სახელმწიფო საწარმოების მოგება ისტორიულ მაქსიმუმზეა, თუმცა ძირითადად, კურსთაშორისი სხვაობიდან მიღებული მოგების ხარჯზე. ფინანსთა სამინისტროს მონაცემებით, სახელმწიფო საწარმოების წმინდა მოგებამ გასულ წელს 1.3 მლრდ ლარი შეადგინა, საიდანაც 86%-ზე მეტი, სწორედ, კურსთაშორისი სხვაობიდან მიღებული მოგებაა. რას წერს მთავრობა ფისკალური რისკების ანალიზის დოკუმენტში და როგორ მიმდინარეობს სახელმწიფო საწარმოების კორპორატიზაციის პროცესი, ფინანსთა მინისტრის პირველ მოადგილემ, გიორგი კაკაურიძემ გააკეთა ამ თმასთან დაკავშირებით განცხადებები. #ახალიამბები #BusinessMediaGeorgia
ფეროშენადნობების ბაზარზე არსებულ ტენდენციებზე, შეცვლილ ფასებსა და სასაქონლო ნაკადებზე ფეროშენადნობთა მწარმოებელი ქვეყნების წარმომდგენლები დღეს თურქეთში მსჯელობენ. კონფერენციაზე, რომელსაც საქართველოდან ფეროს მწარმოებლებიც ესწრებიან, როგორც თურქეთის, ასევე მსოფლიო ბაზარზე არსებულ ვითარებას გაეცნობიან. ცნობისთვის, ფეროშენადნობების ბაზარზე კრიზისი კვლავ გრძელდება, მკვეთრად შემცირებულია საქართველოდან ფეროს ექსპორტიც, მაგალითად აგვისტოში ექსპორტზე მხოლოდ 3.6 მლნ დოლარის ფეროშენადნობები გავიდა. წელს სულ 115 მლნ დოლარის ფეროშენადნობები გავიდა ექსპორტზე, კლება წლიურად 69%-ია. როგორია ბაზრის უახლესი ტენდენციები? სტუმარი: ნუგზარ კევლიშვილი - „ფეროშენადნობთა ასოციაციის" პრეზიდენტი; #ახალიამბები #BusinessMediaGeorgia
2022 წელს სატელევიზიო სარეკლამო ბაზრის მოთამაშეების შემოსავალი 10 მილიონი ლარით შემცირდა - ამის შესახებ საერთაშორისო გამჭვირვალობა საქართველოს კვლევაშია აღნიშნული. კვლევის ავტორები სატელევიზიო შემოსავლების შემცირების მთავარ ფაქტორად საქართველოს კანონმდებლობაში შეტანილი ცვლილებებს ასახელებენ, რაც მედიაში აზარტული თამაშების შესახებ რეკლამის განთავსების აკრძალვას ითვალისწინებს. რა ხდება დღეს სარეკლამო ბაზარზე? #ახალიამბები #BusinessMediaGeorgia
დაანონსებული კრიზისი არ შედგა - ეს განცხადება ნათია თურნავას ეკუთვნის. ეროვნული ბანკის პრეზიდენტის მოვალეობის შემსრულებელს გუშინ BMGTV-ის გადაცემა "ბიზნესის კვირეულში" სტუმრობისას, წამყვანმა ჰკითხა: "რამ წარმოშვა კრიზისი ეროვნულ ბანკში" . თურნავა უარყოფს, რომ საფინანსო სექტორის მარეგულირებელში რაიმე სახის კრიზისის შეიქმნა. თურნავა ირწმუნება, რომ არსებულ მდგომარეობაში დიდი წვლილი ქვეყანაში არსებულმა პოლიტიზებულმა გარემომ ითამაშა. სებ-ის პრეზიდენტის მოვალეობის შემსრულებელი გვარწმუნებს, რომ ეროვნულმა ბანკმა იპოვა ფორმულა, რომლითაც სავალუტო ფონდის პროგრამის აღდგენაზე მუშაობენ, ეს ფორმულა კი კანონში ერთგვარ ცვლილებებს მოიცავს, რომლის მიხედვითაც, მენეჯმენტის საკითხი გაუმჯობესდება. #ახალიამბები #BusinessMediaGeorgia
მუსიკოსი “მარსიდან” - ბრუნო მარსის კარიერა და მიღწევები #ახალიამბები #BusinessMediaGeorgia
#ბიზნესსიახლეები bm.ge-სგან / 29.09.2023 რაჭულ მეღვინეობა-მევენახეობას საკმაოდ რთული პერიოდი გველოდება - „ღვინუკა“; "გაყიდვები 200%-ით გაიზარდა" - როგორ ვითარდება შოკოლადის წარმოება საქართველოში? “ქვეყანაში ბევრი ინფრასტრუქტურული პროექტია, შესაბამისად კადრების დეფიციტი იგრძნობა”- სამშენებლო კომპანია “ინსი”; საქართველოს ბანკისა და საქართველოს ფერმერთა ასოციაციის ორგანიზებით „აგროსექტორის ტექნოლოგიური გამოწვევები“ ჩატარდა; “სასტუმრო სრული დატვირთვით მუშაობს და ვემზადებით ზამთრის სეზონისთვის” - პანორამა ბახმარო; #ახალიამბები #BusinessMediaGeorgia
სამშენებლო სექტორი კადრების მწვავე დეფიციტზე საუბრობს და პრობლემის რამდენიმე ძირითად მიზეზს ასახელებს. მათ შორის შრომით მიგრაციას და ქვეყანაში მიმდინარე პროექტების როგორც მასშტაბურობის, ისე რაოდენობის ზრდას. სექტორის წარმომადგენლები ამბობენ, რომ დღეს ინდუსტრიაში კონკურენტუნარიანი ანაზღაურებაა, თუმცა პრობლემა მაინც პრობლემად რჩება. მიღმა ამისა სექტორის წარმომადგენლები ითხოვენ სახელმწიფო ტენდერებში გრძელვადიანი პროექტების შემთხვევაში ინდექსაციის კომპონენტის გათვალისწინებას. #ახალიამბები #BusinessMediaGeorgia
ციფრული ლარის პროექტი ახალ ეტაპზე გადადის. ეროვნული ბანკი, ცენტრალური ბანკის ციფრული ვალუტის სისტემის ტექნოლოგიური შესაძლებლობების გამოსაცდელად და მიზნობრივი გამოყენების შესაძლო სფეროების გამოსავლენად, შეზღუდული წვდომის რეალური საპილოტე გარემოს შექმნას გეგმავს. გრძელვადიანი კვლევისა და სათანადო განხილვების შემდეგ, ეროვნულმა ბანკმა 9 კომპანია შეარჩია. სებ-ის განცხადებით, ამ ორგანიზაციებს პლატფორმის რეალურ გარემოში ტესტირებისთვის შესაბამისი გამოცდილება და საკმარისი ტექნოლოგიური პოტენციალი გააჩნიათ. რა ეტაპების გავლა მოუწევს პროექტს რეალურად ციფრული ლარის შექმნამდე და რას ცვლის ახალი ტექნოლოგიის დანერგვა ეკონომიკისთვის? სტუმარი: დავით კიკვიძე - "ფინტექ ასოციაციის" პრეზიდენტი; #ახალიამბები #BusinessMediaGeorgia
კომპანია "თრეიდინგ სოლუშენის" მმართველი პარტნიორის შეფასებით, რუსული ენერგოგიგანტის, Inter RAO-ს მიერ ელექტროენერგიის ექსპორტის 7%-ით გაძვირება საქართველოზე მნიშვნელოვან გავლენას ვერ მოახდენს. როგორც ცნობილია, Inter RAO 1-ლი ოქტომბრიდან მთლიანად შეაჩერებს ან შეზღუდავს ელექტროენერგიის ექსპორტს აზერბაიჯანში, ჩინეთსა და მონღოლეთში, თუ კონტრაგენტები 7%-ით გაზრდილ ფასს არ გადაიხდიან. რას აცხადებენ რუსულ კომპანიაში და რა შეფასებები კეთდება საქართველოში? #ახალიამბები #BusinessMediaGeorgia
სამშენებლო სექტორი კადრების მწვავე დეფიციტზე საუბრობს და პრობლემის რამდენიმე ძირითად მიზეზს ასახელებს. მათ შორის შრომით მიგრაციას და ქვეყანაში მიმდინარე პროექტების როგორც მასშტაბურობის, ისე რაოდენობის ზრდას. სექტორის წარმომადგენლები ამბობენ, რომ დღეს ინდუსტრიაში კონკურენტუნარიანი ანაზღაურებაა, თუმცა პრობლემა მაინც პრობლემად რჩება. მიღმა ამისა სექტორის წარმომადგენლები ითხოვენ სახელმწიფო ტენდერებში გრძელვადიანი პროექტების შემთხვევაში ინდექსაციის კომპონენტის გათვალისწინებას. #ახალიამბები #BusinessMediaGeorgia
#ბიზნესსიახლეები bm.ge-სგან / 28.09.2023 განათლების სექტორში 164 მლნ ლარი გვაქვს გაცემული - "თიბისი"; “მგონია, რომ მომავალი მზის პანელების კაბელების წარმოებაშია” - “საქკაბელის” გეგმები; ხელოვნური ინტელექტის დახმარებით, ციფრული ლექტორი შევქმენით - BTU-ს სიახლეები; "სახელმწიფომ პროპაგანდა უნდა გაუწიოს პროფესიულ სასწავლებლებს, რომელიც სამუშაო ადგილებს შექმნის" - შოთა ბურჯანაძე; „ვუდთინსი“ ექსპორტზე გადის; #ახალიამბები #BusinessMediaGeorgia
რა სკანდალი ნახეთ ამ განცხადებაში? რა აღმოაჩინეთ?! ეს არის ფაქტის კონსტატაცია - ასე პასუხობს პრემიერი სერგეი ლავროვის განცხადებას, რომ რუსეთ-საქართველოს შორის ფრენების აღდგენა და სავიზო რეჟიმის გაუქმება საქართველოს მთავრობასთან შეთანხმებული იყო. ,,არავითარი რაიმე ტიპის ფორმალური მოლაპარაკებები, მით უმეტეს საქართველოს მთავრობის სახელით არ გამართულა“, - ამბობს ღარიბაშვილი. როგორც მან აღნიშნა, ფრენების აღდგენა და სავიზო რეჟიმის გაუქმება რუსეთის ხელისუფლების გადაწყვეტილება იყო. ,,რაც თქვა ბატონმა ლავროვმა ეს ფაქტის კონსტატაციაა ანუ რა თქმა უნდა, მოხდა ამ შეთანხმების გაფორმება საქართველოს მთავრობასთან. კერძოდ, ეკონომიკის სამინისტროს საავიაციო სააგენტო ბუნებრივია თანხმობას აძლევს შესაბამის უწყებას და რუსულ კომპანიებს. ამ შეთანხმებაზეა საუბარი” - ამბობს პრემიერი. ცნობისთვის, რუსეთის საგარეო საქმეთა მინისტრმა Tass-თან ინტერვიუში განაცხადა, რომ რუსეთ-საქართველოს შორის ფრენების აღდგენა მთავრობასთან შეთანხმებული იყო. როგორც სერგეი ლავროვმა აღნიშნა, თბილისის ამჟამინდელი ხელისუფლება რუსეთთან ურთიერთობების ნორმალიზებით დაინტერესებულია. #ახალიამბები #BusinessMediaGeorgia
ქართველი ანტრე-პრენერის თამაზ გიორგაძის მიერ გერმანიაში დაფუძნებული ფინტექ-კომპანიის, Raisin-ის მართვაში არსებული აქტივების მოცულობა, ბოლო ცხრა თვეში, 66%-ით გაიზარდა და 50 მილიარდი ევრო შეადგინა. თავად Raisin-ის მრჩეველთა საბჭოს კი, UBS-ის ყოფილი თავმჯდომარე და გერმანიის ცენტრალური ბანკის ყოფილი პრეზიდენტი, აქსელ ვებერი შეუერთდა. #ახალიამბები #BusinessMediaGeorgia
არაფერი არ არის სანერვიულო, სავალუტო ფონდის პროგრამა უბრალოდ შეჩერებულია - დღე პრემიერმა მედიასთან თქვა, რომ ამ მიმართულებით კომუნიკაცია არსებობს და საკითხი უახლოეს პერიოდში გადაწყდება. ირაკლი ღარიბაშვილს დღეს კომენტარის გაკეთება მოუხდა ყოფილი მთავარი პროკურორის ოთარ ფარცხალაძისთვის სანქციების დაწესებაზეც. პრემიერი ამბობს, რომ ფაქტით გაკვირვებულია და არ არის ცნობილი არცერთი ფაქტი, რომ ოთარ ფარცხალაძემ ქვეყნის ინტერესების საზიანოდ რაიმე ჩაიდინა. #ახალიამბები #BusinessMediaGeorgia
გერმანიის უდიდესი კულტურული ფესტივალი - "ოქტობერფესტი" #ახალიამბები #BusinessMediaGeorgia
დედაქალაქში მიმდინარე ინფრასტრუქტურული პროექტების გამო თბილისში მოძრაობა კონკრეტულ უბნებში განსაკუთრებით გართულდა. პარალელურ რეჟიმში ქალაქში უნივერსიტეტის ქუჩის, წერეთლის გამზირისა და დიდუბის ხიდის რეაბილიტაცია მიმდინარეობს. რამდენად ესწრება აღნიშნული პროექტების დადგენილ ვადებში დასრულება? #ახალიამბები #BusinessMediaGeorgia
რაჭა რთველის მოლოდინშია - რამდენიმე დღეში ყურძნის კრეფა დაიწყება რაჭაშიც, სადაც ძირითადად ალექსანდროულის და მუჯურეთულის ჯიშის ყურძენი იკრიფება. გასულ წელს რაჭაში სულ 1 887 ტონა ამ ჯიშის ყურძენი გადამუშავდა, მოლოდინი წელს არც ისე სახარბიელოა. სექტორი სახელმწიფო სუბსიდიას და კონკრეტული ციფრებს ელის, რა თანხით დაასუბსიდირებს მთავრობა იმ კომპანიებს რომლებიც ხვანჭკარას მიკროზონაში მოწეულ ალექსანდროულისა და მუჯურეთულის ჯიშის ყურძენს შეიძენს. რა ტენდენციაა წელს, როგორია მოსავლის ხარისხი და როგორ აისახება წლევანდელი რთველი ღვინის წარმოებაზე, მის ხარისხსა და ფასებზე? სტუმარი: ზუკა მაისაშვილი - მეღვინეობა „ღვინუკას“ დამფუძნებელი; #ახალიამბები #BusinessMediaGeorgia
რუსეთ-საქართველოს შორის ფრენების აღდგენა და სავიზო რეჟიმის გაუქმება საქართველოს მთავრობასთან შეთანხმებული იყო - ამის შესახებ რუსეთის საგარეო საქმეთა მინისტრმა Tass-თან ინტერვიუში განაცხადა. სერგეი ლავროვი ამბობს, რომ თბილისის ამჟამინდელი ხელისუფლება რუსეთთან ურთიერთობების ნორმალიზებით დაინტერესებულია და ამიტომ მოხდა ღარიბაშვილის მთავრობასთან ფრენების განახლებაზე შეთანხმება. ლავროვი საქართველოსთან დიპლომატიური ურთიერთობის აღდგენაზეც საუბრობს და აღნიშნავს, რომ ურთიერთობის გაწყვეტა მოსკოვის სურვილი არასდროს ყოფილა. თბილისში ლავროვის განცხადებას ჯერჯერობით არ პასუხობენ. #ახალიამბები #BusinessMediaGeorgia
#ბიზნესსიახლეები bm.ge-სგან / 27.09.2023 შოკოლადის ექსპორტი 76%-ით გაიზარდა; “რადისონ ბლუ ბათუმს” ახალი გენერალური მენეჯერი ჰყავს; საქართველოს ბანკის მხარდაჭერით „ვაინ კახეთმა“ მზის პანელები დაამონტაჟა; “ჩვენი კომპანია შესაფუთი მასალების მიწოდების მხრივ ამიერკავკასიის ჰაბია” - Georgian Packaging; როგორ ვითარდება ქვეყანაში ბიოწარმოება? #ახალიამბები #BusinessMediaGeorgia
საწვავი ისევ ძვირდება. რუსეთის მიერ საწვავის ექსპორტის აკრძალვის შემდეგ, ქართული ბაზარი ევროპელ მომწოდებლებზე გადართვის პროცესშია. ბენზინგასამართ სადგურებზე საწვავის ღირებულება 30-დან 50 თეთრის ფარგლებში უკვე გაიზარდა. ნავთობკომპანიებში ირწმუნებიან, რომ რუსეთის მიერ საწვავის ექსპორტზე დაწესებული აკრძალვა, საქართველოში ბენზინისა და დიზელის დეფიციტს არ გამოიწვევს. კერძო სექტორში აცხადებენ, რომ ფასების მატება, შესაძლოა, მომავალშიც გაგრძელდეს, თუმცა ეს საერთაშორისო ბაზარზე არსებულ ვითარებასა და ევროპულ ბაზარზე დაბრუნებული კომპანიების ხელშეკრულებებზე იქნება დამოკიდებული. გაძვირებული საწვავის ეფექტი უკვე ასახულია გადამზიდავ კომპანიებზე. როგორც ,,კაიროს ლოჯისტიკში” აღნიშნავენ, ბოლო 2 კვირაში გადაზიდვების ღირებულება 10-დან 15%-მდე გაიზარდა. გაზრდილი ხარჯების ფონზე, მოლოდინია რომ გაძვირდება იმპორტირებული საქონელიც. მიხეილ ნამადოვის განცხადებით, ფასები განსაკუთრებით ყოველდღიური მოხმარების პროდუქტებზე გაიზრდება. რამდენით ან კონკრეტულად რომელი პროდუქტები გაძვირდება, რითეილ ექსპერტებს პროგნოზის გაკეთება ჯერჯერობით უჭირთ, თუმცა მიაჩნიათ, რომ ფასების ზრდა გარდაუვალი იქნება. #ახალიამბები #BusinessMediaGeorgia
საწვავი ისევ ძვირდება - რუსეთის მიერ საწვავის ექსპორტის აკრძალვის შემდეგ, ქართული ბაზარი ევროპელ მომწოდებლებზე გადართვის პროცესშია. ნავთობკომპანიებში ირწმუნებიან, რომ რუსეთის მიერ საწვავის ექსპორტზე დაწესებული აკრძალვა, საქართველოში ბენზინისა და დიზელის დეფიციტს არ გამოიწვევს. დეფიციტი არ გამოუწვევია, თუმცა ოკუპანტი ქვეყნის გადაწყვეტილებამ ქვეყანაში საწვავზე ფასები საგრძნობლად გაზარდა. #ახალიამბები #BusinessMediaGeorgia
მსოფლიოს მოსახლეობის უდიდესი ნაწილის მსგავსად, პანდემიის პერიოდში პლანეტის უმდიდრესი ადამიანებიც შედარებით ნაკლებს მოგზაურობდნენ. შესაბამისად, გლობალურად მათი მიგრაციის რიცხვიც კლებულობდა. თუმცა შეზღუდვების მოხსნასთან ერთად, მილიონერებმა თუ მილიარდერებმა გადაადგილება კვლავ აქტიურად დაიწყეს და როგორც Henley & Partners-ის უახლესი ანგარიში ცხადყოფს, წლის ბოლომდე დაახლოებით 122 ათასი მაღალშემოსავლიანი პირი საცხოვრებელ ადგილს შეიცვლის. კვლევის თანახმად, წელს რომელი ქვეყნები მიიზიდავს მეტ მდიდარ ადამიანს? #ახალიამბები #BusinessMediaGeorgia
როგორ უწევს კონკურენციას ჩირის ადგილობრივი წარმოება იმპორტირებულს? #ახალიამბები #BusinessMediaGeorgia
უახლოვდება თუ არა საქართველოში არსებული ჰესების ასაკი კრიტიკულ ნიშნულს. მსოფლიო ბანკის მონაცემებით, მსოფლიოში 50 წელზე მეტი ხნის წინ აშენებული 19 ათასი დიდი კაშხალია. ეს კი ის დროა, როდესაც კაშხალი ან ძირეულად უნდა შეკეთდეს, ან დაიშალოს. როგორია საქართველოში არსებული ჰესების ასაკი. რა კომპლექსური სამუშაოებია საჭირო ჰიდროელექტროსადგურები მოდერნიზაციისთვის, რომ ჰესების საოპერაციო მახასიათებლების ქარხნულ პარამეტრებთან დაახლოება და მათ მიერ, დეფიციტის პერიოდში, წყლის აკუმულაციის შესაძლებლობების განვითარება მოხდეს? სტუმარი: ირაკლი ტყებუჩავა - „გროს ენერჯი ჯგუფის“ ფინანსური დირექტორი; #ახალიამბები #BusinessMediaGeorgia
რომელ ქვეყანაში აწარმოებენ ყველაზე მეტ ლუდს? #ახალიამბები #BusinessMediaGeorgia
თბილისის მერია 400 ავტობუსის მძღოლს ეძებს- ანაზღაურება 2500-3000 ლარია. შესაბამისი განცხადება თბილისის მერმა დღევანდელ მუნიციპალიტეტის მთავრობის სხდომაზე გააკეთა. კახა კალაძე ამბობს, რომ დამატებითი მძღოლების დასაქმების საჭიროება მას შემდეგ დადგება, რაც ქალაქში პერიოდულად 18 მეტრიანი ავტობუსების შემოყვანა დაიწყება. #ახალიამბები #BusinessMediaGeorgia
ეკონომიკის მინისტრის მოადგილის რომეო მიქაუტაძის განცხადებით, ელექტროენერგიის წარმოების სიმძლავრის მეორე აუქციონი ოქტომბერში გამოცხადდება და წინადადებების მიღება 600 მეგავატ დადგმულ სიმძლავრეზე დაიწყება. მინისტრის მოადგილე განმარტავს, რომ პირველ აუქციონში გამარჯვებულ კომპანიებთან ხელშეკრულებების გაფორმების პროცესი მიმდინარეობს და უახლოეს პერიოდში დასრულდება. კრიტიკის მთავარი საგანი კერძო სექტორისთვის ის მედიანური ტარიფია, რაც პირველი სიმძლავრის აუქციონის დასრულების შემდეგ ჰიდროს, მზის და ქარის ელექტროსადგურების პროექტების შემთხვევაში დაიდო. აუქციონის კომისიის მიერ განსაზღვრული მედიანური ტარიფი ჰესების შემთხვევაში 6,85 ცენტს, ქარის ელექტროსადგურის პროექტების შემთხვევაში 6,82 ცენტს, მზის შემთხვევაში კი 6,37 ცენტს შეადგენს. ქარის ენერგიის ასოციაციის ხელმძღვანელი ამბობს, რომ მშენებლობის, ლოგისტიკისა და ტექნოლოგიური ხარჯების გათვალისწინებით, ინვესტორებს აღნიშნული ტარიფის პირობებში პროექტების განხორციელება ძალიან გაუჭირდებათ. შეგახსენებთ, CFD სქემის მიხედვით, სახელმწიფო 15 წლის განმავლობაში იღებს ვალდებულებას, რომ აუქციონში გამარჯვებულ ფასად, გარანტირებულად შეისყიდოს კომპანიებისგან ელექტროენერგია. #ახალიამბები #BusinessMediaGeorgia
#ბიზნესსიახლეები bm.ge-სგან / 26.09.2023 რამდენი მილიონის შემოსავალი აქვს გარე რეკლამების ექსკლუზიური ლიცენზიის მფლობელ “ალმას”? „5-7 წელი დაგვჭირდება, რომ ექსპორტზე რვის მაგივრად 80-მდე ქვეყანაში გავიდეთ“ - ბიოქიმფარმი; 2024 წელს "რუმს აბასთუმანი" გაიხსნება - “რუმს ჰოტელის” გეგმები; სტიქიების გამო რეგიონში დასვენებაზე მოთხოვნამ იკლო - "შატო ყირამალა ლაგოდეხი"; "ჩვენთან ზღვა დაუცველია, არ არსებობს სათანადო ინფრასტრუქტურა" - Maricultura Georgia; #ახალიამბები #BusinessMediaGeorgia
პარლამენტმა „მედიცინის დახმარებით რეპროდუქციის შესახებ“ კანონპროექტის განხილვა დაიწყო. ჯანდაცვის სამინისტრო პოზიციას არ იცვლის. უწყებას სურს, ქვეყანაში სუროგაცია უანგარო იყოს, თუმცა მხოლოდ საქართველოს მოქალაქეებისთვის. კერძო სექტორი კი შიშობს, რომ კანონის ამგვარი მიღება მოქალაქეებისა და კლინიკების ქვეყნიდან გასვლას გამოიწვევს. #ახალიამბები #BusinessMediaGeorgia
„ჩვენი საბანკო სისტემა ისეთი ძლიერია, როგორც არასდროს” – ასე უპასუხა დღეს ვიცე-პრემიერმა ლევან დავითაშვილმა მთავრობის სხდომის შემდეგ ეროვნული ბანკის ირგვლივ განვითარებული მოვლენებთან დაკავშირებით დასმულ კითხვას. ვიცე-პრემიერი ირწმუნება, რომ ბანკებში აბსოლუტური სიმშვიდეა და მთავრობას როგორც საბანკო სექტორის ინვესტორებთან, ისე სხვა მნიშვნელოვან ინვესტორებთან მჭიდრო კომუნიკაცია აქვს. „შეიძლება, განგებ, ჩვენი ზედმეტი აჟიოტაჟით დავაზიანოთ საფინანსო სექტორი, მაგრამ ეს არის პოლიტიკურად ანგაჟირებული პროცესი“ - თქვა ლევან დავითაშვილმა. #ახალიამბები #BusinessMediaGeorgia
საქართველოს მასშტაბით მდებარე ავტოსადგურებს და მგზავრთგადამყვან ოპერატორებს ახალი რეგულაციების დაკმაყოფილება მოუწევთ- საქართველოს პარლამენტში „საავტომობილო ტრანსპორტის შესახებ“ საქართველოს კანონში ცვლილების შეტანის თაობაზე“ კანონპროექტი განიხილება. გუშინ კანონპროექტის საკომიტეტო მოსმენა რეგიონული პოლიტიკისა და თვითმმართველობის კომიტეტზე შედგა. კანონპროექტს ეკონომიკის სამინისტრო წარადგენს და ის საქართველოში მდებარე ავტოსადგურებისთვის და მგზავრთგადამყვანი ოპერატორებისთვის შესაბამისი რეგულაციების დაწესებას გულისხმობს. საქართველოს პარლამენტში ინიცირებულ კანონპროექტშიც კი აღნიშნულია, რომ დოკუმენტი 2015 წლიდან მზად არის , თუმცა რეფორმით გათვალისწინებული სიახლეების დანერგვით გამოწვეული სოციალური რისკების გამო აქამდე საკანონმდებლო პაკეტის მიღების პროცესი ფერხდებოდა. 8 წლის შემდეგ გასაჯაროებულ დოკუმენტში ვკითხულობთ, რომ ცვლილებით ორი სახის ნებართვის შემოღება ხდება- საავტომობილო სამგზავრო გადაყვანის ნებართვა და საერთაშორისო საავტომობილო სატვირთო გადაზიდვის ნებართვა, რომელთა აღების შემთხვევაში გადამზიდველს მიეცემა საშუალება განახორციელოს, როგორც საერთაშორისო რეგულარული თუ არარეგულარული და ქვეყნის შიდა რეგულარული გადაყვანა, ისე საერთაშორისო ტვირთის გადაზიდვა. ასევე კანონს ემატება ავტოსადგურთან დაკავშირებული მუხლები, რომლებიც განსაზღვრავენ ავტოსადგურის კლასებს და მათ სერტიფიცირებას. გუშინდელ საკომიტეტო მოსმენაზე დეპუტატების მხრიდან შესაძლო ცვლილებებთან დაკავშირებით გარკვეული შენიშვნები და რეკომენდაციები გაჟღერდა. რას გულისხმობს „საავტომობილო ტრანსპორტის შესახებ“ საქართველოს კანონში ცვლილების შეტანის თაობაზე“ კანონპროექტი, რას შეცვლის ის ბაზრის მოთამაშეებისთვის და არის თუ არა დღეს ბიზნესი შესაბამისი ცვლილებებისთვის მზად? სტუმარი: ავთანდილ ენუქიძე - პარლამენტის წევრი / სამგზავრო გადამზიდავთა და ავტოსადგურთა ლიგის დირექტორი; #ახალიამბები #BusinessMediaGeorgia
პანდემიის დაწყების შემდეგ სარესტორნო სექტორი მნიშვნელოვანი გამოწვევის, კადრების დეფიციტის წინაშე აღმოჩნდა, რამაც თავის მხრივ, კიდევ დამატებითი დაბრკოლებები შექმნა. რა ხდება ამ ეტაპზე სექტორში და როგორ უმკლავდება სარესტორნო ბიზნესი კადრების დეფიციტს? #ახალიამბები #BusinessMediaGeorgia
ეკონომიკის სამინისტრო CFD სქემის ფარგლებში მეორე სიმძლავრის აუქციონების გამოსაცხადებლად ემზადება. როგორც ცნობილია, CFD სქემის ფარგლებში პირველი სიმძლავრის აუქციონში გამარჯვებული 24 კომპანია აპრილში გამოვლინდა, თუმცა დღემდე ამ კომპანიებთან ხელშეკრულება გაფორმებული არ არის. ეკონომიკის მინისტრის მოადგილე ამბობს, რომ ეს პროცესი მალე დასრულდება, რამდენიმე კვირაში კი მორიგი აუქციონები გამოცხადდება- განცხადება ამის შესახებ რომეო მიქაუტაძემ USAID-ის ბიზნეს-კავშირების დამყარების ხელშემწყობ ღონისძიებაზე გააკეთა. რა სიმძლავრის სადგურებს გამოიტანს სამინისტრო აუქციონზე და რა მოლოდინი აქვს კერძო სექტორს? #ახალიამბები #BusinessMediaGeorgia
კრიპტოინდუსტრიის ზრდასთან ერთად სულ უფრო მეტი ქვეყანა ცდილობს მისი აქტიურად ათვისებისათვის ხელსაყრელი გარემოს შექმნას. მიუხედავად იმისა, რომ იზრდება ისეთი სახელმწიფოების რიცხვიც, სადაც კრიპტოაქტივები სულ უფრო მკაცრ რეგულაციებს ექვემდებარება, მთელი რიგი ქვეყნები მაქსიმალურად თავისუფალი პირობების დანერგვას ცდილობენ. მსოფლიოში კრიპტომზაობის 2023 წლის ანგარიშის მიხედვით, რომელ ქვეყნები ლიდერობენ კრიპტოინდუსტრიის ათვისებისთვის ყველაზე ხელსაყრელი პირობებით? #ახალიამბები #BusinessMediaGeorgia
საქართველოში აკვაკულტურა განვითარებადი სექტორია, თუმცა განვითარების პროცესში ამ მიმართულებაში საკმაოდ ბევრი დაბრკოლება იკვეთება და საქართველო თევზის მოხმარებით კვლავ იმპორტზე დამოკიდებული რჩება. კონკრეტულად, რა გამოწვევებს აწყდებიან ფერმერები და განვითარების რა ეტაპზეა სექტორი? #ახალიამბები #BusinessMediaGeorgia
#ბიზნესსიახლეები bm.ge-სგან / 25.09.2023 ბათუმის "რუმსი" სასტუმროების განვითარების ახალი საფეხურია - ლევან ბერულავა; Nike-ის და Adidas-ის ქართული მიმწოდებლის “აჭარა ტექსტილეს” შემოსავალი ₾330 მლნ-ს აჭარბებს; აგვისტოში თბილისში ბინების გაყიდვები წლიურად 9%-ით შემცირდა - Galt & Taggart; "ხელფასები 100%-ით გავზარდეთ, კადრებს მაინც ვერ ვპოულობთ" - ავეჯის მწარმოებელი; “წელს 1000 ტონა ხილს ჩავიბარებთ” - “ჩიკორი” აშშ-ში ექსპორტისთვის ემზადება; #ახალიამბები #BusinessMediaGeorgia
როგორც გასული კვირის ბოლოს გახდა ცნობილი, საქართველოს მთავრობა ანაკლიის ღრმაწყლოვან პორტზე კიდევ ერთ კონკურსს გამოაცხადებს. ამჯერად კონკურსის მიზანი სამშენებლო კონტრაქტორის შერჩევაა, რომელიც მილიარდიანი პროექტის საინჟინრო განხორციელებაზე იქნება პასუხისმგებელი. ეკონომიკის მინისტრი იმედოვნებს, რომ სამშენებლო კომპანია წლის ბოლომდე შეირჩევა და სამუშაოებიც დაიწყება. რაც შეეხება პროექტში სახელმწიფოს პარტნიორი კომპანიის შერჩევას - ეს, სავარაუდოდ, მომავალი წლის მეორე ნახევრისთვის დასრულდება. გასულ კვირაში ასევე გაირკვა, რომ პროექტის მიმართ დაინტერესება მხოლოდ 4-მა კომპანიამ გამოთქვა, მათგან 2 - შვეიცარიულ-ლუქსემბურგული და ჩინურ-სინგაპურული კომპანიები მეორე ეტაპზე გადავიდნენ - რა გავიგეთ ახალი ანაკლიის პორტის ინვესტორის შერჩევის პროცესზე? რატომ არ იყო პროექტის მიმართ ინვესტორთა მაღალი დაინტერესება და აფერხებს თუ არა პროცესს პროექტის წინა ინვესტორთან მიმდინარე საარბიტრაჟო დავა? სტუმარი: ირაკლი ცანკაშვილი - Logistics Solutions-ის დამფუძნებელი და გენერალური დირექტორი; #ახალიამბები #BusinessMediaGeorgia
პარლამენტში 2023 წლის ბიუჯეტის განხილვა დაიწყო. ქვეყნის მთავარ ფინანსურ დოკუმენტში ცვლილებები ეკონომიკის დაგეგმილზე მაღალმა ზრდამ განაპირობა. განახლებული პროგნოზით, მთავრობა წელს 6.5%-იან ზრდას პროგნოზირებს და ბიუჯეტში დამატებით 500 მლნ ლარის მობილიზებას ელის. შესაბამისად, იზრდება ხარჯვითი ნაწილიც. ყველაზე მეტად, 250 მილიონი ლარით იზრდება ჯანდაცვის სამინისტროს დაფინანსება და ის 7 მილიარდ ლარს მიაღწევს. როგორ გადანაწილდება სხვა მიმართულებით თანხები? #ახალიამბები #BusinessMediaGeorgia
მიმდინარე კვირის მნიშვნელოვანი ეკონომიკური მოვლენები; შოთა ტყეშელაშვილი - BMG-ის ანალიტიკოსი; #ახალიამბები #BusinessMediaGeorgia
როგორ უნდა განვითარდეს სვანეთში ტურიზმი - დღეს პროექტ GRETA-ს ფარგლებში, ტურიზმის განვითარების სტრატეგია და სამოქმედო გეგმა წარადგინეს. დოკუმენტი შექმნილია ტურიზმის მდგრადი განვითარების საჭიროებებისა და ქმედებების განსასაზღვრად და წარმოადგენს გზამკვლევს ტურისტული ინდუსტრიის წარმომადგენლებისთვის, მუნიციპალური და ეროვნული დაინტერესებული მხარეებისთვის, სვანეთის DMO-სთვის და განვითარების სააგენტოებისთვის. #ახალიამბები #BusinessMediaGeorgia
#ბიზნესსიახლეები bm.ge-სგან / 22.09.2023 რამდენად გაამართლა თხილის სუბსიდირებამ? წარმოების გაფართოება აუცილებელი გახდა - “სამეფო მწნილი”; როგორია ნუშის ექსპორტის მონაცემები? როგორ უნდა გაუწიოს ადგილობრივმა წარმოებამ იმპორტირებულ ავეჯს კონკურენცია? “ქართული აგროპროდუქტი” ოქტომბრიდან ბაზარზე ახალ პროდუქტს, სოუსებისა და საწებლების ხაზს, ჩაუშვებს; #ახალიამბები #BusinessMediaGeorgia
თბილისში, თამარაშვილისა და უნივერსიტეტის ქუჩების კვეთაზე, კომპანია CITYZEN-ის მულტიფუნქციური საცხოვრებელი პროექტი - CITYZEN Central Park, საქართველოში ორი ყველაზე მსხვილი ბანკის - თიბისის და საქართველოს ბანკის ფინანსური მხარდაჭერით შენდება. პროექტის ჯამური ინვესტიცია 300 მლნ დოლარს შეადგენს, საიდანაც ბანკების სასესხო კონტრიბუცია 200 მლნ დოლარია. ეს კერძო სექტორსა და 2 ბანკს შორის გაფორმებული ყველაზე მასშტაბური პარტნიორობაა. CITYZEN Central Park-ის პრემიუმ კლასის პროექტი 4 საცხოვრებელ ბლოკს და ერთ ბიზნეს თაუერს აერთიანებს. კომპლექსი 46 000 კვ. მეტრზე განთავსდება, საიდანაც 23 000 კვ. მეტრი რეკრეაციულ ზონას დაეთმობა, რაც თბილისის ცენტრალური უბნისათვის უნიკალური მოვლენაა. საცხოვრებელი ბლოკების სართულიანობა ერთმანეთისგან განსხვავებულია და მაქსიმალური სართული 22 იქნება. კომპლექსის D და C ბლოკების გაყიდვა უკვე დაწყებულია. A, B და T ბლოკების გაყიდვა კი უახლოეს მომავალში დაიწყება. #ახალიამბები #BusinessMediaGeorgia
როგორ უნდა განვითარდეს სვანეთში ტურიზმი - დღეს პროექტ GRETA-ს ფარგლებში, ტურიზმის განვითარების სტრატეგია და სამოქმედო გეგმა წარადგინეს. დოკუმენტი შექმნილია ტურიზმის მდგრადი განვითარების საჭიროებებისა და ქმედებების განსასაზღვრად და წარმოადგენს გზამკვლევს ტურისტული ინდუსტრიის წარმომადგენლებისთვის, მუნიციპალური და ეროვნული დაინტერესებული მხარეებისთვის, სვანეთის DMO-სთვის და განვითარების სააგენტოებისთვის. #ახალიამბები #BusinessMediaGeorgia
დღეს საკანონმდებლო ორგანოში, ინტერპელაციის წესით ვახტანგ გომელაურის უსმენენ . შინაგან საქმეთა მინისტრის მთავარი სასაუბრო თემა შოვის სტიქია. #ახალიამბები #BusinessMediaGeorgia
რუსეთმა გადამუშავებული ნავთობპროდუქტების ექსპორტი აკრძალა - შესაბამის ბრძანებას ხელი პრემიერ-მინისტრმა მიხეილ მიშუსტინმა მოაწერა. რუსეთის მთავრობის განმარტებით, მიღებული გადაწყვეტილება ადგილობრივ ბაზარზე საავტომობილო საწვავის დეფიციტით არის განპირობებული, რაც ფასების მატებას იწვევს. 2023 წლის 8 თვეში საქართველომ $716 მილიონი დოლარის ღირებულის 917 ათასი ტონა ნავთობპროდუქტები შეიძინა. თუკი უკრაინაში ომის დაწყებამდე საქართველო საწვავის უდიდეს ნაწილს ევროკავშირის ქვეყნებისგან - რუმინეთისა და ბულგარეთიდან ყიდულობდა, 2022 წლიდან ბაზარი რუსულ ნავთობზე გადაეწყო. მიმდინარე წლის განმავლობაში საქართველომ რუსეთიდან $435 მილიონი დოლარის ღირებულების 623 ათასი ტონა რუსული ნავთობი შეიძინა. შესაბამისად, მთლიანი იმპორტის 68% რუსულ საწვავზე მოდის. როგორ აისახება რუსეთის მიერ საწვავის ექსპორტის დროებითი შეზღუდვა საქართველოს საწვავის ბაზარზე? სტუმარი: ვახტანგ იობაშვილი - ნავთობპროდუქტების იმპორტიორთა კავშირის თავმჯდომარე; #ახალიამბები #BusinessMediaGeorgia
EA Sports FC 24 - ყველაფერი, რაც ახალ თამაშზე უნდა ვიცოდეთ #ახალიამბები #BusinessMediaGeorgia
რეგიონებში თხილის ჩაბარება-რეალიზაციის აქტიური პროცესი მიმდინარეობს. კომპანიების ნაწილმა ექსპორტიც დაიწყო. ბოლო წლების განმავლობაში თხილის ხარისხი დამაკმაყოფილებელ ნიშნულს ვერ აღწევდა, ამის მთავარი მიზეზი კი ფაროსანა იყო. გარდა ფაროსანას მიერ დაზიანებული ბაღებისა, პრობლემას ქმნიდა დაგვიანებული შეწამლა. სექტორში არსებული სიტუაციიდან გამომდინარე, სახელმწიფომ სუბსიდირების გადაწყვეტილება მიიღო და ფერმერებზე ფინანსური დახმარება გასცა, რომელიც მათ ბაღის შეწამვლისთვის უნდა გამოეყენებინათ. როგორი ხარისხის თხილი მიიღო წელს ქვეყანამ და გაამართლა თუ არა სუბსიდირებამ? #ახალიამბები #BusinessMediaGeorgia
საფეხბურთო კლუბების რეიტინგი სატრანსფერო დანახარჯების მიხედვით #ახალიამბები #BusinessMediaGeorgia
ანაკლიის ღრმაწყლოვანი პორტის აშენება ჩინურ-სინგაპურულ კონსორციუმს და შვეიცარულ-ლუქსემბურგულ კომპანიას სურს - ამის შესახებ ეკონომიკისა და მდგრადი განვითარების მინისტრმა ლევან დავითაშვილმა პარლამენტში გამართულ სხდომაზე განაცხადა. ლევან დავითაშვილის განცხადებითვე, ანაკლიის პორტის პროექტის პირველი ფაზისთვის 589 მლნ დოლარია გათვალისწინებული. #ახალიამბები #BusinessMediaGeorgia
პარლამენტმა ეროვნული ბანკის საბჭოს ახალ წევრებად - ნანა ყეინიშვილი და თეიმურაზ ხომერიკი აირჩა. სხდომამდე საკითხი განიხილეს საფინანსო საბიუჯეტო და დარგობრივი ეკონომიკის კომიტეტების გაერთიანებულ სხდომაზე, სადაც დღის წესრიგით გათვალისწინებული იყო საქართველოს ეროვნული ბანკის საბჭოს წევრის თანამდებობაზე პრეზიდენტის მიერ წარდგენილი კანდიდატურების განხილვა, თუმცა, კანდიდატები კომიტეტის სხდომაზე არ გამოცხადდნენ. რის შემდეგაც კომიტეტებმა მათ კანდიდატურებს მხარი არ დაუჭირეს, თუმცა სესიაზე მმართველი გუნდის პოზიცია შეიცვალა და წარდგენილი კანდიდატები 84 ხმით ეროვნულ ბანკში აირჩიეს. მომხდარის მიზეზი BMG-სთან საუბარში განმარტა დარგობრივი ეკონომიკის კომიტეტის თავმჯდომარის მოადგილემ ბეჟან წაქაძემ. მისი თქმით, ამ კანდიდატების არჩევა სახელმწიფოებრივი გადაწყვეტილება იყო და მის გარეშე ეროვნული ბანკის უწყვეტ ფუნქციონირებას რისკები შეექმნებოდა. #ახალიამბები #BusinessMediaGeorgia