2030-ი პირდაპირ ეთერში ბრუნდება. გაძნელებული სუნთქვა… უძილობა... ქოშინი და ხვრინვა... ჟანგბადის ნაკლებობა და სწრაფად დაღლა - ექიმები ამბობენ, რომ სიმსუქნე სიცოცხლის ხანგრძლიობას თითქმის 100% ით ამცირებს. მათივე მტკიცებით, საშუალო სიმსუქნის ადამიანები 2-5 წლამდე ნაკლებს ცოცხლობენ. ნახეთ გიორგი მანჯავიძის, ლაშა მამულაშვილისა და ლაშა ნატროშვილის საავტორო რეპორტაჟი ჯანსაღი ცხოვრების წესის შესახებ.
შეზღუდული შესაძლებლობის მქონე პირების დასაქმების ხელშეწყობის პროგრამა თბილისის მერიის ფინანსური მხარდაჭერით და პროფესიულად გადამზადებული 15 შეზღუდული შესაძლებლობების მქონე პირი - რა ტრენინგები ჩაუტარდათ ბენეფიციარებს და როგორ ზრუნავს სახელმწიფო მათ დასაქმებაზე -თორნიკე ხურციძე გიამბობთ.
სახელმწიფო უსაფრთხოების სამსახურის ანტიკორუფციულმა სააგენტომ და სასჯელაღსრულებისა და პრობაციის სამინისტროს გენერალურმა ინსპექციამ თაღლითობის მცდელობის ფაქტზე სასჯელაღსრულებისა და პრობაციის სამინისტროს თანამშრომელი დააკავა. რუსთავის 16 დაწესებულების ინსპექტორმა ერთ-ერთი პატიმრის ოჯახს მისი ოჯახის წევრის ციხიდან ვადაზე ადრე გათავისულების სანაცვლოდ თანხა გამოართვა.
გაუქმდება თუ არა კანაფის მოყვანისთვის საპატიმრო სასჯელი - საკონსტიტუციო სასამართლოს შესაბამისი სარჩელით ორგანიზაცია "თეთრი ხმაურის მოძრაობამ" მიმართა. მოსარჩელე მხარე მიიჩნევს, რომ კანაფის მოყვანისთვის სასჯელი ძალიან მკაცრია და სასჯელის დამდგენი მუხლის არაკონსტიტუციურად ცნობას ითხოვენ. მოსარჩელეები მიიჩნევენ, რომ თუ 70 გრამი მარიხუანის, პირადი მოხმარების გამო, ადამიანს აღარ აპატიმრებენ, ამ რაოდენობის მარიხუანას მისაღები კანაფის მოყვანისთვისა 4 დან 7 წლამდე პატიმრობა უნდა გაუქმდეს. მოპასუხე მხარის, პარლამენტის წამომადგენლები განმარტავენ, რომ კანაფის მოყვანის გაიგივება მხოლოდ მარიხუანასთან არ შეიძლება, რადგან კანაფის მეშვეობით, ადამიანის ჯანმრთელობისთვის გაცილებით სახიფათო, სხვა ნარკოტიკული საშუალებების გამოყვანაც შესაძლებელია. მიიღებენ თუ საქმეს წარმოებაში? საკონსტიტუციო სასამართლოს გადაწყვეტილება, უახლოეს მომავალში გახდება ცნობილი.
უფლებამოსილების გადამეტების და ბოროტად გამოყენების მუხლებით ბრალდებულ დავით ჩხიტუნიძის მიმართ აღკვეთი ღონისძიების სახით პატიმრობა სასამართლომ ძალაში დატოვა. აღკვეთის ღონსძიების შეცვლის საკითხი მოსამართლემ მიზანშეწონილად არ მიიჩნია, რადგან მისი თქმით, ამისთვის ახალი გარემობა ამ ეტაპზე არ გამოვლენილა. იუსტიციის სამინისტროს გენერალური ინსპექციის უფროსის ყოფილ მოადგილეს გამოძიება გირგვლიანის საქმეზე მსჯავრდებული პირების ციხიდან უკანონოდ გაყვანას ედავება. დღევანდელ პროცესზე გამოძიებამ მტკიცებულების გამოქვეყნება იმ ვიდეო მასალის ჩვენებით დაასრულა, რომელიც გირგვლიანის მკვლელობაში მსჯავრდებული პირების საპატიმროში პრივილიგერებული პირობების შექმნას ასახავს. თუმცა, ბრალდებულის ადვოკატი აცხადებს, რომ მასალას მისი დაცვის ქვეშ მყოფ პირისთვის წაყენებულ ბრალთან კავშირი არ აქვს. დავით ჩხიტუნიძე ამჟამად ძებნილია.
გაუქმდება თუ არა დიასპორის სამინისტრო - ახალგაზრდა იურისტთა ასოციაციაში მიიჩნევენ, რომ დიასპორის სამინისტროს გაუქმება, შესაძლოა, სახელმწიფოსთვის საზიანო აღმოჩნდეს. ამასთან, საიაში მიაჩნიათ, რომ დიასპორის სამინისტროს ბიუჯეტი მცირეა და მისი შენახვა სახელმწიფოს არ გაუჭირდება. მთავრობის წევრების თქმით, დიასპორის თემებზე მუშაობა მთავრობის პრიორიტეტად დარჩება. არსებული ინფორმაციით, დიასპორის აპარატი საგარეო საქმეთა სამინისტროს შეუერთდება და დეპარტამენტად ჩამოყალიბდება. თავად გელა დუმბაძის აპარატში კომენტარს არ აკეთებენ და აცხადებენ, რომ საკითხზე კომენტარს პრემიერ-მინისტრი გააკეთებს.
მსოფლიო უნივერსიტეტების რეიტინგში 48–ე ადგილზე მყოფი მიუნხენის ტექნიკური უნივერსიტეტი ქუთაისის ტექნოლოგიური უნივერსიტეტთან ითანამშრომლებს, –ამის შესახებ ცნობილი მთავრობის ადმინისტრაციაში, მიუნხენის ტექნიკური უნივერსიტეტის საგარეო მიმართულების ხელმძღვანელთან გამართული შეხვედრის შემდეგ გახდა. შეხვედრაში მონაწილეობდნენ განათლებისა და სოფლის მეურნეობის მინისტრები, თბილისის სახელმწიფო უნივერსიტეტის რექტორი, მთავრობის ადმინისტრაციის უფროსი, საქველმოქმედო ფონდ „ქართუს“ ხელმძღვანელი და თანაინვესტირების ფონდის სამეთვალყურეო საბჭოს თავმჯდომარე. შეხვედრაზე შესაძლო თანამშრომლობის საკითხები განიხილეს, მათ შორის, პროფესორ–მასწავლებელთა, აკადემიური პროგრამების შერჩევისა და პროექტის განვითარებისთვის საჭირო მიმართულებები.
პარლამენტის მოქმედი თავმჯდომარე დავით უსუფაშვილი საკანონდებლო ორგანოს აპარატის თანამშრომლებს ოფიციალურად გამოემშვიდობა. რიგით მეშვიდე თავმჯდომარე ამბობს, რომ დიდი გეგემები აქვს და გული არაფერზე წყდება. უსუფაშვილი იმედოვნებს, რომ ახალი მოწვევის პარლამენტი ბევრად უკეთესი იქნება. რაც შეეხება სამომავლო გეგმებს, პარლამენტის ჯერ კიდევ მოქმედი თავმჯდომარე, ამ საკითხებზე სასაუბროდ ჟურნალისტებს მომავალ კვირას შეხვდება. 2030-ის ინფორმაციით, ახალი მოწვევის პარლამენტის პირველი პლენარული სხდომა ზუსტად ერთ კვირაში, 18 ნოემბერს გაიმართება. სწორედ მომავალ პარასკევს შეუწყდება უფლებამოსილება დავით უსუფაშვილს და ყველა მოქმედ დეპუტატს.
თავდასხმა ავღანეთის ქალაქ მაზარ ი შარიფზე და ქართველი სამხედროების გმირობა - ავღანეთში გერმანიის გენერალურ საკონსულოზე თავდასხმის შედეგად 6 ადგილობრივი დაიღუპა. ქართულმა ოცეულმა მოგერიების ოპერაციაში მიიღო მონაწილეობა და დიპლომატიური კორპუსის წარმომადგენლების შენობიდან უსაფრთხოდ გამოყვანა მოახერხა. თავდასხმისას არცერთი ქართველი ჯარისკაცი არ დაშავებულა. გერმანიის მთავრობის მადლობა ქართველ სამხედროებს და მაზარ ი შარიფზე თავდასხმის დეტალები, ნახეთ ლიკა ალელიშვილის რეპორტაჟში..
ოდესის ყოფილი გუბერნატორი უკრაინის პრეზიდენტს ვადამდელი საპარლამენტო არჩევნების დანიშვნისკენ მოუწოდებს. მიხეილ სააკაშვილმა პარტია “ახალი ძალების პლატფორმის” დაარსების შესახებ განაცხადა. უკრაინელი პოლიტიკოსი, უკრაინის ხელისუფლებასა და პრეზიდენტ პოროშენკოსთან დაკავშირებულ პარტიებს ბინძურს, გაფუჭებულს, ცინიკურსა და ანტინაციონალურს უწოდებს და მათთან თანამშრომლობას არ
გუბაზ სანიკიძემ ეროვნული ფორუმი დატოვა. ამბობს, რომ 2016 წლის საპარლამენტო არჩევნებისას ოპოზიციურმა პარტიებმა ბევრი შეცდომა დაუშვეს და ამჯერად, მიღებული შედეგის გამოსასწორებლად, ხარვეზების გასაანალიზებლად და ახალი პოლიტიკური მოძრაობის შესაქმნელად ქმედებებია საჭირო. რა გეგმები აქვს ეროვნული ფორუმის უკვე ყოფილ წევრს და რა შეფასებები მოჰყვა სანიკიძის გადაწყვეტილებას, ნათია ხართიშვილი გიამბობთ.
დედაქალაქის მერია ტაქსის მძღოლებისთვის რეგულაციებს სავარაუდოდ 2017 წლიდან დააწესებს. საკითზე მუშაობა უკვე დაწყებულია, თბილისში, რა ფორმით განხორციელდება მონიტორინგი ტაქსებზე, როგორია არასამთავრობო სექტორის მოსაზრება და რას ფიქრობენ მძღოლები და მგზავრები მოსალოდნენ რეგულაციებზე - მაკა ლაშხია გიამბობთ.
სითი პარკი და დაჯარიმებული მოქალაქეები, რომლებიც უძრავ-მოძრავი ქონების დაკარგვის საფრთხის წინაშე აღმოჩნდენ. მძღოლების ნაწილი, რომლებიც 2030-ს დაუკავშირდნენ, ამბობენ, რომ 10 ლარიანი ჯარიმის გადაუხდელობის გამო აღსრულების ეროვნული ბიუროსაგან მოქალაქის ქონებას ყადაღა გაუფრთხილებლად დაედო. თავად აღსრულების მექანიზმის განმკარგავ ორგანოში განმარტავენ, რომ ისინი აღსრულებლის ფურცლის შესაბამისად მოქმედებენ, რომელსაც აღსრულების ეროვნულ ბიუროს “სითი პარკი” უგზავნის. რას ყვებიან მოქალაქეები და აქვს თუ არა თბილისის მერიას მექანიზმი, სითიპარკთან დადებულ ხელშეკრულებას გადახედოს? მარიამ სეთურიძე გიამბობთ
20 იანვარს დონალდ ტრამპი პრეზიდენტის თანამდებობას ოფიციალურად დაიკავებს. 8 ნოემბრის არჩევნების მოულოდნელმა შედგებმა ამერიკის შეერთებულ შტატებში მცხოვრები მრავალი ადამიანის მომავალი გაურკვეველი გახადა. აშენდება თუ არა მექსიკის საზღვარზე ბეტონის კედელი და რა ელის ქვეყანაში მცხოვრებ 11 მილიონ არალეგალ მიგრანტს - ეს საკითხები არჩევნებში ტრამპის გამარჯვების შემდეგ კიდევ უფრო გააქტუალურდა. როგორია მუსლიმი ამერიკელებისა და აშშ-ში მცხოვრები მიგრანტების განწყობა, ნახეთ ქეთი ჩოხელის რეპორტაჟში.
რუსეთის ტურიზმის ფედერალური სააგენტოს მოწოდება ტურისტებს და თბილისის პასუხი მოსკოვს. რუსეთის ტურიზმის ფედერალური სააგენტო საკუთარ მოქალაქეებს ურჩევს, საქართველოში ტურისტული ვიზიტების დაგეგმვისას რისკები გაითვალისწინონ. მთავარ რისკად კი ოკუპირებული ტერიტორიების შესახებ კანონი სახელდება. რა პოლიტიკურ ქვეტექსტს შეიცავს რუსეთის საგარეო უწყების განცხადება და ორ ქვეყანას შორის დიპლომატიური ურთიერთობის არარსებობის პირობებში, ექმნებათ თუ არა საქართველოში რუს ტურისტებს პრობლემები - თამარ წიკლაურმა მოისმინა ხელისუფლების, ტურ-ოპერატორებისა და ტურისტების განმარტებები
საქართველოს მორაგბეთა ეროვნული ნაკრები ნოემბერში 3 ტესტ-მატჩს გამართავს. პირველ შეხვედრში, რომელიც შაბათს ლოკომოტივზე გაიმართება, ქართველი ბორჯღალოსნები იაპონიის ნაკრებს დაუპირისპირდებიან და გამარჯვების შემთხვევაში მსოფლიო რეიტინგში პირველად მეათე ადგილს დაიკავებენ. მორაგბეების ღია ვარჯიშსს რეზი ხუციშვილი ესწრებოდა. მომდევნო კვირაში კი საქართველოს ნაკრები თბილისში სამოას მიიღებს, დასკვნით შეხვედრას კი 26 ნოემბერს შოტლანდიის ნაკრების წინააღმდეგ სტუმრად გამართავს.
“პატრიორტთა ალიანსმა" საკონტიტუციო სასამართლოს სარჩელით მიმართა. "პატრიოტები" მიიჩნევენ, რომ საქართველოს პარლამენტში ისინი პოლიტიკურ დისკრიმინაციას განიცდიან და ხუთის ნაცვლად 10 მანდატი ეკუთვნით. პატრიოტთა ალიანსი საკონსტიტუციო სასამართლოსგან საარჩევნო კოდექსის 125-ე მუხლის არაკონსტიტუციურად ცნობას ითხოვს, რომელიც პარლამენტში მანდატების გადანაწილებას ეხება. ახლა საკონსტიტუციო სასამართლოს პლენუმზეა დამოკიდებული, მიიღებს თუ არა წარმოებაში პატრიოტთა ალიანსის სარჩელს.
საქართველოს პრეზიდენტმა ავლაბრის რეზიდენციაში ტოლერანტობის კვირეული გახსნა და ეთნიკური უმცირესობის საკითხებზე მომზადებული ბროშურის პრეზენტაციას დაესწრო. ჟურნალში თავმოყრილია 30-ზე მეტი პროექტი, რომელიც ბოლო პერიოდში პრეზიდენტის სარეზერვო ფონდის დაფინანსებით განხორციელდა და რომლის მიზანიც ეთნიკური უმცირესობის ქართულ საზოგადოებაში ინტეგრაციაა. ქართული ენის კურსები „ვისწავლოთ ქართული“, ქართულ-ოსური სამეცნიერო-კვლევითი ცენტრი, აფხაზეთის ვირტუალური არქივი, შეხვედრები მოსწავლეებთან ადრეული ქორწინების თემაზე, პანკისის ხეობაში მცხოვრები ახალგაზრდების დასაქმების ხელშეწყობის პროექტი - ეს არასრული ჩამონათვალია იმ პროექტების, რომელიც საქართველოს პრეზიდენტის სარეზერვო ფონდის მხარდაჭერით განხორციელდა. დღესვე შემწყნარებლობის და ტოლერანტობის ხელშეწყობისათვის გიორგი მარგველაშვილმა ევანგელურ-ბაპტისტური ეკლესიის ეპისკოპოსი და ფოკას მონასტრის წინამძღვარი ღირსების ორდენით დააჯილდოვა
რვა გამორჩეული საღამო კლასიკური მუსიკის მოყვარულებისთვის. თბილისი “ბაროკო ფესტივალისთვის” ემზადება. 10 ნოემბრიდან საქართველოს კამერული ორკესტრისა და ცნობილი ევროპელი მუსიკოსების შესრულებით, რუსთაველის თეატრის მცირე სცენაზე ბახს, ბეთჰოვენს, ტელემანსა და ბაროკოს პერიოდის სხვა გამორჩეული კომპოზიტორების ნაწარმოებების მოსმენის საშუალება გექნებათ. რით იქნება განსხვავებული ბაროკოს თბილისური ფესტივალი და როგორ მიმდინარეობს მზადება გახსნისთვის, ნახეთ ნათია ხართიშვილის რეპორტაჟში.
საპარტნიორო ფონდმა „სტარტაპ საქართველოს“ პროექტში პირველი კონკურსის გამარჯვებულები დააფინანსა. პირველ კონკურსში გამარჯვებული 36 პროექტიდან რვასთან ფონდმა ხელშეკრულება უკვე გააფორმა და პროექტებს დაფინანსების დამადასტურებელი დოკუმენტიც გადასცა. საბოლოოდ პროექტები 586 700 ლარით დაფინანსდა. პარალელურად, საპარტნიორო ფონდი „სტარტაპ საქართველოს" პროგრამის ინოვაციურ კომპონენტში ახალი ბიზნესპროექტებისა და აპლიკაციების მიღებას განაგრძობს. რა იდეებმა მიიღეს დაფინანსება და როდის განხორციელდება პროექტები ნახეთ მარიამ სეთურიძის რეპორტაჟში.
2030-ი პირდაპირ ეთერში ბრუნდება - ზვარეში რკინიგზის ლიანდაგის მშნებლობაზე დასაქმებულმა ქართველმა მუშებმა პროტესტი შეწყვიტეს. 8 დღიანი გაფიცვის შემდეგ ჩინურ კომპანია რკინიგზის 23-ე ბიუროსა და დასაქმებულებს შორის შეთანხმება შედგა. ჩინურმა კომპანიამ მუშების მოთხოვნა დააკმაყოფილა და პირველ ნოემბერს ზვარეში მომხდარი ინციდენტის მონაწილე ჩინელები სამსახურიდან გაათავისუფლა. კომპანიის ინიციატივით მოხდება დაზარალებულთა მკურნალობის ხარჯის ანაზღაურებაც. უფრო კონკრეტულად, რა შეთანხმებას მიაღწიეს ზვარეში ჩინურმა კომპანიამ და ქართველემა მუშებმა, ნახეთ ირაკლი აკობიას რეპორტაჟში.
საკონსტიტუციო სასამართლოს პლენუმი განახლებული შემადგენლობით სასამართლო დარბაზში პირველად შეიკრიბა - პირველი საქმე იმ ნორმის არაკონსტიტუციურად ცნობას ეხებოდა, რომლითაც იუსტიციის საბჭომ მოსამართლეები აირჩია. საქმე მოსამართლეთა წინა შემადგენლობას განხილული ჰქონდა და გადაწყვეტილების მისაღებად იყვნენ გასული. თუმცა, საკონსტიტუციო სასამართლოს ახალი მოსამართლეების შუამდგომლობის საფუძველზე საქმე არსებით განხილვაში დაბრუნდა. სოფო ჟღენტი და თამარ წიკლაური დეტალებით.
კობა დავითაშვილის ცემასა და მის დაკავებაზე სასამართლომ საქმის არსებითი განხილვა დაიწყო. პროცესი პროკურორის შესავალი სიტყვით გაიხსნა. ბრალდების მხარემ საქმეში არსებული მტკიცებულებები წარადგინა და ის მოწმეები დაასახელა, რომლებიც საქმის განხილვისას ზურაბ ადეიშვილის წინააღმდეგ ჩვენებებს მისცემენ. მათ შორის არიან ყოფილი თანამდებობის პირები. რა მტკიცებულებები აქვს გამოძიებას და რას აცხადებენ მხარეები 2007 წელს ოპოზიციონერ კობა დავითაშვილის ცემის ფაქტზე, გიორგი კობერიძე გიამბობთ.
ამერიკის საპრეზიდენტო არჩევნების შედეგებს ელოდებოდნენ ამერიკის ელჩი საქართველოში და საელჩოს თანამშრომლები. ამერიკის შეერთებული შტატების, საქართველოში მცხოვრები მოქალაქეები მოვლენების განვითარებას თვალს ტელეკომპანია სიენენზე ადევნებდნენ. საქართველოსა და შეერთებული შტატების სამომავლო ურთიერთობაზე საუბრისას იან კელიმ განაცხადა, რომ საქართველო-ამერიკის ურთიერთობა არ შეიცვლება.
დონალდ ტრამპი - აშშ-ის 45-ე პრეზიდენტი. ავტორიტეტული სააგენტოების მიერ ჩატარებული კვლევები კლინტონის უპირატესობას პროგნოზირებდა, შესაბამისად ტრამპის გამარჯვება საზოგადოების ნაწილისთვის. ქეთი ჩოხელი ჩაგევრთვება დეტალებით, ქეთი გისმენთ.
აშშ-ის არჩევნების შედეგებს მმართველი გუნდის წევრები აფასებენ და ორ ქვეყანას შორის ურთიერთობაში რადიკალურ ცვლილებებს არ პროგნოზირებენ და აცხადებენ, რომ სტრატეგიულ პარტნიორთან თანამშრომლობა განსაკუთრებული ცვლილებების გარეშე გაგრძელდება. ექსპერტები მიიჩნევენ, რომ ამერიკა კვლავ დარჩება მსოფლიო სტაბილურობის მთავარ გარანტად და ეს თეთრი სახლის ადმინისტრაციის ცვლილებით არ გადაიხედება. თუმცა, ტრამპის წინასაარჩევნო დაპირების გათვალისწინებით, ექსპერტები გარკვეულ ცვლილებებს ადმინისტრაციის პრიორიტეტებში ხედავენ. განსაკუთრებით ამერიკის კიდევ ერთ მცდელობას, რუსეთთან ურთიერთობა გადატვირთოს. მიშა ფეიქრიშვილი ოფიციალური თბილისის მოლოდინს არკვევდა
ვენეციის 57-ე ხელოვნების საერთაშორისო გამოფენისთვის საქართველოს სახელით წარსადგენი პროექტის შესარჩევად კონკურსი გამოცხადდა. კულტურის მინისტრმა მიხეილ გიორგაძემ ჟურნალისტებთან 2017 წლის ვენეციის ბიენალეს პროგრამაზე ისაუბრა და ქართველ ხელოვანებს კონკურსში მონაწილეობისკენ მოუწოდა. ვენეციის ბიენალე 13 მაისიდან 26 ნოემბრამდე ვენეციაში გაიმართება. საქართველოს ეროვნული პავილიონისთვის კი არსენალის ტერიტორიაზე 115 კვადრატული მეტრი ფართობის სივრცე იქნება გამოყოფილი. გამარჯვებული პროექტისთვის განკუთვნილი თანხა 160 000 ლარს შეადგენს.
გოგონების წინდაცვეთა - ბრიტანული ორგანიზაცია “ომისა და მშვიდობის გაშუქების ინსტიტუტი” კვლევას აქვეყნებს, საიდანაც ცნობილი ხდება, რომ საქართველოში მცხოვრებ ეთნიკურად ავარიელ გოგონებს წინდაცვეთას უტარებენ. საუბარია ყვარლის რაიონის სამ სოფელზე - თივისზე, სარუსოსა და ჩანტლისყურეზე, სადაც ეთნიკური ავარიელები ცხოვრობენ. ადგილობრივები გოგონების წინადაცვეთას რელიგიური წესჩვეულებებითტ ხსნიან, უფლებადამცველები კი ქალთა და ბავშვთა უფლებების დარღვევაზე საუბრობენ. საქართველოში მცხოვრები ეთნიკურად ავარიელები 2030-ს ტრადიციის შესახებ უყვებიან. რელიგიური ტრადიცია თუ ადამიანების უფლებების დარღვევა, ავარიელების, მუფტისა და უფლებადამცველების განმარტებები, ნახეთ ლიკა ალელიშვილისა და თეა ალავერდაშვილის რეპორტაჟში..
რა გამოწვევების წინაშე დგას ჯანდაცვის საყოველთაო პროგრამა და რა ცვლილებებს საჭიროებს სისტემა - მეტი დაფინანსების მიღების მიზნით, ხდება თუ არა სამედიცინო დაწესებულებების მიერ შემთხვევების ხელოვნურად დამძიმება და იგეგმება თუ არა საავადმყოფოებისთვის დაფინანსების სისტემის შეცვლა? თამარ წიკლაური გიამბობთ.
მოწმეების დაკითხვით გრძელდება ბიზნესმენ თამაზ ნიჟარაძისთვის ქონების გამოძალვის საქმის განხილვა, რაზეც დავით კეზერაშვილს აქვს ბრალი წარდგენილი. სასამართლოს დღევანდელ პროცესზე სპეციალური ოპერატიული დეპარტამენტის ის თანამშრომელი დაკითხეს, რომელიც 2010 წელს ნიჟარაძის საცხოვრებელ სახლში სამი დღის განმავლობაში იმყოფებოდა და როგორც თავად ამბობს, ხელმძღვანელების დავალებას ასრულებდა. გიორგი ქემოკლიძემ განაცხადა, რომ ის სოდის ხელმძღვანელმა დევი ჭელიძემ დაიბარა და ნიჟარაძეების სახლში ვითარების შესწავლა დაავალა. მოწმის თქმით, დავალების რეალური მიზანი ბიზნესმენის 24 საათიანი კონტროლი იყო, რაც მისი განცხადებით, ბიზნესმენის ფინანსურ პოლიციაში მიყვანის შემდეგ კიდევ უფრო ნათელი გახდა. ბრალდებულ კეზერაშვილის ადვოკატი მოწმის დღევანდელ ჩვენებაზე ამბობს, რომ ის მათი დაცვის ქვეშ მყოფის წინააღმდეგ ვერაფერს ამტკიცებს. ბრალდების მხარის ცნობით კი სწორედ სოდის გამოყენებით ახდენდა კეზერაშვილი ბიზნესმენზე ზეწოლას, რათა თამაზ ნიჟარაძეს ფოთის პორტში რამდენიმე მილიონად შეფასებული ბიზნეს აქტივები დაეთმო.
ლარის კურსის ცვლილება და კომუნალური გადასახადები - ენერგეტიკის და წყალმომარაგების სფეროში მოქმედმა კომპანიებმა სემეკს მომავალი წლის ტარიფის დადგენის მოთხოვნით მიმართეს. კომისიამ შესაბამისი საჯარო ადმინისტრაციული წარმოება უკვე დაიწყო. გაიზრდება თუ არა კომუნალური გადასახადები და ახდენს თუ არა ლარის გაუფასურება გავლენას ტარიფებზე? ნიკა მუკბანიანი, არჩილ ვაჟიკაშვილი დეტალებით.
ამერიკის შეერთებულ შტატებში მიმდინარე საპრეზიდენტო არჩევნებს ქართულ პოლიტიკურ სპექტრში ეხმაურებიან. “ქართულ ოცნებაში” ამბობენ, რომ ისინი ამერიკელი ხალხის არჩევანს პატივს სცემენ და მზად არიან მათ მიერ არჩეულ პრეზიდენტთან ითანამშრომლონ. ნაციონალურ მოძრაობაში კი ჰილარი კლინტონის გამარჯვების შემთხვევაში საქართველოსა და ამერიკის შეერთებულ შტატებს შორის ურთიერთიერთობის გაღრმავების შესაძლებლობაზე საუბრობენ.
2018 წლიდან ძალაში ავტოსატრანსპორტო საშუალებების სავალდებულო ტესტირება შევა. ტესტირების სტანდარტებს კი საქართველოს მთავრობის მიერ დაქირავებული საკონსულტაციო კომპანია დაადგენს. საკონსულტაციო მომსახურების შესყიდვის მიზნით მთავრობამ ინტერესთა გამოხატვა გამოაცხადა. კონკურსში მონაწილეობის მიღების საშუალება, ევროკავშირის წევრ ქვეყნებში პერიოდული ტექნიკური ინსპექტირების გამოცდილების მქონე ყველა საერთაშორისო კომპანიას ექნება. კომპანიების შეფასების პროცესი სამთავრობო კომისიის მიერ წარიმართება, რომელიც წარმოდგენილი წინადადებების შესწავლის საფუძველზე გამარჯვებულს გამოავლენს. რა მოთხოვნების დაკმაყოფილება მოუწევს საკონსულტაციო კომპანიას, რა ფორმით ამოქმედდება ავტომობილების სავალდებულო ტესტირება და როგორია მძღოლების შეფასება ნახეთ მარიამ სეთურიძის რეპორტაჟში.
„ყველა უნდა შეეგუოს, რომ მე ვარ უკრაინელი პოლიტიკოსი და დავმარცხდები ან გავიმარჯვებ არა საქართველოში, არამედ უკრაინაში“ - წერს მიხეილ სააკაშვილი სოციალურ ქსელში. ოდესის ყოფილი გუბერნატორი უკრაინის პრეზიდენტს ღიად აკრიტიკებს. სააკაშვილის თქმით, მას აღარ სჯერა პოროშენკოს დაპირებების. ოდესის ყოფილი გუბერნატორი ამ განცხადებით, უკრაინის პრეზიდენტის კომენტარს გამოეხმაურა. პოროშენკომ ჟურნალისტებს განუცხადა, რომ ``საქართველოს არჩევნებში დამარცხების შემდეგ, ზოგიერთმა უკრაინაში პოლიტიკური აქტიურობის დაწყება გადაწყვიტა``. უკრაინის პრეზიდენტი იმედოვნებს, რომ უკრაინის მთავრობა ხვალ, ოდესის გუბერნატორის, მიხეილ სააკაშვილის გადადგომას მხარს დაუჭერს.
დონალდ ტრამპი თუ ჰილარი კლინტონი - ვინ შეცვლის ბარაკ ობამას თეთრ სახლში? ამერიკის შეერთებული შტატების 45-ე პრეზიდენტის ვინაობა 9 ნოემბრის დილას გახდება ცნობილი. როიტერის ბოლო კვლევის მიხედვით, ჰილარი კლინტონის რეიტინგი დონალდ ტრამპს 5-პროცენტით უსწრებს. ამერიკის შეერთებული შტატების საარჩევნო კამპანია მსოფლიო მედიის ყურადღების ცენტრშია.
ჩანაწერები ერთადერთ სიყვარულზე გული ბებოს დღიურიდან. ნინუცა კახნიაური ამჯერად გაგაცნობთ ქალბატონს, რომელიც ოჯახმა 17 წლის ასაკში ცოლად მისთვის უცნობ ბიჭს გააყოლა, როცა გოგონას სხვა უყვარდა. იმ დღიდან გული ხურცილავას საუთარი გრძნობები და ემოციები დღიურში გადააქვს. ის ნინუცა კახნიაურმა, დავით თევზაძემ და თამარ აქიაშვილმა მოინახულეს.
2017 წელს საქართველოში H&M -ის პირველი მაღაზია გაიხსნება. 1947 წელს დაარსებული შვედური კომპანია ქართული ბაზრით დაინტერესდა. საერთაშორისო ბრენდმა, საქართველოში პირველი მაღაზიის გახსნის შესახებ შეთანხმებას ხელი უკვე მოაწერა. H&M-ს, მაღაზიები მსოფლიოს 64 ქვეყანაში აქვს, თბილისში კი ერთ-ერთი მაღაზია სავაჭრო ცენტრ „გალერეა თბილისში" გაიხსნება. როგორია მსოფლიოში ერთ-ერთი მსხვილი და ხელმისაწვდომი ბრენდის გეგმები და რა სამუშაოები მიმდინარეობს გალერეა თბილისის მოსაწყობად. ნახეთ მარიამ სეთურიძისა და არჩილ ვაჟიკაშვილის რეპორტაჟში.
მაღალი მოსწრების მაგისტრანტები და სოციალურად დაუცველი წარჩინებული სტუდენტები. თბილის მერია წარმატებული სტუდენტების წახალისების პროგრამას განაგრძობს და დაფინანსებას ზრდის. თბილისის მერმა დავით ნარმანიამ, გასულ სემესტრებში უმაღლესი ქულების მქონე სტუდენტები დააჯილდოვა. რას გულისხმობს და რა სიახლეებს ითვალისწინებს მერიის სტუდენტთა წახალისების პროგრამა. დეტალები ნათია ხართიშვილის რეპორტაჟში.
ამერიკის შეერთებული შტატების საპრეზიდენტო არჩევნებამდე ერთ დღეზე ნაკლები რჩება. ვინ შეცვლის ბარაკ ობამას თეთრ სახლში - ჰილარი კლინტონი თუ დონალდ ტრამპი - საკითხი მსოფლო მედიის ყურადღების ცენტრშია. ბოლო გამოკითხვები ჰილარი კლინტონს მცირე უპირატესობას აჩვენებეს. ვის ერგო საფრანგეთში მცხოვრები ამერიკელების მხარდაჭერა და როგორია ჰოლივუდის ვარსკვლავების არჩევანი, ნახეთ ქეთი ჩოხელის რეპორტაჟში.
პროტეტის მე-6 დღე ზვარეში - სარკინიგზო გვირაბის მშენებლობაზე დასაქმებული 100-მდე მუშა სამუშაოს შესრულებაზე უარს აცხადებს და „ჩინეთის რკინიგზის 23-ე“ ბიუროს ადმინისტრაციის შენობასთან საპროტესტო აქციას მართავს. მუშების ერთადერთი მოთხვნა ჩინური კომპანიის ადმინისტრაციის საქმიანობის შეჩერებაა. დასაქმებულები დამსაქმებლების მხრიდან არაადამიანურ სამუშაო პირობებსა და ფიზიკურ შეურაცხყოფაზე საუბრობენ. სოფელ ზვარეში გაფიცული მუშების მხარდასაჭერად სხვადასხვა მუნიციპლიტეტის საწარმოებში დასაქმებულებიც ჩავიდნენ, ისინი ზვარეში რკინიგზის ლიანდაგის მშენებლობაზე დასაქმებულებს სოლიდარობას უცხადებენ. ჩინური კომპანიის ადმინისტრაციასა და ქართველ მუშებს შორის ფიზიკური დაპირისპირება 1-ელ ნოემბერს მოხდა, ინცინდენტის შედეგად 10-მდე ქართველი მუშა დაშავდა, რომელთა ნაწილიც ამ დრომდე საავადმყოფოებში რჩება.
საქართველოში იტალიის საგარეო საქმეთა მინისტრი იმყოფება. პაულო ჯენტილონი ვიზიტის ფარგლებში საგარეო საქმეთა მინისტრსა და პრემიერ-მინისტრს შეხვდა. სტუმარმა დისკუსიაში სახელწოდებით, “ იტალია-საქართველოს ურთიერთობები და ევროპის მომავალი“ მიიღო მონაწილეობა, სადაც ერთ-ერთი მნიშვნელოვანი საკითხი საქართველოს ევროინტეგრაციის პროცესი და ვიზალიბერალიზაციის მოლოდინი იყო. იტალიელი დიპლომატის ინფორმაციით, საქართველოსთვის უვიზო მიმოსვლასთან დაკავშირებით ევროკავშირი პოლიტიკურ გადაწყვეტილებას წლის ბოლომდე მიიღებს. პრემიერ-მინისტრმა პაოლო ჯენტილონის სტუმრობისთვის მადლობა გადაუხადა და აღნიშნა, რომ ვიზიტს საქართველოს მთავრობა იტალიის მიერ ქვეყნისადმი გამოხატულ მკაფიო მხარდაჭერად აღიქვამს. იტალიელმა დიპლომატმა გიორგი კვირიკაშვილი იტალიაში, იანვარში დაგეგმილ ეკონომიკურ ფორუმზე მიიწვია. პრემიერთან შეხვედრის შემდეგ იტალიის საგარეო საქმეთა მინისტრმა, ქართველ კოლეგასა და განათლების მინისტრთან ერთად ორ მემორანდუმს მოაწერა ხელი. ეკონომიკური ურთიერთობებისა და ორმხრივი თანამშრომლობის გაღრმავების გარდა, ვიზიტის ერთ-ერთი მთავარი თემა საქართველოს ვიზალიბერალიზაციის პროცესში იტალიის მხარდაჭერა იყო.
საქართველოში ნატოს „მტკიცე მხარდაჭერის მისიისა“ და ავღანეთში აშშ-ის სამხედრო ძალების სარდალი გენერალი ჯონ ნიკოლსონი იმყოფება. გენერალი პრემიერ-მინისტრსა და თავდაცვის მინისტრს შეხვდა. მხარეებმა ნატო-საქართველოსა და ამერიკის შეერთებულ შტატებთან სტრატეგიული ურთიერთობების საკითხებზე ისაუბრეს და თავდაცვის სფეროში არსებული თანამშრომლობის პერსპექტივები განიხილეს. პრემიერთან შეხვედრისას საუბრის ერთ-ერთი თემა “მტკიცე მხარდაჭერის მისიაში“ ქართველი სამხედროების ჩართულობა და საერთაშორისო უსაფრთხოების უზრუნველყოფაში საქართველოს მიერ შეტანილი წვლილი იყო. გენერალმა ჯონ ნიკოლსონმა საქართველოს მთავრობას სამშვიდობო ოპერაციებში ქართველი ჯარისკაცების მონაწილეობისა და მსოფლიო უსაფრთხოების დაცვაში შეტანილი წვლილისთვის მადლობა გადაუხადა. გენერალმა ნიკოლსონმა ჟურნალისტების შეკითხვებსაც უპასუხა. მათ შორის შავი ზღვის უსაფრთხოებასთან დაკავშირებით ნატოს ახალ სტრატეგიასთან დაკავშირებით და საქართველოს როლსა და ჩართულობაზეც.
ლევან იზორია თინა ხიდაშელის გადაწყვეტილებას ცვლის - აღდგენილი სამხედრო სავალდებულო სამსახური - ეს იყო ერთ-ერთი მთავარი საკითხი, რომელიც სამინისტროს ახალი სტრატეგიის პრეზენტაციაზე გახდა ცნობილი. როგორი იქნება ახალი სამხედრო სავალდებულო სამსახური, რას გეგმავს თავდაცვის სამინისტრო და როგორ აფასებენ ლევან იზორიას გადაწყვეტილებას ექსპერტები და პოლიტიკოსები, ლიკა ალელიშვილი გიამბობთ, ლიკა მოგესალმები და გისმენთ.
ხარაგაულის მუნიციპალიტეტის საკრებულოს რესპუბლიკელი თავმჯდომარე ინგა მაღრაძე თანამდებობიდან გაათავისუფლეს. კომუნიკაციიის ნაკლებობა და თანამდებობისთვის არაჯეროვანი დამოკიდებულება - ხარაგაულის საკრებულოს წევრები თავმჯდომარის თანამდებობიდან დათხოვნის მიზეზად ამ ფაქტორებს ასახელებენ. რესპუბლიკურ პარტში კი ინგა მაღრაძის იმპიჩმენტს ქართულ ოცნებას უკავშირებენ. რატომ გამოუცხადეს უნდობლობა ხარაგაულის საკრებულოს რესპუბლიკელ თავმჯდომარეს და რა გეგმები აქვს ლიდერების გარეშე დარჩენილ რესპუბლიკურ პარტიას ? ნიკა მუკბანიანი, ირაკლი აკობია დეტალებით.
პრემიერი მთავრობაში, საკადრო ცვლილებებს ადასტურებს, თუმცა, ამბობს, რომ ძალოვანი მინისტრების შეცვლა არ იგეგმება. გიორგი კვირიკაშვილის თქმით, მინისტრთა კაბინეტში ახალი სახეებიც იქნებიან. პრემიერმა, მეტი კონკრეტიკისგან თავი შეიკავა და განაცხადა, რომ დეტალები უახლოეს დღეებში გახდება ცნობილი.
ე.წ. ნავთლუღის სპეცოპერაციის საქმის არსებითი განხილვა გრძელდება. დღევანდელ სხდომაზე სახელმწიფო ბრალდებამ კუდის ყოფილი მაღალჩინოსნის გარდაცვლილი შალვა თათუხაშვილის წერილობითი ჩვენება წაიკითხა. გამომძიებლისთვის მიცემული ჩვენების მიხედვით, ნავთლუღის სპეცოპერაციისას ლიკვიდირებული 3 პირი შეუიარაღებელი იყო, მათი მიმართულებით კი კუდის რამდენიმე თანამშრომელი ისროდა. ამ წერილის თანახმად, საკონტროლო გასროლა დათა ახალაიამ და გიორგი დგებუაძემ, განახორციელეს. ამ ჩვენებას ბრალდებული გია დგებუაძის პროტესტი მოყვა. მისი თქმით, თათუხაშვილი პროკურატურასთან გარიგებულია.
მიხეილ სააკაშვილისა და პრეზიდენტის დაცვის ყოფილი უფროსის თემურ ჯანაშიას მორიგი სასამართლო პროცესი თბილისის საქალაქო სასამართლოში. პროკურატურა ბრალდებულებს სახელმწიფო ბიუჯეტის გაფლანგვას ედავება. კერძოდ, პროკურატურის ინფორმაციით, სახელმწიფო დაცვის სპეციალური სამსახურის უფროსმა თემურ ჯანაშიამ ყოფილი პრეზიდენტის მიხეილ სააკაშვილის მითითებით სახელმწიფო ბიუჯეტიდან არაერთი ნივთი შეიძინა. მათ შორის, საჩუქრები, ავიაბილეთები სტუმრებისათვის და სასტუმროს დაფინანსება. ბიუჯეტიდან გაწეულ ხარჯს ამ დრომდე გრიფით საიდუმლო ედო. დღევანდელ სხდომაზე პრეზიდენტის დაცვის ყოფილი წევრები დაიკითხნენ, რომლებმაც განაცხადეს, რომ ისინი ამ დავალებას თემურ ჯანაშიასგან იღებდნენ. დაცვის მხარემ კი განაცხადა, რომ მსგავსი პრაქტიკა ამ დრომდე გრძელდება და ასეთი ხარჯის ბიუჯეტიდან დაფინანსება უკანონო ქმედება არ არის.
საქართველოს მსგავსად 7 ნოემბერი მიხეილ სააკაშვილის უკრაინულ პოლიტიკურ კარიერაშიც სამუდამოდ დარჩება. მას უკრაინაში ოფიციალური პირის სტატუსი აღარ ექნება. ის ოდესის ოლქის გუბერნატორობიდან გადადგა და უკრაინის პრეზიდენტი მის წინამორბედ ვიქტორ იანუკოვიჩსაც შეადარა. ექსპერტთა ნაწილი ვარაუდობს, რომ სააკაშვილის წინააღმდეგ სამართლებრივი დევნა შესაძლოა უკრაინაშიც დაიწყოს, მან ეს იცოდა და ახლა ოპოზიციონერის სტატუსის მორგებას ცდილობს. როგორ აფასებენ მისი თანაგუნდელები, მმართველი გუნდი და პოლიტოლოგები სააკაშვილის გადადგომას გიორგი კობერიძე დეტალებით.
9 წელი 7 ნოემბრიდან, 2007 წლის 7 ნოემბრის ქრონიკა - დარბეული მომიტინგეები და ასობით დაშავებული მოქალაქე, სპეცრაზმის შეჭრა “ტელეიმედში” და პირდაპირ ეთერში დარბეული და დახურული ტელევიზია - როგორ იხსენებს 7 ნოემბრის სისხლიან ღამეს მაშინდელი სახალხო დამცველი, და რას ყვებიან დაზარალებულები. 9 წლის წინ განვითარებული მოვლენები და დაზარალებულთა ისტორიები ნახეთ თამარ წიკლაურის რეპორტაჟში.
ერთმანეთში არეული ნამცხვრის, ყავის, ჩაისა და წიგნის სასიამოვნო სურნელი. წყნარი მუსიკა - უმეტესად ჯაზის ან ბლუზის ჰანგები. რა თქმა უნდა უფასო ინტერნეტი და უამრავი წიგნი ქართულ, გერმანულ და ინგლისურ ენაზე. ეს 8 + 1 -ია - კაფე რომელიც მხოლოდ ინტერიერითა და გასტრონომიით არ არის საინტერესო. მას თავისი ისტორია აქვს, რომელიც ზუსტად 20 წლის წინ გაზეთით დაიწყო. გაზეთით, სადაც ოზურგეთის სკოლის მოსწავლეები კრიტიკულ წერილებსა თუ ლიტერატურულ ნაწარმოებებს წერდნენ. ნახეთ გიორგი მანჯავიძის,ლაშა მამულაშვილისა და ლაშა ნატროშვილის საავტორო რეპორტაჟი ოზურგეთიდან - 8+1 თავისუფლების ოაზისი.