საქართველოს განათლების, მეცნიერებისა და ახალგაზრდობის მინისტრის ინფორმაციით, 2026 წელს ერთიან ეროვნულ გამოცდებზე დარეგისტრირებული 43 000-ზე მეტი აბიტურიენტიდან 79%-ზე მეტმა არჩევანი სახელმწიფოს მიერ დაფინანსებულ სახელმწიფო უნივერსიტეტებზე გააკეთა. შესაბამისად 20%-ზე ცოტა მეტმა გააკეთა პირველადი არჩევანი კერძო უნივერსიტეტებზე.

როგორც გივი მიქანაძემ 30 ივნისს, პირდაპირ ეთერში საუბრისას განაცხადა, ამით გამოჩნდა საზოგადოების განწყობა მთავრობის გადაწყვეტილებაზე, რომლის თანახმადაც, სახელმწიფო უნივერსიტეტებში სწავლა უფასო გახდა.

მინისტრმა კიდევ ერთხელ აღნიშნა, რომ წელს მთავრობამ უფასო სწავლებისთვის სახელმწიფო უმაღლეს სასწავლებლებში 21 600 ადგილი განსაზღვრა.

რა იცვლება აბიტურიენტებისთვის, რომლებიც დღეს ერთიან ეროვნულ გამოცდებს აბარებენ?

სტუმარი: გიორგი ჭანტურია - "განათლების პოლიტიკის ცენტრის" დირექტორი;

#ახალიამბები #BusinessMediaGeorgia