ზაფხულის სეზონზე ჩვენი ორგანიზმისთვის მზის სხივები ერთდროულად სასარგებლოც არის და, არასწორი მიდგომის შემთხვევაში - სერიოზული საფრთხის შემცველიც. ულტრაიისფერი გამოსხივება, როგორც UVA, ისე UVB სხივები, იწვევს კანის ნაადრევ დაბერებას, დამწვრობას, პიგმენტურ ლაქებს და რაც მთავარია, ზრდის კანის დაავადებების რისკს. მიუხედავად იმისა, რომ დღეს მზისგან დაცვის აუცილებლობაზე ბევრი საუბრობს, საზოგადოებაში კვლავ არსებობს არაერთი მითი და არასწორი ჩვევა. სწორედ ამიტომ, მნიშვნელოვანია პროფესიონალური რჩევების მოსმენა. სტუმრები:
ლოკალური სამზარეულოსა და კულტურული მემკვიდრეობის სინთეზმა რეგიონში ბიზნესის განვითარების გამორჩეული მოდელი შექმნა, რისი თვალსაჩინო მაგალითებიც მათ შორის, ის რესტორნებია, რომელსაც ლილე მაღლაფერიძე უდგას სათავეში . რესტორატორმა ქუთაისში უკვე მესამე კონცეპტუალური რესტორანი გახსნა. პანდემიის შემდგომ 80 ათასი ლარის ინვესტიციით დაწყებული „ლილესთან“, დღეს უკვე, როგორც თავად აღნიშნავენ, იმერეთის საუკეთესო რესტორნის ტიტულს ატარებს. მას მოჰყვა გალაკტიონის ინსპირაციით შექმნილი „გალა“, სულ ახლახან კი ბაზარს „ტიციანის ეზო“ დაემატა. ძველი იმერული რეცეპტების გაცოცხლება და ბიომეღვინეობის პოპულარიზაცია ამ სივრცეების მთავარ სავიზიტო ბარათად იქცა. სტუმარი: ლილე მაღლაფერიძე - რესტორენების “ლილესთან”, “გალა”, „ტიციანის ეზო“, დამფუძნებელი #ახალიამბები #BusinessMediaGeorgia
ტურისტული სექტორის დეცენტრალიზაცია და რეგიონული ეკონომიკის გაძლიერება უმნიშვნელოვანესი პროცესია. როდესაც ლოკალური, საოჯახო სივრცეები საერთაშორისო სტანდარტების მქონე ობიექტებად ტრანსფორმირდება, რეგიონი სრულიად ახალ ეკონომიკურ სიცოცხლეს იძენს. მაიკო კეზევაძემ მამა-პაპისეული სახლი იმერეთის ერთ-ერთ მთავარ სავიზიტო ბარათად, აგროსახლ „ქორენად“ აქცია. ეს არის ადგილი, რომელიც ტურისტებს არა მხოლოდ დასვენებას, არამედ ქართული აგრიკულტურების წარმოების ავთენტურ პროცესს სთავაზობს. როგორ მიმდინარეობს წელიწადის ყველაზე ცხელი და ამავედროს ტურისტულად ყველაზე აქტიური სეზონი ქორენაში და რა ტენდენციები იკვეთება იმერეთის აგროტურიზმში? სტუმარი: მაიკო კეზევაძე - “ქორენა”, დამფუძნებელი #ახალიამბები #BusinessMediaGeorgia
ურბანული დაბინძურების ფონზე, დახურულ სივრცეებში ეკოლოგიურად სუფთა გარემოს შექმნა ბიზნესის ახალ, პერსპექტიულ მიმართულებად იქცა.თბილისში ჰაერის გამწმენდი მცენარეების ინოვაციური სივრცე „პლანტერი“ გაიხსნა. სტარტაპი მომხმარებელს სთავაზობს არა მხოლოდ მცენარეების მრავალფეროვან ასორტიმენტს, არამედ სპეციალურ ტექნოლოგიურ პლატფორმას, რომელიც სივრცის მახასიათებლების მიხედვით კონკრეტული ლოკაციისთვის იდეალურ ეკოგადაწყვეტილებებს არჩევს. ბიოფილტრაციისა და მწვანე დიზაინის ინტეგრირება თანამედროვე ოფისებსა და საცხოვრებელ სახლებში სულ უფრო მოთხოვნადი ხდება. სტუმარი: ალექსანდრე იაკობიძე - Planter, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გლობალურ თუ ლოკალურ ბაზარზე, უკვე დიდი ხანია, რაც კორპორაციული სოციალური პასუხისმგებლობა, ანუ CSR, წამყვანი ბრენდების იდენტობის განუყოფელ ნაწილს წარმოადგენს. კომპანია „ვისოლმა“, რომელიც გზაზე მოგზაურთათვის შესვენებისა და შევსების ერთიან ეკოსისტემას ქმნის, ახალი მასშტაბური გარემოსდაცვითი კამპანია, სახელწოდებით „თუ მოისვრი, მობრუნდება“ დაიწყო. პროექტის მიზანი გზისპირა ზოლების დაბინძურების შემცირება, ავტომობილით გადაადგილებისას პასუხისმგებლიანი სამოგზაურო კულტურის წახალისება და საზოგადოებრივი ცნობიერების ამაღლებაა. ამ ინიციატივას აქტიურად უერთდება „სმარტიც“, რომელიც, როგორც ამბობენ, უკვე 15 წელზე მეტია მგზავრებისთვის საიმედო პარტნიორს წარმოადგენს. აღსანიშნავია ისიც, რომ კამპანია ხორციელდება ავტორიტეტულ საერთაშორისო ორგანიზაციასთან, „კავკასიის რეგიონულ გარემოსდაცვით ცენტრთან“ მჭიდრო კოლაბორაციით. როგორია კამპანიის სტრატეგიულ მიზნები და ეკოლოგიური ქცევის წახალისების მექანიზმები? სტუმრები: რუსუდან კბილაშვილი - “ვისოლი”, საზოგადოებასთან ურთიერთობისა და CSR სამსახურის ხელმძღვანელი სოფიკო ახობაძე - “კავკასიის რეგიონული გარემოსდაცვითი ცენტრი”, დირექტორი. #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
18 ივლისიდან გუდაურში ზაფხულის ტურისტული სეზონი ოფიციალურად გაიხსნა. მთის ტრასების სააგენტოს ინფორმაციით, დამსვენებლებს ყოველდღიურად, 11:00-დან 17:00 საათამდე, ოთხი საბაგირო მოემსახურება. თუმცა, სეზონის გახსნის პარალელურად, ყურადღებას იქცევს ქვეყანაში ტურიზმის სექტორის ზოგადი მაკროეკონომიკური მაჩვენებლები. 2026 წლის პირველ 6 თვეში, ტურიზმიდან მიღებული შემოსავლები 2%-ით შემცირდა და 1 მილიარდ 931 მილიონი დოლარი შეადგინა. კლება განსაკუთრებით მეორე კვარტალში თვალსაჩინოა. საერთაშორისო ვიზიტების რაოდენობაც 2.7%-ით არის შემცირებული. ახლო აღმოსავლეთში მიმდინარე საომარი მოქმედებების ფონზე, ვიზიტორების 49%-იანი კლებაა ირანიდან, 14%-იანი კი ისრაელიდან; ავიარეისების შეწყვეტის გამო შემცირებულია ინდოელი ტურისტების ნაკადიც. სამაგიეროდ, მატება ფიქსირდება ევროპული ბაზრებიდან, მათ შორის გერმანიიდან, პოლონეთიდან და უკრაინიდან. როგორ აისახება ეს მაკრო ტენდენციები კონკრეტულად გუდაურზე და როგორია სასტუმრო ბიზნესის მოლოდინები მიმდინარე ზაფხულს? სტუმარი: გიორგი კვიწინაშვილი - Best Western Gudauri, მფლობელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თბილისის ისტორიულ ცენტრში, მე-19 საუკუნის რესტავრირებულ შენობაში სრულიად ახალი სივრცე, პირველი მოსასმენი კაფე - „კალენდარი“ (CALENDAR) გამოჩნდა. ეს არ არის მხოლოდ კვების ობიექტი, ეს არის ადგილი, სადაც მუსიკა გამოცდილების ცენტრშია. ვინილის მოსმენის სესიები, ლაივ შესრულებები და დიჯეი სეტები აქ ავთენტურ ქართულ კერძებსა და ნატურალურ ღვინოებთან ერთიანდება. უფრო მეტიც, სივრცეში ინტეგრირებულია მუსიკალური სკოლა, სადაც მუსიკის წერა და პროდუსინგი ისწავლება. როგორ იქცა ეს მულტიფუნქციური იდეა რეალურ ბიზნესად და რას სთავაზობს ის მომხმარებელს? სტუმარი: ქეთა ქებურია - “კალენდარი”, გენერალური მენეჯერი, თანადამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ჩვენი სტუმრის პროფესიული გზა „სამოსელი პირველიდან“, ტელეპროექტებიდან და ცნობილი ქართველი დიზაინერების (თამუნა ინგოროყვა, ირაკლი რუსაძე) ატელიეებიდან დაიწყო. ისრაელში, ცნობილ „ატელიე ბერტაში“ მიღებულმა გამოცდილებამ კი მას ახალი ხედვა შესძინა და ასე დაიბადა ქართული სამოსის ბრენდი - MARIKONE. ბრენდის მთავარი სავიზიტო ბარათი ქალის სილუეტზე მორგებული საფირმო კორსეტებია. როგორ გადმოიტანა მან კლასიკური კორსეტი ყოველდღიურ სთრით-სთაილში და რა მნიშვნელობა აქვს ქსოვილის ხარისხს? სტუმარი: მარი ძნელაძე - MARIKONE, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ნებისმიერი წარმატებული ბიზნესი რეალური პრობლემის აღმოჩენითა და მისი გადაჭრით იწყება. სწორედ ასე გაჩნდა „ლილიეტო“ — ოთახის მცენარეების სტუდია, რომელმაც მომხმარებელს გამზადებული, მოვლილი, ექსკლუზიურ ქოთნებში გადარგული და საგანგებოდ შეფუთული მცენარეები შესთავაზა. ბრენდის დამფუძნებელმა, რომელსაც მარკეტინგსა და კომუნიკაციებში 15-წლიანი გამოცდილება აქვს, სულ რაღაც 500-ლარიანი ინვესტიციით შეძლო შეექმნა ბიზნესი, რომელიც დღეს მცენარეების გარდა, ადამიანებს სიმშვიდესა და ესთეტიკას ჩუქნის. როგორ იქცა ონლაინ იდეა საყვარელ საქმედ და რა როლი აქვს ემოციურ კომუნიკაციას გაყიდვებში? სტუმარი: მარი კევლიშვილი - “ლილიეტოს” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიმდინარე წელს საქართველოში მოცვის რეკორდული მოსავალი დაფიქსირდა, დაახლოებით 10,000 ტონაზე გასვლას ვარაუდობენ მწარმოებლები, თუმცა ამ დადებით მოცემულობას სექტორისთვის სერიოზული კრიზისი მოჰყვა. ფერმერები ფასების მკვეთრი ვარდნის, კლიმატური სირთულეებისა და ლოგისტიკური ბარიერების წინაშე აღმოჩნდნენ. განსაკუთრებით პრობლემურია საქართველოს აეროპორტებში სამაცივრე ჯაჭვის არარსებობა, რაც საჰაერო ექსპორტს ფაქტობრივად შეუძლებელს ხდის. პარალელურად, აზიის მაღალმხარჯველუნარიანი ბაზრები პრემიუმ, დაფასოებულ პროდუქციას ითხოვენ, რისი რესურსიც ქვეყანაში მწირია. როგორია აგროსექტორში შექმნილი ვითარება და გამოსავლის გზები? სტუმარი: ეკატერინე ვეფხვაძე - Agritouch-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ციფრული ტრანსფორმაციის ეპოქაში შრომის ბაზარი სრულიად ახალ მოთხოვნებს აყალიბებს, სადაც ტექნოლოგიური და მენეჯერული უნარების სინთეზს დიდი მნიშვნელობა ენიჭება. ამ პროცესში საგანმანათლებლო სივრცეების როლი კრიტიკულად იზრდება. „სმარტ აკადემია“ ბაზარზე ინოვაციური მიდგომებით გამოირჩევა და სასწავლო პროცესში ხელოვნურ ინტელექტს აქტიურად ნერგავს. კომპანიამ მიმდინარე წელს საერთაშორისო აღიარება მოიპოვა და ისეთი მასშტაბური გლობალური ღონისძიებების პარტნიორი გახდა, როგორიცაა AI & Marketing 2026, VivaTech Paris და We Make Future 2026. აკადემია სტუდენტებს მომავლის პროფესიებს, თანამედროვე მენეჯმენტსა და ბრენდინგის უახლეს სტრატეგიებს სთავაზობს. როგორია საგანმანათლებლო ტენდენციები? სტუმარი: მაკო ქურთიაშვილი - “სმარტ აკადემიის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ზაფხული აქტიური დასვენების, ბუნებასთან სიახლოვისა და ახალი ემოციების აღმოჩენის საუკეთესო დროა. საქართველოში სათავგადასავლო ტურიზმი ყოველწლიურად ვითარდება, თუმცა ყველაფერს თავისი დასაწყისი აქვს. კლუბი „ჯომარდი“ ამ სფეროს პიონერია - ის 2003 წლიდან ფუნქციონირებს და ქვეყანაში პირველ საჯომარდო ბაზად ითვლება. წლების განმავლობაში კომპანიამ არა მხოლოდ შეინარჩუნა ლიდერის პოზიცია, არამედ მნიშვნელოვნად გაფართოვდა: 2018 წელს ბაზას დაემატა თოკების პარკი ოთხი სხვადასხვა სირთულის ტრასითა და ზიპლაინით. როგორ ემზადება საჯომარდო კლუბი მიმდინარე ზაფხულის სეზონისთვის, რა უსაფრთხოების სტანდარტებს იცავენ და როგორია მოთხოვნა ადგილობრივი თუ საერთაშორისო ვიზიტორებისგან? სტუმარი: სოფო ბურდული - “ჯომარდი”, მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
17 ივლისს, სასტუმრო „შერატონ გრანდ თბილისი მეტეხი პალასში“ უმნიშვნელოვანესი ღონისძიება გაიმართება: პირველად საქართველოში, ონკოპაციენტები ერთ სივრცეში შეიკრიბებიან. ეს კონგრესი UICC-ის (კიბოს კონტროლის საერთაშორისო კავშირის) გლობალური კამპანიის - „United by Unique"-ის ნაწილია. ღონისძიების მთავარი გზავნილია, რომ პაციენტის გამოცდილება მხოლოდ პირადი ისტორია არ არის, ის არის რეალური ძალა და ხმა, რომელსაც შეუძლია შეცვალოს, გააუმჯობესოს და პაციენტზე უფრო მეტად მორგებული გახადოს ჯანდაცვის სისტემა. პარალელურად, საუბარი შეეხება პრევენციასა და ჯანსაღი ცხოვრების წესს, რისი ფასიც ონკოპაციენტებმა ყველაზე კარგად იციან. ამ მნიშვნელოვან თემებზე სასაუბროდ სტუდიაში ვუმასპინძლებთ ღონისძიების ორგანიზატორებსა და მხარდამჭერებს. სტუმრები: სოფო ფირანიშვილი - “ონკოლაინ ჯორჯია", დამფუძნებელი ეთერ სანაია - ქალთა პროფესიული განვითარების მხარდამჭერი და ახალი პროფესიული პროგრამების ინიციატორი საქართველოში #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კრიზისი, როგორც ახალი შესაძლებლობა - ასე შეიძლება შეფასდეს ჩვენი პირველი სტუმრის ბიზნეს ისტორია. კახეთში მდებარე მეღვინეობა „ანაბერიკა“ პანდემიის ურთულეს პერიოდში დაარსდა, მაშინ, როცა ტურიზმი ფაქტობრივად გაჩერებული იყო. თუმცა, სწორად შერჩეულმა სტრატეგიამ, რომელიც საქართველოში მცხოვრები ექსპატებისთვის ქართული ღვინის კულტურის, ქვევრის მეთოდისა და ადგილობრივი ტრადიციების გაცნობას ისახავდა მიზნად, კომპანიას დიდი წარმატება მოუტანა. დღეს „ანაბერიკა“ უკვე გასტრონომიულ მასტერკლასებსაც აერთიანებს და გაფართოების ახალ ეტაპზე გადადის - სულ მალე სტუმრებს 6-ნომრიანი ბუტიკური სასტუმრო „ნუმისიც“ მოემსახურება. გარდა მეღვინეობისა, ჩვენი სტუმარი აქტიურადაა ჩართული სოფლის მეურნეობაში და 4 ჰექტარზე ვაშლატამას ბაღებს ფლობს. სტუმარი: ანა ბერიკაშვილი - “ანაბერიკა” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ინოვაციური ფინანსური ტექნოლოგიებიდან ახლა ტრადიციული წარმოების სექტორში უნდა გადავინაცვლოთ. ქართული გასტრონომიული მემკვიდრეობის შენარჩუნება და მისი კომერციულ ბიზნესად გარდაქმნა ადგილობრივი ეკონომიკის განვითარებისთვის მნიშვნელოვან როლს ასრულებს. კომპანია "ლორუკა" სწორედ ასეთ წარმატებულ მაგალითს წარმოადგენს, რომელიც მომხმარებელს, როგორც აღნიშნავენ, მაღალი ხარისხის, ტრადიციული წესით დამზადებულ რაჭულ ლორს სთავაზობს. ბოლო პერიოდში საწარმომ სარეალიზაციო არეალიც გააფართოვა და სადისტრიბუციო ქსელებში საკუთარი პოზიციები გაიმყარა. სტუმარი: მარიამ ლებანიძე - “ლორუკა”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სწრაფი ეკონომიკური ცვლილებების ეპოქაში, ფინანსური მართვა მხოლოდ ბუღალტრული აღრიცხვის საზღვრებს სცდება და კომპანიის მთავარ სტრატეგიულ იარაღად ყალიბდება. ქართულ ბაზარზე სულ უფრო თვალსაჩინო ხდება ტენდენცია, როდესაც მცირე და საშუალო ბიზნესები გარე ფინანსური დირექტორის, ანუ Outsourced CFO-ის სერვისს მიმართავენ. ეს მიდგომა კომპანიებს საშუალებას აძლევს, ოპტიმიზაცია გაუკეთონ ფულად ნაკადებს, შეაფასონ ფარული რისკები და პროფესიონალური ანალიტიკის საფუძველზე ზუსტი სამომავლო ნაბიჯები დაგეგმონ. ამ სფეროში გამორჩეულ ექსპერტიზას ფლობს კომპანია AFinwise, რომელმაც ბოლო ორწელიწად-ნახევარში 120-მდე მასშტაბური პროექტი განახორციელა. როგორც აღნიშნავენ, კომპანია აქტიურად ნერგავს ინოვაციურ მოდელებს და ფინანსურ პროცესებში ხელოვნური ინტელექტის ინტეგრირებას ხელს უწყობს. როგორია კორპორაციული ფინანსების თანამედროვე არქიტექტურასა და ბაზარზე არსებული გამოწვევები? სტუმარი: ანა ბალესიაშვილი - AFinwise-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
აჭარის რეგიონის საინვესტიციო და ტურისტული პოტენციალი ყოველწლიურად იზრდება, რასაც ბაზარზე ახალი, პრემიუმ კლასის მასპინძლობის ობიექტების გაჩენა პირდაპირ ადასტურებს. ბათუმის ცენტრში, გმირთა ხეივანზე ოპერირება დაიწყო მასშტაბურმა პროექტმა Blue Sky Apart-Hotel-მა, რომელიც დეველოპერული ჯგუფის, LikeHouse-ის 200 მილიონ ლარიანი ინვესტიციის, Blue Sky Tower-ის განუყოფელი ნაწილია. 795 მაღალი კლასის აპარტამენტით წარმოდგენილი ეს კომპლექსი ბათუმში კომფორტული დასვენებისა და ცხოვრების სრულიად ახალ სტანდარტს ამკვიდრებს. ობიექტი უნიკალური მდებარეობით გამოირჩევა და ტურისტულ ინფრასტრუქტურასთან მაქსიმალურ სიახლოვეს უზრუნველყოფს. როგორია სასტუმროს კონცეფცია და ტურისტული სეზონის მოლოდინები? სტუმარი: მამისა ვარშალომიძე - Blue Sky Apart Hotel, გენერალური მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
შრომის ბაზარზე ციფრულ პროფესიებსა და გრაფიკულ დიზაინზე მოთხოვნა ყოველდღიურად იზრდება. ამ სწრაფად ცვალებად ინდუსტრიაში წარმატების მისაღწევად მხოლოდ თეორიული ცოდნა საკმარისი აღარ არის და პრაქტიკულ უნარებს გადამწყვეტი მნიშვნელობა ენიჭება. სწორედ ამ მიზნით შეიქმნა საგანმანათლებლო სივრცე, რომელიც სტუდენტებსა და კომპანიებს სპეციფიკურ, ბაზარზე მორგებულ კურსებს სთავაზობს. „დიზაინის და პრინტის აკადემიამ“ რებრენდინგი განიცადა და ახალი სასწავლო სეზონიდან ბაზარზე „დიზაინის და ბეჭდვის აკადემიის“ სახელით პოზიციონირებს. აკადემია აფართოებს სასწავლო პროგრამებს, ნერგავს ხელოვნური ინტელექტის მოდულებს და აქტიურ B2B თანამშრომლობას იწყებს. სტუმარი: ქეთი ქურციკაშვილი - “დიზაინის და ბეჭდვის აკადემიის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე ეკონომიკაში ინდუსტრიული საწარმოების განვითარება, ენერგოეფექტურობა და პროცესების ავტომატიზაცია კომპანიების გლობალურ კონკურენტუნარიანობას მნიშვნელოვნად განსაზღვრავს. ქართულ ბაზარზე საინჟინრო და ტექნოლოგიური კონსალტინგის მიმართულებით კომპანია IESCO აქტიურად ოპერირებს.კომპანია ადგილობრივ მწარმოებლებს, მათ შორის ენერგეტიკულ სექტორსა და მეღვინეობის ინდუსტრიას, საწარმოო პროცესების მოდერნიზაციასა და ავტომატიზებულ მართვაში ეხმარება. ტექნიკური ექსპერტიზისა და ინოვაციური დანადგარების ინტეგრირების გარეშე დღეს წარმოების ეფექტიანობის მიღწევა ფაქტობრივად შეუძლებელია. სტუმარი: გვანცა შალამბერიძე - IESCO, პარტნიორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საზაფხულო ტურისტული სეზონის გააქტიურების პარალელურად, სტუმარმასპინძლობის სექტორში ეკონომიკური დინამიკა იცვლება. PMCG-ის უახლესი კვლევის თანახმად, ივნისში სასტუმროების მომსახურება საშუალოდ 8.4 პროცენტით გაძვირდა. საინტერესოა ამ მონაცემების ჩაშლაც: 3, 4 და 5-ვარსკვლავიანი სასტუმროების ფასების ინდექსი დაახლოებით 7 პროცენტით, ხოლო საოჯახო ტიპის სასტუმროების ტარიფები გაცილებით მეტად, 11 პროცენტით არის გაზრდილი. ამ ინფლაციურ გამოწვევებთან ერთად, ინდუსტრიაში მწვავე დისკუსიის საგნად რჩება გიდების სავალდებულო სერტიფიცირების საკითხი. მართალია, კანონი უკვე მიღებულია, თუმცა მისი რეალური აღსრულება ფაქტობრივად არ ხდება. სექტორის წარმომადგენლები ღიად საუბრობენ, რომ რეგულაცია ვერ მუშაობს და ის ხარისხის კონტროლის ნაცვლად, მხოლოდ საჯარიმო სანქციების დაწესებისკენაა მიმართული. სტუმარი: ქეთევან მელაძე - "საქართველოს სასტუმროებისა და რესტორნების ფედერაცია", დამფუძნებელი და ხელმძღვანელი. #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მასწავლებელი არ არის მხოლოდ პროფესია - ის არის მეგობარი, გზამკვლევი და თითოეული მოსწავლის მომავალთან დამაკავშირებელი მთავარი ხიდი, რომელიც აყალიბებს თაობების სამოქალაქო და პროფესიულ ფასეულობებს. სწორედ ამ ღვაწლის დასაფასებლად, ქვეყნის ერთ-ერთი ყველაზე მასშტაბური საგანმანათლებლო პროექტი - „მასწავლებლის ეროვნული ჯილდო“ წელს საიუბილეო, მეათე თარიღს აღნიშნავს. წლევანდელი კონკურსი უპრეცედენტოა თავისი მასშტაბით - მასში 1200-ზე მეტი პედაგოგი იყო წარდგენილი. ჩვენი დღევანდელი სტუმარი სწორედ ამ კონკურსის საუკეთესო ათეულის ერთ-ერთი გამორჩეული წევრი, თბილისის 182-ე საჯარო სკოლის სამოქალაქო განათლებისა და მეწარმეობის მენტორი მასწავლებელი, ირინა ჯვარშეიშვილია. მისი აკადემიური და პროფესიული გამოცდილება ნამდვილად შთამბეჭდავია. ირინა გახლავთ თბილისის სახელმწიფო უნივერსიტეტის კურსდამთავრებული საჯარო მმართველობისა და პოლიტიკის მეცნიერებების მიმართულებით. იგი არის სამოქალაქო განათლებისა და მოქალაქეობის არაერთი გრიფირებული სასკოლო სახელმძღვანელოსა და დამხმარე რესურსის თანაავტორი. სასკოლო სივრცის მიღმა, ირინა მოსწავლე-ახალგაზრდობის ეროვნული სასახლის მეწარმეობის კლუბის მენტორია. მისი უშუალო ძალისხმევითა და ხელმძღვანელობით, მოსწავლეებთან ერთად 14 სხვადასხვა სასკოლო საწარმოს იდეა შეიქმნა და განხორციელდა. გარდა ამისა, მის სახელს უკავშირდება არაერთი რესპუბლიკური გამარჯვება, მათ შორის პირველი ადგილი პროექტში „ეს ქვეყანა შენია“ და სულხან-საბა ორბელიანის უნივერსიტეტის სამეწარმეო კონკურსში, რამაც სკოლას მნიშვნელოვანი ინფრასტრუქტურული სიკეთეები, მათ შორის აღჭურვილი კომპიუტერული ლაბორატორია მოუტანა. სტუმარი: ირინა ჯვარშეიშვილი - სამოქალაქო განათლების მენტორი, მასწავლებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როგორ იქცევა ჰობი წარმატებულ ბიზნესად და რა ძალისხმევა სჭირდება ბაზარზე სრულიად ახალი პროდუქტის პოზიციონირებას? ჩვენი პირველი სტუმარი, 24 წლის ანა ტორონჯაძე, უკვე 7 წელია, რაც მეფუტკრეობით არის დაკავებული. ყველაფერი 17 წლის ასაკში, ოჯახისთვის ნაჩუქარი რამდენიმე სკით დაიწყო. რადგან საგურამოსთან, სოფელ ბიწმენდში თაფლის დიდი მოცულობით წარმოების ფიზიკური შესაძლებლობა არ იყო, ანამ სტრატეგია შეცვალა და ერთ-ერთი ყველაზე რთული, თუმცა უნიკალური პროდუქტის - ფუტკრის რძის წარმოება დაიწყო. მიუხედავად იმისა, რომ თავდაპირველად მომხმარებელს ამ პროდუქტზე ინფორმაცია თითქმის არ ჰქონდა, ანამ ციფრული მარკეტინგის დახმარებით საზოგადოების ნდობა მოიპოვა და დღეს მისი გაყიდვების 99% სწორედ სოციალური ქსელებიდან გენერირდება. როგორ ავითარებს ის მეფუტკრეობას და რას სთავაზობს მომხმარებელს ტოროს ფუტკრები? სტუმარი: ანა ტორონჯაძე - „ტოროს ფუტკრები“, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხულის ტურისტული სეზონის გააქტიურების პარალელურად, სტუმარმასპინძლობის სექტორში მნიშვნელოვანი ცვლილებები ფიქსირდება. PMCG-ის უახლესი კვლევის თანახმად, ივნისში სასტუმროების მომსახურება გაძვირდა. უფრო კონკრეტულად, ფასების ინდექსი წინა თვესთან შედარებით 3.8%-ით არის გაზრდილი, ხოლო წლიურ ჭრილში, 2025 წლის ივნისთან შედარებით, ფასებმა 8.4%-ით მოიმატა. ამ სტატისტიკასა და თეორიას ახლა უკვე პრაქტიკაში შევაფასებთ და სექტორში არსებულ რეალურ ტენდენციებს სასტუმრო „ესკიზის“ მაგალითზე განვიხილავთ. სასტუმრომ მიმდინარე წლის საზაფხულო სეზონი უკვე ოფიციალურად გახსნა და მომხმარებელს განახლებული კონცეფციით ხვდება. როგორია ინდუსტრიაში არსებული დინამიკა და მარკეტინგული გამოწვევები? სტუმარი: ნია პატარაშვილი - “ესკიზი”, მარკეტინგის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მაღალმთიან რეგიონებში ბიზნესის დაწყება რთულ ლოჯისტიკურ და საკადრო გამოწვევებთან ასოცირდება, თუმცა სწორი კონცეფცია ნებისმიერ ბარიერს ძლევს. ცაგერში მდებარე საწარმო „ვინ ეგარი“ ზუსტად ასეთ წარმატებულ მაგალითს წარმოადგენს, რომელიც ტყის ველური ვაშლისგან ნატურალურ ძმარს აწარმოებს. კომპანია ბაზარზე ფართოვდება და ახალი სეზონიდან ნედლეულის შეგროვებაში ადგილობრივი მოსახლეობის აქტიურ ჩართვას გეგმავს. ეს ნაბიჯი წარმოების მასშტაბების ზრდასთან ერთად, რეგიონში მიგრაციის შეჩერებას და ახალი სამუშაო ადგილების შექმნას ემსახურება. სტუმარი: მარიამ პატარიძე - "ვინ ეგარი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
შემოქმედებითი ინდუსტრიებისა და განათლების სინთეზი ბიზნესგარემოში სრულიად ახალ პერსპექტივებს აჩენს. ამ მიმართულებით განსაკუთრებით საინტერესოა "დიზაინის ინსტიტუტის" მუშაობა, რომელმაც 2-4 ივლისს, რიგით მეოთხე „სოციალური დიზაინის დღეებს“ უმასპინძლა. ღონისძიება, რომელიც სულ ახლახან დასრულდა, მთლიანად ცირკულარულ დიზაინსა და მდგრად ინოვაციებს მიეძღვნა. კონფერენციამ ოცზე მეტი ქართველი და შვიდი ქვეყნიდან მოწვეული საერთაშორისო სპიკერი გააერთიანა. პარალელურად, თიბისი ტექსკოლის კურსდამთავრებულებისთვის სპეციალური ვორკშოპი ჩატარდა, სადაც ახალგაზრდებმა ხელოვნური ინტელექტის გამოყენებით ინტერაქციული თამაშები შექმნეს. აღსანიშნავია ისიც, რომ გასული წლის მიწურულს ინსტიტუტი უკვე აანონსებდა 2026 წლისთვის მოგებაზე გასვლასა და ბიზნესთან კოლაბორაციების გაღრმავებას, და საინტერესოა სიახლეები ამ მიმართულებითაც. სტუმარი: ნინო ეგაძე - "დიზაინ ინსტიტუტი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
წიგნის საგამომცემლო სექტორი, მისი წარმომადგენელთა ნაწილის მოსაზრებით, საქართველოში ეკონომიკურ გამოწვევებს უმკლავდება. ალტერნატიული დაფინანსების წყაროების მკვეთრმა შემცირებამ და მცირე ბაზარმა ინდუსტრია გადარჩენის რეჟიმში გადაიყვანა. გამომცემლებს მაღალი საწარმოო ხარჯების ფონზე პროდუქტის თვითღირებულების შენარჩუნება უჭირთ, რაც საბოლოოდ წიგნის ფასზე აისახება. პარალელურად, დისტრიბუციის ჯაჭვში არსებული ბარიერები როგორც გამომცემელს, ისე გამავრცელებელს განვითარების საშუალებას უზღუდავს. ამ რთულ ეკონომიკურ მოცემულობაში დამოუკიდებელი გამომცემლობების გადარჩენის სტრატეგია განსაკუთრებულ ინტერესს იწვევს. როგორია საგამომცემლო ბიზნესის სპეციფიკა და ფინანსური ბარიერები? სტუმარი: ანა ყიასაშვილი - "მედუზა", თანადამფუძნებელი და დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დასვენების, ეკოლოგიისა და კომფორტის იდეალურ შერწყმას სთავაზობს სტუმრებს Wood House Lagodekhi. სივრცე მოიცავს ეკოლოგიურად სუფთა ხის კოტეჯებს, საცურაო აუზს, ღია სარეკრეაციო და საკოცონე ზონებს. როგორია მიმდინარე ტურისტული სეზონი რეგიონში და რამდენად პოპულარულია ლაგოდეხი უცხოელი ვიზიტორებისთვის? სტუმარი: ანანო სიყმაშვილი - Wood House Lagodekhi, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თანამედროვე, სტრესულ გარემოში ადამიანები სულ უფრო ხშირად ეძებენ ბუნებრივ და ალტერნატიულ გზებს ფიზიკური თუ ფსიქიკური ჯანმრთელობის აღსადგენად. სწორედ ამ მიზანს ემსახურება „თამ არომა“ - არომათერაპიისა და არომაფსიქოლოგიის სივრცე საქართველოში. პროექტი მომხმარებელს სთავაზობს ხელნაკეთ ორგანულ პროდუქტს, ნატურალურ სკრაბებსა და ეთერზეთებს, რომლებიც სინთეტიკური დანამატების გარეშე მზადდება. ბრენდის უკან დგას არომათერაპევტი და გეშტალტ-ფსიქოლოგიის კონსულტანტი, თამუნა მატატაშვილი, რომელიც ექსტრაქციისთვის ესპანეთიდან ჩამოტანილ სპეციალურ სპილენძის ალამბიკს იყენებს. როგორ მუშაობს სურნელის ხელოვნება ჩვენს ემოციებსა და ჯანმრთელობაზე? სტუმარი: თამუნა მატატაშვილი - TamAroma, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2023 წელს ყაზბეგში, 2 მილიონი ევროს უცხოური ინვესტიციით, ახალი სასტუმრო STEP INN აშენდა. მიუხედავად მაღალი მოლოდინებისა, 2026 წლის პირველი ხუთი თვე სასტუმროსთვის კრიტიკულად რთული აღმოჩნდა. დამფუძნებლის ინფორმაციით, გასული წლების ანალოგიურ პერიოდთან შედარებით, გაყიდვები 220%-ით შემცირდა. ამ მკვეთრი ვარდნის მთავარ მიზეზად უამინდობა და ყაზბეგის მიმართულებით გზის ხშირი ჩაკეტვა სახელდება, რამაც წინასწარი ჯავშნების მასობრივი გაუქმება გამოიწვია. თუ როგორ აისახება ინფრასტრუქტურული და კლიმატური პრობლემები უშუალოდ ბიზნესსა და რეგიონის საინვესტიციო კლიმატზე? სტუმარი: ანი ალიბეგაშვილი - STEP INN, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როგორ ვაქციოთ ტრადიცია თანამედროვე ბიზნესად? 2021 წელს დების, თამარ და თინათინ ურიდიების იდეით დაარსებულმა საოჯახო ბიზნესმა „თათარათი“ სწორედ ეს შეძლო. მცირე საწარმო მომხმარებელს ნატურალური პროდუქციის ფართო ასორტიმენტს სთავაზობს - დაწყებული 5 სახის ტყლაპის ჟელიბონითა და ტრადიციული ჩურჩხელით, დასრულებული ბელგიური შოკოლადითა და ქართული თხილეულის სინთეზით. პროდუქცია სრულად ნატურალური ნედლეულით მზადდება, რომლის ნაწილსაც ადგილობრივი ფერმერებისგან ყიდულობენ, ნაწილი კი იმპორტირებულია. დღეს „თათარათი“ აქტიურად ოპერირებს ადგილობრივ ბაზარზე და სამომავლოდ საკუთარი საწარმოს გახსნასაც გეგმავს. რა ეტაპზეა ბიზნესი ახლა და რა სირთულეებთან არის დაკავშირებული ნატურალური ნუგბარის წარმოება საქართველოში? სტუმრები: თამარ ურიდია - “თათარათი” თანადამფუძნებელი თინათინ ურიდია - “თათარათი” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საგარეჯოში მდებარე მეღვინეობა „პონგინო ვაინი“ სტუმრებს მალე ახალ სივრცეს შესთავაზებს - კომპანია სექტემბერში ბუტიკური სასტუმროს გახსნას გეგმავს, სადაც ნომრები ქართული ვაზის ჯიშების, „საფერავისა“ და „მუსკატის“ სახელებს ატარებს. მიუხედავად ამ მნიშვნელოვანი სიახლისა და განვითარებისა, მიმდინარე სეზონი ინდუსტრიისთვის გამოწვევებით სავსე აღმოჩნდა. „პონგინო ვაინის“ მონაცემებით, წელს გაყიდვები 30%-ით არის შემცირებული, რაც ძირითადად სტუმრების გეოგრაფიის ცვლილებას უკავშირდება. რა ტენდენციები იკვეთება დღეს ღვინის ტურიზმში, რა მოლოდინებია სექტემბერში დაგეგმილ გახსნასთან დაკავშირებით და როგორ პასუხობს ბიზნესი ამ გამოწვევებს სტუმარი: გულნარა რომანაძე - "პონგინო ვაინი", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როგორ იქცევა კომპანია მომხმარებლისთვის საყვარელ ბრენდად და რა უნარები სჭირდება თანამედროვე ლიდერს იმისათვის, რომ შექმნას სანდო კორპორატიული კულტურა? დღეს, როდესაც ტექნოლოგიები და ხელოვნური ინტელექტი ბიზნესის თითქმის ყველა სფეროს იპყრობს, ადამიანური კაპიტალისა და რეპუტაციის მნიშვნელობა კიდევ უფრო თვალსაჩინო ხდება. როგორ უნდა შეინარჩუნოს ბიზნესმა მომხმარებლის ნდობა და რატომ არის აუცილებელი გუნდის კეთილდღეობაზე ზრუნვა? ამ კითხვებზე პასუხის გასაცემად დღეს ჩვენს სტუდიაში განსაკუთრებული სტუმარი გვყავს. ნინო ჯიბლაძე 15 წელზე მეტია, რაც კომპანია „გალფის“ განვითარებაში უმნიშვნელოვანეს როლს თამაშობს. მისი უშუალო ჩართულობით კომპანიამ შეძლო ტრანსფორმაცია და დღეს მომხმარებლისთვის ის მხოლოდ ბენზინგასამართი სადგური აღარ არის - ის ასოცირდება სანდოობასა და ხარისხთან, ამასთან გალფის ოპერირება მჭიდროდ არის დაკავშირებული იმ სოციალური პასუხისმგებლობის პროექტებთან რომელსაც კომპანია აქტიურად ახორციელებს. თუმცა, ნინოს საქმიანობა მხოლოდ ენერგოსექტორით არ შემოიფარგლება, მისი ინტერესები გაცილებით მრავალფეროვანია. ის წარმატებით ავითარებს დიზაინისა და ინტერიერის მიმართულებას კომპანია „ინტერიორისმოს“ სახით, რომელიც გამორჩეულ სივრცეებს ქმნის, და პარალელურად ხელმძღვანელობს Bliss Yoga Studio-ს, რაც კიდევ ერთხელ უსვამს ხაზს მის მთავარ ფილოსოფიას - იპოვოს ბალანსი დაუღალავ შრომასა და პიროვნულ კეთილდღეობას შორის. სტუმარი: ნინო ჯიბლაძე - “გალფი” , ვიცე-პრეზიდენტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თანამედროვე და ძლიერი საზოგადოების ფორმირებისთვის მხოლოდ აკადემიური ცოდნა საკმარისი არ არის. სახელმწიფო სტრუქტურების ცვლილებებისა და, მაგალითად, განათლების საერთაშორისო ცენტრის ფუნქციების სამინისტროს მიერ სრულად შეთავსების ფონზე, დამოუკიდებელი არაფორმალური საგანმანათლებლო სივრცეების არსებობა კიდევ უფრო დიდ მნიშვნელობას იძენს. სწორედ ამ გამოწვევას პასუხობს პროექტი "პირველი მოქალაქე", რომელიც საზოგადოებაში სამოქალაქო განათლების როლის გაძლიერებაზე ზრუნავს. ინიციატივა ახალგაზრდებში კრიტიკული აზროვნების, პასუხისმგებლობისა და გლობალური ხედვების განვითარებას ემსახურება. სტუმრები: ჯაბა ქარელი - “პირველი მოქალაქის” დამფუძნებელი თორნიკე ფეიქრიშვილი - “პირველი მოქალაქის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ჯანსაღი ცხოვრების წესი და სამედიცინო ტურიზმი გლობალურ ბაზარზე სულ უფრო მოთხოვნადი ხდება. საქართველოს ამ მიმართულებით უნიკალური ისტორიული და ბუნებრივი რესურსები გააჩნია. ამ პოტენციალის წარმოჩენასა და განვითარებას ფესტივალი "ბლუმ ფესტ 2026" ემსახურებოდა, რომელმაც თბილისში ათი ათასზე მეტ ვიზიტორს უმასპინძლა. ღონისძიებამ ორმოცდათორმეტზე მეტი ქართული კომპანია, მათ შორის მსხვილი ბიზნესოპერატორები და ეკომეგობრული სტარტაპები ერთ სივრცეში გააერთიანა. ფესტივალის ფარგლებში ინკლუზიური ტურიზმის განვითარების მიზნით მნიშვნელოვან მემორანდუმს მოეწერა ხელი, სამომავლოდ კი პროექტი საერთაშორისო სტატუსის მიღებას გეგმავს. როგორია კურორტოლოგიის ეკონომიკური პერსპექტივები? სტუმარი: ნათია თევზაძე - „ფიზიკური მედიცინის, კურორტოლოგიისა და ბალნეოლოგიის ასოციაციის“ დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქსტატის 2026 წლის პირველი კვარტლის მონაცემებით, საქართველოს რეზიდენტების მიერ განხორციელებულმა საზღვარგარეთ გასვლების რაოდენობამ 640.9 ათასი შეადგინა, რაც წინა წლის ანალოგიურ პერიოდთან შედარებით 4.3%-იანი ზრდაა. სტატისტიკა ნათლად გვიჩვენებს, რომ მოგზაურთა აქტივობა სულ უფრო მრავალფეროვანი ხდება, სადაც გასვლების უდიდესი ნაწილი, კერძოდ 43.4%, 31-დან 50 წლამდე ასაკის მოგზაურებზე მოდის. ამ მზარდ დინამიკას თან ახლავს მომხმარებლის გაზრდილი მოთხოვნები მომსახურების ხარისხსა და სერვისის დეტალებზე, რაც ტურისტული კომპანიებისგან უფრო მეტ მობილიზებას მოითხოვს. როგორ აისახება ეს ზრდა MAP Travel-ის ოპერირებაზე და რა სტრატეგიით პასუხობს მოგზაურთა შეცვლილ პრეფერენციებს? სტუმარი: მარიამ მჟავია - MAP Travel, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
2024 წლის ბოლოს, თბილისში, ზაქარია ფალიაშვილის 110 ნომერში სრულიად განსხვავებული, მრავალფუნქციური სივრცე გაიხსნა. MAIZEN - ეს არის ადგილი, სადაც მაღაზიის, ბარისა და არტ-პლატფორმის კონცეფცია ერთიანდება. იდეა დამფუძნებლებს, ნატალი და დავით გურიელებს ჯერ კიდევ 2022 წელს, ოსაკაში მოგზაურობისას გაუჩნდათ. სწორედ იქ აღმოჩენილმა იაპონურმა ესთეტიკამ და მატჩას კულტურამ შთააგონა ისინი, შეექმნათ სივრცე საქართველოში, სადაც ხელოვნება, დიზაინი და გემო ჰარმონიულად ერწყმის ერთმანეთს. დღეს MAIZEN პირველი მატჩას ბარია საქართველოში, რომელიც მომხმარებელს ტრადიციულ და საავტორო სასმელებს სთავაზობს. ამასთან, აქ შეხვდებით საერთაშორისო ბრენდების ექსკლუზიურ ხელნაკეთ ნივთებსა და ქართველ არტისტებთან კოლაბორაციით შექმნილ ლიმიტირებულ კოლექციებს. სტუმარი: ნატალი გურიელი - MAIZEN, თანადამფუძნებელი, კრეატიული დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როდესაც საქართველოს უწყვეტ და უძველეს აგრო-ისტორიაზე ვსაუბრობთ, მარნეულის რეგიონს გამორჩეული ადგილი უკავია. სწორედ აქ, გადაჭრილ გორაზე აღმოჩენილი არტეფაქტები ადასტურებს, რომ რეგიონი 8000-წლიანი მეღვინეობისა და უძველესი ხორბლის კულტურის აკვანია. ამ უნიკალური პოტენციალის ათვისებასა და ტურისტულ რუკაზე წარმოჩენას კომპანია „ალავერდი“ ემსახურება. კომპანიამ, რომელიც წლებია წარმატებით აწარმოებს როგორც ქართულ და ფრანგულ საღვინე, ისე სასუფრე ყურძენს, განვითარების ახალ ეტაპზე გადაინაცვლა. გასულ წელს აშენებულ მარანს, წელს უკვე თანამედროვე სადეგუსტაციო სივრცე ემატება, რაც რეგიონში აგროტურიზმის სტიმულირებას ისახავს მიზნად. გარდა მეღვინეობისა, მეურნეობა ქართული ენდემური ჯიშის ხორბლის მოყვანითაც არის დაკავებული და მიზნად ისახავს მარნეულის, როგორც ხორბლის სამშობლოს, ცნობადობის გაზრდას. სტუმარი: ქეთევან ჩხიტუნიძე - “ალავერდი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მაღალი ხარისხის ქართული ჩაის ბრენდის, „კონას“ დამფუძნებელი უნდა გაგაცნოთ. „კონა“ მომხმარებელს განსაკუთრებულ გემოვნურ კომპოზიციებსა და უმაღლეს ხარისხს სთავაზობს. თუმცა, ბიზნესის კეთება ამ სფეროში საკმაოდ რთულია. სტატისტიკის თანახმად, ბოლო 10 წელიწადში საქართველოში ჩაის პლანტაციების ფართობი თითქმის განახევრდა. როგორ ახერხებს ქართული სტარტაპი ნედლეულის დეფიციტისა და სექტორული გამოწვევების ფონზე პოზიციონირებას, განვითარებასა და ხარისხის შენარჩუნებას? სტუმარი: ნატალია ფარცხალაძე - "კონა", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველო გლობალური მარკეტინგისა და ანალიტიკის რუკაზე სრულიად ახალი მასშტაბით გამოჩნდა. ამსტერდამმა ინდუსტრიის ერთ-ერთ ყველაზე პრესტიჟულ ღონისძიებას Measure Summit 2026-ს უმასპინძლა, სადაც ჩვენი ქვეყანა ელენე ბიბილეიშვილმა წარადგინა. განსაკუთრებით საამაყოა ის ფაქტი, რომ ელენე ამ მასშტაბური სამიტის ისტორიაში ყველაზე ახალგაზრდა სპიკერი გახლდათ. ეს არის პლატფორმა, სადაც Google, Meta და Microsoft-ის დონის ტექნოლოგიური გიგანტები იყრიან თავს და მონაცემებზე დაფუძნებული მარკეტინგის ხვალინდელ დღეს განსაზღვრავენ. ელენე ბიბილეიშვილი ქართულ ბაზარზე ტექნიკური მარკეტინგის მიმართულების ერთ-ერთი მთავარი ფუძემდებელია. იგი ხელმძღვანელობს ამერიკაში დაფუძნებულ Software კომპანია Hapttic-ს, რომელმაც 2025 წელს პრესტიჟული Global Business Award-იც მოიპოვა. Hapttic დღეს 50-ზე მეტ მსხვილ ბრენდს უწევს პარტნიორობას მარკეტინგული კვლევების, ბრენდის ცნობადობის გაზომვისა და კონკურენტული ანალიზის მიმართულებით. ბიზნესსაქმიანობის პარალელურად, ელენემ 2022 წელს საფუძველი ჩაუყარა პირველ ქართულ საგანმანათლებლო პროგრამას ტექნიკურ მარკეტინგში, რომელმაც უკვე 1000-ზე მეტი პროფესიონალი გადაამზადა. სტუმარი: ელენე ბიბილეიშვილი - Hapttic-ის აღმასრულებელი დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ხელოვნებას აქვს უნიკალური ძალა, გახდეს თერაპიის, თვითგამოხატვისა და ემოციური განვითარების საუკეთესო ინსტრუმენტი, განსაკუთრებით ბავშვებისა და მოზარდებისთვის. სწორედ ამ მისიით მუშაობს არტ-თერაპიული სტუდია „სპექტრი“, რომელიც 9-10 ივნისს, გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნულ კვლევით ცენტრში უნიკალურ ჯგუფურ გამოფენას მასპინძლობს. გამოფენა, რომელიც საქართველოს გაქრისტიანების 1700 წლის იუბილეს ეძღვნება, აერთიანებს 5-დან 18 წლამდე ასაკის მოსწავლეების ნამუშევრებს. როგორ ეხმარება ხელოვნება მოზარდებს საკუთარი თავის აღმოჩენაში და რა დატვირთვას ატარებს ღონისძიება? სტუმრები: ირაკლი ნადირაშვილი - „სპექტრი“ , თანადამფუძნებელი ანა ჯავახაძე - „სპექტრი“, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ხშირად, ყველაზე წარმატებული ბიზნეს იდეები არა მკაცრ სამუშაო გარემოში, არამედ ოჯახურ, თბილ სივრცეში იბადება. სწორედ ასე დაიწყო ქართული ბრენდის - „მენსას“ ისტორიაც. ის, რაც თავდაპირველად ერთი დედის სურვილი იყო, შვილის დაბადების დღისთვის განსაკუთრებული და დაუვიწყარი განწყობა შეექმნა, დღეს უკვე ბევრი ადამიანის ყოველდღიურობას ალამაზებს. მარიამ ბოჭორიშვილმა და სოფო ზალკალიანმა შეძლეს, სუფრის გაწყობის რუტინული პროცესი ნამდვილ ესთეტიკურ გამოცდილებად და ემოციურ რიტუალად ექციათ. „მენსა“ არ ქმნის მხოლოდ მაგიდის დეკორს - ის ქმნის განწყობას, რომელსაც ეკოლოგიურად სუფთა მასალები და თითოეულ დეტალზე მორგებული ექსკლუზიური, ხელნაკეთი დიზაინი აყალიბებს. დღეს ეს სტარტაპი ზრდის ახალ ეტაპზე გადადის. იმაზე, თუ როგორ გარდაიქმნა მეგობრული ვახშმების შთაგონება წარმატებულ საქმედ? სტუმარი: მარიამ ბოჭორიშვილი - „მენსა“ , თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ირინა წეროძემ 2014-2020 წლებში უდიდესი როლი ითამაშა პროფესიული განათლების სისტემის რეფორმირებაში, განაახლა კვალიფიკაციების სისტემა და წვლილი შეიტანა სექტორში 150 მილიონ ევროზე მეტი საერთაშორისო ინვესტიციის მობილიზებაში. ირინა წეროძეს 20-წლიანი პროფესიული გამოცდილება აქვს, იყო ევროპის განათლების ფონდის (ETF) მმართველი საბჭოს წევრი, დღეს კი SkillsUp Network-ის თანადამფუძნებელია - ბიზნესზე ორიენტირებული საგანმანათლებლო ქსელის, რომელიც მიზნად ისახავს უნარების ეკოსისტემების ჩამოყალიბებას. სტუმარი: ირინა წეროძე - SkillsUp Network, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
პროფესიული განათლების ეროვნული ჯილდოს 2026 წლის კონკურსი ოფიციალურად გამოცხადდა. „ათასწლეულის ფონდის“ ინიციატივით, ეს ყოველწლიური ღონისძიება წელს უკვე მეცხრედ ტარდება. 2017 წლიდან მოყოლებული, ჯილდოს მთავარი მიზანი პროფესიული განათლების პოპულარიზაცია და ქვეყნის ეკონომიკის გაძლიერების ხელშეწყობაა. გამარჯვებულები გამოვლინდებიან ისეთ ძირითად კატეგორიებში, როგორიცაა: წლის პროგრამა, წლის მასწავლებელი, წლის სტუდენტი და ბიზნეს პარტნიორი. ასევე გაიცემა სპეციალური პრიზები პარლამენტის, ისრაელის საელჩოსა და ბიზნეს ასოციაციისგან. განაცხადების მიღება 2026 წლის 30 სექტემბრამდე გაგრძელდება. რა კრიტერიუმებს უნდა აკმაყოფილებდნენ აპლიკანტები და რა როლი აქვს მსგავს კონკურსებს სფეროს განვითარებაში? სტუმარი: მაგდა მაღრაძე - “ათასწლეულის ფონდი”, აღმასრულებელი დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხულის დადგომასთან ერთად, განსაკუთრებით აქტუალური ხდება ფორმაში ყოფნა და კვების რაციონის შეცვლა. თუმცა, ადამიანები ხშირად მიმართავენ თვითნებურ, მკაცრ დიეტებს, რაც ხანგრძლივ პერსპექტივაში ორგანიზმისთვის საზიანოა. როგორ უნდა ვიკვებოთ სწორად ცხელ სეზონზე, რა შეცდომებს ვუშვებთ ყველაზე ხშირად და როგორია ჯანსაღი მეტაბოლიზმის მთავარი პრინციპები? სტუმარი: ნატა გაგუა - ექიმი- ნუტრიციოლოგი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
დატვირთული საქმიანი გრაფიკის ფონზე, დროის დაზოგვა და პარალელურად სრულფასოვნად, გემრიელად კვება ბევრისთვის კვლავ დიდ გამოწვევად რჩება. თუმცა, კომპანია „ბალანსი“ ამტკიცებს, რომ ჯანსაღი კვება სულაც არ ნიშნავს აკრძალვებსა და ერთფეროვნებას. მსოფლიო სამზარეულოს 156 კერძი, 8-კვირიანი ერთმანეთისგან განსხვავებული მენიუ და რაციონი, რომელშიც დესერტიც კი შედის - ეს „ბალანსის“ მთავარი ხელწერაა. კომპანიამ შექმნის დღიდან, განვითარების საინტერესო, სხვადასხვა ეტაპი განვლო. რა სიახლეები აქვს "ბალანსს"? სტუმარი: ნუცა სურგულაძე - “ბალანსი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ჯანსაღი ცხოვრების წესი და სწორი კვება სულ უფრო პოპულარული ტრენდი ხდება, თუმცა თანამედროვე, დატვირთული გრაფიკის გამო ხშირად რთულია კვების რეჟიმის დაცვა. სწორედ ამ პრობლემის საპასუხოდ შეიქმნა პირველი ქართული პროტეინის ბარი „მეტი“, რომელიც მომხმარებელს ჯანსაღ, სწრაფ და გემრიელ ალტერნატივას სთავაზობს. ბრენდი ნატურალური ინგრედიენტებითა და მაღალი კვებითი ღირებულებით გამოირჩევა და უკვე აქტიურად იკიდებს ფეხს ადგილობრივ ბაზარზე. სტუმარი: თათული ოქრიაშვილი - სტარტაპი “მეტი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია "ბამბარამ" ბავშვობის ნოსტალგია, კერძოდ ბამბის ნაყინი სრულიად ახალ, პრემიუმ პროდუქტად გარდაქმნა. ათი ათასი ლარის საწყისი ინვესტიციით დაწყებულმა საქმემ სწრაფად მოიცვა სხვადასხვა რეგიონი და სუპერმარკეტების წამყვანი ქსელები. დღეს ბრენდი განვითარების სრულიად ახალ ეტაპზე გადავიდა და საცალო გაყიდვებთან ერთად ძირითადი აქცენტი ინტერაქციულ მასტერკლასებსა და ღონისძიებების სერვისზე გადაიტანა. ბავშვებისთვის შეთავაზებული ვორქშოფები და სხვადასხვა გასართობ სივრცესთან თანამშრომლობა კომპანიისთვის შემოსავლის ახალ არხად იქცა. როგორ ვითარდება კომპანიის ახალი მიმართულება და სიახლეები დაგროვდა "ბამბარას" პორტფელში? სტუმარი: ანი ბურდული - „ბამბარას“ დამფუძნებელმა #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბრენდზე რომელიც მომხმარებელს მუდმივად ახალ გემოებსა და კონცეფციებს სთავაზობს - საუბარია ბრენდ The Cone Culture-ზე , რომელმაც ქართულ ბაზარზე კრაფტ ნაყინის მიმართულებით სრულიად ახალი სიტყვა თქვა და აჯიკის, ტყემლის, ლურჯი უცხოსა თუ ქართული ღვინის უნიკალური გემოებით სტანდარტული დესერტი კულინარიულ ხელოვნებად აქცია. რა სიახლეებით ხვდება ბრენდი, წელიწადის ყველაზე ცხელ სეზონს და რას სთავაზობს, ადგილობრივ თუ საერთაშორისო ვიზიტორებს? სტუმარი: ქეთი მიქაშავიძე - The Cone Culture-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხულის ტურისტული სეზონი უკვე ოფიციალურად გაიხსნა და შავი ზღვის სანაპიროზე დამსვენებლების ნაკადი ყოველდღიურად იზრდება. სწორედ ახლა, როცა სეზონი ყველაზე აქტიურ ფაზაში შედის, პრემიუმ კლასის დასვენებაზე მოთხოვნა პიკს აღწევს. სწორედ ამ ფონზე, ბუნებრივია, ჩვენი ყურადღება აჭარის რეგიონის ერთ-ერთ ყველაზე მასშტაბურ საინვესტიციო პროექტზე, დრიმლენდ ოაზისზე უნდა შევაჩეროთ. ეს არის სივრცე, რომელმაც ჩაქვში სტუმარმასპინძლობის ახალი სტანდარტი დაამკვიდრა და მაღალი კლასის სასტუმრო სერვისებთან ერთად კერძო საცხოვრებელი კომპლექსები ერთ ეკოსისტემაში გააერთიანა. როგორია მიმდინარე სეზონის ტურისტული მოლოდინები და რა ახალ ინფრასტრუქტურულ სიახლეებს სთავაზობს კომპლექსი საერთაშორისო თუ ადგილობრივ დამსვენებლებს? სტუმარი: ნინა ხოტივარი - “დრიმლენდ ოაზისი”, კომერციული დეპარტამენტის ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბოლო წლებში მთის კურორტების საზაფხულო დატვირთულობა შესამჩნევად იზრდება, რაც თავის მხრივ შესაბამისი ინფრასტრუქტურისა და მარკეტინგული სტრატეგიების განვითარებას მოითხოვს. სასტუმროების მმართველი კომპანია „კა ჯგუფი“ ბაზარზე საკმაოდ ძლიერ პორტფელს ფლობს. ჯგუფი ბაკურიანში „რაიმონდ პალასს“, გუდაურში „ფაინ შალესა“ და არქიტექტურულად ცნობილ „ქვადრუმს“, ხოლო ყაზბეგში „პორტა კავკასიას“ მართავს. ოთხივე ლოკაცია ტურისტებისთვის გამორჩეულ გამოცდილებას ქმნის და მთის საზაფხულო ტურიზმის ეკონომიკურ განვითარებაში მნიშვნელოვან როლს ასრულებს. სტუმარი: ნინა ჭიღლაძე - KA Group, მარკეტინგის დეპარტამენტის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia