12 106 353
ნახვა
14 204
ვიდეო
ანალიტიკა
6:33
საერთაშორისო პარტნიორების იგნორის ფასი
106 ნახვა 11 დღის წინ

ფაქტია, ხელისუფლების მწვავე კრიტიკა ისმის საქართველოს ყველა საერთაშორისო პარტნიორის მხრიდან - იქნება ეს ამერიკის შეერთებული შტატები თუ ევროკავშირი. ამერიკის ელჩის განცხადებებისთვის თვალის დევნება ამ კუთხით განსაკუთრებით საინტერესოა - ადვილად დასანახია, როგორ მკაცრდება მისი ტონი, რადგან ფაქტია, ქართული ოცნება ამ დრომდე არც რიტორიკას ცვლის და არც ქცევას. არადა, დღეს კელი დეგნანმა ხელისუფლება პირდაპირ გააფრთხილა, რომ სანქციები მხოლოდ ერთი ინსტრუმენტია, რომლის გამოყენებაც შესაძლებელია. “აშშ-ის მთავრობის, მათ შორის სახელმწიფო მდივნის მიერ გავრცელებული განცხადებები, ნაჩქარევად გაკეთებული არ არის. ეს არის საქართველოს სტრატეგიული პარტნიორების მიერ გამოგზავნილი შეშფოთების გამომხატველი გზავნილები, რომელიც სერიოზულად უნდა იქნას განხილული და არ უნდა იქნას უგულვებელყოფილი, როგორც ნაჩქარევად გაკეთებული განცხადებები” - ეს მოვისმინეთ დღეს ამერიკის ელჩისგან. ვინ როგორ აღიქვამს ამ გაფრთხილებებს და რა ფასი შეიძლება ჰქონდეს მათ უგულებელყოფას? #ახალიამბები #BusinessMediaGeorgia

11:14
WHO: საჭიროა მედიკამენტების ფასების რეგულაცია
118 ნახვა 11 დღის წინ

ამ ეთერში თქვენი ყურადღება მინდა შევაჩერო მსოფლიო ჯანდაცვის ორგანიზაციის მიერ შემუშავებულ ერთ რეკომენდაციაზე, რომელიც კონკრეტულად საქართველოსთვის შემუშავდა და საქართველოში ჯანდაცვის მსოფლიო ორგანიზაციის ოფისის მიერ ჯანდაცვის სისტემასთან დაკავშირებით გავრცელებულ 129 გვერდიან კვლევაში მოხვდა. ამ რეკომენდაციის მიხედვით, საქართველოში ჯანდაცვასთან დაკავშირებული ფინანსური სიდუხჭირის შესამცირებლად საჭიროა ჯანდაცვაში სახელმწიფო დაფინანსების გაზრდა და მედიკამენტების ფასების რეგულირება. კვლევაში ნათქვამია, რომ „მედიკამენტების ფასები მაღალია მეზობელ ქვეყნებთან შედარებით და აფთიაქების მოგების მარჟა (ხშირად 100% -ზე მეტი) მნიშვნელოვნად აღემატება ევროკავშირის ქვეყნებში დადგენილ ზღვარს“. დოკუმენტის მიხედვით, საქართველოში მედიკამენტებზე ჯიბიდან გადახდები, 2018 წელს უმდიდრესი კვინტილის გარდა, ყველა წლისთვის და ყველა ჯგუფისთვის კატასტროფული ხარჯვის მთავარი განმაპირობებელი ფაქტორი იყო, რაც WHO -ს შეფასებით, ყველაზე დიდ გავლენას ახდენს ღარიბ შინამეურნეობებზე. ჯანმოს რეკომენდაციებამდე ფასების რეგულირების თემაზე განცხადება გააკეთა ჯანდაცვის მინისტრმა ეკატერინე ტიკარაძემ. მან ჯანდაცვის განვითარების 10-წლიანი გეგმის პრეზენტაციაზე თქვა, რომ "სახელმწიფო და მოქალაქეები მედიკამენტების ფასების მძევლად არიან ქცეულნი; საჭიროა, მტკივნეული გადაწყვეტილებების მიღება". ამ გეგმის წარდგენისას ისიც მოვისმინეთ, რომ საქართველოს მთავრობა საყოველთაო ჯანდაცვის რეფორმირებას და მის გაფართოებას გეგმავს. ახალი სოციალური კოდექსით მთავრობა ჯანდაცვის პროგრამების გარდა, სოციალური უზრუნველყოფის პროგრამების გაფართოებასაც გეგმავს, მათ შორის საუბარია "უმუშევრობის დაზღვევის" სისტემის შემოღებაზეც. ჯანდაცვის სამინისტროს ინფორმაციით, სოციალური კოდექსის მიღება 2023 წლისთვის განიხილება. სანამ ჩემს ძალიან კომპეტენტურ სტუმართან გავაგრძელებ საუბარს, მინდა, ერთი სლაიდის ჩვენებაც მოვასწრო თქვენთვის. დიახ, ნამდვილად იმას ხედავთ თქვენს ეკრანებზე, რასაც ხედავთ და თვალი არ გატყუებთ: 10-წლიანი განვითარების დოკუმენტში ჯანდაცვის სამინისტრომ მისი გეგმა არც მეტი, არც ნაკლები - გერმანიის საყოველ #ახალიამბები #BusinessMediaGeorgia

5:08
ავერსმა შესაძლოა ინფექციურ საავადმყოფოს უჩივლოს
338 ნახვა 18 დღის წინ

ინფექციური საავადმყოფოს საგა გრძელდება. ამჯერად, უკვე ავერსი ფარმა მოითხოვს კუთვნილი თანხის ანაზღაურებას, რაც დაახლოებით ნახევარი მილიონი ლარია. საქმე ეხება საიჯარო გადასახადს, რომელსაც სახელმწიფო კომპანიას მისი კუთვნილი ქონებით სარგებლობისთვის 2019 წლიდან აღარ უხდიდა. ავერსი ფარმა ჩვენთან ექსკლუზიურად ამბობს რომ თუ დავალიანება არ დაიფარება, კომპანია იძულებული იქნება იჩივლოს. #ახალიამბები #BusinessMediaGeorgia

6:27
როგორ უყურებს ბიზნესი მთავრობის 10-წლიან ხედვას?
94 ნახვა 18 დღის წინ

როგორ უყურებს ბიზნესი მთავრობის 10-წლიან ხედვას? თემურ ჭყონია - ბიზნესმენი; სანდრო რატიშვილი - გადასახადის გადამხდელთა კავშირი; ხელმძღვანელი; ლევან ვეფხვაძე - საქართველოს ბიზნეს ასოციასიის აღმასრულებელი დირექტორი; ნინა კობახიძე - ბიზნესლიდერთა ფედერაცია "ქალები მომავლისთვის" სამეთვალყურეო საბჭოს თავმჯდომარე; ნინო ზამბახიძე - ფერმერთა ასოციაციის ხელმძღვანელი. #ახალიამბები #BusinessMediaGeorgia

6:49
სებ-ის საბჭოს წევრობის კანდიდატების მოსმენა
66 ნახვა 18 დღის წინ

„საზოგადოებაში არის მოსაზრებები, რომ ეროვნული ბანკის საბჭოს წევრობა არის პენსიაზე გასვლა. თქვენ ეს წარმოდგენა უნდა შეცვალოთ. მე ვფიქრობ, რომ თითოეული თქვენგანი უნდა გახდეთ თქვენი მიმართულების ძრავი. ვფიქრობ, თქვენი მისვლით სების საბჭო გაძლიერდება“ - ამ სიტყვებით შეაჯამა საფინანსო-საბიუჯეტო კომიტეტის თავმჯდომარემ კომიტეტის დღევანდელი სხდომა, სადაც ერთ-ერთი მთავარი საკითხი საქართველოს ეროვნული ბანკის საბჭოს წევრობის კანდიდატების ხედვების მოსმენა იყო. კომიტეტმა ეკატერინე გალდავას, ნიკოლოზ გაგუას და ეკატერინე მიქაბაძის კანდიდატურებს მხარი დაუჭირა, მაგრამ იქამდე დაისვა კითხვებიც. #ახალიამბები #BusinessMediaGeorgia

7:30
რამდენი მლნ უჯდება საქართველოს ვაქცინაცია? - ინტერვიუ ლაშა ხუციშვილთან - #ForbesTalks
206 ნახვა 25 დღის წინ

რამდენი მლნ უჯდება საქართველოს ვაქცინაცია? - ინტერვიუ ლაშა ხუციშვილთან - #ForbesTalks სტუმარი: ლაშა ხუციშვილი - ფინანსთა მინისტრი #ახალიამბები #BusinessMediaGeorgia

3:37
ინფლაცია 10 წლიან მაქსიმუმზეა
130 ნახვა 25 დღის წინ

ივნისში საქართველოში ბოლო 10 წლის განმავლობაში რეკორდული - 9.9%-იანი ინფლაცია დაფიქსირდა. წლიურ ჭრილში ფასების ასეთი მკვეთრი მატების ძირითადი მიზეზი სურსათის და საწვავის გაძვირებასთან ერთად ბუნებრივი აირის ტარიფის მატება იყო. #ახალიამბები #BusinessMediaGeorgia

4:20
თბილისის ანძაზე ტურისტული ინფრასტრუქტურის მოწყობაში $4მლნ ინვესტიცია განხორციელდება
2 763 ნახვა ივნისი 25, 2021

გავარკვიეთ, რომელი კომპანია მოაწყობს თბილისის ანძაზე ტურისტულ ინფრასტრუქტურას. კომპანია Kass Tower Georgia პროექტში 4-6 მილიონ დოლარამდე ინვესტიციის განხორციელებას გეგმავს. ანუკა ჯოხაძე იმყოფებოდა ანძაზე და პირადად ესაუბრა Kass Tower Georgia-ს წარმომადგენლებს, რომელბმაც ადგილზე კვლევით სამუშაოები უკვე დაიწყეს. #ახალიამბები #BusinessMediaGeorgia

10:17
შესაძლოა, ბიუჯეტში 2 მლრდ „გაჩნდეს“
410 ნახვა ივნისი 18, 2021

შესაძლოა, ბიუჯეტში 2 მლრდ „გაჩნდეს“ #ახალიამბები #BusinessMediaGeorgia

4:44
კლინიკები უნიფიცირებული ტარიფების გაზრდას ითხოვენ
290 ნახვა ივნისი 11, 2021

ისევ 520-ე დადგენილება, ისევ უნიფიცირებული ტარიფები და ის, რაც პრინციპში მოსალოდნელიც იყო, ტარიფები მოქნილი არ არის, შესაბამისად, კლინიკებს ხარჯები სახიფათოდ ეზრდებათ. გამოსავალი ისევ კომუნიკაციაა. სექტორმა როგორც ჩანს ეს პროცესი დაიწყო და დღეს მთავრობისგან ითხოვს 2020 წლის იანვარში პანდემიის გამო შეჩერებული პროცესის განახლებას და უნიფიცირებულ ტარიფებთან ერთად, დაგეგმილი ნაბიჯების - კერძოდ სელექტიური კონტრაქტირებისა და დიარჯის ამოქმედებას. ეპიდემიოლოგიური სურათი დღეს იმის შესაძლებლობას იძლევა, რომ ჯანდაცვაში პანდემიის გარდა, სხვა თემებიც განვიხილოთ - ესაა სექტორის პოზიცია დღეს და მგონი, ამ ფრაზის განზოგადება უკვე ყველა სექტორზე თავისუფლად შეიძლება. #ახალიამბები #BusinessMediaGeorgia

5:03
ბიზნესი შრომით კანონმდებლობაში არსებული კონკრეტული პუნქტების გადახედვას ითხოვს
186 ნახვა ივნისი 11, 2021

პანდემიის პირობებში გაზრდილ მარეგულირებელ წნეხს უჩივის ბიზნესი სწორედ, როცა შრომით კანონმდებლობაში არსებული კონკრეტული პუნქტების გადახედვას ითხოვს. რა პუნქტებია ეს და რას პასუხობს ბიზნესის მოთხოვნას შრომის ინსპექცია - ის სამსახური, რომლის უფლებამოსილებაც ახალმა შრომის კოდექსმა გააფართოვა. #ახალიამბები #BusinessMediaGeorgia

9:02
სამშენებლო სექტორი დახმარებას ითხოვს
134 ნახვა ივნისი 4, 2021

დღეს საქართველოს ბიზნესასოციაციაში სამშენებლო და დეველოპერული ინდუსტრიისათვის კოვიდპანდემიით გამოწვეული ზარალის შესაძლო კომპენსირების საკითხზე იმსჯელეს. როგორც საქართველოს ბიზნესასოციაციის მიერ გავრცელებულ რელიზში ვკითხულობთ, შეხვედრაზე აღინიშნა, რომ კომპანიები ვერ სარგებლობენ საქართველოს მთავრობის 2020 წლის 31 მარტის 619-ე განკარგულებით განსაზღვრული ღონისძიებებით, რაც სამშენებლო მასალებზე ფასების გაზრდის შედეგად ნეგატიურად აისახა ინფრასტრუქტურული პროექტების განმახორციელებელ კომპანიებზე. სტუმარი: შავლეგ მიშველაძე - BAG; აღმასრულებელი დირექტორის მოადგილე; #ახალიამბები #BusinessMediaGeorgia

6:04
რა პრეტენზიები აქვთ მობილურ კომპანიებს - ვირტუალური ოპერატორები
150 ნახვა ივნისი 4, 2021

კომუნიკაციების კომისიის 2020 წლის ანგარიში დაფუძნებულია სიცრუეზე და ფაქტების დამახინჯებაზე - ასეთია კომპანია “მაგთიკომის” შეფასება მარეგულირებლის მიერ გამოქვეყნებულ დოკუმენტზე, სადაც კახა ბექაურის უწყება 2020 წელს აჯამებს. კომუნიკაციების კომისია წერს, რომ მობილური ოპერატორების ბაზარზე კონკურენცია შეზღუდულია და გვარწმუნებს, რომ ბაზარს ვირტუალური მობილური ოპერატორები სჭირდება. ესენი არიან კომპანიები, რომლებიც იმავე ტიპის სერვისს აწვდიან მოხმარებელს, თუმცა, ამისთვის საკუთარი ინფრასტრუქტურა არ გააჩნიათ და სწორედ მაგთიკომის, სილქნეტისა და ბილაინის ქსელი უნდა გამოიყენონ. კომუნიკაციების კომისიამ მობილურ ოპერატორებს საკუთარ ქსელზე დაშვების ვალდებულება დაუწესა, თუმცა, ოპერატორებს შენიშვნები და წინააღმდეგობები აქვთ. რა პრეტენზიები აქვთ მობილურ ოპერატორებს? #ახალიამბები #BusinessMediaGeorgia

9:11
ჩიხი ენერგეტიკაში - თელარა გელანტიას #ინტერვიუ ლაშა იორდანიშვილთან
150 ნახვა მაისი 28, 2021

ჩიხი ენერგეტიკაში - თელარა გელანტიას #ინტერვიუ ლაშა იორდანიშვილთან თელარა გელანტია BM.GE-ის მთავარი რედაქტორი; სტუმარი: ლაშა იორდანიშვილი - კომპანია „ფერის“ აღმასრულებელი დირექტორი. #ახალიამბები #BusinessMediaGeorgia

6:46
1 ივნისიდან კონკურენციის სააგენტო ანტიდემპინგის საკითხებზე საჩივრებს მიიღებს
122 ნახვა მაისი 28, 2021

1 ივნისიდან კონკურენციის სააგენტო ანტიდემპინგის საკითხებთან დაკავშირებით განაცხადების მიღებას იწყებს. „ვაჭრობაში ანტიდემპინგური ღონისძიების შემოღების შესახებ“ საქართველოს კანონი იანვრიდან უკვე ძალაშია, თუმცა სანამ აღსრულება დაიწყება, საქართველოს მთავრობამ ის კანონქვემდებარე აქტები უნდა დაამტკიცოს, რომლის მიხედვითაც სააგენტომ განაცხადის საფუძველზე კონკრეტული ქეისები უნდა შეისწავლოს. გეტყვით იმასაც, რომ ჩვენ უკვე ვიცით ის სექტორები, საიდანაც სააგენტო განაცხადებს უკვე ელის. როგორ დაადგენს სააგენტო აქვს თუ არა ადგილი დემპინგურ იმპორტს? #ახალიამბები #BusinessMediaGeorgia

5:33
საქართველოში ტურიზმის მხარდასაჭერად ფონდი იქმნება
230 ნახვა მაისი 28, 2021

ტურიზმის მხარდასაჭერად ფონდი იქმნება. მისი მიზანი ტურიზმის ინდუსტრიაში ჩართული კომპანიების - განსაკუთრებით კი მცირე და საშუალო სასტუმროების, რესტორნებისა და რეგიონებში მდებარე მეღვინეობების ციფრული მარკეტინგული კამპანიების მხარდაჭერაა. ფონდის შექმნას USAID-ი აფინანსებს. ვინ გაუწევს ფონდს ადმინისტრირებას? #ახალიამბები #BusinessMediaGeorgia

4:49
„რეგიონებში ტურიზმში დასაქმებულები იძულებულნი არიან, თბილისში აიცრან“
102 ნახვა მაისი 21, 2021

ტურიზმის სექტორის წარმომადგენლების ვაქცინაცია გრძელდება. როგორც ტურიზმის ეროვნულმა ადმინისტრაციამ გვითხრა, ბოლო მონაცემებით აცრაზე ტურიზმის სექტორის 3 ათასამდე წარმომადგენელია რეგისტრირებული. თუმცა, არის ერთი პრობლემაც - ქუთაისსა და ბათუმში ვაქცინაციაზე დარეგისტრირებული ტურიზმის ინდუსტრიის წარმომადგენლები იძულებულები არიან, თბილისში აიცრან. ამას იწვევს ის ფაქტი, რომ ტურიზმის ეროვნული ადმინისტრაციის ვებგვერდზე განთავსებულ სარეგისტრაციო ფორმაში არის ველები, სადაც აცრის მსურველები რეგიონსა და ქალაქს უთითებენ, თუმცა მათთვის სასურველი ამცრელი პუნქტის მონიშვნა ვერ ხერხდება, რეგისტრაციის შემდეგ კი მათ მისდით მოკლე ტექსტური შეტყობინებები, რომ ვაქცინაცია თბილისის კლინიკებში მოუწევთ. პრობლემის იდენტიფიცირება ლაშა ბერეკაშვილმა, საქართველოს ახალგაზრდა გიდების ასოციაციის ხელმძღვანელმა მოახდინა. სტუმარი: ლაშა ბერეკაშვილი - საქართველოს ახალგაზრდა გიდების ასოციაციის ხელმძღვანელი #ახალიამბები #BusinessMediaGeorgia

5:56
რა უქმნის, საქართველოში, ტურისტს დისკომფორტს?
1 533 ნახვა მაისი 14, 2021

დღეს გამოქვეყნდა საქართველოს ეროვნული ბანკის 2020 წლის ანგარიში და ტურიზმზე ერთი ამონარიდი მინდა წაგიკითხოთ: “სამომავლოდ, არსებობს მოსაზრება, რომ ტურიზმის და, ზოგადად, მომსახურების სფეროს აღდგენასა და განვითარებაში მნიშვნელოვან როლს ახალი ტექნოლოგიები შეასრულებს. მაშინ, როდესაც სოციალური განცალკევება, ჯანმრთელობისა და ჰიგიენის პროტოკოლების თანმიმდევრული შესრულება უახლოეს მომავალში კვლავ აქტუალური იქნება, მომსახურების სფეროში უკონტაქტო მიწოდებამ და ციფრულ ტექნოლოგიებში ინვესტიციების ზრდამ, შესაძლოა, ეკონომიკების აღდგენაში მნიშვნელოვანი როლი შეასრულოს. რა თქმა უნდა, ქვეყნების პრაქტიკები განსხვავებული იქნება. ამასთანავე, ქვეყნებს მოუწევთ ტურიზმის დარგისათვის თვისობრივად განსხვავებული ე.წ. „ახალი სინამდვილე“ ეტაპობრივად განავითარონ. მოიაზრება, რომ დივერსიფიცირება, უფრო მდგრად ტურისტული მოდელებზე გადასვლა და ახალ ტექნოლოგიებში ინვესტირება ეკონომიკის მთლიან აღდგენას კარგ საფუძველს მოუმზადებს”. რამდენად შეიძლება ეს იყოს მომავალი საქართველოსთვის იმ პირობებში, როცა ჯერ უნდა გადარჩეთ? სტუმარი: გურო ალაფიშვილი - გიდი #ახალიამბები #BusinessMediaGeorgia

9:03
ტურიზმის ბუნდოვანი 2021
238 ნახვა მაისი 14, 2021

„ვაქცინაციის გაძლიერებული პროგრამის მეშვეობით, გვინდა, ზაფხულის სეზონი ჩავატაროთ შესანიშნავად, კარგად და მაღალ დონეზე, როგორც - ადგილობრივი, ისე საერთაშორისო ტურისტებისთვის", - ეს ეკონომიკის მინისტრის ნათია თურნავას გუშინდელი განცხადებაა. ტურიზმის ინდუსტრია აქცენტს სახმელეთო საზღვრის გახსნაზე აკეთებს. #ახალიამბები #BusinessMediaGeorgia

3:11
უშედეგოდ დახარჯული მილიონები პროფსასწავლებლებში
222 ნახვა აპრილი 30, 2021

უშედეგოდ დახარჯული მილიონები პროფსასწავლებლებში #ახალიამბები #BusinessMediaGeorgia

3:59
ტიკარაძე: ზოგიერთი ექიმის თვიური შემოსავალი 300 ლარია, ზოგიერთის - 120 000₾
334 ნახვა აპრილი 30, 2021

ტიკარაძე: ზოგიერთი ექიმის თვიური შემოსავალი 300 ლარია, ზოგიერთის - 120 000₾ #ახალიამბები #BusinessMediaGeorgia

4:46
დაცარიელებული მაღაზიები & გამქრალი სამუშაო ადგილები
3 608 ნახვა აპრილი 30, 2021

ქალაქის ძირითადი სავაჭრო ქუჩებიდან სულ უფრო მეტი მოიჯარე გადის, რაც თავის მხრივ, დახურულ მაღაზიებს და ხშირ შემთხვევაში, გამქრალ სამუშაო ადგილებს ნიშნავს. ამის მიზეზი კი, როგორც კვლევაც აჩვენებს მხოლოდ პანდემია არ არის, თუმცა დღეს არსებული შეზღუდვები და რეგულაციები ამ გასვლის ტემპს მნიშვნელოვნად აჩქარებს. კოლიერს ინთერნეშენალის კვლევის კვალდაკვალ, რომელმაც ბევრი ასეთი მოიჯარე დათვალა - უფრო ზუსტად 169 მხოლოდ 2020 წელს. #ახალიამბები #BusinessMediaGeorgia

6:19
მთის კურორტების კომპანიამ უნებართვო მშენებლობებზე 159 მილიონი ლარი დახარჯა
154 ნახვა აპრილი 30, 2021

მთის კურორტების კომპანიამ უნებართვო მშენებლობებზე 159 მილიონი ლარი დახარჯა სტუმარი: ვატო ასათაშვილი - "გუდაური ჰელინსკის" დამფუძნებელი #ახალიამბები #BusinessMediaGeorgia

9:08
დარღვევები მთის კურორტების კომპანიაში - აუდიტის დასკვნა
146 ნახვა აპრილი 30, 2021

გუშინ საღამოს სახელმწიფო აუდიტის ანგარიში გამოქვეყნდა. რამდენიმე დარღვევა, რაც სახელმწიფო აუდიტის სამსახურმა მთის კურორტების განვითარების კომპანიის 2018-2019 წლების შესაბამისობის აუდიტის შედეგად გამოავლინა - უნებართვო მშენებლობებზე დახარჯულია 159 მილიონი ლარი; კომპანიის დირექტორმა ანაზღაურება უკანონოდ გაიზარდა და მეტობით 109 ათასი ლარი აიღო. კომპანიამ საკუთარ თანამშრომლებსა და მათ ოჯახის წევრებს 133 ათასი ლარის აბონემენტები უფასოდ გადასცა. უნდა ვთქვათ, რომ აუდიტი საკმაოდ კომპლექსურია: შესწავლილია კომპანიის სამოქმედო გეგმა და ბიზნესგეგმები, შემოსავლების ფორმირება, ქონების მართვის პროცესი, სალარო ოპერაციები, საწვავის განკარგვა, პროექტების/პროგრამების შესრულების მდგომარეობა. ასევე კომპანიის პარტნიორის უფლებამოსილების განხორციელების პროცესი. რა გამოავლინა შესაბამისობის აუდიტმა ამ სახელმწიფო კომპანიასთან და მის მართვასა თუ ზედამხედველობასთან დაკავშირებით. ვინ იგულისხმება კომპანიის პარტნიორად და რამდენად ხარისხიანად ახორციელებს ის თავის უფლებამოსილებას? #ახალიამბები #BusinessMediaGeorgia

14:03
„ყალბი დღგ“-ის საქმე - რამდენი მილიონით იზარალა ბიუჯეტმა?
250 ნახვა აპრილი 23, 2021

„ყალბი დღგ“-ის საქმე - რამდენი მილიონით იზარალა ბიუჯეტმა? სტუმარი: ლევან კობერიძე - ყოფილი დეპუტატი #ახალიამბები #BusinessMediaGeorgia

5:18
უქმე დღეებში ბიზნესი დისტანციური მუშაობის უფლებას ითხოვს
154 ნახვა აპრილი 23, 2021

4-დან 11 მაისის ჩათვლით, სავალდებულო უქმე დღეების გამოცხადება დიდი თავისტკივილი აღმოჩნდა კერძო სექტორისთვის. მართალია, საკანონმდებლო მაცნეზე უკვე გამოქვეყნდა მთავრობის დადგენილება იმის თაობაზე, თუ რომელი სექტორებისთვის არ ვრცელდება ეს მოთხოვნა - თუმცა, ბიზნესი ამ დრომდე გაურკვევლობაში რჩება - უნდა დაასვენოს თუ არა თანაშრომლები, თუ არ დაასვენებს, უნდა აუნაზღაუროს თუ არა მათ დამატებით დასვენების დღეებში სამუშაოს შესრულება #ახალიამბები #BusinessMediaGeorgia

8:11
ფინანსთა მინისტრის პასუხები აქტუალურ კითხვებზე
218 ნახვა აპრილი 16, 2021

ფინანსთა მინისტრის პასუხები აქტუალურ კითხვებზე ლაშა ხუციშვილი - ფინანსთა მინისტრი #ახალიამბები #BusinessMediaGeorgia

8:10
ვინ არიან ახალი ინვესტორები? - ფინანსთა სამინისტროს პასუხი
150 ნახვა აპრილი 16, 2021

500 მილიონიანი ევრობონდები, რომლებსაც 2.5-ჯერ დაბალი საპროცენტო განაკვეთი აქვს და სახელმწიფო ბიუჯეტს 350 მილიონის დაზოგვის შესაძლებლობას უქმნის - ეს იყო დღეს მთავარი გზავნილი, რაც ფინანსთა მინისტრისგან მოვისმინეთ. განთავსება პრაქტიკულად ყველა მხარისგან - იქნება ეს კომერციული ბანკენი, საინვესტიციო ბანკები, ექსპერტები თუ თავად მთავრობის წარმომადგენლები დადებითად ფასდება. მთავარი აქცენტი კეთდება იმაზე, რომ საქართველო ინვესტორებისთვის საინტერესო ქვეყანაა. ევრობონდების განთავსებამდე მთავარი კითხვა იყო - რა ჯობდა პანდემიის პირობებში, ბონდების დაფარვა და თუ რეფინანსირება; ხოლო მათი განთავსების შემდეგ მთავარი კითხვაა - რატომ 5 წლიანი განთავსება და არა ვთქვათ, 10-წლიანი, როგორც ეს ტრადიციულად ხდებოდა? სტუმარი: ირაკლი კაჭარავა - სახელმწიფო ვალის მართვის დეპარტამენტის ხელმძღვანელის მოადგილე #ახალიამბები #BusinessMediaGeorgia

6:55
როგორ და რა პირობებით საქმდებიან ქართველები უცხოეთში?
210 ნახვა აპრილი 9, 2021

ისრაელში ლეგალურად სამუშაოდ წასვლას ჯამში საქართველოს 1000 მოქალაქე შეძლებს. ჯანდაცვის სამინისტროს ცნობით, სამუშაო იქნება სრული განაკვეთი, კვირაში 6 სამუშაო დღე, 42 საათი. საქართველოს მოქალაქეები მიიღებენ ვიზას, რომელიც ერთი წლის განმავლობაში ძალაში იქნება. ვიზის მოქმედების ვადის გაგრძელება კი მაქსიმუმ 63 თვემდე იქნება შესაძლებელი. რეგისტრაცია 12 აპრილიდან იწყება და მთელი წლის განმავლობაში გაგრძელდება. #ახალიამბები #BusinessMediaGeorgia

7:48
ენგურჰესი და უცნობი გეგმა - რაზე ველაპარაკებით აფხაზებს
202 ნახვა აპრილი 9, 2021

მაისიდან ენგურჰესის ჰიდროელექტროსადგური ისევ ამუშავდება. რეაბილიტირებული ჰესი წელიწადში დამატებით, დაახლოებით, 100 მლნ კვტ.სთ-მდე ელექტროენერგიის გამომუშავებას შეძლებს. სარემონტო სამუშაოები, რომელიც 20 იანვარს დაიწყო და რომლის გამოც ენგურჰესი სრულად გაჩერდა, 43 მლნ ევრო ჯდება, აქედან 7 მლნ ევროკომისიის გრანტია, ხოლო დანარჩენი - EBRD-ის მიერ გამოყოფილი სესხი. როგორ მიმდინარეობს ენგურჰესის რეაბილიტაციის პროცესი და როგორ გაგრძელდება შემდგომი თანამშრომლობა ოკუპირებულ აფხაზეთთან? #ახალიამბები #BusinessMediaGeorgia

2:12
საქართველოში ლოკოკინის ხორცის გადამამუშავებელი საწარმო აშენდება
830 ნახვა აპრილი 2, 2021

საქართველოში ლოკოკინის ხორცის გადამამუშავებელი საწარმო აშენდება #ინტერვიუ ჯოვანი ავანინათან - ლოკოკინების იტალიელ ფერმერთა კონფედერაციის საპატიო პრეზიდენტთან #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia

5:25
გერმანიაში 500-ის ნაცვლად 5000 საქართველოს მოქალაქე დასაქმდება
1 094 ნახვა აპრილი 2, 2021

გერმანიაში 500-ის ნაცვლად 5000 საქართველოს მოქალაქე დასაქმდება ანალიტიკა ელენე კვანჭილაშვილთან ერთად #ახალიამბები #BusinessMediaGeorgia

5:42
პროდუქტები, რომელიც ერთ წელიწადში ყველაზე მეტად გაძვირდა
454 ნახვა აპრილი 2, 2021

პროდუქტები, რომელიც ერთ წელიწადში ყველაზე მეტად გაძვირდა ანალიტიკა ელენე კვანჭილაშვილთან ერთად #ახალიამბები #BusinessMediaGeorgia

14:13
“ჩემი შვილივით ნაზარდი კომპანია იყიდება,”სირცხვილი” - თათა ვარდანაშვილი ანალიტიკაში
330 ნახვა აპრილი 2, 2021

“ჩემი შვილივით ნაზარდი კომპანია იყიდება,”სირცხვილი” - თათა ვარდანაშვილი ანალიტიკაში ➡სტუმარი: თათა ვარდანაშვილი - "დემეტრე 96"-ს ყოფილი დირექტორი #ახალიამბები #BusinessMediaGeorgia

5:31
ვაკანტური თანამდებობები: #ბიზნესომბუდსმენი, ტურიზმის ეროვნული ადმინისტრაცია
190 ნახვა მარტი 26, 2021

მოგიყვებით ამბავს, როგორ არ ჰყავს დღემდე საქართველოს არც ტურიზმის ეროვნული ადმინისტრაცის ხელმძღვანელი და არც ბიზნესომბუდსმენი - ყოველ შემთხვევაში, ბიზნესი ითხოვს ამ უწყებებთან კომუნიკაციისთვის ისეთი ადამიანები გამოჩნდნენ, ვისაც გადაწყვეტილების მიღების ნება და უნარი ექნებათ. საქმე ისაა, რომ როცა “ქართულმა ოცნებამ” საარჩევნო სიის პირველი ოცეული 2020 წლის 10 სექტემბერს წარადგინა, მაშინ ოცეულში ტურიზმის ეროვნული ადმინისტრაციის ხელმძღვანელი მარიამ ქვრივიშვილი და ბიზნესომბუდსმენი მიხეილ დაუშვილიც შეიყვანა. შესაბამისად, მათ ამ თანამდებობების დატოვება მალევე მოუწიათ. ბოლო 6 თვეა ორივ ამ უწყებას მოვალეობის შემრულებლები ჰყავს, თუმცა კერძო სექტორი სრულფასოვანი ხელმძღვანელის საჭიროებას ხედავს. #ახალიამბები #BusinessMediaGeorgia

4:51
ანაკლიიდან კოლუმბიაში - GEM fest კარტახენაში გაიმართება
154 ნახვა მარტი 26, 2021

ანაკლიიდან კოლუმბიაში - GEM fest კარტახენაში გაიმართება სტუმარი: გიორგი სიგუა - GEM FEST ; დამფუძნებელი #ახალიამბები #BusinessMediaGeorgia

8:45
რატომ ყიდულობს საქართველო ელექტროენერგიას აზერბაიჯანისგან?
354 ნახვა მარტი 26, 2021

რატომ ყიდულობს საქართველო ელექტროენერგიას აზერბაიჯანისგან? სტუმარი: ზურაბ ნოღაიდელი - ყოფილი პრემიერ-მინისტრი, “ელ გრინის” ერთ-ერთი დამფუძნებელი #ახალიამბები #BusinessMediaGeorgia

7:23
მალხაზ დოლიძე: "პურიც თავისებური ვაქცინაა"
190 ნახვა მარტი 26, 2021

მალხაზ დოლიძე: "პურიც თავისებური ვაქცინაა" სტუმარი: მალხაზ დოლიძე - „პურის მცხობელთა ასოციაციის“ თავმჯდომარე #ახალიამბები #BusinessMediaGeorgia

4:45
პურის გაძვირების 3 თვით შეჩერება მთავრობას 6-7 მლნ ლარი დაუჯდება
138 ნახვა მარტი 26, 2021

პურის გაძვირების 3 თვით შეჩერება მთავრობას 6-7 მლნ ლარი დაუჯდება #ახალიამბები #BusinessMediaGeorgia

5:28
ფქვილის სუბსიდირების პროგრამა
330 ნახვა მარტი 19, 2021

მარტის ბოლოს ფქვილის სუბსიდირების პროგრამა სრულდება. რა გადაწყვეტილებას მიიღებს მთავრობა - დატოვებს სუბსიდიას თუ მეტიც, შეიძლება გაზარდოს კიდეც? ინდუსტრია ამბობს, რომ სუბსიდიის გარეშე პურის გაძვირება გარდაუვალი იქნება. როდემდე? #ახალიამბები #BusinessMediaGeorgia

10:07
მეწყრული პროცესები თბილისში
986 ნახვა მარტი 19, 2021

იმ ვითარებაში ვართ, როცა ყველა გაწვიმებას შიშით ვუყურებთ. ამის მთავარი მიზეზი დღეს თბილისში, ვაშლიჯვრის დამაკავშირებელ გზაზე მეწყერული პროცესების გააქტიურებაა. ფოტოებმა და კადრებმა გუშინ სოციალური ქსელები მყისიერად მოიცვა. გუშინვე პრესკონფერენციაზე დედამიწის შემსწავლელ მეცნიერებათა ინსტიტუტის და სეისმოლოგიის ეროვნული ცენტრის ხელმძღვანელმა თეა გოდოლაძემ განაცხადა, რომ პირველადი შეფასებით, ნაპრალის სიღრმე 10 მეტრია. გარემოს ეროვნული სააგენტოს გეოლოგიის დეპარტამენტის უფროსმა მერაბ გაფრინდაშვილმა განმარტა, რომ პროცესები ვაშლიჯვრის ფერდობზე მარტის დასაწყისში დაიწყო. მისივე თქმით, სახელმწიფო უწყებები მეწყრული პროცესების გააქტიურებისთანავე ჩაერთვნენ მოკვლევის სამუშაოებში და პრევენციული ზომებიც მიიღეს. თბილისის მერიაში ამბობენ, რომ მეწყერული პროცესების გააქტიურება წლების განმავლობაში ამ მონაკვეთზე წარმოებული პროექტების შედეგია, რასაც თან ბუნებრივი ფაქტორებიც დაერთო. მათივე განმარტებით, მოსახლეობის ევაკუაციაზე საუბარი არ მიმდინარეობს, რადგან სტიქიის ზონაში და არც მის მიმდებარედ არავინ ცხოვრობს. ერთი რაც ვიცით ის არის, რომ მაჭავარიანის ქუჩაზე და მიმდებარე ფერდზე გააქტიურებულ მეწყრულ პროცესებს გერმანელი სპეციალისტები შეისწავლიან და დაიწყება სამუშაოები, რომ გზა მალე გაიხსნას და მასზე გადაადგილება უსაფრთხო იყოს. ამ დრომდე, მაჭავარიანის ქუჩაზე საავტომობილო მოძრაობა ორმხრივად შეზღუდულია. ცხადია, დღეს პირველი ამოცანაა, რომ რისკი მოიხსნას. რაც ქართველი სპეციალისტებისგან ამ დრომდე გვესმის ისაა, რომ ამ შემთხვევაში საქმე გვაქვს ბლოკურ მეწყერთან და უნდა მოხდეს არა ამ ადგილის გამაგრება, არამედ მოხსნა და დამუშავება. ვნახოთ, რას იტყვიან უკვე გერმანელი სპეციალისტები. თუმცა, ამ მოვლენას სხვა განზომილებაც აქვს. მაგალითად: რა ბედი ეწევა ამ ტერიტორიაზე არსებულ მშენებლობებს და თუ საბოლოოდ ის ითქმება, რომ ამ ტერიტორიაზე მშენებლობა არ შეიძლება - რა შეიძლება იყოს გეგმა ბე. სტუმარი: მამუკა სალუქვაძე - “სითი ინსტიტუსტი”; ხელმძღვანელი #ახალიამბები #BusinessMediaGeorgia

6:13
ჰესების რუკა: 2013-2020
234 ნახვა მარტი 12, 2021

ჰესების რუკა: 2013-2020 #ახალიამბები #BusinessMediaGeorgia

13:29
ეკონომიკის განვითარების 10-წლიანი გეგმა - ლექსო ალექსიშვილი ანალიტიკაში
294 ნახვა მარტი 5, 2021

ეკონომიკის განვითარების 10-წლიანი გეგმა - ლექსო ალექსიშვილი ანალიტიკაში სტუმარი: ლექსო ალექსიშვილი - PMCG კვლევითი ცენტრი; ხელმძღვანელი #ახალიამბები #BusinessMediaGeorgia

4:07
მშენებლობის დაზღვევა საბანკო ანგარიშით - ვალდებულება ბიზნესს
178 ნახვა მარტი 5, 2021

მოუწევს თუ არა სამშენებლო და დეველოპმენტის ბიზნესს #Escrow ანგარიშის რეგულაციის დაცვა და მარტივად რომ ვთქვათ, წინასწარ განსაზღვრული თანხის ანგარიშზე გაყინვა, რომ ამით შენობის დასრულება გადააზღვიოს? #ახალიამბები #BusinessMediaGeorgia

5:27
რას გულისხმობს „მეწარმეთა შესახებ" კანონპროექტი? - ნიკა ნანუაშვილი ანალიტიკაში
218 ნახვა მარტი 5, 2021

რას გულისხმობს „მეწარმეთა შესახებ" კანონპროექტი? - ნიკა ნანუაშვილი ანალიტიკაში სტუმარი: ნიკა ნანუაშვილი - BAG; იურიდიული დირექტორი

7:11
ახალი ვალდებულება სამშენებლო კომპანიებისთვის - #Escrow ანგარიში - მალხაზ კუნელაური ანალიტიკაში
290 ნახვა მარტი 5, 2021

მთავრობა დეველოპერულ საქმიანობაში Escrow ანგარიშის დანერგვის ხელშეწყობას გეგმავს, - ამის შესახებ ანტიკრიზისულ გეგმაშია ნათქვამი, რომელიც მშენებლობას და დეველოპმენტს ეხება. ეს არის საბანკო ანგარიში, სადაც დეველოპერმა საცხოვრებელი ფართის რეალიზაციის თანხის არანაკლებ 20% უნდა განათავსოს. კონკრეტულად, უძრავი ქონების შეძენისას, მომხმარებლის მიერ გადახდილი თანხების ნაწილი ESCROW ანგარიშზე გროვდება და მშენებელს მხოლოდ სამშენებლო პროცესის მიმდინარეობისას, ან დასრულების შემდეგ შეუძლია ამ ანგარიშის გამოყენება. დოკუმენტის მიხედვით, სამშენებლო პროექტით გათვალისწინებული საცხოვრებელი ფართის არანაკლებ 20% - ის Escrow ანგარიშის გამოყენებით რეალიზაციის ვალდებულება უკვე ამ წლიდან უნდა ამოქმედდეს. ამ ეტაპზე საუბარია მხოლოდ მსხვილ, პირველი და მეორე კატეგორიის კომპანიებზე, რომელთა ბრუნვა შედარებით მაღალია. მთავრობაში განმარტავენ, რომ აღნიშნული გადაწყვეტილება მომხმარებლებს, უძრავი ქონების დაუსრულებლობის რისკებისგან დააზღვევს. რამდენად დგას დღეს დღის წესრიგში ეს საკითხი პანდემიურ წელს და რა მოლოდინი აქვს ბიზნესს? სტუმარი: მალხაზ კუნელაური - “რედკოს” დირექტორი #ახალიამბები #BusinessMediaGeorgia

9:19
პანდემია, პოლიტიკა და ინვესტიციები - ქეთი ქვარცხავა ანალიტიკაში
226 ნახვა თებერვალი 26, 2021

პანდემია, პოლიტიკა და ინვესტიციები - ქეთი ქვარცხავა ანალიტიკაში სტუმარი: ქეთი ქვარცხავა - იურისტი #ახალიამბები #BusinessMediaGeorgia

6:32
რამდენით გაიზრდება 2021 -ში ეკონომიკა?
150 ნახვა თებერვალი 26, 2021

დღეს 1 წელი შესრულდა საქართველოში COVID-19-ის პირველი შემთხვევის გამოვლენიდან. 2020 წლის 26 თებერვლის ღამით, ჯანდაცვის მინისტრის მიერ გაკეთებულ განცხადებას, რომ ვირუსი ირანიდან ჩამოსულ მოქალაქეს დაუდგინდა, საქართველოში პანიკა მოჰყვა. პანიკა იყო სუპერმარკეტებში, სადაც მოულოდნელად რიგები დადგა. პირველი შემთხვევიდან ძალიან მალე, საქართველომ სასაზღვრო კონტროლის გამკაცრება დაიწყო. მთავარი რიცხვები, რაც ამ პანდემიამ ამ დრომდე დაგვიტოვა უმძიმესია - 100,000-ით მეტი სოცდაუცველი, 53,000-ით მეტი უმუშევარი, 16%-ით გაუფასურებული ლარი. საქსტატის მიერ დღეს გამოქვეყნებული წინასწარი შეფასებით, 2021 წლის იანვარში, წინა წლის შესაბამის პერიოდთან შედარებით, ეკონომიკა 11.5%-ით შემცირდა. ასეთი ვარდნა უკავშირდება საბაზო ეფექტს, რადგან 2020 წლის იანვარში საქართველოში COVID-19-ის კრიზისი ჯერ კიდევ არ იყო დაწყებული, 2021 წლის იანვარში კი, ქვეყანაში "ლოქდაუნი" იყო და "სავალდებულო დასვენების დღეები" იდგა. 2020 წელი რეკორდულ ნიშნულზე 6.1%-იან ვარდნაზე დაიხურა. #ახალიამბები #BusinessMediaGeorgia

4:40
შეზღუდვები რუსულ ხორბალზე და საქართველო
346 ნახვა თებერვალი 19, 2021

დავრჩებით თუ არა პურის გარეშე? ეს კითხვა კიდევ უფრო რელევანტური მას შემდეგ გახდა, რაც გავიგეთ, რომ რუსეთმა მარცვლეულის ექსპორტი შეზღუდა, კვოტები და საბაჟო ტარიფები დააწესა. კიდევ აქვთ თუ არა იმპორტიორებს ალტერნატიულ ბაზრებზე დივერსიფიცირების შანსი - რომლებსაც მათივე თქმით მხოლოდ იმიტომ არ მიმართავდნენ, რომ რუსული ხორბლის ფასი უფრო ხელსაყრელი იყო? #ახალიამბები #BusinessMediaGeorgia

5:28
უმუშევრობა რეკორდული ტემპით, 20.4%-მდე გაიზარდა
134 ნახვა თებერვალი 19, 2021

რა ფასი აქვს სინამდვილეში - საქართველოში - მსოფლიოში ერთ-ერთი ყველაზე მკაცრი ლოკდაუნით ვირუსის მართვას. 2020 წლის მეოთხე კვარტალში - 79 ათასით შემცირდა დასაქმებულთა რაოდენობა, 53 ათასით გაიზარდა უმუშევართა რიცხვი, 26 ათასი ადამიანი სამუშაო ძალიდან გავიდა - ეს რიცხვები შეგვაგება დღეს საქსტატმა. უმუშევრობის ზრდა დაქირავებით დასაქმებულთა ხარჯზე მოხდა - რაც სწორედ ლოკდაუნებში გადახდილი ფასია. ეკონომიკა უნდა გაიხსნას - ეს არის ბიზნესის პოზიცია. როგორ უნდა გაიხსნას - ეს არის ეპიდემიოლოგების და მთავრობის საქმე. რამდენად თანმიმდევრულია ამ მიმართულებით პოლიტიკა - დღეს ეს ყველაზე მნიშვნელოვანი კითხვაა. რამდენად სწორია ვთქვათ ზამთრის კურორტებს არ მისცე არცერთი შანსი, რომ იქნებ რეგულაციების დაცვით თავს ართმევს ბიზნესის დაცულად წარმოებას და რაც ტურიზმის აღდგენას და სულ მცირე ამ სექტორში სამუშაო ადგილების შენარჩუნებას შეუწყობდა ხელს და მეორე მხრივ, გახსნა სკოლები, რაც ზრდის ეპიდემიოლოგიურ რისკებს, მაგრამ ეკონომიკურად დიდი შედეგი არ მოაქვს - ეს კითხვები დღეს არსებობს. პასუხები გადაწყვეტილების მიმღებთა მხრიდან - ბუნდოვანია. #ახალიამბები #BusinessMediaGeorgia

არხის შესახებ

Business Media Georgia წარმოგიდგენთ ყოველდღიურ სატელევიზიო გადაცემებს: „საქმის კურსი“ „ანალიტიკა“(ყოველ პარასკევს), „საქმიანი დილა“ და „ქალების ნარატივი“. ტელეპროექტების ტრანსლირება ჩვენი პარტნიორი ტელეკომპანია "ტვ პირველი"-ს ეთერით ხდება. ბიზნესისა და ეკონომიკის სიახლეების გაცნობა, ასევე გადაცემების უწყვეტ რეჟიმში ნახვა ჩვენს განახლებულ მისამართზე შეგიძლიათ - www.bm.ge

არხის ვიდეოების ძებნა