ტეგები: #იბერია #ტელევიზია #სიახლეები

➲ [აღწერა] კომპანია „დისნეის“ სასამართლოში უჩივლეს. ჰოლივუდის სცენარისტი გარი გოლდმანი კომპანიას საავტორო უფლებების დარღვევაში ადანაშაულებს. მისი განცხადებით, ანიმაციური ფილმის „ზოოტოპიას“ იდეა დისნეიმ სწორად მისგან მოიპარა. გარი გოლდმენი განმარტავს, რომ ფილმის სცენარი, პერსონაჟები და სათაურიც კი მსგავსია იმ იდეისა, რომელიც მან სტუდიას 2000 და 2009 წელს შესთავაზა. სარჩელი ლოს ანჯელესის საოლქო სასამართლოშია შეტანილი. „დისნეიმ“ ოფიციალურ განცხადებაში აღნიშნა, რომ გოლდმენის ბრალდებები უსაფუძვლოა. შეგახსენებთ, რომ ანიმაციურმა ფილმმა „ზოოტოპიამ“ წელს ოსკარი მოიპოვა და მსოფლიო პრემიერიდან დღემდე მისმა შემოსავალმა 1 მილიარდი დოლარი შეადგინა.