ორეგონის შტატის (აშშ) ზოოპარკში მცხოვრები ზღვის წავი სახელად ედი, თავის 19 წლის ასაკში კალათბურთს თამაშობს. როდესაც ედი პატარ იყო, ის კალიფორნიის სანაპიროზე იპოვეს და მონტერეის ოკეანარიუმში გადაიყვანეს. 2000 წელს ის ორეგონის ზოოპარკში მოხვდა.2013 წელს გამოკვლევის დროს ცხოველს ართრიტი აღმოაჩნდა. ვეტერინარებმა მას ფიზიოთერაპია დაუნიშნეს. იმის გამო, რომ ზღვის წავებს არ აქვთ გააქტიურებული სახსრების მოძრაობა, ედის მეთვალყურემ სხვა საშუალებას მიმართა - მან გადაწყვიტა ესწავლებინა კალათბურთის თამაში. ქალბატონის თქმით, ეს იყო ძალიან იოლი, რადგან წავმა მანამდე უკვე იცოდა ნივთების მოტანა. როდესაც ედი იღებდა გადაგდებულ ბურთს, მას თათი რკალს ზემოთ ეჭირა, შემდეგ კი თათს უშვებდა და ნივთი ”კალათაში” ვარდებოდა. ყოველ ჯერზე, როდესაც წავი წარმატებით უმკლავდებოდა თავის საქმეს, მას აჯილდოებდნენ სასუსნავით. აქვე აღნიშნავენ, რომ ამ ვარჯიშმა ცხოველს ძალიან არგო. ფრედის მიერ ”კალათბურთის თამაშის” ვიდეოს ტელეეკრანებზე NBA-ს თამაშის დროსაც კი აჩვენებდნენ.
5 წლის ჯეკ რასელ ტერიერის ჯიშის ძაღლ მაილოს, რომელიც თურქეთის ქალაქ ანტალიაში ცხოვრობს, ძალიან უყვარს ფეხბურთის ყურება და დიდ სიხარულს გამოხატავს, როდესაც მის საყვარელ გუნდს კარში ბურთი გააქვს. ამ დროს, ის დგება ორ თათზე და გახარებული ყეფას იწყებს. აქ სიტყვები ზედმეტია, იხილეთ ვიდეო და მაილოს რეაქცია თავად შეაფასეთ.
ტაქსის მძღოლი მაღაზიაში პროდუქტების შესაძენად შევიდა, რომ სტიქიის წინ საკვები მოემარაგებინა. უკან დაბრუნებულმა ავტომობილის სალონში მტაცებელი ფრინველი დახვდა. როგორც ჩანს, ქორი, რომელიც ქარიშხალი ”ჰარვისგან” საკმაოდ დაშინებული იყო, მანქანას შეეფარა მაშინ, როდესაც იქ არავინ იყო. როდესაც ტაქსის მძღოლი უიდიამ ბრიუზო მაღაზიიდან დაბრუნდა, იქ ახალი ”მგზავრი” დახვდა. მამაკაცმა მტაცებელი ფრინველის გარეთ გაშვება სცადა, მაგრამ ქორი არაფრით ტოვებდა მანქანის სალონს. მაშინ ბრიუზომ ქორი სახლში წაიყვანა, იქ აჭამა. მეორე დღეს კი ფრინველი ველური ცხოველების გადარჩენის ცენტრის თანამშრომლებმა წაიყვანეს. ქარიშხალი ”ჰარვი” ყველაზე ძლიერი სტიქია აღმოჩნდა ბოლო 12 წლის მანძილზე, ანუ შტორმ ”კატრინას” შემდეგ, როდესაც დაიტბორა ქალაქი ახალი ორლეანი და ლუიზიანა. სტიქიამ 5 ადამიანის სიცოცხლე შეიწირა.
ზოგიერთ ძაღლს ბურთის დაჭერაც არ შეუძლია, ძაღლი პუტიკო კი ზოომაღაზიაში საკუთარი საკვების საყიდლად ხშირად დადის.პუტიკო პატრონთან ერთად ბრაზილიის ერთ-ერთ ქალაქში ცხოვრობს. ის ყოველდღე სტუმრობს მაღაზია Agro Pet-ს, რათა საკუთარი კალათა საკვებით აავსოს."პუტიკოს ყველა იცნობს. მისი საკვები ზედა თაროზე დევს, ამიტომ ჩვენ ყოველთვის ვაწვდით სასუსნავს. თუ გარკვეული დროის განმავლობაში ყურადღება არ მივაქციეთ, იწყებს ყეფას და არ ჩერდება, სანამ საკვებს არ მიიღებს",- ამბობს მაღაზიის თანამშრომელი.პუტიკო იმდენად კარგად არის გაწვრთნილი, რომ საკვებს მეგობარი ცხოველებისთვისაც ყიდულობს. პატრონი უკავშირდება მაღაზიის კონსულტანტს და ეუბნება, რომელი საკვები გაატანოს ძაღლს, ამ უკანასკნელს კი შეძენილი ნივთი საჭირო მისამართზე მიაქვს.შინაური ცხოველი არასოდეს ნერვიულობს, თუ ვინ გადაიხდის თანხას, რადგან პატრონს სახლში პუტიკოს მიერ შეძენილი საკვების ქვითრები ეგზავნება.
ავსტრალიელმა მეთევზეებმა ვიდეოზე დიდი თეთრი ზვიგენი გადაიღეს, რომელიც მათ ნავს გამოეკიდა. ვიდეორგოლი YouTube-ზე გამოქვეყნდა.ავსტრალიელმა ჯეიმს მილერმა და სემ შელაბირმა კუნძჲლ გარდენთან თევზაობის დროს ზვიგენი შეამჩნიეს. ”იგი ნავის გარშემო თითქმის ნახევარი საათის განმავლობაში დაცურავდა და ჩვენს მიერ დაჭერილ ერთ თევზს პირიც კი წაატანა. ძალიან მაგარი იყო”, - აღნიშ§ა მილერმა. მისი შეფასებით, ზვიგენის სიგრძე დაახლოებით 5 მეტრი იყო. დიდი თეთრი ზვიგენი - ერთ-ერთი ყველაზე დიდი მტაცებელი თევზია მსოფლიოში. ამ სახეობის წარმომადგენლის სიგრძე საშუალოდ 4.6-4.8 მეტრია, მაგრამ ხან მათზე დიდი ზომისებიც გვხვდება (დაახლოებით 6 მ.). დიდი თეთრი ზვიგენის სახეობა ადამიანისთვის ყველაზე საშიშ სახეობად ითვლება.
ბრიტანულ "ნიჭიერში" ბევრი საინტერესო კონკურსანტი გამოვიდა. ყველაზე მეტად კი დარბაზისა და ჟიურის გაოცება მოლაპარაკე ძაღლმა მოახერხა.მარკ მეტრალი საფრანგეთიდან ბრიტანეთში თავის ძაღლთან, ვენდისთან ერთად ჩავიდა. მან გადაწყვიტა, დამსწრე საზოგადოებისთვის საინტერესო ნომერი ეჩვენებინა. ჟიურიმ მარკი და ვენდი მორიგ ტურში უყოყმანოდ გადაიყვანა.
ემოციური ვიდეო, სადაც ლომის ფორმაში გამოწყობილი ბავშვი შუშის ბარიერიდან ნამდვილ ლომთან კონტაქტობს. უჩვეულო სანახაობა პატარას ნათლიამ ატლანტას (აშშ) ზოოპარკში გადაიღო და სოციალურ ქსელში გაავრცელა, რაც სწრაფად გახდა პოპულარული. ბავშვის ნათლიამ კამიმ ვიდეოს შემდეგი კომენტარიც დაურთო: "მეგობართან ერთად 11 თვის ნათლული ზოოპარკში წავიყვანე, რათა ნათლიების დღე აღგვენიშნა. ჩემს ნათლულს არიეს ეძახიან, რაც ივრითულად "ლომს" ნიშნავს, სწორედ ამიტომ დედამ ის ლომის ფორმაში გამოაწყო.""ლომები ინტერესით აკვირდებოდნენ პატარას. მეტიც, ისინი ბავშვს მიუახლოვდნენ და შუშის დამცავი ბარიერიდან ეკონტაქტებოდნენ. არიე რამდენიმე წუთის განმავლობაში უყურებდა მტაცებლებს და იღიმოდა. ეს იყო ერთ-ერთი საუკეთესო სამახსოვრო გასვლა ჩემს ნათლულთან ერთად,"-წერს სოციალურ ქსელში ბავშვის ნათლია კამი.
ეს ფილმი 3 წუთზე ნაკლები დროის განმავლობაში გრძელდება და ამ პერიოდში ძალიან ღრმა თემას იტევს. მთავარი გმირი - ბიჭი, რომელსაც ძალიან უნდა ლეკვის ყიდვა. სამი ლეკვიდან მყიდველს ერთი ლეკვი მოუვიდა თვალში, რომელსაც თათის მემკვიდრეობითი ტრავმა აქვს. გამყიდველს უნდა, გადაარწმუნოს ბავშვი და სხვა, ჯანმრთელ ლეკვს ურჩევს, მაგრამ როდესაც ეს არ გამოსდის, ის ლეკვს უფასოდ ატანს. მაგრამ ბავშვი მის წინადადებას არაფრით დათანხმდა! რატომ გააკეთა მან ეს?
ჩინეთს გადაუარა ტაიფუნმა ”ხატომ”, რომელსაც 12 ადამიანი ემსხვერპლა, ხოლო 270 - დაშავდა. რამდენიმე დღით ადრე თვითმხილველებმა გადაიღეს ვიდეო, თუ როგორ ცდილობენ მწერები ტაიფუნს გაქცევით უშველონ თავს. ვიდეორგოლი გადაღებულია რაიონ მაკაოში, რომელიც სტიქიამ ყველაზე მეტად დააზიანა.
დათვი ტყიდან გამოვიდა და ერთ-ერთ აგარაკზე ოჯახს ესტუმრა. ისინი ეზოში მწვადებს ამზადებდნენ. მტაცებელს ადამიანების ხილვისას რეაქცია არ ჰქონია. ის მშვიდად მიუახლოვდა მაყალს და ხორცის აღება სცადა. მეტიც, ცხოველი ადამიანების მიმართ არ გამოხატავდა შიშს ან აგრესიას.მისი გაგდების რამდენიმე მცდელობა უშედეგო აღმოჩნდა. იგი შეაშინა მხოლოდ ნაკვერჩხალმა, რომელზეც მან თათიც დაიწვა. ამის შემდეგ ის ტერიტორიას გაეცალა.ოჯახი მწვადის გარეშე დარჩა, რადგან ხორცს დათვი თათებით არაერთხელ შეეხო.
შვედი ფოტოგრაფი, გარეულ ცხოველთა ფონდის ეკოლოგებთან ერთად, აფრიკაში გაემგზავრა, რათა ბრაკონიერობის ფაქტებზე ინფორმაცია შეეგროვებინა.სპეციალისტები შემთხვევით შეხვდნენ სპილოსა და მის ნაშიერს. პატარა ცხოველმა ადამიანები საშიშად ჩათვალა და დედის დასაცავად მათ მიმართ აგრესიას გამოხატავდა.ის ფოტოგრაფთან მირბოდა და თავისი ხმიანობით მის შეშინებას ცდილობდა. იხილეთ პოზიტიური ვიდეო, სადაც პატარა სპილო დედის დაცვას ცდილობს.
"ინდოეთის სოფელ რამპარში, რომელიც გუჯარატის შტატში მდებარეობს, ძროხებმა იშვიათი აზიური ლომები გაყარეს,"- წერს ადგილობრივი გამოცემა.როგორც აღმოჩნდა, რამდენიმე მტაცებელი სოფელში ღამით შეიპარა და ერთ-ერთ ძროხაზე თავდასხმას გეგმავდა, თუმცა ამ უკანასკნელს მათ გამოჩენაზე რეაქცია არ გამოუხატავს. რამდენიმე წუთის შემდეგ გზაზე კიდევ რამდენიმე ძროხა გამოჩნდა, რომლებმაც ლომებს აიძულეს ადგილი დაეტოვებინათ.გარეული ცხოველები აღნიშნულ სოფლებს ხშირად სტუმრობენ, სწორედ ამიტომ შინაურ ცხოველებს მათ მიმართ შიში აღარ აქვთ. მეტიც, ძროხები მათ გასაყრელად შეტევაზეც გადადიან.ამავე სოფლის სიახლოვეს მდებარეობს გირის ეროვნული ტყე-პარკი, სადაც დღემდე ბინადრობენ უიშვიათესი აზიური ლომები.
გოგონამ თავისი ძაღლი სენდი მშობლებს დაუტოვა და ნიუ-იორკში საქმეებზე გაფრინდა.ის დღესასწაულებზე ოჯახში დაბრუნდა და გადაწყვიტა, ძაღლისთვის დიდი სიურპრიზი გაეკეთებინა. გოგონა დიდ ყუთში თავისი მოსიყვარულე ბინადრის გასაოცებლად დაიმალა. ვიდეოზე სენდიმ ცოცხალი საჩუქარი მიიღო. ნახეთ ეს ემოციური და მგრძნობიარე შეხვედრა!
ჩვენი ოთხფეხა მეგობრები თავიანთი უცნაური ქცევებით დღითიდღე გვაოცებენ. ძაღლებისგან განსხვავებით კატები ჩუმჩუმელა არსებები არიან და თუ გადაწყვიტეს რაიმეს დაზიანება, ამისკენ ჯიუტად და შეუპოვრად მიისწრაფვიან.უკრაინის ე.წ. "სუპერ მარკეტში" ფაქტზე დაიჭირეს კატა, რომელიც შაქრით სავსე ყუთში მოსაქმებას აპირებდა. ცხოველი მალულად ჩაძვრა ყუთში და მიიღო მოსახერხებელი ფორმა, თუმცა, საქმის დასრულება და მოსაქმებულზე შაქრის მიყრა არ აცალეს. იხილეთ სახალისო ვიდეო, რომელიც ინტერნეტ სივრცეში სწრაფად გავრცელდა.
ქალთევზას შესახებ ბევრი გვსმენია - ზოგს უჩნდება კითხვა, მართლა არსებობსის, თუ არა! თუ ამ საკითხს ოდნავ ზღაპრულად მივუდგებით, აღმოჩნდება, რომ მართალია და ისინი ნამდვილად არსებობენ. ეს კიდევ ერთი მტკიცებულებაა იმისა, რომ ჩვენი ბუნება ჯერ სრულად არ არის შესწავლილი!ახლა 21-ე საუკუნეა, თითქოს სამყარო ბოლომდეა გამოკვლეული, ყველა აღმოჩენა გაკეთებულია, მაგრამ სინამდვილეში მეცნიერები უფრო მეტ უიშვიათეს აღმოჩენებს აკეთებენ.ეს განსაკუთრებით ოკეანეებს ეხება, რადგან თუ დავაკვირდებით მათი მხოლოდ 8%-ია გამოკვლეული და 92% კი გამოცანადაა დარჩენილი. იქ შეიძლება აბსოლუტურად ყველაფერი იყოს.ქალთევზა - ნახევრად ქალი და ნახევრად თევზი. ფეხების მაგივრად დელფინის კუდი (ქალთევზა არ არის ქერცლით დაფარული) აქვს, დანარჩენით კი ის არაფრით განსხვავდება ადამიანისგან, ამასთან, როდესაც ქალთევზა ხმელეთზე გამოდის, მისი კუდი შრება და ადამიანის ფეხებად იქცევა. თავად სიტყვა ”ქალთევზა” თეთრს, სუფთას ნიშნავს.ქალთევზას ძალიან მკრთალი, ფაქტობრივად თეთრი კანი და ძალიან გრძელი მოთეთრო-მომწვანო თმა აქვს. თმას ისინი ნაპირას, ღამით, მთვარის შუქზე ივარცხნიან. საერთოდ ქალთევზა მეტწილად სწორედ ღამის არსებაა და მათი ნახვა დღისით პრაქტიკულად შეუძლებელია.ასევე, ქალთევზები ადამიანებისგან გამოირჩევიან არაპროპორციულად გრძელი ხელებით.ქალთევზები, ადამიანებისთვის უფრო ძნელად მისადგომ ადგილებში, სხვადასხვა წყალსატევში: ტბებში, მდინარეებში, ღელეებსა და ზღვებშიც კი ბინადრობენ.ეს იყო სრულიად სხვანაირი, ზღაპრული შეხედულება... ჩვენ ამ ყველაფერს უბრალოდ ან დავიჯერებთ ან არა...
მძინარე თეთრი ზვიგენი ვიდეოკამერაზე პირველად მოხვდა. იგი კარიბის კუნძულ გუადალუპეს აკვატორიაში გადაიღეს. ვიდეო პროგრამა "Shark Week на канале Discovery"-ის ჩარჩოებში შეიქმნა. ექსპერტები ხაზს უსვამენ, რომ ადრე ვერავინ შეძლო მძინარე თეთრი ზვიგენის დაფიქსირება. თევზი ამ დროსაც კი არ წყვეტს ცურვას: ის რომ გაჩერდეს, წყალი მის ლაყუჩებში მოძრაობას შეწყვეტდა და ვერ ისუნთქებდა. საშუალო სიჩქარე, რასაც მძინარე ზვიგენი გადიოდა დაახლოებით 23 კმ/სთ-ს შეადგენდა.მეცნიერები აღნიშნავენ, რომ არსებობენ რამდენიმე სახეობის ზვიგენები, რომლებსაც შეუძლიათ ძილი მოძრაობის გარეშე, მაგრამ თეთრი მათ რიცხვს არ მიეკუთვნება.თეთრი ზვიგენი ან დიდი თეთრი ზვიგენი ან ზვიგენი-კაციჭამია ან კარხაროდონი (ლათ.Carcharodon carcharias) ერთ-ერთი უდიდესი მტაცებელი თევზია დედამიწაზე. მისი ზომა 5 მეტრს აღწევს. ამ თევზის სიცოცხლის ხანგრძლიობა დაახლოებით 27 წელია. თეთრი ზვიგენი გადაშენების პირას მყოფ სახეობებს შორისაა: 2010 წლის მდგომარეობით, დედამიწაზე დაახლოებით 3500 ინდივიდია დარჩენილი. მათ კანონი იცავს სამხრეთ აფრიკის, ნამიბიის, ისრაელის, მალტის, ავსტრალიისა და აშშ-ს რამოდენიმე შტატის წყლებში. მძინარე თეთრი ზვიგენი - ნახეთ ეს იშვიათი კადრები.