მოსკოვში მუსლიმებმა ომონს თანამოძმე ხელიდან გამოგლიჯეს. შემთხვევა მოსკოვის მეჩეთში მოხდა. ვიდეოს ავტორები ირწმუნებიან, რომ ომონის თანამშრომლებმა მუსლიმი პირდაპირ მეჩეთში, ლოცვის დროს დააკავეს."კოლექტიურ ლოცვას ვასრულებდით იმამთან ერთად, ისტორიულ მეჩეთში. უცებ მლოცველების რიგებში ომონის თანამშრომელი შევამჩნიეთ, რომელმაც ერთ-ერთ მლოცველს ხელები გადაუგრიხა და ავტობუსისკენ წაიყვანა" - წერია ვიდეოს აღწერაში. ლოცვის დამთავრებისთანავე მუსლიმები გარეთ გამოვიდნენ და "ალაჰ აკბარის" ძახილით ავტობუსს შემოეხვივნენ, სადაც, თვითმხილველების თქმით, დაკავებულს სცემდნენ. მუსლიმებმა ომონს ერთმორწმუნის განთავისუფლება მოსთხოვეს, ავტობუსს გზა გადაუკეტეს და დაიმუქრნენ, რომ თუ ომონი დაკავებულს არ გაათავისუფლებდა, ავტობუსს გადაწვავდნენ. მართლაც, სამართალდამცველებმა დაკავებული გაათავისუფლეს.

ვიდეოს უამრავი კომენტარი მოჰყვა youtube-ზე, სადაც წერენ, რომ "მუსლიმებმა ომონი დააჩოქეს".

¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯
☛ იხილე ყველა ვიდეო და გამოიწერე გვერდი - www.myvideo.ge/GDN

© Georgian Daily News - www.GDNews.ge ● ჯი-დი-ენ - მედია ვიდეო პორტალი