ტეგები: #იბერია #ტელევიზია #სიახლეები

➲ [აღწერა] ელენე ახვლედიანის ერთადერთი შთამომავალი ოჯახთან ერთად მალე ქუჩაში აღმოჩნდება. კავსაძის ქუჩაზე მდებარე სახლი აუქციონის წესით, მინიმალურ ფასად -5000 ლარად გაიყიდა. ახვლედიანები ჰყვებიან , რომ სახლი მევახშესთან 31 ათას დოლარად ნათესავის სიცოცხლის შესანარჩუნებლად დააგირავეს. ოჯახის ახლობელი მაშინ დაპირდა , რომ პროცენტებს გადაიხდიდა თუმცა ბოლო ორი თვის თანხა აღარ შეიტანა და ახვლედიანების სახლი 1280 დოლარიანი დავალიანების გამო აუქციონზე აღმოჩნდა.
აღსრულების ეროვნულმა ბიურომ ახვლედიანებს საცხოვრებელი ფართის ნებაყოფლობით დატოვების გაფრთხილება რამდენჯერმე უკვე მისცა. თუ ოჯახი ფართ არ დაცლის მაშინ იძულებით აღსრულების წესი ამოქმედდება და 7 სულაინ ოჯახს ძალის გამოყენებით გამოასახლებენ. ახლა ახვლედიანები კეთილი ადამიანების დამხარების იმედად არიან დარჩენილები.
ულუკმაპუროდ დარჩენილმა ოჯახმა სადაც 4 მცირეწლოვანი ბავშვი და მოხუცი ცხოვრობს სოციალური დახმარება არაერთხელ მოითხოვა. თუმცა სახელმწიფომ ელენე ახვლედიანის ერთადერთ შთამომავალს დახმარებაზე უარი უთხრა. ახვლედიანები ამბობენ, რომ წასასვლელი არსად აქვთ და ვერც ქირის გადახდას შეძლებენ. ისედაც მძიმე მდგომარეობაში მყოფ ოჯახს ღია ცის ქვეშ დარჩენა ემუქრება.