ბიზნესების მხრიდან აუდიტორული კომპანიების სერვისებზე მოთხოვნა წლიდან წლამდე იმატებს - ეს კი აუდიტორების შემოსავლებზე პირდაპირ პროპორციულად აისახება. საქართველოში მოქმედი აუდიტორები ვითარდებიან, იზრდებიან და სერვისების ჩამონათვალიც უფრო მრავალფეროვანი, რაც მთავარია მომხმარებელზე მორგებული ხდება. ბაზარზე მუდმივ ზრდას, მათ შორის კომპანიების რეიტინგში თავისი მოწინავე ადგილის დამკვიდრებას აგრძელებს ეკოვის ჯორჯია, რომელიც სხვათა შორის იმ კომპანიებს შორის რომლებმაც 2024 წელს, აუდიტორული საქმიანობის გაწევიდან ყველაზე მეტი შემოსავალი მიიღეს - მეექვსე ადგილს იკავებს. ზრდა წინა წელთან შედარებით 29%-ია. ეს მონაცემები ადასტურებს, რომ ეკოვის ჯორჯია საქართველოში ერთ-ერთი უმსხვილესია. აქვე გეტყვით რომ ეკოვის ჯორჯია ეკოვის ინთერნეიშნალის წარმომადგენელია, ევროპაში შექმნილი კომპანიის ქართული ისტორია 2014 წლიდან იწყება და დღემდე წარმატებით, ორი კომპანიით ეკოვის ჯორჯიათი და ეკოვის ჯორჯია აუდიტით გრძელდება. სტუმარი: ანა სამსონია - ECOVIS Georgia, იურიდიული მიმართულების ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოდან ბელგიაში, უფრო კონკრეტულად კი ქალაქ ანტვერპენში ვინაცვლებთ, სადაც ქართული გასტრო-ბარი „ჟამი“ ერთი წელია სტუმრებს მასპინძლობს. "ანტვერპენში ქართული გემოს და კულტურის დამკვიდრება გვინდა" - ასეთია ქართული კვების ობიექტის დამფუძნებლების მიზანი და სურვილი. სამი ქართველი ქალის - თამარ ერისთავის, ეკატერინე ლაცაბიძისა და ოლიკო ძავაშვილის ინიციატივით შექმნილი სივრცე ევროპელ სტუმრებს ქართულ სამზარეულოს, 8000-წლიანი ისტორიის ღვინოსა და თანამედროვე ხელოვნებას აცნობს. გასტრო-ბარი განთავსებულია ისტორიულ შენობაში, რომელსაც ადგილობრივად „პატარა საათი“ ეწოდებოდა. როგორც ჟამის თანადამფუძნებელი, თამარ ერისთავი ამბობს სწორედ ამ ფაქტორმა განსაზღვრა სახელწოდების შერჩევაც. სტუმარი: თათა ერისთავი - "ჟამი", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ინნ ჰოსფითალითი - სასტუმროების ქსელი, რომელიც საქართველოს მასშტაბით ჯამში 4 ობიექტს მართავს. ბაკურიანი ინნი, გუდაური ინნი, ახალციხე და როიალ ინნი - ეს სასტუმროები ერთ-ერთ გამორჩეულ კონცეფციას და საერთაშორისო სტანდარტებს აერთიანებენ, რათა თითოეულ სტუმარს ადგილზე შესაბამისი მომსახურება შესთავაზონ. დღევანდელ ეთერში განსაკუთრებულ აქცენტს - ბაკურიანსა და ახალციხეში მდებარე სასტუმროებზე გავაკეთებთ - ბაკურიანი წლის ნებისმიერ სეზონზე საინტერესო მიმართულებაა, თუმცა აქტივობა განსაკუთრებით ზამთრის პერიოდში იწყება, რაც შეეხება ახალციხეს, დამსვენებლებისთვის ეს ჯერ კიდევ ახალი, თუმცა საინტერესო მიმართულებაა. როგორია კურორტებზე არსებული ვითარება და სეზონის სამზადისი? სტუმარი: ნინა ხოტივარი - „ინნ ჰოსპითალითის“ კომერციული დირექტორი #ახალიამბები #BusinessMediaGeorgia
სტარტაპი, რომელიც ღონისძიების დამღლელ, შრომატევად და ხანდახან სტრესულ პროცესს სრულად გაგიმარტივებთ. საუბარია bash-ზე, ვებპლატფორმაზე, ყველა იმ სერვისითა და ფუნქციონალიც, რომელიც იდეალური ღონისძიების მოსაწყობად არის საჭირო. Bash-ი დაგეხმარებათ მინიმალური ძალისხმევით გამორჩეულად აღნიშნოთ ცხოვრებისეული მომენტები. მომხმარებელი ერთიან ციფრულ სივრცეში იღებს ყველა მომსახურებას - მაგალითად, არჩევს საჭირო ინვენტარს, ჯავშნის ლოკაციას, ყიდულობს მისთვის საჭირო მომსახურებას. ვებ-პლატფორმა არის ერთგვარი დამაკავშირებელი მომხმარებელსა და სერვისის მომწოდებელს შორის. სტუმარი: ელენკა კოხრეიძე - Bash-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ერთწლიანი პაუზის შემდეგ, ჟურნალი „ინტერიერი“ ბრუნდება. ცხადია, იმ უცვლელი მიზნით, მისიით, რომ იყოს არა მხოლოდ ესთეტიკური შთაგონების წყარო,არამედ პლატფორმა, რომელიც აერთიანებს პროფესიონალებს, ახალგაზრდა დიზაინერებს, ხელოვანებს და ყველა იმ ადამიანს, ვინც გარემოს ქმნის და მისგან შთაგონებას იღებს. სტუმარი: მაკა კუკულავა - "ინტერიერი", რედაქტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„ბათუმელებისა“ და „ნეტგაზეთის“ დამფუძნებელსა და დირექტორს, პატიმრობაში მყოფ ჟურნალისტს მზია ამაღლობელს - ევროკავშირის ადამიანის უფლებათა უმაღლესი ჯილდო, სახაროვას პრემია გადაეცა.ამ ჯილდოს მიზანია დააჯილდოოს ადამიანები, ჯგუფები ან ორგანიზაციები, რომლებიც თავდაუზოგავად იბრძვიან ადამიანის უფლებების დაცვისა და აზრის თავისუფლებისთვის მთელ მსოფლიოში. ამასთანავე, სახაროვის პრემიის მიზანია, მსოფლიოს ყურადღება მიაპყროს პოლიტიკურ პატიმრებს, აქტივისტებსა და ორგანიზაციებს, რომლებიც იდევნებიან - პარალელურ საქართველოში კი, იზრდება ჟურნალისტი პატიმრების რაოდენობა, იმ პროტესტის გამოძახილად, რომელიც თითქმის ერთი წელია, უწყვეტად გრძელდება ჩვენს ქვეყანაში, ისევე როგორც მისი შეწყვეტის, დასრულების, გაჩუმების მცდელობაც. სტუმარი: ნათია კუპრაშვილი - ჟურნალისტიკის რესურსცენტრის თავმჯდომარე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გამოხატვის თავისუფლების დამცველთა პრემია - ასე ჰქვია ჯილდოს, რომელიც სულ ცოტა ხნის წინ ფრანკფურტის წიგნის ბაზრობაზე, გამომცემელთა მსოფლიო ასოციაციის პრეზიდენტმა, გვანცა ჯობავა, წარადგინა. აქვე ხაზი უნდა გავუსვათ იმასაც, რომ წელს პირველად,საქართველო, ახლად დაარსებულმა წიგნის ინდუსტრიის ასოციაციამ წარადგინა , რომელიც მიმდინარე წლის თებერვალში საგამომცემლო სექტორში არსებული გამოწვევების საპასუხოდ იმ ორგანიზაციების ინიციატივით შეიქმნა, რომლებმაც საქართველოს წიგნის გამომცემელთა და გამავრცელებელთა ასოციაცია პროტესტის ნიშნად დატოვეს. ორგანიზაცია დღეისთვის 22 წევრ ორგანიზაციას აერთიანებს, როგორც დიდ და პატარა გამომცემლობებს, ისე წიგნის მაღაზიებს. სტუმარი: გვანცა ჯობავა - „გამომცემელთა მსოფლიო ასოციაცია“ პრეზიდენტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქვეყნის მასშტაბით, სეზონური გრიპის საწინააღმდეგო ვაქცინაცია რამდენიმე კვირაა დაიწყო. აცრა ყველა მოქალაქისთვის სრულიად უფასოდ პოლიკლინიკებში, ევექსის და დიდი კლინიკების ფილიალებშია შესაძლებელი. იმუნიზაციის სახელმწიფო პროგრამის ფარგლებში, საქართველომ 200 000 დოზა ფრანგული წარმოების ოთხკომპონენტიანი სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის. ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე. გრიპის ვაქცინა რომ დაავადების გავრცელებასთან ბრძოლის ყველაზე ეფექტიანი გზაა ამაზე მედიცინა თანხმდება, თუმცა იმუნიზაცია ჩვენს ქვეყანაში, და არა მხოლოდ ჩვენს ქვეყანაში - ჯერ კიდევ გამოწვევაა. როგორ მიმდინარეობს გრიპის ვაქცინაციის პროცესი და რა არის ის გამოწვევები რაც პროცესს აფერხებს? სტუმარი: მაია ჩხაიძე - “ი.ციციშვილის სახელობის ბავშვთა კლინიკის“ სამედიცინო დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
31 ქართულ კომპანიას დღეს შეუძლია თავისი ძალები იაპონიასა და საფრანგეთში მოსინჯოს, ამის მიზეზი კი სააგენტო ვიტრინია, რომელიც ქართველ დიზაინერებს პოპულარიზაციას უწევს და მათი ნაწარმის ექსპორტზე გატანაში ეხმარება. ვიტრინის მთავარი სამიზნე იაპონიისა და საფრანგეთის ბაზრებია და სააგენტო დღეს უკვე 30-ზე მეტ ქართულ ბრენდთან თანამშრომლობს, რომლებსაც სურთ საერთაშორისო ბაზრებზე გაფართოვდნენ. როგორია ქართული ბრენდების ცნობადობა საერთაშორისო მასშტაბით და რა სიახლეები აქვს სააგენტო ვიტრინს? სტუმარი: მადო რომანაძე - Vitrine Agency, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტექსტილის დარგში არსებულ კრიზისზე სექტორში მომუშავე ბიზნესები ბოლო ერთი წელია საუბრობენ, თუმცა, ახლა ბიზნესის შეფასებით მდგომარეობა კიდევ უფრო გართულდა.მათი თქმით 2024 წლის შემდეგ საექსპორტო მოცულობები მნიშვნელოვნად შემცირდა, რის გამოც სამკერვალო საწარმოებს მუშახელის შემცირება და ხშირ შემთხვევაში, წარმოების დახურვაც კი მოუწიათ. რამ განაპირობა საერთაშორისო ბაზარზე პოზიციების შესუსტება და პარალელურად, განვითარების რა დინამიკას აჩენებს ინდუსტრია ადგილობრივ ბაზარზე? სტუმარი: ნინო გიორგაძე - “ლიდერი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ბრენდი “უსული” ერთ-ერთი პირველია ქართულ ბაზარზე, რომელმაც თავისი ნიშა, ქსოვილებისა და ტყავის ნარჩენებისგან, ფეხსაცმლის, ჩანთებისა და აქსესუარების შექმნით დაიკავა. მარტივად რომ ვთქვათ, არასაჭირო ნივთებს უსულის მესვეურები, არამხოლოდ საჭირო, არამედ ყველასთვის სასურველ და საჭირო პროდუქტებად აქცევენ. სტუმარი: სოფო ლაპიაშვილი - "უსული", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
"სკოლებში 11-წლიან სასწავლო პროგრამაზე უნდა გადავიდეთ" - ეს განცხადება "ქართული ოცნების" მთავრობის პრემიერ-მინისტრმა ირაკლი კობახიძემ გუშინ, განათლების რეფორმის კონცეფციის პრეზენტაციაზე განაცხადა. მე-12 კლასის გაუქმებაზე ირაკლი კობახიძის არგუმენტები ასეთია: სწავლის დასრულება 11 წელიწადში საკმარისია და მიზანია, ახალგაზრდების შენარჩუნება საქართველოში და მიგრაციის შემცირება; თუმცა "ოცნების" პრემიერმა არ გამორიცხა, რომ სურვილის შემთხვევაში, მე-12 კლასის დამთავრების შესაძლებლობაც დატოვონ. შეგახსენებთ, რომ საქართველოს ზოგადსაგანმანათლებლო სკოლის მოსწავლეები 12-წლიან სწავლებაზე 2008-2009 წლებში გადავიდნენ და მაშინ განათლების სამინისტროს მთავარი არგუმენტი სწორედ უმაღლესი განათლების ერთიან ევროპულ სივრცეში საქართველოს ინტეგრირება იყო. ამას ითვალისწინებდა "ბოლონიის პროცესი", რომელსაც საქართველო 2005 წელს შეუერთდა. რას მოუტანს ჩვენი ქვეყნის განათლების სისტემას ამ პროცესისგან ჩამოშორება და რამდენად დააზარალებს 11-წლიან სასწავლო პროგრამაზე გადასვლას ქვეყნის განათლების სისტემას? სტუმარი: თინა თოფურია - "UG სკოლის" ადმინისტრაციის უფროსი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გასულ კვირას,"ოცნების" პრემიერ-მინისტრმა ირაკლი კობახიძემ განათლების რეფორმის პრეზენტაცია გამართა. მისი თქმით, იგეგმება, რომ ერთი ფაკულტეტი იქნება შექმნილი მხოლოდ ერთ სახელმწიფო უნივერსიტეტში. ასევე, თბილისთან ერთად უნდა შეიქმნას მეორე ძირითადი საუნივერსიტეტო კერა და ეს არის ქუთაისი. ამასთან, ირაკლი კობახიძის განცხადებით, სკოლებში 11- წლიან სასწავლო პროგრამა იქნება, ბაკალავრიატი 3-წლიანი, მაგისტრატურა 1-წლიანი. ირაკლი კობახიძემ დააანონსა ასევე სკოლებში 11-წლიან სასწავლო პროგრამაზე გადასვლა, რაც თავის მხრივ, სპეციალისტების შეფასებით, ბოლონის პროცესიდან ჩახსნას გულისხმობს. იმ პროცესიდან, რომელმაც ევროპულ საგანმანათლებლო სივრცეში საქართველოს ინტეგრირება უზრუნველყო. სტუმარი: მარიამ რამინაშვილი - განათლების ექსპერტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გასული თვის მიწურულს, ესთეტიკური მედიცინის საერთაშორისო ასოციაციამ რიგით მეორე, ყოველწლიური კონფერენცია გამართა, რომელიც ასოციაციის წევრებისთვის, უკვე მნიშვნელოვან პროფესიულ სივრცედ ჩამოყალიბდა. ღონისძიებაზე დარგის წამყვანი სპეციალისტები შეიკრიბნენ, რომლებმაც განიხილეს ესთეტიკური მედიცინისა და მასთან მომიჯნავე სფეროების გამოწვევები, კომპეტენციების განვითარების გზები და ის ახალი ტენდენციები, რომლებიც საერთაშორისო პრაქტიკაში მკვიდრდება. სტუმარი: ბაია კონდრატიევა - GAIA-ს თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
30 სექტემბრიდან 2 ოქტომბრის ჩათვლით, მადრიდში სოფლის მეურნეობის საერთაშორისო გამოფენა, Fruit Attraction 2025-ი გაიმართა, სადაც წელს პირველად იყო წარმოდგენილი ქართული ნაციონალური პავილიონი. სოფლის მეურნეობის სამინისტროს მიერ გავრცელებული ინფორმაციით, გამოფენაზე მონაწილეობა, ლურჯი მოცვის, თხილისა და სანელებლების მწარმოებელმა კომპანიებმა მიღეს, მათ შორის იყო, “ბლუ ბერდ ბერიზ”, “გოლდენ ფარმსი”, “S.R.T”, “აგროლეინი”, “აგრო ველი”, ,,ჯენტრი ინვესტმენტს”, ,,ალფაინ სფაისიზ”, ,,აგრითაჩი”, ,,ხონის პლანტაციები”. საერთო ჯამში, წლევანდელმა Fruit Attraction-მა 150-ზე მეტი ქვეყნიდან 2,200-ზე მეტი კომპანია და 120 ათასზე მეტი ვიზიტორი გააერთიანა. რამდენად ნაყოფიერი აღმოჩნდა ეს ვიზიტი ქართული კომპანიებისთვის და როგორ ითარგმნა ღირებული, ევროპული გამოცდილება პრაქტიკაში? სტუმარი: ბაია სალუქვაძე - “ბლუ ბერდ ბერიზ"-ისა და GPR Nuts-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართულ მეღვინეობაში ქალები ისეთივე ჩართულები არიან, როგორც კაცები და ამ ტენდენციის ყველაზე თვალსაჩინო მაგალითი - საოჯახო მეურნეობა "დების ღვინოა". ღვინის წარმოების და რეალიზაციის გარდა, დების ღვინო აგროტურიზმის და გასტრონომიის მიმართულებითაც ფართოვდება და სტუმრებს საინტერესო ტურებს სთავაზობს. ამ ყველაფრის დდამსახურებით კი, „დების ღვინო“ აღარ არის მხოლოდ ღვინო, არამედ არის ამბავი სიხარულზე, შრომასა და გამძლეობაზე. ამბავი ქალებზე, რომლებმაც საკუთარი ძალებით შექმნეს ბრენდი, რომელსაც უკვე იცნობენ როგორც საქართველოში, ისე მის ფარგლებს გარეთ. სტუმრები: თამთა აივაზიშვილი - "დების ღვინო", დამფუძნებელი ანა აივაზიშვილი - "დების ღვინო", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
"გოგლას მეღვინეობა" განსაკუთრებულ აქცენტს ხარისხიან პროდუქტზე და გამორჩეულ გემოებზე აკეთებს. როგორც "გოგლას მეღვინეობაში" ამბობენ, ღვინო ოჯახური ისტორიის გაგრძელებაა, ხოლო თავად ბრენდი შთაგონებულია ოჯახის ტრადიციით და შექმნილი საყვარელი ადამიანებისა და თაობების მეხსიერების პატივისცემით. კონკრეტულად რას ნიშნავს ეს ყოველივე და რას გეგმავს "გოგლას მეღვინეობა"? სტუმარი: ნინო თუთბერიძე - "GOGLA's მეღვინეობა", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
“ონკოლაინ ჯორჯია” წელს განვითარების ახალ ეტაპზე გადადის. კიბოს პაციენტთა სათემო ორგანიზაციამ სოციალური საწარმო - კახეთი ივენთ დააფუძნა. აღნიშნული - “ცოდნისა და უნარების გაძლიერების პლატფორმა ახალგაზრდებისთვის” - პროექტის ფარგლებში განხორციელდა. სოციალური საწარმოს მთავარი მიზანი ონკოპაციენტების დასაქმება და სოციალიზაციაა. სტუმრები: სოფო ფირანიშვილი - “ონკოლაინ ჯორჯია", დამფუძნებელი მარიამ ბერძული - “ონკოლაინ ჯორჯია", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიმდინარე წლის, 8-9 ნოემბერს კრეატიული განვითარების ცენტრი ორდღიან Tech4Skills იდეათონს გამართავს, რომლის მთავარი მიზანიც ახალგაზრდების იდეების მხარდაჭერაა - პროფესიული განათლების მიმართულების საქართველოში განვითარებისთვის. Tech4Skill Ideathon - ეს არის იმ ახალგაზრდებისთვის, რომლებსაც სურთ პროფესიული განათლების მომავალი ტექნოლოგიებით შეცვალონ. იდეათონი ახალგაზრდებს მისცემს შესაძლებლობას წარმოადგინონ ინოვაციური ტექნოლოგიური გადაწყვეტილებები, როგორიცაა პლატფორმები, თამაშები, აპლიკაციები, ჩატბოტები ან ციფრული კამპანიები, რომლებიც ხელს შეუწყობს პროფესიული განათლების ხელმისაწვდომობასა და პოპულარიზაციას. სტუმარი: დავით მირველაშვილი - "კრეატიული განვითარების ცენტრი", Tech4Skills პროექტის წამყვანი ექსპერტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“შატო ლე ბერიძეზე” საუბრით ვაგრძელებთ, რომელიც მარტვილის რაიონში, სოფელ ნახურცილავოში მდებარეობს. როგორც მისი დამფუძნებელი ჰყვება, ეს არ არის მხოლოდ მარანი, ეს არის ტრადიციის გაგრძელება, ფესვების აღდგენა და შესაძლებლობა, წინაპრების მიერ დათესილი საქმის ღირსეულად გაგრძელების. ადგილზე ძირითადად მეგრული ენდემური აბორიგენული ვაზის ჯიშებია გაშენებული და ღვინის დაყენებაც ევროპული ტექნოლოგიით ხდება. სტუმარი: ნათია ბერიძე - “შატო ლე ბერიძე”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Business Hub Georgia არის ორგანიზაცია, რომელიც ბიზნესებს აერთიანებს, ერთგვარი პლატფორმა, რომელიც ქმნის სივრცეს თანამშრომლობისთვის, გამოცდილების გაზიარებისთვის, საერთო პროექტებისთვისა და მხარდაჭერისთვის. როგორც კომპანიაში ამბობენ, აქ თითოეული შეხვედრა რეალურ გამოცდილებას ღირებულ ცოდნად აქცევს, ახალ ნაცნობობას კი — სტრატეგიულ თანამშრომლობად. ეს ჰაბი იქმნება იმ ადამიანებისთვის, ვისაც სურს პროფესიული განვითარება, პიროვნული ზრდა და მყარი კავშირების დამყარება. სტუმარი: ნატალია პაჭკორია - Business Hub Georgia, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თესალონიკში, საერთაშორისო ღონისძიება - Thessaloniki International Fair 2025 გაიმართა. ერთ-ერთ ყველაზე მასშტაბურ გამოფენაზე - საქართველოც იყო წარმოდგენილი. ჩვენი ქვეყნის პავილიონმა ქართული ტრადიციული და თანამედროვე ინოვაციური პროდუქტები, დიზაინის გამორჩეულ ნიმუშები და ხელნაკეთი ნივთები გააერთიანა. როგორც ორგანიზატორი აცხადებს, საქართველოს პავილიონმა მთელი 9 დღის განმავლობაში სიამაყით წარმოადგინა ჩვენი ქვეყანა. საინტერესო შეხვედრები, ახალი შესაძლებლობები, მოკლედ, როგორც ჩანს ქართველი მეწარმეებისთვის ეს დღეები დატვირთული და პროდუქტიული აღმოჩნდა. სტუმრები: სოფიო მინაძე - საგამოფენო პროექტების ორგანიზატორი ლია დავითაშვილი - დიზაინერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გასულ კვირას ამერიკულმა ვოგიმ ქართველ ქალ მეღვინეებს სტატია მიუძღვნა, სადაც როგორც მათ საქმიანობაზე, ასევე ქართულ ღვინოზეა საუბარი, სამეგრელოში, მარტვილში მდებარე საოჯახო მარანი ოდა და მისი შემოქმედი - ერთ-ერთია მათგან, ვინც გამოცემის ყურადღება მიიქცია. როგორც ვოგი წერს - მარანში ოდა სტუმრებს ქეთო ნინიძე და მისი მთლიანად ქალებისგან შემდგარი გუნდი მასპინძლობს. გამოცემა განსაკუთრებულ ყურადღებას ბუნებრივი ღვინის წარმოებაზე ამახვილებს და აღნიშნავს, რომ დღეს ნინიძე საქართველოში ნატურალური ღვინის ერთ-ერთი წამყვანი მწარმოებელია. საერთაშორისო მედია - მკითხველს, მარანში ღვინის დაგემოვნებასთან ერთად, კულინარიულ მასტერკლასებს ურჩევს. სტატიის ავტორი წერს, რომ მეგრული კერძები – მათ შორის ელარჯი – და ორგანული ბოსტნეული, შესანიშნავად ერწყმის ნინიძის ბუნებრივ ღვინოებს. სტუმარი: ქეთო ნინიძე - საოჯახო მარანი "ოდას" დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართველი ქალების საერთაშორისო მედიაფოკუსში - ყველასათვის ცნობილმა, გავლენიანმა გამოცემამ - ვოგიმ, ქართველ ქალ მეღვინეებზე სტატია გამოაქვეყნა, სადაც მკითხველს - მათ საქმიანობაზე და ქართული ღვინის დაყენების ტრადიციაზე უყვება. „გაიცანით ქალი მეღვინეები, რომლებიც ფურორს ახდენენ საქართველოში, მსოფლიოში ღვინის ერთ-ერთ უძველეს მწარმოებელ ქვეყანაში“ - ეს არის სტატიის მთავარი ჰედლაინი, სტატიის, რომელიც კახეთიდან - სამეგრელომდე, სამეგრელოდან - იმერეთამდე გვამოგზაურებს და ჩვენთან ერთად ამოგზაურებს ათასობით მკითხველს მსოფლიოდან… ვოგი სტატის სამ ქალ მეღვინეს უძღვნის, მათგან ერთ-ერთი - ანა ბერიკაშვილია. კახეთში მდებარე მეღვინეობის, “ბერიკას” მარნის დამფუძნებელი.. 35 ჰექტარი ვენახი, ხეხილი, ბოსტნეული.. და რაც მთავარია გამორჩეული სტუმარ-მასპინძლობა. სტუმარი: ანა ბერიკაშვილი - მეღვინეობა “ანაბერიკას” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
✔️ "სისატურა" - ეთნოგრაფიული სოფელი სამეგრელოში ✔️ "სისატურა" ზაფხულის სეზონს აჯამებს - რომელი ქვეყნებიდან სტუმრობდნენ ეთნოგრაფიულ სოფელს? ✔️ ეთნოგრაფიული სოფელი „სისატურა“ - სიახლეები და გეგმები სტუმარი: მარიკა თოდუა - "სისატურა", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
კომპანია „მედლაინი“ ესთეტიკური მედიცინის მიმართულებით ფართომასშტაბიან კონფერენციას აანონსებს – თემაზე: „სახის ქვედა და შუა მესამედის ლიფტინგი უახლესი კომბინირებული მეთოდების გამოყენებით“. ღონისძიების ფარგლებში, დამსწრე საზოგადოებას შესაძლებლობა ექნება. არა მხოლოდ მოისმინოს, არამედ უშუალოდ იხილოს პრაქტიკაში გამოყენებული უახლესი ტექნიკები, რომელსაც ესთეტიკური მედიცინის საერთაშორისო დონის სპეციალისტები წარადგინეს. აღნიშნული კონფერენცია, როგორც მისი მესვეურები გვაუწყებენ, ემსახურება უპირველესად უახლესი ტექნიკებისა და საერთაშორისო პრაქტიკის გაზიარებას, რათა ქართველმა ესთეტიკოსებმა შეძლონ თანამედროვე მეთოდების ათვისება და მათი პრაქტიკაში გამოყენება. სტუმარი: თეა ონიანი - “მედლაინი", ექიმი-კოსმეტოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თქვენი შესაძლებლობების სახელოსნო - ამ სლოგანით პოზიციონირდა ბაზარზე „აკადემია სახელოსნო 42“ -ეს არის თეატრი სახელოსნო 42-ის სივრცეში შექმნილი ახალი საგანმანათლებლო პლატფორმა, რომელიც ცოდნას, შემოქმედებასა და პრაქტიკულ გამოცდილებას აერთიანებს. ინიციატივა მსახიობ მანანა კოზაკოვას ეკუთვნის და მასთან ერთად პროექტში სხვადასხვა სფეროს პროფესიონალი მენტორი არის ჩართული. აკადემიის პროგრამები მოიცავს მეტყველებისა და საჯარო გამოსვლების უნარების განვითარებას, სცენაზე პირველი ნაბიჯების გადადგმას, თანამედროვე ვიდეო კონტენტის შექმნას, ციფრულ მედიაში პრაქტიკულ გამოცდილების მიღებას და, ასევე ბავშვებისთვის შემოქმედებით პროექტს „წიგნიდან სცენამდე“. მოკლედ რომ ვთქვათ,, „აკადემია სახელოსნო 42“ ადამიანებს სთავაზობს შესაძლებლობას როგორც პიროვნული, ისე პროფესიული რეალიზაციის ახალი გზების საპოვნელად. სტუმარი: მანანა კაზაკოვა - "აკადემია სახელოსნო 42", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მალე მანჰეტენის გულში ახალი ქართული - კოშერული რესტორანი გაიხსნება. მისი დამფუძნებელი ქართველი ემიგრანტი მაია აქვავივაა - ქალი, რომელმაც ამერიკაში ჩასვლის შემდეგ კარდინალურად შეცვალა ცხოვრება: წარმატებული პლასტიკური ქირურგიდან რესტორატორებამდე გზა გაიარა და 2013 წელს ნიუ-იორკში თავისი პირველი ქართული რესტორანი Oda House გახსნა. სწორედ აქედან დაიწყო ახალი ეპოქა ოკეანის მიღმა ქართული კულინარიისთვის სტუმარი: მაია აქვავივა - ODA HOUSE, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რაჭაში, იქ სადაც ვაზი და ტრადიცია განსაკუთრებულ სიმდიდრეს ქმნის, უკვე წლებია თავის ისტორიას გასტროტურისტული სივრცე „ჭრებალოს მარანი“ – ადგილი, რომელიც წლების განმავლობაში რეგიონის ერთ-ერთ სავიზიტო ბარათადაც იქცა. სხვათა შორის, ობიექტი რამდენიმეა თვეა გაფართოვდა კიდეც და სტუმრებს განახლებულ გარემოში მასპინძლობს. აქვე იმასაც გეტყვით, რომ „ჭრებალოს მარანი“ აწარმოებს 7 სახეობის ღვინოსა და ჭაჭას, რაჭა-ლეჩხუმისთვის დამახასიათებელი ადგილობრივი ჯიშებით, რომელიც ადგილობრივის მიღმა ფეხს უკვე გლობალურ ბაზარზეც იკიდებს. სტუმრები: სალომე ლეკიშვილი - „ჭრებალოს მარანი“, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქუთაისიდან სულ რაღაც 30 კილომეტრის მოშორებით, ბაღდათის რაიონის სოფელ მეორე ობჩაში ღვინის გზა ჩხეიძეების მარნამდე მიგიყვანთ. ეს არის ადგილი, სადაც ოჯახური ტრადიცია და ახალი ხედვა ერთიანდება და ინდუსტრიაში ნიშას სწორედ ამ კორელაციით იკავებს. მემკვიდრეობა მომავალ თაობებს სიმონ ჩხეიძემ დაუტოვა, რომელიც თავისი დროის ერთ-ერთ გამორჩეულ მეღვინედ ითვლებოდა და დასავლეთ საქართველოს არაერთ ღვინის ქარხანას მთავარი ტექნოლოგიც იყო. დღეს, ამ გზას მისი შვილიშვილი ნინი ჩხეიძე აგრძელებს, რომელმაც ღვინის სიყვარული პროფესიად აქცია, საფუძვლიანად შეისწავლა მევენახეობა-მეღვინეობა, შექმნა სიმონიკას მარანი და ღვინის უზარმაზარ სამყაროში თავისი ისტორიის წერა დაიწყო. სტუმრები: ნინი ჩხეიძე - ჩხეიძეების მარანი „სიმონიკა“, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მარიამ გურგენიშვილი არის პირველი ქართველი გემის მექანიკოსი, რომელმაც რთულ და საპასუხისმგებლო პროფესიულ სამყაროში საკუთარი უნარები გამოვლინა და ლურჯი ეკონომიკის წიაღში, საკუთარი წარმატების ისტორიაც დაწერა. როგორ დაიწყო მისი გზა საზღვაო სფეროში და რა სირთულეები და თუ მიღწევები დაფარა პროფეისულმა მოგზაურობამ? სტუმარი: მარიამ გურგენიშვილი - გემის მექანიკოსი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„არასამთავრობო ორგანიზაცია „ნაბიჯ-ნაბიჯი“ უკვე 22 წელია აქტიურად მუშაობს შეზღუდული შესაძლებლობის მქონე ბავშვების, მოზარდების და მათი ოჯახების მხარდაჭერაზე. ორგანიზაციის მთავარი მიზანია მათ ცხოვრების ხარისხის გაუმჯობესება, ფიზიკური და ფსიქო-სოციალური რეაბილიტაცია, საზოგადოებაში სრულფასოვანი ინტეგრაცია. სტუმარი: ნინო გულუა - "ნაბიჯ-ნაბიჯ", აღმასრულებელი დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გზა "ილინეს" რაჭული ლობიანიდან - რაჭულ თავგადასავლებამდე სტუმარი: ნინო კერესელიძე - "ილინე", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
26 სექტემბერს ბელგიაში გაიმართა ქალთა გლობალური აგრიტექ სამიტი - ფორუმი, რომელმაც მსოფლიოს ლიდერები, ინოვატორები და ქალი მეწარმეები გააერთიანა. ღონისძიებაზე ექვს ნომინაციაში დაჯილდოვდნენ გამორჩეული ქალები, აქედან ორი პრიზი საქართველოსკენ გამოემართა. ვინ და რა მიღწევებისთვის დაიმსახურა ეს ჯილდო, ასევე როგორია ფართო სურათში აგრიტექტის მიმართულებით ჩვენი ქვეყნის განვითარების დინამიკა? სტუმარი: თამთა მამულაიძე - “საქართველოს ფერმერთა ასოციაციის” აგრიტექისა და ინოვაციების დეპარტამენტის ხელმძღვანელი. #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ახალი ქართული წამოწყება, რომელიც ადამიანებს ეხმარება მარტივად, სახლიდან გაუსვლელად აარჩიონ და მიიღონ სპეციალურად მცენარის ფესვთა სისტემისთვის შერჩეულ ნიადაგში გადარგული მცენარეები. საუბარია ბლუმერსზე, კომპანიაზე, რომელიც სივრცეებს შეიძლება ითქვას, რომ ახალ, გამწვანებულ სიცოცხლეს სძენს. კომპანია მომხმარებელს - მცენარეების და ქოთნების შერჩევას, პროფესიონალი მებაღის სერვისს და სხვა საჭირო მომსახურებას სთავაზობს. სტუმარი: ანუკა ფოლადიშვილი - Bloomers.ge, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
my corner.ge-მ აკადემია დააარსა, რომელიც უძრავი ქონებით დაინტერესებულ ადამიანებზეა გათვლილი. ეს არის აკადემია, რომელიც დაკომპლექტებულია სხვადასხვა სფეროს წამყვანი ექსპერტებისგან, სადაც სტუდენტებს შესაძლებლობა ეძლევათ დაეუფლონ მაღალანაზღაურებად პროფესიას და გახდნენ უძრავი ქონების მოთხოვნადი გაყიდვების ექსპერტები. შეგახსენებთ, რომ my corners ge - ექსკლუზიური უძრავი ქონების თანამედროვე და სანდო პლატფორმაა, სადაც განთავსებული ყველა უძრავი ქონება - გადამოწმებულია. მოკლედ აქ მომხმარებლის კომფორტი მთავარი პრიორიტეტია. სტუმარი: თამუნა წოწორია - Mycorner.ge - დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მეტაბოლური სინდრომი დღეს ერთ-ერთ ყველაზე სერიოზულ ჯანდაცვის პრობლემად ითვლება გლობალურად. იგი გულისხმობს რამდენიმე რისკფაქტორის — მათ შორის, მუცლის არეში ცხიმის დაგროვების, ინსულინის რეზისტენტობის, მაღალი არტერიული წნევის და ქოლესტერინის დონის მატების — ერთდროულად არსებობას, რაც მნიშვნელოვნად ზრდის გულ-სისხლძარღვთა დაავადებებისა და ტიპი 2 შაქრიანი დიაბეტის განვითარების რისკს. ცხოვრების არაჯანსაღი სტილი, არასწორი კვება და ფიზიკური აქტივობის ნაკლებობა მნიშვნელოვნად უწყობს ხელს ამ სინდრომის გავრცელებას. რადგან მეტაბოლური სინდრომი ხშირად უსიმპტომოდ მიმდინარეობს, მისი დროული დიაგნოსტიკა და პრევენცია განსაკუთრებით მნიშვნელოვანია. სტუმარი: თამარ კუპრეიშვილი - ენდოკრინოლოგი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Healo ფსიქოთერაპიის ციფრული პლატფორმაა, რომელიც ტრადიციულ ფსიქოთერაპიულ მომსახურებას ცვლის. ის მომხმარებელს აძლევს საშუალებას ონლაინ მიიღოს ლიცენზირებული ფსიქოთერაპევტების კონსულტაცია მსოფლიოს ნებისმიერი წერტილიდან და კავშირი ჰქონდეთ AI თერაპევტთან, რომელიც მომხმარებელს სხვადასხვა გარემოებაში გაუწევს თერაპიულ მომსახურებას. სხვათა შორის პლატფორმა ჰილო - საქართველოს ინოვაციების და ტექნოლოგიების სააგენტოს 150 000 ლარიანი თანადაფინანსების გრანტების პროგრამის მეთოთხმეტე რაუნდის ერთ-ერთი გამარჯვებულია. სტუმარი: ანა ონიანი - Healo-ს თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
უნდა გაგაცნოთ ქართული რესტორანი გობი, რომელიც ნიდერლანდებში, კერძოდ როტერდამში ოპერირებს. როგორც დამფუძნებელი ამბობს ეს არია პირველი ქართული რესტორანი როტერდამში, რომელსაც ადაპტირებული რეცეპტი არ აქვს და ჯონჯოლი ჰოლანდიურ აივანზე იზრდება — “გობია”,ადგილი, სადაც ქართული სამზარეულო ავთენტურად რჩება, ევროპის გულშიც კი სტუმარი: ანი მაჭარაშვილი - ქართული რესტორანი "გობი", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სხვადასხვა ღონისძიების დაგეგმვისას, იქნება ეს ქორწილი, დაბადების დღე თუ სხვა - ერთ-ერთი ყველაზე მნიშვნელოვანი ფაქტორი სანდო და პროფესიონალი ადამიანები არიან, ისინი ვინც ყველა პროცესს სასიამოვნო გამოცდილებად აქცევენ. იდეა ივენთ ჯგუფი ასე ჰქვია კომპანიას, რომელიც ნებისმიერი ღონისძიების ორგანიზებას საკუთარ თავზე იღებს და მომხმარებელს სერვისის სრულს სპექტრს სთავაზობს. კომპანიას შეუძლია დაგიზოგოთ დრო, ენერგია და ბიუჯეტი, ამასთან თქვენს გემოვნებასა და სურვილებზე მაქსიმალურად მორგებული ღონისძიება შექმნას. სტუმარი: ელენე ჩხიკვაძე - "იდეა ივენთ ჯგუფი", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ehotelspace - პლატფორმა, რომელიც მცირე და საშუალო ზომის სასტუმროებს გაყიდვების გაციფრულებაში ეხმარება. ბიზნესმოდელი მუდმივ თანამშრომლობაზეა აწყობილი და პლატფორმა სასტუმროებს ციფრულ მეგობრებად მოიაზრებს. რა შედეგები აქვს - ehotelspace-ს და როგორ გამოიყურება სამუშაო პროცესი? სტუმარი: დაჯი ლიპარტელიანი - Ehotelspace თანადამფუძნებელი & CEO #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Air Balloon Tbilis მომხმარებელს საჰაერო ბურთით გასეირნებას სთავაზობს. ატრაქცია როგორც ტურისტებისთვის, ასევე ადგილობრივებისთვის თანაბრად მოთხოვნადია და რაც მთავარია არ გააჩნია სეზონურობა, ერთადერთი რაც პროცესს აფერხებს ძლიერი ქარია, სხვა შემთხვევაში გამოცდილება ერთნაირად სასიამოვნოა. ზაფხულის ტურისტული სეზონიდან გამომდინარე Air Balloon Tbilis-ზეც იზრდება მოთხოვნა, როგორი იყო ამ მხრივ 2025 წლის ზაფხული? სტუმარი: მეა კაპანაძე - Air Balloon Tbilisi, დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ღონისძიებების ორგანიზებაზე მოთხოვნა წლიდან წლამდე იზრდება და ეს ტენდენცია არც სამომავლოდ შენელდება. განსაკუთრებით იმ ფონზე, როცა წლებთან ერთად მომხმარებლის ცნობიერება იზრდება, შესაბამისად, მოთხოვნები კიდევ უფრო მრავალფეროვანია. ღონისძიებების, განსაკუთრებით კი ქორწილის ორგანიზების პროცესში ერთ-ერთი ყველაზე მნიშვნელოვანი ფაქტორი პროფესიონალი ადამიანების ჩართულობაა, რომლებმაც ზუსტად იციან, როგორ უპასუხონ მომხმარებლის თითოეულ საჭიროებას. სწორედ ერთ-ერთ ასეთზე- Laka wedding-ზე გიყვებით, რომელსაც ბაზარზე ოპერირების 11 წლიანი გამოცდილება და ანგარიშზე ალბათ ათასობით ქორწილის ორგანიზება აქვს. კომპანია განვითარებას არ წყვეტს და ამჯერად მომხმარებელს ახალ საავტორო პროგრამას Laka Ètiquette-ს სთავაზობს. ეს არის ეტიკეტის შესწავლის კურსი, რომელიც თავის მხრივ სხვადასხვა თემას ფარავს. სტუმარი: ლაკა წერეთელი - Laka wedding-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ეკოვინტაჟური სასტუმრო მელაანში ადგილობრივ თუ საერთაშორისო ვიზიტორებს საინტერესო გასტრონომიულ მასტერკლასებს, ისტორიული ადგილების მონახულებას, ასევე ბუნებაში გასვლით ტურებს სთავაზობენ და თავგადასავლების მრავალფეროვნებასაც ჰპირდებიან. რა მონაგარით დაასრულა სასტუმრომ ზაფხულის ტურისტული სეზონი და რა დატვირთულობით ხვდება კახეთში მოგზაურობისთვის არანაკლებ მიმზიდველ პერიოდს? სტუმარი: თეო თაბორიძე - "მელაანი", "მელაანური ჩაი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სამშენებლო სექტორი ქვეყანაში განვითარების სწრაფ დინამიკას აჩვენებს, თუმცა გამოწვევა რაც ამ პროცესს თან სდევს და სექტორში აქტიურად საუბრობენ, კვალიფიციური კადრების მზარდი დეფიციტია. სწორედ ამ გამოწვევაზე საპასუხოდ შეიქმნა სამშენებლო კოლეჯი „კონსტრუქტ2“ , რომელიც ორიენტირებულია პროფესიული განათლების გაძლიერებასა და იმ ტიპის სპეციალისტების მომზადებაზე, რომლებიც მზად იქნებიან თანამედროვე სამშენებლო პროექტებში სრულად და ბოლომდე ჩაერთონ. „კონსტრუქტ2“ არამარტო პროფესიულ მომზადებას სთავაზობს სტუდენტებს სამშენებლო მიმართულებით, არამედ მათთვის სპეციალური საგანმანათლებლო პროგრამების მიწოდებასაც უზრუნველყოფს. სტუმარი: თამარ ზაქარაშვილი - "კონსტრუქტ2"-ის დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ამბროლაურის რაიონის სოფელ ხოტევში მდებარე ტურისტული და გასტრონომიული სივრცე „კესანე არ დამივიწყომ უკვე მესამე ზაფხულის სეზონს უმასპინძლა და კვლავაც ადგილობრივ თუ საერთაშორისო ვიზიტორებს ტრადიციულ, ავთენტურ სამზარეულოსთან ერთად, ამ კუთხისთვის დამახასიათებელი სტუმარ-მასპინძლობა გაუზიარა. როგორი იყო რაჭის ზაფხულის სეზონი ჰორეკა ბიზნესისთვის და კონკრეტულად კესანე არ დამივიწყოს მაგალითზე, რა შედეგს ასახავს რიცხვები? სტუმარი: გვანცა ყრუაშვილი - “კესანე - არ დამივიწყოს” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოს დაუნის სინდრომის ასოციაციის ორგანიზებით, დღეს და ხვალ თვითადვოკატების კონფერენცია, სახელწოდებით „მოისმინეთ ჩვენი ხმა!“ და ასევე თვითადვოკატების პოდკასტების ჩვენება. ღონისძიებების მიზანია, გაძლიერდეს დაუნის სინდრომის მქონე ახალგაზრდების ხმა და ხელი შეეწყოს ინკლუზიური და თანასწორი საზოგადოების შექმნას. სტუმარი: ლია ტაბატაძე - "საქართველოს დაუნის სინდრომის ასოციაციის" თავმჯდომარე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოს კულტურულ კალენდარში ახალი და მნიშვნელოვანი მოვლენა ემატება, დედაქალაქი პირველად მასპინძლობს „პროფესიონალ და მოყვარულ მოცეკვავეთა საერთაშორისო ფესტივალს“, რომელიც 19 ოქტომბერს გაიმართება. ღონისძიების მიზანია საქართველოს როგორც კულტურული ტურიზმის მიმართულების პოპულარიზაცია და ქვეყნის საერთაშორისო იმიჯის კიდევ უფრო გაძლიერება. ფესტივალის ორგანიზატორია პროფესიონალი მოცეკვავე და პედაგოგი, მსოფლიო ცეკვის საბჭოს ლიცენზირებული საერთაშორისო კატეგორიის მსაჯი ლიზი მორია სტუმარი: ლიზი მორ - "მსოფლიო ცეკვის საბჭოს" ლიცენზირებული საერთაშორისო კატეგორიის მსაჯი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia