თანამედროვე მომხმარებლის ქცევა იცვლება - სულ უფრო მეტი ადამიანი ამბობს უარს დამატებულ შაქარსა თუ ხელოვნურ კონსერვანტებზე და არჩევანს ჯანსაღ, 100%-ით ნატურალურ პროდუქტზე აკეთებს. ეს გლობალური ტენდენცია ქართულ ბაზარზეც მკაფიოდ აისახება. ამის ნათელი მაგალითია ჩირისა და ტყლაპის მწარმოებელი კომპანია „პომონა“, რომელიც მცხეთის რაიონში, სოფელ მუხრანში უკვე 4 წელია წარმატებით ოპერირებს. კომპანიის გაყიდვები ყოველწლიურად საშუალოდ 20-30%-ით იზრდება, რაც სწორედ ჯანსაღი ალტერნატივების მიმართ მზარდ მოთხოვნას უკავშირდება. როგორ არჩევენ საუკეთესო ხილს საწარმოებლად, რა ტექნოლოგიით აშრობენ ჩირს ისე, რომ მასში ვიტამინები შენარჩუნდეს და რა გეგმები აქვს კომპანიას გაფართოების კუთხით? სტუმარი: მარიამ ტატიშვილი - "პომონა" დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული კულტურის საერთაშორისო მასშტაბით წარმოჩენა და მხარდაჭერა წარმოუდგენელია ძლიერი კერძო სექტორისა და პასუხისმგებლიანი ბიზნესის გარეშე. დღეს კომპანიების სოციალური როლი მხოლოდ ფინანსურ სპონსორობას აღარ გულისხმობს, ეს არის ღირებულებითი არჩევანი, რომელიც ქვეყნის იდენტობის გაძლიერებას ემსახურება. ამის საუკეთესო მაგალითია დეველოპერული პროექტი თბილისის აკრები, რომელიც Emolas Corporation-ის მთავარ მხარდამჭერად გვევლინება. კომპანია მიიჩნევს, რომ სრულყოფილი საცხოვრებელი გარემოს შექმნა კულტურული და საზოგადოებრივი ცხოვრების განვითარების გარეშე შეუძლებელია. სტუმარი: ირინა ძიძიკაშვილი - თბილისის აკრების გაყიდვების ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ნებისმიერი ქვეყნის ეკონომიკური და პოლიტიკური სიძლიერე პირდაპირ კავშირშია მის კულტურულ დიპლომატიასთან. ეროვნული იდენტობის საერთაშორისო არენაზე სწორად პოზიციონირება და კულტურის ექსპორტი უმნიშვნელოვანესი სტრატეგიული ამოცანაა. ამერიკის შეერთებულ შტატებსა და საქართველოს შორის კულტურული ხიდის მშენებლობას კომპანია Emolas Corporation წლებია წარმატებით უზრუნველყოფს. კომპანიამ 2026-2027 წლების გრანდიოზული სახელოვნებო კალენდარი დააანონსა, რომელიც ისეთ ისტორიულ სივრცეებში, როგორებიცაა Carnegie Hall და Lincoln Center, ქართველი არტისტების მასშტაბურ გამოსვლებს აერთიანებს. თუმცა კომპანიის ამბიციები ამით არ სრულდება - სულ ახლახან ცნობილი გახდა, რომ 2027 წლის ბოლოდან Emolas Corporation ევროპის ლეგენდარული სცენების გავლით მოახდენს ქართული კულტურის ექსპორტს ამერიკამდე. სტუმარი: სალომე ლილუაშვილი-პარქსი - Emolas Corporation-ის დამფუძნებელი და ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დედაქალაქიდან რეგიონში გადასვლა და იქ საკუთარი საქმის დაწყება ბევრისთვის მხოლოდ იდეად რჩება, თუმცა ჩვენმა შემდეგმა სტუმარმა ეს იდეა რეალობად აქცია. 2025 წლის ივნისიდან ქალაქ ონის ცენტრში, რაჭაში, რეგიონის პირველმა Specialty ყავის კაფემ - „ონუკამ“ დაიწყო ოპერირება. ობიექტი თბილისიდან რაჭაში საცხოვრებლად გადასულმა გვანცა რეხვიაშვილმა მეუღლესთან ერთად გახსნა. სტარტაპის შექმნის მთავარი მოტივი რეგიონში შესაბამისი სერვისისა და სოციალური სივრცის დეფიციტი გახდა - ახალგაზრდებს, ადგილობრივებსა და სტუმრებს სჭირდებოდათ ადგილი მშვიდი შეკრებისთვის. „ონუკა“ 100%-ით დამფუძნებლების პირადი კაპიტალით, გრანტების გარეშე გაიხსნა. კაფეს მთავარი კონცეფცია პრემიუმ ხარისხის ნედლეულია - ყავა ადგილობრივად, საქართველოში იხალება, ხოლო ჩაი პირდაპირ ჩინეთიდან და ადგილობრივი მწარმოებლებიდან შემოდის. მიუხედავად პრემიუმ ხარისხისა, ფასები რეგიონის მოსახლეობის, მათ შორის სტუდენტების მსყიდველუნარიანობაზეა მორგებული. რა გეგმების აქვს ონუკას რაჭაში? სტუმარი: გვანცა რეხვიაშვილი - "ონუკა", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ნებისმიერი ბიზნესის წარმატების მთავარი საზომი მომხმარებლის კმაყოფილებაა. საქართველოში, სადაც მასპინძლობის ტრადიციით ვამაყობთ, მომსახურების სფეროში ხარისხისა და პროფესიონალიზმის სტანდარტები ხშირად გამოწვევად რჩება. სწორედ ამ გამოწვევის საპასუხოდ შეიქმნა IPA Academy - პლატფორმა, რომელიც მომავალ პროფესიონალებს სერვისის, ეტიკეტისა და პროტოკოლის მიმართულებით ამზადებს. აკადემია აერთიანებს საუკეთესო ტრენერებს, რეალური დასაქმების პარტნიორებსა და სტანდარტს, რომელიც ბაზარზე განსხვავებას ქმნის. ამასთან, კომპანიამ საკუთარი საქმიანობის არეალი გააფართოვა და ღონისძიებების ორგანიზების მიმართულებაც დაიმატა. რა არის დღეს ქართულ მომსახურების სფეროში ყველაზე სუსტი წერტილი, როგორ ასწავლიან თანამედროვე ეტიკეტს მოზარდებსა და ზრდასრულებს? სტუმარი: ანი ტოლიაშვილი - IPA Academy, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტურიზმი და სტუმარმასპინძლობა დიდი ხანია გასცდა მხოლოდ ღამის გასათევი სივრცის შეთავაზებას და დღეს მომხმარებელი უპირველესად ემოციასა და უნიკალურ გამოცდილებას ეძებს. სწორედ ამ ფილოსოფიაზე აშენდა Central Hotel-ი, ადგილი, სადაც ტრადიციული სტუმართმოყვარეობა დახვეწილ, დასამახსოვრებელ გამოცდილებად გარდაიქმნება. მაღალი კლასის სერვისი, ინდივიდუალური მიდგომა თითოეული სტუმრის მიმართ და ესთეტიკაზე ორიენტირებული კონცეფცია სასტუმროს ბაზარზე გამორჩეულ ნიშას უმკვიდრებს. თუ როგორ იმართება ბუტიკური სტილის სასტუმრო, რა საოპერაციო სირთულეები ახლავს პრემიუმ ხარისხის შენარჩუნებას და როგორ ხდება სტუმრის ლოიალობის მოპოვება? სტუმარი: თეკლა მებურიშვილი - Central Hotel, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოს ტურიზმის ინდუსტრიაში იმერეთის რეგიონი სულ უფრო მნიშვნელოვან ადგილს იკავებს. საქსტატის 2026 წლის ოფიციალური მონაცემებით, პირველ კვარტალში იმერეთი შიდა ტურიზმის კუთხით ქვეყანაში მე-2 ადგილზე გავიდა და თვიურად საშუალოდ 322.4 ათასი ვიზიტი დააფიქსირა. ამასთან, ქუთაისის საერთაშორისო აეროპორტის აქტივობის ფონზე, ქვეყანაში შემოსული უცხოელი ვიზიტორების 8-დან 11%-მდე სწორედ იმერეთს სტუმრობს. მზარდი ტურისტული ნაკადები მასპინძლობის სექტორისგან ინფრასტრუქტურის განვითარებასა და სერვისების დახვეწას მუდმივად მოითხოვს. ამ გამოწვევებსა და შესაძლებლობებს ბაზარზე წარმატებით პასუხობს კომპანია 7 Doors-ი და Boutique Apartment - Signature, რომელიც რეგიონში მაღალი კლასის განთავსების ობიექტებს მართავს. როგორია ბაზარზე არსებული დინამიკა და ბიზნესის განვითარების სტრატეგია? სტუმარი: ქრისტინე მესხაძე - 7 Doors, Boutique Apartment - Signature, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
განათლების ინდუსტრია გლობალურად მნიშვნელოვან ცვლილებებს განიცდის, რისი მთავარი მიზეზიც, ცხადია, ტექნოლოგიები და ხელოვნური ინტელექტია. პერსონალიზებული სწავლება, რომელიც აქამდე ფუფუნებად ითვლებოდა, ედტექ პლატფორმების დახმარებით სულ უფრო ხელმისაწვდომი ხდება. ამ გლობალურ კონკურენციაში საკუთარი, ამბიციური სიტყვის თქმას ქართული სტარტაპი Intutor-ი გეგმავს. ხელოვნურ ინტელექტზე დაფუძნებული პლატფორმა მოსწავლეებს ინდივიდუალურ საჭიროებებზე მორგებულ სასწავლო პროცესს სთავაზობს და მსოფლიო ბაზრის ათვისებას ისახავს მიზნად. როგორ მუშაობს ეს ინოვაცია, რა საინვესტიციო პოტენციალი აქვს მას და რა სირთულეებთან არის დაკავშირებული საქართველოდან გლობალური ედტექ პროდუქტის შექმნა? სტუმრები: ნიკა მეტრეველი - Intutor, თანადამფუძნებელი საბა ასლამაზიშვილი - Intutor, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საზღვარგარეთ ხარისხიანი განათლების მიღება ბევრი ახალგაზრდის თუ უკვე შემდგარი პროფესიონალის მთავარი მიზანია. თუმცა, მსოფლიოს წამყვან უნივერსიტეტებში ჩარიცხვის პროცესი, სააპლიკაციო დოკუმენტაციის მომზადება და სტიპენდიების მოძიება საკმაოდ რთულ და სტრესულ გზასთან არის დაკავშირებული. სწორედ ამ ბარიერების დაძლევაში, სწორი სტრატეგიის შემუშავებასა და კარიერულ დაგეგმარებაში ეხმარება აპლიკანტებს საკონსულტაციო კომპანია „ედვიზიო“. კომპანია მომხმარებელს სრულყოფილ, საგანმანათლებლო და სანავიგაციო მომსახურებას სთავაზობს, დაწყებული უნივერსიტეტის შერჩევიდან, სავიზო მხარდაჭერით დასრულებული. სტუმარი: ნინი მარეხაშვილი - edvizio, დამფუძნებელი და დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სწორედ ამ მიზანს ემსახურება „პროფესიონალ და მოყვარულ მოცეკვავეთა საერთაშორისო ფესტივალი“, რომელსაც საქართველოს დედაქალაქი უკვე მეორედ მასპინძლობს. ღონისძიება, რომელიც 14-დან 18 ოქტომბრის ჩათვლით გაიმართება, მიზნად ისახავს საქართველოს კულტურული ტურიზმის პოტენციალის პოპულარიზაციას მსოფლიო მასშტაბით და ქვეყანაში საერთაშორისო ვიზიტორების მოზიდვას. ამ მასშტაბური პროექტის უკან დგას ჩვენი შემდეგი სტუმარი - პროფესიონალი მოცეკვავე, პედაგოგი და, რაც მთავარია, „მსოფლიო ცეკვის საბჭოს“ ლიცენზირებული საერთაშორისო კატეგორიის მსაჯი, ლიზი მორ. რა დატვირთვა აქვს ამ ფესტივალს საქართველოსთვის, როგორია სპორტული ცეკვების ინდუსტრიის ბიზნეს-პოტენციალი და რა სირთულეებთან არის დაკავშირებული საერთაშორისო დონის ღონისძიების ორგანიზება? სტუმარი: ლიზი მორ - "მსოფლიო ცეკვის საბჭოს" ლიცენზირებული საერთაშორისო კატეგორიის მსაჯი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
დიზაინის საერთაშორისო ინდუსტრიაში თავის დამკვიდრება ურთულესი, თუმცა ძალიან საინტერესო გზაა. დღეს მსოფლიოს წამყვან დიზაინ-სტუდიებში სულ უფრო ხშირად ისმის ქართული სახელები. ნატალი შურღაია ახალგაზრდა ქართველ-ბრიტანელი დიზაინერია, რომელიც სწორედ იმ პროფესიონალთა ტალღას მიეკუთვნება, რომლებიც საკუთარ უნიკალურ ხელწერას გლობალურ დონეზე ამკვიდრებენ. ამჟამად ნატალი ლონდონში, ცნობილ Peter Mikic Studio-ში საერთაშორისო დონის პროექტებზე მუშაობს. ეს სტუდია, რომელიც მოდის სფეროდან მოსული ლეგენდარული პიტერ მიკიჩის მიერაა დაარსებული, House & Garden-ის მსოფლიო ტოპ-ასეულებში მოწინავე ადგილს იკავებს და მისი პორტფოლიო ულტრა-ლუქს კლასის კერძო რეზიდენციებსა და იახტებს აერთიანებს. საერთაშორისო პროექტების პარალელურად, ნატალი ავეჯისა და ექსკლუზიური ობიექტების საკუთარ ხაზს ავითარებს, სადაც მთავარი მიზანი მასალების საშუალებით ამბის მოყოლა და ქართული შემოქმედებითი ტრადიციის გლობალურ ასპარეზზე გატანაა. სტუმარი: ნატალი შურღაია - დიზაინერი სინქრონულ თარგმანს უზრუნველყოფს სათარჯიმნო კომპანია Translation Company NG Georgia #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სექტემბერი ახალი სასწავლო წლის დაწყებასთან, ახალ მიზნებსა და პროფესიულ გამოწვევებთან ასოცირდება. დიზაინის ინდუსტრია დღეს ერთ-ერთი ყველაზე დინამიკური და სწრაფად მზარდი სფეროა, რომელიც არა მხოლოდ ვიზუალურ ესთეტიკას, არამედ ბიზნესის განვითარებასა და სოციალური პრობლემების მოგვარებას ემსახურება. ქართულ ბაზარზე ამ მიმართულებით უმნიშვნელოვანეს როლს თამაშობს „დიზაინ ინსტიტუტი“, რომელიც მესამე საოპერაციო წლის დასასრულს უახლოვდება. ინსტიტუტი არა მხოლოდ თანამედროვე საგანმანათლებლო პროგრამებს სთავაზობს სტუდენტებს, არამედ აქტიურად არის ჩართული საზოგადოებრივ და ბიზნეს ინიციატივებში - მაგალითად, 8-10 ოქტომბერს „სოციალური დიზაინის დღეებს“ მასპინძლობს და პარალელურად, რეგიონული ბიზნესების მხარდაჭერის პროექტებს ახორციელებს. რა პოზიტიურ ცვლილებებს მიაღწია ინსტიტუტმა გასული 3 წლის განმავლობაში, რა სიახლეებით ხვდება ახალ სეზონს და რას გულისხმობს რეგიონული ბიზნესების გაძლიერების პროექტი? სტუმარი: ნინო ეგაძე - "დიზაინ ინსტიტუტის" დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რამდენიმე დღის წინ, ბათუმმა კრეატიული ინდუსტრიის ყველაზე მასშტაბურ საერთაშორისო ფესტივალს - Ad Black Sea 2026-ს უმასპინძლა. წლევანდელი გამოშვება განსაკუთრებული იყო, რადგან ფესტივალმა დაარსებიდან 10 წლის იუბილე აღნიშნა. ათი წლის განმავლობაში Ad Black Sea რეგიონის მთავარ პროფესიულ პლატფორმად ჩამოყალიბდა, რომელმაც ჯამში 40-ზე მეტი ქვეყნიდან მოწვეულ 290 ჟიურის წევრს, 283 სპიკერსა და 7000-ზე მეტ დელეგატს უმასპინძლა. წლევანდელი ფესტივალის კონცეფცია „ON THE EDGE - Festival of Creative Resistance“ გახლდათ. განსაკუთრებით საამაყოა, რომ წლევანდელი გრან-პრის მფლობელები ქართული სააგენტოები - Playmakers და Windfor’s Tbilisi გახდნენ. ამასთან, უკვე მეორე წელია, გამარჯვებული პროექტები The One Club Global Creative Rankings-ში აისახება, რაც ჩვენს კრეატივს გლობალურ რუკაზე ათავსებს. როგორ ჩაიარა საიუბილეო ფესტივალმა, როგორია საკონკურსო ნამუშევრების ხარისხი და რა ტენდენციები იკვეთება კრეატიულ ინდუსტრიაში? სტუმარი: სოფო კეჩხოშვილი - კრეატივის საერთაშორისო ფესტივალის Ad Black Sea-ის საკონკურსო პროგრამების დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როდესაც ბაზარზე იმპორტირებული, ხშირად უფრო იაფი პროდუქცია ჭარბობს, ადგილობრივი მწარმოებლებისთვის ხარისხის შენარჩუნება და სტაბილური განვითარება კრიტიკულად მნიშვნელოვანია. თანამედროვე ტექნოლოგიების დანერგვა, ლოგისტიკური ჯაჭვის სწორი მართვა და მომხმარებლის ნდობის მოპოვება ის მთავარი ფაქტორებია, რომლებიც კომპანიის გრძელვადიან წარმატებას განაპირობებს. სწორედ ინდუსტრიაში შეტანილი წვლილისა და წარმოების მაღალი სტანდარტებისთვის, კომპანია „არია“ ფერმერის დღეზე სპეციალური ჯილდოთი აღიარეს. რა სტრატეგიით პოზიციონირებს ბრენდი კონკურენტულ გარემოში და როგორ მართავს გაფართოების პროცესს? სტუმარი: ანა გამგებელი - “არია”, წარმოების დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რძის პროდუქტების წარმოება ქართულ აგროსექტორში ერთ-ერთი ყველაზე შრომატევადი და რთულად პროგნოზირებადი მიმართულებაა. ფერმერული მეურნეობის მართვა, სანიტარიული ნორმების უმაღლეს დონეზე დაცვა და მომხმარებლისთვის აბსოლუტურად ნატურალური პროდუქტის მიწოდება სერიოზულ ფინანსურ და ფიზიკურ რესურსს ითხოვს. ამ სფეროში თავისი ნიშა წარმატებით დაიმკვიდრა „კაჭრეთის ყველმა“, რომელიც მასობრივი ინდუსტრიისგან განსხვავებით, აქცენტს ტრადიციულ და ეკოლოგიურ წარმოებაზე აკეთებს. როგორია მერძევე ფერმერის ყოველდღიურობა და რა ეკონომიკურ ბარიერებს აწყდება საოჯახო მეურნეობა დღეს? სტუმარი: მარიამ გამცემლიძე - მერძევე, ფერმერი “კაჭრეთის ყველის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული აგროსექტორისთვის რძის პროდუქტების ბაზარი სერიოზული გამოწვევების წინაშე დგას. 2026 წლის იანვარ-აგვისტოს მონაცემებით, საქართველოდან ყველისა და ხაჭოს ექსპორტი 37%-ით შემცირდა და 832 ათასი დოლარი შეადგინა. მოცულობრივად ეს მხოლოდ 74.8 ტონაა. მთავარ საექსპორტო ბაზრებად კვლავ აშშ, აზერბაიჯანი და კანადა რჩება. ექსპორტის კლების პარალელურად, ქვეყანაში იმპორტი 12.3%-ით გაიზარდა და 29.2 მილიონ დოლარს მიაღწია, სადაც მთავარი მომწოდებლები გერმანია, თურქეთი და რუსეთი არიან. ამას ემატება ის ფაქტიც, რომ ბოლო 5 წლის განმავლობაში რძის პროდუქტებიდან ყველაზე მეტად სწორედ ყველი გაძვირდა. ასეთი რთული მაკროეკონომიკური სურათისა და იმპორტირებული პროდუქციის მოძალების ფონზე, ადგილობრივი წარმოების განვითარება და ბაზარზე თავის დამკვიდრება უდიდეს ძალისხმევას მოითხოვს. სწორედ ამ გამოწვევებს პასუხობს ბრენდი „შვანრე“, რომელიც ტრადიციულ სვანურ კულინარიულ მემკვიდრეობას ავთენტურ და კომერციულად მიმზიდველ პროდუქტად აქცევს. სტუმარი: ნონა ანსიანი - “შვანრე”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ტექნოლოგიური სტარტაპი Tasteit გლობალური მასშტაბირების სრულიად ახალ ეტაპზე გადადის. კომპანია აშშ-ის ერთ-ერთ ყველაზე პრესტიჟულ აქსელერაციის პროგრამაში - Techstars-ში მოხვდა და 220 000 აშშ დოლარის ინვესტიცია მოიპოვა. ხაზგასასმელია, რომ Techstars-ი ყოველწლიურად ათიათასობით განაცხადიდან მხოლოდ საუკეთესო 1%-ს არჩევს. სწორედ ამ აქსელერატორიდან დაიწყეს გლობალური წარმატების გზა ისეთმა გიგანტებმა, როგორიც, მაგალითად, Uber-ია. Tasteit-ის გუნდი მომდევნო თვეების განმავლობაში კოლორადოს შტატში, ბოლდერში, Techstars-ის სათავო ოფისიდან იმუშავებს. შეგახსენებთ, რომ Tasteit არის სოციალური ქსელი, რომელიც ადამიანებს საჭმლის გარშემო აერთიანებს. პლატფორმას უკვე 100 000-მდე აქტიური მომხმარებელი ჰყავს საქართველოში, აშშ-სა და გერმანიაში. რას ნიშნავს ეს წარმატება ქართული ეკოსისტემისთვის, რა წვდომას ხსნის Techstars-ი გლობალურ ვენჩურულ ფონდებზე და როგორია Tasteit-ის გეგმები ამერიკულ ბაზარზე? სტუმარი: თეო გონგლაძე - Tasteit-ის თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტექნოლოგიური პროგრესის კვალდაკვალ, მენეჯმენტში გაციფრულების პროცესი სულ უფრო ჩქარდება. ბიზნესპროცესების ავტომატიზაცია დღეს უკვე ფუფუნება კი არა, კომპანიების გადარჩენისა და განვითარების მთავარი წინაპირობაა. ნინო ფეიქრიშვილს ბიზნესსექტორში, კერძოდ კი HR-ის მიმართულებით მმართველ პოზიციებზე მუშაობის მრავალწლიანი გამოცდილება აქვს. წლების განმავლობაში ის მუდმივად ეძებდა ბიზნესპროცესების გაციფრულების შესაძლებლობებს და საბოლოოდ, საკუთარი ინიციატივით შექმნა ტექნოლოგიური სტარტაპი Self.ge - უნივერსალური სისტემა, რომელიც სრულად მორგებულია ქართული ბიზნესის რეალობას. Self.ge კომპანიებს სთავაზობს სრულად ციფრულ HR-მართვის სისტემას. მისი მთავარი უპირატესობა Self-სერვისია, სადაც თითოეული თანამშრომელი უშუალოდ არის ჩართული საკუთარი ადმინისტრაციული პროცესების მართვაში. როგორ დაიწყო დამოუკიდებელი ბიზნესი კრიზისულ პერიოდში საკუთარი ფინანსებით, როგორ მოიპოვა ნდობა ისეთმა მსხვილმა ბრენდებმა, როგორებიცაა Wendy's, ACCOR, "ევროპროდუქტი" და რა საინტერესო სიახლესა თუ რებრენდინგს აანონსებს სტარტაპი დღეს? სტუმარი: ნინო ფეიქრიშვილი - self.ge, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიგრაცია და უცხო ქვეყანაში კარიერის ნულიდან დაწყება უდიდეს სირთულეებთან არის დაკავშირებული. გერმანიაში მცხოვრები ქართველი ქალების პროფესიული განვითარების, გაძლიერებისა და საზოგადოებრივი ინტეგრაციის მიზნით შეიქმნა არასამთავრობო ორგანიზაცია MY GEORGIA Women. პლატფორმა მიგრანტ ქალებს მენტორინგით, ნეთვორქინგითა და პრაქტიკული ტრენინგებით ეხმარება, რათა გერმანიის კონკურენტულ შრომის ბაზარზე საკუთარი პოტენციალის რეალიზება შეძლონ. ორგანიზაციის დამფუძნებელი ლელა გრისბახია, რომლის პირადი ისტორიაც გერმანიაში 22 წლის ასაკში Au-pair-ად ჩასვლიდან ეკონომიკის დოქტორის ხარისხის მიღებამდე უდიდეს მოტივაციას ატარებს. სტუმარი: ლელა გრისბახი - MY GEORGIA Women, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიმდინარე წლის მე-2 კვარტალში საქართველოში საშუალო თვიური ნომინალური ხელფასი 8%-ით გაიზარდა. საქსტატის უახლესი მონაცემებით, ეს მაჩვენებელი წინა წლის შესაბამის პერიოდთან შედარებით 177 ლარით მეტია და 2389 ლარს შეადგენს. საშემოსავლო გადასახადის გამოკლებით, რეალური საშუალო ხელფასი 1911 ლარს უტოლდება. საინტერესოა თავად დათვლის სპეციფიკა, უწყება 16000-მდე საწარმოს სახელფასო ფონდს აანალიზებს, რაც ძირითად ანაზღაურებასთან ერთად პრემიებსა და დანამატებსაც მოიცავს. სტატისტიკურად, ყველაზე მაღალი შემოსავალი 4400 ლარი ინფორმაციისა და კომუნიკაციის სექტორში ფიქსირდება, მას 4074 ლარით საფინანსო საქმიანობა, 3496.6 ლარით მშენებლობა, ხოლო 3304.8 ლარით პროფესიული და სამეცნიერო სფერო მოსდევს. რამდენად ზუსტად ასახავს ეს ოფიციალური ციფრები ბაზარზე არსებულ რეალურ სურათს და როგორ იცვლება ანაზღაურების პოლიტიკა? სტუმარი: ინგა შახბაზიანი - hr.ge-ის ვებ განყოფილების გაყიდვების დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სექტემბერი ახალი სასწავლო წლის დაწყებასთან, ახალ მიზნებსა და აკადემიურ გეგმებთან ასოცირდება. საერთაშორისო განათლების მიღება და საზღვარგარეთ სწავლის გაგრძელება სულ უფრო მეტი ქართველი მოსწავლისა და მათი მშობლის მთავარი პრიორიტეტი ხდება. თუმცა, როგორ შევარჩიოთ სწორი სასწავლო პროგრამა, როგორ მოვიპოვოთ დაფინანსება და რა ეტაპები უნდა გაიაროს მოზარდმა ამერიკულ თუ ევროპულ საგანმანათლებლო სივრცეში მოსახვედრად? სწორედ ამ შესაძლებლობებს სთავაზობს ახალგაზრდებს „ამერიკული აკადემია“, რომელიც ფილიალებით წარმოდგენილია ბათუმსა და ქუთაისში, ასევე სრულფასოვნად ოპერირებს ონლაინ სივრცეშიც. აკადემია ახალ სასწავლო სეზონს მრავალფეროვანი სიახლეებით იწყებს, თუ რა შესაძლებლობებს უხსნის აკადემია ბავშვებსა და მოზარდებს და რა რჩევები უნდა გაითვალისწინონ მშობლებმა? სტუმარი: ნათია სირაბიძე - განათლების კონსულტანტი, „ამერიკული აკადემიის” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ინტერნეტი დღეს ბავშვებისთვის მეორე სახლია, თუმცა, სამწუხაროდ, ის ხშირად სავსეა ისეთი საფრთხეებით, როგორიცაა კიბერბულინგი, შეუსაბამო შინაარსის კონტენტი, მუქარა თუ ნარკოტიკების შეთავაზება. მშობლების უმეტესობა ამის შესახებ გვიან ან საერთოდ ვერ იგებს. ბაზარზე არსებული ტრადიციული გამოსავალი ე.წ. „ჯაშუშური აპლიკაციები“ იყო - მშობელი კითხულობდა შვილის ყველა შეტყობინებას და აკონტროლებდა თითოეულ ნაბიჯს. თუმცა, ნდობის დარღვევა და საკუთარი შვილის ზედამხედველად ქცევა ბევრი მშობლისთვის, ფსიქოლოგიური კუთხით, მიუღებელია. სწორედ ამ პრობლემის საპასუხოდ, საქართველოში შეიქმნა Protejo (პროტეგო) - ინოვაციური აპლიკაცია, რომელიც დაფუძნებულია ხელოვნურ ინტელექტზე. მისი მთავარი დაპირებაა: „უსაფრთხოება თვალთვალის გარეშე“. აპლიკაცია მშობლის მაგივრად აანალიზებს მიმოწერას და სიგნალს მხოლოდ მაშინ რთავს, როდესაც რეალური საფრთხე ფიქსირდება. Protejo ამოიცნობს 8 ენას, მათ შორის სლენგებსა და ემოჯებს და უზრუნველყოფს მედიაფაილების ავტომატურ წაშლას 48 საათში. რატომ გადაწყვიტეს თავად მშობლებმა ამ პროდუქტის შექმნა და როგორ ცვლის Protejo ბავშვთა ონლაინ უსაფრთხოების სტანდარტს? სტუმარი: თამარ კალანდარიშვილი - Protejo, ბრენდის მთავარი ოფიცერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კრეატიული ეკონომიკა და თანამედროვე ხელოვნება საზოგადოებრივი დიალოგის ერთ-ერთი ყველაზე მძლავრი ინსტრუმენტია. 19-დან 30 სექტემბრის ჩათვლით, მზიურის პარკში საერთაშორისო თანამედროვე ხელოვნების ფესტივალი იმართება, რითაც „კუბის“ ახალი სეზონი იხსნება. „არტისტერიუმის“ პროგრამა „სივრცე, რომელიც ყველასია“ იკვლევს, თუ როგორ უმკლავდება საზოგადოება ინდივიდუალურ თუ კოლექტიურ კრიზისებს ცვლილებების ეპოქაში. ფესტივალის კონცეფცია განსაკუთრებულია იმით, რომ მონაწილე 7 მხატვარს აკადემიური სახელოვნებო განათლება არ აქვს, რაც პირდაპირ ამტკიცებს, რომ შემოქმედებითი თვითგამოხატვა პროფესიული სტატუსით არ შემოიფარგლება. სტუმარი: ანუკა ლომიძე - "კუბი კონტექსტში", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული მეღვინეობის სექტორი, განსაკუთრებით კი მცირე მარნები, რთული საკანონმდებლო და ფინანსური ცვლილებების წინაშე აღმოჩნდნენ. ამოქმედებული რეგულაციებით, მცირე ზომის მარნის წლიური წარმადობის მაქსიმალური ზღვარი 40 000-დან 25 000 ლიტრამდე მცირდება. ამასთან, სამეწარმეო ვენახის გაშენება ღვინის ეროვნული სააგენტოს ნებართვას ექვემდებარება, ხოლო სერტიფიცირებული სასმელებისთვის 10-თეთრიანი სავალდებულო ნიშანდება წესდება. კერძო სექტორის ნაწილი მიიჩნევს, რომ გამკაცრებული დეგუსტაცია და ბიუროკრატიული წნეხი ქართული ღვინის თვითღირებულებას ხელოვნურად და არაგონივრულად ზრდის. სტუმარი: ქეთო ნინიძე - საოჯახო მარანი „ოდა“, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში, როგორც ღვინის სამშობლოში, ინდუსტრიის სწრაფი ზრდის პარალელურად, პროფესიულ განათლებაზე მოთხოვნაც იზრდება. რის საპასუხოდაც, ბაზარზე გაჩნდა საგანმანათლებლო ჰაბი „ოენოსი“, რომელმაც მოკლე დროში შეძლო სომელიეს ხელოვნებისა და ღვინის შემეცნების გარშემო სრულიად ახალი ეკოსისტემის ფორმირება. პლატფორმა მეწარმეებს, სფეროს ენთუზიასტებსა და ინდუსტრიის პროფესიონალებს თანამედროვე საგანმანათლებლო სტანდარტების გარშემო აერთიანებს. თუ რა კომერციული და აკადემიური პოტენციალი აქვს ამ პროექტს? სტუმრები: თინათინ ჯაჯანიძე - საგანმანათლებლო ჰაბი " ოენოს " დამფუძნებელი, ღვინის ექსპერტი მარიამ ხომასურიძე - “ოენოს” თანადამფუძნებელი, საქართველოს ტექნიკური უნივერსიტეტის პროფესორი, ენოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სასკოლო ფორმების ირგვლივ მიმდინარე დისკუსიაში, ეკონომიკური და ბიზნეს ინტერესების მიღმა, ყველაზე მთავარი ფაქტორი, უშუალოდ მოსწავლეების ინტერესი ხშირად იკარგება. სექტემბერი და სასწავლო პროცესის დაწყება ბავშვებისთვის ისედაც დიდ სტრესთან და ახალ გარემოსთან ადაპტაციასთან ასოცირდება. ერთიანი სტანდარტის სამოსი კი ამ პროცესში მნიშვნელოვან როლს თამაშობს. არის თუ არა უნიფორმა სოციალური თანასწორობის გარანტი, თუ პირიქით, ის მოზარდის ინდივიდუალიზმს ზღუდავს, როგორ უნდა დაეხმარონ მშობლები ბავშვებს ამ გარდამავალ ეტაპზე. სტუმარი: ნატა ასათიანი - ფსიქოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თუ ერთის მხრივ მცირე ატელიეები გაზრდილ შეკვეთებს უმკლავდებიან, მეორეს მხრივ მსხვილი ადგილობრივი მწარმოებლები სახელმწიფოს პოლიტიკის მიღმა აღმოჩნდნენ. 45-მილიონიანი კონტრაქტი, რომელიც ქვეყნის ეკონომიკაში უნდა დარჩენილიყო და ასობით სამუშაო ადგილი შეექმნა, სრულად ჩინურ კომპანიაზე გაიცა. ქართული ტექსტილის სექტორის წარმომადგენლები, რომლებსაც უნიფორმების კერვის მრავალწლიანი გამოცდილება აქვთ, აცხადებენ, რომ მათ ამ შესყიდვის შესახებ ინფორმაციაც კი არ ჰქონდათ. რატომ არ მიეცა ქართულ ბიზნესს ამ მასშტაბურ პროექტში ჩართვის შესაძლებლობა და რა ეკონომიკურ დანაკარგთან გვაქვს საქმე? სტუმარი: ნატალია ჩხეიძე - “უნისტილი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მიმდინარე სასწავლო წლისთვის სასკოლო ფორმების საკითხი საზოგადოებისა და ბიზნეს სექტორის მთავარ განსახილველ თემად იქცა. სახელმწიფო პოლიტიკის მიხედვით, მოსწავლეებისთვის უნიფორმები ჩინეთში იკერება. განათლების სამინისტრომ 45-მილიონიანი კონტრაქტი პირდაპირი წესით, ტენდერის გარეშე, ახალდაფუძნებულ ჩინურ კომპანია „გლორი ტექსტილ ინდასტრის” გაუფორმა. ოფიციალური მონაცემებით, კომპანიამ 1 801 000 ერთეული სასკოლო ფორმა უნდა დაამზადოს, რაც იმას ნიშნავს, რომ 1 კომპლექტის თვითღირებულება უხეში გათვლებით 75 ლარს შეადგენს. მიუხედავად იმისა, რომ სოციალურად დაუცველი ოჯახებისთვის, რომელთა სარეიტინგო ქულა 60 000-ზე ნაკლებია, ფორმები უფასოა, მშობლების დიდ ნაწილს მისი შეძენა დაახლოებით 100 ლარად უწევს. ამ მოცემულობის ფონზე, ბაზარზე საინტერესო ტენდენცია გამოიკვეთა. მშობლების ნაწილი მზა ფორმის შეძენას ადგილობრივ ატელიეებში ინდივიდუალურ შეკერვას ამჯობინებს. რა გამოწვევების წინაშე დადგა მცირე ბიზნესი ამ გაზრდილი მოთხოვნის პირობებში? სტუმარი: ნინო გიორგაძე - “ლიდერი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გლობალური პანდემიის დასრულების შემდეგ, ტურიზმის სექტორი აღდგენის ფაზაში გადავიდა, თუმცა სვანეთის მაგალითზე ვხედავთ, რომ 2019 წლის ნიშნულზე დაბრუნება მაინც რთული აღმოჩნდა. ლოგისტიკური ბარიერები, შეცვლილი ტურისტული ქცევა და რეგიონული კონკურენცია ბიზნესისგან ახალ სტრატეგიებს მოითხოვს. ამ გამოწვევების ფონზე, პრემიუმ სეგმენტზე ორიენტირებული ობიექტები, როგორიცაა „ვილა ჩელო“, ცდილობენ ბიზნეს მოდელის ადაპტირებას და მომხმარებლისთვის უმაღლესი ხარისხის სერვისის მიწოდებას. როგორია ბაზარზე არსებული დინამიკა და რა არის სექტორის აღდგენის შემაფერხებელი ფაქტორები? სტუმარი: თათია თეთრაშვილი - "ვილა ჩელოს" დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სვანეთი, თავისი უნიკალური ბუნებითა და კულტურული მემკვიდრეობით, საქართველოს ტურისტულ რუკაზე ერთ-ერთ ყველაზე მიმზიდველ ლოკაციად რჩება. ზაფხულის სეზონზე მესტია განსაკუთრებით დატვირთულია, თუმცა ბაზარზე არსებული მაღალი კონკურენცია სასტუმროებისგან მუდმივ განვითარებასა და სერვისის გაუმჯობესებას მოითხოვს. ბიზნესის სწორი პოზიციონირებითა და მომხმარებლის ინტერესებზე მორგებული სტრატეგიით, „ანას სასტუმრომ“ ბაზარზე თავისი ნიშა წარმატებით დაიმკვიდრა. როგორია მიმდინარე წლის ტურისტული ნაკადები და რა მოლოდინები აქვს კერძო სექტორს? სტუმარი: ანა გირგვლიანი - „ანას სასტუმროს“ დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
შემოდგომა კახეთისთვის წლის ყველაზე დატვირთული და ემოციური პერიოდია. რთველი არა მხოლოდ სოფლის მეურნეობის, არამედ ტურიზმის უმთავრესი მამოძრავებელია რეგიონისთვის. ველისციხეში მდებარეობს მცირე მეღვინეობა „ქარსელაძეების მარანი“. როგორ ემზადებიან მცირე მარნები რთველისთვის, რა გამოწვევების წინაშე დგანან ისინი კლიმატური ცვლილებებისა თუ ინფრასტრუქტურული სამუშაოების ფონზე და როგორ აერთიანებენ მეღვინეობასა და ტურიზმს? სტუმარი: სალომე მათიაშვილი - “ქარსელაძეების მარანი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როგორია ქართული ღვინის გლობალურ პოზიციონირება - ღვინის ბრენდი „91“-ის უახლესი ხაზი - THE NOW თანამედროვე ქართული ღვინის სახეს აჩვენებს. მწვანე, ევროპული წესით დაყენებული რქაწითელი და მათი ნაზავი - ეს არის ტრადიციისა და თანამედროვეობის იდეალური ბალანსი. როგორ უნდა დავიმკვიდროთ თავი ევროპულ ბაზარზე და რატომ არის ქართული ღვინის მომავალი ნიშურ ექსკლუზიურობაში? სტუმარი: თამარ მარკოზაშვილი - “91”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მეღვინეობა საქართველოში ხშირად ოჯახური ტრადიციით იწყება, თუმცა ბიზნესად ქცევა სრულიად სხვა ძალისხმევას, ცოდნასა და ტექნოლოგიურ მხარდაჭერას მოითხოვს. რვა წლის წინ, გურიაში, ნოდარ ჩხარტიშვილმა და თათია გოგიბერიძემ ღვინის დაყენება მხოლოდ საკუთარი ოჯახისთვის დაიწყეს. ერთმა პატარა მარანმა მალევე მიიქცია ადგილობრივი ფესტივალების ყურადღება. დღეს „ნოდოს მეღვინეობა“ წელიწადში დაახლოებით 4000 ბოთლ ღვინოს აწარმოებს და რეგიონის ერთ-ერთ გამორჩეულ ტურისტულ ლოკაციას წარმოადგენს. სტუმარი: თათია გოგიბერიძე - “ნოდოს ღვინოს” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ივენთ მენეჯმენტი ერთ-ერთი ყველაზე დინამიკური, სტრესული და რთულად პროგნოზირებადი ბიზნესია, სადაც გრძელვადიანი წარმატების მიღწევა მხოლოდ უმაღლესი პროფესიონალიზმით მიიღწევა. კომპანია "Vanilla Events" ქართულ ბაზარზე ზუსტად 20 წელია ოპერირებს და ამ დროის განმავლობაში მათ პორტფელში 3500-ზე მეტი საერთაშორისო და სახელმწიფო ღონისძიება, კონფერენცია თუ კერძო მიღება დაგროვდა. უმწიკვლო რეპუტაციისა და დეტალებზე ორიენტირებული მუშაობის შედეგად, კომპანიამ გლობალური აღიარება მოიპოვა და მსოფლიოს საუკეთესო ივენთ კომპანიების 100-ეულში შევიდა. როგორ ახერხებს ბიზნესი კონცეფციის შემუშავებიდან შესრულებამდე ხარისხის უმაღლესი სტანდარტის შენარჩუნებას? სტუმარი: თიკო ნიჟარაძე - Vanilla Events, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
26 სექტემბერს თბილისში მსოფლიო მოდის ლეგენდა, ნაომი ქემბელი ჩამოდის. თუმცა ამჯერად ის სრულიად განსხვავებული ამპლუით წარდგება საზოგადოების წინაშე და ქართველი მსმენელისთვის დაუკრავს. ორგანიზატორების განმარტებით, ეს არა მხოლოდ კულტურული მოვლენა, არამედ დედაქალაქისთვის მნიშვნელოვან მარკეტინგულ და ეკონომიკურ განაცხადს წარმოადგენს. გლობალური ვარსკვლავის ვიზიტი ქვეყნის ცნობადობას პირდაპირ ზრდის და ტურისტულ ნაკადებს მნიშვნელოვნად ააქტიურებს. ასეთი მასშტაბის პროექტის უკან ყოველთვის რთული საორგანიზაციო და საკომუნიკაციო სტრატეგია დგას. თუ როგორ მოხერხდა სუპერმოდელის თბილისში მოწვევა და რა ბიზნეს მოლოდინები აქვთ ორგანიზატორებს? სტუმარი: საკო ინწკირველი - კომუნიკაციების მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ელექტრონული მუსიკისა და მაღალმთიანი კურორტების სინთეზი მსოფლიოში უკვე კარგად აპრობირებული, მაღალშემოსავლიანი ტურისტული მიმართულებაა. ამ ტრენდს საქართველოში ინოვაციური პროექტით კომპანია DALA EVENTS პასუხობს. სვანეთში, თეთნულდის სათხილამურო ტრასებზე, მათ სრულიად ახალი კონცეფციის სივრცე შექმნეს. დახურული კლუბებისა და ღამის ფორმატის ნაცვლად, ღონისძიება დღის შუქზე მიმდინარეობს და საბაგიროს გრაფიკთან სრულ სინქრონში მოდის. ქართული მითოლოგიით, კერძოდ ნადირთ მფარველი დალის ლეგენდით შთაგონებული ეს პროექტი, მიზნად პრემიუმ კლასის მუსიკალური გამოცდილების შექმნასა და ლოკალური ტურიზმის სტიმულირებას ისახავს. რა საოპერაციო ლოგისტიკასა და ფინანსურ რესურსს მოითხოვს მთაში მსგავსი მასშტაბის ივენთების ორგანიზება და როგორია ბიზნესის კეთება ზღვის დონიდან 2700 მეტრზე? სტუმარი: დემეტრე თორდია - DALA EVENTS, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ნებისმიერი მსხვილი კომპანიის იმიჯი და ბრენდინგი მხოლოდ ლოგოთი და სარეკლამო რგოლებით არ შემოიფარგლება - თანამშრომლების ვიზუალური მხარე და კორპორატიული ჩაცმულობა ამ იდენტობის ერთ-ერთი უმთავრესი ნაწილია. მაღაზიათა ქსელები, ბანკები, სამედიცინო დაწესებულებები თუ სამშენებლო სექტორი - ეს იმ ინდუსტრიების მცირე ჩამონათვალია, რომელთა ვიზუალურ მხარეზეც სამკერვალო კომპანია „სტიჩი“ ზრუნავს. კომპანიამ ბაზარზე თავი მაღალი ხარისხის კორპორატიული ტანსაცმლის წარმოებით დაიმკვიდრა. თუმცა, მიმდინარე წელს სამკერვალო სექტორში სრულიად ახალი, მასშტაბური გამოწვევა და მოთხოვნა გაჩნდა - დაწყებითი კლასის მოსწავლეებისთვის სასკოლო ფორმების სავალდებულოდ გამოცხადებამ მშობლების მხრიდან სამკერვალო მომსახურებაზე მოთხოვნა რეკორდულად გაზარდა. აპირებს თუ არა B2B სეგმენტზე ორიენტირებული „სტიჩი“ ამ ახალ პროცესში ჩართვას, როგორი იყო გასული საოპერაციო წელი კომპანიისთვის და რა გამოწვევების წინაშე დგას ზოგადად ქართული ტექსტილის ინდუსტრია? სტუმარი: ნინო ჟღენტი - სამკერვალო “სტიჩი”, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2026 წლის ერთიანი ეროვნული გამოცდების შედეგებმა ნათლად აჩვენა სერიოზული აცდენა სახელმწიფოს ხედვებსა და აბიტურიენტების ინტერესებს შორის. უმაღლესი განათლების სისტემაში განხორციელებული რადიკალური რეფორმის ფარგლებში, საჯარო უნივერსიტეტებში სწავლა უფასო გახდა, საგრანტო დაფინანსება გაუქმდა, ხოლო მიღების კვოტები ე.წ. შრომის ბაზრის მოთხოვნებზე დაყრდნობით ხელოვნურად განისაზღვრა. თუმცა, პრაქტიკამ სრულიად განსხვავებული სურათი აჩვენა: იმ პროგრამებზე, სადაც სახელმწიფომ კვოტები მკვეთრად გაზარდა - მაგალითად, სამედიცინო უნივერსიტეტში „დიპლომირებული მედიკოსისა“ და ტექნიკურ უნივერსიტეტში „ინფორმატიკის“ მიმართულებებზე - ადგილების უდიდესი ნაწილი შეუვსებელი, ვაკანტური დარჩა. სამაგიეროდ, მიმართულებებზე, სადაც სახელმწიფომ მიღება მკვეთრად შეამცირა ან საერთოდ გააუქმა, მოთხოვნა რეკორდულად მაღალი აღმოჩნდა. გამოდის, რომ სახელმწიფო აბიტურიენტებს ეუბნება - „ჩვენ ეს პროფესიები აღარ გვჭირდება“, ხოლო ახალგაზრდები პასუხობენ, რომ სწორედ ამის სწავლა სურთ. ამასთან, ახალმა მოდელმა განსაკუთრებით იმოქმედა მაღალქულიან, მაგრამ დაბალი სოციალურ-ეკონომიკური ფონის მქონე სტუდენტებზე. საგრანტო დაფინანსების გაუქმების გამო, მათ დაკარგეს შესაძლებლობა, სახელმწიფო ფულით კერძო უნივერსიტეტებში ესწავლათ, რის გამოც იძულებულნი გახდნენ, არჩევანი მხოლოდ საჯარო სასწავლებლებზე შეეჩერებინათ, რითაც მათი არჩევანის თავისუფლება შეიზღუდა. რატომ ვერ იმუშავა კვოტირების ხელოვნურმა სისტემამ, რამდენად ეფექტიანია შრომის ბაზრის მოთხოვნებით უნივერსიტეტების მართვა და რა კვალს დატოვებს ეს რეფორმა განათლების ხარისხზე? სტუმარი: ლიკა ღლონტი - უმაღლესი განათლების ექსპერტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახალი სასწავლო წლის დაწყებასთან ერთად, განათლების სისტემაში არაერთი საინტერესო და, იმავდროულად, სადისკუსიო თემა გაჩნდა. ერთის მხრივ, საქართველოს მთავრობამ დაამტკიცა ახალი, ეკოლოგიაზე ორიენტირებული სახელმწიფო პროგრამა - „ჩემი პირველი ნერგი“. პროექტის ფარგლებში, ქვეყნის მასშტაბით ყველა პირველკლასელს საკუთარი ნერგის დარგვისა და მის განვითარებაზე დაკვირვების შესაძლებლობა ექნება. ეს ინიციატივა, რომელშიც განათლების, გარემოს დაცვისა და რეგიონული განვითარების სამინისტროები არიან ჩართულნი, მოზარდებში გარემოსდაცვითი პასუხისმგებლობის ამაღლებას ემსახურება. მეორეს მხრივ კი, საზოგადოებაში მწვავე განხილვის საგანი გახდა დაწყებით კლასებში სასკოლო ფორმების სავალდებულოობის საკითხი. პლატფორმა Manifest.ge-ზე უკვე 10 000-მდე ადამიანმა მოაწერა ხელი პეტიციას, რომელიც განათლების სამინისტროსგან სავალდებულოობის გაუქმებასა და არჩევანის უფლების დატოვებას ითხოვს. პეტიციის ავტორები და მშობლები მიიჩნევენ, რომ ფორმა არ აუმჯობესებს განათლების ხარისხს, წარმოადგენს დამატებით ფინანსურ ტვირთს და ხშირად, პირიქით - ვერ უზრუნველყოფს სოციალურ თანასწორობას. სტუმარი: მარიამ რამინაშვილი - განათლების ექსპერტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„ბათუმი რომ დაინახო, ბათუმს უნდა გასცდე“ - ეს არის სრულიად ახალი, საინტერესო პროექტის ფილოსოფია, რომელსაც სიმბოლურად „ბათუმთან“ ჰქვია. პროექტის მიზანია ქალაქგარეთ, ბუნებაში ისეთი განთავსების ობიექტებისა და სამუშაო სივრცეების გაჩენა, რომელიც ადამიანებს ქაოსისგან დასვენების, საკუთარ თავთან დარჩენისა და ახალი სამომხმარებლო გამოცდილების მიღების საშუალებას აძლევს. ეს ყველაფერი წარმატებული ქოვორქინგ სივრცის, Ripple Space-ის იდეიდან დაიბადა და დღეს უკვე ახალ მასშტაბებს იძენს, სადაც საოჯახო ბიზნესის ძალისხმევა და სტრატეგიული B2B პარტნიორობა ერთიანდება. რა ეტაპზეა პანორამული სახლების მშენებლობა და როგორ უნდა იქცეს ქალაქგარეთ დასვენება აჭარის ტურიზმის ახალ ტენდენციად? სტუმარი: ანა ავეჩბა - “ბათუმთან” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ანაკლია, თავისი უნიკალური კლიმატითა და სანაპირო ზოლით, ყოველთვის იყო გამორჩეული ტურისტული მიმართულება. წელს სეზონი აქ ტრადიციულად ივნისში, კონცერტებითა და სხვადასხვა აქტივობებით გაიხსნა, თუმცა რეგიონს საკუთარი, სპეციფიკური გამოწვევები აქვს - იქნება ეს ინფრასტრუქტურის განვითარება, სეზონურობის გახანგრძლივება თუ ახალი ტურისტული ნაკადების მოზიდვა. როგორი იყო ზაფხულის სეზონი ანაკლიაში, საიდან ჩამოდიოდნენ სტუმრები და რა მთავარი გამოწვევების წინაშე დგას ადგილობრივი მასპინძლობის სექტორი? სტუმარი: მარინა თოდუა - "თეთრი სახლი ანაკლიაში”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოს შავიზღვისპირეთი ტრადიციულად ზაფხულის ტურისტული სეზონის ეპიცენტრია. ბათუმში მუდმივად ვითარდება ახალი, საერთაშორისო სტანდარტების ინფრასტრუქტურა, რომელიც დამსვენებლებს მაღალი კლასის სერვისს სთავაზობს. წელს ბათუმის ცენტრში, გმირთა ხეივანზე ოპერირება დაიწყო მასშტაბურმა პროექტმა Blue Sky Apart-Hotel-მა, რომელიც დეველოპერული ჯგუფის, LikeHouse-ის 200-მილიონიანი ინვესტიციის - Blue Sky Tower-ის განუყოფელი ნაწილია. 795 აპარტამენტით წარმოდგენილი ეს კომპლექსი ბათუმში დასვენების სრულიად ახალ სტანდარტს ამკვიდრებს. როგორი იყო ოპერირების პირველი წელი, როგორ შეაფასებს სასტუმროს მენეჯმენტი მიმდინარე ზაფხულის სეზონს და რა სიახლეები უკავშირდება საერთაშორისო ბრენდ „ჰოლიდეი ინის“ შემოსვლას აჭარაში? სტუმარი: მამისა ვარშალომიძე - Blue Sky Apart Hotel, გენერალური მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მცირე მარნების განვითარებას ხშირად თან ახლავს ფინანსური და ბიუროკრატიული ბარიერები. ბოლო პერიოდში სექტორისთვის ერთ-ერთ მთავარ გამოწვევად ღვინის სერტიფიცირების 10-ლარიანი მოსაკრებელი იქცა, რაც მეწარმეების შეფასებით, პროდუქციას პირდაპირ აძვირებს. პარალელურად, კომპანიებს საოპერაციო ხარჯების ზრდასთან გამკლავება უწევთ მაშინ, როცა გაყიდვების დინამიკა ყოველთვის არ არის პროპორციული. როგორ ინარჩუნებენ ბიზნესის მომგებიანობას ამ მოცემულობაში? სტუმარი: თამარ მოსიაშვილი - მეღვინეობა “მამისეულის” დამფუძნებელი, #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სექტემბერი და რთველი ტრადიციულად ქართული მეღვინეობისთვის წლის მთავარი მოვლენაა. თუმცა, სადღესასწაულო განწყობის პარალელურად, მცირე მეწარმეებს მკაცრ კონკურენტულ გარემოში ოპერირება უწევთ. ბაზარზე საკუთარი ნიშის მოძიება და პროდუქციის რეალიზაცია განსაკუთრებულ მარკეტინგულ ძალისხმევას მოითხოვს. სწორედ ამ პროცესებს გადის ახლა მეღვინეობა "არგვანი", რომელიც მომხმარებლის ყურადღების მიქცევას საკუთარი უნიკალური ხედვით ცდილობს. როგორია მიმდინარე რთველის მოლოდინები და ბიზნესის განვითარების საწყისი ეტაპები? სტუმარი: ხატია ჯახუა - მეღვინეობა “არგვანის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დედაქალაქისგან მოშორებით, ხშირად ურთულეს პირობებში, არსებობენ ადამიანები, რომლებიც საკუთარ თავზე იღებენ სოფლის, თემის და საზოგადოების განვითარების ტვირთს. საოკუპაციო ხაზთან მდებარე სოფელ ჩორჩანაში ასეთი ლიდერი მანანა გოგნაძეა. ის არის დედა, მასწავლებელი, სათემო მუშაკი და რაც მთავარია - ლიდერი ქალი, რომელიც წლებია, საკუთარ სოფელში სასიკეთო ცვლილებებისთვის იბრძვის. სამოქალაქო სექტორის, სხვადასხვა ტრენინგებისა და აქტივობების დახმარებით, მანანამ შეძლო საკუთარი ხმის გაძლიერება და დღეს სოფელ ჩორჩანის თვითდახმარების ჯგუფს ხელმძღვანელობს. მისი ინიციატივითა და ჩორჩანელი ქალების ერთობლივი ძალისხმევით, სოფელში არაერთი სასიცოცხლოდ მნიშვნელოვანი საკითხი მოგვარდა - დაწყებული გზისა და გარე განათების პრობლემებით, დასრულებული ქალთა ეკონომიკური გაძლიერებით. იმაზე, თუ რამხელა ძალა აქვს სოფელში გაერთიანებულ ქალებს და როგორ იქცა რიგითი სოფლის მცხოვრები ცვლილებების მთავარ ავტორად? სტუმარი: მანანა გოგნაძე - სოფელ ჩორჩანას თვითდახმარების ჯგუფის ხელმძღვანელი, სათემო მუშაკი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თანამედროვე სამყაროში ტექნოლოგია დიდი ხანია გასცდა მხოლოდ კომუნიკაციისა და ბიზნესის სფეროს - დღეს ის ჩვენი ფსიქოლოგიური და ემოციური კეთილდღეობის მნიშვნელოვანი ინსტრუმენტი ხდება. ქართულ ტექნოლოგიურ ბაზარზე გამოჩნდა ახალი აპლიკაცია - HerSpace, რომელიც ქალებისთვისაა შექმნილი და ერთ პლატფორმაზე აერთიანებს ხელოვნურ ინტელექტს, ციფრულ დღიურს, მედიტაციის პრაქტიკებსა და ასტროლოგიურ ინსაითებს. რაც ყველაზე შთამბეჭდავია, HerSpace-ის უკან არ დგას დიდი კორპორაცია ან აიტი-დეველოპერების დიდი გუნდი. მისი დამფუძნებელი მარიამ ბენდელიანია, ყოფილი HR-პროფესიონალი, რომელმაც რამდენიმე წლის წინ პროგრამირება სრულიად დამოუკიდებლად ისწავლა. მან თავად შექმნა აპლიკაციის თითოეული დეტალი - დიზაინიდან დაწყებული , Backend-ისა და Frontend-ის არქიტექტურით დასრულებული. როგორ იქცა თვითნასწავლი პროგრამისტი ტექნოლოგიური სტარტაპის დამფუძნებლად და როგორ ეხმარება DAGI AI ქალებს ყოველდღიურ ცხოვრებაში? სტუმარი: მარიამ ბენდელიანი - HerSpace-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოს აგროსექტორისთვის თხილი ერთ-ერთ მთავარ სტრატეგიულ საექსპორტო პროდუქტად რჩება, რასაც უახლესი სტატისტიკაც ადასტურებს. 2025-2026 წლების მარკეტინგულ სეზონზე, საქართველოდან 18 ათას ტონაზე მეტი თხილის ექსპორტი განხორციელდა, რამაც ქვეყანას 188 მილიონ დოლარზე მეტი შემოსავალი მოუტანა. ეს წინა წლის ანალოგიურ პერიოდთან შედარებით 58%-ით გაზრდილი მაჩვენებელია. მიუხედავად იმისა, რომ ჩვენი მთავარი შემსყიდველი ტრადიციულად ევროკავშირია, სექტორი მუდმივად დგას ისეთი გამოწვევების წინაშე, როგორიცაა კლიმატური პირობები, გლობალურ ბაზარზე ფასების მერყეობა და მკაცრი ხარისხის სტანდარტების შენარჩუნება. სტუმარი: ბაია სალუქვაძე - “ბლუ ბერდ ბერიზ"-ისა და GPR Nuts-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia