დღეს, როცა ბევრი კომპანია ჯერ კიდევ მხოლოდ პროცესების, პროდუქტისა და გაყიდვების ოპტიკით უყურებს ზრდას, თანამედროვე კონკურენციაში გამარჯვებულს მომხმარებლის გამოცდილება წყვეტს. სწორედ ამ ეკოსისტემის გასაძლიერებლად, მომხმარებლის გამოცდილების სტრატეგიული მართვის სააგენტო CX Hub-ი 3 აპრილს, ბილტმორში რიგით მესამე, მასშტაბურ CX Business Summit Georgia-ს ატარებს. თუ 2023 წელს ეს საქართველოში პირველი პრეცედენტი იყო, 2026-ში სამიტი კიდევ უფრო ძლიერი ამბიციით ბრუნდება - გააერთიანოს ლიდერები და პარტნიორები, რომლებიც CX-ს აღიქვამენ არა როგორც უბრალოდ „სასურველ მიმართულებას“, არამედ როგორც ფინანსურად გაზომვად ბიზნეს-უპირატესობას. სამიტი ერთ სივრცეში აერთიანებს საერთაშორისო პრაქტიკას, AI ინსტრუმენტებსა და პროფესიულ ქსელს, რომელიც კომპანიებისთვის ზრდის ახალ წერტილებს ქმნის. როგორ იცვლება ქართული ბიზნესის მიდგომა მომხმარებლის მიმართ და რას უნდა ველოდოთ წლევანდელი სამიტისგან?

სტუმრები: ნათია ჯიბლაძე - CX Hub-ის თანადამფუძნებელი
ნანა ახობაძე - CX Hub-ის თანადამფუძნებელი

#ახალიამბები #BusinessMediaGeorgia