უზბეკეთი, საკმაოდ სწრაფ და პერსპექტიულად იზრდება, და მიუხედავად იმისა, რომ ამ ქვეყნის საჯარო და უფრო მეტად ბიზნეს სტრუქტურებში წამყვანი ქართველი ეკონომისტები, ფინანსისტები და ბიზნესმენები არიან წარმოდგენილნი. საქართველო-უზბეკეთს შორის ეკონომიკური ურთიერთობები არც ისე მოცულობითია. თუმცა ბოლო წლებში ქვეყნებს შორის ვაჭრობა დადებითი ტენდენციით ვითარდება, ეს კი ავტომობილების რეექსპორტის გააქტიურებით არის განპირობებული და არა ადგილობრივი პროდუქციის ყიდვა-გაყიდვით. ამასთან, საქართველოში უზბეკეთიდან FDI და ფულადი გზავნილები არც ისეთი მაღალია, თუმცა მზარდია უზბეკი ტურისტების მხრიდან საქართველოთი დაინტერესება. ამასთან, უკანასკნელი 5 წლის განმავლობაში უზბეკეთის ბაზარზე გასვლით საქართველოდან უფრო მეტი ბიზნესი ინტერესდება. ამ მიმართულებით, ქართული კომპანიები განსაკუთრებით მას შემდეგ გააქტიურდნენ, რაც 2020 წლიდან „თიბისი ბანკი“ უზბეკეთის ბაზარზე შევიდა. BMG-სთან კომუნიკაციისას არაერთი კომპანიის ხელმძღვანელს გაუზიარებია ჩვენთვის უზბეკეთში განვითარების გეგმები. სწორედ, საქართველო-უზბეკეთის საქმიანი ურთიერთობების განვითარების მიზნით შეიქმნა 2021 წელს უზბეკურ-ქართული სავაჭრო სახლი და ის ქართულ-უზბეკური ბიზნესურთიერთობების პოპულარიზაციას და განვითარებას უწყობს ხელს. ჩვენმა ჟურნალისტმა ვიქტორია მღებრიშვილმა საქართველოში უზბეკეთის სავაჭრო-სამრეწველო პალატის ოფიციალური წარმომადგენელი და უზბეკურ-ქართული სავაჭრო სახლის დამფუძნებელი თიმურ აბდულაევი ჩაწერა. უზბეკეთის ბიზნეს წრეებთან საქმიანი ურთიერთობის და საქართველოში კომპანიებთან პარტნიორობის გამოცდილების დახმარებით 4 წელია თიმურ აბდულაევი ქართულ კომპანიებს უზბეკეთის ბაზარზე შესვლაში ეხმარება. სწორედ მისგან მოვისმენთ როგორია ქართული ბიზნესის დაინტერესება უზბეკური ბაზრით და პირიქით, და როგორ მუშაობს უზბეკურ-ქართული სავაჭრო სახლი ამ ურთიერთობების გააქტიურებისთვის…

სტუმარი: თიმურ აბდულაევი - საქართველოში უზბეკეთის სავაჭრო-სამრეწველო პალატის ოფიციალური წარმომადგენელი;

ინტერვიუერი: ვიქტორია მღებრიშვილი - BM.GE რედაქტორი;

#ახალიამბები #BusinessMediaGeorgia