Reuters-ის ინფორმაციით, ერაყის ხელისუფლება ნავთობის ექსპორტიორი ქვეყნების ორგანიზაციის (OPEC) დატოვების შესაძლებლობას აქტიურად განიხილავს იმ შემთხვევაში, თუ გაერთიანება ოფიციალურ ბაღდადს ნავთობის მოპოვების მოცულობის მნიშვნელოვნად გაზრდის ნებას არ დართავს.
კლების ტენდენციას ნავთობზე ფასებისა ამყარებს შემდეგი მოცემულობაც: მიწოდების მასშტაბების ზრდის ფონზე, საუდის არაბეთი აგვისტოში აზიისთვის ნედლი ნავთობის ოფიციალურ გასაყიდ ფასს ბოლო ოთხი თვის მინიმუმამდე შეამცირებს. როგორც ირკვევა, წამყვანი სანავთობო მარკის, Arab Light-ის ღირებულება ივლისის განსაზღვრულ ფასთან ($9.50) შედარებით ბარელზე $6.5-ით შემცირდება და Dubai-სა და Oman-ის მარკების საშუალო მაჩვენებელს $1.5-3-ით გადააჭარბებს. საყურადღებოა, რომ დარგის სპეციალისტები ანალოგიურ კლებას ქვეყნის სხვა მარკის ნავთობზეც ელიან.
და მთავარი: ენერგეტიკის საერთაშორისო სააგენტოს ოფიციალური პროგნოზით, ნავთობის ფასების სამთვიანი მზარდი ციკლის შემდეგ, გლობალური ბაზარი 2027 წლისთვის მიწოდების უჩვეულო ზრდის და ნავთობის სიჭარბის წინაშე წინაშე დადგება. როგორც ირკვევა, ბაზარზე მიწოდებისა და მოთხოვნის ამგვარი დისბალანსი ფასების მკვეთრ ვარდნას გამოიწვევს, რაც ენერგომომპოვებელ ქვეყნებს გლობალური რეცესიის საფრთხის წინაშე დააყენებს. ამასთან, OPEC-იდან საამიროები უკვე გავიდა და მას შეიძლება ერაყიც მიჰყვეს - რა ხდება სანავთობო კარტელში და რა ელის ბაზარს?

#ახალიამბები #BusinessMediaGeorgia