2026 წლის პირველი კვარტალის განმავლობაში საქართველოს IT სექტორის შემოსავალი გასული წლის ანალოგიურ პერიოდთან შედარებით 65%-ით გაიზარდა და 441.3 მილიონი დოლარი შეადგინა.

როგორც ეროვნული ბანკის სტატისიტკა აჩვენებს ზრდა 2025-ის პირველ 3 თვესთან შედარებით 175 მილიონი დოლარი იყო. აქვე კი უნდა იტქვას, რომ თავად 2025 წელი ინდუსტრიისთვის რეკორდული იყო, გასულ წელს მთლიანმა შემოსავალმა 1.15 მილიარდ დოლარს მიაღწია, რაც 2024 წლის ანალოგიურ პერიოდთან შედარებით 67%იან ზრდას ნიშნავდა. IT სექტორის საგარეო შემოსავლის 65%-იანი მატება იყო ერთ-ერთი მთავარი მიზეზი, რის გამოც ინფორმაციისა და კომუნიკაციის სექტორში, ყველაზე მაღალი - 36%-იანი ზრდა დაფიქსირდა, ხოლო სექტორის ზომამ 2.2 მილიარდ ლარს მიაღწია. IT სექტორში არსებული ბუმი პირველ რიგში მიგრაციულ ეფექტს უკავშირდებოდა, რადგანაც საქართველოში დროებით საცხოვრებლად ათასობით რუსი, უკრაინელი და ბელარუსი IT სპეციალისტი გადმოვიდა, მათ კი თავის მხრივ დაარეგისტრირეს როგორც კომპანიები, ასევე მიიღეს ინდივიდუალური მეწარმეების სტატუსი შესაბამისად, მათი საქმიანობაც საქართველოდან მიწოდებულ IT სერვისებად ითვლებოდა.

თუკი 2021 წლის ბოლოს ინფორმაციისა და კომუნიკაციის სექტორში 30.6 ათასი ადამიანი იყო დასაქმებული, ეს 2022 წელს ჯერ 39 ათასამდე გაიზარდა, 2025 წელს კი 54.5 ათასს მიაღწია.

როგორია აიტი სექტორის განვითარების პოტენციალი საქართველოში?

სტუმარი: დავით კიზირია - ციფრული ტრანსფორმაციის კონსორციუმის კოორდინატორი

#ახალიამბები #BusinessMediaGeorgia