"ინტერპრესნიუსის" ფოტორეპორტიორის, ირაკლი გედენიძის ცემის ინციდენტში საზოგადოების ნაწილმა ამჟამად უკვე დაკავებული 21 წლის ივანე ბეგიაშვილი დაადანაშაულა, თუმცა ყველაზე უარყოფითი რეაქცია "კეპიანმა და სათვალიანმა" მამაკაცმა დაიმსახურა, რომელიც ჟურნალისტებს გაეცნო, როგორც პარტია "თავისუფალი საქართველოს" წევრი. როგორც მოგვიანებით გაირკვა, "კეპიანი და სათვალიანი" მამაკაცი გიორგი ბეგიაშვილია, ინციდენტში ბრალდებული ივანე ბეგიაშვილის მამა. იგი პარტიის პოლიტსაბჭოს წევრი და პოლიციის ყოფილი მაიორია, რომელიც "ნაციონალური მოძრაობის" დროს იქნა პოლიციიდან დათხოვნილი. ჟურნალისტებთან საუბრისას უფროსმა ბეგიაშვილმა აღნიშნა: "ჩემი შვილის გაუბედურებას მაგ ვაჟბატონს (ირაკლი გედენიძეს) არ ვაპატიებ არც ერთ შემთხვევაში". "ინფო 9"-ის მიერ გადაღებულ კადრებში კარგად ჩანს, როგორ იჭერს გიორგი ბეგიაშვილი გედენიძეს, მისი ვაჟი კი გამეტებით ურტყამს ფოტორეპორტიორს და კამერას უმტვრევს. გუშინ, 5 მარტს ცნობილი გახდა, რომ პარტია "თავისუფალი საქართველო" ბეგიაშვილის გარიცხვის საკითხს განიხილავს.


¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯

■ გამოგვიგზავნეთ ვიდეო ელ-ფოსტაზე ან facebook-ის გვერდზე

➡ ჩვენიაპლიკაცია (iOS) - http://goo.gl/fX56iy

➡ www.GDNews.ge
➡ www.myvideo.ge/GDN
➡ E-mail: [email protected]
➡ www.myvideo.ge/GDNexclusive

tags: #GDN #GDNEWS #GeorgianDailyNews #ძალადობა #კრიმინალი

© Georgian Daily News 2008-2014 ● ჯი-დი-ენ - მედია ვიდეო პორტალი | GDNEWS ᴴᴰ