G style საქართველოს ბაზარზე დაახლოებით 17 წლიან ისტორიას აერთიანებს, ამ პერიოდის განმავლობაში კი მოახერხა, რომ ქართული ბაზარი და ქართველი მომხმარებელი ევროპული ბრენდების პროდუქციით გაენებივრებინა. კომპანიის ყოველი წელი სიახლეებით და გაფართოების გეგმებით არის დატვირთული და არც გასული წელი აღმოჩნდა გამონაკლისი. რა სიახლეები დაუგროვდა კომპანიას, როგორია ბაზარზე იმ ბრენდებზე მოთხოვნა, რომელსაც კომპანია G style სთავაზობს მომხმარებელს? სტუმარი: სალომე ბოჭორიშვილი - G style-ის თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როდესაც ფორბსი ელექტრონული ფოსტით დამიკავშირდა მეილს ყურადღება არ მივაქციე, რადგან სპამი მეგონა. რამდენიმე დღის შემდეგ ისინი კვლავ გამოვიდნენ კავშირზე. მაშინ რეალური არ მეჩვენებოდა მათი წინადადება იმასთან დაკავშირებით რომ ჩემი ავტობიოგრაფიის გამოქვეყნებით დაინტერესდნენ. მესიჯის გადამოწმების, ავთენტურობის დადგენის პროცესში მთელი აიტიპროფესიონალები ჩავრთე - ასე აღწერს სიბიეს ჯგუფის ფინანსური დირექტორი - თამარ გახარია იმ მომენტს, როდესაც შეიტყო რომ Forbes Book -მა მსოფლიოს მასშტაბით რვა პროფესიონალს შორის, ავტობიოგრაფიის გამოცემისთვის შეარჩია. Forbes Books-მა, გამომცემლობამ რომელიც ცნობილია მსოფლიოში გამორჩეული ლიდერული ისტორიების პოპულარიზაციით, თამარ გახარიას ავტობიოგრაფია წიგნის სახით სულ რამდენიმე კვირის წინ გამოსცა. „The Blitz: საქართველოს შვილის აღმასვლა ფინანსური დირექტორის თანამდებობაზე პოსტსაბჭოთა ეპოქაში“ - ასე ჰქვია თამარ გახარიას ავტობიოგრაფიას, სადაც ავტორი აღწერს სოციალური ცვლილებებითა და პირადი გამოწვევებით აღსავსე რთულ გზას, რომელმაც ის პროფესიულ წინსვლამდე, მსხვილ ბიზნესში წარმატებამდე და საკუთარი თავის შეცნობამდე მიიყვანა. თამარ გახარია ამჟამად სიბიეს ჯგუფის ფინანსური დირექტორია, კომპანიის რომელიც ისეთ საკვანძო სექტორებს აერთიანებს - როგორებიცაა ენერგეტიკა, კომუნიკაციები, ტრანსპორტი, უძრავი ქონება, ახალი ტექნოლოგიები და სტარტაპები. ფინანსური დირექტორის რანგში თამარ გახარია ერთ-ერთ მთავარ როლს ასრულებს „სიბიეს ჯგუფის“ წარმატებაში, პოზიციაზე რომელიც 25 წლისამ დაიკავა. „ჩემი ისტორიის გაზიარებით მსურს შთავაგონო და გავაძლიერო სხვა ქალები და ლიდერები მთელს მსოფლიოში, რადგან დარწმუნდნენ, რომ ნებისმიერი დაბრკოლების გადალახვა შესაძლებელია“ - აღნიშნავს თამარ გახარია. სტუმარი: თამარ გახარია - CBS Group-ის ფინანსური დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყოველდღიური თუ სადღესასწაულო ჭურჭელი, სამზარეულო აქსესუარები, სხვადასხვა სასაჩუქრე ნივთები - ეს ყველაფერი კი ერთ სივრცეში, ამბიენტეში, კომპანიაში სადაც მთავარ აქცენტს ხარისხზე და გამორჩეულ პროდუქციაზე აკეთებენ. კომპანია უკვე 4 წელია ბაზარზე ოპერირებს და მომხმარებელს ძირითადად ევროპული ბრენდების ფართო ასორტიმენტს სთავაზობს. აქ არჩევანი ყველა ტიპის ადამიანის გემოვნებას ერგება. პრემიუმ კლასის ბრენდებთან ერთად სიახლეა ის, რომ ამბიენტეს სივრცეში უკვე მომხმარებლებს ქართული კომპანიების მიერ წარმოებული პროდუქციის კუთხეც დაგხვდებათ. სტუმარი: მაია გოგიაშვილი - “ამბიენტეს” თანადამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
15 მაისიდან 1 ივნისამდე 10 ქართველი დიზაინერის პროდუქცია ტოკიოში, ერთ-ერთ ყველაზე ცნობილ სავაჭრო ცენტრ - ARCO -ში გაიყიდება. ეს წარმატება - კი “ვიტრინის” პროექტია, სააგენტოსი, რომელიც საერთაშორისო მასშტაბით ქართველი დიზაინერების პოპულარიზაციაზე ზრუნავს და პროდუქციის ექსპორტზე გატანაში ეხმარება. ვიტრინი სულ ორი წელია რაც დაფუძნდა და მისი სერვისები იმ საჭიროებებს პასუხობს, რაც დღეს ქართველ დიზაინერებს აქვთ. მოდის სააგენტო ქართულ და არა მხოლოდ ქართულ კომპანიებს კვალიფიციურ საკონსულტაციო და საორგანიზაციო მომსახურებას უწევს, ამასთან ექსპორტზე ორიენტირებული კომპანიებისთვის სტრატეგიული გეგმის შემუშავებასაც უზრუნველყოფს. სტუმრები: მადო რომანაძე - VITRINE-ის დამფუძნებელი; გიორგი ჩემინავა - VITRINE-ის ბიზნეს პარტნიორი; #ახალიამბები #BusinessMediaGeorgia
“სათავგადასავლო რალი საქართველო” ავტორბოლაა, რომელიც 2019 წელს დაარსდა და ყოველი წლის ოქტომბერში იმართება. პროექტის პოპულარობა წლიდან წლამდე იზრდება. იდეის ავტორი და დამფუძნებელი ვერა მურღულიაა, რომელიც ავტომრბოლელი და რალების ორგანიზატორია საფრანგეთში. აუცილებლად უნდა ვთქვათ ისიც, რომ ის პირველი ქართველი ქალია, რომელმაც მაროკოს უდაბნოს Gazelle-ის ქალთა რალი რეიდში მიიღო მონაწილეობა და მაროკოს უდაბნოში საქართველოს დროშა ააფრიალა. როგორც გითხარით, 2019 წელს, მისი ინიციატივით საქართველოში პირველად ჩატარდა ქალთა სათავგადასავლო რალი და მას შემდეგ ყოველი წლის ოქტომბერში იმართება. სტუმარი: ვერა მურღულია - "სათავგადასავლო რალი", დამფუძნებელი, მრბოლელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“მოუარე” - პირველი ქართული შინაური ცხოველების მოვლის საშუალებების ბრენდი სტუმარი: უნა ქუთათელაძე - “მოუარე”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
იმერული სტუმარ-მასპინძლობა “თინას ეთნო მარანში” სტუმარი: თინა ტოროშელიძე - “თინას ეთნო მარნის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ხელნაკეთი კოსმეტიკური ბრენდი „კირკე“ - რა სირთულეების გადალახვა მოუწია ბრენდს ბაზარზე თავის დასამკვიდრებლად? ხელნაკეთი პროდუქტის სერთიფიცირება საქართველოში; ქართული პროდუქტის საექსპორტო პოტენციალი - რა გამოწვევების წინაშე დგას ქართული ბიზნესი? სტუმარი: ნანა თავხელიძე - "კირკე"-ს დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სააღდგომო სამზადისი დაწყებულია, მითუმეტეს მცირე და საშუალო ბიზნესისთვის განსაკუთრებით მნიშვნელოვანია შესაბამისი მზაობა. განსაკუთრებულად ემზადებიან საკონდიტრო საწარმოები. როგორია მოთხოვნა და მიმდინარე ფასები პასკაზე, როგორ ახერხებს ბიზნესი ხარისხის შენარჩუნებას გამოწვევების ფონზე, რომლებიც ბაზარზე არსებობს და როგორ ემზადებიან დღესასწაულისთვის? სტუმარი: თათა გაფრინდაშვილი - "ჩიზქეიქერის" პარტნიორი, საოპერაციო დირექტორი #ახალიამბები #BusinessMediaGeorgia
ანა აბესაძის თანაავტორობით ლონდონში მეორე წიგნი Authenticity and Action გამოიცა სტუმარი: ანა აბესაძე - წიგნი Authenticity and Action-ის თანაავტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქსტატის მონაცემებით, 2023 წელს ქვეყანაში 584 მილიონი ლიტრი რძე აწარმოეს, რაც წინა წლების მაჩვენებლის მსგავსია. ბოლო წლების შედეგები რიცხვებში აჩვენებს, რომ მოთხოვნის ზრდას ადგილობრივი წარმოება ვერ ეწევა და ბაზარზე ნედლი რძე დეფიციტურია. გავიხსენოთ გუშინდელი ინციდენტი, სურსათის ეროვნულმა სააგენტომ გვამცნო რომ სოფლის ნობათის რძის ნიმუშებში - აფლატოქსინი გამოვლინდა. ნივთიერება, რომელიც საფრთხეს უქმნის ადამიანის ჯანმრთელობას. მიღმა გამოწვევებისა ბაზარზე არაერთი ხარისხიანი პროდუქტის მწარმოებელი კომპანია ჩნდება - მათ შორის ერთ-ერთი ასეთი - შვანრეა. დაახლოებით 2 წელია ქვემო ქართლის რეგიონში კოოპერატივმა „დმანისი“ ნედლი რძის გადამმუშავებელი ახალი საწარმო აამუშავა. საწარმო სხვადასხვა სახეობის რძის პროდუქტს აწარმოებს, მათ შორის არის ყველის მრავალფეროვანი ასორტიმენტი, ეს ყველაფერი კი ადგილობრივ ბაზარზე „შვანრე“-ს სახელით იყიდება. როგორია კომპანიის შედეგები და როგორი იყო 2024? სტუმარი: ნონა ანსიანი - “შვანრეს” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რამდენიმე თვის წინ დაგიანონსეთ ბაზარზე ახალი საოჯახო რძის პროდუქტების საწარმოს შემოსვლა, რომელიც ხარისხიან პროდუქტს წალკაში ქმნის. საუბარია კომპანია მარიტაზე რომლის პროდუქცია აქამდე რესტორნებსა და სხვადასხვა საკვებ დაწესებულებაში იყიდებოდა, თუმცა ახლა უკვე ფართო მასშტაბებზე გავიდა და სხვადასხვა ქსელშია ხელმისაწვდომი. როგორ შეხვდა მომხმარებელი მარიტას და რა გეგმები აქვს კომპანიას? სტუმარი: ქეთი ბოლქვაძე - “მარიტა” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ხის ფიგურებისა და მცირე ზომის ავეჯის მწარმოებელ კომპანია - "ბამო" სამი ტიპის პროდუქტს ქმნის - არტ დეკორს, საბავშვო სათამაშოებს და მცირე ზომის ავეჯს. ბამო საოჯახო ბიზნესია, რომლის ისტორიაც პანდემიის პერიოდში - 2020 წელს იწყება და დღემდე წარმატებით გრძელდება. თითოეული პროდუქტი უნიკალურია და ინდივიდუალურ, “ბამოს” ხასიათს ატარებს. საოჯახო ბიზნესს არაერთი სიახლე აქვს - მათ შორის ბრენდული მაღაზია, რომელიც გასულ წელს გაიხსნა. სტუმარი: თეკა ჯამაკაშვილი - “ბამოს” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია "დინო" მომხმარებელს ბავშვის განვითარებაზე ორიენტირებულ ეკომეგობრულ ხის ავეჯსა და სათამაშოებს სთავაზობს. პროდუქციას ბავშვთა მოტორულ განვითარებაში თავისი წვლილი შეაქვს. ამ საქმის კეთების პროცესში - დინოს შემოქმედებმა ახალ მიმართულებას ჩაუყარეს საფუძველი და დინი აკადემიის შექმნა გადაწყვიტეს. "დინო აკადემია" - ეს არის შემოქმედებითი სივრცე, სადაც პატარა ხელები დიდ ოცნებებს ქმნიან! მოკლედ ადგილი სადაც ხელს უწყობენ ბავშვების მოტორულ და შემოქმედებითი უნარების განვითარებას. სტუმრები: ვივია გურგენიშვილი - “დინო აკადემიის” თანადამფუძნებელი მარიამ მაისურაძე - “დინო აკადემიის” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2 აპრილი აუტიზმის ცნობადობის გაზრდის მსოფლიო დღეა. ჯანდაცვის საერთაშორისო ორგანიზაციის ინფორმაციით, დღეს აუტიზმის გავრცელება მსოფლიოს მასშტაბით 1%-ია, თუმცა სხვადასხვა ქვეყნები ატარებენ კვლევას და მონაცემები ინდივიდუალურ სურათს იძლევა. აქვე გეტყვით, რომ საქართველოში ორი წლის წინ დასრულდა კვლევა, რომელშიც 16 000-ზე მეტი ბავშვი მონაწილეობდა - ჩატარდა სკრინინგი, დიაგნოსტიკური ანალიზი და დაფიქსირებულმა სიხშირემ 4% შეადგინა. აუტიზმის ცნობადობის გაზრდის მსოფლიო დღესთან დაკავშირებით ბავშვთა და მოზარდთა რეაბილიტაციის ცენტრი „ფაზლი“ აუტიზმის ცნობადობისა და ადრეული დიაგნოსტირების მნიშვნელობის კამპანიას იწყებს. საინფორმაციო სამუშაო შეხვედრები პედიატრებისა და ოჯახის ექიმებისთვის უკვე გაიმართა, თუმცა აქტივობები მომდევნო კვირაშიც იგეგმება. მთავარი საკითხი, რომელზედაც ცენტ - ფაზლის სპეციალისტები ყურადღებას გაამახვილებენ - ბავშვთა ადრეულ ასაკში აუტიზმის დიაგნოსტირების მნიშვნელობა და რეფერალის პროცესებია. რას გეგმავს ბავშვთა და მოზარდთა რეაბილიტაციის ცენტრი „ფაზლი“? სტუმარი: ქეთევან ტალახაძე - ბავშვთა და მოზარდთა რეაბილიტაციის ცენტრი „ფაზლი“, კლინიკური დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
IT აკადემია STEP-ის ინიციატივით და მხარდაჭერით, 10 აპრილს, 17:00სთ-ზე, IT აკადემია STEP-ის სივრცეში, ღონისძიება HR & Tech გაიმართება. სპიკერები ტექნოლოგიებში HR მენეჯერებისთვის სასარგებლო და საჭირო ცოდნას და გამოცდილებას გააზიარებენ. აქვე გეტყვით, რომ IT აკადემია სტეპი საერთაშორისო ტრანსფორმაციული განათლების უდიდესი ცენტრია, IT - ინფორმაციული ტექნოლოგიების დარგში. სტუმარი: მაკა მახათაძე - IT აკადემია STEP-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქალების ნარატივის ეთერით ხშირად გიყვებით ხოლმე კომპანია re:school-ის პროექტებზე, რომელიც ყოველ ჯერზე უფრო და უფრო მასშტაბური და საამაყოა. იქამდე სანამ re:school-ის მთავარ სიახლეს გაგიზიარებთ, შეგახსენებთ, რომ re:school არაფორმალური განათლების სივრცეა, სადაც 9დან 15 წლამდე მოზარდები ციფრულ ტექნოლოგიებს სწავლობენ და თანამედროვე შრომის ბაზრისთვის მოთხოვნად უნარ ჩვევებს გამოიმუშავებენ. ამასთან ერთად, კომპანია სოციალურ-კორპორატიული პასუხისმგებლობის ფარგლებში არაერთი პროექტის ავტორია. მათ შორის re:school ანგარიშზეა - მსჯავრდებული ქალებისთვის UI/UX დიზაინის კურსი, არასრულწლოვანი მსჯავრდებულებისთვის ვებ დეველოპმენტის კურსი, ვებ პროგრამირება ოკუპირებულ გალში მცხოვრები ახალგაზრდებისთვის, მოკლედ ჩამონათვალი ვრცელია, რაც ყველაზე მთავარია თითოეული ამ პროექტის მიზანი - განათლების ხელმისაწვდომობის ზრდაა. რაც შეეხება ბოლო სიახლეს, ახლა ნიქოზსა და ძეგვში მცხოვრები ახალგაზრდების ჯერია, სადაც re:school განათლების უნიკალურ შესაძლებლობას შექმნის. რა პროექტზეა საუბარი? სტუმარი: სალომე მგელაძე - re:school-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახლახან საქართველოში ახალმა კომპანიამ დაიწყო ოპერირება, რომლის მთავარი მიზანი ქართული მოდის ბრენდების და პროდუქციის პოპულარიზაციაა. საუბარია - ქართულ მოდის სივრცეზე, კონცეპტუალურ მაღაზიაზე, რომელიც ერთ ლოკაციაზე ქართული ბრენდების მრავალფეროვან არჩევანს აერთიანებს. მულტიბრენდულ სივრცეში ნაცნობ თუ უცნობ ბრენდებს აღმოაჩენთ, რომელთა უკან ქართველი დიზაინერები დგანან. სტუმარი: ციცი გოგინაშვილი - “ქართული მოდის სივრცე”, დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
✈️ „ტოპ ტური“ - როგორი იყო 2024 წელი ტურისტული კომპანიისთვის?
გასული წლის მიწურულს წიგნის გამომცემელთა და გამავრცელებელთა ასოციაციის ხელმძღვანელობამ წევრებთან შეუთანხმებლად ორგანიზაციის უცხოური გავლენის აგენტების რეესტრში დარეგისტრირება გადაწყვიტა, რასაც ცხადია მოჰყვა გამომცემლობების პასუხი, 25-მა მათგანმა პროტესტის ნიშნად ასოციაცია დატოვა, თუმცა ცხადია გაგრძელდა საქმიანი გზა. საერთო იდეოლოგიითა და ხედვით გაერთიანებულმა სფეროს პროფესიონალებმა სულ რაღაც ერთი თვის წინ საქართველოს წიგნის ასოციაცია შექმნეს და პარალელურად დააფუძნეს ახალი ფესტივალი - თბილისის წიგნის ბაზრობა, რომელიც სტარტს 10 აპრილს, ექსპო ჯორჯიას საგამოფენო სივრცეში აიღებს. სტუმარი: გვანცა ჯობავა - "ინტელექტის" საერთაშორისო ურთიერთობების ხელმძღვანელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ტურიზმისა და სტუმარ-მასპინძლობის ამბები სამეგრელოდან, ბალდის მთებიდან, სადაც 2014 წლიდან ადგილობრივ თუ საერთაშორისო მოგზაურებს ჯერ საოჯახო სასტუმრო “ბალდა” მასპინძლობდა, 2022 წელს კი მას ფერმა და აგროკაფე დაემატა და ახლა ეს ყველაფერი , ერთი ბრენდის “ტობა - ეკო სოფელის” ქვეშ არის წარმოდგენილი. სტუმრები: ირინა ბართია - “ტობა - ეკო სოფელი", დამფუძნებელი აზა ნაჭყებია - “ბალდა” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ტრადიციულად წელსაც, 23 მარტს ქალ აუდიტორთა და იურისტთა ასოციაციისა და საქართველოს ადვოკატები დამოუკიდებელი პროფესიისათვის პარტნიორობის მეწარმეთა ყოველწლიური სიმპოზიუმი ჩატარდება, ეს კი მეწარმეებს საშუალებას მისცემს საკონსულტაციო მომსახურება, სხვადასხვა მიმართულებით სრულიად უსასყიდლოდ მიიღონ. ღონისძიება ქალთა ნამუშევრების გამოფენა-გაყიდვასაც დაეთმობა. სტუმრები: თეა ადუაშვილი - “საქართველოს ქალ აუდიტორთა და იურისტთა ასოციაცია” თავმჯდომარე; ნინო ლიპარტია - “საქართველოს ადვოკატები დამოუკიდებელი პროფესიისათვის” თავმჯდომარე; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სითი მოლის პრემიუმ სივრცეში გამორჩეულ კომპანიას, კონცეპტუალურ მაღაზიას შეხვდებით, რომელიც ისეთ საერთაშორისო ბრენდებს აერთიანებს, როგორიც არის განი, ვივიენ ვესტვუდი, და ბევრი სხვა. საუბარია - Sense Concept Storeზე, რომელიც 2021 წლის მარტიდან ოპერირებს ბაზარზე. 4 წლის თავზე - დღეს კომპანიის გამორჩეულ სივრცეში, ქალისა და მამაკაცის, ბავშვის ტანისამოსი, აქსესუარები, სახლის დეკორი ერთიანდება. აქ ყველაფერია იმისთვის, რომ განსხვავებული გემოვნების მქონე ადამიანების მოთხოვნები დააკმაყოფილონ და მათ ყოველ სეზონზე განახლებული კოლექციები შესთავაზონ. სტუმარი: ნუცა საბანაძე - Sense Concept Store, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მსგავსად სხვა სექტორებისა, ესთეტიკურ მედიცინაზეც აისახა მიმდინარე მოვლენები და ამას ადასტურებენ დარგის წარმომადგენლები, რომლებიც ამბობენ, რომ მომართვიანობა დეკემბერი-იანვრის პერიოდში მკვეთრად იყო შემცირებული. აღსანიშნავია ისიც, რომ ესთეტიკურ მედიცინას რეგულაცია სჭირდება, რაზეც სექტორმა ჯანდაცვის სამინისტროსთან მოლაპარაკებები ჯერ კიდევ გასულ წლის ოქტომბერში დაიწყო და ამ დრომდე გრძელდება. ქვეყანაში განვითარებული მოვლენების გამო კი ქმედითი ნაბიჯები ჯერ არ გადადგმულა. რა ვითარებაა ამ და სხვა მიმართულებით სექტორში? სტუმარი: ბაია კონდრატიევა - ესთეტიკური მედიცინის საერთაშორისო ასოციაცია GAIA-ს თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სილამაზის ინდუსტრიის მიმართ მოთხოვნა წლიდან წლამდე მზარდია და პროპორციულად ბაზარზე ახალი კომპანიები ჩნდებიან, რომლებიც მომხმარებელს სილამაზის სფეროსთან დაკავშირებით არაერთ სერვისს სთავაზობენ. სალონების, ესთეტიკური ცენტრების განვითარების პროცესს გამოწვევებიც ახლავს, მათ შორის მდგრადობის შენარჩუნება, რათა ბიზნესი დიდი კონკურენციის პირობებში დახურვის საფრთხის წინაშე არ აღმოჩნდეს. ასეთ დროს კი მნიშვნელოვანია კრიზის მენეჯერის არსებობა. დღევანდელ ეთერში - სილამაზის ინდუსტრიის სფეროს წარმომადგენელი ასვე კრიზის მენეჯერი უნდა გაგაცნოთ, რომელიც სტარტაპებისთვის, ობიექტებისთვის ატარებს სემინარებს, რათა კომპანიამ გაითვალისწინოს ყველა რისკი და სწორად მართოს ბიზნესი. სტუმარი: მარიანა ნორაკიძე - სილამაზის ინდუსტრიის სფეროს წარმომადგენელი, კრიზის მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტურისტული კომპანია “One Above Georgia”-ს სახელით საქართველოს ინდოელი მოცეკვავე და ინფლუენსერი მოან შაკტი ეწვევა, რომელიც ერთი კვირის განმავლობაში საქართველოს სხვადასხვა მხარეს ეწვევა, დააგემოვნებს ქართულ კერძებს, შეეცდება ქართული ცეკვის სწავლას, საბოლოოდ კი საქართველოს შესახებ 20 წუთიან ფილმს მოამზადებს. აქვე გეტყვით, რომ ინდოელი ტურისტების მხრიდან საქართველოში მოგზაურობაზე მოთხოვნა გაზრდილია რაც სტატისტიკაშიც აისახება. სტუმრები: შაქტი მოჰან - ინფლუენსერი, მოცეკვავე ანა კირკიტაძე - One Above Georgia, დირექტორი სინქრონულ თარგმანს უზრუნველყოფს NG GEORGIA #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ცხელი სეზონის მოახლოებასთან ერთად აქტუალური გახდა მოგზაურობასთან დაკავშირებული საკითხები. აქვე ახლოვდება ჩვენი ქვეყნის ტურისტული სექტორისთვის ერთ-ერთი ყველაზე მნიშვნელოვანი - ზაფხულის სეზონი. აქვე გასათვალისწინებელია რომ ქართული ტურისტული ბიზნესი ძირითადად აზიურ ბაზრებზე გადაეწყო. დღეს მოთხოვნა სწორედ აზიური ბაზრებიდან, ჩინეთიდან, ინდოეთიდან და საუდის არაბეთიდან მოდის, რადგან როგორც ტურისტული კომპანიების ნაწილი აცხადებს, ევროპის ბაზარი ფაქტობრივად დახურულია და შექმნილი გაურკვევლობის გამო ევროპელი ტურისტი საქართველოში იშვიათად ჩამოდის. მოკლედ, რა ხდება როგორც გამყვანი ისე შემომყვანი ტურიზმის მიმართულებით, როგორი სეზონი ახლოვდება? სტუმარი: თამარ ჩხიკვაძე - “თრიფზი”, “ჰოთ თრეველ გრუპი” დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველო, რომ ღვინის ერთ-ერთი გამორჩეული მწარმოებელია ამაზე ვთანხმდებით და ამას უპირველესად ადასტურებს ისტორია, რომელიც ჩვენს ქვეყანას ღვინის მწარმოებელთა მსოფლიო რუკაზე ნიშნავს. იზრდება და ვითარდება ინდუსტრია, ამ განვითარების მთავარი კონტრიბუტორები კი ის მწარმოებლები არიან რომლებიც დღეს საქართველოში - საქართველოსთვის და არა მარტო ადგილობრივი ბაზრისთვის ხარისხიან ღვინოს ქმნიან. დარწმუნებით შეგვიძლია ვთქვათ, რომ ბოლო წლების განმავლობაში არაერთი საინტერესო და ხარისხზე ორიენტირებული ღვინის მწარმოებელი კომპანია გაჩნდა, რომლებიც განვითარების უწყვეტ პროცესში არიან. ასეთებს შორის ერთ-ერთი “ღვინის კომპანია 91-ია”. 91 - ანუ – თავისუფალი საქართველოს იდეით შთაგონებული ღვინის ახალი ბრენდი. სტუმარი: თამარ მარკოზაშვილი - “ღვინის კომპანია 91”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
"კას გრუპ ჰოლდინგი" საქართველოს ბაზარზე 2016 წელს შემოვიდა და მას შემდეგ კომპანიის მიერ განხორციელებული ინვესტიცია 200 მილიონ ლარს აჭარბებს. კომპანიის ერთ-ერთი ყველაზე პოპულარული პროექტი წალკის კანიონზე განხორციელებული კას ლენდია, რომელიც სასტუმროს - kass diamond hotel-ს, ვილაჰაუსებს, შუშის ხიდს აერთიანებს. შეიძლება ითქვას, რომ კას გრუპმა დაშბაშის კანიონზე ტურისტული მარგალიტი შექმნა. სტუმარი: ეკატერინე თოდრია - “კას გრუპ ჰოლდინგი” , გენერალური დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
MIRO Pharma – 28 წლიანი გამოცდილებით შექმნილი ფარმაცევტული კომპანია სტუმარი: ნარგიზ მაჰმუდოვა - MIRO Pharma-ს დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სალომე ბერაია PEGAS Touristik Azerbaijan-საც უხელმძღვანელებს; PEGAS Touristik Azerbaijan - რა გეგმები დაუსახა კომპანიას სალომე ბერაიამ? როგორი იყო 2024 წელი PEGAS Touristik Georgia-სთვის? 2025 წლის ყველაზე პოპულარული ტურისტული მიმართულებები; სტუმარი: სალომე ბერაია - PEGAS Touristik Georgia-ს გენერალური დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ონკოლოგიური პაციენტებისთვის დიაგნოსტიკურ კვლევებსა და მკურნალობაზე სრული და თანაბარი ხელმისაწვდომობის, ასევე მკურნალობის შედეგებსა და მონაცემების მონიტორინგის უზრუნველყოფა საყოველთაო ჯანდაცვის ფარგლებში ! - ამ მოთხოვნით ონკოპაციენტებმა და მათმა ახლობლებმა პეტიცია შეადგინეს, რომელსაც უკვე 4 000-მდე ხელმომწერი ჰყავს. როგორია დღეს ონკოპაციენტების მდგომარეობა საქართველოში და რა საჭიროებებმა უბიძგა მათ პეტიციის შექმნისკენ? სტუმარი: ანა მაზანიშვილი - „ევროპა დონა საქართველოს“ პრეზიდენტი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia