუმის საბორნე მიმოსვლის ბუმია როგორც ტვირთბრუნვის, ასევე მგზავრთ გადაყვანის მიმართულებით. გაზრდილ ტვირთბრუნვაზე საუბრობენ საბორნე საზღვაო ხაზ Shipping Line E60-ში, რომელიც თითქმის ორი წელია ფოთი-კონსტანცას მიმართულებით ოპერირებს. კომპანიაში ამბობენ, რომ საქართველოს დერეფნის მიმართ ინტერესი მზარდია, მათ შორის ჩინური ტვირთების ნაწილში. რა ტენდენციებია საბორნე გადაზიდვების მიმართულებით და განვითარების რა გეგმები აქვთ კომპანიებს? სტუმარი: მიხეილ ბაბუნაშვილი - E60 Shipping Line -ის კომერციული დირექტორი #ახალიამბები #BusinessMediaGeorgia
საქართველოში სამედიცინო ტურიზმის განვითარება არ ხდება, რის გამოც ამ მიზნით ჩამოსული ვიზიტორების რაოდენობა იკლებს. 2024 წელს გასულ წელთან შედარებით სამკურნალო გამაჯანსაღებელი მიზნით განხორციელებული ვიზიტების რაოდენობა 14%-ით შემცირდა. არადა ბიზნესის წარმომადგენლები ამბობენ, რომ ამ კუთხით პოტენციალი არსებობს, რომელიც უნდა გამოვიყენოთ, რითაც საქართველომ მნიშვნელოვანი შემოსავლის გენერირება შეიძლება შეძლოს. რატომ ვერ ვითარდება საქართველოში სამედიცინო ტურიზმი, რამდენად არსებობს დღეს მოთხოვნა ამ ტიპის ვიზიტებზე და რა უნდა გაკეთდეს იმისთვის, რომ საქართველომ ტურიზმის ეს მიმართულებით განავითაროს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 19.06.2025 ✔️ცენტრალური ტელეგრაფის შენობის რეკონსტრუქცია დასრულდა; ✔️"კერხერ საქართველომ" დასუფთავების ადგილობრივ ბაზარზე ინოვაციური რობოტი დანადგარი წარადგინა; ✔️საქართველოს ბანკის მხარდაჭერით, „გრადა პარკის“ კომპლექსის I ბლოკის მშენებლობა დასრულდა; ✔️აზიური ტვირთების 60%, რომელიც ირანის გავლით მოძრაობდა, საქართველოზე გადმომისამართდება - კოსკო შიპინგი; ✔️ჯანსაღი კვების სერვისი „ბალანსი“ სექტემბრიდან დიდ საწარმოში გადადის; #ახალიამბები #BusinessMediaGeorgia
ბაზრობების მოვაჭრეებისთვის სალარო აპარატების ვალდებულება შესაძლოა, კიდევ გადავადდეს - საქართველოს ბიზნესომბუდსმენი საკანონმდებლო ინიციატივით საქართველოს პარლამენტს მიმართავს, სადაც საუბარია საკონტროლო-სალარო აპარატით უზრუნველყოფის და მასთან დაკავშირებული რეგულაციების ამოქმედების ვადის 4 წლით, 2030 წლის 1-ელ იანვრამდე გადაწევაზე. ოთარ დანელიას მიმართვაში აღნიშნულია, რომ რეგულაციის გადავადების ინიციატივა ბაზრობების გაერთიანების მოთხოვნის საფუძველზე მომზადდა. რატომ ვერ ამოქმედდა ბაზრობებისთვის სალარო-საკონტროლო აპარატების ქონის ვალდებულება 2019 წლის შემდეგ, რა გამოწვევებია პროცესში და რას კარგავს ბიუჯეტი რეგულაციის მორიგად გადავადების შემთხვევაში? #ახალიამბები #BusinessMediaGeorgia
გახდება თუ არა ისრაელ-ირანის კონფლიქტი საქართველოს სატრანსპორტო დერეფნისთვის ახალი შესაძლებლობა - გადამზიდავების ნაწილი ელის, რომ შესაძლოა, ირანის პორტებიდან ტვირთები საქართველოსკენ გადმომისამართდეს. თუმცა იქამდე როგორც ირკვევა, არსებული დაძაბულობა ნეგატიურად უკვე აისახება საჰაერო გადაზიდვებზე და ისრაელის მიმართულებით ტვირთების გადაზიდვა შეფერხებულია. შესაბამისი განცხადებები "ექსპო ჯორჯიაში" მიმდინარე ლოგისტიკის საერთაშორისო გამოფენაზე გაკეთდა, სადაც კიდევ ერთხელ აღინიშნა, რომ შუა დერეფანი კონკურენტუნარიანობას ინარჩუნებს, თუმცა გამოწვევად კვლავ რჩება არასაკმარისი ინფრასტრუქტურა. როგორ შეიძლება აისახოს საქართველოს სატრანსპორტო სექტორზე ისრაელ-ირანის კონფლიქტი და რამდენად მიმზიდველი რჩება შუა დერეფანი გადამზიდავებისთვის? #ახალიამბები #BusinessMediaGeorgia
გახდება თუ არა ისრაელ-ირანის კონფლიქტი საქართველოს სატრანსპორტო დერეფნისთვის ახალი შესაძლებლობა - გადამზიდავების ნაწილი ელის, რომ შესაძლოა, ირანის პორტებიდან ტვირთები საქართველოსკენ გადმომისამართდეს. თუმცა იქამდე როგორც ირკვევა, არსებული დაძაბულობა ნეგატიურად უკვე აისახება საჰაერო გადაზიდვებზე და ისრაელის მიმართულებით ტვირთების გადაზიდვა შეფერხებულია. შესაბამისი განცხადებები "ექსპო ჯორჯიაში" მიმდინარე ლოგისტიკის საერთაშორისო გამოფენაზე გაკეთდა, სადაც კიდევ ერთხელ აღინიშნა, რომ შუა დერეფანი კონკურენტუნარიანობას ინარჩუნებს, თუმცა გამოწვევად კვლავ რჩება არასაკმარისი ინფრასტრუქტურა. #ახალიამბები #BusinessMediaGeorgia
ეკონომიკური და ფინანსური დანაშაულის შემთხვევაში, თანხის ამოღება სასჯელმისჯილი პირის ახლო ნათესავისგან ან დაკავშირებული პირებისგანაც ხდება შესაძლებელი. აღნიშნულს ქართული ოცნების მიერ წარდგენილი საკანონმდებლო ცვლილებები ითვალისწინებს. ასევე, "გიორგი ბაჩიაშვილით ინსპირირებული" კანონპროექტით - ასე თავად მამუკა მდინარაძემ მოიხსენია, პირები, რომელთაც ზიანის ანაზღაურება დაევალათ, სასჯელის მოხდიდან მაქსიმუმ 16 წელი ნებართვის გარეშე ვერ დატოვებენ ქვეყანას. ამასთან, კანონპროექტი ითვალისწინებს დაზარალებულსა და დანაშაულის ჩამდენ პირს შორის მორიგების შესაძლებლობასაც რაც მიყენებული ზიანის სხვა მოცულობით კომპენსირებას გულისხმობს. არღვევს თუ არა ინიციატივა საკუთრების უფლებას, პიროვნების თავისუფლებას და კონსტიტუციურ პრინციპებს? სტუმარი: კახა წერეთელი - ადვოკატი #ახალიამბები #BusinessMediaGeorgia
ბაზრობების მოვაჭრეებისთვის სალარო აპარატების ვალდებულება შესაძლოა, კიდევ გადავადდეს - საქართველოს ბიზნესომბუდსმენი საკანონმდებლო ინიციატივით საქართველოს პარლამენტს მიმართავს, სადაც საუბარია საკონტროლო-სალარო აპარატით უზრუნველყოფის და მასთან დაკავშირებული რეგულაციების ამოქმედების ვადის 4 წლით, 2030 წლის 1-ელ იანვრამდე გადაწევაზე. ოთარ დანელიას მიმართვაში აღნიშნულია, რომ რეგულაციის გადავადების ინიციატივა ბაზრობების გაერთიანების მოთხოვნის საფუძველზე მომზადდა. რატომ ვერ ამოქმედდა ბაზრობებისთვის სალარო-საკონტროლო აპარატების ქონის ვალდებულება 2019 წლის შემდეგ, რა გამოწვევებია პროცესში და რას კარგავს ბიუჯეტი რეგულაციის მორიგად გადავადების შემთხვევაში? #ახალიამბები #BusinessMediaGeorgia
დარწმუნებული ვარ, ამ [სატრანსპორტო] რეფორმისთვის ჩვენი შვილები და შვილიშვილები მადლობას გვეტყვიან - ეს განცხადება კახა კალაძემ ურბანული განვითარების და სატრანსპორტო პოლიტიკის მიმართულებით განხორციელებულ პროექტებზე ანგარიში წარდგენისას გააკეთა. დედაქალაქში როგორც სატრანსპორტო ისე ურბანული განვითარების მიმართულებით 2017 წლიდან დღემდე არაერთი მნიშვნელოვანი ინიციატივა განხორციელდა, თუმცა გამოწვევები კვლავ რჩება. #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი კვლავ უცვლელად, 8%-ზე დატოვა. მონეტარული პოლიტიკის კომიტეტის სხდომის შემდეგ გავრცელებულ პრეს რელიზში სები აღნიშნავს, რომ გრძელვადიანი ინფლაციური მოლოდინები სტაბილურია, თუმცა მარეგულირებელი ყურადღებას ამახვილებს ახლო აღმოსავლეთში საომარი მოქმედებების შედეგად ნავთობის ფასების ზრდაზე და აცხადებს, რომ ამ რისკების ხანგრძლივად რეალიზების ფონზე, შესაძლოა მაღალინფლაციური სცენარი განვითარდეს. ამასობაში კი ანალიტიკური ორგანიზაციების ნაწილმა ისრაელი-ირანის სამხედრო დაპირისპირების ფონზე, მიმდინარე წლისთვის ინფლაციის პროგნოზი გაზარდეს და ელიან, რომ წლის ბოლოსთვის საქართველოში ფასების ზრდის დონე დაჩქარდება. #ახალიამბები #BusinessMediaGeorgia
დარწმუნებული ვარ, [სატრანსპორტო] რეფორმისთვის ჩვენი შვილები და შვილიშვილები მადლობას გვეტყვიან - ამის შესახებ დღეს თბილისის მერმა კახა კალაძემ დედაქალაქში ურბანული განვითარების და სატრანსპორტო პოლიტიკის მიმართულებით განხორციელებულ პროექტებზე ანგარიში წარდგენისას განაცხადა. როგორც კალაძე ამბობს, დედაქალაქში როგორც სატრანსპორტო, ისე ურბანული მიმართულებით 2017 წლიდან დღემდე არაერთი მნიშვნელოვანი ინიციატივა განხორციელდა, თუმცა გამოწვევები კვლავ რჩება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 18.06.2025 გაუარესებული კლიმატური პირობების გამო, წელს მოცვის მოსავლის შემცირებაა მოსალოდნელი - "აგროლეინი"; 100%-ით ნატურალური ქართული ლიმონათი მხოლოდ „ბორჯომისგან“ ახლა უკვე შუშის პრემიუმ შეფუთვაში; "ბალანსი" გაფართოებას განაგრძობს - სად გაიხსნება მეორე ფილიალი? თუშეთში მდებარე სასტუმრომ „სარგირი“ სტუმრების მიღება დაიწყო - როგორია მოთხოვნა? #ახალიამბები #BusinessMediaGeorgia
ნეტო აღრიცხვიდან ნეტო დარიცხვის სისტემამდე - სემეკი საკანონმდებლო ცვლილებების შესაბამისად ნორმატიულ აქტებზე მუშაობს, რომელიც ელექტროენერგიის გამანაწილებელ ქსელზე მიერთებული მიკროსიმძლავრის ელექტროსადგურების ნეტო აღრიცხვის სისტემიდან ნეტო დარიცხვის სისტემაზე გადასვლის ვალდებულებას აჩენს. ნეტო აღრიცხვისგან განსხვავებით, რომელიც მომხმარებლებს აძლევს შესაძლებლობას გამოიყენონ ქსელში გადაცემული ჭარბი ელექტროენერგია მომავალი მოხმარებისთვის, ნეტო დარიცხვა გულისხმობს ქსელში მიწოდებული და მოხმარებული ელექტროენერგიის ცალკე-ცალკე აღრიცხვას და ფინანსურ ანაზღაურებას. ანუ აქტიური მომხმარებელი იღებს ანაზღაურებას გამომუშავებული და ქსელში მიწოდებული ელექტროენერგიისთვის და ამასთანავე იხდის ქსელიდან მოხმარებული ელექტროენერგიის ღირებულებას. როდიდან ამოქმედდება ნეტო დარიცხვის სისტემა, დარჩება თუ არა მზის ელექტროსადგურები მიმზიდველი ახალ სისტემაში, რა იქნება ტარიფი? სტუმარი: თორნიკე დარჯანია - საქართველოს მზის ენერგიის განვითარების ასოციაციის თანადამფუძნებელი #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი კვლავ უცვლელად, 8%-ზე დატოვა. მონეტარული პოლიტიკის კომიტეტის შემდგომ გავრცელებულ პრეს რელიზში სებ-ი აღნიშნავს, რომ გრძელვადიანი ინფლაციური მოლოდინები სტაბილურია, თუმცა მარეგულირებელი ყურადღებას ამახვილებს ახლო აღმოსავლეთში საომარი მოქმედებების შედეგად ნავთობის ფასების ზრდაზე და აცხადებს, რომ ამ რისკების ხანგრძლივად რეალიზების ფონზე, შესაძლოა მაღალინფლაციური სცენარი განვითარდეს. ამასობაში კი ანალიტიკური ორგანიზაციების ნაწილმა ისრაელი-ირანის სამხედრო დაპირისპირების ფონზე, მიმდინარე წლისთვის ინფლაციის პროგნოზი გაზარდეს და ელიან, რომ წლის ბოლოსთვის საქართველოში ფასების ზრდა დაჩქარდება. #ახალიამბები #BusinessMediaGeorgia
ივანიშვილი რუსული კანონების ამოქმედებას პუტინისა და ლუკაშენკოს სცენარით იწყებს. არასამთავრობო ორგანიზაციების განცხადებით, ანტიკორუფციული ბიურო სამართლებრივი საფუძვლების გარეშე, მათგან ითხოვს მათი დაცვის ქვეშ მყოფი მოქალაქეების - წამების მსხვერპლების, ძალადობის მსხვერპლი ქალების, მოსწავლეების, სტუდენტების, უკანონოდ გათავისუფლებული საჯარო მოხელეებისა და მათი ოჯახის წევრების პერსონალური ინფორმაციის გადაცემას, კერძოდ, ყველა იმ ადამიანის პირადი ნომრების, სახელების, გვარების, ფოტოსურათების, ფინანსური და საბანკო ინფორმაციისა და ჯანმრთელობის მდგომარეობის ინფორმაციის გადაცემას. ორგანიზაციები აცხადებენ, რომ არ აპირებენ მოქალაქეების ნდობის ღალატს, თუნდაც ამას მათი დევნა და დაპატიმრება მოჰყვეს. „მივმართავთ სამართლებრივ გზებს ამ ბრძანებების წინააღმდეგ. ჩვენთვის მათი მიზანი ცხადია - ივანიშვილი საქართველოში თავისუფალი სამოქალაქო საზოგადოების განადგურებას ცდილობს, ზუსტად ისე, როგორც ამას 1920-იან წლებში ბოლშევიკები, ბოლო დეკადაში კი - პუტინისა და ლუკაშენკოს რეჟიმები აკეთებდნენ“, - აცხადებენ ორგანიზაციები. რომელი კანონის, ე.წ გამჭვირვალობის თუ ქართული ფარას საფუძველზე ითხოვს ანტიკორუფციული ბიურო არასამთავრობო სექტორისგან ინფორმაციის წარდგენას, რა ვადა აქვთ ამისთვის მიცემული და არსებობს თუ არა სამართლებრივი ბერკეტები ბრძანების წინააღმდეგ? სტუმარი: მარი კაპანაძე - საქართველოს მომავლის აკადემიის აღმასრულებელი დირექტორი #ახალიამბები #BusinessMediaGeorgia
უცხოელებმა საქართველოში საქმიანობისას სპეციალური სამუშაო უფლება უნდა მოიპოვონ - უკანონო შრომით მიგრაციასთან ბრძოლის მიზნით, "ქართული ოცნება" „შრომითი მიგრაციის შესახებ“ კანონს ამკაცრებს. კანონპროექტის თანახმად, უცხოელის დასაქმებისთვის სპეციალური სამუშაო უფლების გაცემის მექანიზმი დაინერგება. დამრღვევი მიგრანტებისთვის ჯარიმა შემოდის, ხოლო დამსაქმებლებისთვის კი იზრდება. ბიზნესსექტორის წარმომადგენლების ნაწილი აცხადებს, რომ შრომის ბაზარი ამ მიმართულებით გარკვეულ რეგულაციებს საჭიროებს, თუმცა მათი თქმით, უცხოელებისთვის სპეციალური სამუშაო უფლების მიღება იმდენად რთული არ უნდა იყოს, რომ რიგ სფეროში არსებული კადრების დეფიციტი კიდევ უფრო გაღრმავდეს. #ახალიამბები #BusinessMediaGeorgia
ისრაელ-ირანის კონფლიქტიდან სულ რამდენიმე დღე გავიდა, თუმცა გადაზიდვების სექტორში სატრანსპორტო ხაზების გადალაგება უკვე დაიწყო. გადამზიდავები, რომლებიც ირანის პორტებს სატრანზიტო მიზნით იყენებდნენ, საფრთხის მაღალი რისკებიდან გამომდინარე არჩევენ ალტერნატიული გზები მონახონ. ალტერნატიული დერეფანი აზიიდან მომავალი ტვირთებისთვის შუა დერეფანი და საქართველოს კორიდორია, სადაც შესაძლებელია, რომ ტვირთების გარკვეული მოცულობები გადმომისამართდეს. წითელი ზღვის კრიზისის შემდეგ, სპარსეთის ყურის კრიზისმა რა გავლენა შეიძლება მოახდინოს გადაზიდვების სფეროზე და სატრანსპორტო ხაზების გადალაგებით რა შესაძლებლობა აქვს საქართველოს ახალი ტვირთები მოიზიდოს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 17.06.2025 ჩინეთში, წყლის საერთაშორისო ფორუმზე, კონკურსში „წყალი მთის“ 3 საუკეთესო ბრენდს შორის დასახელდა; თიბისი კონცეპტი, Visa და Turkish Airlines ინოვაციურ სამოგზაურო ბარათს ქმნიან; მოცვის ექსპორტში წელს ევროპის წილი უფრო გაიზრდება - ლურჯი მოცვის ასოციაცია; სახელოსნოს დაწვის შემდეგ "თვითიმ" ოპერირება განაახლა; #ახალიამბები #BusinessMediaGeorgia
უცხოელებმა სპეციალური სამუშაო უფლება უნდა მოიპოვონ - უკანონო შრომით მიგრაციასთან ბრძოლის მიზნით, "ქართული ოცნება" „შრომითი მიგრაციის შესახებ“ კანონს ამკაცრებს. კანონპროექტის თანახმად, უცხოელის დასაქმებისთვის სპეციალური სამუშაო უფლების გაცემის მექანიზმი დაინერგება. დამრღვევი მიგრანტებისთვის ჯარიმა შემოდის, დამსაქმებლებისთვის კი იზრდება. ბიზნესსექტორის წარმომადგენლების ნაწილი აცხადებს, რომ შრომის ბაზარი ამ მიმართულებით გარკვეულ რეგულაციებს საჭიროებს, თუმცა მათი თქმით, უცხოელებისთვის სპეციალური სამუშაო უფლების მიღება იმდენად რთული არ უნდა იყოს, რომ რიგ სფეროში არსებული კადრების დეფიციტი კიდევ უფრო გაღრმავდეს. #ახალიამბები #BusinessMediaGeorgia
ბიზნესი აუდიო ვიდეო ტექნიკის იმპორტზე დაწესებული ტარიფის გადახედვას ითხოვს- საუბარია საქპატენტის მიერ შემოღებულ გადასახადზე, რომელსაც ვიდეო აუდიო ტექნიკის ყველა იმპორტიორი კომპანია იხდის. ამ გზით კი ხდება ავტორ შემსრულებლებისთვის ჰონორარის გადახდა, რადგან მათ მიერ შემოტანილ ვიდეო აუდიო ტექნიკით შესაძლოა პოტენციურად ქართველი ავტორების კონტენტის მოსმენა მოხდეს, რაც უნდა ანაზღაურდეს. გადასახადს იმპორტიორები ინტელექტუალური საკუთრების მფლობელთა ასოციაციას უხდიან, თუმცა ბიზნესი თვლის, რომ პროცესში გამოწვევებია. მათ შორის გასულ კვირას საქართველოს ბიზნეს ასოციაციაში გამართულ შეხვედრაზე გაჟღერდა, რომ უნდა დაკორექტირდეს ტარიფი დღგ-ს წილის პროპორციულად, რადგან ამ გადასახადის გათვალისწინება ტარიფში არ არის თანხვედრაში საქართველოს საგადასახადო კოდექსის ნორმებთან. ასევე გამოწვევებს შორის სახელდება ტარიფების ადმინისტრირება, რადგანაც როგორც ბიზნეს ასოციაციაში აცხადებენ, არ ხდება კომპანიების ნაწილის მხრიდან ტარიფების გადახდა, რაც ბიზნესებს არასამართლიან პირობებში აყენებს. ბიზნესის გამოწვევებს გამოეხმაურა ინტელექტუალური საკუთრების მფლობელთა ასოციაციაც, სადაც ამბობენ, რომ ურჩი იმპორტიორების წილი ძალიან მცირეა, კონკრეტულ ქეისებთან მიმართებით კი გაერთიანებას შესაბამისი რეაგირება უკვე ჰქონდა და ამ ნაწილში პრობლემები თითქმის აღარ რჩება. სტუმარი: გიორგი ქოპილაშვილი - Ups-ის ავტორიზებული კომპანიის აღმასრულებელი დირექტორი; #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 16.06.2025 თბილისში Lamborghini-ის შოურუმი იხსნება — რა სერვისს სთავაზობს Tegeta Cars მომხმარებელს? ბიზნეს ტურიზმმა დატვირთვა გაზარდა, ფასები უცვლელია - The Biltmore Tbilisi Hotel; "ცხოველთა საკვების ექსპორტში 90%-იანი წილი გვაქვს" - Nutrimax-ი საექსპორტო არეალის გაფართოებაზე მუშაობს; შიშს ვხედავ, რომ საერთოდ არ გავქრეთ როგორც ტურისტული მიმართულება - “ანაპეა”; „უძრავი ქონების გაყიდვები სრულად აღდგენილია“ - როგორია „არსის“ პროგნოზი? #ახალიამბები #BusinessMediaGeorgia
2025 წლის I კვარტალში საქართველოს ენერგეტიკის სექტორში 70,2 მილიონი დოლარის მოცულობის პირდაპირი უცხოური ინვესტიცია ჩაიდო. საქსტატის მონაცემებით, ეკონომიკის სექტორებს შორის ენერგეტიკა პირველ ადგილზეა, სადაც წლის პირველ სამ თვეში ყველაზე მეტი ინვესტიცია განხორციელდა, თუმცა წლიურად დარგში ინვესტიციები თითქმის 11%-ით შემცირდა. თავად ენერგეტიკის დარგის წარმომადგენლები ამბობენ, რომ სექტორში ინვესტიციები ძირითადად, გამანაწილებელი კომპანიების მხრიდან იდება და გენერაციის მხარე წამყვანი ნაკლებადაა. #ახალიამბები #BusinessMediaGeorgia
ისრაელისა და ირანის კონფლიქტს უკვე აქვს გავლენა საქართველოს სავაჭრო ურთიერთობებზე პარტნიორ სახელმწიფოებთან. ახლა საქართველოში ლურჯი მოცვის მოსავლის აღება აქტიურ ფაზაშია. კომპანიებმა, რომელმაც სერიოზული დრო და რესურსი დაუთმეს ბაზრების დივერსიფიცირებას და პარტნიორების მოძიებას არაბულ ქვეყნებში, ასევე ისრაელის ბაზარზე, ექსპორტის პრობლემები შეექმნათ. აღნიშნულ ქვეყნებში ექსპორტი ან სრულად შეჩერებულია ან ბიზნესი სხვა ალტერნატიულ გზებს ეძებს, რომ შეფერხებული ავიამიმოსვლის პირობებში ბაზარს ნედლეული მიაწოდოს. #ახალიამბები #BusinessMediaGeorgia
“ივნისის ჯავშნები სრულად გაუქმა, ზარალი 200 000 ლარს აჭარბებს”-ასეთია პირველადი ეფექტი ისრაელი ირანის კონფლიქტის დაწყებიდან დღემდე საქართველოს ტურისტულ სექტორზე. ტურისტული კომპანიების მიღმა შესაძლო ზარალზე საუბრობენ სამედიცინო ტურიზმისა და სათამაშო ინდუსტრიის წარმომადგენელებიც. #ახალიამბები #BusinessMediaGeorgia
“ივნისის ჯავშნები სრულად გაუქმა, ზარალი 200 000 ლარს აჭარბებს”-ასეთია პირველადი ეფექტი ისრაელი ირანის კონფლიქტის დაწყებიდან დღემდე საქართველოს ტურისტულ სექტორზე. ტურისტული კომპანიების მიღმა შესაძლო ზარალზე საუბრობენ სამედიცინო ტურიზმისა და სათამაშო ინდუსტრიის წარმომადგენელებიც. #ახალიამბები #BusinessMediaGeorgia
ისრაელ- ირანის კონფლიქტის ფონზე კი თბილისის და ბათუმის აეროპორტიდან ახლო აღმოსავლეთის მიმართულებით ფრენები უქმდება. TAV Georgia-ში BMG-ის უთხრეს, რომ დღეს ბათუმიდან 6, თბილისიდან კი 7 ავიარეისი გაუქმდა. ავიარეისები საქართველოდან ახლო აღმოსავლეთის მიმართულებით 13 ივნისიდან უქმდება, მას შემდეგ, რაც გამთენიისას ისრაელმა ოპერაცია “აღმავალი ლომის” ფარგლებში ირანის ბირთვულ ობიექტებზე, სამხედრო მეთაურებსა და ბირთვულ მეცნიერებზე ფართომასშტაბიანი მიიტანა იერიში. საპასუხო დარტყმებს ახორციელებს ირანიც. ისრაელის პრემიერ-მინისტრის ადმინისტრაცია - ირანმა ისრაელის მიმართულებით, საერთო ჯამში, 370 ბალისტიკური რაკეტა ისროლა, დაიღუპა 24 ადამიანი და დაშავდა 592. ირანის პრეზიდენტი კი ამბობს, რომ ქვეყანას სრული უფლება აქვს ისარგებლოს ბირთვული ენერგიით და ჩაატაროს კვლევები, რომლებიც მათი საზოგადოების ინტერესების უკეთესად მომსახურებას და მიზნების მიღწევას ისახავს. რა მოვლენების მომსწრენი ვართ - რა კონტურები შეიძლება მიიღოს ისრაელ-ირანის დაპირისპირება და რა ეკონომიკური გავლენები შეიძლება ჰქონდეს ამ კონფლიქტს მსოფლიოსა და საქართველოზე? სტუმარი: არჩილ კეკელია - საქართველოს ყოფილი ელჩი ისრაელში; #ახალიამბები #BusinessMediaGeorgia
შარშან უმუშევრობის დონე წლიურად 2.5 პროცენტული პუნქტით 13.9%-მდე შემცირდა. საქსტატის ინფორმაციით, 2024 წელს სამუშაო ძალის მონაწილეობის დონე წინა წელთან შედარებით 1.5 პროცენტული პუნქტით გაიზარდა და 55% გახდა, ხოლო დასაქმების დონე 2.6 პროცენტული პუნქტით გაიზარდა და 47.1% შეადგინა. შემცირებული მაჩვენებლის მიუხედავად, რჩება თუ არა უმუშევრობა ქვეყანაში ერთ-ერთ მთავარ პრობლემა. #ახალიამბები #BusinessMediaGeorgia
საქართველოში ნავთობსა და გაზთან ერთად ბუნებრივი წყალბადის ძებნა/ძიების ოპერაციებიც შესაძლებელი გახდება. შესაბამის ცვლილებებს „ნავთობისა და გაზის შესახებ“ კანონში პარლამენტი დაჩქარებული წესით განიხილავს. კანონპროექტის მიხედვით, ბუნებრივი წყალბადის ძებნა-ძიებისა და მოპოვების ოპერაციებს არამხოლოდ ინვესტორები, არამედ თავისუფალ სალიცენზიო არეალებზე სახელმწიფო კომპანიაც განახორციელებს. ბუნებრივი წყალბადის რა რესურსი არსებობს საქართველოს ტერიტორიაზე, არსებული ლიცენზიანტების მხრიდან არსებობს თუ არა ამ მიმართულებით ინტერესი და ტექნოლოგიურად რამდენად მზად არიან კომპანიები და სახელმწიფო წყალბადის მოპოვებისთვის? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.06.2025
ბიზნესი აუდიო ვიდეო ტექნიკის იმპორტზე დაწესებული ტარიფის გადახედვას ითხოვს- შესაბამისი შეხვედრა საქართველოს ბიზნეს ასოციაციაში გაიმართა. საუბარია აუდიო ვიდეო ტექნიკის იმპორტიორებისთვის 2%-იანი გადასახადზე, რომელსაც ჰონორარის სახით იმპორტიორები ინტელექტუალური საკუთრების მფლობელთა ასოციაციას უხდიან. #ახალიამბები #BusinessMediaGeorgia
საქართველოში ნავთობსა და გაზთან ერთად ბუნებრივი წყალბადის ძებნა/ძიების ოპერაციებიც შესაძლებელი გახდება. შესაბამის ცვლილებებს „ნავთობისა და გაზის შესახებ“ კანონში პარლამენტი დაჩქარებული წესით განიხილავს. კანონპროექტის მიხედვით, ბუნებრივი წყალბადის ძებნა-ძიებისა და მოპოვების ოპერაციებს არამხოლოდ ინვესტორები, არამედ თავისუფალ სალიცენზიო არეალებზე სახელმწიფო კომპანიაც განახორციელებს. ბუნებრივი წყალბადის რა რესურსი არსებობს საქართველოს ტერიტორიაზე, არსებული ლიცენზიანტების მხრიდან არსებობს თუ არა ამ მიმართულებით ინტერესი და ტექნოლოგიურად რამდენად მზად არიან კომპანიები და სახელმწიფო წყალბადის მოპოვებისთვის? #ახალიამბები #BusinessMediaGeorgia