კოსმოსური ამინდის პროგნოზირება დედამიწის უსაფრთხოებისა და თანამედროვე ტექნოლოგიების შეუფერხებელი მუშაობისთვის კრიტიკულად მნიშვნელოვანია. ამ რთულ და ამოუცნობ სფეროში დღეს ერთ-ერთ წამყვან პოზიციას ქართველი მეცნიერი იკავებს. თინათინ ბარათაშვილმა, ლუვენის კათოლიკური უნივერსიტეტის პოსტდოქტორანტმა მკვლევარმა და თავისუფალი უნივერსიტეტის კურსდამთავრებულმა, სულ ახლახან კოსმოსური პლაზმის ფიზიკაში ვინჩენზო ფერაროს პრესტიჟული საერთაშორისო პრიზი მიიღო. ეს ჯილდო ყოველწლიურად ამ სფეროში საუკეთესო სადოქტორო ნაშრომისთვის გაიცემა. თინათინის კვლევა მზიდან დედამიწამდე კოსმოსური ამინდის მოდელირებას, მზის გვირგვინში მიმდინარე პროცესებსა და ახალი რიცხვითი მოდელების შექმნას ეხებოდა. დღეს ეს შედეგები უკვე ფართოდ გამოიყენება საერთაშორისო მეცნიერების მიერ. როგორია მეცნიერი ქალის გზა დიდ აღიარებამდე? სტუმარი: თიკო ბარათაშვილი - ლუვენის კათოლიკური უნივერსიტეტი, მკვლევარი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
შემოდგომა და ზამთრის მოახლოება ჯანდაცვის სექტორისთვის ყოველთვის განსაკუთრებულ საოპერაციო მზაობას მოითხოვს. სეზონური ვირუსების მატება ჰოსპიტალურ სექტორზე, განსაკუთრებით კი პედიატრიულ კლინიკებზე სერიოზულ წნეხს ქმნის. დაავადებათა კონტროლის ეროვნული ცენტრის გადაწყვეტილებით, 21 ოქტომბრიდან ქვეყნის მასშტაბით სეზონური გრიპის საწინააღმდეგო ვაქცინაცია ოფიციალურად იწყება. რისკჯგუფებისთვის, მათ შორის ბავშვებისა და ორსულებისთვის, ვაქცინა სრულად უფასოა და ხელმისაწვდომია. რამდენად გამართულად მუშაობს პროცესი კლინიკების დონეზე, როგორია მშობლების ცნობიერება და როგორ იმართება გაზრდილი მომართვიანობა პედიატრიულ სექტორში? სტუმარი: მაია ჩხაიძე - “ი.ციციშვილის სახელობის ბავშვთა კლინიკის“ სამედიცინო დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული მეწარმეობის განვითარება და საერთაშორისო ბაზარზე პოზიციონირება წარმოუდგენელია გლობალურ გამოფენებში მონაწილეობის გარეშე. ამის საუკეთესო მაგალითია 2026 წლის 5-დან 13 სექტემბრის ჩათვლით საბერძნეთში გამართული სალონიკის საერთაშორისო გამოფენა. ქართულმა პავილიონმა ერთ სივრცეში გააერთიანა დიზაინი, ხელოვნება, კერამიკა და კრეატიული ინდუსტრიის სხვა მიმართულებები. პროექტი არ შემოიფარგლებოდა მხოლოდ საგამოფენო ფორმატით, მას რეალური სავაჭრო დატვირთვა ჰქონდა, სადაც მეწარმეებს საკუთარი პროდუქციის გაყიდვისა და ახალი ბიზნესკონტაქტების დამყარების შესაძლებლობა მიეცათ. ქართული ექსპოზიციის ერთ-ერთი გამორჩეული მონაწილე პრემიუმ ბრენდი „დიდოსტატი“ გახლდათ, რომელიც ეროვნულ კულტურულ მემკვიდრეობას, კერძოდ ტაძრების საუკუნოვან ორნამენტებს თანამედროვე დიზაინში აცოცხლებს. როგორია გამოფენის შედეგები და ბრენდის წარმატებული ბიზნესმოდელი? სტუმრები: სოფიო მინაძე - ქართული კულტურული და კრეატიული პროექტების და საერთაშორისო ღონისძიებების ორგანიზატორი ნატა მოსიაშვილი - “დიდოსტატი”, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სწორი ბრენდინგი მხოლოდ სტრატეგიაში არ აისახება - ის უშუალოდ მატერიალიზდება იმ პროდუქციაში, რომელსაც კომპანიები ყოველდღიურად იყენებენ. იქნება ეს უნიფორმა, ბრენდირებული საჩუქრები, პოლიგრაფია თუ გარე რეკლამა - ვიზუალური იდენტობის ხარისხი ბიზნესის სანდოობას განსაზღვრავს. ქართულ ბაზარზე ამ მიმართულებით სრული სერვისის მიწოდებას უზრუნველყოფს სარეკლამო კომპანია „არტე“. მათი მთავარი უპირატესობა ის არის, რომ წარმოების მთლიანი ჯაჭვი - დაწყებული გრაფიკული დიზაინიდან და სამკერვალო ხაზიდან, დასრულებული ულტრათანამედროვე საბეჭდი დანადგარებით- ერთ სივრცეშია გაერთიანებული. კომპანიას სიახლეებიც აქვს. ახალი საწარმო და შესაბამისად გაზრდილი წარმოება. რა ტენდენციებია დღეს ბრენდირებული პროდუქციის ბაზარზე, რა მოთხოვნები აქვთ მსხვილ დამკვეთებს და როგორ უზრუნველყოფს საწარმო ხარისხისა და ვადების დაცვას? სტუმარი: ნინო გიგინეიშვილი - ARTE, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბრენდინგი დიდი ხანია გასცდა მხოლოდ ლოგოსა და სარეკლამო კამპანიის ფარგლებს. დღეს ის ბიზნესის სტრატეგიული განვითარების, მომხმარებლის ლოიალობის მოპოვებისა და კომპანიის ღირებულების შექმნის ფუნდამენტია. სწორედ ამ სტრატეგიულ მიდგომას ასწავლის LEVEL C - ბრენდისა და ბიზნეს-დიზაინის საერთაშორისო საგანმანათლებლო ინსტიტუცია, რომლის დამფუძნებელიც Apple-თან, Adobe-სა და Google-თან მომუშავე ლეგენდარული მარტი ნოიმაიერია. სულ ცოტა ხნის წინ, LEVEL C-მ მსოფლიოში პირველი 15 Fellow - უმაღლესი პროფესიული აღიარების მქონე სპეციალისტი წარადგინა. საამაყოა, რომ ამ გლობალურ ჯგუფში საქართველოდან პირველი წარმომადგენელი, ანი მაისურაძე მოხვდა. ანის მარკეტინგის სფეროში 9-წლიანი გამოცდილება აქვს. ამჟამად ის ორ ორგანიზაციაში ხელმძღვანელობს ბრენდისა და მარკეტინგის მიმართულებას: ამერიკულ ტექნოლოგიურ კომპანია Lineate-ში, სადაც აშშ-ის, საქართველოსა და სომხეთის ბაზრებს კურირებს, და ICTA-ში. რას ნიშნავს ბრენდის ლიდერის როლი ბიზნესის სტრატეგიულ მართვაში, რა გასწავლათ მარტი ნოიმაიერმა და როგორია ქართველი პროფესიონალის გზა საერთაშორისო აღიარებამდე? სტუმარი: ანი მაისურაძე - Lineate, ბრენდის განვითარების მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სწრაფად ცვალებად და ტექნოლოგიურ სამყაროში, მომხმარებლები სულ უფრო მეტად აფასებენ ინდივიდუალიზმს, ბუნებრივ მასალებსა და იმ ნივთებს, რომლებსაც საკუთარი, ავთენტური ისტორია აქვთ. Otanadze სწორედ ასეთი ქართული ბრენდია, რომელიც 2018 წელს დაარსდა და ბუნებრივი ხისგან ხელნაკეთ, უნიკალური დიზაინის აქსესუარებს - საათებს, სათვალეებსა და საყურეებს ქმნის. ბრენდის მთავარი ფუნდამენტი ოჯახური მემკვიდრეობაა - ხეზე კვეთის 55-წლიანი ტრადიცია, რომელიც დღეს თანამედროვე, კომერციულ პროდუქტად არის ქცეული. Otanadze-ის თითოეული ნივთი უნიკალურია და მხოლოდ ფუნქციურ ან ესთეტიკურ დატვირთვას არ ატარებს. დამფუძნებლების ფილოსოფიით, ეს არის ბალანსი ბუნებასა და აჩქარებულ ყოველდღიურობას შორის. როგორ ხდება ტრადიციული ხელობის ბიზნესად ტრანსფორმაცია და როგორია ხის აქსესუარებზე მოთხოვნა ბაზარზე? სტუმარი: თეონა ოთანაძე - ბრენდი Otanadze, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
იტალიის დედაქალაქმა ახლახან უმასპინძლა მასშტაბურ საერთაშორისო ღონისძიებას - რომის სამკაულების კვირეულს, რომელიც თანამედროვე, ავტორულ და არტ-სამკაულს ეძღვნება. წლევანდელი ფესტივალი საქართველოსთვის ისტორიული აღმოჩნდა — ისტორიაში პირველად, ოთხი ქართველი ხელოვანი საერთაშორისო აუდიტორიის წინაშე „საქართველოს სამკაულის კვირეულის“ ქოლგის ქვეშ წარდგა. ეს არის ახალი ქართულ-იტალიური პლატფორმა, რომელიც ქართული საავტორო სამკაულის საერთაშორისო ბაზართან დაკავშირებას ემსახურება. ამ მასშტაბური კულტურულ-შემოქმედებითი პროექტის ერთ-ერთი თანადამფუძნებელი დიზაინერი ფატი კახნიაშვილია. გარდა საორგანიზაციო საქმიანობისა, ის ფლობს საკუთარ, ბრენდს - Zilfi Handmade, რომელიც 2018 წლიდან ვაზის მტევნისა და ქართული კულტურული სიმბოლოების თემატიკაზე შექმნილ ექსკლუზიურ სამკაულებს აწარმოებს და ბაზარზე თავისი მყარი ნიშა უჭირავს. რა შედეგებით დასრულდა რომის ფესტივალი? სტუმარი: ფატი კახნიაშვილი - პროექტის „საქართველოს სამკაულის კვირეული“, დამფუძნებელი, დიზაინერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართულ საკონდიტრო ბაზარზე არსებობენ ბრენდები, რომლებმაც წლების განმავლობაში შეძლეს არა მხოლოდ მომხმარებლის ნდობის მოპოვება, არამედ საკუთარი სახელის ხარისხის სინონიმად ქცევა. სწორედ ასეთია საკონდიტრო „დონა“, რომლის ისტორიაც განსაკუთრებულად უკავშირდება ბათუმს. ის წლებია ერთ-ერთი ყველაზე ცნობილი და საყვარელი ბრენდია ზღვისპირეთში, თუმცა მისი ცნობადობა დიდი ხანია გასცდა ერთი რეგიონის ფარგლებს. ტრადიციული რეცეპტები, მაღალი ხარისხის ინგრედიენტები და წარმოების მკაცრი კონტროლი „დონას“ წარმატების მთავარი ფორმულაა. როგორ ახერხებს კომპანია ფასებისა და ხარისხის ბალანსის შენარჩუნებას მზარდი ინფლაციის ფონზე, როგორი იყო წლევანდელი სეზონი გაყიდვების კუთხით და რა გეგმები აქვს კომპანიას გაფართოების მიმართულებით? სტუმარი: თამილა ბეჟანიძე - “დონა” , ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საკონდიტრო ბიზნესი, ერთი შეხედვით, ძალიან მიმზიდველი სფეროა, თუმცა რეალურად ის დაკავშირებულია ურთულეს საოპერაციო ჯაჭვთან, მალფუჭებადი პროდუქტების ლოგისტიკასა და ნედლეულზე ფასების მუდმივ მერყეობასთან. ჩვენი პირველი სტუმარი წარმოადგენს საკონდიტრო კომპანია „ტკბილს“, რომელმაც ქართულ ბაზარზე თავისი ნიშა უკვე დაიმკვიდრა. როგორ შეინარჩუნა კომპანიამ გაყიდვების დინამიკა ინფლაციის ფონზე, როგორ აისახა შოკოლადისა და კაკაოს გლობალური გაძვირება მათ პროდუქციაზე და რა სიახლეებს სთავაზობენ მომხმარებელს? სტუმარი: თინა თავართქილაძე - “ტკბილი”, თანადამფუძნებელი და მმართველი პარტნიორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ვსაუბრობთ რეგიონული ეკონომიკის გაძლიერებაზე, რაც დიდწილად ადგილობრივი მოსახლეობის, განსაკუთრებით კი ქალების დასაქმებასა და მათ ეკონომიკურ დამოუკიდებლობაზეა დამოკიდებული. ამ მიმართულებით რაჭაში, ქალაქ ონში გამორჩეულ საქმეს აკეთებს სოციალური საწარმო „ედენა“. ორგანიზაცია ტრადიციული რეწვის, კერძოდ თექის დამუშავების უძველეს ტექნოლოგიას აცოცხლებს და პარალელურად ადგილობრივ ქალებს ახალ პროფესიასა და სტაბილურ შემოსავალს აძლევს. საგულისხმოა, რომ საწარმო განვითარების ახალ ეტაპზე გადავიდა და აქტიური B2B პარტნიორობა დაიწყო ადგილობრივ სასტუმროებსა და რესტორნებთან, რაც ინტერიერის გაფორმებასა და სპეციალური სტენდების მომზადებას გულისხმობს. სტუმარი: ლილიანა მაისურაძე - “ედენა” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მცირე მარნების განვითარება ქართული მეღვინეობის ერთ-ერთი მთავარი მამოძრავებელი ძალაა, რომელიც რეგიონულ ეკონომიკასა და ტურიზმს პირდაპირ კვებავს. რაჭაში, სადაც მევენახეობა კლიმატური სპეციფიკიდან გამომდინარე განსაკუთრებულ ძალისხმევას მოითხოვს, ბუტიკური წარმოების ჩამოყალიბება სერიოზულ გამოწვევებთან არის დაკავშირებული. ამ სირთულეების ფონზე, ბაზარზე წარმატებით ოპერირებს „მირანდას ღვინო“, რომელმაც საოჯახო ტრადიცია პრემიუმ ხარისხის ბიზნეს პროდუქტად აქცია. რა ეკონომიკური ბარიერები ახლავს ადგილობრივი ჯიშების მოყვანას, როგორ იმკვიდრებს თავს ქალი მეღვინე ინდუსტრიაში და როგორია მცირე მარნის ბიზნესმოდელი? სტუმარი: მირანდა ჩხეტიანი - „მირანდას ღვინის“ დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
კერძო სახლის მშენებლობა ბევრი ადამიანის ერთ-ერთი მთავარი მიზანია, თუმცა ეს პროცესი პირდაპირ უკავშირდება სამშენებლო მასალებისა და მომსახურების ბაზარზე არსებულ ფასებს. სტატისტიკის ეროვნული სამსახურის უახლესი მონაცემებით, 2026 წლის აგვისტოში მშენებლობის ღირებულების ინდექსი წინა წლის ანალოგიურ პერიოდთან შედარებით 3.4 პროცენტით არის გაზრდილი, რაც ძირითადად ტრანსპორტირების, საწვავის, ელექტროენერგიისა და სამშენებლო მასალების გაძვირებით აიხსნება. თუმცა, წინა თვესთან შედარებით ფიქსირდება 0.8 პროცენტიანი კლება, რისი მთავარი მიზეზიც სექტორში დაქირავებით დასაქმებულთა საშუალო ხელფასის 6.5 პროცენტიანი შემცირებაა. ამ ცვალებადი მაკროეკონომიკური მონაცემების ფონზე, მნიშვნელოვანია გავიგოთ, რეალურად რა უჯდება მომხმარებელს სასურველი პროექტის განხორციელება და რა ალტერნატივებს სთავაზობს ბაზარი. დღეს სულ უფრო პოპულარული ხდება ხის კარკასული, ეკოლოგიური სახლები, რომელთა აშენებაც 4-დან 10 კვირამდე ვადაშია შესაძლებელი. ამ მიმართულებით ბაზარზე წარმატებით ოპერირებს კომპანია „დიდოსტატი“, რომელიც მომხმარებელს როგორც ხის, ისე ტაუნჰაუსებისა და აგურის სახლების პროექტებს სთავაზობს. როგორია სამშენებლო სექტორში არსებული დინამიკა და ფასწარმოქმნა? სტუმარი: თინათინ სამყურაშვილი - “დიდოსტატი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
უძრავი ქონების ბაზარი საქართველოს ეკონომიკის ერთ-ერთი ყველაზე დინამიკური სექტორია, რომელიც საერთაშორისო სტანდარტების დანერგვას მუდმივად ითხოვს. ამ მიმართულებით ბაზარზე თამაშის წესებს გლობალური ბრენდი RE/MAX Georgia აყალიბებს. კომპანიამ ქართულ რეალობაში უძრავი ქონების საბროკერო საქმიანობის აღქმა სრულად შეცვალა და ინდუსტრიაში მონაცემებზე დაფუძნებული, თანამედროვე ტექნოლოგიური მიდგომები დაამკვიდრა. გარდა კლიენტებისთვის უმაღლესი ხარისხის სერვისის მიწოდებისა, RE/MAX-ი წარმოადგენს მძლავრ პლატფორმას მეწარმეებისთვის, რომლებიც ფრენჩაიზინგის მოდელით საკუთარი ბიზნესის განვითარებას გეგმავენ. რა უპირატესობებს ქმნის საერთაშორისო ქსელი და რატომ არის უძრავი ქონების სექტორი მიმზიდველი ქალი ლიდერებისთვის? სტუმარი: მაკა სურგულაძე - RE/MAX Georgia, პარტნიორი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე ბიზნეს-გარემოში წარმატება მხოლოდ კარგ იდეაზე აღარ არის დამოკიდებული — გადამწყვეტი მნიშვნელობა ენიჭება პროცესების სწორ სტრუქტურირებას, რისკების ეფექტიან მართვასა და ტექნოლოგიური სიახლეების, განსაკუთრებით კი ხელოვნური ინტელექტის დანერგვას. სწორედ ამ მიზნით, საკონსულტაციო კომპანია LEGAL Bridge Consulting საგანმანათლებლო და სატრენინგო მიმართულებას იწყებს. კომპანიის მიზანია, ბიზნესსექტორს პრაქტიკული, თანამედროვე ცოდნა გაუზიაროს. მათი პირველი, მასშტაბური მასტერკლასი ეძღვნება უაღრესად აქტუალურ თემას — AI-ის გამოყენებას რისკების მართვასა და კომპანიის სხვადასხვა ოპერაციულ დონეზე? სტუმრები: ნინო ელიაური - LEGAL Bridge Consulting, დამფუძნებელი თათია უდესიანი - შიდა აუდიტისა და რისკების მართვის ექსპერტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართულმა მოდამ გლობალურ ასპარეზზე უკვე დიდი ხანია, რაც საკუთარი ნიშა დაიმკვიდრა. ჩვენი დიზაინერების შემოქმედება ხშირად გამოირჩევა ინდივიდუალიზმითა და კონცეპტუალურობით, რაც განსაკუთრებით ფასობს თანამედროვე მოდის ინდუსტრიაში. ჩვენი მომდევნო სტუმარი დიზაინერი მაია სირაძეა, ბრენდ „სმაკის“ კრეატიული დირექტორი და დამფუძნებელი. ის საკუთარ ნამუშევრებს ხშირად „არაადეკვატურსა“ და „ცოცხალს“ უწოდებს — სწორედ ეს ორიგინალურობა და ხელის დეტალური ნამუშევარი იზიდავს მოდის კრიტიკოსებსა და ბაიერებს. სულ ცოტა ხნის წინ „სმაკი“ მიიწვიეს ნიუ-იორკში, მოდის ინდუსტრიის ერთ-ერთ ყველაზე გავლენიან B2B გამოფენაზე — Coterie New York-ზე. უფრო მეტიც, ბრენდი იყო ერთადერთი წარმომადგენელი საქართველოდან ამ მასშტაბურ ღონისძიებაზე. Coterie New York-ის გარდა, „სმაკიმ“ ნიუ-იორკში კიდევ ერთ მოდის ჩვენებაში მიიღო მონაწილეობა, რამაც ამერიკულ ბაზარზე ახალი კარი გაუხსნა. რა გამოხმაურება მოჰყვა ამერიკელი ბაიერების მხრიდან ქართულ ბრენდს და როგორ იგეგმება „სმაკის“ საერთაშორისო ექსპანსია? სტუმარი: მაია სირაძე - “სმაკი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ნებისმიერი მსხვილი კომპანიის იმიჯი და ბრენდინგი თანამშრომლების კორპორატიული ჩაცმულობით იწყება. ბოლო წლებში ამ მიმართულებით მოთხოვნა მნიშვნელოვნად გაიზარდა, რასაც ქართული საწარმოებიც აქტიურად პასუხობენ. კომპანია „რუმორი“ საქმიანობის ახალ, მასშტაბურ ეტაპზე გადადის. ის უკვე სრულად კორპორატიული უნიფორმების წარმოებაზე კონცენტრირდა და ახალ საწარმოში გადასასვლელად ემზადება, სადაც წარმოების შესაძლებლობები გაორმაგდება. „რუმორის“ მთავარი კონკურენტული უპირატესობა ქსოვილების დამოუკიდებელი იმპორტია, რაც მათ თვითღირებულების შემცირებისა და სტაბილური ფასების შენარჩუნების საშუალებას აძლევს. კორპორატიული სეგმენტის მიღმა, კომპანია 2027 წლიდან ექსპორტზე გასვლასა და საცალო ბაზრისთვის სრულიად ახალი, ნიშური პროდუქტების - ძვირფასი მეტალებით გაფორმებული ექსკლუზიური ნივთების შექმნას გეგმავს. რა ეტაპზეა ახლა „რუმორი“ და როგორ აფასებს ბაზარზე არსებულ მოთხოვნას? სტუმარი: მარიამ მაკუნა გოგიბედაშვილი - “რუმორი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რაჭის რეგიონის ეკონომიკური განვითარება ხომ წარმოუდგენელია მეღვინეობისა და მევენახეობის გარეშე. რეგიონის უნიკალური მიკროზონები და იშვიათი ჯიშები ქართულ ღვინოს საერთაშორისო ბაზარზე გამორჩეულ ადგილს უმკვიდრებს. სწორედ ამ ტრადიციისა და საოჯახო საქმის წარმატებულ კომერციულ ბრენდად ქცევის საუკეთესო მაგალითია პატარიძის რაჭული. კომპანია ადგილობრივი ჯიშებისგან პრემიუმ ხარისხის ღვინოს აწარმოებს და ბაზარზე საკუთარ ავთენტურ ნიშას მყარად ინარჩუნებს. როგორია მეღვინეობის სპეციფიკა და ბიზნესის განვითარების ეტაპები? სტუმარი: შორენა პატარიძე - „პატარიძის რაჭულის“ დამფუძნებელი და მეღვინე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ტურისტული ინდუსტრიის განვითარება რეგიონებში ძლიერი კერძო სექტორის გარეშე წარმოუდგენელია. რაჭაში, კერძოდ კი ჭრებალოში ერთ-ერთი ყველაზე გამორჩეული და სოლიდური მიზიდულობის ცენტრი ჭრებალოს მარანია. ეს სივრცე უკვე წლებია მაღალი კლასის გასტრონომიულ და საღვინე გამოცდილებას ქმნის. ბიზნესის მზარდი დინამიკიდან გამომდინარე კომპანია მასშტაბურ გაფართოებას გეგმავს და მომავალი წლის ზაფხულის სეზონზე მომხმარებელს ახალ სასტუმროს შესთავაზებს. როგორია რეგიონში პრემიუმ მასპინძლობის სტანდარტები, საინვესტიციო კლიმატი და ბიზნესის საოპერაციო გამოწვევები? სტუმარი: სალომე ლეკიშვილი - “ჭრებალოს მარანი” , დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მესტიის გამრიცხველიანება და კრიპტომაინინგთან ბრძოლა რეგიონისთვის კრიტიკულად მნიშვნელოვანი საკითხია. წლების განმავლობაში მაინინგის გამო წარმოქმნილი ელექტროენერგიის დეფიციტი და ქსელის გადატვირთვა ყველაზე დიდ დარტყმას სწორედ ადგილობრივ ტურისტულ ბიზნესს აყენებდა. მთავრობის ინფორმაციით, უკვე 33 სოფელში დამონტაჟდა საბალანსო მრიცხველები, რამაც მოხმარება 22%-ით შეამცირა, წლის ბოლომდე კი პროცესი სრულად დასრულდება. როგორ აისახება ეს ინფრასტრუქტურული პრობლემები უშუალოდ სასტუმროების ოპერირებაზე, რა უჯდებათ ბიზნესებს გენერატორებზე დამოკიდებულება და ზოგადად, როგორი იყო გასული ზაფხულის სეზონი სვანეთში? სტუმარი: ეკატერინე გველესიანი - “ფალიანი” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართულ ბაზარზე სულ უფრო ხშირად ჩნდებიან კომპანიები, რომლებიც სრულიად თავისუფალ, სპეციფიკურ ნიშას იკავებენ და იმპორტირებულ პროდუქციას სერიოზულ კონკურენციას უწევენ. სწორედ ასეთია კომპანია „პარიკების ოთახი“, რომელიც ადგილობრივ ბაზარზე ბუნებრივი, კავკასიური თმით წარმოებულ პარიკებს ქმნის და ყიდის. კომპანიის გაყიდვები წლიდან წლამდე საშუალოდ 20-30%-ით იზრდება. ამ წარმატების მთავარი საიდუმლო ნედლეულის - უნიკალური სტრუქტურის მქონე კავკასიური თმის უმაღლესი ხარისხია, რის გამოც მოთხოვნა მაღალია არა მხოლოდ საქართველოში, არამედ საერთაშორისო ბაზრებზეც.როგორ ხდება ექსპორტი ევროპასა და აშშ-ში, ძირითადად ვინ არის ქართული პარიკების მომხმარებელი? სტუმარი: გვანცა ინასარიძე - “პარიკების ოთახი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რაჭის რეგიონის ტურისტული პოტენციალის სრულად ასათვისებლად მხოლოდ საოჯახო სასტუმროები საკმარისი არ არის, რეგიონს მასშტაბური ინვესტიციები და მაღალი კლასის განთავსების ობიექტები სჭირდება. ონში უკვე წარმატებით ოპერირებს პრემიუმ კლასის სასტუმრო ნოველა, რომელიც KA Group-ის 5 მილიონიანი საინვესტიციო პროექტის შედეგია. სასტუმრომ გახსნის დღიდანვე მაღალი სტანდარტი დააწესა და მომხმარებელს გამორჩეულ, თანამედროვე სერვისს სთავაზობს, რომელიც მთელი გულით მასპინძლობის იდეაზე დგას. თუ როგორ პოზიციონირებს ეს მასშტაბური პროექტი ბაზარზე, რა გამოწვევები ახლავს რეგიონში პრემიუმ სერვისის მართვას და როგორია KA Group-ის სტრატეგია? სტუმარი: ნინა ჭიღლაძე - KA Group, მარკეტინგის დეპარტამენტის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
შიდა ტურიზმის რუკაზე რაჭა ერთ-ერთ ყველაზე მოთხოვნად და მიმზიდველ მიმართულებად რჩება. რეგიონის უნიკალური ბუნება და კულტურული მემკვიდრეობა ვიზიტორებს მუდმივად იზიდავს, თუმცა ბაზრის მოთხოვნები იცვლება და დღეს ტურისტი მხოლოდ სტანდარტულ განთავსებას აღარ სჯერდება. თანამედროვე დამსვენებელი უნიკალურ გამოცდილებასა და კონცეპტუალურ გარემოს ეძებს. სწორედ ამ მოთხოვნას პასუხობს ამბროლაურის მუნიციპალიტეტში, სოფელ ნიკორწმინდაში მდებარე საოჯახო სასტუმრო არტ რაჭა. სახელოვნებო მიმართულებით დატვირთული ეს სივრცე სტუმრებს სრულიად განსხვავებულ, მყუდრო და შემოქმედებით გარემოს სთავაზობს. თუ როგორ ჩაიარა აქტიურმა ტურისტულმა სეზონმა და რა საოპერაციო გამოწვევებს აწყდება რეგიონული საოჯახო ბიზნესი? სტუმარი: მარიამ ჭარხალაშვილი - “არტ რაჭა”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული გასტრონომია წარმოუდგენელია სვანური მარილის გარეშე. ეს უნიკალური სუნელი, რომელიც საუკუნეების განმავლობაში თაობიდან თაობას გადაეცემოდა, დღეს უკვე ბრენდირებული და ნატურალური ბიზნეს პროდუქტის სახით არის ხელმისაწვდომი. ამ ტრადიციის წარმატებულ კომერციულ პროექტად ქცევის უკან ლიკა ონიანი დგას. მან ოჯახური რეცეპტისა და 100%-ით ორგანული ინგრედიენტების ბაზაზე ბრენდი Tio შექმნა. სახელწოდება სპეციალურად არის შერჩეული, რადგან მისი ლოკალური და თბილი ჟღერადობა პირდაპირ ხაზს უსვამს პროდუქტის ხელნაკეთ და ნატურალურ ხასიათს. თუ რა ეკონომიკური ბარიერები ახლავს ადგილობრივი სუნელის წარმოებას და როგორ ხდება მისი ბაზარზე პოზიციონირება? სტუმარი: ლიკა ონიანი TIO-ს დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სოციალური მეწარმეობისა და ქართული კულტურული მემკვიდრეობის შერწყმა ბიზნესში სრულიად ახალ ღირებულებებს ქმნის. კომპანია ნას სწორედ ამ იდეოლოგიაზე დგას და 100-ზე მეტ ქართველ მეწარმეს აერთიანებს მიზნით, რომ ქართული საქმე გაძლიერდეს. პლატფორმა მოიცავს რამდენიმე უმნიშვნელოვანეს მიმართულებას. მათ შორისაა დეიდა ნატოს აკადემია, რომელიც ახალგაზრდებს ხელსაქმეს 10-მდე მიმართულებით ასწავლის და ინიციატივა საქმე 60+, რომელიც უფროსი თაობის ეკონომიკურ გაძლიერებას უზრუნველყოფს. ორგანიზაციის შემადგენლობაშია საქველმოქმედო ფონდიც, რომელიც მოწყვლადი ჯგუფების საჭიროებებს პასუხობს. პროექტი ათონელის შაბათ-კვირა ქალაქის ისტორიულ ქუჩას ღია კულტურულ სივრცედ აქცევს, ხოლო მიმართულება გააცოცხლე ისტორია ტრადიციულ ქართულ ორნამენტებს თანამედროვეობასთან აკავშირებს. ამ მრავალპროფილური და ეროვნული საქმის უკან ნატალია სირაძე დგას. სტუმარი: ნატალია სირაძე - კომპანია “ნას”-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დედათა და ბავშვთა ზრუნვის მიმართულებით მომუშავე ბრენდებისთვის მომხმარებელთან ემოციური და პრაქტიკული კავშირის შენარჩუნება კრიტიკულად მნიშვნელოვანია. ბრენდი ჩიკო და ავერსი-ფარმა ორსულებისთვის მასშტაბურ წამახალისებელ კამპანიას იწყებენ. ნებისმიერ მომავალ დედას, რომელიც სპეციალურ ელექტრონულ კითხვარს შეავსებს, უნიკალური საჩუქრების მოგების შანსი ეძლევა. შემთხვევითობის პრინციპით 10 გამარჯვებული გამოვლინდება. პირველ ადგილზე გასული მონაწილე 5000 ლარის ლიმიტით საქართველოს ნებისმიერ კლინიკაში მშობიარობის დაფინანსებას მიიღებს. მეორე და მესამე ადგილების მფლობელებს შესაბამისად 2000 და 1000 ლარიანი სასაჩუქრე ვაუჩერები გადაეცემათ, ხოლო მეოთხე ადგილზე გასულები ჩვილის ნივთებით დაკომპლექტებულ სპეციალურ ყუთს მიიღებენ. კამპანია ფართომასშტაბიანია და მოიცავს ყველა შესაძლო საკომუნიკაციო არხს ონლაინ ბანერებიდან და თვითმომსახურების აპარატებიდან დაწყებული, სატელევიზიო და ინფლუენსერ მარკეტინგით დასრულებული. სტუმარი: თაკო კობახიძე - ბრენდ “ჩიკოს” ხელმძღვანელი საქართველოში #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე მომხმარებლის ქცევა იცვლება - სულ უფრო მეტი ადამიანი ამბობს უარს დამატებულ შაქარსა თუ ხელოვნურ კონსერვანტებზე და არჩევანს ჯანსაღ, 100%-ით ნატურალურ პროდუქტზე აკეთებს. ეს გლობალური ტენდენცია ქართულ ბაზარზეც მკაფიოდ აისახება. ამის ნათელი მაგალითია ჩირისა და ტყლაპის მწარმოებელი კომპანია „პომონა“, რომელიც მცხეთის რაიონში, სოფელ მუხრანში უკვე 4 წელია წარმატებით ოპერირებს. კომპანიის გაყიდვები ყოველწლიურად საშუალოდ 20-30%-ით იზრდება, რაც სწორედ ჯანსაღი ალტერნატივების მიმართ მზარდ მოთხოვნას უკავშირდება. როგორ არჩევენ საუკეთესო ხილს საწარმოებლად, რა ტექნოლოგიით აშრობენ ჩირს ისე, რომ მასში ვიტამინები შენარჩუნდეს და რა გეგმები აქვს კომპანიას გაფართოების კუთხით? სტუმარი: მარიამ ტატიშვილი - "პომონა" დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული კულტურის საერთაშორისო მასშტაბით წარმოჩენა და მხარდაჭერა წარმოუდგენელია ძლიერი კერძო სექტორისა და პასუხისმგებლიანი ბიზნესის გარეშე. დღეს კომპანიების სოციალური როლი მხოლოდ ფინანსურ სპონსორობას აღარ გულისხმობს, ეს არის ღირებულებითი არჩევანი, რომელიც ქვეყნის იდენტობის გაძლიერებას ემსახურება. ამის საუკეთესო მაგალითია დეველოპერული პროექტი თბილისის აკრები, რომელიც Emolas Corporation-ის მთავარ მხარდამჭერად გვევლინება. კომპანია მიიჩნევს, რომ სრულყოფილი საცხოვრებელი გარემოს შექმნა კულტურული და საზოგადოებრივი ცხოვრების განვითარების გარეშე შეუძლებელია. სტუმარი: ირინა ძიძიკაშვილი - თბილისის აკრების გაყიდვების ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ნებისმიერი ქვეყნის ეკონომიკური და პოლიტიკური სიძლიერე პირდაპირ კავშირშია მის კულტურულ დიპლომატიასთან. ეროვნული იდენტობის საერთაშორისო არენაზე სწორად პოზიციონირება და კულტურის ექსპორტი უმნიშვნელოვანესი სტრატეგიული ამოცანაა. ამერიკის შეერთებულ შტატებსა და საქართველოს შორის კულტურული ხიდის მშენებლობას კომპანია Emolas Corporation წლებია წარმატებით უზრუნველყოფს. კომპანიამ 2026-2027 წლების გრანდიოზული სახელოვნებო კალენდარი დააანონსა, რომელიც ისეთ ისტორიულ სივრცეებში, როგორებიცაა Carnegie Hall და Lincoln Center, ქართველი არტისტების მასშტაბურ გამოსვლებს აერთიანებს. თუმცა კომპანიის ამბიციები ამით არ სრულდება - სულ ახლახან ცნობილი გახდა, რომ 2027 წლის ბოლოდან Emolas Corporation ევროპის ლეგენდარული სცენების გავლით მოახდენს ქართული კულტურის ექსპორტს ამერიკამდე. სტუმარი: სალომე ლილუაშვილი-პარქსი - Emolas Corporation-ის დამფუძნებელი და ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დედაქალაქიდან რეგიონში გადასვლა და იქ საკუთარი საქმის დაწყება ბევრისთვის მხოლოდ იდეად რჩება, თუმცა ჩვენმა შემდეგმა სტუმარმა ეს იდეა რეალობად აქცია. 2025 წლის ივნისიდან ქალაქ ონის ცენტრში, რაჭაში, რეგიონის პირველმა Specialty ყავის კაფემ - „ონუკამ“ დაიწყო ოპერირება. ობიექტი თბილისიდან რაჭაში საცხოვრებლად გადასულმა გვანცა რეხვიაშვილმა მეუღლესთან ერთად გახსნა. სტარტაპის შექმნის მთავარი მოტივი რეგიონში შესაბამისი სერვისისა და სოციალური სივრცის დეფიციტი გახდა - ახალგაზრდებს, ადგილობრივებსა და სტუმრებს სჭირდებოდათ ადგილი მშვიდი შეკრებისთვის. „ონუკა“ 100%-ით დამფუძნებლების პირადი კაპიტალით, გრანტების გარეშე გაიხსნა. კაფეს მთავარი კონცეფცია პრემიუმ ხარისხის ნედლეულია - ყავა ადგილობრივად, საქართველოში იხალება, ხოლო ჩაი პირდაპირ ჩინეთიდან და ადგილობრივი მწარმოებლებიდან შემოდის. მიუხედავად პრემიუმ ხარისხისა, ფასები რეგიონის მოსახლეობის, მათ შორის სტუდენტების მსყიდველუნარიანობაზეა მორგებული. რა გეგმების აქვს ონუკას რაჭაში? სტუმარი: გვანცა რეხვიაშვილი - "ონუკა", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ნებისმიერი ბიზნესის წარმატების მთავარი საზომი მომხმარებლის კმაყოფილებაა. საქართველოში, სადაც მასპინძლობის ტრადიციით ვამაყობთ, მომსახურების სფეროში ხარისხისა და პროფესიონალიზმის სტანდარტები ხშირად გამოწვევად რჩება. სწორედ ამ გამოწვევის საპასუხოდ შეიქმნა IPA Academy - პლატფორმა, რომელიც მომავალ პროფესიონალებს სერვისის, ეტიკეტისა და პროტოკოლის მიმართულებით ამზადებს. აკადემია აერთიანებს საუკეთესო ტრენერებს, რეალური დასაქმების პარტნიორებსა და სტანდარტს, რომელიც ბაზარზე განსხვავებას ქმნის. ამასთან, კომპანიამ საკუთარი საქმიანობის არეალი გააფართოვა და ღონისძიებების ორგანიზების მიმართულებაც დაიმატა. რა არის დღეს ქართულ მომსახურების სფეროში ყველაზე სუსტი წერტილი, როგორ ასწავლიან თანამედროვე ეტიკეტს მოზარდებსა და ზრდასრულებს? სტუმარი: ანი ტოლიაშვილი - IPA Academy, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტურიზმი და სტუმარმასპინძლობა დიდი ხანია გასცდა მხოლოდ ღამის გასათევი სივრცის შეთავაზებას და დღეს მომხმარებელი უპირველესად ემოციასა და უნიკალურ გამოცდილებას ეძებს. სწორედ ამ ფილოსოფიაზე აშენდა Central Hotel-ი, ადგილი, სადაც ტრადიციული სტუმართმოყვარეობა დახვეწილ, დასამახსოვრებელ გამოცდილებად გარდაიქმნება. მაღალი კლასის სერვისი, ინდივიდუალური მიდგომა თითოეული სტუმრის მიმართ და ესთეტიკაზე ორიენტირებული კონცეფცია სასტუმროს ბაზარზე გამორჩეულ ნიშას უმკვიდრებს. თუ როგორ იმართება ბუტიკური სტილის სასტუმრო, რა საოპერაციო სირთულეები ახლავს პრემიუმ ხარისხის შენარჩუნებას და როგორ ხდება სტუმრის ლოიალობის მოპოვება? სტუმარი: თეკლა მებურიშვილი - Central Hotel, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოს ტურიზმის ინდუსტრიაში იმერეთის რეგიონი სულ უფრო მნიშვნელოვან ადგილს იკავებს. საქსტატის 2026 წლის ოფიციალური მონაცემებით, პირველ კვარტალში იმერეთი შიდა ტურიზმის კუთხით ქვეყანაში მე-2 ადგილზე გავიდა და თვიურად საშუალოდ 322.4 ათასი ვიზიტი დააფიქსირა. ამასთან, ქუთაისის საერთაშორისო აეროპორტის აქტივობის ფონზე, ქვეყანაში შემოსული უცხოელი ვიზიტორების 8-დან 11%-მდე სწორედ იმერეთს სტუმრობს. მზარდი ტურისტული ნაკადები მასპინძლობის სექტორისგან ინფრასტრუქტურის განვითარებასა და სერვისების დახვეწას მუდმივად მოითხოვს. ამ გამოწვევებსა და შესაძლებლობებს ბაზარზე წარმატებით პასუხობს კომპანია 7 Doors-ი და Boutique Apartment - Signature, რომელიც რეგიონში მაღალი კლასის განთავსების ობიექტებს მართავს. როგორია ბაზარზე არსებული დინამიკა და ბიზნესის განვითარების სტრატეგია? სტუმარი: ქრისტინე მესხაძე - 7 Doors, Boutique Apartment - Signature, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
განათლების ინდუსტრია გლობალურად მნიშვნელოვან ცვლილებებს განიცდის, რისი მთავარი მიზეზიც, ცხადია, ტექნოლოგიები და ხელოვნური ინტელექტია. პერსონალიზებული სწავლება, რომელიც აქამდე ფუფუნებად ითვლებოდა, ედტექ პლატფორმების დახმარებით სულ უფრო ხელმისაწვდომი ხდება. ამ გლობალურ კონკურენციაში საკუთარი, ამბიციური სიტყვის თქმას ქართული სტარტაპი Intutor-ი გეგმავს. ხელოვნურ ინტელექტზე დაფუძნებული პლატფორმა მოსწავლეებს ინდივიდუალურ საჭიროებებზე მორგებულ სასწავლო პროცესს სთავაზობს და მსოფლიო ბაზრის ათვისებას ისახავს მიზნად. როგორ მუშაობს ეს ინოვაცია, რა საინვესტიციო პოტენციალი აქვს მას და რა სირთულეებთან არის დაკავშირებული საქართველოდან გლობალური ედტექ პროდუქტის შექმნა? სტუმრები: ნიკა მეტრეველი - Intutor, თანადამფუძნებელი საბა ასლამაზიშვილი - Intutor, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საზღვარგარეთ ხარისხიანი განათლების მიღება ბევრი ახალგაზრდის თუ უკვე შემდგარი პროფესიონალის მთავარი მიზანია. თუმცა, მსოფლიოს წამყვან უნივერსიტეტებში ჩარიცხვის პროცესი, სააპლიკაციო დოკუმენტაციის მომზადება და სტიპენდიების მოძიება საკმაოდ რთულ და სტრესულ გზასთან არის დაკავშირებული. სწორედ ამ ბარიერების დაძლევაში, სწორი სტრატეგიის შემუშავებასა და კარიერულ დაგეგმარებაში ეხმარება აპლიკანტებს საკონსულტაციო კომპანია „ედვიზიო“. კომპანია მომხმარებელს სრულყოფილ, საგანმანათლებლო და სანავიგაციო მომსახურებას სთავაზობს, დაწყებული უნივერსიტეტის შერჩევიდან, სავიზო მხარდაჭერით დასრულებული. სტუმარი: ნინი მარეხაშვილი - edvizio, დამფუძნებელი და დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სწორედ ამ მიზანს ემსახურება „პროფესიონალ და მოყვარულ მოცეკვავეთა საერთაშორისო ფესტივალი“, რომელსაც საქართველოს დედაქალაქი უკვე მეორედ მასპინძლობს. ღონისძიება, რომელიც 14-დან 18 ოქტომბრის ჩათვლით გაიმართება, მიზნად ისახავს საქართველოს კულტურული ტურიზმის პოტენციალის პოპულარიზაციას მსოფლიო მასშტაბით და ქვეყანაში საერთაშორისო ვიზიტორების მოზიდვას. ამ მასშტაბური პროექტის უკან დგას ჩვენი შემდეგი სტუმარი - პროფესიონალი მოცეკვავე, პედაგოგი და, რაც მთავარია, „მსოფლიო ცეკვის საბჭოს“ ლიცენზირებული საერთაშორისო კატეგორიის მსაჯი, ლიზი მორ. რა დატვირთვა აქვს ამ ფესტივალს საქართველოსთვის, როგორია სპორტული ცეკვების ინდუსტრიის ბიზნეს-პოტენციალი და რა სირთულეებთან არის დაკავშირებული საერთაშორისო დონის ღონისძიების ორგანიზება? სტუმარი: ლიზი მორ - "მსოფლიო ცეკვის საბჭოს" ლიცენზირებული საერთაშორისო კატეგორიის მსაჯი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
დიზაინის საერთაშორისო ინდუსტრიაში თავის დამკვიდრება ურთულესი, თუმცა ძალიან საინტერესო გზაა. დღეს მსოფლიოს წამყვან დიზაინ-სტუდიებში სულ უფრო ხშირად ისმის ქართული სახელები. ნატალი შურღაია ახალგაზრდა ქართველ-ბრიტანელი დიზაინერია, რომელიც სწორედ იმ პროფესიონალთა ტალღას მიეკუთვნება, რომლებიც საკუთარ უნიკალურ ხელწერას გლობალურ დონეზე ამკვიდრებენ. ამჟამად ნატალი ლონდონში, ცნობილ Peter Mikic Studio-ში საერთაშორისო დონის პროექტებზე მუშაობს. ეს სტუდია, რომელიც მოდის სფეროდან მოსული ლეგენდარული პიტერ მიკიჩის მიერაა დაარსებული, House & Garden-ის მსოფლიო ტოპ-ასეულებში მოწინავე ადგილს იკავებს და მისი პორტფოლიო ულტრა-ლუქს კლასის კერძო რეზიდენციებსა და იახტებს აერთიანებს. საერთაშორისო პროექტების პარალელურად, ნატალი ავეჯისა და ექსკლუზიური ობიექტების საკუთარ ხაზს ავითარებს, სადაც მთავარი მიზანი მასალების საშუალებით ამბის მოყოლა და ქართული შემოქმედებითი ტრადიციის გლობალურ ასპარეზზე გატანაა. სტუმარი: ნატალი შურღაია - დიზაინერი სინქრონულ თარგმანს უზრუნველყოფს სათარჯიმნო კომპანია Translation Company NG Georgia #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სექტემბერი ახალი სასწავლო წლის დაწყებასთან, ახალ მიზნებსა და პროფესიულ გამოწვევებთან ასოცირდება. დიზაინის ინდუსტრია დღეს ერთ-ერთი ყველაზე დინამიკური და სწრაფად მზარდი სფეროა, რომელიც არა მხოლოდ ვიზუალურ ესთეტიკას, არამედ ბიზნესის განვითარებასა და სოციალური პრობლემების მოგვარებას ემსახურება. ქართულ ბაზარზე ამ მიმართულებით უმნიშვნელოვანეს როლს თამაშობს „დიზაინ ინსტიტუტი“, რომელიც მესამე საოპერაციო წლის დასასრულს უახლოვდება. ინსტიტუტი არა მხოლოდ თანამედროვე საგანმანათლებლო პროგრამებს სთავაზობს სტუდენტებს, არამედ აქტიურად არის ჩართული საზოგადოებრივ და ბიზნეს ინიციატივებში - მაგალითად, 8-10 ოქტომბერს „სოციალური დიზაინის დღეებს“ მასპინძლობს და პარალელურად, რეგიონული ბიზნესების მხარდაჭერის პროექტებს ახორციელებს. რა პოზიტიურ ცვლილებებს მიაღწია ინსტიტუტმა გასული 3 წლის განმავლობაში, რა სიახლეებით ხვდება ახალ სეზონს და რას გულისხმობს რეგიონული ბიზნესების გაძლიერების პროექტი? სტუმარი: ნინო ეგაძე - "დიზაინ ინსტიტუტის" დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რამდენიმე დღის წინ, ბათუმმა კრეატიული ინდუსტრიის ყველაზე მასშტაბურ საერთაშორისო ფესტივალს - Ad Black Sea 2026-ს უმასპინძლა. წლევანდელი გამოშვება განსაკუთრებული იყო, რადგან ფესტივალმა დაარსებიდან 10 წლის იუბილე აღნიშნა. ათი წლის განმავლობაში Ad Black Sea რეგიონის მთავარ პროფესიულ პლატფორმად ჩამოყალიბდა, რომელმაც ჯამში 40-ზე მეტი ქვეყნიდან მოწვეულ 290 ჟიურის წევრს, 283 სპიკერსა და 7000-ზე მეტ დელეგატს უმასპინძლა. წლევანდელი ფესტივალის კონცეფცია „ON THE EDGE - Festival of Creative Resistance“ გახლდათ. განსაკუთრებით საამაყოა, რომ წლევანდელი გრან-პრის მფლობელები ქართული სააგენტოები - Playmakers და Windfor’s Tbilisi გახდნენ. ამასთან, უკვე მეორე წელია, გამარჯვებული პროექტები The One Club Global Creative Rankings-ში აისახება, რაც ჩვენს კრეატივს გლობალურ რუკაზე ათავსებს. როგორ ჩაიარა საიუბილეო ფესტივალმა, როგორია საკონკურსო ნამუშევრების ხარისხი და რა ტენდენციები იკვეთება კრეატიულ ინდუსტრიაში? სტუმარი: სოფო კეჩხოშვილი - კრეატივის საერთაშორისო ფესტივალის Ad Black Sea-ის საკონკურსო პროგრამების დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როდესაც ბაზარზე იმპორტირებული, ხშირად უფრო იაფი პროდუქცია ჭარბობს, ადგილობრივი მწარმოებლებისთვის ხარისხის შენარჩუნება და სტაბილური განვითარება კრიტიკულად მნიშვნელოვანია. თანამედროვე ტექნოლოგიების დანერგვა, ლოგისტიკური ჯაჭვის სწორი მართვა და მომხმარებლის ნდობის მოპოვება ის მთავარი ფაქტორებია, რომლებიც კომპანიის გრძელვადიან წარმატებას განაპირობებს. სწორედ ინდუსტრიაში შეტანილი წვლილისა და წარმოების მაღალი სტანდარტებისთვის, კომპანია „არია“ ფერმერის დღეზე სპეციალური ჯილდოთი აღიარეს. რა სტრატეგიით პოზიციონირებს ბრენდი კონკურენტულ გარემოში და როგორ მართავს გაფართოების პროცესს? სტუმარი: ანა გამგებელი - “არია”, წარმოების დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რძის პროდუქტების წარმოება ქართულ აგროსექტორში ერთ-ერთი ყველაზე შრომატევადი და რთულად პროგნოზირებადი მიმართულებაა. ფერმერული მეურნეობის მართვა, სანიტარიული ნორმების უმაღლეს დონეზე დაცვა და მომხმარებლისთვის აბსოლუტურად ნატურალური პროდუქტის მიწოდება სერიოზულ ფინანსურ და ფიზიკურ რესურსს ითხოვს. ამ სფეროში თავისი ნიშა წარმატებით დაიმკვიდრა „კაჭრეთის ყველმა“, რომელიც მასობრივი ინდუსტრიისგან განსხვავებით, აქცენტს ტრადიციულ და ეკოლოგიურ წარმოებაზე აკეთებს. როგორია მერძევე ფერმერის ყოველდღიურობა და რა ეკონომიკურ ბარიერებს აწყდება საოჯახო მეურნეობა დღეს? სტუმარი: მარიამ გამცემლიძე - მერძევე, ფერმერი “კაჭრეთის ყველის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული აგროსექტორისთვის რძის პროდუქტების ბაზარი სერიოზული გამოწვევების წინაშე დგას. 2026 წლის იანვარ-აგვისტოს მონაცემებით, საქართველოდან ყველისა და ხაჭოს ექსპორტი 37%-ით შემცირდა და 832 ათასი დოლარი შეადგინა. მოცულობრივად ეს მხოლოდ 74.8 ტონაა. მთავარ საექსპორტო ბაზრებად კვლავ აშშ, აზერბაიჯანი და კანადა რჩება. ექსპორტის კლების პარალელურად, ქვეყანაში იმპორტი 12.3%-ით გაიზარდა და 29.2 მილიონ დოლარს მიაღწია, სადაც მთავარი მომწოდებლები გერმანია, თურქეთი და რუსეთი არიან. ამას ემატება ის ფაქტიც, რომ ბოლო 5 წლის განმავლობაში რძის პროდუქტებიდან ყველაზე მეტად სწორედ ყველი გაძვირდა. ასეთი რთული მაკროეკონომიკური სურათისა და იმპორტირებული პროდუქციის მოძალების ფონზე, ადგილობრივი წარმოების განვითარება და ბაზარზე თავის დამკვიდრება უდიდეს ძალისხმევას მოითხოვს. სწორედ ამ გამოწვევებს პასუხობს ბრენდი „შვანრე“, რომელიც ტრადიციულ სვანურ კულინარიულ მემკვიდრეობას ავთენტურ და კომერციულად მიმზიდველ პროდუქტად აქცევს. სტუმარი: ნონა ანსიანი - “შვანრე”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ტექნოლოგიური სტარტაპი Tasteit გლობალური მასშტაბირების სრულიად ახალ ეტაპზე გადადის. კომპანია აშშ-ის ერთ-ერთ ყველაზე პრესტიჟულ აქსელერაციის პროგრამაში - Techstars-ში მოხვდა და 220 000 აშშ დოლარის ინვესტიცია მოიპოვა. ხაზგასასმელია, რომ Techstars-ი ყოველწლიურად ათიათასობით განაცხადიდან მხოლოდ საუკეთესო 1%-ს არჩევს. სწორედ ამ აქსელერატორიდან დაიწყეს გლობალური წარმატების გზა ისეთმა გიგანტებმა, როგორიც, მაგალითად, Uber-ია. Tasteit-ის გუნდი მომდევნო თვეების განმავლობაში კოლორადოს შტატში, ბოლდერში, Techstars-ის სათავო ოფისიდან იმუშავებს. შეგახსენებთ, რომ Tasteit არის სოციალური ქსელი, რომელიც ადამიანებს საჭმლის გარშემო აერთიანებს. პლატფორმას უკვე 100 000-მდე აქტიური მომხმარებელი ჰყავს საქართველოში, აშშ-სა და გერმანიაში. რას ნიშნავს ეს წარმატება ქართული ეკოსისტემისთვის, რა წვდომას ხსნის Techstars-ი გლობალურ ვენჩურულ ფონდებზე და როგორია Tasteit-ის გეგმები ამერიკულ ბაზარზე? სტუმარი: თეო გონგლაძე - Tasteit-ის თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტექნოლოგიური პროგრესის კვალდაკვალ, მენეჯმენტში გაციფრულების პროცესი სულ უფრო ჩქარდება. ბიზნესპროცესების ავტომატიზაცია დღეს უკვე ფუფუნება კი არა, კომპანიების გადარჩენისა და განვითარების მთავარი წინაპირობაა. ნინო ფეიქრიშვილს ბიზნესსექტორში, კერძოდ კი HR-ის მიმართულებით მმართველ პოზიციებზე მუშაობის მრავალწლიანი გამოცდილება აქვს. წლების განმავლობაში ის მუდმივად ეძებდა ბიზნესპროცესების გაციფრულების შესაძლებლობებს და საბოლოოდ, საკუთარი ინიციატივით შექმნა ტექნოლოგიური სტარტაპი Self.ge - უნივერსალური სისტემა, რომელიც სრულად მორგებულია ქართული ბიზნესის რეალობას. Self.ge კომპანიებს სთავაზობს სრულად ციფრულ HR-მართვის სისტემას. მისი მთავარი უპირატესობა Self-სერვისია, სადაც თითოეული თანამშრომელი უშუალოდ არის ჩართული საკუთარი ადმინისტრაციული პროცესების მართვაში. როგორ დაიწყო დამოუკიდებელი ბიზნესი კრიზისულ პერიოდში საკუთარი ფინანსებით, როგორ მოიპოვა ნდობა ისეთმა მსხვილმა ბრენდებმა, როგორებიცაა Wendy's, ACCOR, "ევროპროდუქტი" და რა საინტერესო სიახლესა თუ რებრენდინგს აანონსებს სტარტაპი დღეს? სტუმარი: ნინო ფეიქრიშვილი - self.ge, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიგრაცია და უცხო ქვეყანაში კარიერის ნულიდან დაწყება უდიდეს სირთულეებთან არის დაკავშირებული. გერმანიაში მცხოვრები ქართველი ქალების პროფესიული განვითარების, გაძლიერებისა და საზოგადოებრივი ინტეგრაციის მიზნით შეიქმნა არასამთავრობო ორგანიზაცია MY GEORGIA Women. პლატფორმა მიგრანტ ქალებს მენტორინგით, ნეთვორქინგითა და პრაქტიკული ტრენინგებით ეხმარება, რათა გერმანიის კონკურენტულ შრომის ბაზარზე საკუთარი პოტენციალის რეალიზება შეძლონ. ორგანიზაციის დამფუძნებელი ლელა გრისბახია, რომლის პირადი ისტორიაც გერმანიაში 22 წლის ასაკში Au-pair-ად ჩასვლიდან ეკონომიკის დოქტორის ხარისხის მიღებამდე უდიდეს მოტივაციას ატარებს. სტუმარი: ლელა გრისბახი - MY GEORGIA Women, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიმდინარე წლის მე-2 კვარტალში საქართველოში საშუალო თვიური ნომინალური ხელფასი 8%-ით გაიზარდა. საქსტატის უახლესი მონაცემებით, ეს მაჩვენებელი წინა წლის შესაბამის პერიოდთან შედარებით 177 ლარით მეტია და 2389 ლარს შეადგენს. საშემოსავლო გადასახადის გამოკლებით, რეალური საშუალო ხელფასი 1911 ლარს უტოლდება. საინტერესოა თავად დათვლის სპეციფიკა, უწყება 16000-მდე საწარმოს სახელფასო ფონდს აანალიზებს, რაც ძირითად ანაზღაურებასთან ერთად პრემიებსა და დანამატებსაც მოიცავს. სტატისტიკურად, ყველაზე მაღალი შემოსავალი 4400 ლარი ინფორმაციისა და კომუნიკაციის სექტორში ფიქსირდება, მას 4074 ლარით საფინანსო საქმიანობა, 3496.6 ლარით მშენებლობა, ხოლო 3304.8 ლარით პროფესიული და სამეცნიერო სფერო მოსდევს. რამდენად ზუსტად ასახავს ეს ოფიციალური ციფრები ბაზარზე არსებულ რეალურ სურათს და როგორ იცვლება ანაზღაურების პოლიტიკა? სტუმარი: ინგა შახბაზიანი - hr.ge-ის ვებ განყოფილების გაყიდვების დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სექტემბერი ახალი სასწავლო წლის დაწყებასთან, ახალ მიზნებსა და აკადემიურ გეგმებთან ასოცირდება. საერთაშორისო განათლების მიღება და საზღვარგარეთ სწავლის გაგრძელება სულ უფრო მეტი ქართველი მოსწავლისა და მათი მშობლის მთავარი პრიორიტეტი ხდება. თუმცა, როგორ შევარჩიოთ სწორი სასწავლო პროგრამა, როგორ მოვიპოვოთ დაფინანსება და რა ეტაპები უნდა გაიაროს მოზარდმა ამერიკულ თუ ევროპულ საგანმანათლებლო სივრცეში მოსახვედრად? სწორედ ამ შესაძლებლობებს სთავაზობს ახალგაზრდებს „ამერიკული აკადემია“, რომელიც ფილიალებით წარმოდგენილია ბათუმსა და ქუთაისში, ასევე სრულფასოვნად ოპერირებს ონლაინ სივრცეშიც. აკადემია ახალ სასწავლო სეზონს მრავალფეროვანი სიახლეებით იწყებს, თუ რა შესაძლებლობებს უხსნის აკადემია ბავშვებსა და მოზარდებს და რა რჩევები უნდა გაითვალისწინონ მშობლებმა? სტუმარი: ნათია სირაბიძე - განათლების კონსულტანტი, „ამერიკული აკადემიის” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ინტერნეტი დღეს ბავშვებისთვის მეორე სახლია, თუმცა, სამწუხაროდ, ის ხშირად სავსეა ისეთი საფრთხეებით, როგორიცაა კიბერბულინგი, შეუსაბამო შინაარსის კონტენტი, მუქარა თუ ნარკოტიკების შეთავაზება. მშობლების უმეტესობა ამის შესახებ გვიან ან საერთოდ ვერ იგებს. ბაზარზე არსებული ტრადიციული გამოსავალი ე.წ. „ჯაშუშური აპლიკაციები“ იყო - მშობელი კითხულობდა შვილის ყველა შეტყობინებას და აკონტროლებდა თითოეულ ნაბიჯს. თუმცა, ნდობის დარღვევა და საკუთარი შვილის ზედამხედველად ქცევა ბევრი მშობლისთვის, ფსიქოლოგიური კუთხით, მიუღებელია. სწორედ ამ პრობლემის საპასუხოდ, საქართველოში შეიქმნა Protejo (პროტეგო) - ინოვაციური აპლიკაცია, რომელიც დაფუძნებულია ხელოვნურ ინტელექტზე. მისი მთავარი დაპირებაა: „უსაფრთხოება თვალთვალის გარეშე“. აპლიკაცია მშობლის მაგივრად აანალიზებს მიმოწერას და სიგნალს მხოლოდ მაშინ რთავს, როდესაც რეალური საფრთხე ფიქსირდება. Protejo ამოიცნობს 8 ენას, მათ შორის სლენგებსა და ემოჯებს და უზრუნველყოფს მედიაფაილების ავტომატურ წაშლას 48 საათში. რატომ გადაწყვიტეს თავად მშობლებმა ამ პროდუქტის შექმნა და როგორ ცვლის Protejo ბავშვთა ონლაინ უსაფრთხოების სტანდარტს? სტუმარი: თამარ კალანდარიშვილი - Protejo, ბრენდის მთავარი ოფიცერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კრეატიული ეკონომიკა და თანამედროვე ხელოვნება საზოგადოებრივი დიალოგის ერთ-ერთი ყველაზე მძლავრი ინსტრუმენტია. 19-დან 30 სექტემბრის ჩათვლით, მზიურის პარკში საერთაშორისო თანამედროვე ხელოვნების ფესტივალი იმართება, რითაც „კუბის“ ახალი სეზონი იხსნება. „არტისტერიუმის“ პროგრამა „სივრცე, რომელიც ყველასია“ იკვლევს, თუ როგორ უმკლავდება საზოგადოება ინდივიდუალურ თუ კოლექტიურ კრიზისებს ცვლილებების ეპოქაში. ფესტივალის კონცეფცია განსაკუთრებულია იმით, რომ მონაწილე 7 მხატვარს აკადემიური სახელოვნებო განათლება არ აქვს, რაც პირდაპირ ამტკიცებს, რომ შემოქმედებითი თვითგამოხატვა პროფესიული სტატუსით არ შემოიფარგლება. სტუმარი: ანუკა ლომიძე - "კუბი კონტექსტში", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული მეღვინეობის სექტორი, განსაკუთრებით კი მცირე მარნები, რთული საკანონმდებლო და ფინანსური ცვლილებების წინაშე აღმოჩნდნენ. ამოქმედებული რეგულაციებით, მცირე ზომის მარნის წლიური წარმადობის მაქსიმალური ზღვარი 40 000-დან 25 000 ლიტრამდე მცირდება. ამასთან, სამეწარმეო ვენახის გაშენება ღვინის ეროვნული სააგენტოს ნებართვას ექვემდებარება, ხოლო სერტიფიცირებული სასმელებისთვის 10-თეთრიანი სავალდებულო ნიშანდება წესდება. კერძო სექტორის ნაწილი მიიჩნევს, რომ გამკაცრებული დეგუსტაცია და ბიუროკრატიული წნეხი ქართული ღვინის თვითღირებულებას ხელოვნურად და არაგონივრულად ზრდის. სტუმარი: ქეთო ნინიძე - საოჯახო მარანი „ოდა“, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia