სვანეთში უკონტროლო მაინინგი კვლავ გამოწვევაა. ზამთრის მოახლოებასთან ერთად, დენის გაზრდილმა მოხმარებამ ელექტრომომარაგების გარეშე მესტიის ორი თემი უკვე დატოვა. მესტიის მერია ტრადიციულად მაინერების გათიშვის მოწოდებას აკეთებს და პასუხისმგებლობას მოსახლეობას აკისრებს. ფაქტი კი ისაა, რომ დღემდე პრობლემა ვერც ხელისუფლებამ გადაჭრა და არც ძველი ტრადიციის თანახმად, ხატზე დაფიცება აღმოჩნდა ეფექტური გამოსავალი. ამ ფონზე, ექსპერტები საუბრობენ ეჭვებზე, რომელსაც ერთი შეხედვით მარტივად მოსაგვარებელი, თუმცა წლობით გადაუჭრელი პრობლემა აჩენს.

#ახალიამბები #BusinessMediaGeorgia