ქვეყანაში განვითარებულ გეოლოგიურ პროცესებზე ვისაუბრებთ სტუმრებთან ერთად. ამ მხრივ ქვეყანაში არაერთი რისკის ზონაა, თუმცა თემის აქტუალობა კიდევ ერთხელ გამოკვეთა ბოლო პერიოდის მოვლენებმა. კერძოდ, ხარაგაულის მუნიციპალიტეტის 2 სოფელში მეწყრული პროცესი განვითარდა. დაზიანებულია სახლები, სახნავ-სათესი სავარგულები და საავტომობილო გზები. გეოლოგიური დასკვნის საფუძველზე, საცხოვრებელი ფართიდან 21 ოჯახია გაყვანილი. გარემოს დაცვის სააგენტოს მიერ გამოქვეყნებული გეოლოგიური ბიულეტინის მიხედვით, ქვეყნის მასშტაბით რამდენიმე ათასი კერაა, სადაც გეოლოგიური სტიქიური პროცესების მაღალი რისკი არსებობს. ძლიერი წვიმები და ეროზიული პროცესები, უკონტროლო მშენებლობები, გზების გაყვანა და ინფრასტრუქტურული პროექტები, რომელსაც ტყის გაჩეხა მოსდევს - ეს ყველაფერი მეწყრულ პროცესებს კიდევ უფრო აჩქარებს და აძლიერებს.

რეგიონების გარდა, სტიქიის მაღალი რისკის 32 ზონაა დედაქალაქშიც, სადაც გეგმური მშენებლობის დაწყებამდე აუცილებელია ინჟინერ-გეოლოგიური კვლევა და ნიადაგის შემდგომი გაძლიერება. რომელია ყველაზე საყურადღებო რისკის ზონები ქვეყანაში და რა კეთდება და უნდა კეთდებოდეს პრევენციისთვის?

სტუმრები: ზურაბ ჯავახიშვილი - ილიას უნივერსიტეტის პროფესორი;
გიორგი ჯაფარიძე - ორგანიზაცია "ჩემი ქალაქი მკლავს" დამფუძნებელი;
ნინო ჩხობაძე - საქართველოს მწვანეთა მოძრაობა/დედამიწის მეგობრები, თავმჯდომარე

#ახალიამბები #BusinessMediaGeorgia