პანკისის ხეობის სოფელ ომალოში ერთადერთი ბიბლიოთეკა 2007 წელს დახურეს, გააუქმეს ბიბლიოთეკარის შტატიც და შენობას სადაც წიგნები ინახებოდა სხვა დანიშნულება მისცეს. მიუხედავად ამ ყველაფერისა ბიბლიოთეკარმა თამარ თურქოშვილმა წიგნების უპატრონოდ დატოვებაზე უარი თქვა, ბიბლიოთეკის ფონდი სახლში წაიღო და 9 წლის განმავლობაში სოფლის ბიბლიოთეკას ხან სახლში ხან კი რომელიმე შენობის თავისუფალ ოთახში ამუშავებდა.
წიგნების მცველის უანგარო შრომას უკვალოდ არ ჩაუვლია. 2016 წლის 30 იანვარს თამარ თურქოშვილი ღირსების ორდენით დააჯილდოვეს. სოფლის ბიბლიოთეკა ოფიციალურად რამდენიმე თვის წინ აღდგა აღდგინეს. სოფელში კი ახმეტის რაიონის გამგეობისგან შენობის გარემონტების და ახალი წიგნების გამოგზავნის პირობა მიიღეს. ნახეთ გიორგი მანჯავიძის,ლაშა მამულაშვილისა და ლაშა ნატროშვილის საავტორო რეპორტაჟი “პანკისელი წიგნების მცველი”