ინფორმაციის ეპოქაში ვცხოვრობთ, სადაც ტექსტი კომუნიკაციის მთავარი ფორმაა, თუმცა მისი ეფექტურად მიღება ყველასთვის ერთნაირად მარტივი არ არის. დღეს ბევრისთვის კითხვა ჯერ კიდევ ბარიერია - იქნება ეს დისლექსიის, კონცენტრაციის სირთულის თუ უბრალოდ დროის არქონის გამო. სწორედ ამ გლობალური პრობლემის გადასაჭრელად შეიქმნა ქართული ტექნოლოგიური პროდუქტი - Readya. ეს არის ხელოვნურ ინტელექტზე დაფუძნებული პლატფორმა, რომელიც ქართულ ტექსტს ბუნებრივ მოსასმენ გამოცდილებად აქცევს. მომხმარებელს შეუძლია ერთდროულად მოუსმინოს და ვიზუალურად მიჰყვეს ტექსტს, რაც ამცირებს კოგნიტიურ დატვირთვას და ზრდის აღქმის ეფექტურობას. როგორც დამფუძნებლები აღნიშნავენ, ეს პლატფორმა განსაკუთრებით მნიშვნელოვანია სტუდენტებისთვის, დისლექსიის მქონე პირებისა და დაკავებული პროფესიონალებისთვის, რომლებსაც ინფორმაციის მიღება მოძრაობაში, სწრაფად სურთ. როგორ იქცა იდეა რეალურ EdTech პროდუქტად და რატომ არის კითხვა შეუმჩნეველი სირთულე უამრავი ადამიანისთვის?

სტუმარი: რუსა მაჭარაშვილი - Readya, დამფუძნებელი

#ქალებისნარატივი ლიკა მეგუთნიშვილთან ერთად

#ახალიამბები #BusinessMediaGeorgia