G&T 2018 წელს ეკონომიკის 5.4%-ით ზრდას პროგნოზირებს. საინვესტიციო კომპანიის პროგნოზი გაუმჯობესებულ საგარეო მაჩვენებლებს, მთავრობის მიერ დაანონსებულ რეფორმებსა და ბიზნეს გარემოს გაუმჯობესებას უკავშირებს. თუმცა, G&T აღნიშნავს, რომ ეკონომიკური რისკები, შესაძლოა, კვლავ საგარეო სექტორს უკავშირდებოდეს. 

მიმდინარე წელს G&T ტურისტების რაოდენობის 21.2%-ით ზრდას პროგნოზირებს, რაც იმას ნიშნავს, რომ მიმდინარე წელს საქართველოს 4.2 მილიონი ტურისტი ეწვევა. საინვესტიციო კომპანიის პროგნოზით, ტურიზმიდან მიღებული შემოსავალი 2018 წელს 22.4%-ით გაიზრდება და 3.4 მილიარდ დოლარს მიაღწევს. 
G&T ტურიზმის ზრდის პროგნოზსაც აქვეყნებს, - წლიური 18.4%. 
საინვესტიციო ბანკმა გაზარდა ფულადი გზავნილების ზრდის მაჩვენებლის პროგნოზი. მათი ინფორმაციით, 2018 წელს საქართველოში გადმორიცხული ფულადი გზავნილები 15%-ით გაიზრდება და 1.6 მილიარდ დოლარს მიაღწევს.


სტუმარი: გოგა მელიქიძე - Galt&Taggart; საბროკერო მიმართულების ხელმძღვანელი

29.05.2018