ორი გეი მამაკაცი ინდონეზიაში განსხვავებული სექსუალური ორიენტაციისა და "ისლამური კანონის" დარღვევის გამო საჯაროდ გაასამართლეს - თითოეულ მათგანს ზურგში 77-ჯერ დაარტყეს წკეპლა. აღნიშნულ ე.წ წარმოდგენას ათეულობით ადამიანი დაესწრო, რომლებიც უყურებდნენ თუ როგორ კანკალებდნენ ტკივილისგან 27 და 29 წლის მამაკაცები. სადამსჯელო ღონისძიებაში 5 ადამიანი მონაწილეობდა, რომლებიც სპეციალურ მოსასხამსა და თავსაბურავში იყვნენ გამოწყობნილნი. ზემოხსენებული ფაქტის შემზარავ კადრებს Dailymail-ი ავრცელებს.

გეი წყვილი 2020 წლის ნოემბერში დააპატიმრეს. მეზობელმა მაცხოვრებლებმა, რომლებსაც წყვილზე ეჭვობდნენ, რომ ჰომოსექსუალები იყვნენ, ბინიდან გამომავალი ხმაურის დროს გამოიძახეს პოლიციის ოფიცრები- ისინი საცხოვრებელში შესვლისთანავე მამაკაცების სექსის მომსწრენი გახდნენ, რის შემდეგადაც ახალგაზრდები დააპატიმრეს. ერთ-ერთი „ბრალდებულის“ დედამ სადამსჯელო წარმოდგენის დროს გონება დაკარგა.

გაროზგვის ღონისძიებაზე კიდევ ოთხი სხვა ადამიანი წკეპლის 17-ჯერ დარტყმით დასაჯეს- მათ ბრალად ედებოდათ მრავალჯერადი საქორწინო ურთიერთობები, აგრეთვე ალკოჰოლის მიღება და აზარტული თამაშები. აგრეთვე დაისაჯეს ქალი, რომელსაც ბრალად დასდეს „ვიწრო და გამომწვევი ტანისამოსით სიარული“.

გამოიწერეთ გვერდი